Фримайнд

• русский
• қазақша

• Скачать инструкцию медикамента

Саудалық атауы

Фримайнд

Халықаралық патенттелмеген атауы

Циталопрам

Дәрілік түрі

Үлбірлі қабықпен қапталған 20 мг таблеткалар

Құрамы

Бір таблетканың құрамында

белсенді зат - 24.98 мг циталопрам гидробромиді (20 мг циталопрамға баламалы),

қосымша заттар: жүгері крахмалы, лактоза, микрокристалды целлюлоза, поливинилпирролидон, магний стеараты, глицерин, натрий кроскармеллозасы,

қабықтың құрамы: титанның қостотығы Е171, гидроксипропилцеллюлоза, полиэтиленгликоль 400.

Сипаттамасы

Ақ түсті үлбірлі қабықпен қапталған, диаметрі 9 мм, дөңгелек пішінді таблеткалар.

Фармакотерапиялық тобы

Антидепрессанттар. Серотонинді кері қармап қалатын тежегіштер.

АТЖ коды N06AB04

Фармакологиялық қасиеттері

Фармакокинетикасы

Циталопрам ішу арқылы қабылданғаннан кейін тез сіңеді (тамшыны қабылдағаннан кейін ең көп дегенде орта есеппен 2 сағат, және таблетканың қабылдағаннан кейін ең көп дегенде орта есеппен 3 сағат). Ішке қабылдаған кезде таблеткалардың биожетімділігі 80%-ға жуықты құрайды және ас қабылдауға байланысты емес. Тамшыны қабылдағаннан кейінгі салыстырмалы биожетімділігі, таблеткаларға қарағанда, шамамен 25%-ға жоғары.

Таралу көлемі дене салмағының әр кг-на шаққанда 14 л-ге жуықты құрайды (12-16 л/кг диапазонында). Плазма ақуыздарымен байланысуы – 80%. Препараттың тепе-тең плазмалық концентрациясы мен тағайындалатын дозасы арасында дозаға байланысты өзара байланыс бар. Күніне 40 мг циталопрамды қабылдаған кезде оның қан плазмасындағы орташа концентрациясы шамамен 250 nM-ге сәйкес келеді. Циталопрамның концентрациясымен, емдік әсерімен және жағымсыз реакцияларымен нақты өзара байланысы байқалған жоқ. Биологиялық жартылай ыдырауға көптеген емделушілерде стационарлық емнің алғашқы аптасында жетеді. Емделушілердің көпшілігінде стационарлық емде 100-400 nM диапазонында күн сайынғы дозасы – 40 мг.

Егде жастағы емделушілерде, метаболизм жылдамдығының азаюы есебінен, препараттың қан плазмасынан жартылай шығарылу кезеңінің өте жоғары болатыны және клиренсінің төмендегені анықталды. Басқа да психотроптық препараттар сияқты, циталопрам организмге таралады: препараттың және метаболиттердің өте жоғары дозалары өкпелерде, бауырда, бүйректерде, ал өте төмен концентрациялары көкбауырда, жүректе, мида болады.

Көбіне бауырда жүретін метаболизм үдерісінде Циталопрам деметилциталопрамға, дидеметилциталопрамға, циталопрам-N-оксидке және дезаминирленген пропион қышқылы туындыларына трансформацияланады. Пропион қышқылының туындысы фармакологиялық тұрғыдан белсенді емес.

Қан плазмасынан жартылай шығарылу кезеңі шамамен 1,5 күнді құрайды. Жүйелік қолданған кезде плазмалық клиренсі шамамен минутына 0,3-0,4 л-ге сәйкес келеді, ал ішу арқылы қолданғанда – шамамен 0,4 л/мин. Циталопрам көбіне өтпен бірге (85%), бірақ ішінара несеппен бірге (15%) шығарылады. Циталопрамның 12-23%-ы өзгермеген күйінде несеппен бірге бөлініп шығады. Бауыр клиренсі минутына шамамен 0,3 л, бүйректік клиренсі минутына 0,05-0,08 л құрайды.

Фармакодинамикасы

Фримайнд 5-гидрокситриптаминнің (5-HT, серотонинді) сіңуін айқын және селективті тежейтін антидепрессант болып табылады.

