Фосренол (1000 мг)
Инструкция
-
русский
-
қазақша
Саудалық атауы
Фосренол
Халықаралық патенттелмеген атауы
Жоқ
Дәрілік түрі
500 мг, 750 мг және 1000 мг шайнайтын таблеткалар
Құрамы
Бір таблетка құрамында
белсенді зат - 954 мг , 1431 мг, 1908 мг (500 мг, 750 мг, 1000 мг лантанға баламалы) лантан (ІІІ) карбонатының гидраты ,
қосымша заттар: декстраттар (гидратталған), коллоидты кремнийдің қостотығы, магний стеараты.
Сипаттамасы
Ақтан ақ дерлік түске дейінгі, дөңгелек пішінді, жалпақ бетті және шеті кертілген, бір жақ бетінде «500» үстінде «S405» өрнекті (500 мг дозалау үшін) таблеткалар.
Ақтан ақ дерлік түске дейінгі, дөңгелек пішінді, жалпақ бетті және шеті кертілген, бір жақ бетінде «750» үстінде «S405» өрнекті (750 мг дозалау үшін) таблеткалар.
Ақтан ақ дерлік түске дейінгі, дөңгелек пішінді, жалпақ бетті және шеті кертілген, бір жақ бетінде «1000» үстінде «S405» өрнекті (1000 мг дозалау үшін) таблеткалар.
Фармакотерапиялық тобы
Гиперкалиемия және гиперфосфатемияны емдеу дәрілері
АТЖ коды V03AE03
Фармакологиялық қасиеттері
Фармакокинетикасы
Лантан (III) карбонатының гидраты ас фосфатымен байланысуы асқазан қуысында және аш ішектің жоғарғы бөліктерінде жүретіндіктен Фосренол препаратының емдік әсері препараттың қан плазмасындағы концентрациясына тәуелді емес.
Сіңуі
Лантан (III) карбонатының гидраты суда әлсіз ериді (рН 7,5 жағдайында <0,01 мг/мл) және пероральді қабылдаудан кейін аз дәрежеде сіңеді. Пероральді қабылдаудан кейінгі абсолютті биожетімділігі <0,002% бағаланады.
Пероральді қабылдаудан кейінгі концентрация-уақыт (AUC) қисығы астындағы аудан және лантанның қан плазмасындағы Сmax концентрациясы лантанның 250-1000 мг диапазондағы дозасына тікелей тәуелділігіне қарағанда баяу ұлғаяды, бұл ерігіштігінен шектеулі сіңуіне сай келеді. Жартылай шығарылу кезеңі 36 сағатқа тең келеді.
10 күн бойына күніне 3 рет 1000 мг лантан алатын гемодиализдегі науқастарда қан плазмасындағы заттың орташа концентрациясы 1,06 ( 1,04) нг/мл құрайды, ал орташа AUC0-соңғы – 31,1 ( 40,5) нг х сағ/мл. Гемодиализдегі 1707 науқастың және лантан (III) карбонатының гидратын 2 жыл мерзімге дейін алғандардың қанындағы лантан концентрациясын ұдайы бақылау осы кезең бойына қан плазмасындағы заттың жоғары концентрациясын анықтамады.
Таралуы
Лантан (III) карбонатының гидраты көп рет пероральді қабылдауда лантан қан плазмасында жинақталмайды. Пероральді қабылдаудан кейін сіңетін лантанның аздаған бөлігі қан плазмасы ақуыздарымен толық дерлік (>99,7%) байланысады. Лантан сіңгеннен кейін ағзаның тіндеріне, негізінен сүйектерге, бауыр, асқазан-ішек жолына және шажырқайлық лимфа түйіндеріне кеңінен таралады. Лантанның асқазан-ішек жолы, сүйектер мен бауырды қоса алғандағы кейбір тіндердегі концентрациясы уақыт өте келе заттың қан плазмасындағы концентрациясынан бірнеше қатарға асатын деңгейге дейін жоғарылады. Кейбір тіндерде, мысалы бауыр жасушаларында, лантанның тепе-тең концентрациясына біртіндеп жетеді, ал асқазан-ішек жолында заттың концентрациясы препаратты қабылдаудың барлық мерзімі бойына ұлғаюмен болды. Препаратты тоқтатқаннан кейін лантанның әртүрлі тіндердегі концентрациясы әртүрлі өзгеріп отырды, соның ішінде тіндердегі лантан жинақталуының салыстырмалы түрдегі жоғары бөлігі препаратты тоқтатқаннан кейін 6 айдан астам уақыт сақталды (лантанның сүйектегі қалған медиана үлесі: <100% (егеуқұйрық), <87% (иттер);бауырда: 6% (егеуқұйрық), 82 % (иттер)). Лантан (III) карбонатының гидраты жоғары дозасын пероральді қабылдауда тіндерде лантан жинақталуы қандай да бір жағымсыз әсерлермен бірге жүрмейді.
