Флуитарг

• русский
• қазақша

• Скачать инструкцию медикамента

Дәрілік заттың медицинада қолданылуы

жөніндегі нұсқаулық

ФЛУИТАРГ

Саудалық атауы

Флуитарг

Халықаралық патенттелмеген атауы

Клоперастин

Дәрілік түрі

3,54 мг/мл шәрбат

Құрамы

100 мл препараттың құрамында

белсенді зат – 354 мг клоперастин фендизоаты,

қосымша заттар: метилпарагидроксибензоат, пропилпарагидроксибензоат, сахароза, микрокристалды целлюлоза және натрий карбоксиметилцеллюлозасы, полиоксил 40 стеарат, банан хош иістендіргіші, тазартылған су.

Сипаттамасы

Өзіне тән тәтті банан дәмі бар ақшылдау түсті шәрбат.

Фармакотерапиялық тобы

Жөтелге қарсы басқа да препараттар.

АТХ коды R05DB21

Фармакологиялық қасиеттері

Фармакокинетикасы

Плазмада ең жоғары концентрациясына қабылдағаннан кейін 60-90 минуттан соң жетеді.

Клоперастин бауырда жылдам және толық метаболизденеді, оның метаболиттері организмнен негізінен несеппен шығарылады.

Фармакодинамикасы

Клоперастин – басым түрде орталықтан әсер ететін синтетикалық жөтелге қарсы зат, жөтел орталығының іріктеп тежеуіне негізделген, тыныс жолдарын бәсеңдетумен қатар жүрмейді және бронх бұлшықеттерінің босаңсуына ықпал етеді. Кодеиннен айырмашылығы, клоперастиннің есірткілік әсері жоқ, жергілікті анестетик емес және тыныс алу орталығын баспайды.

Қолданылуы

- кез келген этиологиядағы құрғақ жөтел

Қолдану тәсілі және дозалары

Ішке.

Ересектерге: 7,5 мл шәрбаттан таңертең және күндіз, 15 мл шәрбат кешке ұйықтар алдында.

Дене салмағы 20 кг асатын 6 жастағы балалардан бастап: 2,5 мл шәрбаттан таңертең және күндіз, 5 мл шәрбат кешке ұйықтар алдында. Дене салмағы 40 кг асатын балаларға: 5 мл шәрбаттан таңертең және күндіз, 10 мл шәрбат кешке ұйықтар алдында.

Емдеу курсы 3-тен 7 күнге дейін.

Жағымсыз әсерлері

- ауыз шырышты қабығының құрғауы

- жеңіл ұйқышылдық

Қолдануға болмайтын жағдайлар

- препарат компоненттерінің кез келгеніне жоғары сезімталдық

- 6 жасқа дейінгі балалар

Дәрілермен өзара әрекеттесуі

Препаратты тыныштандыратын немесе анистаминді препараттармен бір мезгілде қолданған жағдайда жағымсыз әсерлерінің күшеюі мүмкін.

Айрықша нұсқаулар

Шәрбаттың құрамына сахароза кіреді, мұны диабеті бар немесе төмен калориялы емдәмді ұстанатын емделушілерді емдеу барысында ескерген жөн.

Жүктілік және лактация кезеңі

Препаратты жүктіліктің алғашқы айларында қолдану ұсынылмайды, одан кейіндеу мерзімде препаратты тек жедел қажет болған жағдайда және тек тікелей дәрігердің бақылауымен пайдаланған жөн.

Препаратты лактация кезеңінде тағайындау қажет болған жағдайда емшекпен емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың жағымсыз әсерлерін ескере отырып, автокөлікті және басқа қауіптілігі зор механизмдерді басқару кезінде сақтық танытқан жөн.

Артық дозалануы

Симптомдары: жағымсыз әсерлерінің күшеюі.

Емі: қабылдағаннан кейінгі бірнеше сағат ішінде асқазанды шаю қажет. Емделушіні тыныш қалдыру керек, орталық жүйке жүйесінің кез келген тым аса қозу белгілерін азайту үшін бензодиазепиндерді қабылдау ұсынылады.

Шығарылу түрі және қаптамасы

200 мл препараттан өлшегіш стақаны бар қызғылт сары құтыға құйылып, қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

25 С -ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

5 жыл, ашылған құтының жарамдылық мерзімі 60 күнге дейін.

Препараттың жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Замбон С.П.А.

Виа делла Кимика, 9 36100, Виченца, Италия

Тіркеу куәлігі иесінің атауы мен елі

Замбон С.П.А., Италия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ВИВА Фарм» ЖШС

2-ші Остроумов к-сі, 33, Алматы қ., ҚР

тел.: +7 (727) 390 48 77, факс: +7 (727) 383 74 56;

e-mail: viva@vivapharm.kz, pv@vivapharm.kz