Энспринг® (Сатрализумаб)
Инструкция
-
русский
-
қазақша
Саудалық атауы
Энспринг®
Халықаралық патенттелмеген атауы
Сатрализумаб
Дәрілік түрі, дозалануы
Тері астына енгізуге арналған 120 мг/мл ерітінді
Фармакотерапиялық тобы
Антинеопластикалық және иммуномодуляциялайтын препараттар. Иммуносупрессанттар. Интерлейкин тежегіштері. Сатрализумаб.
АТХ коды: L04AC19
Қолданылуы
Энспринг® препараты монотерапия ретінде немесе иммуносупрессивті еммен (ИСЕ) біріктірілімде ересектер мен жасөспірімдерде көру жүйкесінің миелитімен (ОМАБА - оптикомиелитпен астасқан бұзылыстар ауқымы) қатар жүретін, IgG класының аквапорин-4 антиденелері (яғни, AQP4-IgG оң серологиялық реакцияларында) анықталған көз ауруларының кең ауқымын емдеу үшін қолданылады.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
белсенді затқа немесе қосымша заттардың кез келгеніне аса жоғары сезімталдық
Қолдану кезіндегі қажетті сақтық шаралары
Инфекциялар
Белсенді инфекциясы бар пациенттерде Энспринг® препаратын енгізуді инфекция жойылғанға дейін кейінге қалдыру керек.
Иммуносупрессия
Энспринг® препаратын қолданғанда гуморальді иммундық жауап бұзылуы мүмкін.
Туберкулез
Энспринг® препаратымен емдеу басталғанға дейін барлық пациенттерді жасырын туберкулез инфекциясының болуына тексеру жүргізу ұсынылады. Энспринг® препаратымен емдеу басталғанға дейін латентті туберкулезбен ауыратын пациенттер стандартты микробактерияға қарсы ем алуы тиіс.
Вакцинациялау
Энспринг® препаратын тірі немесе аттенуирленген вакциналармен бір мезгілде қолдануға болмайды, өйткені клиникалық қауіпсіздік анықталмаған.
Бауыр функциясының зертханалық көрсеткіштері
Энспринг® препаратын қолданғанда бауыр трансаминазалары белсенділігінің жеңіл және орташа жоғарылауы байқалды.
В гепатитінің реактивациясы
Биологиялық ем кезінде В гепатитінің реактивациясы туралы хабарланды.
Нейтрофилдер саны
Энспринг® препаратымен емдеу нәтижесінде нейтрофилдер санының төмендеуі байқалды.
Препаратты шектен тыс қабылдау немесе дәрілік тәуелділік
Препаратты шектен тыс қабылдауды немесе дәрілік тәуелділікті зерттеу бойынша зерттеулер жүргізілген жоқ. Алайда, қол жетімді деректерге сәйкес, Энспринг® препаратымен емдеу препаратқа тәуелділікке әкеп соғуы мүмкін екендігі туралы ешқандай дәлел жоқ.
Қатерлі жаңа түзілімдер
Иммуномодуляциялайтын препараттар қатерлі жаңа түзілімдердің даму қаупін арттыруы мүмкін.
Энспринг® препаратымен жүргізілетін емнің қатерлі жаңа түзілімдердің дамуына әсері белгісіз.
Аса жоғары сезімталдық реакциялары
Биологиялық препараттармен ем қабылдайтын пациенттерде аса жоғары сезімталдық реакциялары дамуы мүмкін.
Аса жоғары сезімталдық реакциялары дамыған кезде бұл туралы дереу өзінің емдеуші дәрігеріне хабарлауы және қажет болған жағдайда, жедел медициналық жәрдем қызметіне жүгінуі тиіс.
Жүрек-қантамырлық асқынулар
ИЛ-6 рецепторларының тежегіштері жүрек-қантамыр ауруларының даму қаупін арттыруы мүмкін.
Липидті бейін
Энспринг® препаратымен ем қабылдаған пациенттерде триглицеридтер мен холестерин белсенділігінің жоғарылауы (липидтік бейін) байқалды.