Метаболизм
Лантан метаболизденбейді. Клиникалық сынаманың III фаза аясындағы зерттеулерге қосу кезінде бауырдың қосымша бірнеше ауруы бар науқастарда Фосренол препаратын 2 жылға дейінгі мерзімде қолдануда бауыр қызметі бұзылуын күшейту немесе лантан концентрациясының қан плазмасындағы жоғарылауы белгілері болмады.
Шығарылуы
Лантан негізінен нәжіспен шығарылады, және пероральді қабылданған дозаның тек шамамен 0,000031% ғана несеппен шығарылады (бүйрек клиренсі шамамен 1 мл/мин, бұл қан плазмасындағы жалпы клиренстің <2% сай келеді).
Лантан (III) карбонатының гидраты көктамыр ішіне енгізгеннен кейін негізінен (дозаның 74%) нәжіспен – өтпен шығарылғандай, сондай-ақ ішек қабырғасына тіке ену арқылы шығарылды.
Бүйрек арқылы шығарылуы мардымсыз болды.
Фармакодинамикасы
Фосренол құрамында лантан (III) карбонатының гидраты бар. Лантан (III) карбонатының гидраты фосфат байланыстыратын зат ретіндегі белсенділігі асқазанның қышқыл ортасында карбонат тұздарынан босап шығатын лантан иондарының ас фосфаттарына жоғары тектестігімен анықталады. Фосфаттың асқазан-ішек жолынан сіңуін азайтатын лантанның ерімейтін фосфаты түзіледі.
Қолданылуы
Фосренол тұрақты амбулаторлық перитонеальді диализ (ТАПД) немесе гемодиализ алатын, созылмалы бүйрек жеткіліксіздігі бар науқастарда гиперфосфатемияны бақылау үшін фосфат байланыстыратын зат ретінде қолданылады. Фосренол сондай-ақ диализ алмайтын, плазмадағы фосфат деңгейі ≥1.78 ммоль/л және құрамында фосфаты төмен ем-дәм жеткіліксіз болатын созылмалы бүйрек ауруы бар ересек емделушілерге де қолдануға көрсетіледі.
Қолдану тәсілі және дозалары
Ішке. Таблеткаларды тұтас жұтуға болмайды, шайнау керек.
Препаратты 2 жылдан астам қолданудың тәжірибесі шектеулі. Препаратты 2 жылдан астам қолдануда қатер-пайда арақатынасын мұқият бағалау керек.
Ересектер, егделерді қоса алғандағы (> 65 жас)
Фосренолды тамақ уақытында немесе астан кейін бірден қабылдау керек, және тәуліктік дозасын ас қабылдау аралығына бөлу керек. Науқастар фосфат деңгейін бақылау үшін және сұйық пайдалану деңгейін бақылау үшін ұсынылған ем-дәмді сақтауы тиіс.
Фосренолды шайнайтын таблетка түрінде шығару сұйықты қосымша қолданбауға мүмкіндік береді. Қан сарысуындағы фосфат деңгейін бақылау керек, және Фосренол препараты дозасын фосфаттардың қажетті концентрациясына қол жеткізгенше әрбір 2-3апта сайын жоғарылату керек, содан соң фосфаттар деңгейін ұдайы бақылауды жалғастыру керек.
Қандағы фосфаттар деңгейін бақылау бастапқы тәулігіне 750 мг дозада қол жетімді болады. Препараттың ең жоғары дозасы (науқастардың шектеулі санында) 3750 мг құрады. Лантан қолдануға сезімтал науқастарда, қан сарысуындағы қолдануға болатын фосфат деңгейі әдетте лантанның 1500-3000 мг/тәулік дозасында қол жетімді болады.
Бауыр қызметі бұзылуы
Әсер ету механизмінің ерекшеліктеріне және бауыр метаболизмі болмауына орай, бауыр қызметі бұзылуында препарат дозасын түзету талап етілмейді, бірақ науқас жағдайын мұқият бақылау керек.
