Тенофовира дизопроксила фумарат, Эмтрицитабин и Эфавиренз

• русский
• қазақша

• Скачать инструкцию медикамента

Саудалық атауы

Тенофовир дизопроксилінің фумараты, Эмтрицитабин және Эфавиренз

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар 300 мг/200 мг/600 мг

Құрамы

Бір таблетканың құрамында

белсенді заттар: 300 мг тенофовир дизопроксилінің фумараты,

200 мг эмтрицитабин,

600 мг эфавиренз,

қосымша заттар: микрокристалды целлюлоза, натрий кроскармеллозасы, лактоза моногидраты, магний стеараты,

гидроксипропилцеллюлоза (Klucel-LF), натрий лаурилсульфаты

Қабық: Опадри II 85F94172 қызғылт: ішінара гидролизденген поливинилді спирт 40,0%, титанның қостотығы (Е171) , макрогол, тальк (Е553b), темірдің қызыл тотығы (Е172), темірдің қара тотығы (172).

Сипаттамасы

Капсула пішіндес, бір жағында «М171» бедерленген және екінші жағы тегіс, қызғылт түсті үлбірлі қабықпен қапталған таблеткалар.

Фармакотерапиялық тобы

АИВ жұқпасын емдеуге арналған вирусқа қарсы препараттар, біріктірілімдер. Эмтрицитабин, тенофовир дизопроксилі және эфавиренз.

АТХ коды J05AR06

Фармакологиялық қасиеттері

Фармакокинетикасы

Тенофовир дизопроксил фумараты, Эфавиренз, Эмтрицитабиннің фармакокинетикасын анықтау үшін осы белсенді заттардың АИВ жұқтырған емделушілермен жеке қолданылатын жеке дәрілік түрлері қолданылды.

Сіңуі

АИВ жұқтырған емделушілерде эфавиренз плазмадағы ең жоғары концентрацияна 5 сағаттан кейін жеткен, ал тұрақты концентрациясы 6-7 күнге қарай анықталды. Тәулігіне 600 мг эфавиренз қабылдаған 35 емделушіде, ең жоғары концентрациясы (Cmax) 12.9 ± 3.7 µМ (29%) құрады және ең төмен концентрациясы (Cmin) 5.6 ±3.2µМ (57%) құрады, «концентрация – уақыт» арақатынасының қисығы астындағы аудан AUC 184 ± 73 µМ*h (40%) болды.

Эмтрицитабин қан плазмадағы ең жоғары концентрациясына дозасын қабылдағаннан кейін 1- 2 сағаттан кейін жете отырып, тез сіңеді. АИВ жұқтырған емделушілер эмтрицитабиннің дозасын 24 сағаттық аралықпен бірнеше рет қабылдағанда Cmax 1.8 ± 0.7 µг/мл (39% CV), Cmin 0.09 ± 0.07 µг/мл (80%) және AUC 10.0 ± 3.1µг*h/мл (31%) құрады.

АИВ жұқтырған емделушілермен 300мг тенофовир дизопроксил фумаратының бір дозасын ішу арқылы қабылдағанда тенофовирдің ең жоғары концентрациясына 1 сағаттың ішінде жетті, бұл жағдайда Cmax және AUC (% CV) мәні сәйкесінше 296 ± 90 нг/мл (30%) және 2,287 ± 685 нг*h/мл (30%) болды. Аш қарынға қабылдағанда тенофовирдің пероральді биожетімділігі шамамен 25% болды.

Тағамның әсері

Тағамның бекітілген біріктірілімнің (Тенофовир дизопроксил фумараты / Эфавиренз / Эмтрицитабин) фармакокинетикасына әсері бағаланған жоқ. Аш қарынға қабылдаумен салыстырғанда өте майлы тағаммен қабылдау эфавиренздің AUC және Cmax орташа мәнін сәйкесінше 28% және 79% -ға жоғарылатады. Аш қарынға қабылдаумен салыстырғанда тенофовир дизопроксил фумараты және эмтрицитабинді өте майлы тағаммен, немесе жеңіл тағаммен қабылдау эмтрицитабиннің экспозициясының параметрлеріне әсер етпей, тенофовирдің орташа AUC және Cmax сәйкесінше 35% және 15%-ға жоғарылатады.

