Фулвестрант-Тева

Фулвестрант - Тева

Фулвестрант

Бұлшықет ішіне инъекция жасауға арналған шприцтегі ерітінді, 250 мг/5 мл

5 мл ерітіндінің құрамында

белсенді зат – 250 мг фулвестрант,

қосымша заттар: этанол (96%), бензил спирті, бензилбензоат, рафинадталған майсана майы.

Мөлдір, түссізден сары түске дейінгі тұтқыр сұйықтық.

Ісікке қарсы препараттар және иммуномодуляторлар. Ісікке қарсы гормональді препараттар. Гормондар антагонистері және олардың аналогтары. Антиэстрогендер. Фулвестрант.

АТХ коды L02BA03

Фармакокинетикасы

Бұлшықет ішілік инъекциядан кейін Фулвестрант баяу сіңіп, шамамен 5 күннен кейін қан плазмасында ең жоғары концентрацияға жетеді. Енгізгеннен кейін 500 мг Фулвестрантом – Тевамен емдеуге, қандағы әсер етуші зат тұрақты немесе оған жақын деңгейге алғашқы қабылдау айында жетеді: (орташа: тиісінше AUC 475 нг.күн/мл [33.4%], Сmax 25.1 нг/мл [35.1%] Cmin 16.3 нг/мл [25.9%]). Тепе-тең жағдайда плазмадағы Фулвестрант мөлшері біршама қысқа шекте ауытқып отырады – ең жоғары және ең төмен көрсеткіштерінің шамамен 3 есе айырмашылықтары бар. Бұлшықет ішілік инъекциядан кейін концентрация-уақыт қисығы астындағы аудан енгізілген дозаға шамамен пропорционал болады (50 мг-ден 500 мг-ге дейінгі аралықта).

Фулвестрант экстенсивті және тез таралуымен сипатталады. Тепе-тең концентрацияда, шамамен алынған үлкен көлемде таралуы (3 л/кг-ден 5 л/кг дейін) негізінен тамырдан тыс таралу деп болжанады.

Қан плазмасы ақуыздарымен байланысуы – 99%. Негізгі байланысу компоненттеріне тығыздығы өте төмен липопротеиндер (ТӨТЛП), тығыздығы төмен липопротеиндер (ТТЛП) және тығыздығы жоғары липопротеиндер (ТЖЛП) фракциялары қамтылған. Жыныстық гормондарды байланыстыратын глобулиннің рөлі анықталған жоқ.

Фулвестранттың метаболизмі эндогендік стероидтардың (17-кетон, сульфон, 3-сульфат, 3- және 17-глюкуронид метаболиттерін қоса) метаболизмінің механизмдеріне ұқсас биотрансформацияның көптеген әлеуетті жолдарының бірігуін қамтиды. Идентификацияланған метаболиттердің белсенділігі фулвестранттан төменірек немесе тең болады. CYP 3A4 фулвестранттың тотығуына қатысатын Р450 тобының жалғыз ғана изоферменті болып табылады. Алайда in vivo Р450 қатысуынсыз биотрансформация басым болады деп шамаланады.

Фулвестрант негізінен асқазан-ішек жолы арқылы метаболиттер түрінде шығарылады, несеппен бірге заттың 1%-дан азы шығарылады. Фулвестранттың клиренсі жоғары, 11±1.7 мл/мин/кг, бұл бауыр арқылы жоғары дәрежеде шығарылатынын аңғартады. Бұлшықет ішіне қолданғаннан кейін жартылай шығарылу кезеңі (t1/2) сіңу жылдамдығына байланысты және шамамен 50 күнге тең.

Айрықша популяциялар:

Фулвестранттың фармакокинетикалық бейіні жасқа (33-89 жас диапазонында), дене салмағына (40-127 кг) және нәсіліне байланысты емес.

Бүйрек функциясының бұзылулары

Бүйректің жеңіл және орташа бұзылулары фулвестранттың фармакокинетикасына клиникалық тұрғыдан елеулі ықпалын тигізбейді.

Бауыр функциясының бұзылулары

Фулвестранттың бір реттік жоғары дозасын бауыр функциясының жеңіл және орташа бұзылулары бар пациенттерге қолданған кезде AUC мәнінің 2,5 есеге дейін артқаны байқалды, дегенмен, концентрацияның бұлай артуының пациенттерге көтерімділігі жақсы болды. Бауыр функциясының ауыр бұзылулары бар пациенттерде фулвестранттың фармакокинетикасына зерттеу жүргізілген жоқ.

Фармакодинамикасы

Фулвестрант эстроген-рецепторлардың (ЭР) бәсекелес антагонисі болып табылады. ЭР-ге аффинділік деңгейі бойынша эстрадиолға ұқсас. Фулвестрант эстрогендердің трофикалық әсерін бөгеп, өзінің жеке эстрогенге ұқсас белсенділігін білдірмейді. Әсер ету механизмі эстроген-рецепторлардың (ЭР) белсенділігі басылуы мен деградациясына байланысты. Фулвестрант прогестерон рецепторларының экспрессиясын анық төмендетеді.

