Хиримоз™ (Адалимумаб)

Хиримоз™

Адалимумаб

Дәрілік түрі, дозасы

Тері астына енгізуге арналған ерітінді, 40 мг/0.8 мл, 20 мг/0.4 мл

Антинеопластикалық және иммуномодуляциялайтын препараттар. Иммуносупрессанттар. Альфа ісіктерінің некроз факторы тежегіштері. Адалимумаб.

ATХ коды: L04AB04

ДП биоаналог (биотәрізді дәрілік препарат) болып табылады.

Ревматоидты артрит

Хиримоз™ препараты (метотрексатпен біріктірілімде):

- метотрексатты қоса, ауру ағымын модификациялайтын ревматизмге қарсы препараттарға талапқа сай жауап болмағанда ересек пациенттердегі белсенділігі орташа және жоғары дәрежедегі ревматоидты артритті емдеу үшін

- метотрексатпен алдын ала ем қабылдамаған ересектерде белсенді және үдемелі ревматоидты артриттің ауыр түрін емдеу үшін көрсетілген.

Хиримоз™ препаратын метотрексат жақпаған немесе метотрексатты қолданумен емдеуді жалғастыру мүмкін болмаған жағдайда монотерапия режимінде қолдануға болады.

Хиримоз™ препараты рентгенографиямен расталған буындар зақымдануының үдеу жиілігінің төмендегенін және метотрексатпен біріктірілімде қолдану кезінде функционалдық статус жақсаруын көріністеді.

Псориаздық артрит (ПсА)

Хиримоз™ препараты ауруды модификациялайтын ревматизмге қарсы препараттармен емге реакция жеткіліксіз болғанда полиартикулярлы ювенильді идиопатиялық артриті бар пациенттерде 2 жастан бастап белсенді артритті емдеу үшін; симметриялық полиартикулярлы ауру түріне шалдыққан пациенттерде рентгенографиямен өлшенген шеткері буындар зақымдануларының үдеуін баяулату үшін және функционалдық жай-күйді жақсарту үшін көрсетілген.

Хиримоз™ препаратын жеке өзін немесе метотрексатпен немесе басқа биологиялық емес препараттармен (DMARD) бірге қолдануға болады.

Аксиальді спондилоартрит

Шорбуынданатын спондилит (ШС)

Хиримоз™ препараты белсенді шорбуынданатын спондилит бар ересек пациенттерде ауру белгілері мен симптомдарын азайту үшін көрсетілген.

Рентгенографиялық емес аксиальді спондилоартрит (ШС рентгенографиялық расталуынсыз аксиальді спондилоартрит)

Хиримоз™ препараты ревматизмге қарсы препараттарға талапқа сай жауап болмаған жағдайда рентгенографиялық емес белсенді аксиальді емес спондилоартрит бар ересек пациенттерде ауру белгілері мен симптомдарын азайту үшін көрсетілген.

Іріңді гидраденит (ІГ)

Адалимумаб ІГ әдеттегі жүйелі еміне жауабы талапқа сай емес ересектер мен 12 жастан бастап жасөспірімдерде орташадан ауырға дейінгі (инверстік безеулер) белсенді іріңді гидраденитті емдеу үшін көрсетілген.

Крон ауруы (КА)

Хиримоз™ препараты дәстүрлі ем тиімсіз болғанда белсенділігі орташа және жоғары дәрежедегі Крон ауруы бар ересек пациенттерде, сондай-ақ инфликсимаб қолданылуына клиникалық жауабын жоғалтқан немесе соңғысының жақпаушылығын танытқан пациенттерде ауру белгілері мен симптомдарын азайту үшін клиникалық ремиссияны индукциялау және демеу үшін көрсетілген.

Ойық жаралы колит (ОК)

Хиримоз™ препараты кортикостероидтармен және/немесе 6-меркаптопуринмен немесе азатиопринмен емді қоса, дәстүрлі ем клиникалық жауап бермеген немесе жақпаушылық құбылыстарын танытқан немесе бастапқыда қарсы көрсетілімді болған ересек пациенттерде белсенділігі орташа және жоғары дәрежедегі ойық жаралы колитті емдеу үшін көрсетілген.

Түйіндақты псориаз (ТП)

Хиримоз™ препараты жүйелі ем немесе фототерапия көрсетілген ересек пациенттерде орташа және ауыр созылмалы түйіндақты псориазды емдеуге арналған.

Хиримоз™ препараты жүйелі ем көрсетілген ересек пациенттерде орташа және ауыр псориазды емдеуге арналған.

Увеиттер

Хиримоз™ кортикостероидтарға жауабы талапқа сай емес ересек пациенттерде, кортикостероидтық ем қажет болатын пациенттерде немесе кортикостероидтармен емдеу мақсатқа сай еместерде инфекциялық емес аралық, артқы немесе панувеитті емдеуге көрсетілген.

Педиатрияда

Ювенильді ревматоидты артрит (ЮРА)

Полиартикулярлы ювенильді идиопатиялық артрит

Хиримоз™ препараты белсенділігі орташа және жоғары дәрежедегі полиартикулярлы артрит бар 2 жастан бастап және одан үлкен балаларда ауру белгілері мен симптомдарын азайту үшін көрсетілген.

Хиримоз™ препаратын метотрексатпен бірге немесе монотерапия түрінде қолдануға болады.

Энтезит-астасқан артрит

Хиримоз™ препараты дәстүрлі емге талапқа сай жауап бермейтін немесе оның жақпаушылығын көріністейтін 6 жастан бастап және одан үлкен пациенттерде белсенді энтезит-астасқан артритті емдеуге арналған.

Крон ауруы (КА)

Хиримоз™ препараты дәстүрлі ем тиімсіз болғанда белсенділігі жоғары дәрежедегі Крон ауруы бар 6 жастан бастап және одан үлкен балаларда ауру белгілері мен симптомдарын азайту үшін, клиникалық ремиссияны индукциялау және сақтау үшін көрсетілген.

Созылмалы түйіндақты псориаз

Хиримоз™ препараты жергілікті емге немесе фототерапияға жауап талапқа сай болмағанда 4 жастан бастап балалар мен жасөспірімдерде, сондай-ақ жергілікті ем және фототерапия қарсы көрсетілімді пациенттерде созылмалы түйіндақты псориазды (ауыр дәрежедегі) емдеу үшін көрсетілген.

Балалардағы увеит

Хиримоз™ әдеттегі емге талапқа сай емес реакция беретін немесе әдеттегі ем мақсатқа сай болмайтын 2 жастан бастап пациенттерде созылмалы инфекциялық емес алдыңғы увеитті емдеуге көрсетілген.

Қолданудың басталуына дейін қажетті мәліметтер тізбесі

- адалимумабқа немесе 6.1 бөлімінде тізбеленген қосымша заттардың кез келгеніне аса жоғары сезімталдық

- белсенді туберкулез немесе сепсис сияқты басқа ауыр инфекциялар және оппортунистік инфекциялар;

- орташа ауыр және ауыр жүрек жеткіліксіздігі (NYHA бойынша I II/IV класс).

Қолдану кезіндегі қажетті сақтандыру шаралары

Қадағалануы

Биологиялық препараттардың қолданылуын бақылауды жақсарту мақсатында енгізілген препараттың саудалық атауын, серия нөмірін нақты тіркеу қажет.

Инфекциялар

Адалимумабты қоса, ІНФ антагонистерін қабылдап жүрген пациенттер күрделі инфекцияларға көбірек бейім. Өкпе функциясының бұзылулары инфекциялар қаупін арттыруы мүмкін. Сондықтан пациенттер адалимумабпен емдеуге дейін, ем кезінде және одан кейін инфекциялық аурулар, оның ішінде туберкулез себебі бойынша мұқият тексерілуі тиіс. Организмнен адалимумаб шығарылуы төрт айға дейін созылуы мүмкін, сондықтан қабылдау аяқталған соң 4 ай ішінде мониторинг өткізілуі тиіс.

Адалимумаб қолдануды созылмалы немесе ошақтық инфекцияларды қамтитын белсенді инфекциялық аурулары бар пациенттерде инфекция басылғанша бастауға болмайды.

