Фириалта (20мг) (Финеренон)

Фириалта®

Финеренон

Үлбірлі қабықпен қапталған таблеткалар, 10 мг және 20 мг

Жүрек-тамыр жүйесі. Диуретиктер. Калий жинақтайтын диуретиктер. Альдостерон антагонистері. Финеренон

ATХ коды C03DA05

Фириалта® препараты 2 типті қант диабеті бар ересек пациенттерде созылмалы бүйрек ауруын (альбуминуриямен) емдеу үшін көрсетілген.

Қолдануды бастағанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• келесі CYP3A4 күшті тежегіштерімен қатар емдеу, мысалы,

• итраконазолмен

• кетоконазолмен

• ритонавирмен

• нелфинавирмен

• кобицистатпен

• кларитромицинмен

• телитромицинмен

• нефазодонмен

• Аддисон ауруы

• тұқым қуалайтын галактоза жақпаушылығы, толық лактаза жеткіліксіздігі, глюкоза-галактозаның мальабсорбциясы бар тұлғалар

Қолданған кездегі қажетті сақтандыру шаралары

Гиперкалиемия

Гиперкалиемия финеренон қабылдаған пациенттерде байқалды.

Кейбір пациенттерде гиперкалиемияның даму қаупі жоғары.

Қауіп факторларына төмен еШСЖ, қан сарысуындағы калий концентрациясының жоғарылауы және гиперкалиемияның алдындағы эпизодтары жатады. Мұндай пациенттерді жиі бақылау мүмкіндігін қарастыру қажет.

Емдеуді бастау және жалғастыру («Дозалау режимі» бөлімін қараңыз)

Егер қан сарысуындағы калий концентрациясы > 5,0 ммоль/л болса, онда финеренонмен емдеуді бастамау керек.

Егер қан сарысуындағы калий концентрациясы > 4,8-ден 5,0 ммоль/л-ге дейін болса, онда пациенттің жеке ерекшеліктеріне және қан сарысуындағы калий деңгейіне қарай алғашқы 4 апта ішінде қан сарысуындағы калийді қосымша мониторингтеумен финеренонмен емдеуді бастау туралы мәселені қарастыруға болады.

Егер қан сарысуындағы калий концентрациясы > 5,5 ммоль/л болса, пациенттерді финеренонмен емдеуді тоқтата тұру керек.

Қан сарысуындағы калий концентрациясы ≤ 5,0 ммоль/л болса, финеренонды күніне бір рет 10 мг дозада қайта бастауға болады.

Бақылау

Емдеу басталғаннан, емдеуді қайта бастағаннан немесе финеренон дозасын арттырғаннан 4 аптадан кейін барлық пациенттерде қан сарысуындағы калий концентрациясын және еШСЖ қайта өлшеу қажет. Осыдан кейін мезгіл-мезгілімен және қажеттілігіне қарай пациенттің жеке ерекшеліктеріне және қан сарысуындағы калий деңгейіне байланысты қан сарысуындағы калий концентрациясын өлшеу қажет.

Қатар емдеу

Гиперкалиемия қаупі қан сарысуындағы калий концентрациясын жоғарылататын дәрілік препараттарды қатар қолданғанда да артуы мүмкін. Сондай-ақ, «Финеренон әсеріне ықпал ететін заттарды қатар қолдану» бөлімін қараңыз.

Финеренонды бір мезгілде

• калий жинақтайтын диуретиктермен (мысалы, амилорид, триамтерен)

• басқа минералокортикоидты рецепторлардың антагонистерімен (МРА), мысалы, эплеренонмен, эсаксеренонмен, спиронолактонмен, канренонмен

тағайындауға болмайды.

Финеренонды сақтықпен қолдану керек, сонымен бірге келесі дәрілермен бірге қабылдаған кезде қан сарысуындағы калий концентрациясын бақылау талап етіледі:

• калий қоспаларымен

• триметоприммен немесе триметоприммен/сульфаметоксазолмен. Финеренонды қабылдауды уақытша тоқтату қажет болуы мүмкін.