Әсер ету механизмі норадреналин мен дофаминді кері қармап қалуға әсері өте төмен болатын ОЖЖ-де (орталық жүйке жүйесінде) серотонинді кері нейрональді қармап қалудың айқын селективті бөгелуімен байланысты.

Фримайнд нейрондардың норадреналинді, дофаминді, гамма-аминмай қышқылын сіңіруіне әсер етпейді дерлік.

Серотонинді 5НТ1А/2А рецепторлармен өзара әрекеттеспейді немесе серотониндік медиаторларды селективті қармай отырып, серотонинді 5НТ1А/2А рецепторлармен тікелей байланысу қабілеті өте әлсіз болады, дофаминдік D1 және D2 рецепторлармен, альфа1, альфа2 және бета-адренорецепторлармен, гистаминдік Н1-рецепторлармен, гаммааминоглобулин қышқылымен (ГАМҚ)- және бензодиазепиндік рецепторлармен, мускариндік холинергиялық рецепторлармен байланыспайды, соның нәтижесінде осы рецепторлардың тежелуімен байланысты жағымсыз әсерлер пайда болмайды.

Көңіл-күйдің жақсаруына мүмкіндік жасайды, үрейлену және шаршау сезімін азайтады, дисфорияны жояды, бас қатыратын жағдайды азайтады, седативтік әсерді тудырмайды дерлік, тұрақты клиникалық әсер препаратты жүйелі қабылдағанда 7-10 күннен кейін дамиды.

Фримайнд жүрек-қантамыр жүйесіне және артериялық қысымға, гематологиялық көрсеткіштерге, бауыр мен бүйрек қызметтеріне ықпалын тигізбейді, дене салмағын арттырмайды және алкогольдің әсерін күшейтпейді.

Препараттың мутагендік немесе канцерогендік әсері жоқ.

Қолданылуы

- депрессияны емдеуге және оның қайталануының алдын алуға

- агорафобиялы немесе онсыз үрейлі бұзылыстарды емдеуге.

Қолдану тәсілі және дозалары

Фримайндті ас қабылдауға қарамай, тәулігіне бір рет ішке, сұйықтықтың мол мөлшерімен ішіп қабылдаған жөн.

Ересектер

Айқын депрессия ұстамаларын емдеу

Стандартты доза күніне бір рет 20 мг құрайды. Қажет болған кезде дозаны, науқастың жағдайына қарай, ең көп дегенде күніне 60 мг-ға дейін арттыруға болады. Антидепрессивті әсері емдеуді бастағаннан кейін кем дегенде екі аптадан кейін білінеді. Жағдайдың қайталануына талапқа сай жол бермеу үшін емдеуді 4-6 апта бойы жалғастырған жөн.

Агорафобиялы немесе агрофобиясыз үрейлі шабуылдары бар үрей тудыратын бұзылулар

Әдеттен тыс реакцияларға (үрейлену, мазасыздық) жол бермеу үшін, алғашқы апта ішіндегі бастапқы доза 10 мг құрауы тиіс; содан кейін дозаны күніне 20 мг-ға дейін арттыруға болады. Әдетте емдеу 2-4аптадан кейін тиімді болады. Әрбір жеке науқастың реакциясына байланысты доза тағы да күніне 60 мг-ға дейін арттырылуы тиіс. Фримайнд препаратымен емдеген кезде емдік әсерге қол жеткізу үшін орта есеппен үш айға жуық уақыт кетеді.

60 жастан асқан науқастар

Айқын депрессия ұстамаларын емдеу

Күніне бір рет 10 мг-нан. Науқастың жағдайына байланысты дозаны ең көп дегенде күніне 30 мг-ға дейін арттыруға болады.

Үрейлену жағдайын емдеу

Күніне бір рет 10 мг-нан. Науқастың жағдайына қарай, дозаны ең көп дегенде күніне 30 мг-ға дейін арттыруға болады.

Бауыр қызметінің жеткіліксіздігі

Бауыр қызметінің жеткіліксіздігінде бастапқы дозаны күніне 10 мг-нан тағайындау керек. Әрі қарай ол 30 мг-ға арттырылуы тиіс. Емделушілер дәрігердің бақылауында болуы тиіс.

