Эранфу (250 мг/ 5 мл)

Эранфу

Фулвестрант

Бұлшықет ішіне инъекция жасауға арналған шприцтегі ерітінді, 250 мг/5 мл

5 мл ерітіндінің құрамында

белсенді зат - 250 мг фулвестрант

қосымша заттар: этил спирті (96%), бензил спирті, бензилбензоат, майсана майы.

Көзге көрінетін қоспаларсыз, түссізден сары түске дейінгі мөлдір тұтқыр сұйықтық

Антинеопластикалық және иммуномодуляциялайтын препараттар. Эндокриндік ем. Гормондар антагонистері мен олардың аналогтары. Антиэстрогендер. Фулвестрант.

АТХ коды L02BA03

Фармакокинетикасы

Бұлшықет ішіне инъекция жасағаннан кейін фулвестрант баяу сіңіп, қан плазмасында ең жоғары концентрацияға шамамен 5 күннен соң жетеді. 500 мг фулвестрантпен емдеуге ауысқан кезде қанда тұрақты немесе оған ұқсас әсер етуші затқа препаратты қабылдаудың алғашқы айы ішінде жетеді (орташа: AUC күніне 475 нг./мл [33.4%], Сmax 25.1 нг/мл [35.1%] Cmin 16.3 нг/мл [25.9%], сәйкесінше). Тепе-тең жағдайда плазмадағы фулвестрант мөлшері біршама тар шекте өзгереді – ең жоғары және ең төмен көрсеткіштерінде шамамен 3 есе айырмашылықтары бар. Бұлшықет ішіне инъекциядан кейін концентрация-уақыт қисығы астындағы аудан енгізілген дозаға (50-ден 500 мг-ге дейінгі аралықта) шамамен пропорционалды.

Фулвестрант экстенсивті және тез таралуымен сипатталады. Ең жоғары болжамды таралу көлемі (3-тен 5 л/кг дейін) тепе-тең концентрацияда көбінесе экстраваскулярлы түрде таралады деп шамаланады.

Қан плазмасы ақуыздарымен байланысы – 99%. Байланысуының негізі компоненттеріне тығыздығы өте төмен липопротеиндер (ТӨТЛП), тығыздығы төмен липопротеиндер (ТТЛП) және тығыздығы жоғары липопротеиндер (ТЖЛП) фракциялары қамтылады. Жыныстық гормонды байланыстыратын глобулин рөлі анықталған жоқ.

Фулвестранттың метаболизмі эндогенді стероидтар (17-кетон, сульфон, 3-сульфат, 3- және 17-глюкуронид метаболиттерін қоса) метаболизмінің механизмдеріне ұқсас биотрансформациясының көптеген потенциалды жолдарының біріктірілімін қамтиды. Идентификацияланған метаболиттер фулвестрантқа белсенділігі бойынша азырақ белсенді немесе тең. CYP 3A4 Р450 туыстығынан жалғыз ғана изофермент болып табылады, ол фулвестранттың тотығуына қатысады. Алайда Р450 қатысуынсыз биотрансформациядан in vivo басым болады деп шамаланады.

Фулвестрант негізінен метаболиттер түрінде асқазан-ішек жолы арқылы шығарылады, несеппен бірге заттың 1%-дан азы шығарылады. Фулвестранттың клиренсі жоғары, 11±1.7 мл/мин/кг болады, бұл бауыр арқылы шығарылу дәрежесінің жоғары екендігін шамалайды. Бұлшықет ішіне енгізгеннен кейін жартылай шығарылу кезеңі (t1/2) сіңу жылдамдығына байланысты және шамамен 50 күнге тең.

Ерекше популяциялар:

Фулвестранттың фармакокинетикалық бейіні жасқа (33-89 жас ауқымында), дене салмағына (40-127 кг) және нәсілдік тегіне байланысты емес.

Бүйрек функциясының бұзылулары

Бүйрек функциясының жеңіл жәнет орташа бұзылулары фулвестранттың фармакокинетикасына клиникалық тұрғыдан маңызды әсерін тигізбейді.