Жағымсыз әсерлері
Препаратты қолдануға байланысты жағымсыз реакциялар (зерттеушілер бағалауы бойынша) зерттеудегі созылмалы бүйрек жеткіліксіздігінің терминальді сатысындағы 24% қатысушыда болған. Ешбір жағымсыз реакцияда жиілік 10% аспаған. Ең жиі жағымсыз дәрілік реакциялар (гипокальцемиядан басқа) асқазан-ішек құбылыстары болған; олар Фосренол
препаратын ас ішу кезінде қабылдағанда ең төменгі дәрежеге жеткен, және емді жалғастырғанда азайып отырған. QT аралығының өтпелі өзгерістері байқалған, бірақ ол кардиологиялық жағымсыз құбылыстар жиілігі жоғарылауымен бірге жүрмеген.
Жиі (1-10%)
- гипокальцемия
-іштің ауыруы, іш қатуы, диарея, диспепсия, метеоризм, жүрек айнуы, құсу
Жиі емес (0,1-1%)
- гастроэнтерит, ларингит
- эозинофилия
- гиперпаратиреоидизм
- гиперкальцемия, гипергликемия, гиперфосфатемия, гипофосфатемия, анорексия, тәбет жоғарылауы
- бас айналуы, бас ауыруы, дәм сезу бұзылуы
- вертиго
-кекіру, ас қорытудың бұзылуы, тітркенген ішек синдромы, ауыздың құрғауы, эзофагит, стоматит, сұйық нәжіс, тіс ауруы, дәл анықталмаған асқазан-ішек аурулары
- алопеция, қышыма, эритемалық бөртпе, гипергидроз
- артралгия, миалгия, остеопороз
- астения, кеуденің ауыруы, әлсіздік, жалпы көңіл-күй болмауы, шеткергі ісінулер, ауыру, шөл
- қандағы алюминий деңгейінің жоғарылауы, ГГТдеңгейі жоғарылауы, бауыр трансаминазалары, сілтілік фосфатазалардың жоғарылауы, дене салмағының азаюы
Қолдануға болмайтын жағдайлар
- Лантан карбонатының гидратына немесе препараттың кез-келген қосымша компоненттеріне асқын сезімталдықта;
- гипофосфатемияда
- жүктілікте
- 18 жасқа дейінгі балалық және жасөспірімдік жаста.
Дәрілермен өзара әрекеттесуі
Лантан карбонаты гидраты асқазан сөлінің рН жоғарылатуы мүмкін. Фосренол препаратын қабылдарға дейін және кейін 2 сағат бойына антацидтармен өзара әрекеттесетін (мысалы, хлорохин, гидроксихлорохин, кетоконазол) препараттарды қолдану ұсынылмайды.
Цитратты бір мезгілде қабылдау лантан сіңуі мен фармакокинетикасына әсер етпейді.
Фосренол препаратын қолдану А, Д, Е және К витаминдерінің қан сарысуындағы майда еритін деңгейіне әсер етпейді.
Фосренол препаратын дигоксинмен, варфаринмен немесе метопрололмен бірге қолдану бұл препараттардың фармакокинетикасының клиникалық елеулі өзгеруіне алып келмейді.
Асқазан сөлін түрлендіретін ерітіндіде лантан карбонатының гидраты варфаринмен, дигоксинмен, фуросемидпен, фенитоинмен, метопрололмен немесе эналаприлмен ерімейтін кешен қалыптастырмады, бұл осы заттардың сіңуіне ықпалы әлсіз деп шамалауға мүмкіндік береді. Теориялық тұрғыдан алғанда тетрациклинмен, доксициклинмен және флоксацин туындыларымен өзара әрекеттесуі мүмкін, және егер бұл препараттарды бір мезгілде қолдану керек болса, онда оларды Фосренол препаратын қабылдарға дейін 2 сағат бұрын және Фосренол препаратын қабылдаудан 2 сағат кейін қабылдау ұсынылады.
Лантан карбонатының гидраты цитохром Р450 субстраты емес, және адамның цитохром Р450 негізгі изоферменттер жүйесі, оның ішінде CYP1A2, CYP2D6, CYP3A4, CYP2C9 және CYP2C19 in vitro белсенділігін елеулі бәсеңсітпейді.
