Цефотаксим

Цефотаксим

Цефотаксим

Инъекция үшін ерітінді дайындауға арналған ұнтақ 1 г

1 құтының ішінде:

белсенді зат - 1050.0 мг натрий цефотаксимі (1000.0 мг цефотаксимге баламалы).

Ақтан бозғылт-сары түске дейінгі кристалды ұнтақ.

Дайындалған ерітінді: мөлдір, түсссіз.

АТХ коды J01DD01

Фармакокинетикасы

Сіңуі

1000 мг препаратты бұлшықет ішіне бір рет енгізгеннен кейінгі ең жоғарғы концентрациясы 81-102 мкг/мл жуықты құрайды, ал 500 мг және 2000 мг дозалар үшін – сәйкесінше 38 және 200 мкг/мл жуықты құрайды. “Цефотаксим 1 г” препаратының биожетімділігі 100% дейін болады.

Таралуы

1000 мг препаратты вена ішіне енгізгеннен кейін 30 минуттан соң цефотаксимнің болжамды таралу көлемі 21.6л/1,73м2 құрайды. Цефотаксимнің тіндер мен сұйықтықтарға өту қабілеті жоғары: препараттың емдік дозаларын енгізгеннен кейін цефотаксимнің көптеген сезімтал инфекция қоздырғыштарына қарсы тиімді концентрациясы әйелдердің ұрпақ өрбіту ағзаларының, простатаның, бүйректің тіндерінен, өт қабының қабырғаларынан, сондай-ақ интерстициальді және перитонеальді сұйықтықтардан және ортаңғы отит кезінде жалқықтан анықталады. Цефотаксимнің және дезацетилцефотаксимнің жоғары концентрациялары өттен де табылады.

1000 мг вена ішіне немесе 500 мг бұлшықет ішіне қайталап енгізген кезде 10-14 күннің ішінде цефотаксимнің организмде жинақталуы байқалмайды.

Жеке тіндерге өтуі

Ми қабықтары қабынғанда цефотаксим көптеген инфекция қоздырғыштарын тежейтін ең аз концентрацияларынан асатын концентрацияларда гемато-энцефа­лдық бөгет арқылы өтеді. Ми қабықтары қабынбаған кезде жұлын сұйықтығындағы концентрациялары едәуір төмен, алайда менингиті бар балаларда 3-30 мкг/мл құрайды. Сонымен, көптеген грамтеріс бактериялар үшін тежегіш болып табылатын 0.2-5.4 мкг/мл концентрацияларына цефотаксимді 1000-нан 2000 мг дейінгі дозаларда енгізгеннен кейін іріңді қақырықта, бронх секретінде және плевралық сұйықтықта жетеді.

Цефотаксим плаценталық бөгет арқылы өтеді және төмен концентрацияларда емшек сүтімен бөлініп шығады.

Ақуыздармен байланысуы

Цефотаксимнің плазма ақуыздарымен байланысуы орта есеппен 25 – 40 % құрайды.

Биотрансформациясы

Цефотаксим фармакологиялық белсенді метаболиті – дезацетилцефотаксимге ішінара метаболизденеді.

Шығарылуы

Цефотаксим негізінен өзгермеген күйде шығарылады - 60% жуығы өзгермеген күйде, ал 24% жуығы –дезацетилцефотаксим түрінде несеппен шығарылады. Цефотаксимнің жалпы плазмалық клиренсі 260-390 мл/мин құрайды. Бүйрек клиренсі 145-217 мл/мин тең. Вена ішіне енгізгеннен кейін цефотаксимнің жартылай шығарылу кезеңі ересектерде 0.9-1.14 сағатты, ал оның дезацетил-метаболитінікі – 1.3 сағатқа жуықты құрайды.