Бауыр функциясының бұзылулары

Фулвестранттың бір реттік үлкен дозасын қолданғанда бауыр функциясының жеңіл және орташа бұзылулары бар пациенттерде AUC мәнінің 2,5 есеге артқаны байқалды, дегенмен, концентрацияның мұндай артуы пациенттерге жағымды болды. Бауыр функциясының ауыр бұзылулары бар пациенттерде фулвестранттың фармакокинетикасына зерттеулер жүргізілген жоқ.

Фармакодинамикасы

Фулвестрант эстроген-рецепторлардың (ЭР) бәсекелес антагонисті болып табылады. ЭР-ге аффинділік деңгейі бойынша эстрадиолмен ұқсас. Фулвестрант эстрогендердің трофикалық әсерін бөгеп, өзінің эстрогенге ұқсас белсенділігін көрсетпейді. Әсер ету механизмі эстроген-рецепторлардың (ЭР) белсенділігінің басылуымен және дегидратациясымен байланысты. Фулвестрант прогестерон рецепторларының экспрессиясын сенімді түрде төмендетеді.

Фулвестрант постменопаузада әйелдердің эндометрийлерін стимуляциялайтын әсер бермейді. Ұзақ уақыт емдегенде постменопаузадағы эндотелийде фулвестранттың әсерлері анықталған жоқ. Сондай-ақ эндометрийдің морфологиясына қатысты деректер жоқ. Фулвестрантты ұзақ қолданудың сүйек тініне ықпалы жөнінде деректер жоқ.

Постменопаузадағы әйелдерде эстрогендік рецепторлардағы сүт бездерінің оң, рецептивті немесе метастаздық обырларын емдеу үшін:

- егер бұрын эндокриндік еммен емделмесе

- егер антиэстрогендермен адъювантты емнен кейін немесе оның аясында ауру қайталанса немесе антиэстрогендермен ем қабылдау аясында ауру өршісе.

Эранфудің бұлшықет ішіне баяу енгізілетін, бірінен кейін бірі жасалатын 5 мл-лік екі инъекциясын қолдану қажет (инъекцияға 1-2 минут, әрбір бөксеге 1 инъекциядан).

Шонданай жүйкесіне жақын болғандықтан, дорзоглютеральді аймақта бұлшықет ішіне инъекция жасағанда сақтық танытқан жөн.

Әйел жынысты ересек пациенттер (егде жастағыны қоса)

Ұсынылатын доза – айына бір рет 500 мг, емдеудің алғашқы айында алғашқы дозадан кейін екі аптадан соң қосымша 500 мг доза беріледі.

Бүйрек функциясы бұзылған пациенттер

Бүйрек функциясының жеңіл немесе орташа бұзылу жағдайларында (креатинин клиренсі ≥ 30 мл/мин) дозаны түзету қажет емес. Препараттың қауіпсіздігі мен тиімділігі бүйрек функциясының ауыр бұзылулары бар (креатинин клиренсі < 30 мл/мин) пациенттерде анықталған жоқ.

Бауыр функциясының жеткіліксіздігі бар пациенттер

Бауыр функциясының жеңіл немесе орташа жеткіліксіздігі жағдайында дозаны түзету қажет емес, Эранфуді осы пациенттерде сақтықпен қолданған жөн, өйткені фулвестранттың әсері артуы мүмкін.

Жұмыс жасау және пайдалану жөнінде нұсқаулық

Маңызды! Пайдаланар алдында қауіпсіз инені өңдеуге тыйым салынады.

Шприцтің шыны корпусын пішінді ұяшықты қаптамадан шығарып алу және бүлінбегеніне көз жеткізу керек.

Қауіпсіз иненің сыртқы қаптамасын жырту керек. Иненің ұшын зақымдамау үшін, иненің футлярын қатаң түрде иненің бағыты бойымен алу керек.

Пайдалану кезінде инеге ештеңені тигізуге болмайды.

