Трамадол (50 мг)

МНН: Трамадол
Производитель: Protech Biopharma Pvt. Ltd.
Анатомо-терапевтическо-химическая классификация: Tramadol
Номер регистрации в РК: № РК-ЛС-5№121793
Период регистрации: 19.11.2015 - 19.11.2020
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)

Инструкция

Саудалық атауы

Трамадол

Халықаралық патенттелмеген атауы

Трамадол

Дәрілік түрі

Капсулалар 50 мг

Құрамы

Бір капсуланың құрамында

белсенді зат - трамадол гидрохлориді 50 мг,

қосымша заттар: крахмал, кальций дигидрофосфаты, лактоза, натрий метилпарагидроксибензоаты, натрий пропилпарагидроксибензоаты, поливинилпирролидон (PVP K30), тальк,

капсула қабығының құрамы: желатин, темірдің (III) сары тотығы (E172), бриллиантты көк (E133).

Сипаттамасы

Өлшемі «2» ашық-жасыл/ ашық-жасыл түсті қатты желатинді капсулалар.

Капсуланың құрамы - ақ немесе ақ дерлік түсті ұнтақ.

Фармакотерапиялық тобы

Анальгетиктер. Апиындар. Басқа да апиындар. Трамадол.

АТХ коды N02AХ02

Фармакологиялық қасиеттері

Фармакокинетикасы

Сіңуі

Ішке қабылдағаннан кейін трамадол асқазан-ішек жолында тез және толық дерлік сіңеді. Орташа пероральді биожетімділігі шамамен 68% құрайды. Ас қабылдау сіңу жылдамдығына және дәрежесіне айтарлықтай ықпалын тигізбейді. Сарысулық 100 нг/л концентрацияға (тиімді ең төмен анальгетикалық концентрация) қабылдағаннан кейін шамамен 0,7 сағаттан соң жетеді және 9 сағат бойы сақталады.

ТаралуыПероральді және көктамыр ішіне енгізгеннен кейін таралу көлемі тиісінше шамамен 306 және 203 литрді құрайды. Плазма ақуыздарымен байланысуы – 20%-ға жуық. Трамадол плацента арқылы өтеді және оның кіндік бау қанындағы концентрациясы ана қанындағы концентрацияның 80%-ын құрайды.

МетаболизміТрамадолдың шамамен 85%-ы метаболизденеді. Трамадол N- және O-деметилдену арқылы метаболизмге ұшырайды. O-деметилденген метаболитті (M1) қоспағанда, барлық метаболиттер фармакологиялық тұрғыдан белсенді емес.

Шығарылуы

90% трамадол және оның метаболиттері бүйрек арқылы шығарылады, қалған бөлігі нәжіспен бірге бөлініп шығады. Жартылай шығарылу кезеңі 5-6 сағатты құрайды және трамадолда да, сондай-ақ оның метаболиттерінде де бірдей.

Бүйрек функциясының бұзылуларында бөлініп шығу көлемі және жылдамдығы азаяды, демек, креатинин клиренсі 0,5 мл/с кем пациенттерде дозаны төмендету және дозалар арасындағы аралықты арттыру керек.

М1 және трамадолдың метаболизмі бауырдың ауыр циррозы бар пациенттерде төмендейді, осыған байланысты доза түзетілуі тиіс.

75 жастан асқан пациенттерде қан плазмасындағы трамадол концентрациясының ең жоғары шыңы елеусіз артады және жартылай шығарылу кезеңі өте ұзақ, сондықтан дозаны түзету қажет.

Фармакодинамикасы

Трамадол орталықтық әсер ететін анальгетик болып табылады. Ол µ-рецепторларға жоғары ұқсастықпен µ, δ және к опиоидты рецепторлардың іріктелмеген агонистері болып табылады. Трамадол норадреналиннің нейрональді қармалуын тежейді, сондай-ақ серотониннің босап шығуын күшейтеді, ол препараттың ауыруды басатын әсеріне әкеледі. Трамадол емдік дозаларда жүрек-қантамыр жүйесіне ешқандай ықпалын тигізбейді дерлік (ол өкпе артерияларына тежегіш әсер бермейді және ондағы қысымды арттырмайды), тегіс бұлшықеттердің түйілуін, гистаминнің шығарылуын тудырмайды, демек, анафилактикалық реакциялар сирек жүреді. Тыныс алуға ықпалы өте төмен және өте жоғары дозаларда ғана білінуі мүмкін. Тәуелділіктің және дағдыланудың пайда болуы да өте сирек байқалады.