Ауыр инфекциялар: ІНФ блокаторларын қолданған пациенттерде бактериялық, микобактериялық, инвазиялық зеңді (диссеминацияланған немесе экстрапульмональді гистоплазмоз, аспергиллез, кокцидоидомикоз), вирустық, паразиттік немесе басқа оппортунистік инфекциялар байқалды. Хиримоз™ препаратын қоса, ІНФ антагонистерін қолдану кезінде сепсис, сирек туберкулез, кандидоз, листериоз, легионеллез және пневмоцистік инфекцияның дамуы туралы да хабарланды. Клиникалық зерттеулерде басқа да күрделі инфекциялар: пневмония, пиелонефрит, сепсистік артрит және септицемия байқалды. Дамыған (оның ішінде өліммен аяқталатын) инфекциялары бар пациенттерді ауруханаға жатқызу туралы хабарламалар бар. Ауыр инфекциялардың көпшілігі иммуносупрессиялық дәрілерді қолдану мен негізгі ауру аясында дамыды. Хиримоз™ препаратын, созылмалы немесе шоғырланған инфекцияларды қоса, белсенді инфекциялық үдерісі бар пациенттерде инфекция бақылауда болатын сәтке дейін қолдануға болмайды. Туберкулезбен науқастармен байланыста болған немесе туберкулезге шалдығу деңгейі жоғары елдерден немесе микоз жайлаған (гистоплазмоз, кокцидоидомикоз немесе бластомикоз) эндемиялық аймақтардан оралған пациенттерде Хиримоз™ препаратын қолданудың басталуына дейін пайда/қауіп арақатынасын бағалау керек. Басқа ІНФ антагонистерін қолдану кезіндегі сияқты, инфекциялардың (оның ішінде туберкулездің) даму мүмкіндігін ескеріп, Хиримоз™ препаратымен емдеуге дейін, ем кезінде және одан кейін пациенттерді мұқият қадағалау керек. Хиримоз™ препаратымен емдеуге дейін толық тексеру көлемін орындау және жаңа инфекция дамыған пациенттерді мұқият қадағалау қажет. Ауыр инфекция немесе сепсис дамығанда емдеуді тоқтатады және инфекция бақылауда болатын сәтке дейін тиісті микробқа қарсы немесе зеңге қарсы препараттарды қолдануға болмайды. Хиримоз™ препаратын рекуррентті инфекциялар бар пациенттерде немесе инфекциялардың дамуына бейімділікті арттыратын преморбидтік жай-күйлерде ерекше сақтықпен қолдану керек.

Туберкулез

Хиримоз™ препаратымен ем қабылдаған пациенттерде қайта белсенділену жағдайлары және өкпелік әрі өкпелік емес түрлерін қоса (яғни диссеминацияланған туберкулез), туберкулездің жаңа инфекциясының дамуы туралы хабарланды. Хиримоз™ препаратымен емнің басталуына дейін пациенттер белсенді және белсенді емес («жасырын») туберкулезге мұқият тексерілуі тиіс. Тексеруде туберкулез бар пациент анамнезін толық бағалау немесе белсенді туберкулезбен науқас адамдармен болуы мүмкін байланыстар және бұрын жүргізілген немесе қатар жүргізілетін иммуносупрессиялық ем туралы мәліметтер қамтылуы тиіс. Емнің басталуына дейін пациенттердің бәріне терінің туберкулин тестісін (Манту сынамасын) және кеуде қуысын рентгенографиядан өткізу керек. Жасырын туберкулез диагностикасын өткізу кезінде диаметрі 5 мм немесе одан үлкен қатаюдың (папула) пайда болуы теріге жасалған туберкулин тестісінің оң нәтижесі саналады (бұрын жасалған БЦЖ вакцинациясы есептелмейді). Туберкулезге шалдығу деңгейі жоғары елдерден оралған немесе белсенді туберкулезбен науқастармен тығыз байланыста болған пациенттерде анықталмаған жасырын туберкулез болу мүмкіндігін ескеру керек. Егер белсенді туберкулез диагностикаланса, Хиримоз™ препаратымен емдеу жүргізілуі тиіс. Жасырын туберкулез жағдайында Хиримоз™ препаратымен емді бастар алдында спецификалық профилактикалық емдеу жүргізген жөн. Жасырын туберкулезге тест нәтижесі теріс болған, туберкулез инфекциясын дамытатын қауіп факторлары бар пациенттерде және анамнезінде жасырын немесе белсенді туберкулез бар пациенттерде және тиісті емдеуді растау мүмкін болмайтындарда Хиримоз™ препаратымен емді бастар алдында туберкулезге қарсы емдеуді қолдану қажеттілігін таразылау керек. Осындай пациенттерде туберкулезге қарсы емді бастау шешімі фтизиатрмен кеңесуден және жасырын туберкулездің даму қаупін және туберкулезге қарсы емдеу қауіпсіздігін бағалаудан кейін қабылданады. Жасырын туберкулезді спецификалық емдеу Хиримоз™ препаратымен емделіп жүрген пациенттерде туберкулездің қайта белсенділену қаупін азайтады. Туберкулезді профилактикалық емдеуге қарамастан, Хиримоз™ препаратымен емделіп жүрген пациенттерде қайта белсенділену жағдайлары туындады. Белсенді туберкулез жағдайлары Хиримоз™ препаратын қабылдаған, жасырын туберкулез инфекциясына скрининг нәтижелері теріс пациенттерде де дамыды, ал белсенді туберкулезден сәтті емделуден кейін кейбір пациенттерде ІНФ блокаторларымен емдеу кезінде туберкулез дамыған. Хиримоз™ препаратын қолдану кезінде, әсіресе, жасырын туберкулезге жалған-теріс тест нәтижелерін алу мүмкіндігін ескере отырып (мысалы, ауыр науқастарда және иммунитеті түсіп кеткен пациенттерде), пациенттерді белсенді туберкулез белгілері мен симптомдарының пайда болуына қатысты қарап тексеру керек.

Барлық пациент Хиримоз™ препаратымен емделу кезінде немесе одан кейін туберкулезді еске салатын белгілер/симптомдар (мысалы, тұрақты жөтел, дене салмағының азаюы, субфебрильді температура, апатия) пайда болғанда дәрігермен кеңесу қажеттілігі ескертілуі тиіс.

Басқа оппортунистік инфекциялар

Хиримоз™ препаратымен емделу кезінде оппортунистік инфекциялардың, оның ішінде инвазиялық зеңді инфекциялардың дамуы хабарланды. Кейде осындай инфекциялар дер мезгілінде диагностикаланбады, бұл емдеудің кешірек басталуына алып келді және кейде өліммен аяқталды. ІНФ блокаторларымен емделіп жүрген пациенттер гистоплазмоз, кокцидоидомикоз, бластомикоз, аспергиллез, кандидоз және басқалары сияқты күрделі зеңді инфекциялардың дамуына көбірек бейім. Барлық пациенттерді қызба, дімкәстану, дене салмағының азаюы, қатты тершеңдік, жөтел, ентігу және/немесе өкпедегі инфильтраттар немесе күрделі жүйелі аурудың басқа белгілері (шокпен немесе онсыз) дамығанда оппортунистік инфекциялар қоздырғыштарын анықтауға қатысты дереу тексеруден өткізу керек.

Микоз жайлаған эндемиялық аймақтарда тұратын немесе аялдаған пациенттерде жүйелі зеңді инфекциялардың тиісті симптомдары пайда болғанда инвазиялық зеңді инфекциялардан күмәндану керек, өйткені гистоплазмоз немесе басқа инвазиялық зеңді инфекциялардың даму қаупі жоғары болады. Қоздырғыш анықталатын сәтке дейін сынақтық ex juvantibus зеңге қарсы емін жүргізген жөн. Кейбір пациенттерде тіпті белсенді инфекция кезінде гистоплазмоз антигені немесе антиденелерін анықтауға жасалған тест нәтижелері теріс болуы мүмкін. Қажет болса, осындай науқастарда сынақтық зеңге қарсы ем қолдану шешімін зеңді инфекцияның даму қаупін, зеңге қарсы емді қолдану қаупін бағалаудың ескерілуімен миколог-дәрігермен кеңесуден кейін қабылдау керек. Инфекция симптомдары басылатын сәтке дейін ауыр зеңді инфекция дамығанда ІНФ-альфа блокаторын қолдануды тоқтату ұсынылады.