Бүйрек немесе бауыр функциясының бұзылуы бар пациенттер

Бүйрек функциясы бұзылған пациенттерде (креатинин клиренсі 3-10мл/мин) цефотаксимнің жартылай шығарылу кезеңі 2.5-3.6 сағатқа дейін ұлғаюы мүмкін. Бүйрек фукциясының айқын бұзылуында цефотаксимнің жартылай шығарылу кезеңі кем дегенде 2.5 сағатқа дейін, ал дезацетилцефотаксимдікі – 10 сағатқа дейін ұлғаяды; цефотаксимнің және оның негізгі метаболитінің жалпы қалпына келу деңгейі бүйрек жеткіліксіздігінің артуына қарай азаяды.

Жаңа туған нәрестелер және егде жастағы пациенттер

Жаңа туған балаларда препараттың фармакокинетикасы жүктіліктің қалай өткеніне және жасына байланысты; жартылай шығарылу кезеңі сол жастағы балалармен салыстырғанда шала туған балаларда және туған кездегі салмағы төмен балаларда ұлғаяды.

Егде жастағы пациенттерде цефотаксимнің жартылай шығарылу кезеңі 120-150 минутты құрайды.

Фармакодинамикасы

Әсер ету механизмі

III буындағы цефалоспориндік антибиотик, әсер ету ауқымы кең. Микроорганизмдердің жасуша қабырғасының синтезін бұза отырып, бактерицидтік әсер береді.

Төзімділік

Цефотаксимге төзімділік негізінен препараттың гидролизіне қабілетті, кең ауқымдағы бета-лактамазалардың өндірілуіне, немесе энзиматикалық инактивацияға, не болмаса жасушалық жарғақшаның өткізбеушілігіне, трансжарғақшалық помпалардың көмегімен антибиотик молекулаларын белсенді шығару механизмдеріне байланысты болады. Бір микроорганизм осы аталған төзімділік механизмдерінің бірнешеуін пайдалануы мүмкін.

Сезімтал микроорганизмдер

Грамоң аэробтар: Staphylococcus aureus (метициллинге сезімтал)1, А тобындағы Streptococci, Streptococcus pyogenes1 қоса алғанда, В тобындағы Streptococci, C, F және G тобындағы β-гемолитикалық Streptococci,

Streptococcus pneumoniae1, viridians тобындағы Streptococci.

Грамтеріс аэробтар: Citrobacter spp.1, Escherichia coli1, Klebsiella spp.1, Haemophilus influenza1, Haemophilus parainfluenzae1, Moraxella catarrhalis1, Neisseria gonorrhoea1, Neisseria meningitidis1, Proteus spp.1, Providencia spp.1, Yersinia enterocolitica кейбір штаммдары.

Анаэробтар: Clostridium spp. (Clostridium difficile-ден басқа). Peptostreptococcus spp., Propionibacterium spp.

Басқалары: Borrelia spp.

Төзімді микроорганизмдер

Грамоң аэробтар: Enterococcus spp., оның ішінде E. faecalis және E. faecium, Listeria spp., Staphylococcus aureus (метициллинге төзімді), Staphylococcus epidermis (метициллинге төзімді)

Грамтеріс аэробтар: Acinetobacter spp., Citrobacter spp., Enterobacter spp., Morganella morganii, Pseudomonas spp., Serratia spp., Xanthomonas maltophilia кейбір штаммдары

Анаэробтар: Bacteroides spp., Clostridium difficile

Басқалары: Chlamydia spp., Mycoplasma spp., Legionella pneumophilia.

1 Цефотаксимнің оларға қатысты тиімділігі расталған клиникалық көрсетілімдерде көрсетілген штаммдар.

Барлық метициллинге төзімді стафилококктар қазіргі уақытта бар бета-лактамдық антибиотиктердің барлығына, оның ішінде цефотаксимге де төзімді. Пенициллинге төзімді Streptococcus pneumoniae цефотаксим сияқты цефалоспориндерге кросс-төзімділіктің әртүрлі деңгейін көрсетеді.