Комплемент жүйесін белсендіру
ИЛ-6 рецепторларының тежегіштерімен емдеу комплемент жүйесінің белсенділенуіне әкелуі мүмкін. Алдын ала клиникалық деректер бойынша Энспринг® препаратымен емдеу кезінде мұндай әсер байқалған жоқ. Алайда, шектеулі деректер негізінде осы қатынаста Энспринг® препараты үшін қауіп сеніммен бағалануы мүмкін емес.
ОЖЖ демиелинизациялайтын аурулары
ИЛ-6 рецепторларының тежегіштерімен емдеу кезінде орталық жүйке жүйесінің басқа қабыну ауруларының дамуы байқалды. Алайда, шектеулі деректер негізінде осы қатынаста Энспринг® препараты үшін қауіп сеніммен бағалануы мүмкін емес.
Дивертикул/ішек жақтауының тесілуі
ИЛ-6 рецепторларының тежегіштерімен емдеу кезінде ревматоидты артриті бар пациенттерде дивертикулдардың дамуы және ішек жақтауының тесілуі байқалды.
Энспринг® препаратымен емдеу кезінде дивертикулдардың/ішек жақтауы тесілуінің жоғары даму қаупін жоққа шығаруға болмайды, өйткені бұл асқыну ИЛ-6 рецепторының басқа тежегіштерін қолдану кезінде байқалған. Энспринг® препаратын анамнезінде ішектің ойық жарасы немесе дивертикулиті бар пациенттерде сақтықпен қолдану керек.
Басқа дәрілік препараттармен өзара әрекеттесуі
Энспринг® препараты үшін дәрілік өзара әрекеттесудің жекелеген зерттеулері жүргізілген жоқ.
Фармакокинетикалық өзара әрекеттесуі
CYP450 бауыр ферменттерінің экспрессиясы созылмалы қабынуды стимуляциялайтын ИЛ-6 сияқты цитокиндермен басылады. Демек, Энспринг® препаратын қолдану кезінде цитокиндердің тежелуі басталған кезде CYP450 экспрессиясы өзгеруі мүмкін.
Сондықтан дозалары жеке реттелетін және CYP450 3A4, 1A2 немесе 2C9 ферменттерімен (мысалы, аторвастатин, кальций өзекшелерінің блокаторлары, теофиллин, варфарин, фенитоин, циклоспорин немесе бензодиазепиндер) метаболизденетін препараттарды қабылдайтын пациенттер Энспринг® препаратымен емнің басында және соңында тексерілуге тиіс, осы препараттардың дозасын қажет болған жағдайда түзету керек. Олардың жартылай шығарылуының ұзақ кезеңін ескере отырып, Энспринг® препаратының CYP450 ферменттерінің белсенділігіне әсері емдеу аяқталғаннан кейін бірнеше апта бойы сақталуы мүмкін.
Энспринг® препаратының клиренсіне азатиоприннің, кортикостероидтардың немесе микофенолат мофетилі әсері анықталған жоқ.
Арнайы ескертулер
Бауыр функциясы бұзылған пациенттер
Бауыр функциясы бұзылған пациенттерде Энспринг® препаратының қауіпсіздігі мен тиімділігіне зерттеу жүргізілмеген.
Бүйрек функциясы бұзылған пациенттер
Бүйрек функциясы бұзылған пациенттерде Энспринг® препаратының қауіпсіздігі мен тиімділігіне арнайы зерттеулер жүргізілмеген; алайда Энспринг® препаратының моноклональді антидене болып табылатынын және катаболизм жолымен (бірақ бауыр метаболизмі жолымен емес) шығарылатынын ескере отырып, бүйрек функциясы бұзылған пациенттерде дозаны түзету талап етілмейді деп болжанады. Ауырлығы жеңіл дәрежедегі бүйрек функциясы бұзылған пациенттер клиникалық зерттеулерге енгізілген, осы пациенттерде сатрализумабтың фармакокинетикалық параметрлері өзгерген жоқ.
Егде жастағы пациенттер
≥65 жастағы пациенттерде дозаны түзету талап етілмейді.
>74 жастағы егде жастағы пациенттерде Энспринг® препаратының қауіпсіздігі мен тиімділігін зерттеу жүргізілмеген.
Педиатрияда қолдану
Энспринг® препаратының қауіпсіздігі мен тиімділігін зерттеу ≥12 жастағы жасөспірімдердің шектеулі санына жүргізілді. Фармакокинетика, тиімділік және қауіпсіздік бойынша нәтижелер ересектерде алынған нәтижелермен салыстырылды.