Бүйрек қызметінің жеткіліксіздігі

Бүйрек қызметінің жеңіл немесе ауыр бұзылулары бар науқастар үшін дозаны оңтайландыру қажет етілмейді. Бүйрек қызметінің ауыр жеткіліксіздігі бар (креатинин клиренсі минутына 20 мл-ден кем) науқастарға Фримайндті, оның әсеріне қатысты деректер жоқ болғандықтан, қолданбау керек.

Фримайнд препаратымен емдеуді біртіндеп тоқтату керек.

Дозаны біртіндеп 1-2 апта ішінде азайту ұсынылады.

Жағымсыз әсерлері

Өте жиі

- ұйқышылдық, ұйқысыздық, діріл

- баус ауыру, бас айналу

- жүректің лүпілдеуі

- жүректің айнуы, ауыз ішінің құрғауы

- қатты тершеңдік

- аккомодацияның бұзылуы

- астения

Жиі

- ұйқының бұзылуы, зейінді жұмылдыру қабілетінің бұзылуы, амнезия,

мазасыздық, либидоның төмендеуі, тәбеттің артуы, анорексия, апатия, өзіне-өзі қол жұмсау әрекеті, естен тану, бас сақинасы, парестезиялар

- тахикардия

- ортостатикалық гипотензия, артериялық гипотензия, гипертензия

- диспепсия,құсу, іштің ауыруы, метеоризм, жоғары саливация

- дизурия, полиурия

- салмақтың жоғалуы немесе қосылуы

- ринит, синусит

- эякуляцияның бұзылуы, әйелдерде оргазмның басталуының бұзылуы, дисменорея, импотенция

- галакторея

- тері бөртпесі, терінің қышуы

- көру өткірлігінің бұзылуы

- дәмнің бұзылуы

- шаршау, есінеу

Сирек

- эйфория, либидоның күшеюі

- елестеулер, мания, деперсонализация, үрейлену ұстамалары

- экстрапирамидальді бұзылулар, құрысу реакциялары

- брадикардия

- суправентрикулярлы және вентрикулярлы аритмиялар

- қан сарысуында бауыр ферменттерінің артуы

- жөтел

- жарыққа сезімталдық

- қантамырлық ісінулер

- құлақ ішінің шуылдауы

- миалгия

- артралгия

- аллергиялық реакциялар, естен танулар, дімкәстік

- анафилактикалық реакциялар

- қан кету (мысалы, гинекологиялық немесе асқазан-ішектік қан кетулер, қанталаулар және тері және шырышты қабықтарға қан кетудің басқа түрлері).

Қолдануға болмайтын жағдайлар

- МАО (моноаминооксидаза) тежегіштерімен бір мезгілде қолдануға

- циталопрамға және препараттың басқа да компоненттеріне жоғары сезімталдықта

- жүктілікте және лактация кезеңінде

- 18 жасқа дейінгі балаларға.

Дәрілермен өзара әрекеттеуі

Моноаминооксидаза (МАО) тежегіштерімен біріктіріп енгізу гипертониялық кризді тудыруы мүмкін.

Циталопрамның алкогольмен өзара әрекеттесуі анықталған жоқ.

Фенотиазиндермен және трициклдік антидепрессанттармен клиникалық тұрғыдан маңызды фармакокинетикалық өзара әрекеттесулер анықталған жоқ. Циталопрам мен теофиллиннің, бензодиазепиндердің, нейролептиктердің, аналгетиктердің, литийдің, антигистаминдік, антигипертензивтік дәрілердің, бета-бөгегіштердің және басқа да кардиотроптық препараттардың фармакодинамикалық өзара әрекеттесуі байқалған жоқ. Антидепрессанттар тобына жататын препараттар, серотонинді кері қармап қалатын тежегіштер антикоагулянттармен және тромбоциттердің бірігуіне ықпал ететін дәрілермен (FANS, ацетилсалицил қышқылы, тиклопидин) бір мезгілде қабылдаған кезде қан кету қаупін арттыруы мүмкін.