Қолданылуы

Қарқындылығы орташа және күшті ауыру синдромында

Қолдану тәсілі және дозалары

Доза аурудың қарқындылығына және пациенттің сезімталдығына қарай жекелей таңдалады. Әдетте ең төмен тиімді ауыруды басатын доза қолданылады. Препараттың ең жоғары рұқсат етілген дозасы тәулігіне 400 мг құрайды.

Басқадай көрсетілген жағдайда препаратты келесідегідей қолдану керек:

Ересектер

Жедел ауыру: 1-2 таблетка (50-100 мг) күніне 3-4 рет. Дене салмағы төмен науқастар үшін доза 0,7мг/кг есеппен есептеледі. Емдеу ұзақтығы клиникалық қажеттілікке байланысты.

Созылмалы ауруларға байланысты ауыру: Ұсынылған бастапқы доза 50 мг немесе 100 мг құрайды, содан кейін аурудың қарқындылығына қарай әрбір 4-6 сағат сайын дозаны титрлеу жүргізеді. Емді жалғастыру қажеттігіне ұдайы бағалау жүргізудің маңызы зор, өйткені тоқтату симптомдарының және тәуелділіктің дамуының пайда болуы туралы деректер бар.

Балалар

Препаратпен 18 жасқа дейінгі балалар және жасөспірімдерді емдеуге болмайды.

Егде жастағы пациенттер

Егер оларда бауыр немесе бүйрек жеткіліксіздігінің клиникалық біліністері болмаса, әдетте 75 жасқа дейінгі пациенттерді емдеуде дозаны түзету талап етілмейді. 75 жастан асқан пациенттерде шығарылу кезеңі ұзартылуы мүмкін. Сондықтан пациенттерге керегіне қарай, препаратты қолдану аралығы қажет болған жағдайда ұзартылады.

Бүйрек жеткіліксіздігі

Бүйрек жеткіліксіздігімен пациенттерде препараттың элиминациялануы баяулатылуы мүмкін. Бастапқы доза стандартты болуы мүмкін. Аталған науқастарға препаратты қолдану аралығын науқастың жекелей ерекшеліктеріне сәйкес ұзарту қажеттігін қарастыру керек.

Креатинин клиренсі <30 мл/мин науқастар үшін препаратты қолдану аралығы 12 сағатқа дейін ұзартылуы керек.

Трамадол креатинин клиренсі <10 мл/мин айқын бүйрек жеткіліксіздігімен науқастарға ұсынылмайды. Гемодиализде немесе гемофильтрацияда трамадол өте баяу шығарылады және сондықтан трамадолдың ауыруды басатын әсерін демеу үшін диализден кейінгі тағайындалуы талапқа сай емес.

Бауыр жеткіліксіздігі

Бауыр функциясының бұзылуымен пациенттерде препараттың ұзартылған элиминациясы байқалады. Стандартты доза 2 бөлікке бөлінуі керек немесе препаратты қолдану аралығы 12 сағатқа дейін ұзартылуы керек.

Аталған науқастарда науқастардың жекелей ерекшеліктеріне сай препаратты қабылдау аралығын ұзарту қажеттігін қарастыру керек.

Трамадолды айқын бауыр жеткіліксіздігімен науқастарға қолдануға болмайды.

Қолдану тәсілі

Капсулаларды бүтіндей, сындырмай және шайнамай, сұйықтың жеткілікті мөлшерімен, аспен бірге немесе ас қабылдауға тәуелсіз қабылдау керек.

Қабылдау ұзақтығы

Трамадолмен емдеу мерзімі қандай жағдай болса да оны қабылдаудың ең қажет шектік кезеңінен аспауы керек. Трамадолды ауыруды басу үшін ұзақ уақыт қабылдау қажет болған жағдайда аурудың ауырлық дәрежесі және сипатына қарай, емдеу ауқымы мен ары қарай қажеттігін анықтау үшін ұдайы мониторинг жүргізу керек (қажет болғанда емдеу барысында үзіліспен).

Жағымсыз әсерлері

Жиірек 10% пациенттерде дамитын жүрек айнуы және құсу секілді жағымсыз әсерлер кездеседі.