Энспринг® препаратының қауіпсіздігі мен тиімділігін <12 жастағы балаларда зерттеу жүргізілген жоқ.
Бала туу әлеуеті сақталған әйелдер
Бала туу әлеуеті сақталған әйелдерде емдеу кезінде және Энспринг® препаратының соңғы дозасын енгізгеннен кейін 5 айға дейін контрацепцияның тиісті әдісін пайдалану туралы мәселені қарау керек.
Жүктілік немесе лактация кезінде
Энспринг® препаратын жүкті әйелдерде қолдану туралы деректер жоқ. Энспринг® препаратын, ана үшін ықтимал пайдасы шарана үшін ықтимал қауіптен асып түсетін жағдайларды қоспағанда, жүктілік кезінде пайдалануға болмайды.
Энспринг® препаратымен ем қабылдап жүрген әйелдерге бала емізбеу керек. Бұл жағдайда емізудің балаға тигізетін пайдасы мен ана үшін емнің пайдасын салыстыру қажет.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Энспринг® препаратының көлік құралдары мен механизмдерді басқару қабілетіне әсерін зерттеу бойынша зерттеулер жүргізілген жоқ. Алайда, қол жетімді деректерге сәйкес, Энспринг® препаратын қолдану көлік құралдары мен механизмдерді басқару қабілетіне әсер ететіндігі туралы ешқандай дәлел жоқ.
Қолдану жөніндегі ұсынымдар
Дозалау режимі
Жүктеме дозасы
Ұсынылатын жүктеме дозасы алғашқы үш енгізуде әрбір 2 апта сайын тері астына 120 мг құрайды (0 аптада бірінші доза, 2 аптада екінші доза және 4 аптада үшінші доза).
Демеуші доза
Ұсынылатын демеуші доза әр 4 апта сайын (8 аптадан бастап) тері астына 120 мг құрайды.
Енгізу әдісі және жолы
Энспринг® препаратын тері астына инъекция түрінде енгізеді.
Энспринг® препараты тек бір дозаны енгізуге арналған.
Қолданар алдында шприц-түбекті картон қорапшасынан тыс бөлме температурасында 30 минутқа қалдырыңыз.
Ерітіндіде бөгде қосылыстар болған жағдайда, ол бұлыңғырланғанда немесе түсін өзгерткенде препаратты енгізуге болмайды.
Шприц-түбектің зақымданғанын тексеру қажет. Жарықтар немесе зақымданулар болған кезде препаратты енгізуге болмайды.
Препаратты іш және жамбас аймағына енгізу ұсынылады. Инъекция орындарын ауыстырып, препаратты меңдерге, тыртық тіндеріне, гематомаларға, тығызданған немесе зақымданған жерлерге, терісі сезімтал, қызарған жерлерге ешқашан енгізбеу керек.
Энспринг® препаратының ашылмаған картон қорапшасын (түпнұсқалық қаптамасын) алуға және қажет болған жағдайда, тоңазытқышқа қайта қоюға болады. 30 °С-ден аспайтын бөлме температурасында (тоңазытқыштан тыс) жалпы сақтау уақыты 8 күннен аспауы тиіс.
Шприц-түбекті утилизациялау
Шприц-түбекті пайдалану және утилизациялау бойынша келесі талаптарды қатаң сақтау қажет:
шприц-түбекті ешқашан қайта пайдалануға болмайды
пайдаланылған шприц-түбекті пайдаланғаннан кейін бірден өткір заттарды утилизациялауға арналған контейнерге салу
шприц-түбекті жергілікті талаптарға сәйкес немесе емдеуші дәрігердің нұсқауларына сәйкес утилизациялау
барлық дәрілік препараттар сияқты шприц-түбекті балалардың қолы жетпейтін жерде сақтау керек.
Пайдаланылмаған/жарамдылық мерзімі өткен препаратты утилизациялау
Дәрілік препараттың қоршаған ортаға түсуі барынша азайтылуы тиіс. Препаратты ағынды суларға немесе тұрмыстық қалдықтармен бірге утилизациялауға болмайды. Дәрілік препараттың пайдаланылмаған кез келген мөлшерін және қалдықтарды белгіленген тәртіппен жою керек.
