Энхерту (Трастузумаб дерукстекан)

Энхерту®

Трастузумаб дерукстекан

Дәрілік түрі, дозасы

Инфузияға ерітінді дайындау үшін концентрат дайындауға арналған лиофилизат, 100 мг

Антинеопластикалық және иммуномодуляциялайтын препараттар. Антинеопластикалық препараттар. Моноклонды антиденелер және дәрілік заттармен антиденелер конъюгаттары. HER2 (2 типті адамның эпидермалық өсу факторының рецепторы) тежегіштері. Трастузумаб дерукстекан.

АТХ коды L01FD04

Сүт безінің обыры

HER2-оң сүт безінің обыры

Энхерту® препараты бұрын анти-HER2 препараттар негізіндегі бір немесе бірнеше емдеу сызбасын алған операция жасалмайтын немесе метастаздық HER2-оң сүт безінің обыры бар ересек пациенттерді емдеу үшін монотерапия ретінде көрсетілген.

HER2-әлсіз оң сүт безінің обыры

Энхерту® препараты бұрын метастаздық ауру себебімен химиялық ем алған немесе адъювантты химиялық ем кезінде немесе ол аяқталған соң 6 ай ішінде аурудың қайталануы дамыған HER2 деңгейі төмен операция жасалмайтын немесе сүт безінің метастаздық обыры бар ересек пациенттерді емдеу үшін монотерапия ретінде көрсетілген.

Өкпенің ұсақ жасушалы емес обыры (ӨҰЖО)

Энхерту® препараты ісіктерінің HER2 (ERBB2) белсендіргіш мутациясымен кең таралған ӨҰЖО бар және иммундық еммен бірге немесе онсыз платина негізіндегі химиялық емнен кейін жүйелік ем қажет болатын ересек пациенттерді емдеу үшін монотерапия ретінде көрсетілген.

Асқазан обыры

Энхерту® препараты бұрын трастузумаб негізіндегі емдеу сызбасын қолданған асқазанның немесе гастроэзофагеальді жалғамның HER2-оң аденокарциномасы бар ересек пациенттерді емдеу үшін монотерапия ретінде көрсетілген.

Қолданудың басталуына дейін қажетті мәліметтер тізбесі

- белсенді затқа немесе препараттың қосымша заттарының кез келгеніне жоғары сезімталдық

Қолдану кезіндегі қажетті сақтандыру шаралары

Энхерту® препараты тек дәрігердің тағайындауы бойынша қолданылады. Келесі жағдайларда препаратты қолданар алдында және емдеу кезінде дәрігермен кеңесу керек:

- жөтел, ентігу, қызба немесе тыныс алуға қатысты басқа жаңа немесе нашарлауға әкелетін кінәраттар пайда болғанда. Бұл өкпенің интерстициялық ауруы деп аталатын күрделі немесе өлім қаупі зор өкпе ауруының симптомдары болуы мүмкін. Анамнездегі өкпе аурулары немесе бүйрек кінәраттары өкпенің интерстициялық ауруының даму қаупін арттыруы мүмкін. Осындай симптомдар болса, емдеуші дәрігерге аталған препаратпен ем барысында пациенттің өкпесін мұқият қадағалап отыруға кеңес беріледі.

- қалтырау, қызба, ауыздағы ойық жаралар, іштің ауыруы немесе несеп шығару кезіндегі ауырсыну. Бұл нейтрофилдер деп аталатын лейкоциттер санының азаюы тудырған инфекция симптомдары болуы мүмкін.

- пайда болған немесе күшейе түсетін ентігу, жөтел, шаршау, тобықтың немесе аяқтың ісінуі, жүректің жүйесіз соғуы, кенеттен салмақтың артуы, бас айналу немесе естен тану. Бұл жүрек жұмысының бұзылу симптомдары (сол жақ қарыншаның лықсыту фракциясының төмендеуі) болуы мүмкін.

- бауыр функциясы бұзылуының болуы. Бұл жағдайда емдеуші дәрігерге аталған препаратпен ем барысында пациенттің бауырын мұқият қадағалап отыруға кеңес беріледі.

- қандай да бір басқа дәрілік препараттарды таяуда қабылдау, қазіргі уақытта қабылдау немесе қабылдауды жоспарлау.

- жүктілік, жүктілікке күмән болуы, анықталған жүктілік немесе жүктілікке қатысты жоспарлардың болуы. Өз емдеуші дәрігеріңізге дереу хабарлаңыз.

- Энхерту® препаратымен емделу кезінде және соңғы дозасынан кейін, кем дегенде, 7 ай бойы бала емізуге тыйым салынған. Бұл Энхерту® препаратының ана сүтіне өту-өтпеуі белгісіз екенімен байланысты.

- Энхерту® препаратымен емделу кезінде жүкті болып қалмас үшін тиімді контрацепция құралдарын (ұрықтануға қарсы дәрілер) пайдалану қажет. Энхерту® препаратын қабылдап жүрген әйелдер Энхерту® препаратының соңғы дозасын қабылдаудан кейін, кем дегенде, 7 ай бойы контрацепцияны жалғастыруы тиіс. Жұптасы бала көтеріп қалуы мүмкін Энхерту® препаратын қабылдап жүрген ерлерге емдеу кезінде де, Энхерту® препаратының соңғы дозасын қабылдаудан кейін, кем дегенде, 4 ай бойы да тиімді контрацепция әдістерін пайдалану керек.

Басқа дәрілік препараттармен өзара әрекеттесуі

Энхерту® препаратын ритонавирмен, OATP1B, CYP3A және P-gp тежегіштерімен немесе CYP3A және P-gp қуатты тежегіші – итраконазолмен бірге қолдану трастузумаб дерукстекан немесе босап шыққан топоизомераза I DXd тежегіші экспозициясының клиникалық мәнді (шамамен 10-20%) артуына алып келмеді. Трастузумаб дерукстеканды CYP3A немесе OATP1B немесе P-gp изоферментін тасымалдаушылардың тежегіштері болып табылатын дәрілік заттармен бір мезгілде қолдану кезінде дозаны түзету қажет емес.