Келесі жиілікте байқалады:

Өте жиі: ≥1/10

Жиі: ≥1/100, <1/10

Жиі емес: ≥1/1000, <1/100

Сирек: ≥1/10 000, <1/1000

Өте сирек: <1/10 000

Жүрек-қантамыры жүйесі тарапынан бұзылыстар:

Жиі емес

- жүректің қағуы, тахикардия, ортостатикалық гипотензия, кардиоваскулярлы коллапс. Осындай жағымсыз реакциялар негізінен көктамыр ішіне енгізгенде, сондай-ақ физикалық әлсіреген пациенттерде дамуы мүмкін.

Сирек

- брадикардия, артериялық қысымның жоғарылауы

Тыныс алу ағзалары тарапынан бұзылыстар

Сирек

- тыныстың тарылуы, ентігу

Ұсынылған дозаны айтарлықтай жоғарылатқанда және бір мезгілде ОЖЖ бәсеңдететін басқа препараттарды қолданғанда, тыныстың тарылуы дамуы мүмкін. Себепті өзара әрекеттесуі анықталмаса да, демікпе симптомдарының күшеюі туралы деректер бар.

Жүйке жүйесі тарапынан

Өте жиі

- бас айналуы

Жиі

- бас ауыруы, ұйқышылдық

Сирек

- тәбеттің өзгеруі, сөйлеудің бұзылуы, парестезия, тремор, эпилепсия тәрізді құрысулар, бұлшықеттердің еріктен тыс жиырылуы, қимыл үйлесімінің бұзылуы, естен тану.

Құрысулар негізінен трамадолдардың жоғары дозасын қабылдағаннан кейін немесе құрысу шегін төмендететін дәрілік препараттарды бір мезгілде қолданғаннан кейін дамыды.

Психикалық бұзылыстар:

Сирек

- елестеулер, ұйқының бұзылуы, делирий, мазасыздық және түнгі қорқынышты түстер. Трамадолды енгізгеннен кейін қарқындылығы әрбір жекелеген жағдайда ауытқып отыратын (жекелеген ерекшеліктеріне және емдеу ұзақтығына байланысты) әртүрлі жағымсыз психикалық құбылыстар дамуы мүмкін. Олар көңіл-күйдің ауытқуын (әдетте, эйфория, кейбір жағдайларда дисфория), қимыл белсенділігінің өзгеруін (әдетте, бәсеңдеуі, кейбір жағдайларда күшеюі) когнитивті функцияларының және сенсорлық қабылдаудың (мысалы, шешім қабылдау қабілетінің бұзылуына және қабылдаудың бұзылуына) бұзылуын қамтиды. Дәріге тәуелділік дамуы мүмкін. Апиындарды қабылдауды тоқтатқандағы секілді тоқтату синдромымен қатар жүретін симптомдар дамуы мүмкін: ажитация, мазасыздық, күйгелектік, ұйқысыздық, гиперкинезия, тремор және асқазан-ішек жолдары жұмысының бұзылуы. Өте сирек трамадолды қабылдауды тоқтатқанда келесідегідей симптомдар кездеседі: паникалық шабуыл, қатты мазасыздық, елестеулер, парестезия, құлақтағы шуыл және ОЖЖ жұмысының бұзылуы (яғни сананың шатасуы, сандырақ ойлар, деперсонализация, дереализация, паранойя).

Көрудің бұзылуы

Сирек

- қарашықтың тарылуы, қарашықтың кеңеюі, көрудің бұлыңғырлануы

Асқазан-ішектік бұзылыстар

Өте жиі

- жүрек

Жиі

- іш қатуы, ауыздың құрғауы, құсу

Жиі емес

- кекірік, асқазан-ішек жолы тарапынан жайсыздық (асқазан аймағындағы түйілу сезімі, іштің кебуі), диарея

Тері және теріасты-шелмайы аурулары

Жиі

- гипергидроз

Жиі емес

- тері реакциялары (мысалы, қышыну, бөртпе, есекжем)

Сүйек-бұлшықет жүйесі және дәнекер тіндер зақымдануы

Сирек

- қимыл әлсіздігі

Гепатобилиарлы жүйе тарапынан

Бірнеше бір-бірімен байланысты емес жағдайларда трамадолды қабылдау уақытына сәйкес келетін бауыр ферменттері белсенділігінің жоғарылауы байқалды.