В гепатитінің қайта белсенділенуі

ІНФ-альфа блокаторларын қолдану осы вирустың созылмалы тасымалдаушылары болып табылатын пациенттерде В гепатиті вирусының (ВГВ) қайта белсенділенуімен байланысты. Кейбір жағдайларда ІНФ блокаторларымен ем аясында ВГВ қайта белсенділенуі өліммен аяқталды. Көпшілік жағдайларда пациенттер иммундық жүйені бәсеңдететін басқа да медициналық препараттарды бір мезгілде қабылдады, бұл ВГВ қайта белсенділенуіне ықпал етуі мүмкін. ІНФ блокаторларын қолданудың басталуына дейін ВГВ бойынша қауіп тобының пациенттерін тексеруден өткізу керек. ІНФ-альфа блокаторларын ВГВ тасымалдаушы пациенттерге сақтықпен тағайындап, ал тағайындалған жағдайда ем кезінде және емдеуді тоқтатудан кейінгі бірнеше ай ішінде ВГВ қайта белсенділену белгілері мен симптомдарының пайда болуын мұқият қадағалау керек. Тасымалдаушыларда ІНФ-альфа блокаторларымен бір мезгілде ВГВ қайта белсенділенуінің профилактикасына арналған вирусқа қарсы препараттарды қолдану тиімділігі мен қауіпсіздігіне қатысты деректер жоқ. ВГВ қайта белсенділенуінде Хиримоз™ препаратымен емді тоқтатып, вирусқа қарсы тиімді емдеуді және тиісті демеуші емді тағайындау керек.

Неврологиялық бұзылыстар

ІНФ-альфа блокаторларын, оның ішінде Хиримоз™ препаратын қолдану кезінде орталық жүйке жүйесінің демиелинизациялаушы ауруларының (жайылған склероз, көру жүйкесінің невритін қоса) және шеткері жүйке жүйесін демиелинизациялайтын ауруларының (Гийен-Барре синдромын қоса) клиникалық симптомдары және/немесе рентгенологиялық белгілері пайда болған немесе өршіген бірлі-жарым жағдайлар хабарланды. Хиримоз™ препаратын орталық және шеткері жүйке жүйесін демиелинизациялайтын бұзылулары бұрыннан бар пациенттерде қолданудың пайда/қаупін мұқият бағалау ұсынылады. Осы бұзылулардың кез келгені туындаған жағдайда Хиримоз™ препаратын қолдануды тоқтату шешімін қабылдау керек.

Аллергиялық реакциялар

Клиникалық зерттеулер кезінде адалимумаб қолданумен байланысты күрделі аллергиялық реакциялар сирек туындады. Хиримоз™ препаратын енгізуден кейін, анафилаксияны қоса, күрделі аллергиялық реакциялар хабарланды. Анафилаксиялық реакция немесе басқа күрделі аллергиялық реакция туындағанда Хиримоз™ препаратын қолдануды дереу тоқтату және тиісті емді бастау қажет.

Иммуносупрессия

РА бар 64 пациентте жүргізілген адалимумабтың клиникалық зерттеулері кезінде баяу типті аса жоғары сезімталдық бәсеңдеген және иммуноглобулиндер деңгейлері төмендеген жағдайлар немесе эффекторлық Т- және В-жасушалар, сондай-ақ NK-жасушалар, моноциттер/макрофагтар және нейтрофилдердің сандық өзгерістері байқалмады.

Қатерлі жаңа түзілімдер және лимфопролиферациялық бұзылулар

ІНФ-альфа блокаторларының бақыланатын клиникалық зерттеулерінде ІНФ-альфа-блокаторын қабылдаған пациенттер арасында қатерлі жаңа түзілімдердің дамуы бақылау тобындағы пациенттер арасындағыдан жиірек хабарланды. Алайда, бақылау тобының пациенттерін шағын іріктеу және зерттеулердің жеткіліксіз ұзақтығы белгілі бір қорытындылар жасауға мүмкіндік бермейді. Оның үстіне, ертеден белсенділігі жоғары РА бар пациенттерде лимфома мен лейкемияның туындау қаупі артады, бұл қауіптің бағалануын қиындатады. Адалимумабтың ұзаққа созылатын ашық клиникалық зерттеулерінде қатерлі жаңа түзілімдердің жалпы туындау жиілігі жас, жыныс және нәсіл параметрлері осындай жалпы қауым үшін күтуге болатын жиілікке ұқсас болды. Алайда, ІНФ антагонистерімен емделіп жүрген пациенттерде лимфома, лейкемия немесе басқа қатерлі жаңа түзілімдердің ықтималды даму қаупін жоққа шығаруға болмайды.

ІНФ-альфа блокаторларымен емделіп жүрген (емнің басталуы ≤ 18 жаста) балалар, жасөспірімдер және жас адамдар (22 жасқа дейінгі) арасында өліммен аяқталған қатерлі жаңа түзілімдер дамыған жекелеген жағдайлар хабарланды. Осы жағдайлардың жартысына жуығы – лимфомалар, ходжкиндік және ходжкиндік емес лимфоманы қоса. Басқа жағдайлар қатерлі жаңа түзілімдердің әр алуан түрлерімен болды, олардың арасында әдетте иммуносупрессиямен байланысты болатын қатерлі жаңа түзілімдердің сирек жағдайлары хабарланды. Қатерлі жаңа түзілімдер, орта есеппен, 30 ай емделуден кейін туындады. Пациенттердің көпшілігі бір мезгілде иммуносупрессанттар қабылдады. Осы хабарламалар маркетингтен кейінгі бақылау кезінде алынды және тізілімдер мен маркетингтен кейін келіп түсті.

Маркетингтен кейінгі практикада адалимумаб қолданған пациенттерде өте сирек гепатолиенальді Т-жасушалық лимфоманың (өте екпінді ағыммен сипатталатын әрі әдетте өлімге ұшырататын лимфоманың сирек типі) дамуы хабарланды. Осы пациенттердің көпшілігі бұрын ішектің қабыну ауруларын емдеу үшін азатиоприн немесе 6-меркаптопуринмен біріктірілген инфликсимабпен ем қабылдады. Хиримоз™ препаратымен азатиоприн немесе 6-меркаптопуринді бір мезгілде қолданудың ықтималды қаупі мұқият бағалануы тиіс. Гепатолиенальді Т-жасушалық лимфоманың дамуы мен адалимумабты қолдану арасындағы себеп-салдарлы байланыс түсініксіз күйде қалады.

Хиримоз™ препаратын анамнезінде қатерлі жаңа түзілімдері бар пациенттерде қолдану немесе қатерлі жаңа түзілім дамыған пациенттерде емді жалғастыру жөнінде зерттеу жүргізілмеді. Бұл осындай науқастарда Хиримоз™ препаратын қолдану шешімін қабылдау барысында ескерілу керек. Пациенттердің бәрінде, әсіресе, анамнездегі қарқынды иммуносупрессиялық ем кезінде немесе PUVA емі жүргізілген псориаз бар пациенттерде Хиримоз™ препаратын қолдануға дейін және қолдану кезінде терінің меланомалы емес обырының бар-жоғын анықтау керек.

Маркетингтен кейінгі практикада ревматоидты артрит, сонымен қатар басқа көрсетілімдерде ІНФ-альфа блокаторларын қабылдаумен байланысты жедел және созылмалы лейкемия жағдайлары хабарланды. Ревматоидты артрит бар пациенттер ІНФ-альфа-блокаторларымен ем жүргізілмесе де, жалпы қауымға қарағанда, лейкемия дамуына қатысты (екі есе дерлік) жоғары қауіп тобында болуы мүмкін.

Орташадан ауыр дәрежеге дейінгі өкпенің созылмалы обструкциялық ауруы (ӨСОА) бар пациенттерде басқа ІНФ антагонисі – инфликсимаб қолдану бағаланатын алдын ала жүргізілген клиникалық зерттеуде, пациенттерді бақылау тобына қарағанда, инфликсимаб қабылдаған пациенттерде, негізінен, өкпеде немесе бас пен мида қатерлі жаңа түзілімдер көбірек тіркелді. Барлық пациенттердің анамнезінде шылым шегушілер көп болды. Сондықтан ӨСОА бар пациенттерде, сондай-ақ қарқынды темекі тарту салдарынан қатерлі жаңа түзілімдердің даму қаупі жоғары пациенттерде кез келген ІНФ антагонисін пайдалану кезіне сақ болу керек.