Шприц ұшының ақ пластик қақпағының жалғастырғыш маңдайшасын сындырады және каучук ұштықпен бекітілген қақпағын алып тастайды

(1-суретті қараңыз).

1-сурет.

Инені шприцтің ұштығына айналдыра отырып бекітеді (2-суретті қараңыз).

2-сурет.

Инеден футлярын алады. Пайдаланар алдында парентеральді түрде енгізілетін ерітіндіде бөлшектердің жоқтығына және түсінің өзгермегеніне көзбен қарап баға беріледі. Шприцтен газдың артық көпіршіктерін шығарады (ұсақ көпіршіктер қалдырылуы мүмкін). Ерітіндіні бөксеге баяу (инъекцияға 1-2 минут) енгізеді. Ыңғайлы болу үшін ине ұшын «кесіп тастау» қауіпсіздік құрылымындағы иінтірек тетіктің орналасуына сәйкес келеді (3-суретті қараңыз).

3-сурет.

Инені бөксе бұлшықетінен шығарып алғаннан кейін, иненің ұштығы толық жабылғанша, оның шеткі алдыңғы жағына иінтірек тетікті қыса отырып, иненің қорғаныш құрылғысын дереу белсенді ету керек (4-суретті қараңыз).

Инъекциядан кейін белсенділендіру керек

4-сурет.

Қорғаныш механизмді белсенділендірген кезде инъекциядан кейін инеде қалып қоюы мүмкін сұйықтық барынша өте аз шашырауы мүмкін.

Иінтірек тетіктің өз орнына келгеніне және иненің ұшының толық жабылғанына көзбен қарап көз жеткізу керек. Егер иненің қорғаныш құрылымын белсенді етуге қол жеткізілмесе, инені дереу инелерге арналған стандартты контейнерге салу керек.

Барынша жоғары қауіпсіздік үшін барлық манипуляцияны оны өзіңнен және айналадағылардан қашықтау жерде бір қолмен жасаған жөн.

Жағымсыз реакциялардың жиілігін белгілеу: өте жиі (>10%); жиі (>1- ≤10%); сирек (>0.1- ≤1%);

Өте жиі

- аса жоғары сезімталдық реакциялары

- қан кернеулер

- бөртпе

- біріккен және қаңқа-бұлшықет ауыруы (өзіне артралгияны және сирек қаңқа-бұлшықет ауыруын, миалгияны және аяқ-қолдың ауыруын қамтиды)

- жүректің айнуы

- астения

- инъекция жасалған жерде реакциялар (қан құйылу, инъекция жаслаған жердегі гематома, ишиас, невралгия және шеткері невропатия)

- бауыр энзимдері (АЛТ, АСТ, сілтілік фосфатаза) белсенділігінің жоғарылауы

Жиі

- тромбоциттер санының азаюы

- қынаптық қан кету

- шеткері нейропатия, ишиас

- бас ауыру

- билирубин деңгейінің жоғарылауы

- құсу, диарея

- анорексия

- несеп шығару жолдарының инфекциялары

- веналық тромбоэмболия

- бел тұсының ауыруы

Жиі емес

- анафилаксиялық реакциялар

- қынаптық жыланкөз, лейкорея

- инъекция жасалған жерге қан құйылу, гематома, невралгия

- бауыр функциясының жеткіліксіздігі

- гепатит

- глутамилтранспептидаза деңгейінің жоғарылауы

- фулвестрантқа немесе препараттың кез келген басқа компонентіне жоғары сезімалдық

- маскүнемдіктен, эпилепсиядан зардап шегіп жүрген адамдар үшін, бауыр ауруы бар науқастарға

- жүктілік және емшек емізу кезеңі

- 18 жасқа дейінгі балалар мен жасөспірімдерге (пациенттердің осы топтарында қауіпсіздігі мен тиімділігі жөнінде деректер жоқ).

Мидазоламмен (CYP 3A4 субстраты) клиникалық өзара әрекеттесуді зерттеу нәтижелері бойынша, фулвестрант CYP 3A4-ті тежемейді.