Бүйрек функциясының бұзылуы

Бүйрек функциясының төмендеуі кезінде гиперкалиемия қаупі артады. Қажет болған жағдайда стандартты тәжірибеге сәйкес бүйрек функциясының тұрақты мониторингісін жүргізу керек.

Емдеуді бастау

еШСЖ <25 мл/мин/1,73 м2 болған пациенттерде клиникалық деректер саны шектеулі болуына байланысты финеренонмен емдеуді бастауға болмайды.

Емдеуді жалғастыру

Шектеулі клиникалық деректердің болуына байланысты терминалдық бүйрек жеткіліксіздігі сатысына жеткен пациенттерде финеренонмен емдеуді тоқтату керек (еШСЖ < 15 мл/мин/1,73 м2).

Бауыр функциясының бұзылуы

Бауыр функциясының ауыр бұзылулары бар пациенттерде финеренонды қолдануға болмайды. Осындай пациенттердің дәрілік препаратты қолдануы зерттелмеген, бірақ оларда финеренон әсерінің едәуір артуы күтіледі.

Бауыр функциясының орташа бұзылуы бар пациенттерде финеренонды қолдану финеренон әсерінің жоғарылауына байланысты қосымша бақылауды қажет етуі мүмкін. Қан сарысуындағы калийдің қосымша мониторингін қарастыру және пациенттің жеке ерекшеліктеріне сәйкес мониторингті бейімдеу қажет.

Жүрек жеткіліксіздігі

Нью-Йорк жүрек ассоциациясының (NYHA) жіктемесі бойынша лықсу фракциясы төмендеген және II-IV функционалды класы бар жүрек жеткіліксіздігі диагнозы қойылған пациенттер III фазалық клиникалық зерттеулерден шығарылды.

Басқа дәрілік препараттармен өзара әрекеттесуі

Өзара әрекеттесуді зерттеу тек ересек пациенттердің қатысуымен жүргізілді.

Финеренон іс жүзінде тек P450 цитохромы (CYP) арқылы тотығу метаболизмі есебінен шығарылады (негізінен CYP2C8 аз үлесімен [10 %] CYP3A4 [90 %] арқылы).

Бір мезгілде қабылдауға қарсы көрсетілімдер

CYP3A4 күшті тежегіштері

Фириалта® препаратын финеренон әсерінің айтарлықтай артатыны күтілуі себепті итраконазол, кларитромицин және CYP3A4 басқа да күшті тежегіштерімен (мысалы, кетоконазол, ритонавир, нелфинавир, кобицистат, телитромицин немесе нефазодон) бір мезгілде қабылдауға болмайды.

Бір мезгілде қолдану ұсынылмайды

CYP3A4 күшті және орташа индукторлары

Фириалта® препаратын рифампицинмен және басқа да күшті CYP3A4 индукторларымен (мысалы, карбамазепин, фенитоин, фенобарбитал, шайқурай препараттарымен) немесе эфавирензбен және CYP3A4 басқа да орташа индукторларымен бірге қабылдауға болмайды. Бұл CYP3A4 индукторлары қан плазмасындағы финеренон концентрациясын айтарлықтай төмендетеді және емдік әсердің төмендеуіне әкеледі деп күтіледі.

Қан сарысуындағы калий концентрациясын жоғарылататын белгілі дәрілік препараттар

Фириалта® препаратын калий жинақтайтын диуретиктермен (мысалы, амилорид, триамтерен) және басқа АМР-мен (мысалы, эплеренонмен, эзаксеренонмен, спиронолактонмен, канренонмен) бір мезгілде қабылдауға болмайды. Бұл дәрілік препараттар гиперкалиемия дамуының қаупін арттырады деп күтіледі.

Грейпфрут

Финеренонмен емдеу кезінде CYP3A4 тежелуі арқылы қан плазмасындағы финеренон концентрациясының артуы күтілетіндіктен грейпфрут немесе грейпфрут шырынымен қабылдауға болмайды.