Арнайы сақтандырулар

Дәрілік препаратты қате қолданып қоймас үшін құтылардың заттаңбаларын тексеру, әрі дайындалған және енгізілген дәрілік заттың трастузумаб немесе трастузумаб эмтанзин емес, Энхерту® препараты (трастузумаб дерукстекан) екеніне көз жеткізу маңызды.

Қадағалануы

Биологиялық дәрілік препараттарды қадағалау шараларын жақсарту мақсатында енгізілген препараттың атауы мен серия нөмірі нақты тіркелуі тиіс.

Өкпенің интерстициялық ауруы (ӨИА)/пневмонит

Энхерту® препаратын қолдану кезінде өкпенің интерстициялық ауруы (ӨИА) және/немесе пневмонит түріндегі жағымсыз құбылыстар тіркелді. ӨИА/пневмонит дамығанда өліммен аяқталған оқиғалар тіркелді. Пациенттерге жөтел, ентігу, қызба және/немесе тыныс алу жүйесі тарапынан болған кез келген жаңа симптомдар немесе ағымдағы симптомдардың күшеюі туралы кідіріссіз мәлімдеуге кеңес беру керек. Пациенттерді ӨИА/пневмонит белгілері мен симптомдары тұрғысынан қадағалау қажет. Клиникалық көріністерде пациенттерді ӨИА/пневмонитті жоққа шығару мақсатында дереу тексеру керек. ӨИА/пневмонит күмән тудыратын пациенттерге рентгенологиялық зерттеу, дұрысы, компьютерлік томография (КТ) тағайындалады. Пульмонологтан кеңес алу мүмкіндігін қарау керек. ӨИА/пневмониттің симптомсыз ағымында (1 дәреже) глюкокортикостероидтарды (мысалы, ≥ 0.5 мг/кг/тәулік дозадағы преднизолон немесе баламалы дозадағы басқа препарат) қолдану мүмкіндігін қарау керек. Энхерту® препаратын енгізуді жағымсыз реакция дәрежесі 0 дәрежеге дейін төмендейтін сәтке дейін кейінге қалдыру керек, сонда ғана емдеуді 2 кестеде берілген нұсқауларға сәйкес жаңғыртуға болады.

Симптомдарымен (≥ 2 дәреже) болатын ӨИА/пневмонит кезінде глюкокортикостероидтармен (мысалы, ≥ 1 мг/кг/тәулік дозадағы преднизолон немесе баламалы дозадағы басқа препарат) жүйелі емді кідіріссіз бастау және кемінде 4 апта бойы дозаны біртіндеп төмендете отырып, кемінде 14 күн бойы емдеуді жалғастыру керек. Симптомдарымен (≥ 2 дәреже) болатын ӨИА/пневмонит диагнозы расталған жағдайда Энхерту® препаратын қолдануды тоқтату керек, Анамнезінде ӨИА/пневмонит болған пациенттер немесе бүйрек функциясының орташа немесе ауыр дәрежедегі бұзылуы бар пациенттерде осы жағымсыз реакцияның жоғары даму қаупі болуы мүмкін және мұқият медициналық қадағалауда болуы тиіс.

Нейтропения

Энхерту® препаратын қолдану кезінде өліммен аяқталатын фебрильді нейтропенияны қоса, нейтропения жағдайлары тіркелді. Энхерту® дәрілік препаратымен емді бастар алдында және әр келесі дозасын енгізер алдында, сондай-ақ клиникалық көрсетілімдер бойынша жалпы қан талдауы параметрлерін бақылап отыру керек. Нейтропения дәрежесіне қарай Энхерту® препаратымен емді тоқтата тұру немесе дозасын төмендету қажет болуы мүмкін.

Сол жақ қарыншаның лықсыту фракциясының төмендеуі

Анти-HER2 дәрілік препараттарын қолдану кезінде сол жақ қарыншаның лықсыту фракциясының (СҚЛФ) төмендеуі байқалды.

Жүректі стандартты функционалдық тестілеуді (эхокардиограмма немесе MUGA сканерлеу [көп реттік сканерлеу]) СҚЛФ бағалауы үшін клиникалық көрсетілімдерге сәйкес Энхерту® қолданудың басталуына дейін және емдеу кезінде жүйелі өткізу керек. СҚЛФ төмендеуін емдеуді тоқтата тұру жолымен басу керек. СҚЛФ 40%-дан аз төмендеуі немесе бастапқы деңгейден көрсеткішінің 20%-дан астам абсолютті төмендеуі расталғанда Энхерту® препаратымен емді тоқтату керек. Жүректің іркілісті жеткіліксіздігінің (ЖІЖ) симптомдары бар пациенттерде де Энхерту® препаратын қолдануды тоқтату керек (2 кестені қараңыз).

Эмбриофетальді уыттылық

Энхерту® препаратын жүктілік кезінде қолдану шаранаға зиян келтіруі мүмкін. Тіркеуден кейінгі кезеңде алынған хабарламалар бойынша HER2 рецепторларының блокаторы – трастузумаб қолдану жүктілік кезінде қағанақ суының аздығын туындатты, ол жаңа туған нәрестелерде өлімге ұшырататын өкпе гипоплазиясына, қаңқа аномалияларына және өлімге әкелді. Энхерту® препаратының әсер ету механизмі туралы қолда бар деректер мен білімдер негізінде оның құрамына кіретін топоизомераза I DXd тежегішінің препаратты жүкті әйелде қолданғанда эмбрион мен шаранаға зиян келтіруі мүмкін екені де жорамалданады.