Рифампицинмен (CYP 3A4 индукторы) және кетоконазолмен (CYP 3A4 тежегіші) клиникалық өзара әрекеттесуіне жүргізілген зерттеулерде фулвестрант клиренсінің клиникалық тұрғыдан маңызды өзгерулері табылған жоқ. Сондықтан фулвестрантты CYP 3A4 индукторларымен немесе тежегіштерімен біріктіріп тағайындағанда дозаны түзету қажет болмайды.

Фулвестрантпен емдеу ісікке қарсы препараттарды қолдану тәжірибесі бар дәрігердің бақылауымен ғана жүргізілуі тиіс.

Препараттың құрамында этил спирті бар болғандықтан, фулвестрантты маскүнемдіктен, эпилепсиядан зардап шегіп жүрген науқастарға, сондай-ақ бауыр ауруы бар пациенттерге қолдануға болмайды.

Фулвестрантты бүйрек функциясының ауыр бұзылулары бар (креатинин клиренсі < 30 мл/мин) пациенттерге пайдаланғанда сақтық таныту ұсынылады.

Препаратты қолдану тәсілін ескеріп, фулвестрантты геморрагиялық диатезі, тромбоцитопениясы бар пациенттерге немесе антикоагулянттарды қабылдап жүрген пациенттерге қолданған кезде сақ болу ұсынылады.

Сүт бездерінің таралған обыры бар әйелдерде тромбоэмболиялар жиі байқалады. Фулвестрантты тромбоэмболия қаупі бар пациенттерге тағайындағанда бұған көңіл бөлу қажет.

Фулвестрантты ұзақ қолданудың сүйек тініне әсері анықталған жоқ. Фулвестранттың әсер ету механизмін ескерер болсақ, остеопороздың потенциалды қаупін жоққа шығаруға болмайды.

Фулвестрант басқа дәрілік препараттармен араластырылмауы тиіс.

Эранфудің қауіпсіздігі мен тиімділігі (монотерапияда немесе палбоциклибпен біріктірілімінде) ауыр висцеральді ауруы бар пациенттерде зерттелген жоқ. Препаратты бөксе бұлшықетінің ішіне енгізгенде, негізгі шонданай жүйкесі жақын орналасқандықтан, сақтық танытқан жөн. Фулвестрантпен инъекция жасағанда ишиасты, невралгияны, невропатияны және шеткері невропатияны қоса, инъекциямен байланысты жағдайлар жөнінде мәлімделді.

Антиденелердің зертханалық көрсеткіштерінің эстрадиолға ықпалы

Фулвестрантты қолданған кезде эстрадиолға антиденеге зертханалық талдауда, фулвестрант пен эстрадиолдың құрылымдық ұқсастығына байланысты, эстрадиолдың жалған-жоғары деңгейі байқалуы мүмкін.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Атомобильді және басқа да механизмдерді басқаруға фулвестранттың ықпал етуі мардымсыз. Астения симптомдары бар пациенттер автомобильді немесе басқа да механизмдерді басқарғанда сақтық танытуы қажет.

Адамда артық дозалану жағдайлары белгісіз.

Симптомдары: жағымсыз әсерлері күшеюі мүмкін.

Емі: симптомдық демеуші ем жүргізу.

Шығарылу түрі және қаптамасы

Енгізу жүйесінің қауіпсіздігі үшін бромбутил плунжермен (stop / Finger Grip) жабдықталған, мөлдір бейтарап шыныдан (1 тип) жасалған шприцте (PFS) 5 мл препараттан. ПВХ-ден жасалған ұяшықты қаптамаға (астауша/қақпақ) 2 шприцтен салынған.

Бір ұяшықты қаптама және бұлшықет ішіне енгізуге арналған екі стерильді ине қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Жарықтан қорғалған жерде, 2-8°С температурада түпнұсқалық қаптамасында сақтау керек.

Балалардың қолы жетпейтін жерде сақтау керек!

24 ай

Жарамдылық мерзімі өткеннен кейін қолдануға болмайды.

Рецепт арқылы