Сақтықпен бір мезгілде қолдану

CYP3A4 орташа тежегіштері

Клиникалық зерттеуде эритромицинді бір мезгілде қабылдау (күніне үш рет 500 мг) финеренонның орташа AUC 3,5 есеге және Cmax 1,9 есеге жоғарылауына әкелді. Басқа клиникалық зерттеуде верапамил (күніне бір рет босап шығуы бақыланатын 240 мг таблетка) финеренонның орташа AUC 2,7 есеге және Cmax 2,2 есеге артуына әкелді.

Қан сарысуындағы калий концентрациясы жоғарылауы мүмкін, сондықтан әсіресе, финеренон немесе CYP3A4 тежегішінің дозасын қабылдау немесе өзгерту кезінде бақылауды жүргізу ұсынылады.

Әлсіз CYP3A4 тежегіштері

Физиологиялық негізделген фармакокинетикалық модельдеу флувоксамин (күніне екі рет 100 мг) финеренонның AUC (1,6 есеге) және Cmax (1,4 есеге) жоғарылатынын көрсетті.

Қан сарысуындағы калий концентрациясы жоғарылауы мүмкін, сондықтан әсіресе, финеренон немесе CYP3A4 тежегішінің дозасын қабылдау немесе өзгерту кезінде бақылауды жүргізу ұсынылады.

Қан сарысуындағы калий концентрациясын жоғарылататын белгілі дәрілік препараттар

Фириалта® препаратын калий қоспаларымен және триметоприммен немесе триметоприммен/сульфаметоксазолмен бірге қабылдау гиперкалиемия қаупін арттырады деп күтіледі. Қан сарысуындағы калийді мониторингтеу қажет.

Триметоприммен немесе триметоприммен/сульфаметоксазолмен емдеу кезінде Фириалта® препаратын уақытша тоқтату қажет болуы мүмкін.

Гипертензияға қарсы препараттар

Кейбір басқа гипертензияға қарсы дәрілік препараттарды бір мезгілде қолданғанда гипотензияның даму қаупі артады. Мұндай пациенттерде артериялық қысымды бақылау ұсынылады.

Арнайы ескертулер

Финеренон әсеріне ықпал ететін заттарды қатар қолдану

Орташа және әлсіз CYP3A4 тежегіштері

Орташа немесе әлсіз CYP3A4 тежегіштерімен финеренонды бір мезгілде қолданғанда қан сарысуындағы калий концентрациясын бақылау қажет.

CYP3A4 күшті және орташа индукторлары

Финеренонды күшті немесе орташа CYP3A4 индукторларымен бірге қабылдауға болмайды.

Грейпфрут

Финеренонмен емдеу кезінде грейпфрут немесе грейпфрут шырынын тұтынуға болмайды.

Эмбриофетоуыттылығы

Финеренонды жүктілік кезінде ана үшін пайда мен шарана үшін қауіп мұқият бағаланбаған кезде қолдануға болмайды. Егер әйелде жүктілік финеренон қабылдау кезінде болса, онда оған шаранаға ықтимал қауіптер туралы хабарлау керек.

Бала туу жасындағы әйелдерге емдеу кезінде тиімді контрацепцияны қолдану ұсынылуы керек.

Әйелдерге финеренонмен емделу кезінде бала емізбеу туралы кеңес берілуі керек.

Әйелдердегі контрацепция

Бала туу жасындағы әйелдер финеренонмен емдеу кезінде тиімді контрацепцияны қолдануы керек.

Қосымша заттар туралы мәліметтер

Фириалта® препаратының құрамында лактоза моногидраты бар. Галактоза жақпаушылығы, толық лактаза жеткіліксіздігі немесе глюкоза-галактоза мальабсорбциясы сияқты сирек кездесетін тұқым қуалайтын аурулары бар пациенттерде бұл препаратты қабылдауға болмайды.

Фириалта® препаратының құрамында натрий бар. Бұл препараттың құрамында бір таблеткаға 1 ммольден (23 мг) аз натрий бар, яғни препарат «натрийсіз»дерлік.

