Цефяпс

Цефяпс

Цефуроксим

Үлбірлі қабықпен қапталған таблеткалар, 250 мг және 500 мг

Жүйелі қолдануға арналған инфекцияға қарсы препараттар. Жүйелі пайдалануға арналған бактерияға қарсы препараттар. Бета-лактамды бактерияларға қарсы басқа да препараттар. Екінші буын цефалоспориндері. Цефуроксим.

АТХ коды J01DC02

Цефуроксимге сезімтал микроорганизмдерден туындаған инфекциялық-қабыну ауруларын емдеуде:

- жедел стрептококты тонзиллит және фарингит

- жедел бактериялық синусит

- жедел ортаңғы отит

- созылмалы бронхиттің өршуі

- цистит

- пиелонефрит

- тері мен жұмсақ тіндердің инфекциялары

- Лайм ауруының бастапқы сатысы.

Қолдануды бастағанға дейін қажетті мәліметтер тізбесі

- цефалоспориндер тобының антибиотиктеріне немесе басқа да бета-лактамды антибиотиктерге (пенициллиндер, монобактамдар, карбапенемдер) немесе препараттың кез келген компонентіне жоғары сезімталдық

- 6 жасқа дейінгі балалар (осы дәрілік түр үшін).

Сақтықпен:

- жүктіліктің бірінші триместрі.

Қолданған кездегі қажетті сақтандыру шаралары

Цефяпс таблеткаларын ұнтақтауға болмайды, сондықтан оларды таблеткаларды жұта алмайтын пациенттерді емдеу үшін қолдануға болмайды.

Бүйрек жеткіліксіздігі: цефуроксим негізінен бүйрек арқылы шығарылады. Бүйрек функциясы бұзылған пациенттер үшін препараттың организмнен баяу шығарылуын түзету үшін Цефяпс препаратының едәуір төмен дозасы көрсетілген. Цефуроксим организмнен диализ арқылы тиімді шығарылады.

Бауыр жеткіліксіздігі: бауыр жеткіліксіздігі кезінде цефуроксимді қолдану бойынша деректер жоқ. Цефуроксим негізінен бүйрек арқылы шығарылатындықтан, бауыр бұзылуларының болуы оның әсеріне ықпал етпейді деп күтілуде.

Басқа дәрілік препараттармен өзара әрекеттесуі

Асқазан сөлінің қышқылдығын төмендететін препараттар Цефяпс препаратының сіңірілуін төмендетуі және тамақтанудан кейін жылдам сіңіру әсерін жоққа тән етуі мүмкін.

Басқа да антибиотиктер сияқты, Цефяпс препараты ішек микрофлорасына әсер етуі мүмкін, біріктірілген пероральді контрацептивтер тиімділігінің төмендеуіне әкеледі.

Пробеницидпен бір мезгілде енгізу Цефяпс препараты әсерінің күшеюіне және деңгейінің 50 %-ға артуына әкеледі.

Қанның ұюын төмендететін пероральді препараттармен бір мезгілде қолдану қан ұюының күшеюіне әкелуі мүмкін.

Арнайы ескертулер

Жоғары сезімталдық: бұрын пенициллинге немесе басқа антибиотиктерге аллергиялық реакциялар болған болса, Цефяпс препаратын қолданған кезде ерекше сақтық қажет. Басқа антибиотиктерді қолданғандағыдай, цефуроксимге жоғары сезімталдықтың күрделі реакцияларын жоққа шығаруға болмайды, кейде өліммен аяқталуы мүмкін. Жоғары сезімталдықтың айқын көріністері дамыған кезде Цефяпс препаратын қолдануды дереу тоқтату және дереу дәрігерге қаралу қажет.

Ауру қоздырғышының жаппай қырылуынан туындаған реакция (Яриш-Герксхаймер реакциясы): Цефяпс препаратымен Лайм ауруын (кене шағуына байланысты аурулар) емдеген кезде байқалуы мүмкін. Температураның жоғарылауы, қалтырау, қан қысымының төмендеуі, жүрек соғуының жиілеуі, жүрек айнуы, бас ауыруы, бұлшықеттердің ауыруы, негізгі аурудың бұрыннан бар немесе жаңа симптомдарының пайда болуымен нашарлауымен көрініс беруі мүмкін. Бұл реакция ауру қоздырғышына цефуроксимнің микробқа қарсы әсерінің жиі салдары болып табылады, өздігінен қайтады және арнайы емдеуді қажет етпейді.

Сезімтал емес микроорганизмдердің өсуі: антибиотиктермен ұзақ емдеген кезде, ішекте сезімтал емес микроорганизмдердің өсуі күшеюі мүмкін. Цефяпс препаратын қолдану аясында сұйық нәжіс пайда болған кезде ішектің жедел қабыну ауруының (колит) даму мүмкіндігі туралы білу қажет, оның ауырлығы әртүрлі болуы мүмкін - жеңілден өмірге қауіп төндіретінге дейін. Бұл жағдай сұйық нәжіспен немесе антибиотикпен емдеу кезінде немесе оны тоқтатқаннан кейін бірден көрінуі мүмкін. Ұзаққа созылған жиі сұйық нәжіс немесе іште түйілу пайда болған кезде Цефяпс препаратымен емдеуді тоқтату және дереу дәрігерге қаралу қажет. Кейбір жағдайларда осы жағдайды спецификалық емдеу қажет болуы мүмкін. Ішектің перистальтикасын азайтатын препараттарды қолдануға болмайды.

