УРИНОРМ (Фебуксостат)

УРИНОРМ

Фебуксостат

Дәрілік түрі, дозасы

Үлбірлі қабықпен қапталған таблеткалар, 80 мг

Сүйек-бұлшық ет жүйесі. Подаграға қарсы препараттар. Несеп қышқылының түзілуін бәсеңдететін препараттар. Фебуксостат.

АТХ коды M04AA03

- урат кристалдарының шөгуімен қатар жүретін ауруларда созылмалы гиперурикемияны емдеу (қазіргі уақытта немесе анамнезінде тофус және/немесе подагралық артриттің болуын қоса).

УРИНОРМ ересектерде қолдануға арналған.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық;

- галактозаны көтере алмаушылықтың тұқым қуалайтын бұзылулары, лактаза жеткіліксіздігі немесе глюкоза-галактоза сіңуінің бұзылуы.

Қолданған кездегі қажетті сақтық шаралары

Жүрек-қантамыр бұзылыстары

Емдеудің басқа тиісті нұсқалары болмаған жағдайларды қоспағанда, негізгі жүрек-қантамыр аурулары (мысалы, миокард инфарктісі, инсульт немесе тұрақсыз стенокардия) бар пациенттерде фебуксостатпен емдеуден аулақ болу керек.

Аллергия / дәрілік затқа жоғары сезімталдық

Препаратты тіркеуден кейінгі қолдану тәжірибесінде өмірге қауіпті Стивенс-Джонсон синдромын (Stevens-Johnson), уытты эпидермальді некролизді және жедел анафилаксиялық реакцияны/шокты қоса, күрделі аллергиялық реакциялар/жоғары сезімталдық реакциялары туралы сирек хабарламалар байқалған. Көп жағдайда бұл реакциялар фебуксостатпен емдеудің бірінші айында пайда болды. Бұл пациенттердің кейбіреулері, бірақ бәрі емес, бүйрек жеткіліксіздігінің және/немесе аллопуринолға алдыңғы аса жоғары сезімталдықтың болуы туралы хабарлады. Кейбір жағдайларда аса жоғары сезімталдықтың ауыр реакциялары кезінде, оның ішінде эозинофилиямен және жүйелік симптомдармен (DRESS-синдром) дәрілік реакция синдромы кезінде патологиялық процеске қызба, қан, бүйрек немесе бауыр талдауы көрсеткіштерінің өзгерістері тартылды.

Пациенттерге аллергиялық реакциялардың/жоғары сезімталдық реакцияларының белгілері мен симптомдарына мұқият мониторинг жүргізу ұсынылады. Фебуксостатпен емдеуді Стивенс–Джонсон синдромын қоса, ауыр аллергиялық реакциялар/аса жоғары сезімталдық реакциялары туындаған жағдайда дереу тоқтату керек, бұл препаратты ерте тоқтату кезінде болжамды жақсартады. Пациентте Стивенс–Джонсон синдромын және жедел анафилаксиялық реакцияны/шокты қоса, аллергиялық реакциялар/аса жоғары сезімталдық реакциялары пайда болған жағдайда, мұндай пациентке фебуксостатты қабылдауды қайта бастауға болмайды.

Подаграның жедел ұстамалары (подаграның өршуі)

Фебуксостатпен емдеуді жедел подагра ұстамасы толығымен өткенге дейін бастауға болмайды. Препарат несеп қышқылы концентрациясының өзгеруі есебінен емдеудің басында подагра ұстамасын тудыруы мүмкін, бұл тін депосынан ураттардың шығуымен қатар жүреді. Фебуксостатпен емдеудің басында ҚҚСП (қабынуға қарсы стероидты емес препараттар) немесе колхициннің көмегімен кем дегенде 6 ай бойы подагра ұстамасының профилактикасы ұсынылады.