“Цефотаксим 1 г” препараты цефотаксимге сезімтал микроорганизмдерден туындаған инфекциялық күрделі ауруларды емдеуде (қоздырғыштың сезімталдығы анықталғанға дейін де ем тағайындалуы мүмкін) қолданылады:

- остеомиелит;

- сепсис;

- бактериялық эндокардит;

- менингит;

- перитонит.

- парентеральді ем қолданылатын басқа да күрделі бактериялық инфекцияларда

- препарат хирургиялық емшараларды бастан өткерген науқастарда операция алдындағы профилактика үшін қолданылуы мүмкін.

Қолдану тәсілі

“Цефотаксим 1 г” препараты бұлшықет ішіне немесе вена ішіне (болюстік инъекция немесе инфузия түрінде) енгізіледі. Препараттың дозасын, оның мерзімділігін және қолдану тәсілін инфекцияның ауырлығына, микроорганизмнің түріне және оның цефотаксимге сезімталдығына, сондай-ақ пациенттің параметрлері мен жай-күйіне байланысты әркімге жеке белгілейді. Ем қоздырғыштың сезімталдығы анықталғанға дейін де тағайындалуы мүмкін.

Ересектер: асқынбаған инфекциялардағы ұсынылатын дозалары әр 12 сағат сайын 1 г цефотаксимді құрайды, алайда дозасы инфекцияның ауырлығына, микроорганизмнің сезімталдығына және пациенттің жай-күйіне байланысты өзгеруі мүмкін. Сезімталдыққа тест нәтижелері алынғанға дейін ем тағайындала беруі мүмкін.

Ауыр инфекцияларда тәуліктік доза 12 г дейін арттырылуы және 3 немесе 4 енгізумен қолданылуы мүмкін.

Pseudomonas сезімтал штаммдарынан туындаған инфекцияны емдеу үшін, әдетте 6 г-ден асатын тәуліктік доза қажет.

Балалар: балалар үшін цефотаксимнің әдеттегі тәуліктік дозасы дене салмағына 100-150 мг/кг құрап, 2-4 қабылданады, ал аса ауыр инфекция жағдайларында доза дене салмағына 200 мг/кг дейін арттырылуы мүмкін.

Жаңа туған нәрестелер: ұсынылатын доза тәулігіне дене салмағына 50 мг/кг құрайды және 2-4 енгізумен қолданылады. Ауыр инфекция жағдайында тәуліктік доза дене салмағына 150-200 мг/кг дейін арттырылып, тең бөлінген дозалар түрінде енгізілуі мүмкін.

Бүйрек жеткіліксіздігі. Айқын бүйрек жеткіліксіздігі бар пациенттерде (креатинин клиренс 5 мл/мин және одан аз, плазма креатинині – шамамен 751 мкмоль/л) тәуліктік доза азайтылуы тиіс. Бастапқы 1 г екпінді дозадан кейін, тәуліктік доза әр 12 сағат сайынғы 1 г орнына әр 12 сағат сайын 500 мг құрауы тиіс, немесе әр 8 сағат сайынғы 1 г орнына әр 8 сағат сайын 500 мг құрауы тиіс, немесе әр 8 сағат сайынғы 2 г орнына әр 8 сағат сайын 1г құрауы тиіс және т.с.с.

Аурудың ағымына және пациенттің жалпы жай-күйіне байланысты дозаны қосымша түзету қажет болуы мүмкін.

Бауыр жеткіліксіздігі. Бауыр жеткіліксіздігі бар пациенттерде дозаны түзету қажет емес.

Препаратты қолдану тәсілі

Инъекцияға арналған суда немесе сәйкес инфузиялық ерітіндіде сұйылтқаннан кейін, «Цефотаксим 1 г» препаратын вена ішілік болюстік инъекция немесе инфузия түрінде, немесе бұлшықет ішіне енгізуге болады.