Айрықша нұсқаулар
Жануарларға жүргізілген зерттеулерде тіндерде лантан жинақталуы байқалды. Фосренол алған (кейбіреулер 4,5 жылға дейін) науқастар сүйектерінің 105 биоптаттары талдамасында уақыт өте келе лантан концентрациясы жоғарылағаны байқалған. Адамның басқа тіндерінде лантан жинақталуы туралы клиникалық деректер жоқ. Препаратты 24 айдан астам мерзімде қолданудың қауіпсіздігі туралы деректер шектеулі. Препаратты ұзақ қолданудағы қатер-пайда ара қатынасынын мұқият бағалау керек.
Асқыну сатысындағы асқазан ойық жарасы, өт ағысы айқын бұзылуы, ойық жаралы колит, Крон ауруы немесе ішек бітелуі бар науқастарда Фосренолды сақтықпен, тек қатер-пайда ара қатынасы мұқият бағалаудан соң ғана қолдану керек.
Бүйрек жеткіліксіздігі бар науқастарда гипокальцемия дамуы мүмкін.
Фосренол құрамында кальций болмайды. Сондықтан қан сарысуындағы кальций деңгейін ұдайы бақылау керек, және мұндай науқастарға қажет болса кальций препараттарын тағайындау керек.
Лантан бауыр ферменттерімен метаболизденбейді, бірақ, өтпен шығарылуы ықтимал. Өт ағысының айқын бұзылуында лантан шығарылуының баяулауы мүмкін, бұл оның қан плазмасындағы концентрациясының жоғарылауына және лантанның тіндерде жиналып отыруының күшеюіне алып келуі мүмкін.
Сондықтан мұндай науқастарға бауыр қызметін бақылау талап етілуі мүмкін.
Гипофосфатемия дамуында Фосренолды тоқтату керек.
Лантан карбонатының қабылдайтын науқастарда іш қуысы органдарын рентгенографиялауда контрасты дәрілер үшін қалыпты жағдай болып табылатын сәулеленуді жұту байқалуы мүмкін.
Жүктілік және лактация
Жүктілік кезінде қолдануға болмайды. Лантанның емшек сүтімен шығарылатыны белгісіз. Фосренолды лактация кезінде қолдану қажет болғанда емшекпен емізуді тоқтату керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Фосренол көлікті және қозғалатын механизмдерді басқару қабілетін бұзуы мүмкін бас айналуы мен вертиго туындатуы мүмкін.
Артық дозаланғанда
Артық дозалану жағдайлары сипатталмаған. Дені сау еріктілер үшін лантанның тәуліктік дозасының ең жоғарғы шамасы 3 күн бойына 4718 мг құрады. Бұндағы жағымсыз құбылыстар жеңіл және орташа ауырлықта болған, оның ішінде жүрек айнуы мен бау ауыруы қоса жүрген.
Емдеу симптоматикалық.
Шығарылу түрі және қаптамасы
500 мг, 750 мг, 1000 мг шайнайтын таблеткалар.
Балалардың кездейсоқ ашуынан қорғалған, бірінші ашылуына бақылауы бар, полипропиленді бұралатын қақпақты, тығыздығы жоғары полиэтиленнен жасалған құтыда 45 таблеткадан.
2 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге (500 мг дозалау үшін) салынған.
Балалардың кездейсоқ ашуынан қорғалған, бірінші ашылуына бақылауы бар, полипропиленді бұралатын қақпақты, тығыздығы жоғары полиэтиленнен жасалған құтыда 15 таблеткадан. 6 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге (750 және 1000 мг дозалау үшін) салынған.
Сақтау шарттары
Түпнұсқалық қаптамасында, 250С-ден аспайтын температурада сақтау керек. Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецепт арқылы
Өндіруші
Хэмол Лимитед
Тейн Роуд Ноттингем, Ноттингемшир, NG90 2DB, Ұлыбритания
Тіркеу куәлігінің иесі
«Джонсон & Джонсон» ААҚ, Ресей, 121614, Мәскеу, Крылатская к., 17/2
Байланыс телефоны:
Тел.: (495) 755-83-57
Факс: (495) 755-83-58
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Джонсон & Джонсон» ААҚ, Ресей
121614, Мәскеу, Крылатская к., 17/2
Тел.: +7 (727) 245 88 10 /11/12 /13
Факс: +7 (727) 245 89 27 немесе +7 (727) 245 88 15
e-mail: DrugSafetyKZ@its.jnj.com