Фебуксостатты қабылдау аясында ұстама дамыған кезде емді жалғастырады. Подаграның өршуін белгілі бір пациент үшін тиісті емге байланысты бір мезгілде емдеу керек. Фебуксостатты ұзақ уақыт қабылдаған кезде подагра ұстамаларының жиілігі мен ауырлығы төмендейді.

Ксантиндердің жиналуы

Ураттардың жедел түзілуі бар пациенттерде (мысалы, қатерлі жаңа түзілімдер аясында немесе Леш–Нихан синдромы кезінде) сирек жағдайларда несеп шығару жолдарындағы олардың жиналуымен қатар жүретін несептегі ксантиндердің абсолютті концентрациясы айтарлықтай жоғарылауы мүмкін. Фебуксостатты қолдану тәжірибесінің болмауына байланысты ол Леш–Нихан синдромы бар пациенттерге қолданылмайды.

Меркаптопурин / азатиоприн

Фебуксостатты бір мезгілде меркаптопурин/азатиоприн қабылдайтын пациенттерде қолдану ұсынылмайды, өйткені ксантиноксидазаны фебуксостатпен тежеу плазмада меркаптопурин/азатиоприн концентрациясының жоғарылауын туындатуы мүмкін, бұл ауыр уытттануға әкелуі мүмкін. Адамдарда өзара әрекеттесу туралы зерттеулер жүргізілген жоқ.

Біріктірілген қабылдауды болдырмау мүмкін болмаған жағдайларда меркаптопурин немесе азатиоприн дозасын төмендету ұсынылады. Егеуқұйрықтарда клиникаға дейінгі зерттеу деректерін модельдеу және имитациялық талдау негізінде фебуксостатпен бір мезгілде қолданған кезде ықтималды гематологиялық әсерлерді болдырмау үшін меркаптопурин/азатиоприн дозасын бұрын тағайындалған дозадан 20% - ға дейін немесе одан аз азайту керек екені анықталды.

Пациенттер қатаң бақылауда болуы тиіс және меркаптопурин немесе азатиоприн дозасы кейіннен емдік жауапты бағалау және ықтималды уытты әсерлердің басталуы негізінде реттелуі тиіс.

Ағзаларды транспланттациялау реципиенттері

Препаратты ағзаларды трансплантациялау реципиенттерінде пайдалану тәжірибесі болмағандықтан, мұндай пациенттерде фебуксостатты қолдану ұсынылмайды.

Теофиллин

80 мг дозадағы фебуксостатты теофиллинді плазмадағы теофиллин деңгейінің жоғарылау қаупінсіз бір мезгілде қабылдайтын пациенттерде қолдануға болады. Фебуксостатты 120 мг дозада қолдану бойынша деректер жоқ.

Бауыр аурулары

Функционалдық бауыр көрсеткіштерін фебуксостатпен ем басталғанға дейін және пациенттің жағдайын клиникалық бағалау негізінде келесі кезеңде мезгіл-мезгіл тексеру ұсынылады.

Қалқанша без аурулары

Препаратты қалқанша без функциясы бұзылған пациенттерге сақтықпен тағайындау керек.

Лактоза

Фебуксостат таблеткаларының құрамында лактоза бар. Галактозаны көтере алмаушылықпен, туа біткен лактаза жеткіліксіздігімен немесе глюкоза-галактоза сіңуінің бұзылуымен байланысты сирек тұқым қуалайтын аурулары бар пациенттерге фебуксостатты қолдануға болмайды.

Басқа дәрілік препараттармен өзара әрекеттесуі

Меркаптопурин / азатиоприн

КО (ксантиноксидаза) тежелуі кезінде фебуксостаттың әсер ету механизмі негізінде мұндай бір мезгілде қолдану ұсынылмайды. КО фебуксостаттың тежелуі осы препараттардың плазмадағы концентрациясының жоғарылауына әкелуі мүмкін, бұл олардың уытты әсеріне әкеледі. КО метаболизденетін препараттармен (теофиллинді қоспағанда) өзара әрекеттесуді зерттеу адамдарда жүргізілмеген.

