Торсид (5 мг/мл)

• русский
• қазақша

• Скачать инструкцию медикамента

Саудалық атауы

Торсид

Халықаралық патенттелмеген атауы

Торасемид

Дәрілік түрі

Инъекцияға арналған 5 мг/мл ерітінді

Құрамы

1 мл құрамында:

белсенді зат - торасемид 100 % құрғақ затқа шаққанда - 5 мг;

қосымша заттар: полиэтиленгликоль 400, трометамин, натрий гидроксиді, 0.2 М натрий гидроксиді ерітіндісі, инъекцияға арналған су.

Сипаттамасы

Мөлдір түссіз сұйықтық.

Фармакотерапиялық тобы

Диуретиктер. Сульфоналамидті диуретиктер.

АТЖ коды С03С А04.

Фармакологиялық қасиеттері

Фармакокинетикасы

Көктамыр ішіне енгізгеннен кейін диуретикалық әсері жылдам басталады, оның ішінде ең жоғары әсері бастапқы 1-3 сағатта дамиды және 12 сағат бойы дерлік сақталады. Торасемид қабылдау аясындағы диурез дозаға тәуелді сипатта болады. Бүйрек қызметі бұзылуында да диурез ұлғаюы туындайды. Осы қасиетіне қарай торасемид ісінуді кетіреді. Торасемидтің қан плазмасы ақуыздарымен байланысуы 99 %, метаболиттермен М1, М3 және М5 — тиісінше

86 %, 95 % және 97 % құрайды. Дені сау еріктілерде торасемидтің және оның метаболиттерінің жартылай шығарылу кезеңі (t1/2) уақыты 3-4 сағат. Торасемидтің жалпы клиренсі минутына 40 мл, ренальді клиренс —шамамен минутына 10 мл құрайды. Негізгі метаболит М5 диуретикалық әсер етпейді, ал М1 және М3 метаболиттерін қоса алғанда олардың үлесіне фармакодинамикалық әсердің 10 % келеді. Бүйрек жеткіліксіздігі кезінде торасемидтің жалпы клиренсі және жартылай шығарылу кезеңі өзгермейді, ал М3 және М5 жартылай шығарылу кезеңі ұлғаяды. Алайда фармакодинамикалық сипаты өзгеріссіз қалады, препараттың әсер ету ұзақтығына бүйрек жеткіліксіздігінің ауырлығы дәрежесі әсер етпейді. Бауыр қызметі бұзылуы немесе жүрек жеткіліксіздігі бар науқастарда торасемид және М5 метаболитінің жартылай шығарылу кезеңі елеусіз ұлғаяды. Несеппен шығарылатын заттардың мөлшері іс жүзінде оның дені сау еріктілердегі мөлшеріне сай келеді, сондықтан торасемид пен оның метаболиттері жинақталмайды.

Фармакодинамикасы

Торасемид Генле ілмегінің жоғары қарай кететін бөлігінде натрий иондары мен хлор иондарының ренальді кері сіңуін тежей отырып, салуретик ретінде әсер етеді.

Қолданылуы

- жүрек жеткіліксіздігінен туындайтын ісінулер және/немесе жалқықтарды емдеу және алдын алуда, көктамыр ішіне ем қажет болғанда.

Қолдану тәсілі және дозалары

Препаратты көктамыр ішіне енгізеді, баяу.

Бастапқы бір реттік доза тәулігіне 10 мг құрайды (2 мл Торсид препараты). Клиникалық әсері жеткіліксіз болғанда дозаны 20 мг дейін көтеруге болады (4 мл Торсид препараты). Егер қажетті клиникалық әсерге қол жетпесе, дозаны тәулігіне 40 мг дейін жоғарылатады (8 мл Торсид препараты), бірақ оны 3 тәуліктен артық қолдануға болмайды.

Өкпенің жедел ісінуі. Бастапқы доза 20 мг құрайды. Клиникалық көріністеріне қарай бұндай дозаны әрбір 30 минут сайын енгізуге болады, бірақ тәулігіне 100 мг торасемидтен артық алуға болмайды.

Одан әрі қарай емдеу үшін пероральді қабылдауға ерте өту ұсынылады. Препаратты көктамыр ішіне 7 тәуліктен артық қолдануға болмайды.

Тәуліктік ең жоғарғы доза 100 мг аспауы тиіс.

Артерия ішіне енгізуге болмайды!

Жағымсыз әсерлері

Жиі

-іш қатуы, тәбеттің болмауы, жүрек айнуы, құсу, асқазандағы ауыру, іш өту

- бауыр ферменттері деңгейінің жоғарылауы

(гаммаглутамилтранспептидазалар).