Құрамында ерімеген бөлшектері жоқ, мөлдір ерітіндіні ғана пайдалану керек.

Дозаны қажетті мөлшерден аз енгізіп алмау үшін, дәрілік зат толық ерітілуі тиіс. Дайындалған ерітіндіні құтыдан мұқият шығарып алу қажет!

Бұлшықетішілік инъекциялар

Инъекцияға арналған суда ерітілген (инъекцияға арналған 4 мл суға 1 г препарат) «Цефотаксим 1 г» препаратының жаңа дайындалған ерітіндісі пайдаланылады.

Сондай-ақ лидокаин гидрохлоридінің 1% ерітіндісіндегі цефотаксимнің жаңа дайындалған ерітіндісін де пайдалануға болады.

Цефотаксимді бұлшықет ішіне енгізген кезде, еріткіш ретінде лидокаин пайдаланылғанда лидокаин үшін қарсы көрсетілімдерді ескеру керек (лидокаин дәрілік затының медициналық қолдану жөніндегі нұсқаулығындағы ақпаратты қараңыз), сондай-ақ анамнездегі лидокаинге аллергиялық реакцияларды ескерген жөн.

Құрамында лидокаин бар ерітінділерді вена ішіне енгізуге болмайды!

Лидокаинді 18 жасқа дейінгі балалар мен жасөспірімдерде еріткіш ретінде қолдануға тыйым салынған!

Венаішілік инъекциялар

«Цефотаксим 1 г» препаратының инъекцияға арналған судағы ерітіндісін 3-5 минуттан астам уақыт бойы баяу енгізу керек.

Венаішілік инфузиялар

Препараттың ерітіндісін вена ішіне инфузия түрінде 20-60 минут бойы енгізу керек (инъекцияға арналған 40-100 мл суға 1-2 г препарат). Венаішілік инфузия үшін инъекцияға арналған мынадай ертінділерді пайдалануға болады: 0.9% натрий хлориді ерітіндісі, инъекцияға арналған натрий хлориді және декстроза ерітіндісі, 5% декстроза ерітіндісі, инъекцияға арналған натрий лактатының күрделі ерітіндісі, инъекцияға арналған су.

Құрамында декстроза бар ерітінділерді қант диабеті бар науқастарда еріткіш ретінде сақтықпен пайдаланған жөн және қандағы және несептегі глюкоза мөлшерін бақылай отырып енгізу керек.

«Цефотаксим 1 г» препараты метронидазолдың (500 мг/100 мл) инфузиялық ерітіндісімен де үйлеседі.

«Цефотаксим 1 г» препаратын вена ішіне мезгіл-мезгіл енгізгенде ерітінді 3-5 минут бойы енгізілуі тиіс, өйткені катетер арқылы орталық венаға жылдам енгізуден кейін өмірге әлеуетті қаупі бар аритмиялар дамуының бірнеше жағдайлары байқалған.

Натрий цефотаксимін натрий бикарбонаты ерітіндісі сияқты инъекцияға арналған сілтілік ерітінділермен және құрамында эуфиллин бар ерітінділермен араластырмау керек.

Цефотаксимді және аминогликозидтерді бір шприцте немесе перфузиялық ерітіндіде араластыруға болмайды.

Қолайсыз жағымсыз реакциялар даму жиілігі бойынша, Дүниежүзілік Денсаулық сақтау Ұйымының ұсынымдарына сәйкес берілген: өте жиі (≥ 1/10); жиі (≥ 1/100 - <1/10 дейін); жиі емес (≥ 1/1000 - <1/100 дейін); сирек (≥ 1/10000 - <1/1000 дейін); өте сирек <1/10000); жиілігі белгісіз (жағымсыз әсердің даму жиілігіне қолда бар деректер негізінде баға беру мүмкін емес).