Энхерту® препаратын бала тууға қабілетті пациент әйелдерде қолданудың басталуына дейін жүктілік жоққа шығарылу керек. Пациент әйелдер шарана үшін ықтималды қауіптерден хабардар болуы тиіс. Бала тууға қабілетті пациент әйелдерге Энхерту® препаратымен емделу кезеңінде және соңғы дозасын енгізуден кейін, кем дегенде, 7 ай бойы тиімді контрацепция құралдарын пайдалануға кеңес беру керек. Бала тууға қабілетті әйелдермен жыныстық қатынасқа түсетін ер жынысты пациенттерге Энхерту® препаратымен емделу кезінде және соңғы дозасын енгізуден кейін, кем дегенде, 4 ай бойы тиімді контрацепция құралдарын пайдалануға кеңес беру керек.

Бауырдың орташа немесе ауыр жеткіліксіздігі бар пациенттер

Бауыр жеткіліксіздігінің орташа дәрежесіндегі пациенттерде қолдану деректері шектеулі, ал бауыр жеткіліксіздігі ауыр пациенттерде қолдану деректері жоқ. Топоизомераза I DXd тежегішін шығарудың негізгі жолдары метаболизм және өтпен шығарылу екендіктен, Энхерту® препаратын бауыр функциясының орташа немесе ауыр бұзылуы бар пациенттерге сақтықпен тағайындау керек.

Жүктілік және лактация кезеңінде қолдану

Бала тууға қабілетті әйелдер (ерлер мен әйелдердегі контрацепция)

Энхерту® препаратын бала тууға қабілетті пациент әйелдерде қолданудың басталуына дейін жүктілік жоққа шығарылу керек. Пациент әйелдер шарана үшін ықтималды қауіптерден хабарлануы тиіс.

Бала тууға қабілетті әйелдер де Энхерту® препаратын қолдану кезеңінде және ем аяқталғаннан кейін тура 7 айға дейін тиімді контрацепция құралдарын пайдалануы тиіс.

Бала тууға қабілетті әйелдермен жыныстық қатынасқа түсетін ер жынысты пациенттерге Энхерту® препаратымен емделу кезінде және ем аяқталған соң тура 4 айға дейін тиімді контрацепция құралдарын пайдалану жөнінде кеңес беру керек.

Жүктілік

Энхерту® препаратын жүкті әйелдерде қолдану жөнінде қолжетімді деректер жоқ. Тіркеуден кейінгі кезеңде алынған хабарламалар бойынша HER2 рецепторларының блокаторы – трастузумабты пайдалану жүктілік кезінде қағанақ суының аздығын тудырды, ол жаңа туған нәрестелерде өлімге ұшырататын өкпе гипоплазиясына, қаңқа аномалияларына және өлімге әкелді. Энхерту® препаратының әсер ету механизмі туралы қолда бар деректер мен білімдер негізінде оның құрамына кіретін топоизомераза I DXd тежегішінің жүкті әйелге енгізілгенде эмбрион мен шаранаға зиян келтіруі мүмкін екені де жорамалданады.

Энхерту® препаратын жүкті әйелдерге тағайындау ұсынылмайды, пациент әйелдерде жүктілікті жоспарлау алдында шарана үшін ықтималды қауіптерден хабардар болуы тиіс. Жүкті болып қалған жағдайда әйел дереу дәрігерге қаралуы тиіс. Егер жүктілік Энхерту® препаратымен емдеу кезінде соңғы дозасын енгізуден кейін 7 ай ішінде басталса, мұқият қадағалау ұсынылған.

Бала емізу

Трастузумаб дерукстеканның емшек сүтімен бөліну-бөлінбеуі белгісіз. Адам IgG ана сүтіне секрецияланады, сондықтан сәбиде оның сіңірілуінің және күрделі жағымсыз реакцияларының ықтималдығы белгісіз. Осыған байланысты, әйелдерге Энхерту® препаратымен емделу кезінде немесе соңғы дозасын қабылдаудан кейін 7 ай бойы бала емізуге болмайды. Бала емізуді тоқтату немесе емдеуді тоқтату шешімін сәби үшін емшек емудің пайдасы мен ана үшін Энхерту® препаратымен емделудің пайдасын ескере отырып, қабылдау керек.

Фертильділік

Энхерту® препаратының фертильділікке әсер етуіне арнайы зерттеулер жүргізілмеген.

Трастузумаб дерукстекан немесе оның метаболиттерінің ұрық сұйықтығына түсу-түспеуі белгісіз. Емдеуді бастар алдында ер жынысты пациенттерге шәуһетті криоконсервациялау мәселесі жөнінде маманмен кеңесу ұсынылады. Ер жынысты пациенттер Энхерту® препаратымен емделудің бүкіл кезеңінде және оның соңғы дозасын енгізуден кейін кемінде 4 ай бойы криоконсервация үшін шәуһетін тапсырмауы немесе оның донорлары болмауы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Энхерту® препараты көлік құралдарын басқару және механизмдермен жұмыс істеу қабілетіне мардымсыз әсер етуі мүмкін. Пациенттерге Энхерту® препаратымен емделу кезінде олар қажуды, бас ауыруын немесе бас айналуын сезінген жағдайларда автокөлік жүргізу немесе механизмдерді басқару кезінде сақтық шарасын қадағалауға кеңес беру керек.

Қолдану жөніндегі нұсқаулар

Энхерту® препаратын дәрігер тағайындауы және ол ісікке қарсы дәрілік препараттарды қолдану тәжірибесі бар медициналық маман қадағалауымен қолданылуы тиіс.

Дәрілік препаратты қате қолданып қоймас үшін құтылардың заттаңбаларын тексеру, әрі дайындалған және енгізілген дәрілік заттың трастузумаб немесе трастузумаб эмтанзин емес, Энхерту® препараты (трастузумаб дерукстекан) екеніне көз жеткізу маңызды. Энхерту® препаратын трастузумаб немесе трастузумаб эмтанзинімен алмастыруға болмайды.