Педиатриялық тәжірибеде қолдану

Балалар мен 18 жасқа дейінгі жасөспірімдерде қолданған кезде финеренон қауіпсіздігі мен тиімділігі анықталмаған. Деректер жоқ.

Жүктілік немесе лактация кезінде

Жүктілік кезінде әйелдерде финеренонды қолдану туралы деректер жоқ.

Фириалта® препаратын әйелдің клиникалық жағдайы финеренонмен емдеуді қажет етпесе жүктілік кезінде қолдануға болмайды. Егер әйелде финеренон қабылдау кезінде жүктілік болса, онда оған шаранаға ықтимал қауіптер туралы хабарлау керек.

Адамның емшек сүтіне финеренонның немесе оның метаболиттерінің бөлінуі туралы мәліметтер жоқ. Жаңа туған нәрестелер / сәбилер үшін қауіпті жоққа шығаруға болмайды. Бала емізудің пайдасы мен әйел үшін емнің пайдасын ескере отырып, бала емізуді тоқтату немесе Фириалта® препаратымен емдеуді тоқтату туралы шешімді қабылдау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фириалта® препараты көлік құралын басқару және механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Ұсынылатын мақсатты доза-күніне бір рет 20 мг финеренонды құрайды. Ұсынылатын ең жоғары доза-күніне бір рет 20 мг финеренонды құрайды.

Емдеуді бастау

Финеренонмен емді бастауға болып-болмайтыны және қандай бастапқы дозадан бастау керектігі туралы анықтау үшін қан сарысуындағы калий концентрациясын және шумақтық сүзудің есептік жылдамдығын (еШСЖ) өлшеу керек.

Қан сарысуындағы калий концентрациясы ≤ 4,8 ммоль/л болса, финеренонмен емдеуді бастауға болады. Қан сарысуындағы калий мониторингісінің жиілігі туралы ақпаратты алу үшін төменде «Емдеуді жалғастыру» бөлімін қараңыз.

Егер қан сарысуындағы калий концентрациясы > 4,8–5,0 ммоль/л болса, онда пациенттің жеке ерекшеліктеріне және қан сарысуындағы калий концентрациясына қарай алғашқы 4 апта ішінде қан сарысуындағы калийдің қосымша мониторингісімен финеренонмен емдеуді бастау туралы мәселені қарастыруға болады.

Егер қан сарысуындағы калий концентрациясы > 5,0 ммоль/л болса, онда финеренонмен емдеуді бастамау керек.

Финеренонның ұсынылатын бастапқы дозасы еШСЖ негізінде анықталады және 1кестеде келтірілген.

1 кесте: Финеренонмен емдеуді бастау және ұсынылатын доза

Емдеуді жалғастыру

Финеренонмен емдеуді бастағаннан немесе қайта бастағаннан кейін немесе дозаны жоғарылатқаннан 4 аптадан кейін қан сарысуындағы және еШСЖ-дағы калий концентрациясын қайта өлшеу қажет (финеренонмен емдеуді жалғастыру және дозаны түзету мүмкіндігін анықтау үшін 2 кестені қараңыз).

Осыдан кейін пациенттің сипаттамаларына және қан сарысуындағы калий деңгейіне байланысты қан сарысуындағы калий концентрациясын мезгіл-мезгілімен және қажеттілігіне қарай қайта өлшеу қажет.

2 кесте: Финеренонмен емдеуді жалғастыру және дозаны түзету

* егер еШСЖ алдыңғы өлшеммен салыстырғанда > 30 %-дан астам төмендеген болса, күніне бір рет 10 мг дозаны сақтау керек.

Өткізіп алған доза

Өткізіп алған дозаны пациент өткізіп алғанын байқаған сәтте, бірақ сол күні қабылдауы керек. Пациент өткізіп алған дозаның орнын толтыру үшін қосарланған дозаны қабылдамауы керек.