Қазіргі таңда адалимумаб қолданудың дисплазия немесе ішек обырының даму қаупіне ықпал ету-етпеуі белгісіз. Дисплазияның және ішек обырының даму қаупі жоғары топқа кіретін ойық жаралы колит бар пациенттердің бәрі (мысалы, ұзаққа созылатын ойық жаралы колит немесе бастапқы склероздаушы холангит бар пациенттер) немесе анамнезінде дисплазия немесе ішек обыры болғандар емді бастар алдында және бүкіл ауыру кезеңінде дисплазия болуына қатысты жүйелі тексеруден өту керек. Тексеруде колоноскопия және биопсия қамтылуы тиіс.

Гематологиялық бұзылыстар

ІНФ блокаторларын қолдану кезінде сирек панцитопения, аплазиялық анемияның дамуы хабарланды. Хиримоз™ препаратын қолданғанда (себеп-салдарлы байланысы айқындалмаған) клиникалық маңызы бар цитопенияның (тромбоцитопения, лейкопения) дамуы хабарланды. Пациенттердің бәріне Хиримоз™ препаратын қолдану аясында қан ауруларына тән белгілер мен симптомдар (мысалы, тұрақты ысыну, қанталаулар, қан кету, терінің және шырышты қабықтардың бозаруы) пайда болғанда дәрігермен шұғыл кеңесу қажет екені ескертілуі тиіс. Қан тарапынан күрделі ауытқулары расталған пациенттерде Хиримоз™ препаратын қолдануды тоқтату қажеттілігін қарастыру керек.

Вакцинация

Пациенттерге Хиримоз™ препаратын қолдану кезінде, тірі вакциналар қолдануды қоспағанда, вакцинация жасауға болады. Хиримоз™ препаратын қабылдаған пациенттерде тірі вакциналармен инфекцияның екінші рет берілуіне қатысты деректер жоқ.

ЮРА бар пациенттерге Хиримоз™ препаратымен емнің басталуына дейін, мүмкіндігінше, күнтізбеге сай барлық қажетті екпелермен егілуге кеңес беріледі.

Жүктілік уақытында анасына соңғы адалимумаб инъекциясын салудан соң 5 ай ішінде жатыр ішінде адалимумаб әсеріне ұшыраған сәбилерге тірі вакциналар қолдану ұсынылмайды.

Созылмалы жүрек жеткіліксіздігі (СЖЖ)

Хиримоз™ препаратын созылмалы жүрек жеткіліксіздігі бар пациенттерде қолдану зерттелмеген, алайда, басқа ІНФ-альфа блокаторымен жүргізілген клиникалық зерттеулерде, СЖЖ ағымының өршуін және СЖЖ алғаш анықталуын қоса, СЖЖ-мен байланысты жағымсыз құбылыстардың жоғары жиілігі хабарланды. Хиримоз™ препаратымен емделіп жүрген пациенттерде СЖЖ үдеген жағдайлар жөнінде де хабарланды. Хиримоз™ препаратын жүрек жеткіліксіздігі бар пациенттерде (NYHA бойынша I/II класы) олардың жай-күйін мұқият бақылаумен абайлап қолдану керек. Хиримоз™ орташа және ауыр дәрежедегі жүрек жеткіліксіздігінде қарсы көрсетілімді.

Аутоиммундық үдерістер

Хиримоз™ препаратымен емдеу аутоантиденелердің пайда болуына түрткі болуы мүмкін. Хиримоз™ препаратын ұзақ уақыт қолданудың аутоиммундық аурулар дамуына ықпалы белгісіз. Жегілік синдромға ұқсайтын симптомдар туындағанда Хиримоз™ препаратымен емдеуді тоқтату қажет.

Биологиялық DMARDs немесе ІНФ антагонистерімен бір мезгілде қолдану

Клиникалық сынақтарда анакинра мен этанерцепт қатарлас қолданылғанда күрделі инфекциялар байқалды, бірақ этанерцепт монотерапиясымен салыстырғанда, емдік артықшылақтары болмады. Этанерцепт пен анакинра біріктірілген емдеу кезінде байқалған жағымсыз құбылыстар сипатына қарай, анакинра мен басқа ІНФ-альфа блокаторын біріктіргенде де осындай уыттылық дамуы мүмкін. Сондықтан Хиримоз™ препараты мен анакинраны біріктіру ұсынылмайды.

Инфекциялар және басқа ықтималды фармакологиялық өзара әрекеттесуі қаупінің арту мүмкіндігін негізге ала отырып, адалимумабты басқа биологиялық DMARDs (мысалы, анакинра және абатацепт) немесе басқа ІНФ-альфа антагонистерімен бір мезгілде қолдану ұсынылмайды.

Хирургиялық араласулар

Хиримоз™ препаратымен емделіп жүрген пациенттерде хирургиялық емшаралар қауіпсіздігінің шектеулі тәжірибесі бар. Хирургиялық араласу жоспарланғанда адалимумабтың ұзаққа созылатын жартылай шығарылу кезеңін назарға алу керек. Пациенттер инфекциялар тұрғысынан мұқият бақылануы тиіс. Хиримоз™ қолданылатын артропластикасы бар пациенттерде шектеулі қауіпсіздік тәжірибесі бар.

Жіңішке ішек обструкциясы

Крон ауруын емдеуге жауап берілмеуі хирургиялық емдеу қажет болмауы мүмкін орныққан фиброз құрылымының бар екенін көрсетуі мүмкін. Қолда бар деректер Хиримоз™дың ауру ағымын нашарлатпайтынын және стриктура тудырмайтынын айғақтайды.

Егде жастағы пациенттер

Хиримоз™ препаратын қабылдаған 65 жастан асқан пациенттердегі күрделі инфекциялар мен қатерлі жаңа түзілімдердің даму жиілігі, кішкентай жастағы пациенттерге қарағанда, жоғары.

Балалар

2 жасқа толмаған балаларда қауіпсіздігі мен тиімділігін растайтын деректер жоқ.

Басқа дәрілік препараттармен өзара әрекеттесуі

Адалимумабты монотерапия ретінде қабылдап жүрген ревматоидты артрит, полиартикулярлық ювенильді идиопатиялық артрит және псориаздық артрит бар пациенттерде және бір мезгілде метотрексат қабылдап жүрген пациенттерде адалимумаб зерттеуі жүргізілді. Адалимумаб метотрексатпен бірге тағайындалғанда, монотерапия ретінде пайдаланылуымен салыстырғанда, антиденелер түзілуі төмен болды. Адалимумабты метотрексатсыз енгізу антиденелердің көп түзілуіне, клиренс көтерілуіне және адалимумаб тиімділігінің төмендеуіне әкелді.

Адалимумабтың анакинрамен және адалимумабты абатацептпен біріктірілімдері ұсынылмайды.

Арнайы сақтандырулар

Жүктілік және лактация кезеңі

Нәтижелері белгісіз тірі тууға алып келген (оның ішінде бірінші триместр кезінде анықталған 1500-нан астам), адалимумаб әсеріне ұшыраған проспективті жинақталған жүктіліктердің көп саны (2100 жуық) жаңа туған нәрестедегі даму ақаулары жиілігінің артуын көрсетпейді. Жүктіліктің ерте сатысындағы пациенттердің проспективті қауымына: ең болмаса, бірінші триместр кезінде адалимумабпен ем қабылдаған ревматоидты артрит немесе Крон ауруы бар 257 әйел (адалимумабпен ем алған топ), адалимумабпен ем қабылдамаған ревматоидты артрит немесе Крон ауруы бар 120 әйел қамтылды.