Бүйрек және несеп шығару жүйесі тарапынан бұзылыстар

- несеп шығарудың қиындауы, несеп шығарудың бұзылуы (дизурия және несептің іркілуі)

Иммунды жүйе тарапынан бұзылулар

Сирек

- аллергиялық реакциялар (мысалы, тыныстың тарылуы, бронхтүйілуі, қырылдау, ангионевроздық ісіну) және анафилактикалық реакция

Метаболизмнің және қоректік заттардың қорытылуының бұзылуы

Белгісіз

- гипогликемия

Жалпы бұзылыстар

Жиі

- шаршағыштық

Қолдануға болмайтын жағдайлар

  • трамадолға және/немесе препараттың қосымша ингредиенттеріне және басқа да апиынды анальгетиктерге жоғары сезімталдық

  • орталық жүйке жүйесі депрессанттарымен (алкоголь, орталықтық әсерімен анальгетиктер, апиындар, психотропты препараттар, ұйықтататын дәрілер) жедел уыттану

  • бүйректің ауыр жеткіліксіздігі (креатинин клиренсі минутына 10 мл төмен)

  • бауырдың ауыр жеткіліксіздігі

  • МАО тежегіштерін бір мезгілде қолдану (және оларды тоқтатқаннан кейін 14 күн ішінде)

  • ағымы талапқа сай бақылануы мүмкін емес эпилепсиядан зардап шегетін пациенттер

  • 18 жасқа дейінгі балалар және жасөспірімдерге

  • жүктілік және лактация кезеңі

Дәрілермен өзара әрекеттесуі

Трамадолды МАО тежегіштерімен біріктіріп қолдануға болмайды.

МАО тежегіштерін апиынды анальгетиктерді қолдануды бастағанға дейін 14 күн ішінде қабылдаған пациенттерде орталық жүйке жүйесіне, тыныс алу және жүрек-қантамыры жүйесіне өмірге қауіп төндіретін өзара әрекеттесуі байқалды. МАО тежегіштерімен осындай өзара әрекеттесуі трамадолды бір мезгілде тағайындағанда жоққа шығарылмайды.

Трамадолды орталық жүйке жүйесін басатын препараттармен, сондай-ақ этанолмен бір мезгілде қолданғанда олардың әсерлері өзара күшеюі мүмкін.

Карбамазепинді, барбитураттарды және микросомальді ферменттердің басқа индукторларын қолдану трамадолдың анальгезиялық әсерінің бәсеңдеуіне әкеп соғуы мүмкін.

Трамадолды ұзақ қолдану басқа апиындық анальгетиктерге айқаспалы толеранттылықтың пайда болуын стимуляциялайды.

Циметидинді (ферменттердің тежегіші) бірге немесе алдын ала қолданғанда клиникалық тұрғыдан маңызды өзара әрекеттесудің болуы екіталай.

Апиынды рецепторлардың агонистері/антагонистерін (мысалы, бупренофин, налбуфин, пентазоцинді) және трамадолды біріктіруге болмайды, өйткені бұл жағдайларда таза агонистердің ауыруды басатын әсері төмендейді.

Трамадолды серотонинді кері қармаудың селективті тежегіштерімен (SSRIs), серотонинді кері қармаудың серотонин-норадреналинді тежегіштерімен (SNRIs), үш- және тетрациклді антидепрессанттармен, нейролептиктермен және құрысу шегін төмендететін басқа да дәрілік заттармен бір мезгілде қолданғанда құрысудың даму қаупі артады.

Трамадолды серотонинді кері қармаудың селективті тежегіштері (SSRIs), серотонинді кері қармаудың серотонин-норадреналинді тежегіштері (SNRIs), МАО тежегіштері, үш- және тетрациклді антидепрессанттар секілді басқа серотонинергиялық заттармен біріктіріп қолданғанда, серотониндік синдром дамуы мүмкін. Серотониндік синдром симптомдары: сананың шатасуы, қозу, гипертермия, тершеңдік, атаксия, гиперрефлексия, миоклонус және диарея.

Егер келесі симптомдардың біреуі байқалса серотониндік синдром болуы мүмкін:

- Кенеттен болатын құрысулар

- Индукцияланған құрысулар немесе қозу және терлеу аясында көз бұлшықеттерінің тартылуы

- Тремор және гиперрефлексия

- Гипертония мен дене температурасы >38°C және индукцияланған немесе көз бұлшықеттерінің тартылуы.

Серотонинергиялық препараттарды қабылдауды тоқтату симптомдардың жылдам басылуын туындатады. Емі симптомдарының типі мен ауырлығына тәуелді.

