Фенадол® (1 г/2 мл)

• русский
• қазақша

• Скачать инструкцию медикамента

Саудалық атауы

Фенадол®

Халықаралық патенттелмеген атауы

Этофенамат

Дәрілік түрі

Инъекцияға арналған ерітінді, майлы 1г/2мл

Құрамы

2 мл ерітіндінің құрамында

белсенді зат - 1 г этофенамат,

қосымша зат - рафинирленген кокос майы

Сипаттамасы

Ашық-сары мөлдір майлы ерітінді

Фармакотерапиялық тобы

Қабынуға қарсы стероидты емес препараттар. Фенаматтар.

АТЖ коды М01AG

Фармакологиялық қасиеттері

Фармакокинетикасы

Этофенаматтың майлы ерітіндісі оның сулы ерітіндісіне қарағанда ұзағырақ әсер етеді. Белсенді заты дәрілік түрінен баяу босап шығады, соның салдарынан препараттың әсері 24 сағатқа дейін созылады. Ең жоғары плазмалық концентрацияға 2 сағат ішінде жетеді. Плазма ақуыздарымен байланысуы 98-99%-ды құрайды. Плазмалық концентрациялары 24 сағаттан кейін 20%-ға төмендейді, ал 48 сағаттан кейін белсенді заттың мөлшері 3%-ды құрайды. Этофенамат флуфенам қышқылына және этофенаматтың 5,4-гидрокси туынды қосылысының екі хош иісті затына дейін метаболизденеді. Әрі қарай бұл метаболиттер глюкурон қышқылымен конъюгаттар түзеді. Шамамен 35%-ы метаболиттер және конъюгаттар түрінде бүйректер арқылы, негізінен, өтпен бірге шығарылады.

Жартылай шығарылу кезеңі шамамен 1,9 сағатты құрайды, ақырғы жартылай шығарылу кезеңі (terminal half-life) – 34,5 сағат. Емдік әсері ½ - 1 сағаттан кейін білінеді және 24 сағаттан астамға созылады.

Фармакодинамикасы

Қабынуға қарсы әсері әлсіз, ауыруды басатын және ыстықты төмендететін айқын әсері бар қабынуға қарсы стероидты емес дәрі.

Әсер ету механизмі флуфенам қышқылының түзілуімен байланысты, ол циклооксигеназа ферментінің белсенділігін тежейді. Ауыруды басатын әсері екі механизм арқылы жүзеге асады: шеткергі (простагландиндер синтезінің басылуы арқылы) және орталық (орталық және шеткергі жүйке жүйесінде простагландиндер синтезінің тежелуі есебінен). Простагландиндер синтезінің тежелуі гиперальгезияның пайда болуына жол бермейді. Ауыру стимулына сезімталдық шегін арттырады.

Қолданылуы

Қатты, күшті ауыруларда:

- сүйек-бұлшықет жүйесінің ауруларында: ревматоидты артритте, шорбуынданған спондилитте, иық буыны ауырған кездегі бұлшықет түйілуі, люмбагода, ишиаста, тендосиновитте, бурситте, омыртқалардың немесе буындардың механикалық немесе дегенеративтік құрылымының бұзылуына байланысты қабыну ауруларында (артриттерде, артроздарда)

- жарақаттарда, соның ішінде соғылуларда, байламдар созылғанда, зақымдануларда

- операциядан кейінгі ісінулерде немесе қабынуда

Қолдану тәсілі және дозалары

Фенадол® ересектерде бұлшықет ішіне тәулігіне 1 рет 1 г (2 мл) дозада тереңірек енгізіледі. Қажет болғанда, 24 сағаттан кейін препарат қайтадан енгізілуі мүмкін.

Ең жоғары тәуліктік және бір реттік доза – 1,0 г.