Фулвестрант менопаузадан кейінгі әйелдерде эндометрийге стимуляциялаушы әсерін тигізбейді. Менопаузадан кейін фулвестрантпен ұзақ уақыт емдеудің эндотелийге әсері анықталған жоқ. Сондай-ақ эндометрийдің морфологиясы бойынша да деректер жоқ. Фулвестрантты ұзақ уақыт қолданудың сүйек тініне ықпалы жөнінде деректер жоқ.

Эстроген оң (РЭ+), әйелдердің менопаузадан кейінгі кезеңдегі сүт безінің жергілікті жайылған немесе метастаздық обырында:

• бұрын гормональді ем алмаған

• ауру қайталанғанда немесе антиэстрогендермен адъювантты емнен кейін немесе антиэстрогендермен емнің аясында аурудың өршуі кезінде

Фулвестрант-Тева бұлшықет ішіне баяу енгізілетін, 5 мл-ден бірізді жасалатын инъекция арқылы қолдану қажет (әр инъекцияға 1-2 минут, әрбір бөксеге 1 инъекциядан).

Ересек әйел пациенттер (егде жастағыларын қоса есептегенде)

Ұсынылатын дозасы – айына бір рет 500 мг, емнің алғашқы айында алғашқы дозадан кейін екі аптадан соң қосымша 500 мг доза беріледі.

Бүйрек функциясы бұзылған пациенттер

Бүйрек функциясының бұзылуы жеңіл немесе орташа болған жағдайларда (креатинин клиренсі ≥ 30 мл/мин) дозаны түзетудің қажеті жоқ. Бүйрек функциясының бұзылуы ауыр (креатинин (клиренсі < 30 мл/мин) пациенттердегі қауіпсіздігі мен тиімділігі анықталған жоқ.

Қолданылуы жөніндегі нұсқаулар

Маңызды! Пайдаланар алдында қауіпсіз инесін (SafetyGlideтм) өңдеуге болмайды.

Енгізу жөніндегі нұсқаулық

Ескерту – пайдаланар алдында қауіпсіз инені автоклавта стерилизациялауға болмайды.

Пайдалану және алып тастау кезінде, қол иненің артында болады.

Екі шприцтің әрқайсысы үшін:

Картриджден шприцтың шыны цилиндрдін шығару және ол зақымдалмаған ба екен тексеру керек

• Қосылған резеңке қондырмасы бар қалпақшаны алып тастау үшін Люэр шприцінің байланыстырушы бөлігіндеге ақ пластик қалпақшаның мөрін сындыру керек (1-сурет)

1-сурет

• Қауіпсіз инені сыртқы қаптамасынан босату керек. Қауіпсіз инені шприцтің байланыстырушы бөлігіне қосу керек (2-сурет).

• Тығыз жанасқанға дейін бұрау керек.

2-сурет

• Люер шприцінің байланыстырушы бөлігіне инені бекіту үшін бұрау керек.

• Иненің ұшын зақымдамау үшін иненің қорғаныс қақпақшасын тік шығару керек. (3-сурет)

3-сурет

• Шприцті енгізу нүктесіне әкелу керек.

• Енгізер алдында онда қатты бөлшектердің бар-жоқтығын және түсінің өзгерген-өзгермегендігін көзбен қарап шығу керек.

• Шприцтен артық ауаны шығару керек.

• Бұлшықет ішіне жамбасқа баяу енгізу (1-2 мин/инъекция) керек. Пайдаланушының ыңғайлығы үшін иненің қиығы рычагтың иығына бағытталған (4-сурет).

4-сурет

• Инені ала салғаннан кейін қорғаныс поршень механизмін қосу үшін рычагтың иығына бір саусақпен басу керек (5-сурет).

• 5-сурет

Ескерту: белсенді қалпына келтірген кезде инені өзінен және басқалардан алыстау ұстау керек. Шертпеге құлақ салып және иненің ұшы толық жабылғанына көз жеткізу керек.

Утилизация

Алдын ала толтырылған шприцтер тек қана бірреттік қолдануға арналған.

Бүкіл пайдаланылмаған препаратты немесе қалдықтарын жергілікті талаптарға сәйкес утилизациялау керек.

Жағымсыз реакциялардың жиілігін анықтау: өте жиі (>10%); жиі (>1- ≤10%); сирек (>0.1- ≤1%);

Өте жиі

- жүректің айнуы

- астения

- инъекция жасаған жердегі реакциялар (гематома, транзиторлы ауырулар, қабыну реакциялары)

- бауыр ферменттері (АЛТ, АСТ, сілтілік фосфатаза) белсенділігінің жоғарылауы

Жиі

- бас ауыру

- билирубин деңгейінің жоғарылауы

- құсу, диарея

- анорексия

- несеп шығару жолдарының инфекциялары

- бөртпе

- веналық тромбоэмболия

- ыстықты сезіну ("ысынулар")