Трамадолды және кумариндерді (мысалы, варфарин) бір мезгілде қолданғанда, протромбиндік уақыттың төмендеуіне байланысты қан кету және қанталаулар пайда болатындықтан, аса сақ болған жөн.

CYP3A4 басқа тежегіштері, мысалы, кетоконазол және эритромицин, трамадолдың (N-деметилдеу) және белсенді О-десметилтрамадолдың метаболизмін тежеуі мүмкін. Аталған өзара әрекеттесудің клиникалық мәні жеткілікті зерттелген жоқ.

Шектеулі зерттеулерде құсуға қарсы дәрі – 5-HT3 антагонисі – ондансетронды операцияға дейін немесе кейін қолдану – операциядан кейінгі ауыруларда трамадолды қажет етуді арттыратыны анықталды.

Айрықша нұсқаулар

Трамадолды пайда/қаупін бағалаумен келесі жағдайларда сақтықпен қолдану керек:

- Тоқтату симптомдары. Трамадолдың емдік дозалары тоқтату симптомдарын туындатуы мүмкін (хабарлардың жиілігі 1/8000 жағдайды құрайды)

- Дәрілік тәуелділігі. Тәуелділік симптомының даму жағдайлары сирек және тоқтату симптомдарына қарағанда айтарлықтай сирек кездеседі.

Трамадолмен емдеудің клиникалық қажеттігі дәрігермен бақылануы керек. Трамадол тәуелділіктің дамуының төмен потенциалына ие. Әйтсе де ұзақ уақыт қолданғанда дағдылану, психикалық және физикалық тәуелділік дамуы мүмкін. Дәрілік заттарды шектен тыс қолдануға бейім және дәрілік препараттарға тәуелділікпен пациенттерді трамадолмен емдеу тек қысқа мерзім ішінде және дәрігердің қатаң бақылауымен жүргізілуі керек.

– Апиынды тәуелділікпен науқастар. Трамадол апиынға тәуелділікте орын алмастыру емі ретінде қолдануға келмейді, өйткені ол морфинді тоқтату симптомдарын баспайды.

– Апиындарға сезімтал пациенттерде, Трамадолды сақтықпен тағайындау керек.

– Трамадолды бас жарақаттарында, бассүйекішілік қысым жоғарылағанда, бауыр жеткіліксіздігінде (трамадолдың және оның белсенді метаболиттері метаболизмінің төмендеуі) және бүйрек жеткіліксіздігінде (трамадолдың және оның белсенді метаболиттерінің шығарылуы ұзарғанда және жылдамдығы төмендегенде), құрысу бұзылыстарына бейім немесе шок жағдайындағы науқастардың санасы төмендегенде сақтықпен тағайындау керек.

- Құрысуға дайындықпен науқастар. Трамадолдың емдік дозасын тағайындағанда құрысу симптомының даму жағдайлары байқалуы және ұсынылған тәуліктік дозаны жоғарылатқанда құрысудың даму қаупі жоғарылауы мүмкін. Эпилепсиясы бар немесе құрысуға бейім пациенттерді трамадолмен емдеуді тек клиникалық негіздемелері болған жағдайда ғана қарастырған жөн. Құрысу синдромының даму қаупі трамадол мен құрысу шегін төмендететін препараттарды бір мезгілде қабылдайтын пациенттерде артады.

- Препаратты тыныс алу жеткіліксіздігімен науқастарға немесе орталықтық әсері бар депрессанттармен бір мезгілде тағайындағанда немесе дозасы ұсынылған дозадан айтарлықтай жоғары болған жағдайда сақтықпен тағайындау керек, өйткені бұл жағдайда тыныс алу депрессиясының дамуын жоққа шығаруға болмайды.

- Трамадолмен емдеу кезінде карбамазепинді бір мезгілде тағайындау немесе алкогольді тұтыну ұсынылмайды.

- психикалық белсенді препараттарды және алкогольді қамтитын субстанцияларды қабылдаумен байланысты трамадолды кездейсоқ артық дозалаған жағдайларда өлім жағдайлары жөніндегі хабарларға байланысты трамадолды алкогольді тәуелділікпен және қандай-да болмасын психоактивті заттарды қабылдайтын науқастарға сақтықпен тағайындау керек.