- цефатоксимге және цефалоспориндер тобындағы кез келген басқа антибиотиктерге аса жоғары сезімталдық

- анамнезде кез келген бета-лактамдық антибиотикке (пенициллиндерге, карбапенемдерге, монобактамдарға) аса жоғары сезімталдықтың ауыр реакциялары (мысалы, анафилаксиялық реакциялар)

- жүктілік (жүкті әйелдерде бақыланатын зерттеулердің болмауына байланысты)

Препаратты еріткіш ретінде лидокаинмен бірге енгізген кезде лидокаиннің медициналық қолдану жөніндегі нұсқаулығында бар ақпаратты ескеру керек және лидокаинды енгізумен байланысты қарсы көрсетілімдердің жоқ екенін анықтау керек:

- лидокаинге және амидтер тобындағы басқа жергілікті анестетиктерге аса жоғары сезімталдық

- ырғақ жетекшісі анықталмаған жүрекішілік блокадалар

- ауыр жүрек жеткіліксіздігі

- анамнезде қан кетулердің, энтероколиттің (әсіресе спецификалық емес ойық жаралы колиттің) болуы

- вена ішіне енгізу (лидокаинды еріткіш ретінде пайдалануға тыйым салынған)

- 18 жасқа дейінгі балалар мен жасөспірімдер (лидокаинды еріткіш ретінде пайдалану)

Жаңа туған нәрестелерде (венаішілік енгізу үшін), созылмалы бүйрек жеткіліксіздігінде, ойық жаралы колитте (оның ішінде анамнездегі), жүктілікте, лактация кезеңінде (елеусіз концентрацияларда сүтпен бөлінеді) сақтықпен қолдану керек.

Цефотаксим, басқа да цефалоспориндер тәрізді, аминоглико­зи­дтер және «ілмекті» диуретиктер (мысалы, фуросемид) сияқты әлеуетті нефроуытты препараттардың нефроуыттылығын да арттыруы мүмкін, осыған байланысты бүйрек функциясын бақылау керек.

Цефотаксиммен пробенецидті бір мезгілде қолданған кезде, пробенецид цефотаксимнің өзекшелік сөлінісіне әсер етеді, осыған байланысты, емдік дозаларда цефотаксимнің әсері 2 есеге жуық ұлғаяды, ал бүйрек клиренсі шамамен жартысына дейін азаяды. Бүйрек жеткіліксіздігі бар пациенттерге дозаны түзету қажет болуы мүмкін.

Цефотаксимді қоса, цефалоспориндермен емдеген кезде Кумбс сынамасының жалған оң нәтижелері байқалуы мүмкін. Цефотаксим мыстың қалпына келу реакциясына негізделген әдістерді (Бенедикт сынамасы, Фелинг реактивімен титрлеу немесе Clinitest) пайдаланғанда глюкозаға тесттің жалған нәтижелерінің пайда болуына әкелуі мүмкін, сондықтан цефотаксиммен ем кезеңінде плазмадағы қантты анықтаудың глюкоза-оксидазалық әдістерін пайдаланған жөн.

Азлоциллинмен немесе мезлоциллинмен бір мезгілде қолданған кезде цефотаксимнің клиренсі төмендейді.

Басқа антибиотиктер жағдайындағы тәрізді, цефотакси­мді ұзақ қолдану Enterococcus spp., Candida, Pseudomonas aeruginosa сияқты сезімтал емес микроорганиз­мдердің шамадан тыс өсуіне әкелуі мүмкін. Пациенттің жай-күйіне қайтадан баға беру қажет. Асқын инфек­ция дамыған кезде тиісті шаралар қабылдануы және клиникалық қажеттілігіне қарай микробқа қарсы спецификалық ем тағайындалуы тиіс.

Анафилаксиялық реакциялар

Цефотаксиммен емдеуді бастағанға дейін пациенттің анамнезінде пенициллиндерге және басқа бета-лактамдық антибиотиктерге аллергиялық реакциялардың бар-жоғын анықтау керек, өйткені 5-10 % жағдайларда айқаспалы аса жоғары сезімталдық реакциялары дамиды.