Айрықша нұсқаулар

Қант диабеті бар науқастарда серотонинді қайта-сіңірудің селективтік тежегіштерімен (СРСТ) емдеу қандағы глюкоза деңгейіне ықпалын тигізуі мүмкін. Инсулиннің және/немесе диабетке қарсы ішу арқылы қолданылатын дәрілердің дозасы, қажет кезінде, түзетілуі тиіс. Егер науқаста ұстамалар пайда болса, Фримайндті қабылдауды дереу тоқтатқан жөн.

Фримайндті эпилепсиясы тұрақты емес емделушілерге тағайындамаған жөн, ал эпилепсиясы бақыланатын науқастар мұқият бақылауда болуы тиіс. Ұстамалар жиілігі артқан кезде препаратты қабылдауды тоқтатқан жөн.

Фримайндті сыртартқысында маниясы/гипоманиясы бар науқастарға да мұқият тағайындаған жөн. Манияның алғашқы белгілерінде препаратты қолдануды дереу тоқтату керек.

СРСТ серотонинді қайта-сіңірудің селективтік емес тежегіштерін қолдану нәтижесінде қан кету уақытының ұзарғаны және/немесе патологиялық қан кету жөнінде мәлімделген.

СРСТ қабылдап жүрген науқастарда, әсіресе тромбоциттердің қызметінң ықпалын тигізетін немесе қан кету қаупін арттыратын заттарды бір мезгілде қолданған кезде, сондай-ақ сыртартқысында қан кету бұзылулары бар науқастарда сақ болу қажет.

Психотикалық симптомдар депрессия ұстамалары бар емделушілерді емдеу барысында күшеюі мүмкін.

Сирек жағдайларда, көбіне қартаң науқастарда гипонатриемия және емдеуді тоқтатқан кезде жоғалатын антидиуретикалық гормонның талапқа сай емес секрециясы синдромы (АДГТС) болғаны айтылған.

Емнің бас кезінде ұйқысыздық және қозу пайда болуы мүмкін. Мұндай жағдайларда дозаны оңтайландыру қажет етілуі мүмкін.

Циталопрамның метаболиті – дидеметилциталопрамның түзілуін тудыратын факторларға көңіл бөлген жөн, өйткені оның мөлшерінің жоғарылауы сезімтал адамдарда QT-аралықтың теориялық тұрғыдан ұзаруына әкелуі мүмкін.

Үлбірлі қабығы бар таблеткалар құрамында лактоза бар. Осының негізінде дәрілік препаратты галактоза жақпаушылығы, Лэп-Лактоза жеткіліксіздігі бар және глюкоза мен галактозаның сіңуі бұзылған емделушілерге қолдануға болмайды.

Дәрілік заттың көлікті және қауіпті механизмдерді басқару қабілетіне ықпал ету ерекшеліктер

Фримайнд жоғары зейінді қажет ететін жағдайларда шешім қабылдау және әрекет ету қабілетін бұзуы мүмкін. Препараттың осындай ықпалын, сондай-ақ олардың автомобильді жүргізу және техниканы басқару қабілеті төмендеуі мүмкін екендігін науқасқа ескерткен жөн.

Артық дозаланғанда

Симптомдаоры: ұйқышылдық, орташа синустық тахикардия, терлеудің күшеюі, жүректің айнуы, құсу, дистония. Клиникалық көрініс тән емес.

Емдеу - симптоматикалық.

Шығарылу түрі және қаптамасы

Үлбірлі қабықпен қапталған 20 мг таблеткалар.

Ақ түсті поливинилхлоридті мөлдір емес үлбірден және баспалы лакталған алюминий фольгадан жасалған пішінді ұяшықты қаптамада 14 таблеткадан.

2 пішінді ұяшықты қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге қораптық картон пәшкеге салынған.

Сақтау шарттары

25˚С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

С.П.А өнімінің арнайы желісі.

Виа Кампробелла, 15-000040, Помеция (Рим), Италия

Тіркеу куәлігінің иесі

Со. Се. Фарм Эс.Эр.Эл., Италия

Виа ди Кастелли Романи, 22-00040 Помезия (Рим), Италия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«Бегимбетов» ЖК

ҚАЗАҚСТАН РЕСПУБЛИКАСЫ, Алматы қ-сы, Рысқұлбеков к-сі 35, пәт.18.

Телефон нөмірі: 8-7772238168.

Электронды поштасы: b.begimbetova@mail.ru