Цефяпс таблеткаларының құрамында аллергиялық реакцияларды туғызуға (кейде кейінге қалдырылған) қабілетті қосымша заттар (парабендер) бар.

Диагностикалық тестілерге әсері: цефуроксимді қолданған кезде үйлесімділікке жалған-оң реакция байқалды (Кумбс тесті), ол қанның құйылуына кедергі болуы мүмкін. Сондай-ақ, цефуроксиммен емдеу аясында ферроцианидтік тесттің жалған оң нәтижесі болуы мүмкін, ол қандағы глюкоза деңгейін анықтау үшін қолданылады, сондықтан қателіктердің алдын алу үшін бұл жағдайларда глюкозооксидазалық немесе гексокиназалық әдістер пайдаланылады.

Педиатрияда қолдану: таблеткаларды жұту қиындық туғызғандықтан, бұл дәрілік түрі 6 жастан кіші балаларға қолданылмайды.

Жүктілік немесе лактация кезінде қолдану

Фертильділік: цефуроксимнің адамның бала туу функциясына әсері бойынша деректер жоқ, жануарларға жүргізілген зерттеулер бала туу функциясына әсерін анықтаған жоқ.

Жүктілік: сәбидің жатырішілік дамуына уытты әсері байқалмаған, бірақ жүктіліктің ерте мерзімінде Цефяпс препаратын басқа да бактерияға қарсы препараттар сияқты сақтықпен және тек дәрігердің тағайындауымен қолдану керек.

Лактация кезеңі: цефуроксим аздаған мөлшерде емшек сүтіне енеді. Цефяпс препаратының емдік дозаларын қолданған кезде жағымсыз әсері күтілмейді, дегенмен балада сұйық нәжіс пен шырышты қабықтың зеңдік инфекциялары даму қаупін толық жоққа шығаруға болмайды. Мұндай көріністер дамыған кезде дәрігер бала емізуді тоқтатуды ұсынуы мүмкін. Балада, сондай-ақ, аллергиялық реакция дамуы мүмкін.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Цефяпс препаратын қолданған кезде бас айналу мүмкіндігіне байланысты көлік құралдарын және басқа механизмдерді басқару кезінде сақ болу қажет.

Қолдану жөніндегі нұсқаулар

Дозалау режимі

Ересектер мен балалар >40 кг

Жедел тонзиллит және фарингит, жедел бактериялық синусит: күніне екі рет 250 мг-ден.

Жедел ортаңғы отит: күніне екі рет 500 мг-ден.

Созылмалы бронхиттің өршуі: күніне екі рет 500 м-ден.

Цистит, пиелонефрит: күніне екі рет 250 мг-ден.

Тері мен жұмсақ тіндердің асқынбаған инфекциялары: күніне екі рет 250 мг-ден.

Лайм ауруы: күніне екі рет 500 мг, 14 күн (10-нан 21 күнге дейін)

Балалар <40 кг

Жедел тонзиллит және фарингит, жедел бактериялық синусит: күніне екі рет 10 мг/кг, ең көбі күніне екі рет 125 мг-ден.

2 жастағы және одан үлкен балаларға жедел ортаңғы отитте немесе аса ауыр инфекцияларда: күніне екі рет 15 мг/кг-ден, ең көбі күніне екі рет 250 мг-ден.

Цистит: күніне екі рет 15 мг/кг, ең көбі күніне екі рет 250 мг-ден.

Пиелонефрит: күніне екі рет 15 мг/кг, ең көбі күніне екі рет 250 мг-ден,10-14 күн.

Тері мен жұмсақ тіндердің асқынбаған инфекциялары: күніне екі рет 15 мг/кг, ең көбі күніне екі рет 250 мг-ден.

Лайм ауруы: күніне екі рет 15 мг/кг, ең көбі күніне екі рет 250 мг-ден 14 күн бойы (10-нан 21 күнге дейін).

Енгізу әдісі мен жолы

Ішке қабылдауға арналған. Сіңірілуін жақсарту үшін препаратты тамақтан соң қабылдау керек.

Емдеу ұзақтығы

Препаратты орташа қолдану ұзақтығы орта есеппен 7 күнді (5-тен 10 күнге дейін) құрайды.

Артық дозаланған жағдайда қабылдануы тиіс шаралар

Симптомдары: бүйрек жеткіліксіздігі кезінде препараттың артық дозалануы дамуы мүмкін, ол ми жасушаларының патологиялық өзгеруін (энцефалопатия), құрысуларды және естен тануды қоса, неврологиялық асқынуларды туындатуы мүмкін.