Егеуқұйрықтарда клиникаға дейінгі зерттеу деректерін модельдеу және имитациялық талдау фебуксостатпен бір мезгілде қолданған жағдайда меркаптопурин/азатиоприн дозасын бұрын тағайындалған дозадан 20% - ға дейін немесе одан кем азайту керек екенін көрсетеді.

Фебуксостаттың цитоуытты химиотерапияның басқа түрлерімен дәрілік өзара әрекеттесуіне зерттеу жүргізілген жоқ. Цитоуытты емнің басқа түрлерін қолдану кезеңінде фебуксостаттың қауіпсіздігіне қатысты деректер жоқ.

Росиглитазон / CYP2C8 субстраттары

Фебуксостаттың in vitro әлсіз CYP2C8 тежегіші екендігі көрсетілген. Фебуксостатты росиглитазонмен немесе басқа CYP2C8 субстраттарымен бірге қолдану осы препараттардың дозаларын қандай да бір түзетуді талап етпейді.

Теофиллин

80 мг фебуксостатты және теофиллинді бір мезгілде қабылдау кезінде ерекше сақтық шаралары қажет емес. Фебуксостатты 120 мг дозада қолдану туралы деректер жоқ.

Напроксен және глюкурондаудың басқа да тежегіштері

Фебуксостаттың метаболизмі уридин-глюкуронозилтрансфераза (УГТ) ферменттеріне байланысты. ҚҚСП және пробенецид сияқты глюкурондауды тежейтін дәрілік препараттар теориялық тұрғыдан фебуксостаттың элиминациясына әсер етуі мүмкін.

Фебуксостатты напроксенмен бірге фебуксостат немесе напроксен дозасын түзету қажеттілігінсіз қолдануға болады.

Глюкуронизация индукторлары

УГТ ферменттерінің күшті индукторлары метаболизмнің күшеюіне және фебуксостаттың тиімділігінің төмендеуіне әкелуі мүмкін. Сондықтан глюкуронизация күшті индукторымен емдеу басталғаннан кейін 1-2 аптадан соң қан сарысуындағы несеп қышқылына мониторинг жүргізу ұсынылады. Керісінше, индуктормен емдеуді тоқтату плазмадағы фебуксостат деңгейінің жоғарылауына әкелуі мүмкін.

Колхицин / индометацин / гидрохлортиазид / варфарин

Фебуксостатты колхицинмен немесе индометацинмен бірге фебуксостаттың немесе осындай бірге қолданылатын белсенді заттың дозасын түзету қажеттілігінсіз қолдануға болады.

Гидрохлортиазидті тағайындаған кезде фебуксостат дозасын түзету қажет емес.

Фебуксостатпен қабылдау кезінде варфарин үшін дозаны түзету талап етілмейді. Варфаринмен фебуксостатты (тәулігіне бір рет 80 мг немесе 120 мг) қолдану варфариннің фармакокинетикасына әсер еткен жоқ. Фебуксостатты бірге қолдану да ХҚҚ-ға және VII фактор белсенділігіне әсер еткен жоқ.

Дезипрамин / CYP2D6 субстраттары

Фебуксостаттың in vitro CYP2D6 әлсіз тежегіші екендігі көрсетілген. Фебуксостатты басқа CYP2D6 субстраттарымен бірге қолдану осы препараттар үшін дозаны қандай да бір түзетуді талап етпейді.

Антацидтер

Құрамында магний гидроксиді мен алюминий гидроксиді бар антацидті ішке қабылдау фебуксостаттың сіңуін баяулататыны (шамамен 1 сағатқа) және Cmax-тың 32% - ға төмендеуіне әкелетіні көрсетілген, бірақ AUC мәндерінің айтарлықтай өзгеруі байқалмады. Осылайша, фебуксостатты антацидтерді қолдануды ескерусіз қабылдауға болады.