Пациенттерді іріктеу

HER2-оң сүт безінің обыры

Сүт безінің обыры себебімен трастузумаб дерукстекан қабылдап жүрген пациенттерде құжат жүзінде расталған ісіктің иммуногистохимия (ИГХ) бойынша 3 + балл болып айқындалатын HER2-оң статусы немесе CE таңбасымен in vitro диагностикасына арналған медициналық құрылғымен бағаланатын in situ гибридтеу (ISH) немесе in situ флуоресцентті гибридтеу (FISH) әдісімен анықталған ≥ 2.0 бағасы болуы тиіс. Егер осыған ұқсас CE таңбалы құрылғы қолжетімсіз болса, HER2 статусын баламалы валидацияланған тест көмегімен бағалау керек.

HER2-әлсіз оң сүт безінің обыры

Трастузумаб дерукстекан қабылдап жүрген пациенттерде CE таңбасымен диагностикалауға арналған медициналық құрылғы бағалауы бойынша ИГХ 1+ немесе ИГХ 2+/ISH-, балл болып айқындалатын HER2 деңгейі төмен ісіктердің құжат жүзінде расталған статусы болуы тиіс. Егер осыған ұқсас CE таңбалы құрылғы қолжетімсіз болса, HER2 статусын баламалы валидацияланған тест көмегімен бағалау керек.

ӨҰЖО

Кең таралған ӨҰЖО себебімен трастузумаб дерукстекан қабылдап жүрген пациенттерде CE таңбалы in vitro диагностикасына арналған медициналық құрылғы көмегімен анықталған HER2 (ERBB2) белсендіргіш мутациясы болуы тиіс. Егер осыған ұқсас CE таңбалы құрылғы қолжетімсіз болса, HER2 статусын баламалы валидацияланған тест көмегімен бағалау керек.

Асқазан обыры

Асқазан обыры немесе гастроэзофагеальді жалғам себебімен трастузумаб дерукстекан қабылдап жүрген пациенттерде иммуногистохимия (ИГХ) бойынша 3 + бағасы немесе CE таңбалы in vitro диагностикасына арналған медициналық құрылғы көмегімен бағаланатын in situ гибридтеу (ISH) немесе in situ флуоресцентті гибридтеу (FISH) бойынша ≥ 2 арақатынасы ретінде айқындалатын ісіктің құжат жүзінде расталған HER2-оң статусы болуы тиіс.

Дозалау режимі

Сүт безінің обыры

Энхерту® препаратының ұсынылатын дозасы аурудың үдеуіне немесе қолайсыз уыттылық дамуына дейін әр 3 апта сайын (21-күндік цикл) бір рет вена ішіне инфузия түрінде енгізілетін дене салмағына 5.4 мг/кг құрайды.

ӨҰЖО

Энхерту® препаратының ұсынылатын дозасы аурудың үдеуіне немесе қолайсыз уыттылық дамуына дейін әр 3 апта сайын (21-күндік цикл) бір рет вена ішіне инфузия түрінде енгізілетін дене салмағына 5.4 мг/кг құрайды.

Асқазан обыры

Энхерту® препаратының ұсынылатын дозасы аурудың үдеуіне немесе қолайсыз уыттылық дамуына дейін әр 3 апта сайын (21-күндік цикл) бір рет вена ішіне инфузия түрінде енгізілетін дене салмағына 6.4 мг/кг құрайды.

Препаратты бірінші енгізу 90 минутқа созылатын вена ішіне инфузия түрінде жүзеге асуы тиіс. Егер алдыңғы инфузияның жағымдылығы жақсы болса, Энхерту® препаратының келесі дозаларын 30-минуттық инфузия түрінде енгізуге болады.

Егер пациентте инфузиямен байланысты симптомдар дамыса, Энхерту® препараты инфузиясының жылдамдығын төмендету немесе препаратты енгізуді үзу керек. Ауыр инфузиялық реакциялар дамыған жағдайда Энхерту® препаратын қолдануды тоқтату керек.

Премедикация

Энхерту® препаратының кейін білінетін жүрек айну және/немесе құсуды қамтитын эметогенді әсері бар. Энхерту® препаратының әр дозасын енгізер алдында химиялық емнен болатын жүрек айну мен құсуды болдырмау үшін екі немесе үш дәрілік препараттың (мысалы, дексаметазон 5-НТ3 рецепторының антагонисімен және/немесе NK1 рецепторының антагонисімен, сондай-ақ басқа дәрілік препараттардың) біріктірілген режимінің көмегімен премедикация жасау керек.

Дозаны түзету

Жағымсыз реакцияларды емдеу 1 және 2 кестелерде ұсынылған нұсқауларға сәйкес Энхерту® препаратымен емді уақытша тоқтата тұру, дозасын төмендету немесе тоқтатуды талап етуі мүмкін.

Энхерту® препаратының дозасын төмендеткен жағдайда келесі енгізулер кезінде дозаны арттыруға болмайды.

1 кесте: Дозаны төмендету сызбасы

2 кесте: Жағымсыз реакциялар дамыған жағдайда дозаны және емдеу режимін түзету жөніндегі ұсынымдар

Уытттылық дәрежесі Ұлттық обыр институты, 5.0 нұсқа, Жағымсыз құбылыстарға арналған жалпы терминологиялық критерийлеріне (NCI-CTCAE, 5.0 нұсқа) сәйкес келеді.

Препараттың бір немесе бірнеше дозасын өткізіп алу кезіндегі қажетті шаралар

Жоспарлы енгізуді кідірту немесе өткізіп алу

Егер препарат дозасы жоспарланған күні енгізілмесе немесе өткізіп алған болса, келесі жоспарлы енгізуді күтпестен оны мүмкіндігінше тезірек енгізу керек. Кейінгі енгізулер кестесін олардың арасындағы үзіліс 3 апта болатындай үлгіде түзету керек. Препаратты пациент Энхерту® дәрілік препаратының алдыңғы инфузиясын жақсы көтерген дозада және дәл сол жылдамдықпен енгізу керек.