Негізгі туа біткен ақаулардың бастапқы соңғы нүктесінің (түзетілген мүмкіндіктер қатынасы 0,84, 95% сенім аралығы (СА) 0,34, 2,05), сондай-ақ туа біткен ұсақ ақаулар, мерзімінен бұрын босанулар, туу кезіндегі төмен салмақ және күрделі немесе оппортунистік инфекциялар қамтылған екінші соңғы нүктелердің жалпы көрсеткіштерінде елеулі айырмашылықтар байқалмады. Өлі туу жағдайлары мен қатерлі жаңа түзілімдер жағдайлары хабарланбады.

Тіркелімде іріктеудің шағын көлемі мен зерттеудің рандомизацияланбауын қоса, әдіснамалық шектеулер бар болса да, деректер адалимумабпен ем қабылдаған ревматоидты артрит немесе Крон ауруы бар әйелдерде, деректер адалимумабпен ем қабылдамаған ревматоидты артрит немесе Крон ауруы бар әйелдерде жүктіліктің қолайсыз нәтижелерінің жоғары қаупін көрсетпейді. Бұдан бөлек, маркетингтен кейінгі бақылау деректерінде осы дәрілік затты қолданумен байланысты қауіптің болуы анықталмайды.

Жүктілік кезінде адалимумаб қабылдаған әйелдердің жаңа туған нәрестелерінің қан сарысуына адалимумаб плацента арқылы өтуі мүмкін. Осы балаларда инфекция жұқтыру қаупі артуы мүмкін. Жүктілік кезінде анасына соңғы адалимумаб инъекциясын салудан соң 5 ай ішінде жатыр ішінде адалимумаб әсеріне ұшыраған сәбилерге тірі вакциналарды қолдану ұсынылмайды.

Жарияланған шектеулі деректер адалимумабтың емшек сүтіне өте төмен концентрацияларда (адалимумабтың аналық сарысу деңгейінен 0,1-ден 1% дейінгі концентрацияларда ана сүтінен табылуымен) экскрецияланатынын көрсетеді. Пероральді қабылданған G иммуноглобулин ақуыздарының ішекте протеолизге ұшырайтынын және биожетімділігінің нашар екенін ескерсек, емшек еметін сәбиде адалимумабпен байланысты жүйелі әсер ету ықтималдығы аз. Адалимумабты ана үшін көзделетін пайдасы сәби үшін ықтималды қаупінен басым болған жағдайда ғана қолдану керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Хиримоз™ препараты көлік құралдарын және басқа механизмдерді басқару қабілетіне мардымсыз ықпалын тигізуі мүмкін, өйткені препаратты қолдану аясында бас айналуын және көрудің бұзылуын байқауға болады.

Қолдану жөніндегі нұсқаулар

Дозалау режимі

Ересектер

Ревматоидты артрит, псориаздық артрит және аксиальді спондилоартрит (шорбуынданатын спондилит және рентгенографиялық емес аксиальді спондилоартрит)

Ересектерге ұсынылатын доза екі аптада бір рет тері астына 40 мг құрайды. Хиримоз™ препаратымен ем кезінде метотрексат, глюкокортикоидтар, салицилаттар, қабынуға қарсы стероидты емес препараттар (ҚҚСП), анальгетиктер немесе ауруды модификациялайтын ревматизмге қарсы басқа препараттарды (DMARD) қолдануды жалғастыруға болады.

Метотрексат қолданбайтын РА бар кейбір науқастарда препаратты аптасына бір рет 40 мг дейін енгізу жиілігінің артуы ақталымды болуы мүмкін.

Дозаны үзу

Препарат қабылдауда, мысалы, операция алдында немесе күрделі инфекция жағдайында үзіліс жасау қажеттілігі туындауы мүмкін.

Қолда бар деректер тоқтатудан кейін адалимумабты қайта енгізудің 70 күн немесе одан ұзақ уақыт ішінде дозаны үзуге дейінгісі тәрізді клиникалық жауап шамасына және ұқсас қауіпсіздік бейініне әкелгенін жорамалдауға мүмкіндік береді.

Шорбуынданатын спондилит, ШС және псориаздық артриттің рентгенологиялық белгілерінсіз аксиальді спондилоартрит

Шорбуынданатын спондилит, ШС рентгенологиялық белгілерінсіз аксиальді спондилоартрит бар пациенттерге және псориаздық артрит бар пациенттерге ұсынылатын Хиримоз™ дозасы бір реттік тері астылық инъекция түрінде екі аптада бір рет енгізілетін 40 мг адалимумабты құрайды.

Қолда бар деректерде клиникалық жауапқа, әдетте, 12 апта емделу кезінде жетуге болатыны жорамалданады. Егер пациент осы уақыт кезеңі ішінде жауап бермесе, емді жалғастыру мәселесін қайта қарау керек.

Іріңді гидраденит

Іріңді гидраденит (ІГ) бар ересек пациенттерге ұсынылатын Хиримоз™ды дозалау режимі бірінші күні 160 мг (бір рет 40 мг төрт инъекция немесе қатарынан екі күн бойы күніне 40 мг екі инъекция), ал одан кейін бірнеше апта өткен соң екі рет 15-ші күні 80 мг (күніне 40 мг екі инъекция) құрайды. Екі апта өткен соң (29 күні) әр апта сайын 40 мг немесе әр екі апта сайын 80 мг (бір күнде 40 мг екі инъекция түрінде) дозаны қабылдауды жалғастыру қажет. Қажет болса, антибиотиктерді Хиримоз™бен емделу кезінде жалғастыруға болады. Пациентке антибиотиктерді Хиримоз™бен емделу кезінде күнделікті HS зақымданған бөліктерін жуып-шаю үшін жергілікті антисептик дәріні пайдалану ұсынылады.

Егер пациентте емнің 12-ші аптасында жақсару болмаса, 12 аптадан кейін емді жалғастыру мәселесін мұқият қарастыру керек.

Емдеуде үзіліс болған жағдайда апта сайын 40 мг немесе әр екі апта сайын 80 мг Хиримоз™ды қайталап енгізуге болады (5.1 бөлімін қараңыз).

Крон ауруы

Ремиссияны индукциялау үшін ұсынылатын бастапқы доза 80 мг (1 күні) құрап, екі апта өткен соң (15 күні) дозаны тері астына 40  мг дейін азайтуға ұласады. Егер өте жылдам клиникалық жауап алу қажет болса, бастапқыда 1 күні 160 мг қолданылады (бір күнге 40 мг төрт инъекция ретінде немесе қатарынан екі күн бойы 40 мг екі инъекция ретінде енгізіледі), одан кейін екі апта өткен соң (15 күні) тері астына 80 мг қолданылады.

Екі апта өткен соң (29 күні) екі аптада бір рет 40 мг дозада тері астына демеуші емдеу басталады. Хиримоз™ препаратымен ем кезінде аминосалицилаттар, кортикостероидтар және/немесе иммуносупрессанттар (мысалы, 6-меркаптопурин және азатиоприн) қолдануды жалғастыруға болады.

Клиникалық жауап болмағанда кейбір пациенттерге препаратты тері астына аптасына бір рет 40 мг дейін енгізу жиілігін арттыру керек болуы мүмкін.

Клиникалық жауапқа 4 апта емделуден кейін жетпеген кейбір пациенттерге демеуші емді 12 аптаға дейін жалғастырған жөн. Осы мерзім шегінде клиникалық жауап байқалмайтын пациенттерде емді жалғастыру қажеттілігін мұқият қайта қарау керек.

Демеуші ем кезінде, клиникалық практикаға сай, кортикостероидтар дозасын азайтуға болады.

Ойық жаралы колит

Белсенділігі орташа және ауыр дәрежедегі ойық жаралы колит бар ересек пациенттерге ұсынылатын бастапқы доза 0 аптада 160 мг (дозаны бір күнде 4 инъекция түрінде немесе қатарынан екі күн бойы күніне 2 инъекциядан енгізуге болады) және екі апта өткенде 80 мг (2 апта) құрайды. Бастапқы емнен кейін ұсынылатын доза тері астына екі аптада бір рет 40  мг құрайды. Хиримоз™ препаратымен ем кезінде аминосалицилаттар, кортикостероидтар және/немесе иммуносупрессанттар (мысалы, 6-меркаптопурин және азатиоприн) қолдануды жалғастыруға болады.

Демеуші ем кезінде, клиникалық практикаға сай, кортикостероидтар дозасын азайтуға болады.