Пациенттердің ерекше топтары

Бала жастағы пациенттер

Балалар мен 18 жасқа дейінгі жасөспірімдерде қолданған кезде финеренон қауіпсіздігі мен тиімділігі анықталмаған. Деректер жоқ.

Егде жастағы пациенттер

Егде жастағы пациенттерде дозаны түзету қажет емес.

Бүйрек жеткіліксіздігі бар пациенттер

Емдеуді бастау.

еШСЖ <25 мл/мин/1,73 м2 болған пациенттерде клиникалық деректер шектеулі болуына байланысты финеренонмен емдеуді бастамау керек.

Емдеуді жалғастыру.

еШСЖ ≥ 15 мл/мин/1,73 м2 пациенттерде финеренонмен емдеу қан сарысуындағы калий концентрациясына байланысты дозаны түзетумен жалғастырылуы мүмкін. Бастапқы дозаны ұсынылған тәуліктік 20 мг дозаға дейін арттыруға болатынын-болмайтынын анықтау үшін ем басталғаннан кейін 4 аптадан кейін еШСЖ өлшеу керек («Дозалау режимі, емдеуді жалғастыру» және 2 кестені қараңыз).

Клиникалық деректердің шектеулі болуына байланысты терминалдық бүйрек жеткіліксіздігі сатысына жеткен пациенттерде финеренон препаратымен емдеуді тоқтату керек (еШСЖ < 15 мл/мин/1,73 м2).

Бауыр жеткіліксіздігі бар пациенттер

Келесі ауруы бар пациенттерге

• бауыр функциясының ауыр бұзылуы:

финеренонды тағайындауға болмайды. Қолжетімді деректер жоқ.

• бауыр функциясының орташа бұзылуы:

бастапқы дозаны түзету қажет емес. Қан сарысуындағы калийдің қосымша мониторингісін қарастыру және пациенттің жеке ерекшеліктеріне сәйкес мониторингті бейімдеу керек.

• бауыр функциясының жеңіл бұзылуы:

бастапқы дозаны түзету қажет емес.

Қатар жүретін дәрі-дәрмектік емдеу

Финеренонды CYP3A4 орташа және әлсіз тежегіштерімен, калий қоспаларымен, триметоприммен немесе триметоприм/сульфаметоксазолмен бір мезгілде қабылдайтын пациенттерде қан сарысуындағы калийдің қосымша мониторингісін қарастыру және пациенттің жеке ерекшеліктеріне сәйкес мониторингті бейімдеу қажет. Финеренонмен емдеу туралы шешім 2 кестеде көрсетілген ақпарат негізінде қабылдануы керек («Дозалау режимі, емдеуді жалғастыру» бөлімін қараңыз).

Егер пациенттерге триметоприм немесе триметоприм/сульфаметоксазолды қабылдау қажет болса, финеренонды қабылдауды уақытша тоқтату қажет болуы мүмкін.

Дене салмағы

Дене салмағына байланысты дозаны түзету қажет емес.

Енгізу әдісі мен жолы

Ішке қабылдауға арналған.

Таблеткаларды тамақтануға қарамастан бір стақан сумен ішуге болады.

Таблеткаларды грейпфрут немесе грейпфрут шырынымен бірге қабылдауға болмайды.

Таблеткаларды ұнтақтау

Егер пациент таблетканы толығымен жұта алмаса, Фириалта® препаратының таблеткасын ұсақтап, сумен ішуге немесе жұмсақ тағаммен мысалы, алма езбесімен тікелей пероральді қолдану алдында араластыруға болады.

Артық дозаланған жағдайда қабылдануы тиіс шаралар

Симптомдары: артық дозаланудың ең ықтимал белгісі гиперкалиемия болуы мүмкін.

Емдеу: гиперкалиемия дамыған кезде стандартты ем жүргізілуі керек Финеренон фракциясының қан плазмасы ақуыздарымен байланысуы шамамен 90% құрайтынын ескерсек, оның гемодиализ арқылы тиімді түрде шығарылу ықтималдығы аз.

Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар (қажет болған жағдайда)

Финеренонмен емдеудегі ең көп таралған жағымсыз реакция гиперкалиемия болды (14,0 %).

Жағымсыз реакциялар келесідей жиілік топтарына бөлінеді:

өте жиі (≥1/10)

жиі (≥1/100-ден <1/10-ға дейін)

жиі емес (≥1/1000-нан <1/100-ге дейін)

Өте жиі

- гиперкалиемия

Жиі

- гипонатриемия, гиперурикемия

- гипотензия

- қышу

- шумақтық сүзу жылдамдығының төмендеуі

Жиі емес

- гемоглобиннің төмендеуі

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - микрондалған финеренон 10 мг немесе 20 мг

қосымша заттар:

Фириалта®, 10 мг, үлбірлі қабықпен қапталған таблеткалар:

микрокристалды целлюлоза, натрий кроскармеллозасы, гипромеллоза 5 сР, лактоза моногидраты, магний стеараты, натрий лаурилсульфаты, тазартылған су*

Үлбірлі қабығы: ашық қызғылт лак**, тазартылған су* (немесе балама: темірдің қызыл тотығы (E172), гипромеллоза 5 сР, тальк, титанның қостотығы, тазартылған су*)

Фириалта®, 20 мг, үлбірлі қабықпен қапталған таблеткалар:

микрокристалды целлюлоза, натрий кроскармеллозасы, гипромеллоза 5 сР, лактоза моногидраты, магний стеараты, натрий лаурилсульфаты, тазартылған су*

Үлбірлі қабығы: ашық сары лак***, тазартылған су* (немесе балама: темірдың сары тотығы (E 172), гипромеллоза 5 сР, тальк, титанның қостотығы, тазартылған су*)

* Тазартылған су технологиялық агент ретінде пайдаланылады, өндіріс процесінде жойылады. Дәрілік препараттың жалпы массасына әсер етпейді.

** Ашық қызғылт лак мыналардан тұрады: 50 % гипромеллоза 5 сР, 38 % титанның қостотығы, 10 % тальк және 2 % темірдің қызыл тотығы.

*** Ашық сары лак 50 % гипромеллоза 5 сР, 32 % титанның қостотығы, 10 % тальк және 8 % темірдің сары тотығы.

Сыртқы түрінің иісінің, дәмінің сипаттамасы

Фириалта®, 10 мг, үлбірлі қабықпен қапталған таблеткалар

Бір жағында «10» және екінші жағында «FI» таңбасы бар, сопақша-ұзынша пішінді, қызғылт түсті үлбірлі қабықпен қапталған таблеткалар.

Фириалта®, 20 мг, үлбірлі қабықпен қапталған таблеткалар

Бір жағында «20» және екінші жағында «FI» таңбасы бар, сопақша-ұзынша пішінді, ашық сары түсті үлбірлі қабықпен қапталған таблеткалар.

Шығарылу түрі және қаптамасы

14 таблеткадан ПВХ/ПВДХ үлбірден және алюминий фольгадан жасалған пішінді ұяшықты қаптамаға салады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды.

30 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Байер АГ,

Кайзер-Вильгельм Аллее

51368 Леверкузен, Германия

тел.: +49 214 - 30 57 36 5

е-mail: medical-information@bayer.com

Тіркеу куәлігінің ұстаушысы

Байер АГ,

Кайзер-Вильгельм Аллее

51368 Леверкузен, Германия

тел.: +49 214 - 30 57 36 5

е-mail: medical-information@bayer.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)

«Байер КАЗ» ЖШС

Тимирязев көш., 42, 15 павильон, 301 кеңсе

050057, Алматы, Қазақстан Республикасы,

Тел.+7 727 258 80 40

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Байер КАЗ» ЖШС

Тимирязев көш., 42, 15 павильон, 301 кеңсе

050057, Алматы, Қазақстан Республикасы,

Тел.+7 727 258 80 40

e-mail: pv.centralasia@bayer.com