Пациенттердің ерекше топтарында қолдану

Егде жастағы пациенттер

Энхерту® препаратының дозасын 65 жастағы және одан асқан пациенттерде түзету қажет емес. ≥ 75 жастағы пациенттерде шектеулі деректер бар.

Бүйрек функциясының бұзылуы бар пациенттер

Бүйрек функциясының жеңіл (креатинин клиренсі (КК) ≥ 60 және < 90 мл/мин) немесе орташа (КК ≥ 30 және < 60 мл/мин) дәрежедегі бұзылуы бар пациенттерде дозаны түзету қажет емес. Бүйрек жеткіліксіздігі ауыр пациенттерде препаратты қолдану жөніндегі деректер болмағандықтан, бүйрек жеткіліксіздігі ауыр немесе бүйрек жеткіліксіздігінің терминалдық сатысындағы пациенттерде дозаны түзетудің ықтималды қажеттілігін анықтау мүмкін емес. Бүйрек функциясының орташа дәрежедегі бұзылуы бар пациенттерде 1 немесе 2 дәрежедегі ӨИА/пневмонит туындауы жиірек білінді. Энхерту® препаратын 6.4 мг/кг дозада қабылдаған бүйрек функциясының бастапқы деңгейдегі орташа бұзылуы бар пациенттерде, бүйрек функциясы қалыпты пациенттермен салыстырғанда, күрделі жағымсыз реакциялардың өте жоғары жиілігі байқалды. Бүйректің орташа немесе ауыр жеткіліксіздігі бар пациенттерді, ӨИА/пневмонитті қоса, жағымсыз реакциялар тұрғысынан мұқият қадағалау керек .

Бауыр функциясының бұзылуы бар пациенттер

Аспартатаминотрансфераза (АСТ) деңгейіне байланыссыз, жалпы билирубин қалыптың жоғары шегінен (ҚЖШ) 1.5 есе жоғары пациенттерде дозаны түзету қажет емес. АСТ мәніне байланыссыз, жалпы билирубин қалыптың жоғары шегінен 1.5 есе асып кететін пациенттерде дозаны түзетудің ықтималды қажеттілігін, деректердің жеткіліксіздігіне орай, анықтау мүмкін емес; сондықтан осындай пациенттерді мұқият қадағалау қажет болады.

Балалар және жасөспірімдер

Балалар мен 18 жасқа дейінгі жасөспірімдерде Энхерту® қауіпсіздігі мен тиімділігі анықталмаған. Деректер жоқ.

Енгізу әдісі және жолы

Энхерту® препараты вена ішіне қолдануға арналған. Концентрат дайындауды (қалпына келтіру), инфузияға арналған ерітіндіні дайындауды (сұйылту) және аталған препаратты венаішілік инфузия түрінде енгізуді медициналық қызметкер орындауы тиіс. Энхерту® препаратын вена ішіне немесе болюсті енгізуге болмайды.

Дәрілік препаратты қате қолданып қоймас үшін құтылардың заттаңбаларын тексеру, әрі дайындалған және енгізілген дәрілік заттың трастузумаб немесе трастузумаб эмтанзин емес, Энхерту® препараты (трастузумаб дерукстекан) екеніне көз жеткізу маңызды.

Химиялық емнің дәрілік препараттарын дайындаудың тиісті шараларын қадағалау керек. Келесі қалпына келтіру және сұйылту шаралары үшін асептика қағидаларын қадағалау керек. Енгізер алдында Энхерту® дәрілік препаратын қалпына келтіру және сұйылту жөніндегі нұсқауларды төменде қоса берілген «Медициналық қызметкерлер үшін қолдану жөніндегі нұсқаулықтардан» қараңыз.

Артық дозалану жағдайында қабылдау қажет болатын шаралар

Трастузумаб дерукстекан артық дозалануы туралы мәліметтер жоқ. Трастузумаб дерукстеканның ең жоғары жағымды дозасы белгіленбеген. Бір реттік 8.0 мг/кг мөлшерінен жоғары дозасын қолдану жөнінде деректер жоқ. Артық дозалану жағдайында жағымсыз реакциялардың белгілері мен симптомдары тұрғысынан пациенттерді мұқият қадағалау және тиісті симптоматикалық емнен өткізу керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Энхерту® препаратын қолдану тәсіліне қатысты қандай да бір сауалдар пайда болған жағдайларда пациентке осы дәрілік препаратты қолдану тәсілін түсіндіру үшін медициналық қызметкер кеңесіне жүгіну ұсынылады.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар 

Жағымсыз реакциялардың туындау жиілігі келесі бөліктеумен ұсынылған: өте жиі (≥ 1/10), жиі (≥ 1/100, бірақ < 1/10), жиі емес (≥ 1/1000, бірақ < 1/100), сирек (≥ 1/10000, бірақ <1/1000), өте сирек (< 1/10000) және жиілігі белгісіз (қолда бар деректер негізінде бағалау мүмкін емес).