Сирек

- креатинин мен қандағы мочевина жоғарылауы

- тромбоциттердің, эритроциттердің және/немесе лейкоциттердің санының азаюы

- қышыма, экзантема, фотосезімталдық

- ауыз құрғауы

- парестезиялар

- сулы-электролиттік теңгерім бұзылуы.

Өте сирек

-бас ауыруы, бас айналуы, қажығыштық, бұлшықет құрысулары

- қандағы несеп қышқылының, глюкозаның, липидтердің (триглицеридтер, холестериннің) деңгейі жоғарылығы;

- ауыр тері реакциялары.

Жекелеген жағдайларда

- метаболикалық алкалоздың күшеюі

- артериялық гипотензия

- сананың шатасуы

- тромбоздар

- жүрек ырғағы бұзылуы дамуының мүмкіндігі бар кардиальді және церебральді ишемия, стенокардия, жедел миокард инфаркты

- синкопе

- аллергиялық реакциялар

- көрудің бұзылуы

- құлақтағы шуыл, есту қабілетінің жоғалуы

- іркілу және қуықтың шамадан тыс созылуы (несеп шығаруы бұзылған емделушілерде).

Қолдануға болмайтын жағдайлар

• әсер етуші затқа, қосымша заттарға, және сульфанилмочевинаның басқа препараттарына жоғары сезімталдықта

• артериялық гипотензия (АҚ 90 мм сын. бағ. төмен болғанда)

• ануриямен бірге жүретін бүйрек жеткіліксіздігі

• бауыр қызметінің ауыр бұзылулары (прекома, кома)

• сулы-электролиттік теңгерім бұзылуы (гиповолемия, гипонатриемия, гипокалиемия)

• несеп шығарудың айқын бұзылуы (мысалы, қуық асты безі гипертрофиясында)

• подагра

• жүрек өткізгіштігі жүйесінің жоғары дәрежелі бұзылуында: синоаурикулярлы бөгет, атриовентрикулярлы бөгеттің ІІ немесе ІІІ дәрежесі

• қышқыл-сілтілік күйдегі патологиялық өзгерістер

• қан көрінісінің патологиялық өзгеруінде (бүйрек қызметінің жеткіліксіздігі жоқ емделушілердегі тромбоцитопенияда немесе анемияда)

• бүйрек қызметінің нефроуытты заттардан болған бұзылуында

• жүктілікте және лактация кезеңінде

• 18 жасқа дейінгі балаларға

Дәрілермен өзара әрекеттесуі

Литий препараттарымен, аминогликозидтермен немесе цефалоспориндермен бір уақытта емдеуге болмайды. Торасемид гипертензияға қарсы басқа препараттардың, атап айтқанда ангиотензинге өзгертуші фермент тежегіштерінің (АӨФТ) әсерін күшейтеді. Егер АӨФТ торасемидпен емдеу уақытында қосымша қолданылса немесе ол аяқталған соң бірден қолданылса, онда артериялық қысым шамадан тыс төмендеуі мүмкін. Торасемидпен оймақгүл препараттарын бір мезгілде қолданған кезде торасемид әсерінен калийдің тапшы болуы екі препараттың да жағымсыз әсерінің күшеюіне алып келуі мүмкін.

Торасемид диабетке қарсы дәрілердің әсерін әлсіретуі мүмкін.

Пробенецид және қабынуға қарсы стероидты емес дәрілер торасемидтің диуретикалық және гипотензиялық әсерін төмендетуі мүмкін. Жоғары дозадағы салицилаттармен емдеген кезде торасемид олардың орталық жүйке жүйесіне уытты әсерін күшейтуі мүмкін. Торасемид, әсіресе үлкен дозаларда, аминогликозидтер тобының антибиотиктерінің және цитоуытты әсер етуші платина туындыларының ото- және нефроуытты әсерін күшейтуі мүмкін. Торасемид теофиллиннің әсерін, сондай-ақ курареге ұқсас дәрілік заттардың миорелаксациялаушы әсерін күшейтуі мүмкін. Іш жүргізетін дәрілер, сондай-ақ минерало- және глюкокортикоидтар торасемид әсерінен калийдің шығарылуын жоғарылатып жіберуі мүмкін. Торасемидпен және литиймен бір мезгілде емдеген кезде қан сарысуында литийдің концентрациясы жоғарылауы мүмкін, бұл литийдің жағымсыз әсерлері мен әрекетін күшейтуі мүмкін. Торасемид катехоламиндердің қантамырларды тарылтатын әсерін әлсіретуі мүмкін. Амиодаронмен, В амфотерицинмен және антикоагулянттармен өзара әрекеттесуі туралы деректер жоқ.