Арнайы ескертулер

Педиатрияда қолдану

18 жасқа дейінгі балалар мен жасөспірімдерде фебуксостаттың қауіпсіздігі мен тиімділігі анықталмаған. Тиісті деректер жоқ.

Жүктілік немесе лактация кезінде

Жүктілік кезінде фебуксостатты қолданудың шектеулі тәжірибесі препараттың жүктілік барысына және шарана/жаңа туған нәрестенің денсаулығына жағымсыз әсерінің жоқтығын көрсетеді. Препараттың адам үшін әлеуетті қаупі белгісіз. Фебуксостатты жүктілік кезінде қолдануға болмайды.

Фебуксостаттың адамда емшек сүтіне бөлінетіні белгісіз. Емшектегі балаларға арналған препараттың қаупі жоққа шығарылмайды. Фебуксостатты бала емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фебуксостатты қолданған кезде ұйқышылдық, бас айналу, парестезия және көру өткірлігінің төмендеуі байқалды. Пациенттер автокөлік жүргізуге кіріспес бұрын, машиналармен және механизмдермен жұмыс істей бастағанға дейін немесе қауіп-қатерге байланысты іс-шараларға қатысқанға дейін, фебуксостаттың мұндай әрекеттерді орындау кезінде олардың жұмысына теріс әсер етпейтініне сенімді болғанша сақ болу керек.

Қолдану жөніндегі нұсқаулар

Дозалау режимі

Фебуксостаттың ұсынылатын пероральді дозасы тамақтануға қарамастан тәулігіне бір рет 80 мг құрайды. Егер 2-4 апта емдеуден кейін несеп қышқылының сарысулық деңгейі > 6 мг/дл (357 мкмоль/л) құраса, УРИНОРМ препаратының дозасы тәулігіне бір рет 120 мг-ға дейін жоғарылауы мүмкін.

Фебуксостат тез әсер етеді, бұл 2 аптадан кейін несеп қышқылының сарысулық концентрациясын қайта анықтауға мүмкіндік береді. Емдік мақсаты сарысулық несеп қышқылын 6 мг/дл (357 мкмоль/л) аз деңгейде ұстап тұру және төмендету болып табылады.

Подагра ұстамасының алдын-алу ұзақтығы кемінде 6 айды құрайды.

Пациенттердің ерекше топтары

Егде жастағы пациенттер

Егде жастағы пациенттерде дозаны түзету қажет емес.

Бауыр жеткіліксіздігі бар пациенттер

Бауырдың ауыр жеткіліксіздігі бар пациенттерде фебуксостаттың тиімділігі мен қауіпсіздігі зерттелмеген (Чайлд-Пью шкаласы бойынша С класы).

Бауыр функциясының жеңіл дәрежедегі бұзылуында препараттың ұсынылған дозасы 80 мг құрайды. Бауыр функциясының орташа дәрежедегі бұзылуында препаратты қолдану тәжірибесі шектеулі.

Бүйрек жеткіліксіздігі бар пациенттер

Ауыр бүйрек жеткіліксіздігі бар пациенттерде (креатинин клиренсі <30 мл/мин.) препараттың тиімділігі мен қауіпсіздігі толық дәрежеде бағаланбаған.

Бүйрек функциясының жеңіл немесе орташа дәрежедегі бұзылуы бар пациенттерде препарат дозасын түзету талап етілмейді.

Енгізу әдісі мен жолы

Пероральді қолдануға арналған.

УРИНОРМ препаратын тамақтануға қарамастан ішке қабылдайды.

Артық дозаланған жағдайда қабылдануы тиіс шаралар

Артық дозалануы бар пациенттерге симптоматикалық және демеуші ем тағайындау керек.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар

Препаратты қолданар алдында қосымша парақты мұқият оқып шығыңыз.