Энхерту® 5.4 мг/кг препаратына жағымсыз реакциялар

Өте жиі (≥ 1/10):

- жоғарғы тыныс жолдарының инфекциялары (тұмау, тұмау тәрізді аурулар, назофарингит, фарингит, синусит, ринит, ларингит және жоғарғы тыныс жолдарының инфекцияларын қоса)

- анемия (оның ішінде анемия, гемоглобин деңгейінің төмендеуі, эритроциттер санының төмендеуі және гематокрит төмендеуі), нейтропения (оның ішінде нейтропения және нейтрофилдер санының төмендеуі), тромбоцитопения (оның ішінде тромбоцитопения және тромбоциттер санының төмендеуі), лейкопения (оның ішінде лейкопения және лейкоциттер санының төмендеуі), лимфопения (лимфопения мен лимфоциттер санының төмендеуін қоса)

- гипокалиемия (оның ішінде гипокалиемия және қандағы калий деңгейінің төмендеуі), тәбет төмендеуі

- бас ауыру (бас ауыру, синустық бас ауыру және бас сақинасы), бас айналу

- өкпенің интерстициялық ауруы (оның ішінде пневмонит, өкпенің интерстициялық ауруы, ұйымдасқан пневмония, пневмония, тыныс алу жеткіліксіздігі, радиациялық пневмонит, альвеолит, өкпе уыттылығы, зеңді пневмония, өкпе түзілімі, жедел тыныс алу жеткіліксіздігі, өкпе инфильтрациясы, лимфангит, өкпе фиброзы, идиопатиялық интерстициялық пневмония, өкпе аурулары, аса жоғары сезімтал пневмонит және өкпенің күңгірттенуі, ентігу, жөтел, мұрыннан қан кету

- жүрек айну, құсу, іш қату, диарея, іштің ауыруы (іштің жайсыздануы, асқазан-ішек жолының ауырсынуы, іштің ауыруы, іштің төменгі бөлімінің ауыруы және іштің жоғарғы бөлімінің ауыруы), стоматит (стоматит, афтозды ойық жара, ауыздың ойық жаралануы, ауыз қуысы шырышты қабығының эрозиясы мен ауыз қуысы шырышты қабығының бөртпесін қамтиды), диспепсия

- трансаминазалар деңгейінің жоғарылауы (трансаминазалар деңгейінің жоғарылауын, аланинаминотрансфераза деңгейінің жоғарылауын, аспартатаминотрансфераза деңгейінің жоғарылауын, гамма-глутамилтрансфераза деңгейінің жоғарылауын, бауыр функциясының бұзылуын, бауырдың функционалдық сынамалар мәндерінің ауытқуын, бауырдың функционалдық сынамалар мәндерінің артуын және гипертрансаминаземияны қамтиды)

- алопеция

- қаңқа-бұлшықет ауыруы (арқаның ауыруын, миалгия, аяқ-қол ауыруын, қаңқа-бұлшықет ауыруын, бұлшықеттердің түйілуін, сүйектердің ауыруын, мойын ауыруын, кеудедегі қаңқа-бұлшықет ауырсынуын және аяқ-қол жайсыздануын қоса)

- қажу (оның ішінде астения, қалжырау, дімкәстану және сылбырлық), пирексия

- лықсыту фракциясының төмендеуі (СҚЛФ төмендеуінің зертханалық көрсеткіштерін және/немесе лықсыту фракциясын төмендетудің ұтымды шарттарын, жүрек жеткіліксіздігін, жүректің іркілісті жеткіліксіздігін және сол жақ қарынша дисфункциясын қамтиды), салмақтың төмендеуі

Жиі (≥1/100-ден <1/10 дейін):

- пневмония

- сусыздану

- дисгевзия

- көздің құрғауы, анық көрмеу (оның ішінде анық көрмеу және көру бұзылулары)

- іштің кебуі, гастрит, метеоризм

- бөртпе (бөртпе, пустулезді бөртпе, макула-папулезді бөртпе, папулезді бөртпе, макулярлы бөртпе және қышытатын бөртпені қоса), қышыну, терінің гиперпигментациясы (терінің гиперпигментациясын, тері түсінің өзгеруін және пигментацияның бұзылуын қоса)

- шеткері ісінулер

- қандағы сілтілі фосфатаза деңгейінің жоғарылауы, қандағы билирубин деңгейінің жоғарылауы (оның ішінде қандағы билирубиннің жоғарылауы, гипербилирубинемия, қандағы байланысқан билирубин деңгейінің жоғарылауы және қандағы конъюгацияланбаған билирубин деңгейінің жоғарылауы), қандағы креатинин деңгейінің жоғарылауы

- инфузиялық реакциялар (инфузиялық реакциялар мен аса жоғары сезімталдықты қоса)

Жиі емес (≥ 1/1000, бірақ < 1/100):

- фебрильді нейтропения

Энхерту® 6.4 мг/кг препаратына жағымсыз реакциялар

Өте жиі (≥ 1/10):

- пневмония, жоғарғы тыныс жолдарының инфекциялары (тұмау, тұмау тәрізді аурулар, назофарингит, фарингит, синусит, ринит, ларингит және жоғарғы тыныс жолдарының инфекцияларын қоса )

- анемия (оның ішінде анемия, гемоглобин деңгейінің төмендеуін және эритроциттер санының төмендеуін қоса), нейтропения (нейтропенияның және нейтрофилдер санының төмендеуі), тромбоцитопения (тромбоцитопенияның және тромбоциттер санының төмендеуі), лейкопения және лейкоциттер санының төмендеуі, лимфопения және лимфоциттер санының төмендеуі)

- гипокалиемия (гипокалиемия және қандағы калий деңгейінің төмендеуі), тәбет төмендеуі

- бас ауыру (оның ішінде бас ауыру және бас сақинасы), дисгевзия

- өкпенің интерстициялық ауруы (оның ішінде пневмонит, өкпенің интерстициялық ауруы, ұйымдасқан пневмония, тыныс алу жеткіліксіздігі, өкпенің күңгірттенуі, пневмония және радиациялық пневмонит), ентігу, жөтел

- жүрек айну, құсу, диарея, іш қату, іштің ауыруы (іштің жайсыздануы, асқазан-ішек жолының ауырсынуы, іштің ауыруы, іштің төменгі бөлімінің ауыруы және іштің жоғарғы бөлімінің ауыруы), стоматит