Бекітілген біріктірілімді (Тенофовир дизопроксил фумараты/Эфавиренз /Эмтрицитабин) аш қарынға қабылдау ұсынылады, өйткені тағам эфавиренздің экспозициясын жоғарылатуы және жағымсыз реакциялар жиілігінің жоғарылауына әкелуі мүмкін. Тенофовир дизопроксил фумаратының жеке дәрілік түрін тағаммен бірге қабылдаумен салыстырғанда аш қарынға бекітілген біріктірілімін (Тенофовир дизопроксил фумараты/ Эфавиренз /Эмтрицитабин) қабылдауда тенофовирдің шығарылуы шамамен 35% төмен болуы күтіледі.

24-апталық клиникалық зерттеу (AI266073) біріктіріктірілген антиретровирусты емдегі емделушілерде аш қарынға қабылданатын бекітілген біріктірілімге (Тенофовир дизопроксил фумараты/Эфавиренз/Эмтрицитабин) ауысқанда вирустың супрессиясының сақталуын көрсетті.

Таралуы

Эфавиренз қан плазмасы ақуыздарымен (шамамен 99,5 – 99,75%), негізінен альбуминмен берік байланысады. Эфавирензді 200-ден 600 мг дейін дозада тәулігіне бір рет, кем дегенде бір айдың ішінде қабылдаған АИВ жұқтырған емделушілерде, жұлын сұйықтығындағы концентрациясы оның қан плазмасындағы сәйкес концентрациясынан 0,26-дан 1,19 % дейінді (орташа - 0,69%) құрады. Бұл пайыздық көрсеткіш эфавиренздің қан плазмасындағы ақуызбен байланыспаған (бос) фракциясының көрсеткішіне қарағанда шамамен 3 есе жоғары.

Ішке қабылдағаннан кейін эмтрицитабин организмге толығымен кең таралады. Эмтрицитабиннің плазмадағы орташа концентрациясының дәрежесі қандағы концентрациясына қатысты 1.0 тең, қандағы концентрациясына шәуhеттегі орташа концентрациясының дәрежесі 4.0 тең.

Тенофовирдің 0.01-ден 25 мг/мл дейін концентрациясында сәйкесінше тенофовирдің плазма ақуыздарымен In vitro байланысуы шамамен 0.7% немесе 7.2%. Көктамыр ішіне енгізілгеннен кейін тенофовирдің таралу көлемі шамамен 800 мл/кг болды. Ішке қабылдағаннан кейін тенофовир барлық организмге біркелкі таралады.

Биотрансформация

Клиникалық зерттеулер және адам бауыры микросомаларында in vitro зерттеулер көрсеткендей, негізінен, АИВ-1 қатысты белсенді емес осы гидроксилденген метаболиттердің кейіннен глюкуронизациясымен, гидроксилденген метаболиттерді түзумен эфавиренз P450 цитохромасы жүйесімен метаболизденеді.

in vitro зерттеулер көрсеткендей, CYP3A4 және CYP2B6 эфавиренздің метаболизміне жауапты, негізгі изоферменттер болып табылады және эфавиренз Р450 цитохромы жүйесінің 2C9, 2C19 және 3A4 изоферменттерін тежейді. in vitro зерттеулерде эфавиренз CYP2E1 тежеген жоқ, тек клиникалық тәжірибеде қолданылатыннан көп жоғары концентрацияларда CYP2D6 және CYP1A2 тежеді. Эфавиренздің қан плазмасындағы экспозициясы CYP2B6 изоферментінің гомозиготалы G516T генетикалық нұсқасымен емделушілерде жоғары болуы мүмкін.

Осындай өзара байланыстың клиникалық мәні белгісіз; әйтсе де эфавиренз-астасқан жағымсыз реакциялардың жиілігінің жоғарылау мүмкіндігі мен ауырлығын жоққа шығаруға болмайды.

Эфавиренз P450 цитохромы жүйесінің ферменттерін индукциялайды, ол оның өзінің метаболизмінің индукциясына әкеледі. Жұқпа жұқтырмаған еріктілердегі 10 күн ішінде тәулігіне 200 ‑ 400 мг бірнеше реттік дозасы болжанғанға қарағанда азырақ жинақталуына (22-42 % -ға төмен) және жартылай шығарылуының 40-тан 55 сағатқа дейін (бір реттік дозаның жартылай шығарылу кезеңі 52-ден 76 сағатқа дейінді құрайды) қысқа ақырғы кезеңіне әкеледі.