Анамнезінде цефалоспориндерге шұғыл типті аса жоғары сезімталдық реакциялары бар пациенттерге цефотаксимді қолдану абсолютті түрде қарсы көрсетілімді.

Пенициллиндерге жоғары сезімталдығы бар тұлғаларда цефалоспориндерге айқаспалы аллергия да болуы мүмкін, сондықтан цефотаксимді анамнезінде пенициллиндерге және басқа бета-лактамдық антибиотиктерге аса жоғары сезімталдығы бар пациенттерге қолданған кезде ерекше сақ болу керек. Цефотаксимді қабылдаған пациенттерде күрделі, оның ішінде өліммен аяқталған аса жоғары сезімталдық реакциялары тіркелген. Цефотаксимді қолдануға аллергиялық реакция дамыған кезде қолдануды дереу тоқтату керек.

Күрделі буллездік тері реакциялары

Стивенс-Джонсон синдромы және уытты эпидермалық некролиз сияқты күрделі буллездік тері реакциялары жағдайлары цефотаксимді қолданған кезде тіркелген. Тері және/немесе шырыштар тарапынан осындай реакциялар пайда болған жағдайда дереу дәрігерге көріну қажеттігін пациенттерге ескерту керек.

Гематологиялық реакциялар

Цефотаксиммен ем кезінде, әсіресе ұзаққа созылған емдеу курсында лейкопения, нейтропения, сиректеу агранулоцитоз дамуы мүмкін. Егер емдеу курсы 7-10 күннен ұзаққа созылса, қандағы лейкоциттер санын бақылау керек. Нейтропения дамыған жағдайда цефотаксимді қолдануды тоқтату қажет.

Емдеуді тоқтатқаннан кейін тез басылатын эозинофилияның және тромбоцитопенияның бірнеше жағдайлары туралы хабарланған. Гемолитикалық анемия жағдайлары туралы да хабарланды.

Ұзақ емдеу

Ұзақ емдеу кезінде қанның, бүйрек пен бауыр функциясының көрсеткіштерін ұдайы бақылау керек.

Натрий қабылдау

Натрий қабылдауды шектейтін диетада жүрген пациенттер препараттың құрамында натрий (2.09 ммоль/г) бар екенін ескеруі керек.

Clostridium difficile-мен астасқан асқынулар

Емдеудің алғашқы апталарында Clostridium difficile астасқан асқынулар, атап айтқанда ауыр, ұзаққа созылған диареямен білінетін жалған жарғақшалы колит пайда болуы мүмкін. Көбінесе бұл жағымсыз әсер препараттың жоғары дозаларымен ұзақ уақыт емдеу курсында пайда болады. Диагнозы колоноскопияда және/немесе гистологиялық зерттеу кезінде расталады. Цефотаксиммен антибиотиктік емдеу кезінде немесе одан кейін диареясы бар барлық пациенттерде осы аурудың даму мүмкіндігін есте ұстау қажет. Мұндай асқынуларды барынша күрделі деп бағалайды, және жалған жарғақшалы колитке күдік туған жағдайда цефотаксимді енгізуді дереу тоқтатып, талапқа сай ем тағайындау керек.

Перистальтиканы бәсеңдететін дәрілік препараттарды немесе тұтқырлық әсері бар басқа препараттарды енгізбеу керек.

Бүйрек жеткіліксіздігі

Бүйрек жеткіліксіздігі бар пациенттер үшін цефотаксимнің дозалары креатинин клиренсіне сәйкес түзетілуі тиіс.

Егер цефотаксим аминогликозидтермен, пробенецидпен немесе басқа нефроуытты препараттармен бірге қолданылса, сақтық таныту керек. Осы пациенттерде, егде жастағыларда және бүйрек функциясының бұзылуы бар немесе бұзылуы бұрын байқалған пациенттерде бүйрек функциясын бақылау керек.