Анальгетиктерді, күнара және жиі ұзақ уақыт (3- айдан астам) қабылдағанда, бас ауыруы дамуы немесе күшеюі мүмкін. Бұл жағдайда трамадолдың дозасын жоғарылатуға болмайды. Дәрігермен кеңескеннен кейін анальгетиктерді қолдануды тоқтату туралы мәселені қарастыру керек.

Жүктілік және лактация кезеңі

Жүктілік

Жануарларға жүргізілген зерттеулер көрсеткендей, трамадолдың өте жоғары дозалары ағзалардың дамуына, оссификацияға және жаңа туғандардың өліміне әсер етеді. Трамадол плацента арқылы өтеді. Трамадолды жүктілік кезінде адамдарды емдеу үшін қолданудың қауіпсіздігі туралы жеткілікті деректер жоқ . Осы себепті трамадолды жүкті әйелдерді емдеу үшін қолдануға болмайды.

Трамадолды босануға дейін немесе босану кезінде енгізу жатырдың жиырылғыштығына әсер етпейді. Жаңа туғандарда ол тыныс алу жиілігінің өзгеруін туындатуы мүмкін, оның, әдетте, клиникалық мәні жоқ.

Жүктілік кезінде ұзақ уақыт қолдану жаңа туған балада тоқтату синдромының дамуына әкелуі мүмкін.

Емшекпен қоректендіру

Лактация кезінде препараттың анасымен қолданған дозасының 0,1% жуығы сүтпен шығарылады. Препаратты емшекпен қоректендіру кезінде қабылдауға болмайды.

Репродуктивті функциялар

Постмаркетингтік бақылау нәтижелері трамадолдың репродуктивті функцияларға әсерін анықтаған жоқ. Жануарлардың қатысуымен жүргізілген зерттеулер нәтижелері бойынша трамадолдың репродуктивті функцияларға әсері анықталған жоқ.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Нұсқаулыққа сәйкес қабылдағанның өзінде, трамадол ұйқышылдық және бас айналуын туындатуы мүмкін болғандықтан жүргізушілер және механизмдер операторларының реакциясы нашарлауы мүмкін. Бұл әсіресе басқа да психотропты заттарды, атап айтсақ алкогольді бір мезгілде қолдануға қатысты.

Артық дозалануы

Трамадолмен артық дозалану симптомдары орталыққа әсер ететін басқа анальгетиктерді (апиындарды) қолданғанда орын алатын симптомдарға ұқсас.

Симптомдары: қарашықтың тарылуы немесе кеңеюі, құсу, коллапс, артериялық қысымның төмендеп кетуі, жүректің қағуы, сананың тежелуі (коматозды жағдайға дейін), эпилепсиялық құрысулар, тоқтап қалуға дейін болатын тыныстың тарылуы (апноэ).

Емі:

Мамандандырылған бөлімдер жағдайында өмір үшін маңызды тыныс алу және қан айналу функцияларын демеу/қалпына келтіру. Тыныстың тарылуы жағдайында у қайтарғысы налоксон болып табылады, құрысуларда диазепамды қолдану мақсатқа сай болып табылады.

Препаратты ішу арқылы қабылдағанда артық дозаланған жағдайда белсенділендірілген көмір қабылдау керек, асқазанды шаю трамадолды қабылдағаннан кейін алғашқы 2 сағат ішінде ұсынылады. 2 сағат өткеннен кейін сұйықтың көп мөлшерімен дезинтоксикацияға қатысты шараларды жүргізу керек.

Трамадол гемодиализде және гемофильтрацияда мардымсыз шығарылады, сондықтан трамадолмен жедел уыттануды араласудың аталған түрлерімен емдеу талапқа сай емес.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.

Пішінді ұяшықты 1 немесе 2 қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, құрғақ жерде, 300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші ұйымның атауы мен елі

Protech Biopharma Pvt. Ltd. Үндістан

Қаптаушы ұйымның атауы мен елі

Protech Biopharma Pvt. Ltd. Үндістан

Тіркеу куәлігі иесінің атауы мен елі

Protech Biopharma Pvt. Ltd. Үндістан

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

«Деново Импекс» ЖШС, Қазақстан Республикасы, Алматы қ. 050062,

Өтеген батыр к-сі, 15

тел.: 727 2437415

факс: 727 2437416

e-mail: denovo.kz@rambler.ru

 

Прикрепленные файлы

482242411477976334_ru.doc 110.5 кб
446123101477977594_kz.doc 128 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники