Тимоген®

Тимоген

Жоқ

Дәрілік түрі, дозасы

Мұрынға арналған дозаланған спрей, 25 мкг/доза

Антинеопластикалық және иммуномодуляциялайтын препараттар. Иммуностимуляторлар. Басқа иммуностимуляторлар.

АТХ коды L03AХ

• жоғарғы тыныс алу жолдарының жедел және созылмалы вирустық және бактериялық ауруларының профилактикасы және кешенді емдеу;

• иммунитет бәсеңдеуінің, қан түзілуінің, жарақаттан кейінгі және операциядан кейінгі кезеңдерде регенерация процестерінің профилактикасы;

• сәулелік терапия, химиотерапия және антибиотикалық терапия кезінде қайталама иммун тапшылығын түзету мақсатында кешенді адъювантты ем;

• иммунитеттің төмендеуімен қатар жүретін жедел және созылмалы инфекциялық-қабыну ауруларын кешенді емдеу.

Қолдану басталғанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық;

- 1 жасқа дейінгі балаларға.

Қолдану кезіндегі қажетті сақтандыру шаралары

Бірінші қабылдау кезінде және оны тоқтатқанда препараттың әсер ету ерекшеліктері жоқ. Созылмалы аурулары бар балалар мен ересектердің дәрілік препаратты қолдануында ерекшеліктер жоқ.

Басқа дәрілік препараттармен өзара әрекеттесуі

Химиотерапиялық дәрілік препараттардың (цитостатикалық, бактерияға қарсы дәрілік препараттар) және сәулелік емнің тиімділігін арттырады. Глюкокортикостероидты дәрілік препараттардың үлкен дозаларымен бір мезгілде қолдану ұсынылмайды. Көрсетілген препараттар үлкен дозаларының иммунодепрессивті әсері альфа-глутамил-триптофанның иммуностимуляциялық әсерін нивелирлейді.

Арнайы ескертулер

Жүктілік немесе лактация кезінде

Клиникалық деректердің жеткіліксіздігіне байланысты, егер ана үшін болжамды пайда шаранаға немесе балаға төнетін ықтимал қауіптен асып кетсе, жүктілік кезеңінде және бала емізу кезінде препаратты қабылдау дәрігердің тағайындауы бойынша ғана мүмкін болады. Препаратты қабылдағанға дейін дәрігермен кеңесіңіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тимоген көлік құралдарын басқару және психомоторлық реакциялардың жоғары концентрациясы мен жылдамдығын талап ететін басқа да қауіпті іс-шаралармен айналысу қабілетіне әсер етпейді.

Қолдану бойынша ұсынымдар

Дозалау режимі

Препаратты мынадай дозада интраназальді (мұрынға) енгізеді:

Ересектерге: әрбір мұрын жолына тәулігіне 2 рет 1 дозадан (бір бүрку) емдік мақсатта 10 күн бойы немесе профилактикалық мақсатта 3-5 күн бойы.

Балаларға: 1-ден 6 жасқа дейін бір мұрын жолына 1 доза тәулігіне 1 рет, 7-ден 14 жасқа дейін әрбір мұрын жолына 1 дозадан тәулігіне 1 рет.

Енгізу әдісі мен жолы

Жергілікті.

Құтыны бас бармағымен негізден, ал дозалау құрылғысының форсункасын ортаңғы және сұқ саусақтар арасында ұстау керек. Дозалау құрылғысының форсункасын мұрын жолына тігінен жоғары қалыпта салыңыз. Форсунканы бір рет басыңыз.

Емдеу ұзақтығы

Препарат емдік мақсатта 10 күн бойы немесе профилактикалық мақсатта 3-5 күн бойы қолданылады. Тимоген препаратының қайталау курсы 1 ай өткеннен кейін ғана жүргізіледі.

Артық дозалану жағдайында қабылдануы қажет шаралар

Артық дозалану жағдайлары сипатталмаған.

Дәрілік препараттың бір немесе бірнеше дозасын өткізіп алған кезде қажетті шаралар

Егер препаратты соңғы рет қабылдауды өткізіп алған болса, екі еселенген дозаны қабылдауға болмайды, емдеуді нұсқаулықта жазылғандай жалғастыру немесе ұсынылу қажет.

Ұсынылған дозадан жоғары дозаның ұлғаюы емдік әсердің ұлғаюына әкелмейді.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Қажет болса, препаратты қабылдағанға дейін дәрігермен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек (0,01%-дан азында кездеседі):

- аллергиялық ринит.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Препараттың бір дозасы (0.1 мл) құрамында:

белсенді зат – альфа-глутамил-триптофан (Тимоген натрий тимогенге шаққанда) 25.000 мкг.

қосымша заттар: натрий хлориді, бензалконий хлориді, тазартылған су.

Сыртқы түрінің, иісінің, дәмінің сипаттамасы

Түссіз мөлдір сұйықтық. Бензалконий хлоридіне тән иісі болуына жол беріледі.

Шығарылу түрі және қаптамасы

10 мл-ден күңгірт шыны құтыда. Құтыға форсункасы және қорғаныш қалпақшасы бар корпусы пластик сорғы-дозатор (100 мкл) орнатылған. Бір құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады. Құтыдағы дозалар мөлшері 80-нен кем емес.

2.5 жыл

Жарамдылық мерзімі өткеннен кейін қолдануға болмайды!

2 оС-ден 8 оС-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«МБҒӨК «Цитомед» АҚ, Ресей

Санкт-Петербург қ., Орлов-Денисовский даңғылы, 14 үй, 1 ғимарат.

Тел./факс: 8 (800) 505-03-01

Электронды пошта: registration@cytomed.ru

Тіркеу куәлігінің ұстаушысы

«МБҒӨК «Цитомед» АҚ, Ресей

Санкт-Петербург қ., Орлов-Денисовский даңғылы, 14 үй, 1 ғимарат.

Тел./факс: 8 (800) 505-03-01

Электронды пошта: registration@cytomed.ru

Қазақстан Республикасы аумағында орналасқан және тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«PARASAT PHARMA MEDICAL» ЖШС, Қазақстан Республикасы,

050046, Алматы қ., Алатау ауд., Шаңырақ-1, Өтемісұлы к-сі, 71Б үй

Тел.: +7 (727) 364-52-05; +7 (702) 490-31-10

E-mail: zhenyagr78@mail.ru