Нейроуыттылық әсері

Цефотаксимді қоса, бета-лактамдық антибиотиктердің жоғары дозалары, әсіресе бүйрек жеткіліксіздігі бар пациенттерде, энцефалопатияның дамуын тудыруы мүмкін (мысалы, сананың бұзылуы, қимыл үйлесімінің бұзылуы, құрысулар).

Осындай реакциялар пайда болған жағдайда дәрігерге көріну қажеттігін пациенттерге ескерткен жөн.

Жүктілік және лактация кезеңі

Цефотаксимді жүктілік кезінде және лактация кезеңінде қолдануға қатаң көрсетілімдер бойынша ғана, болжамды пайдасы кез келген әлеуетті қаупінен асып түсетін жағдайларда жол беріледі. Препаратпен емдеу кезінде емшек емізуді жалғастырған жағдайда баланың жай-күйіне мониторинг қажет, өйткені диареяның және кандидоздық асқын инфекцияның, сондай-ақ сенсибилизацияның дамуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цефотаксим бас айналуын тудыруы мүмкін, ол автокөлікті және қауіптілігі зор механизмдерді басқару қабілетіне әсер етуі ықтимал.

Цефотаксимнің жоғары дозалары, әсіресе бүйрек жеткіліксіздігі бар науқастарда, энцефалопатияға (мысалы, сананың бұзылуы, әдеттен тыс қимылдар және құрысулар) әкелуі мүмкін. Егер осыған ұқсас қандай да бір симптомдар пайда болса, пациенттерге автокөлікті және механизмдерді басқармауды ұсыну керек.

Симптомдары: елеулі дәрежеде жағымсыз әсерлердің күшеюі түрінде білінеді, үлкен дозаларын енгізген жағдайда қайтымды энцефалопатияның даму қаупі бар (әсіресе бүйрек жеткіліксіздігі бар пациенттерде).

Емі: цефотаксимнің қан плазмасындағы концентрациясын гемодиализ немесе перитонеальді диализ арқылы азайтуға болады. Спецификалық антидоты жоқ. Аса жоғары сезімталдықтың айқын реакциясы немесе анафилаксиялық шок жағдайында цефотаксимді енгізуді тоқтату, адреналинді және/немесе глюкокортикоидтарды енгізуді қоса, шұғыл ем шараларын, сондай-ақ науқастың жай-күйінің ауырлығына байланысты – мысалы, жасанды тыныс алдыру, гистаминдік рецепторлардың антагонистерін қолдану сияқты қосымша шараларды, ал қантамырлар жеткіліксіздігі дамыған жағдайларда –реанимация шараларын қолдану қажет.

Шығарылу түрі және қаптамасы

1г натрий цефотаксимінен мөлдір түссіз боросиликатты шыныдан жасалған, сыйымдылығы 10 мл, бутилкаучук тығындармен тығындалған, TROGE® логотипі бедерленген қақпақшалары бар алюминий қалпақшалармен қаусырылған құтыларда.

1 немесе 50 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

25°C-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

3 жыл

Дайындалған ерітіндіні тез арада немесе 2-8°C температурада 24 сағаттың ішінде пайдалану керек.

Жарамдылық мерзімі өткеннен кейін қолдануға болмайды.

Рецепт арқылы

Өндіруші :

Реянг Фармасьютикал Ко., Лтд., Қытай

No. 1 Руйян-роуд, Июань, Шаньдун провинциясы, Қытай

Троге Медикал ГмбХ, Германия

19 Милхштрассе, 20148 Гамбург, Германия

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ЖК «АМОЕНА»

Алматы қ., Гагарин даңғылы, 196а, 62

Тел/факс +7-727-2282134, +77078077255

e-mail: k_natali06@mail.ru