Клиникалық жауап азайып кеткенде кейбір пациенттер препаратты енгізу жиілігін аптасына бір рет 40 мг дейін арттыру қажет болуы мүмкін.

Клиникалық жауапқа 2-8 апта емделумен жетуге болады. Хиримоз™ препаратымен емді алғашқы 8 апта емделу кезінде клиникалық жауапқа жеткен пациенттерде ғана жалғастыруға болады.

Увеит

Увеит бар ересек пациенттерге ұсынылатын Хиримоз™ дозасы бастапқы 80 мг дозаны, ал артынан бастапқы дозадан кейінгі бір аптадан бастап, апта сайын 40 мг құрайды. Емдеуді бір ғана адалимумабпен бастау тәжірибесі шектеулі. Хиримоз™бен емдеуді кортикостероидтармен және / немесе басқа биологиялық емес иммуномодуляциялаушы дәрілермен біріктірілімде бастауға болады. Хиримоз™бен емдеудің басталуынан кейін екі аптадан бастап, қатарлас кортикостероидтар қабылдауды клиникалық практикаға сәйкес төмендетуге болады.

Ұзақ уақыт емдеуді жалғастырудың пайдасы мен қаупін жыл сайын бағалау ұсынылады.

Түйіндақты псориаз

Ересектерге ұсынылатын бастапқы доза 80  мг құрайды, бір апта өткен соң тері астына 40 мг қолданылады. Демеуші ем – тері астына екі аптада бір рет 40 мг.

Егер емнің 16 аптасы өткен соң пациентте емдеуге талапқа сай жауап байқалмаса, препаратты қолдану жиілігін арттыруға болады (аптасына бір рет 40 мг немесе екі аптада бір рет 80 мг). Осы кезең ішінде қолданудың пайдасына және жағымсыз құбылыстардың туындау қаупіне бағалау жүргізген жөн. Егер талапқа сай жауапқа препаратты аптасына бір рет 40 мг немесе екі аптада бір рет 80 мг қолдану жиілігімен қол жеткізілсе, әріқарай әдеттегі демеуші дозаға (екі аптада бір рет 40 мг) оралуға болады.

Балалар

Ювенильді ревматоидты артрит (ЮРА)

Полиартикулярлы ювенильді идиопатиялық артрит

Полиартикулярлық ювенильді идиопатиялық артрит (ЮИА) бар 2 жастан бастап және одан үлкен балаларға ұсынылатын Хиримоз™ препаратының дозасы пациенттің дене салмағына қарай белгіленеді (1 кесте). Хиримоз™ тері астына инъекция жолымен бір апта өткен соң енгізіледі.

1 кесте. Полиартикулярлы ювенильді идиопатиялық артрит бар пациенттер үшін Хиримоз™ препаратының дозасын белгілеу

Қолда бар деректер клиникалық жауапқа, әдетте, 12 апта емделумен қол жеткізілетінін, ал егер атап көрсетілген кезең ішінде емдік әсері білінбесе, емдеуді жалғастыру мәселесін мұқият қайта қарау керек екенін жорамалдауға мүмкіндік береді.

Адалимумабты 2 жасқа дейінгі балаларда аталған көрсетілім бойынша қолдану зерттелмеді.

Энтезитпен байланысты артрит

Энтезит-астасқан артрит бар пациенттерге 6 жастан бастап ұсынылатын Хиримоз™ дозасы дене салмағына негізделген (2 кесте). Хиримоз™ тері астылық инъекция арқылы апта сайын енгізіледі.

2 кесте. Энтезит-астасқан артрит бар пациенттер үшін Хиримоз™ препаратының дозасын белгілеу

Адалимумабты энтезит-астасқан артрит бар 6 жасқа дейінгі балаларда қолдану зерттелмеген.

Балалардағы түйіндақты псориаз

Түйіндақты псориаз бар 4-тен 17 жасқа дейінгі балалар мен жасөспірімдерге ұсынылатын Хиримоз™ препаратының дозасы пациенттің дене салмағына қарай белгіленеді (3 кесте). Препарат тері астына енгізіледі.

3 кесте. Түйіндақты псориаз бар балалар жасындағы пациенттер үшін Хиримоз™ препаратының дозасын белгілеу

Егер 16 апта өткенде емдік әсері білінбеген жағдайда емдеуді тоқтату шешімін қабылдауға болады.

Егер пациентке адалимумабпен қайталап емдеу тағайындалса, жоғарыда берілген дозаны және емдеу ұзақтығын таңдау жөніндегі нұсқауларды қадағалау керек.

Адалимумабты осы көрсетілім бойынша 4 жасқа дейінгі балаларда қолдану зерттелмеді.

Жеткіншек жастағы (12 жастан бастап, дене салмағы кемінде 30 кг) іріңді гидраденит

Адалимумабтың клиникалық сынақтары ІГ бар жеткіншек жастағы пациенттерде өткізілмеген. Осы пациенттерде адалимумабты дозалау фармакокинетикалық үлгілеу негізінде белгіленді.

Ұсынылатын Хиримоз™ дозасы теріастылық инъекция арқылы нөлдік аптада 80 мг, ал артынан бірінші аптадан бастап әр екі аптада 40 мг құрайды.

Әр екі апта сайын Хиримоз™ 40 мг препаратына емдік әсері талапқа сай емес жеткіншек жастағы пациенттерде дозаны апта сайын 40 мг немесе екі апта сайын 80 мг дейін арттыруды қарастыруға болады.

Егер пациентте 12 апта ішінде жақсару болмаса, емді жалғастыру мәселесін мұқият қарастыру керек.

Адалимумаб аталған көрсетілім бойынша 12 жасқа толмаған балаларға тағайындалмайды.

Крон ауруы

Крон ауруы бар 6-дан 17 жасқа дейінгі пациенттерге ұсынылатын Хиримоз™ препаратының дозасы пациенттің дене салмағына қарай белгіленеді (4 кесте). Хиримоз™ препараты тері астына енгізіледі. Хиримоз™ препараты басқа дозаларында және (немесе) шығарылу түрлерінде қолжетімді болуы мүмкін.

4 кесте. Крон ауруы бар балалар жасындағы пациенттер үшін Хиримоз™ препаратының дозасын белгілеу

Клиникалық жауабы азайып кеткен кейбір пациенттерге препаратты енгізу жиілігін арттыру керек болуы мүмкін:

• <40 кг: 20 мг аптасына бір рет

• ≥ 40 кг: 40 мг аптасына бір рет немесе екі аптада бір рет 80 мг.

Клиникалық жауабы 12 апта бойы байқалмайтын пациенттерде емді жалғастыру қажеттілігін қайта қарау керек.

Хиримоз™ препаратын Крон ауруы бар 6 жасқа толмаған балаларда зерттелмеді.

Балалардағы увеит

Увеит бар педиатриялық пациенттерде 2 жастан бастап ұсынылатын Хиримоз™ дозасы дене салмағына негізделген (5 кесте). Хиримоз™ тері астына енгізіледі.

Балалар увеиттерінде метотрексатпен қатарлас емдеусіз адалимумабпен емдеу тәжірибесі жоқ.

5 кесте. Увеит бар балалар жасындағы пациенттер үшін Хиримоз™ препаратының дозасын белгілеу

Адалимумабпен емнің басында демеуші емнің басталуына дейін дене салмағы 30 кг-ден аз пациенттер үшін 40 мг немесе дене салмағы ≥ 30 кг пациенттер үшін 80 мг дозаны енгізуге болады.

Егде жастағы тұлғалар

Пациенттердің осы тобында дозаны түзету қажет емес.

Бүйрек және/немесе бауыр жеткіліксіздігі

Адалимумаб пациенттердің осы тобында зерттелмеді.

Енгізу әдісі мен жолы

Хиримоз™ дәрігердің қадағалауымен немесе дәрігер нұсқауы бойынша тері астына енгізу техникасына үйретілген соң өз бетінше тері астына енгізіледі.

Хиримоз™ препараты жамбас немесе іш аумағына т/а енгізіледі.

Хиримоз™ препаратымен емделіп жүрген пациенттерге пациентке арналған ескертпе карточкасы ұсынылуы тиіс.