Емі: симптоматикалық ем. Цефяпс препараты гемодиализде немесе перитонеальді диализде шығарылады.

Дәрілік препаратты қолдану тәсілін түсіндіру үшін сізге медицина қызметкеріне кеңес алуға жүгіну ұсынылады

Препаратты дәрігердің тағайындауы бойынша қолдану керек.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Жиі

- зеңдік инфекцияның төзімді түрлерінің өсуінің күшеюі, эозинофилдер мөлшерінің артуы, бауыр ферменттері (АЛТ, АСТ, ЛДГ) белсенділігінің уақытша жоғарылауы

- бас ауыруы, бас айналуы

- сұйық нәжісті, жүрек айнуын, іштің ауыруын қоса, асқазан-ішек бұзылыстары

Жиі емес

- үйлесімділік сынамаларының оң нәтижесі (Кумбс), тромбоциттер немесе лейкоциттер санының төмендеуі (кейде күрт айқындалған)

- тері бөртпесі, құсу.

Аса сирек/Бірлі-жарым жағдайларда және т.б.

- ішектің жедел қабыну ауруларын туғызатын патологиялық бактериялар өсуінің күшеюі (колит)

- билирубин түзілуінің жоғарылауымен қан жасушаларының қатты бұзылуынан туындаған анемия (гемолиздік анемия), сарғаю (көбінесе қан мен тіндерде билирубиннің жинақталуы салдарынан), гепатит

- дәрілік қызба, сарысу құю ауруы, анафилаксия, Яриш-Герксхаймер реакциясы, есекжем, қышыну, нысана тәрізді бөртпелердің түзілуімен қабыну реакциясы, соның ішінде ауыздың шырышты қуысыныда (мультиформалы эритема), тері мен шырыштарды бөртпелермен бірге жедел уытты-аллергиялық ауру (Стивенс-Джонсон синдромы), теріде үлкен жайпақ көпіршіктер түзілуімен аллергиялық дерматиттің ауыр түрі (уытты эпидермальді некролиз), терінің терең қабаттарының және теріасты тіндерінің ісінуі (ангионевроздық ісіну).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

(жағымсыз реакциялар бойынша ақпараттық деректер базасын көрсету)

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 250.00 мг немесе 500.00 мг цефуроксим (303.717 мг немесе 601.434 мг аморфтық цефуроксим ацетилі түрінде),

қосымша заттар: сусыз лимон қышқылы, натрий гидрокарбонаты, кросповидон (полиплаздон XL 10 ), натрий кроскармеллозасы (Ac-Di-Sol), натрий лаурилсульфаты (Texapon K 12 P PH), сусыз коллоидты кремнийдің қостотығы (Аэросил 200 Фарма), тальк, микрокристалды целлюлоза (Avicel PH 112),

қабықтың құрамы Опадрай ақ 03H580000: НРМС 2910/гипромеллоза 6 cps, титанның қостотығы (Е 171), пропиленгликоль, натрий бензоаты, тазартылған су.

Сыртқы түрінің иісінің, дәмінің сипаттамасы

Капсула пішінді, екі жақ беті дөңес, бір жақ бетінде «А 05» өрнегі, ойығы бар, ақ немесе ақ дерлік түсті үлбірлі қабықпен қапталған таблеткалар (250 мг доза үшін).

Капсула пішінді, екі жақ беті дөңес, бір жақ бетінде «А 07» өрнегі бар, ақ немесе ақ дерлік түсті үлбірлі қабықпен қапталған таблеткалар (500 мг доза үшін).

Шығарылу түрі және қаптамасы

Біріктірілген алюминий фольгадан (суық қалыпталған алюминий фольгадан немесе шыңдалған алюминий фольгадан) жасалған пішінді ұяшықты қаптамада 6 таблеткадан салынған.

2 пішінді қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы

Өндіруші туралы мәлімет

Nectar LifeSciences Limited - Unit VI

Деревня Бхатоликалан –

Прилегающий Джхармаджри Э.П.И.П., П.О.

Баротиуала, Техсил - Налагарх,

Солан ауданы, Химачал Прадеш, 173205, Үндістан

телефон: +91-1762-301305

электронды пошта: pardeep.agnihotri@neclife.com

Тіркеу куәлігінің ұстаушысы

SPEY MEDICAL PVT. LTD.

E-186, бір інші қабат, Грейтер Кайлаш-I,

Нью-Дели, оңтүстік Дели, Дели 110048, Үндістан

телефон: +91-1149534676

электронды пошта: info@spey.in

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланысу деректері (телефон, факс, электронды пошта):

«Cepheus Medical» (Цефей Медикал) ЖШС, 050000, Қазақстан Республикасы, Алматы қ., Панфилов к-сі 98, «OLD SQUARE» БО,

телефон: +7 (727) 300 69 71, +7 777 175 00 99 (тәулік бойы)

электронды пошта: cepheusmedical@gmail.com

Дистрибуция мәселелері бойынша: +7 (727) 271 80 78; +7 775 772 98 09, info@neolife.kz