Айрықша нұсқаулар

Препаратты бір аптадан артық қолдануға болмайды. Одан әрі емдеу үшін Торсид препаратының таблеткаланған түрі ұсынылады.

Ұзақ уақыт емдеген кезде электролиттік тепе-теңдікті, ішінара қан сарысуындағы калийді ұдайы бақылау керек. Қандағы глюкоза, несеп қышқылы, креатинин және липидтер деңгейін, сондай-ақ қан көрінісін (эритроциттер, лейкоциттер, тромбоциттер) жүйелі бақылап отыру қажет.

Жекелеген жағдайларда науқастар қанындағы глюкоза деңгейінің жоғарылауы мүмкін болатын жасырын немесе манифестті қант диабетімен байланысты болуы да мүмкін, сондықтан мұндай науқастарда қандағы қант деңгейін мұқият бақылап отырған жөн.

Жүйелі қызыл жегісі бар науқастарда препараттың қолданылуы туралы деректер жоқ.

Оперативті араласулар қажет болғанда анестезиологқа Торсид қолданылатыны туралы ескерту керек.

Торасемид қабылдағаннан кейін дәрілердің құлаққа уытты әсерінің білінулері байқалды (құлақтағы шуыл және естімей қалу), бұл қайтымды сипатта болады, бірақ препарат қолданумен тікелей байланысы анықталмаған.

Бауыр жеткіліксіздігі бар емделушілер. Бұл категориядағы науқастарды емдеуді сақтықпен жасау керек, торасемидтің қан плазмасындағы концентрациясының жоғарылауы мүмкін.

Егде жастағы емделушілер. Бұл категориядағы науқастарды емдеу дозаны арнайы таңдауды талап етпейді. Өкінішке қарай, егде жастағы және жас емделушілерді емдеудің талапқа сай салыстыратын зерттеулері жоқ.

Жеткілікті клиникалық қолдану тәжірибесі болмауынан торасемидті төмендегі аталған аурулар мен жай-күйлерде тағайындауға болмайды:

подагра; аритмия, мысалы, синоатриальді бөгет, ІІ және ІІІ дәрежелі атриовентрикулярлы бөгеліс; қышқылдық-сілтілік метаболизмнің патологиялық өзгерістері; литий препараттарын, аминогликозидтер немесе цефалоспориндер қолданумен қатар жүргізілетін ем; қан көріністерінің патологиялық өзгерістері, мысалы, тромбоцитопения немесе бүйрек жеткіліксіздігі жоқ науқастардағы анемия; бүйрек қызметінің нефроуытты заттардан болған бұзылуында.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Торсидпен ем уақытында автокөлік немесе басқа механизмдерді басқару, әсіресе терапия басында, ұсынылмайды.

Артық дозаланғанда

Симптомдары: Типтік симптоматикасы белгісіз. Артық дозалану күшті диурез туындатуы мүмкін, оның ішінде су мен электролиттерді шамадан тыс жоғалту қатері, ұйқышылдық, аментивті синдром (сана бұзылуының түрі), симптоматикалық артериялық гипотензия, жүрек-қан тамырлары жеткіліксіздігі және ас қорыту жолдары тарапынан бұзылыстар.

Емдеу: Арнайы у қайтарғысы белгісіз. Әдетте дозалауды төмендеткенде және/немесе дәрілік препаратты тоқтатқанда, сондай-ақ сұйықтық пен электролиттердің тиісінше орнын толтырғанда уыттану белгілері жойылады.

Шығарылу түрі және қаптамасы

Ампулаларда 4 мл-ден инъекцияға арналған ерітінді. 5 ампуладан медицинада қолданылуы жөнінде мемлекеттік және орыс тілдеріндегі нұсқаулықтар мен ампула керамикалық пышақтары немесе кескіш керамикалық дискілер бірге гофрленген төсеуіші бар картон пәшкеге салынған.

Немесе 5 ампуладан (сындыру сақинасымен) полимерлік материалдан жасалған блистерге салынады. Ампулалары бар 1 блистерден медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салады.

Сындыру сақинасы бар ампулаларды қаптағанда ампула керамикалық пышақтары немесе кескіш керамикалық дискілер салынбайды.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

“Фармак” ААҚ, Украина, 04080, Киев қ., Фрунзе к., 63.

Тіркеу куәлігінің иесі

“Фармак” ААҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы, 050031 Алматы қ., Төле-би к., 291-291а L 74 кеңсе,

Тел/факс: +7 (727) 250 10 28, электрондық поштасы: Djatlova88@mail.ru