- асқын сезімталдық реакциялары

- бел тұсының ауыруы

Жиі емес

- бауыр жеткіліксіздігі

- гепатит

- глутамилтранспептидаза деңгейінің жоғарылауы

Сирек

- қынаптық кандидоз, қынаптық қан кетулер, ақ бөлінділер

- ісінулер, есекжем

- фулвестрантқа немесе препараттың кез келген басқа компонентіне жоғары сезімталдық

- ауыр бауыр жеткіліксіздігі

- маскүнемдікке, эпилепсияға шалдыққан науқастарға, сондай-ақ бауыр аурулары бар пациенттерге қарсы көрсетілген

- жүктілік және емшек емізу кезеңі

- балалар және 18 жасқа дейінгі жасөспірімдер (пациенттердің осы тобында қауіпсіздігі мен тиімділігі жөнінде деректер жоқ).

Мидазоламмен (CYP 3A4 субстраты) клиникалық өзара әрекеттесуін зерттеу нәтижелері бойынша, фулвестрант CYP 3A4 тежемейді.

Рифампицинмен (CYP 3A4 индукторы) және кетоконазолмен (CYP 3A4 тежегіші) клиникалық өзара әрекеттесуіне жүргізілген зерттеулерде фулвестрант клиренсінің клиникалық тұрғыдан маңызды өзгерулері байқалған жоқ. Сондықтан фулвестрантты CYP 3A4 индукторларымен және тежегіштерімен біріктіріп тағайындаған кезде дозаны түзетудің қажеті жоқ.

Фулвестрант-Тевамен емдеу ісікке қарсы препараттарды қолдану тәжірибесі бар дәрігердің бақылауымен ғана жүргізілуі тиіс.

Препараттың құрамында этил спиртінің болуына байланысты, Фулвестрант-Теваны маскүнемдікке, эпилепсияға шалдыққан науқастарға, сондай-ақ бауыр аурулары бар пациенттерге қолдануға болмайды.

Фулвестрант-Теваны бүйрек функциясының бұзылуы ауыр (креатинин клиренсі < 30 мл/мин) пациенттерге қолданған кезде сақ болу керек.

Препаратты қолдану тәсілін ескеріп, Фулвестрант-Теваны геморрагиялық диатезі, тромбоцитопениясы бар пациенттерге немесе антикоагулянттарды қабылдап жүрген пациенттерге қолданғанда сақ болу керек.

Сүт безінің жайылған обыры бар әйелдерде тромбоэмболиялар жиі байқалады. Мұны Фулвестрант-Теваны тромбоэмболия қаупі бар пациенттерге тағайындаған кезде ескеру қажет.

Фулвестрантты ұзақ қолданудың сүйек тініне әсері анықталған жоқ. Фулвестранттың әсер ету механизмін ескерер болсақ, остеопороздың әлеуетті қаупін жоққа шығаруға болмайды.

Фулвестрант-Тева басқа дәрілік препараттармен араластырылмауы тиіс.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Фулвестрант-Теваның автомобильді және басқа да механизмдерді басқару қабілетіне ықпал етуі мардымсыз. Астения симптомдары бар пациенттер автомобильді немесе басқа да механизмдерді басқарған кезде сақ болуы қажет.

Адамда артық дозалану жағдайлары белгісіз.

Симптомдары: жағымсыз әсерлері күшеюі мүмкін.

Емі: симптоматикалық демеуші ем.

Шығарылу түрі және қаптамасы

5 мл препараттан алғашқы ашуды бақылауы бар полипропилен поршень бар мөлдер шыны шприцте. Бір шприцтен полипропилен жабынмен мөрлеп жабылған полипропиленнен жасалған пішінді ұяшықты қаптамада жапсырылған қауіпсіз стерильді инемен (SafetyGlideTM) бірге салынған. Бір пішінді ұяшықты қаптамадан қолдану жөніндегі нұсқаулықпен бірге картон қорапшаға салынған.

2°С-ден 8°С-ге дейінгі температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«PLIVA Hrvatska d.o.o», Хорватия

«Teva Pharmaceutical Industries Ltd», Израиль

Қаптаушы ұйымның атауы және елі

«PLIVA Hrvatska d.o.o», Хорватия

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері

«ратиофарм Казахстан» ЖШС

050059 (А15Е2Р) Қазақстан Республикасы

Алматы қ-сы, әл-Фараби даңғ. 17/1,

«Нұрлы-Тау» БО 5Б корпусы,  6-қабат

Телефон (727) 325-16-15

Қазақстан Республикасы аумағында дәрілік заттың тіркеуден кейінгі қауіпсіздігін бақылауға жауапты ұйымның атауы, мекенжайы және байланыс деректері

«ратиофарм Казахстан» ЖШС

050059 (А15Е2Р) Қазақстан Республикасы

Алматы қ-сы, әл-Фараби даңғ. 17/1,

«Нұрлы-Тау» БО 5Б корпусы,  6-қабат

Тел, факс: (727) 325-16-42

Ұялы тел.: +7 (701) 924 03 68

E-mail: safety.kazakhstan@tevapharm.com