Егер сізде қосымша сұрақтар туындаса, емдеуші дәрігерге

хабарласыңыз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Қауіпсіздік профилінің түйіндемесі

Клиникалық сынақтарда және препаратты тіркеуден кейінгі кезеңде қолдану тәжірибесінде ең жиі хабарланған жағымсыз реакциялар подаграның өршуі, бауыр функциясының бұзылуы, диарея, жүрек айну, бас ауыруы, бөртпе және ісіну болып табылады. Бұл жағымсыз реакциялар негізінен жеңіл немесе орташа ауырлық дәрежесінде байқалды. Препаратты тіркеуден кейінгі кезеңде қолдану тәжірибесінде фебуксостатқа жоғары сезімталдықтың сирек күрделі реакциялары байқалды, олардың кейбіреулері жүйелік симптомдармен астасқан, сондай-ақ жүрекпен байланысты себептерден кенеттен өлім жағдайлары сирек болды.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жиі

- подаграның өршуі

- бас ауыруы

- диарея, жүрек айнуы

- бауыр функциясының бұзылуы

- бөртпе (төменгі жиілікпен хабарланған бөртпелердің әртүрлі түрлерін қоса -төменде қараңыз);

- ісінулер

Жиі емес

- қандағы тиреотропты гормон деңгейінің жоғарылауы

- қант диабеті, гиперлипидемия, тәбеттің төмендеуі, дене салмағының артуы

- либидоның төмендеуі, ұйқысыздық

- жүрекшелер фибрилляциясы, жүрек соғуының жиілеуі, ЭКГ-дағы бұзылулар

- гипертензия, гиперемия, қан кернеулер

- диспноэ, бронхит, жоғарғы тыныс алу жолдарының инфекциялары, жөтел

- іштің ауыруы, іштің кебуі, гастроэзофагеальді рефлюкс ауруы, құсу, ауыздың құрғауы, диспепсия, іш қату, жиі нәжіс, метеоризм, іштің жайсыздығы

- холелитиаз

- дерматит, есекжем, терінің қышынуы, тері түсінің өзгеруі, терінің зақымдануы, петехиялар, макулярлы бөртпе, макуло-папулезді бөртпе, папулезді бөртпе

- артралгия, артрит, миалгия, қаңқа-бұлшықет ауырсынуы, бұлшықет әлсіздігі, бұлшықет құрысулары, бұлшықет кернеуі, бурсит

- бүйрек жеткіліксіздігі, нефролитиаз, гематурия, поллакиурия, протеинурия;

- эректильді дисфункция

- әлсіздік, кеуде қуысының ауыруы, кеуде қуысы аумағындағы жайсыздық

- қан амилазасының жоғарылауы, тромбоциттер санының төмендеуі, лейкопения, лимфопения, қандағы креатининнің жоғарылауы, гемоглобиннің төмендеуі, қан мочевинасы деңгейінің жоғарылауы, қандағы триглицеридтердің жоғарылауы, қандағы холестериннің жоғарылауы, гематокриттің төмендеуі, қандағы лактатдегидрогеназаның жоғарылауы, қандағы калий деңгейінің жоғарылауы

Сирек

- панцитопения, тромбоцитопения, агранулоцитоз

- анафилаксиялық реакциялар, дәрілік затқа аса жоғары сезімталдық

- көру өткірлігінің төмендеуі

- дене салмағының төмендеуі, тәбеттің жоғарылауы, анорексия

- күйгелектік

- бас айналу, парестезия, гемипарез, ұйқышылдық, дәм сезуді қабылдаудың өзгеруі, гипестезия, гипосмия

- құлақтың шуылдауы

- жүрек ауруларынан болатын кенеттен өлім

- панкреатит, ойық жаралы стоматит

- гепатит, сарғаю, бауырдың зақымдануы

- уытты-дермалық некролиз, Стивенс-Джонсон синдромы, ангионевроздық ісіну, эозинофилиямен және жүйелік симптомдармен дәрілік реакция, жайылған бөртпе (ауыр), эритема, эксфолиативті бөртпе, фолликулалық бөртпе, везикулярлық бөртпе, пустулярлы бөртпе, қышынған бөртпе, эритема тәрізді, қызылша тәрізді бөртпе, алопеция, гипергидроз