Емдеу ұзақтығы
Энспринг® препараты ұзаққа созылатын ем жүргізуге арналған.
Артық дозаланғанда қабылдануы қажет шаралар
Оптиконевромиелит немесе оптиконевромиелит ауқымының аурулары бар пациенттерде артық дозалану жағдайлары туралы хабарланған жоқ. Оптиконевромиелит немесе оптиконевромиелит ауқымының аурулары бар пациенттерде артық дозалану тәжірибесі жоқ.
Артық дозаланғанда пациентті мұқият бақылау, симптоматикалық емдеу және қажет болған жағдайда, демеу шаралары ұсынылады.
Дәрілік препараттың бір немесе бірнеше дозасын өткізіп алған кездегі қажетті шаралар
Егер инъекция өткізіп алынса, оны келесі жоспарланған енгізуді күтпей-ақ, мүмкіндігінше тезірек енгізу керек. Кешіктірілген немесе өткізіп алған дозаны енгізгеннен кейін енгізу аралығын 2 апта (жүктеме кезеңі) немесе 4 апта (демеуші кезең) ұстау керек.
Тоқтату симптомдары қаупінің болуын көрсету
Егер Энспринг® препаратымен емдеуді емдеуші дәрігермен талқыламасаңыз, қолдануды тоқтатпаңыз.
Дәрілік препараттың қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар
Препаратты қолдану туралы сұрақтар туындаған жағдайда емдеуші дәрігерге қаралыңыз.
Дәрілік препаратты стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар
Жағымсыз реакциялардың жиілігін сипаттау үшін мынадай жіктеу пайдаланылады: өте жиі (≥1/10), жиі (≥1/100-ден <1/10-ға дейін), жиі емес (≥1/1000-нан <1/100-ге дейін), сирек (≥1/10000-нан <1/1000-ға дейін) және өте сирек (≥1/1000-нан < 1/1000-ға дейін).
Өте жиі
несеп шығару жолдарының инфекциясы, жоғарғы тыныс алу жолдарының инфекциясы, назофарингит
бас ауыру
инъекцияға байланысты реакциялар
артралгия
гиперлипидемия
лейкоциттер санының төмендеуі
Жиі
тұмау
бас сақинасы
қаңқа-бұлшықеттің қимыл қозғалысының шектелуі
бөртпе, қышыну
ұйқысыздық
шеткері ісіну
гипофибриногенемия
аллергиялық ринит
билирубин деңгейінің жоғарылауы, дене салмағының артуы, тромбоцитопения, трансаминазалар деңгейінің артуы
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
ҚР ТКҰ/өндіруші өкілінің жағымсыз реакциялары туралы хабарлау жүйесі:
«Рош Қазақстан» ЖШС
https://www.roche-kz.com
Қосымша мәліметтер
Дәрілік препараттың құрамы
Бір шприц-түбектің ішінде
белсенді зат - сатрализумаб 120 мг
қосымша заттар: L-гистидин, L-аспарагин қышқылы, L-аргинин, полоксамер 188, инъекцияға арналған су
Сыртқы түрінің, иісінің, дәмінің сипаттамасы
Түссізден сәл сарғыш түске дейінгі сұйықтық
Шығарылу түрі және қаптамасы
1.0 мл препараттан бір жағынан хлорбутилкаучук-полипропиленнен жасалған қорғаныш қалпақшасы бар тот баспайтын болаттан жасалған инемен және екінші жағынан фторполимермен (PTFE) ламинатталған, хлорбутилкаучуктен жасалған тығыздағышы бар пластмасса поршеньмен полимерлі материалдан (циклоолефин) жасалған түссіз шприц-түбекке салынған.
1 шприц-түбектен қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
Жарықтан қорғау үшін түпнұсқалық қаптамасында, 2 °C-ден 8 °C-ге дейінгі температурада. Мұздатып қатыруға болмайды! Сілкімеу керек! Препараттың 30°C-ге дейінгі температурада болуының рұқсат етілетін кезеңі - 8 тәулік.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
Чугай Фарма Мануфактуринг Ко., Лтд.
16-3 Kiyohara-Kogyodanchi, Уцуномия, Жапония
Тел. + 81-(0)28-667-7611
Факс + 81-(0)28-667-7600
info@roche.com
Тіркеу куәлігінің ұстаушысы
Ф. Хоффманн-Ля Рош Лтд., Швейцария
F. Hoffmann-La Roche Ltd, Grenzacherstrasse 124,
4070 Базель, Швейцария
Тел. + 41 61 688 11 11
Факс + 41 61 691 93 91
info@roche.com
Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Рош Қазақстан» ЖШС
Қазақстан Республикасы,
050020, Алматы қ., Луганский к-сі, 137 үй
Тел. +7 (727) 321 24 24
kz.safety@roche.com, kz.quality@roche.com
Энспринг® препараты шприц-түбекті қолдану жөніндегі нұсқаулар
Шприц-түбекті қолданар алдында осы нұсқауларды оқып шығыңыз, себебі оларда жаңа ақпарат болуы мүмкін. Бұл ақпарат емдеуші дәрігердің ауруыңыз немесе оны емдеу туралы кеңесін алмастырмайды. Емдеуші дәрігердің шешімі бойынша Сіз/Сізге күтім жасайтын адам Энспринг® препаратын үйде енгізе алады. Сіздің емдеуші дәрігеріңіз Сізге немесе күтім жасайтын адамға шприцті өзіңіз қолданар алдында оны қалай дұрыс және қауіпсіз пайдалану керектігін көрсетеді. Егер Сізде сұрақтар туындаса, емдеуші дәрігерге қаралыңыз.
МАҢЫЗДЫ АҚПАРАТ
Әрбір шприц-түбектің ішінде Энспринг® препараты бар
Бір картон қорапшаның ішінде 1 шприц-түбек бар
Шприц-түбек бір реттік қолдануға арналған
Шприц-түбекті басқа адамдарға бермеңіз – Сіз оларға ауыр инфекцияны бере аласыз немесе олардан ауыр инфекция ала аласыз
Энспринг® препаратын енгізуге дайын болғанша ине қалпақшасын шприц-түбектен шешпеңіз
Егер сіз оны құлатып алсаңыз немесе ол зақымдалған болса, шприц-түбекті пайдаланбаңыз
Шприц-түбекті бөлшектеуге тырыспаңыз
Шприц-түбекті қараусыз қалдырмаңыз
Бір шприцті бір реттен артық пайдаланбаңыз.
САҚТАУ
Ашылмаған шприц-түбекті тоңазытқышта 2 °C-ден 8 °C-ге дейінгі температурада пайдалануға дайын болғанға дейін сақтаңыз.
Шприц-түбекті балалардың қолы жетпейтін жерде сақтаңыз.
Шприц-түбекті жарықтан қорғау үшін түпнұсқалық қаптамасында сақтаңыз.
Шприц-түбекті құрғақ жерде сақтаңыз.
Шприц-түбекті мұздатып қатырмаңыз. Егер шприц-түбек мұздатып қатып қалса, оны қолданбаңыз.
Жиынтықталымға кіретін материалдар:
Бір рет қолдануға арналған Энспринг® препаратының шприц-түбегі
Жиынтықталымға кірмейді:
Тазартатын спиртті сүрткі
Стерильді мақта тампоны немесе дәке
Бұласыр
Пайдаланылған шприцті қауіпсіз утилизациялауға арналған өткір құралдарды утилизациялауға арналған контейнер (тесілуге төзімді контейнер) («Энспринг® препаратын утилизациялау» 21 қадамды қараңыз).
Ішінде Энспринг® препараты бар шприц-түбек A және B суреттерінде ұсынылған.
Пайдаланар алдындағы шприц-түбек:
А суреті
Пайдаланғаннан кейінгі шприц-түбек:
В суреті
Шприц-түбекте инъекция аяқталғаннан кейін инені автоматты түрде жабатын арнайы қорғаныш сақтандырғышы бар.
Препаратты қолдануға дайындық
Ішінде шприц-түбегі бар картон қорапшаны тоңазытқыштан алып шығыңыз және таза, тегіс, жұмыс беткейіне (мысалы, үстелге) қойыңыз.
Картон қорапшаның артқы жағында көрсетілген жарамдылық мерзімінің аяқталу күнін тексеріңіз (С суретін қараңыз). Егер картон қорапшада көрсетілген жарамдылық мерзімі аяқталған болса, препаратты пайдаланбаңыз.