Хиримоз™ емдеу кезінде басқа қатар жүргізілетін емдерді (мысалы, кортикостероидтармен және/немесе иммуномодуляциялаушы дәрілермен) оңтайландыру керек.

Пациенттер немесе олардың ата-аналары Дәрілік препаратты медициналық қолдану жөніндегі нұсқаулықпен (Қосымша парақ) танысып шығуы тиіс.

Препаратты дербес қолдану жөніндегі нұсқаулық.

Болжамды инфекциялардан сақтану және дәріні дұрыс пайдалануды қамтамасыз ету үшін осы жерде берілген нұсауларды қадағалау маңызды.

Аталған нұсқаулармен мұқият танысыңыз және Хиримоз™ препаратының инъекциясын орындау барысында оларды қадағалаңыз. Алғаш қолданар алдында сіздің дәрігеріңіз сізге алдын ала толтырылған шприц көмегімен Хиримоз™ препаратын қалай дұрыс дайындауға және енгізуге болатынын көрсетуі тиіс. Қандай да бір сауалдар туындаған жағдайда өз дәрігеріңізге хабарласыңыз.

Ине қорғағышы және саусақтарға арналған қосымша тірегі бар Хиримоз™ препаратымен бір реттік алдын ала толтырылған шприц

А суреті. Ине қорғағышы және саусақтарға арналған қосымша тірегі бар Хиримоз™ препаратымен бір реттік алдын ала толтырылған шприц

Келесі қағидаларды қадағалау маңызды:

• Шприц пайдалануға дайын болғанша сыртқы қаптамасын ашпаңыз.

• Қауіпті болуы мүмкін екендіктен, блистердің қорғағыш қабаты бүлініп қалнған жағдайда шприцті пайдаланбаңыз.

• Шприцті басқа тұлғаларға қолжетімді болуы мүмкін жерлерде қараусыз қалдырмаңыз.

• Шприцті сілкімеңіз.

• Егер сіз шприцті түсіріп алсаңыз, бүлінген жерлері көрініп тұрса немесе ол құлағанда иненің қалпақшасы түсіп қалған жағдайда оны пайдаланбаңыз.

• Инъекция жасауға кірісуге дейін иненің қалпақшасын шешпеңіз.

• Шприц қолдануға дейін инені қорғау қанаттарын қозғамауға тырысыңыз. Керісінше жағдайда инені қорғау тым ерте іске қосылуы мүмкін. Инъекция жасалып біткенше саусақтарға арналған тіректі алып тастамаңыз.

• Инъекция кезіндегі жайсыздықты азайту үшін Hyrimoz препаратын тоңазытқыштан шығарудан кейін 15-30 минут өткен соң енгізіңіз.

• Пайдаланылған шприцті пайдаланудан кейін бірден жойып жіберіңіз. Шприцті қайтадан пайдаланбаңыз. Қолдану жөніндегі осы нұсқаулардың соңында «Пайдаланылған шприцтерді жою» 4 бөлімін қараңыз.

Хиримоз™ препаратын қалай сақтау керек:

• Шприцтері бар сыртқы картон қаптамасын тоңазытқышта 2–8°C температурада сақтаңыз.

• Қажет болса (мысалы, ұзақ сапарлар кезінде), Хиримоз™ препаратын жарықтан қорғалған жерде 21 күннен аспайтын уақыт бойы бөлме температурасында (25°C дейін) сақтауға болады. Сақтауға арналған тоңазытқыштан шығарылған соң бөлме температурасындағы алдын ала толтырылған шприц, егер тіпті ол тоңазытқышқа қайта салынса да, 21 күн ішінде пайдаланылуы немесе жойылуы тиіс. Алдын ала толтырылған шприцтің тоңазытқыштан алғаш шығарылған күнін және одан кейін шприцті жою керек болатын күнді жазып қою қажет.

• Жарықтан қорғау үшін шприцтерді тура пайдаланылуына дейін түпнұсқалық картон қаптамасында сақтау керек.

• Шприцтерді тым жоғары немесе төмен температуралар жағдайларында сақтамаңыз.

• Шприцтерді мұздатып қатырмаңыз.

Хиримоз™ препаратын және барлық дәрілерді балалардың қолы жетпейтін жерде сақтаңыз.

Инъекцияны орындауға қажетті компоненттер

Келесі компоненттерді таза тегіс беткейге орналастырыңыз.

Картон қаптаманың ішіндегісі:

• Хиримоз™ препаратымен алдын ала толтырылған шприц (-тер)

(А суретін қараңыз). Әр шприц ішінде 40 мг / 0.8 мл Хиримоз™ препараты бар.

Картон қаптамасында болмайтын компоненттер (Б суретін қараңыз):

• спиртті сүрткі;

• мақта тампон немесе дәке;

• үшкір заттарды тастауға арналған контейнер.

Б суреті. Картон қаптамасында болмайтын компоненттер

Қолдану жөніндегі осы нұсқаулардың соңында «Пайдаланылған шприцтерді жою» 4 бөлімін қараңыз.

Инъекция алдында

Шприцті дайындау:

• Инъекция кезіндегі жайсыздықты азайту үшін шприцпен блистерді тоңазытқыштан алып шығыңыз және шприц бөлме температурасына дейін жету үшін жұмыс беткейінде 15-30 минут ашпастан қалдырыңыз.

• Шприцті блистерден шығарыңыз.

• Байқау терезесінен қараңыз. Ерітінді түссіз немесе сәл сарғыш, сондай-ақ мөлдір немесе сәл бұлыңғыр болуы тиіс. Препаратты бөлшектері және (немесе) түсінің өзгерісі болмаған жағдайда пайдаланбаңыз. Егер ерітінді күмәнді көрінсе, фармацевт көмегіне жүгініңіз.

• Егер ол бүлінген немесе егер инені қорғау іске қосылған болса, шприцті пайдаланбаңыз. Шприц пен оның бастапқы қамтамасын дәріханаға қайтарыңыз.

• Шприцтен жарамдылық мерзімінің күнін табыңыз (EXP). Жарамдылық мерзімі өтіп кеткен жағдайда шприцті пайдаланбаңыз.

Егер шприц жоғарыда көрсетілген тексерулердің қандай да бірінен өтсе, фармацевтке хабарласыңыз.

3. Инъекция салу

4. Пайдаланылған шприцтерді жою

Егер сізде сауалдар туындаса, Хиримоз™ препаратымен таныс дәрігерге, фармацевтке немесе медбикеге хабарласыңыз.

Артық дозалану жағдайында қабылдау қажет болатын шаралар

Адалимумабтың ең жоғары жағымды дозасы адамда анықталмады. Адалимумабты 10 мг/кг дейінгі (ұсынылатын дозадан 15 есе асып кететін) дозаларда қайта қолдану дозаны азайтуды талап еткен уытты әсерлермен қатар жүрмеді.

Емдеу: артық дозалану жағдайында жағымсыз реакцияларды бақылап отыру және талапқа сай симптоматикалық емді дереу бастау қажет.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Дәрілік препаратты қолдану тәсілін түсіндіру үшін медициналық қызметкер кеңесіне жүгіну ұсынылады.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Пациенттердің шамамен 13%-да препарат енгізілген жердегі реакциялардың (бақыланатын клиникалық зерттеулерде адалимумабты енгізу кезінде ең көп жиі кездесетін жағымсыз әсерлерінің бірі) дамуын күтуге болады.

Препаратты әрі клиникалық, әрі зертханалық қолданумен себептік байланысты болуы ықтимал жағымсыз реакциялар жиілігінің көрсетілуімен берілген: өте жиі (≥1/10), жиі (≥1/100, бірақ <1/10), жиі емес (≥1/1000, бірақ <1/100), сирек (≥1/10 000, бірақ <1/1000). Әртүрлі көрсетілімдер арасында байқалатын ең жоғары жиілігі қамтылған.