- трансаминазалар деңгейінің жоғарылауы (трансаминазалар деңгейінің жоғарылауын, аланинаминотрансфераза деңгейінің жоғарылауын, аспартатаминотрансфераза деңгейінің жоғарылауын, гамма-глутамилтрансфераза деңгейінің жоғарылауын, бауыр функциясының бұзылуын, бауырдың функционалдық сынамалар мәндерінің ауытқуын, бауырдың функционалдық сынамалар мәндерінің артуын және гипертрансаминаземияны қоса)

- алопеция

- қаңқа-бұлшықет ауыруы (арқаның ауыруын, миалгия, аяқ-қол ауыруын, қаңқа-бұлшықет ауыруын, бұлшықеттердің түйілуін, сүйектердің ауыруын, мойын ауыруын, кеудедегі қаңқа-бұлшықет ауырсынуын және аяқ-қол жайсыздануын қоса)

- қажу (оның ішінде астения, қалжырау, дімкәстану және сылбырлық), гипертермия, шеткері ісінулер

- лықсыту фракциясының төмендеуі (СҚЛФ зертханалық көрсеткіштерінің азаюы және/немесе лықсыту фракциясының ұтымды мерзімдерінің азаюы және сол жақ қарынша дисфункциясы), салмақ төмендеуі

Жиі (≥ 1/100-ден <1/10 дейін):

- фебрильді нейтропения

- сусыздану

- бас айналу

- көздің құрғауы, анық көрмеу (оның ішінде анық көрмеу және көру бұзылулары)

- мұрыннан қан кету

- іштің кебуі, гастрит, метеоризм

- бөртпе (оның ішінде бөртпе, пустулезді бөртпе, дақты-папулезді бөртпе, папулезді бөртпе және қышытатын бөртпені қамтиды), қышыну, терінің гиперпигментациясы (терінің гиперпигментациясын және пигментацияның бұзылуын қамтиды)

- қандағы сілтілі фосфатаза деңгейінің жоғарылауы, қандағы билирубин деңгейінің жоғарылауы (оның ішінде қандағы билирубиннің жоғарылауы, гипербилирубинемия, қандағы байланысқан билирубин деңгейінің жоғарылауы), қандағы креатинин деңгейінің жоғарылауы

- инфузиялық реакциялар (инфузиялық реакциялар мен аса жоғары сезімталдық жағдайларын қоса)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір миллилитр құрамында

әсер етуші зат - трастузумаб дерукстекан, 20 мг.

Трастузумаб дерукстекан антидененің дәрілік затпен (АДЗ) конъюгаты түрінде болады, құрамында тетрапептид негізінде ыдырайтын линкер арқылы экзатекан туындысы - топоизомераза I DXd тежегішімен ковалентті байланысқан сүт қоректілер жасушаларынан (қытай атжалманының аналық бездері) өндірілген трастузумаб сияқты амин қышқылының бірізділігі бар IgG1 иммуноглобулиннің HER2 рецепторына (mAb) гуманизделген моноклонды антиденесі бар.

Антидененің әр молекуласымен дерукстеканның шамамен 8 молекуласы байланысқан.

Әр құтының ішінде 100 мг трастузумаб дерукстекан бар.

Қосымша заттар: сахароза, L-гистидин, L-гистидин гидрохлориді моногидраты, полисорбат 80

Сыртқы түрінің, иісінің, дәмінің сипаттамасы

Инфузияға ерітінді дайындау үшін концентрат дайындауға арналған лиофилизат.

Ақтан сарғыш-ақ түске дейінгі нығыздалған масса.

Шығарылу түрі және қаптамасы

100 мг лиофилизаттан полипропилен қақпағы («флип-офф») бар алюминий калпақшамен үстінен қаусырылған, фторбутилден жасалған резеңке тығынмен тығыздалған күңгірт шыны (I тип) құтыларда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге алғашқы ашылуын бақылаумен немесе бақылаусыз картон қорапшаға салынады.

4 жыл.

Концентрат

Энхерту® препаратын қолдану кезінде химиялық және физикалық тұрақтылығы 2 °С-ден 8 °С-ге дейінгі температурада 24 сағат бойы сақталады.

Микробиологиялық тұрғыда препаратты дереу пайдалану керек. Дереу пайдалану мүмкін болмаған жағдайда концентратты сақтау және оның сақталу шарттарын қамтамасыз ету ем жүргізілетін емдеу мекемесі қызметкерлерінің міндеті болып табылады, бұл ретте егер тек лиофилизатты сұйылту (еріту) бақыланатын және тексерілген асептикалық жағдайларда жүргізілмесе, сақтау мерзімі 2 °С-ден 8 °С-ге дейінгі температурада 24 сағаттан аспауы тиіс.

Инфузияға арналған ерітінді

Инфузия үшін дайындалған ерітіндіні дереу пайдалану ұсынылады. Егер дәрілік препарат дереу енгізілмесе, онда қолдануға дайын, инфузияға арналған пакетте сұйытылған және құрамында 5% глюкоза ерітіндісі бар дәрілік препаратты бөлме температурасында (≤ 30 °С) 4 сағаттан асырмай немесе тоңазытқышта 2 °С-ден 8 °С-ге дейінгі температурада 24 сағаттан асырмай, жарықтан қорғалған жерде сақтауға болады. Атап көрсетілген сақтау мерзімдері концентратты дайындау сәтінен басталады.

Жарамдылық мерзімі өткеннен кейін қолдануға болмайды.