Картон қорапшаның алдыңғы жағы жабылғанын тексеріңіз (C суретін қараңыз). Егер картон қорапшаның осы аймағына зақым келсе, препаратты пайдаланбаңыз.
Егер жарамдылық мерзімі аяқталса немесе картон қорапшаның жабылған аймағы зақымдалған болса, препаратты пайдаланбаңыз. Мұндай жағдайда «Энспринг® препаратын утилизациялау» 21 қадамын қараңыз және емдеуші дәрігермен хабарласыңыз.
C суреті
Тұмшаланып жабылған картон қорапшаны ашыңыз (D суретін қараңыз).
D суреті
Корпусынан ұстап тұрып, шприц-түбекті картон қорапшадан абайлап алыңыз (E суретін қараңыз).
Болмайды:
шприц-түбекті алып шығу үшін картон қорапшаны аударуға;
шектегіштерге ұстауға - бұл шприц-түбекті зақымдауы мүмкін;
поршеньді немесе иненің қорғаныш қалпақшасын ұстауға.
Е суреті
Шприц-түбекті тексеру (F суретін қараңыз)
Шприц-түбекте көрсетілген жарамдылық мерзімінің аяқталу күнін тексеріңіз. Егер жарамдылық мерзімі өтіп кетсе, шприц-түбекті пайдаланбаңыз.
Шприц-түбекті қандай да бір зақымдану мәніне тексеріңіз. Егер шприц-түтікте жарықтар болса немесе ол сынған болса, оны пайдаланбаңыз.
Көру терезесі арқылы препараттың түссізден сәл сарғыш түске дейін мөлдір сұйықтық екенін тексеріңіз. Егер препараттың ерітіндісі бұлыңғыр болса, түсі өзгерсе немесе онда бөгде қосылыстар болса, препаратты енгізбеңіз.
Шприц-түбекте кішкене ауа көпіршіктері болуы мүмкін. Бұл қалыпты жағдай болып табылады және Сіз оларды жоюға тырыспауыңыз керек.
F суреті
Егер жарамдылық мерзімі өтіп кетсе, шприц-түбек зақымдалған, препараттың ерітіндісі бұлыңғыр болса, түсі өзгерсе немесе онда бөгде қосылыстар болса, препаратты пайдаланбаңыз. Мұндай жағдайда «Энспринг® препаратын утилизациялау» 21 қадамын қараңыз және емдеуші дәрігермен хабарласыңыз.
Шприц-түбекті бөлме температурасына дейін жеткізу
Шприц-түбекті тексергеннен кейін оны таза, тегіс жұмыс беткейіне (мысалы, үстелге) 30 минутқа қойыңыз – бұл дайындықты бөлме температурасына дейін жеткізеді (G суретін қараңыз).
Шприц-түбекті баяу жылытуға мүмкіндік беру керек, өйткені суық препаратты енгізу ыңғайсыз болуы мүмкін және шприц-түбектің поршенін басу қиын болады.
Болмайды:
жылыту процесін кез-келген тәсілмен жеделдетіңіз, мысалы, микротолқындарды қолдану немесе шприц-түбекті жылы суға салу;
шприц-түбегі бөлме температурасына жеткенше иненің қалпақшасын алыңыз.
G суреті
Қолды жуу
Қолыңызды сабынды сумен жуыңыз (H суретін қараңыз).
H суреті
Инъекция орнын таңдау
Инъекция орнын таңдаңыз:
төменгі іш аймағы
немесе
жамбастың алдыңғы және ортаңғы беткейі (I суретті қараңыз).
I суреті
Болмайды:
кіндіктің айналасынан 5 см аумағында инъекция жүргізу;
меңдерге, тыртық тіндеріне, гематомаларға, тығыздануларға немесе зақымдалған жерлерге, сезімтал теріге, қызарған жерге инъекция жасауға.
Инъекция орнын әр рет өзгерту қажет - инъекция кезінде алдыңғы инъекция аймағынан кемінде 2.5 сантиметрге шегіну керек.
Инъекция алаңын өңдеу
Инъекция алаңын спиртті сүрткімен өңдеңіз және оны ашық ауада құрғатыңыз.