Өте жиі

• тыныс жолдарының инфекциялары (тыныс жолдарының төменгі және жоғарғы бөлімдерінің инфекциясын, пневмония, синусит, фарингит, ринофарингит, герпес вирусы тудырған пневмонияны қоса)

• лейкопения (нейтропения мен агранулоцитозды қоса), анемия

• қанда липидтер деңгейінің жоғарылауы

• бас ауыру

• іштің ауыруы, жүрек айну және құсу

• бауыр ферменттері деңгейінің жоғарылауы

• бөртпе (эксфолиативті бөртпені қоса)

• қаңқа-бұлшықет ауыруы

• енгізген жердегі реакциялар (енгізген жердегі қызаруды қоса)

Жиі

- жүйелі инфекциялар (сепсис, кандидоз және тұмауды қоса), ішек инфекциялары (вирустық гастроэнтеритті қоса), терінің және жұмсақ тіндердің инфекциялары (паронихия, целлюлит, импетиго, некроздық фасцит, белдемелі герпес), құлақ инфекциялары, ауыз қуысының инфекциялары (әдеттегі герпесті, ауыз қуысының герпесін және тістер инфекциясын қоса), жыныс ағзаларының инфекциялары (зеңді вульвовагинитті қоса), несеп шығару жолдарының инфекциялары (пиелонефрит, зеңді инфекцияларды қоса), буындар инфекциялары

- тері обыры, меланоманы қоспағанда (базальді-жасушалы карциноманы және жалпақ жасушалы карциноманы қоса), қатерсіз жаңа түзілімдер

• тромбоцитопения, лейкоцитоз

• аса жоғары сезімталдық, аллергия (маусымдық аллергияны қоса)

• гипокалиемия, гиперурикемия, қан плазмасында натрий концентрациясының қалып шегінен ауытқуы, гипокальциемия, гипергликемия, гипофосфатемия, дегидратация

• көңіл-күй өзгерістері (депрессияны қоса), үрей, ұйқысыздық

• парестезия (гипестезияны қоса), бас сақинасы, жүйке түбіршектерінің қысылуы

• көру өткірлігінің бұзылуы, конъюнктивит, блефарит, көздің ісінуі

• вертиго

• тахикардия

• артериялық гипертензия, қан кернеулер, гематома

• демікпе, диспноэ, жөтел

• асқазан-ішектен қан кетулер, диспепсия, гастроэзофагеальді рефлюкс, құрғақ синдром (Шегрен синдромы)

• псориаз ағымының нашарлауы немесе туындауы (пальмоплантарлық пустулезді псориаз)1, есекжем, қанталаулар (пурпураны қоса), дерматит (экземаны қоса), онихоклаз, гипергидроз, алопеция1, қышыну

• бұлшықеттердің түйілуі (қан плазмасында креатинфосфокиназа деңгейінің жоғарылауын қоса)

• гематурия, бүйрек жеткіліксіздігі

• кеуденің ауыруы, ісіну, пирексия1

• баяу жазылу

• қан сарысуының бұзылулары және қан кетулер (ішінара белсендірілген тромбопластин уақытының ұзаруын қоса), аутоантиденелерге оң тест нәтижесі (екі тізбекті ДНҚ антиденелерін қоса), қанда лактатдегидрогеназаның артуы.

Жиі емес

• неврологиялық инфекциялар (оның ішінде вирустық менингит), оппортунистік инфекциялар (Mycobacterium avium туғызатын кокцидиоидомикоз, гистоплазмоз және инфекциялар кешенін қоса) және туберкулез, неврологиялық инфекциялар (вирустық менингитті қоса), көз инфекциялары, бактериялық инфекциялар, дивертикулит1

• лимфома*, паренхиматозды ағзалардың жаңа түзілімдері (сүт безінің обырын, өкпе ісінуін және қалқанша без ісігін қоса), меланома*

• идиопатиялық тромбоцитопениялық пурпура

• саркоидоз1, васкулит

• ми қан айналымының бұзылуы1, тремор; нейропатия

• диплопия

• кереңдік, құлақтағы шыңыл

• миокард инфарктісі1, аритмия, созылмалы жүрек жеткіліксіздігі

• артериялар окклюзиясы, тромбофлебит, қолқа аневризмасы

• өкпе артериясының эмболиясы1, созылмалы обструкциялық ауруы, интерстициальді өкпе ауруы, пневмонит, плевралық жалқық1

• панкреатит, дисфагия, бет ісінуі

• холецистит және холелитиаз, билирубин деңгейінің жоғарылауы, бауыр стеатозы

• түнгі тершеңдік, тыртықтар

• рабдомиолиз; жүйелі қызыл жегі

• никтурия

• қабыну

Сирек

• анафилаксия1

• жайылған склероз, демиелинизациялайтын аурулар (мысалы, көру жүйкесінің невриті, Гийен-Барре синдромы)1

• жүректің тоқтап қалуы

• өкпе фиброзы1

• ішектің ойылуы1

• гепатит, В1 гепатитінің қайта белсенділенуі, аутоиммундық гепатит1

• мультиформалы эритема1, Стивенс-Джонсон синдромы1, ангионевроздық ісіну1, тері васкулиті1, тері-лихеноидты реакция1

• жегілік синдром1

Жиілігі белгісіз

• гепатоспленарлық Т-жасушалы лимфома1, Меркель жасушалық карциномасы (нейроэндокриндік тері карциномасы)1, Капоши саркомасы

• бауыр жеткіліксіздігі

• дерматомиозит симптомдарының өршуі1

• салмақтың артуы

• енгізген жердегі реакциялар (эритема және/немесе қышыну, қан құйылу, ауыру немесе ісіну)

* - зерттеулердің ашық кезеңін қоса.

1 - өздігінен келіп түсетін есептер деректерін қоса.

Балалар

Әдетте, балаларда туындайтын жағымсыз реакциялар жиілігі мен сипаты бойынша ересек пациенттерде байқалған жағымсыз реакцияларға ұқсас болды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір шприц құрамында

белсенді зат - 40 мг (40 мг/0.8 мл) және 20 мг (20 мг/0.4 мл) адалимумаб қосымша заттар: адипин қышқылы, лимон қышқылының моногидраты, натрий хлориді, маннитол, полисорбат 80, натрий гидроксиді, хлорсутек қышқылы, инъекцияға арналған су

Сыртқы түрінің, иісінің, дәмінің сипаттамасы

Түссізден ашық сарғыш түске дейінгі ерітінді.

Шығарылу түрі және қаптамасы

0.8 мл (40 мг/0.8 мл доза үшін) немесе 0.4 мл (20 мг/0.4 мл доза үшін) препараттан сұр түсті бромбутил резеңке тығынмен тығындалған, қондырылған 29G × 1/2" инесі және инеге арналған қатқыл қорғағыш қалпақшасы (полипропиленнен) бар мөлдір түссіз боросиликат шыныдан (I тип) жасалған сыйымдылығы 1 мл бір реттік алдын ала толтырылған шприцке құйылады. Шприц поликарбонаттан жасалған кері жүрісті шектегіш фланец қамтылған инені қорғау құрылғысымен және поликарбонаттан жасалған плунжермен жабдықталған.

1 шприцтен ПЭТ-Г және балауыз қағаздан жасалған пішінді ұяшықты қаптамаға салады.

Пішінді ұяшықты 2 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

30 ай

Жарамдылық мерзімі өткеннен кейін қолдануға болмайды!

Жарықтан қорғау үшін түпнұсқалық қаптамасында 2-8°С температурада сақтау керек. Мұздатып қатыруға болмайды.

Препарат бар шприцті 21 күнге дейінгі бір кезең бойына 25°C бөлме температурасында сақтауға болады. Бөлме температурасында сақтаудан кейін препаратты тоңазытқышта қайта сақтауға болмайды.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Сандоз ГмбХ, Австрия

Биохемиштрассе 10, 6336 Лангкампфен, Австрия

Телефон: + 386 1 5802111, + 386 1 5683517

e-mail: info.sandoz@sandoz.com

Тіркеу куәлігінің ұстаушысы

Сандоз ГмбХ, Австрия

Биохемиштрассе 10, 6250 Кундль, Австрия

Телефон: +43 5338 200

e-mail: kundl.austria@sandoz.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"Сандоз Фармасьютикалс д.д." акционерлік қоғамының Қазақстан Республикасындағы Өкілдігі

Қазақстан Республикасы, Алматы қ., 050000, Құрманғазы к-сі 95.

Тел.: +7 (727) 258-24-47

e-mail: drugsafety.cis@novartis.com