Жағымсыз әсерлері

Сирек

• енгізілген жердің ауыруы, қатаюы, эритемасы, қызаруы, ісуі және қышуы

• бас ауыру, бас айналу

• қажу, астениялық синдром (қажығыштық)

• көрудің нашарлауы

• бөртпе және аллергиялық ісіну

• тері бөртпелері

• эпигастрий тұсының ауыруы

• ас қорытудың бұзылуы

• жүректің айнуы

• құсу

• несеп шығару кезіндегі ауыру

Өте сирек

• майдың нәжіспен шығарылуының ұлғаюы

• панкреатит

• қан көрінісінің бұзылуы (лейкоциттер, эритроциттер және тромбоциттер көрсеткіштерінің өзгеруі)

• бауыр қызметінің бұзылуы

• бүйрек қызметінің жеткіліксіздігі

• депрессия

Қолдануға болмайтын жағдайлар

• препаратқа немесе оның компоненттеріне жоғары сезімталдық

• демікпе

• тыныс жолдарының созылмалы обструктивті аурулары

• пішен қызбасы (полиноз)

• қызба болуы мүмкін немесе мұрын қуысының шырышты қабығының созылмалы қабынуы (қабынуға қарсы стероидты емес дәрілік препараттарға жоғары реакция нәтижесі ретінде (Квинке ісінуі)

• гематопоэздың бұзылуы

• тромбоциттердің агрегациясы тежегіштерімен немесе антикоагулянттармен емдеу, қан ұюының бұзылуы

• бауыр, бүйрек немесе жүрек қызметінің жеткіліксіздігі

• асқазанның немесе 12 елі ішектің ойық жара ауруы

• жүктілік және лактация кезеңі

• балалар және 18 жасқа дейінгі жасөспірімдер

Дәрілермен өзара әрекеттесуі

Фенадол® бұлшықет ішіне енгізілген кезде әртүрлі диуретиктердің (фуросемид, тиазид) және гипертензияға қарсы дәрілердің (бета-адренобөгегіштер) әсерін төмендетеді.

Гипоурикемиялық дәрілер (пробенецид және сульфинпиразон) этофенаматтың бүйректер арқылы шығарылуын баяулатуы мүмкін.

Фенадолды, дигоксин, фенитоин, метотрексат препараттарын және диабетке қарсы ішілетін дәрілерді бір мезгілде қолдануға жүргізілген зерттеулер жоқ, алайда осыларға ұқсас заттардың өзара әрекеттесуін зерттеу нәтижелері бойынша, осы препараттардың белсенділігін және уыттылығын арттыруы мүмкін.

Кортикостероидтар (адренокортикоидты гормондар), басқа да ҚҚСД препараттары және алкоголь фенадолдың жағымсыз гастроинтестинальді әсерлерін арттыруы мүмкін.

Айрықша нұсқаулар

Жедел порфирияларда болжаммен алынған пайда/қаупі арақатынасын есепке ала отырып, тағайындалады. Сыртартқысында ішектің қабыну аурулары (ойық жаралы колиттер, Крон ауруы) және гипертензиялар бар болғанда, ауқымды хирургиялық араласымнан кейін және егде жастағы науқастарға препаратты қатаң медициналық бақылау жасай отырып, қолдану керек.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Психикалық және қимыл-қозғалыс қабілеттерін баяулатады, бұл көлікті жүргізгенде және машиналармен жұмыс жасағанда ескерілуі тиіс. Алкоголь қабылдау осы реакцияларды күшейтеді.

Артық дозаланғанда

Симптомдары: бас ауыру, бас айналу, ұйқысыздық, шаршау, көрудің нашарлауы, жүректің айнуы, құсу, іштің ауыруы, метеоризм, диарея.

Емдеу: симптоматикалық ем (кортикостероидтарды, антигистаминдік дәрілерді және адреналинді қолдану).

Шығарылу түрі және қаптамасы

Ашатын жерінде белгісі бар мөлдір түссіз шыны ампулаларға препарат 2 мл-ден құйылған.

Пішінді ұяшықты пластик қаптамаға 1 ампуладан салынған.

Пішінді 1 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25˚С-ден аспайтын температурада сақтау керек.

Балалардың қолы жетпейтін жерде сақтау керек!

Мұздатып қатыруға болмайды!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды

Дәріханадан босатылу шарттары

Рецепт арқылы

Өндіруші

«Idol Ilac Dоlum San. ve Tic. A.,S.»

Топкары-Стамбул Түркия 

Тіркеу куәлігінің иесі

"ABDI IBRAHIM", Түркия

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы "АБДИ ИБРАХИМ Илач Санайи ве Тиджарет Аноним Ширкети" компаниясының Қазақстандағы өкілдігі

Алматы қ-сы, Абай д-лы, 155,

кеңсе 37/38,

тел: +7 (727) 394-35-12

факс: +7 (727) 295-29-35, e-mail: office.kazakhstan@abdiibrahim.com.tr