Болмайды:
тазартылған аймаққа үрлеуге немесе желдетуге;
инъекция жүргізілген сәтке дейін инъекция орнына қол тигізуге.
J суреті
Препаратты енгізу
Шприц-түбектің корпусын бас бармақ пен сұқ саусақтың арасында ұстаңыз. Екінші қолыңызбен иненің қалпақшасынан тартып, оны дереу алыңыз. Сіз иненің ұшында бір тамшы сұйықтықты көре аласыз - бұл қалыпты жағдай және Сіздің дозаңызға әсер етпейді (K суретін қараңыз).
Қалпақшаны шешкеннен кейін 5 минут ішінде шприц-түбекті қолданыңыз, себебі ине бітеліп қалуы мүмкін.
Болмайды:
Сіз Энспринг® препаратын енгізуге дайын болғанға дейін иненің қалпақшасын шешуге;
инені алып тастағаннан кейін иненің қалпақшасын қайта салуға, себебі бұл инені зақымдауы мүмкін;
қалпақшаны шешкеннен кейін инені ұстауға немесе оны кез-келген бетке қоюға.
K суреті
Тесуден қорғалған, өткір заттарды утилизациялауға арналған контейнерге иненің қалпақшасын дереу салыңыз («Энспринг® препаратын утилизациялау» 21-қадамын қараңыз).
Шприц-түбектің корпусын бас бармақ пен сұқ саусақтың арасында ұстаңыз. Тазартқан терінің аймағын басқа қолыңызбен қысыңыз (L суретін қараңыз).
Жылдам, оқыс қимылмен инені 45° - тан 90° - қа дейінгі бұрышта енгізіңіз (L суретін қараңыз).
Болмайды:
инені киім арқылы енгізуге;
инъекция бұрышын өзгертуге;
инені қайта енгізуге.
L суреті
Инені енгізгеннен кейін қысылған теріні босатыңыз.
Препаратты толығымен баяу енгізіңіз, поршеньді шектегіштерге тигенше соңына дейін ақырын басыңыз (M суретін қараңыз).
M суреті
Поршеньді баяу босатыңыз және инені енгізу жасалған сондай бұрышта теріден шығарыңыз (N-суретін қараңыз).
N суреті
Енді ине қорғаныш сақтандырғышымен жабылады. Егер ине жабылмаған болса, зақымдануды болдырмау үшін шприц-түбекті өткір заттарды утилизациялауға арналған, тесуден қорғалған контейнерге мұқият салыңыз («Энспринг® препаратын утилизациялау» 21-қадамын қараңыз).
Инъекция орнына күтім жасау
20. Инъекция орнында аздап қан кету байқалуы мүмкін. Инъекция орнына мақта немесе дәке тампонымен басуға болады, бірақ оны ысқыламаңыз. Қажет болса, инъекция орнына кішкене бұласыр жабыстыруға болады. Егер препараттың терімен байланысы болса, бұл аймақты сумен шайыңыз.
Энспринг® препаратын утилизациялау
21. Қалпақшаны шприц-түбекке қайта салуға тырыспаңыз. Пайдаланылған шприц-түбекті пайдаланғаннан кейін бірден өткір заттарды утилизациялауға арналған контейнерге салыңыз (O суретін қараңыз). Тұрмыстық қалдықтары бар шприц-түбекті утилизациялауға және қайта өңдеуге болмайды.
O суреті
Егер Сізде өткір заттарға арналған контейнерді немесе пайдаланылған шприц-тюбиктер мен ине қалпақшаларын қауіпсіз утилизациялау үшін тесілуге төзімді контейнерлердің басқа түрлерін, егер Сізде олар жоқ болса, қайда алуға болатыны жайлы емдеуші дәрігермен кеңесіңіз.
Емдеуші дәрігердің нұсқауларына сәйкес өткір заттарға арналған пайдаланылған контейнерді утилизациялаңыз.
Жергілікті ережелер бойынша рұқсат етілген жағдайларды қоспағанда, өткір заттарды утилизациялауға арналған пайдаланылған контейнерді тұрмыстық қалдықтарға салуға болмайды.
Өткір заттарды утилизациялауға арналған пайдаланылған контейнерді қайта өңдеуге болмайды.