Түпнұсқалық қаптамасында, жарықтан қорғалған жерде, тоңазытқышта 2 °С-ден 8 °С-ге дейінгі температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Baxter Oncology GmbH

Kantstrasse 2, 33790 Halle/Westfalen, Германия

Тел.: +49 5201 7110

e-mail: ProductQuality.kz@astrazeneca.com

Тіркеу куәлігінің ұстаушысы

AstraZeneca UK Limited

1 Francis Crick Avenue, Кембридж, Ұлыбритания

Тел.: +44 (0)20 3749 5000

Факс: +44 (0)20 3749 5000

e-mail: adverse.events.kz@astrazeneca.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«АстраЗенека Ю-Кей Лимитед» ЖАҚ өкілдігі,

Қазақстан Республикасы, Алматы қ., 050000

Қонаев көш., 77 үй, 101 кеңсе

Тел.: +7 727 232 14 15

e-mail: adverse.events.kz@astrazeneca.com

-------------------------------------------------------------------------------------------------

Келесі мәліметтер тек қана медициналық қызметкерлерге арналған Медициналық қызметкерлер үшін қолдану

жөніндегі нұсқаулықтар

Энхерту® препараты вена ішіне қолдануға арналған. Концентрат дайындауды (қалпына келтіру), инфузияға арналған ерітіндіні дайындауды (сұйылту) және аталған препаратты венаішілік инфузия түрінде енгізуді медициналық қызметкер орындауы тиіс. Энхерту® препаратын вена ішіне немесе болюсті енгізуге болмайды.

Дәрілік препаратты қате қолданып қоймас үшін құтылардың заттаңбаларын тексеру, әрі дайындалған және енгізілген дәрілік заттың трастузумаб немесе трастузумаб эмтанзин емес, Энхерту® препараты (трастузумаб дерукстекан) екеніне көз жеткізу маңызды.

Химиялық емнің дәрілік заттарын дайындаудың тиісті шараларын қадағалау керек. Келесі қалпына келтіру және сұйылту шаралары үшін асептика қағидаларын қадағалау керек.

Концентрат дайындау

• Лиофилизатты еріту тура сұйылту алдында орындалу қажет.

• Толық дозаны алу үшін біреуден көп құты қажет болуы мүмкін. Дозаны (мг), Энхерту® препаратының қажетті концентратының жалпы көлемін және Энхерту® препараты құтыларының қажетті санын есептеу керек.

• 100 мг дозадағы әр құтының ішіндегісін еріту үшін инъекцияға арналған 5 мл стерильді суды стерильді шприцпен әр құтыға 20 мг/мл соңғы концентрация алынғанша баяу енгізеді.

• Құтыны толық ерігенше абайлап араластырады. Сілкуге болмайды!

• Дереу пайдалану мүмкін болмаған жағдайда Энхерту® препаратының концентратын жарықтан қорғалған жерде, тоңазытқышта 2 °С-ден 8 °С-ге дейінгі температурада еріген сәттен бастап 24 сағаттан асырмай сақтауға болады. Мұздатып қатыруға болмайды!

• Қалпына келтірілген өнім құрамында консерванттар жоқ және тек бір рет қолдануға арналған.

Инфузияға арналған ерітіндіні дайындау

• Препарат концентратының есептелген көлемін стерильді шприц көмегімен құтыдан (-лардан) жинап алады. Концентраттың қатты бөлшектері мен түс өзгерісінің болмауын қарап тексеру керек. Ерітінді ашық сары түске дейін мөлдір және түссіз болуы тиіс. Егер қатты бөлшектері байқалса немесе егер ерітінді бұлыңғырланса немесе түссізденсе, ерітіндіні пайдалануға болмайды.

• Энхерту® концентратының есептелген көлемін ішінде 100 мл глюкозаның 5% ерітіндісі бар инфузияға арналған пакетте сұйылтады. Натрий хлориді ерітіндісін пайдалануға болмайды. Поливинилхлоридтен немесе полиолефиннен (этилен және полипропилен сополимері) жасалған инфузияға арналған пакетті пайдалану ұсынылады.

• Ерітіндіні мұқият араластыру мақсатында инфузияға арналған пакетті абайлап аударыстырады. Сілкуге болмайды!

• Жарықтан қорғау үшін инфузияға арналған пакетті жауып қояды.

• Препаратты дереу енгізу мүмкін болмаған жағдайда инфузия үшін дайындалған ерітіндіні бөлме температурасында 4 сағаттан асырмай (еріту және сұйылту уақытын қоса) немесе тоңазытқышта 2 °С-ден 8 °С-ге дейінгі температурада 24 сағаттан асырмай, жарықтан қорғаған жерде сақтауға болады. Мұздатып қатыруға болмайды!

• Құтыда қалған кез келген мөлшерде пайдаланылмаған дәрілік препарат утилизациялануы тиіс.

Енгізу тәсілі

• Егер инфузия үшін дайындалған ерітінді тоңазытқышта (2 °С-ден 8 °С-ге дейінгі температурада) сақталса, препаратты енгізер алдында ерітіндіні жарықтан қорғай отырып, бөлме температурасына жеткізу қажет.

• Энхерту® препаратын саңылау өлшемі 0.20 немесе 0.22 микрон полиэфирсульфоннан (ПЭС) немесе полисульфоннан (ПС) жасалған тек ағынды желілі сүзгімен вена ішіне тамшылы инфузия түрінде енгізу керек.

• Бастапқы дозаны 90 минут ішінде вена ішіне инфузия түрінде енгізу керек. Егер алдыңғы инфузияның пациентке жағымдылығы жақсы болса, Энхерту® препаратының келесі дозаларын 30-минуттық инфузиялар түрінде енгізуге болады. Вена ішіне сорғалатып инфузия түрінде немесе болюсті енгізуге болмайды.

• Жарықтан қорғау үшін инфузияға арналған пакетті жауып қояды.

• Энхерту® препаратын басқа дәрілік препараттармен араластыруға болмайды, сондай-ақ басқа дәрілік препараттарды венаішілік инфузияларға арналған бір ғана жүйе арқылы енгізуге болмайды.

Утилизациялау

Кез келген қалған пайдаланылмаған дәрілік препаратты немесе қалдықтарын жергілікті талаптарға сәйкес утилизациялау керек.