- рабдомиолиз, буындардың сіресуі, қаңқа бұлшықеттерінің сіресуі

- тубулоинтерстициальді нефрит, императивті несеп шығару

- шөлдеу

- қандағы глюкозасы деңгейінің жоғарылауы, белсендірілген ішінара тромбопластин уақытының ұзаруы, эритроциттер санының азаюы, қанның сілтілі фосфатазасының жоғарылауы, қандағы креатин фосфокиназа деңгейінің жоғарылауы

Жекелеген жағымсыз реакциялар сипаттамасы

Постмаркетингтік бақылау кезеңінде Стивенс–Джонсон синдромын, уытты эпидермальді некролизді және анафилаксиялық реакцияларды/шокты қоса, фебуксостатқа аса жоғары сезімталдықтың сирек ауыр реакциялары орын алды. Стивенс-Джонсон синдромы және уытты эпидермальді некролиз буллезді зақымданумен немесе шырышты қабықтардың зақымдануымен, сондай-ақ көздің тітіркенуімен бірге үдемелі тері бөртпесінің туындауымен сипатталады. Фебуксостатқа аса жоғары сезімталдық реакциялары мынадай симптомдармен көрініс беруі мүмкін: инфильтративті макуло–папулезді бөртпелермен сипатталатын тері реакциялары, жайылған немесе эксфолиативті бөртпелер, сондай-ақ терінің зақымдануы, беттің ісінуі, қызба, тромбоцитопения және эозинофилия сияқты қан түзу ағзалары тарапынан бұзылулар, сондай-ақ бір немесе көптеген ағзалардың (тубулоинтерстициальді нефритті қоса, бауыр мен бүйрек) қатысуы.

Подагра ұстамалары әдетте емдеу басталғаннан кейін көп ұзамай және алғашқы айларда байқалды. Содан кейін, уақыт өте келе подагра ұстамаларының жиілігі төмендеді. Подагра ұстамасының профилактикасы ұсынылады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат-фебуксостат (фебуксостат гемигидратқа шаққанда) 80 мг,

қосымша заттар: лактоза моногидраты, желатинделген крахмал, натрий кроскармеллозы, микрокристалды целлюлоза (PH 102), сусыз коллоидты кремнийдің қостотығы, магний стеараты, тазартылған су,

Қабықтың құрамы: Opadry II Green 85F510116, жартылай гидролизденген поливинил спирті, макрогол / ПЭГ, титанның қостотығы (E 171), тальк, FD&C Yellow#5 (тартразин (E 102), FD&C Blue#1 (Көк жылтыр FCF) (E 133), FD&C Blue#2 (индигокармин) (E 132).

Сыртқы түрінің, иісінің, дәмінің сипаттамасы

Бір жағында "HP" және екінші жағында "242" деген ойылып жазылған жазулары бар ашық жасылдан жасыл түске дейінгі үлбірлі қабықпен қапталған сопақша пішінді таблеткалар

Шығарылу түрі және қаптамасы

14 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Emcure Pharmaceuticals Ltd.

Plot No. P-1 & P-2, I.T.B.T. Park, Phase II, M. I. D. C., Hinjawadi, 411 057 Пуна, Үндістан.

Тел: 91-20-25533245

e-mail: regulatory@emcure.co.in

Тіркеу куәлігінің ұстаушысы

Emcure Pharmaceuticals Ltd.

«Emcure House», T-184, M.I.D.C., Bhosari,

Pune – 411026, India (Үндістан)

e-mail: Safety.ROW@emcure.co.in

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«REGICOM» ЖШС

Қазақстан Республикасы, 050000, Алматы қ., Абылай хан даңғылы, 122, 12 кеңсе.

Тел. +7(727) 261-22-15 (фармакологиялық қадағалау)

e-mail: safety@regicompany.com

24 сағат бойы қолжетімді телефон: +7 705 132 78-51