Эмтрицитабиннің биотрансформациясы 3-сульфоксид диастереомерді (шамамен дозаның 9%) және глюкурон қышқылы - 2-О-глюкуронидпен коньюгаттың (шамамен дозаның 4%) түзілуімен тиолды бөлігінің тотығуын қамтиды. In vitro зерттеулермен анықталғандай, тенофовир дизопроксил фумараты да, тенофовир де CYP450 ферменті үшін субстрат болып табылмайды және препараттың биотрансформациясына қатысатын CYP450 изоферменттерімен тежелмейді. Сондай-ақ эмтрицитабин глукуронизацияға жауап беретін, уридин-5-дифосфоглукоронил трансферазасын тежемейді.

Шығарылуы

Эфавиренз көп реттік дозадан кейін 40 – 55 сағаттан соң және бір реттік дозаны қабылдағаннан кейін 52-ден 76 сағатқа дейін салыстырмалы ұзақ жартылай шығарылу кезең иеленген. Несеппен эфавиренздің шамамен 14 – 34 % радиоактивті- таңбаланған дозасы және эфавиренздің 1 %-дан кем дозасы өзгермеген күйінде шығарылады. Тенофовир мен эмтрицитабин шумақтық сүзіліс және белсенді өзекшелік сөлініс жолымен шығарылады. Препарат дозасын бір рет пероральді қабылдағаннан кейін тенофовирдің қан плазмасынан жартылай шығарылу кезеңі шамамен 17 сағат, эмтрицитабиннің шамамен 10 сағат құрайды. Күніне бір рет 300 мг дозасын (ас қабылдағаннан кейін) қайталап қабылдағаннан кейін қабылданған дозаның 32 ± 10 % 24 сағат ішінде несепте анықталады. Тенофовир мен бүйрекпен шығарылатын басқа да заттар арасында бәсекелестік жүруі мүмкін.

Жасы, жынысы және нәсілі

Эфавиренз, эмтрицитабин мен тенофовирдің фармакокинетикасы әйел және еркек жынысты емделушілерде және нәсілдік топтар арасында ұқсас. Егде жастағы емделушілерде фармакокинетикасы зерттелген жоқ.

Жасөспірімдер мен балаларда бекітілген біріктірілімінің (Тенофовир дизопроксил фумараты/Эфавиренз/ Эмтрицитабин) фармакокинетикалық зерттеулері жүргізілген жоқ.

Бүйрек жеткіліксіздігі (БЖ)

Бүйрек жеткіліксіздігімен АИВ жұқтырған емделушілерде бекітілген біріктірілімінің (Тенофовир дизопроксил фумараты/Эфавиренз/Эмтрицитабин) фармакокинетикасы зерттелген жоқ.

Бүйрек жеткіліксіздігімен емделушілерде эфавиренздің фармакокинетикасы зерттелген жоқ, әйтсе де эфавиренздің 1%-дан кемі өзгермеген түрінде несеппен шығарылады, сондықтан, бүйрек жеткіліксіздігінің эфавиренздің шығарылуына әсері мардымсыз болуы керек.

Фармакокинетикалық параметрлері әртүрлі дәрежедегі бүйрек жеткіліксіздімен АИВ жұқтырмаған емделушілерде 200 мг эмтрицитабин немесе 245 мг тенофовир дизопроксилінің бір дозасын енгізгеннен кейін анықталды. Бүйрек жеткіліксіздігінің дәрежесі креатинин клиренсіне (КК) (КК>80 мл/мин болғанда қалыпты, КК = 50-79 мл/мин болғанда орташа, КК = 30-49 мл/мин болғанда орташаға жуық және КК = 10-29 мл/мин болғанда ауыр бүйрек функциясы ) сәйкес болды. Қалыпты бүйрек функциясымен емделушілермен салыстырғанда сәйкесінше жеңіл, орташа және ауыр бүйрек жеткіліксіздігімен емделушілерде эмтрицитабиннің орташа (% CV) экспозициясы 12(25%) мкг*с/мл-ден 20(6%) мкг*с/мл, 25(23%) мкг*с/мл және 34(6%) мкг*с/мл дейін жоғарылаған. Қалыпты бүйрек функциясымен емделушілермен салыстырғанда сәйкесінше жеңіл, орташа және ауыр бүйрек жеткіліксіздігімен емделушілерде тенофовирдің орташа (% CV) экспозициясы 2,185 (12%) мкг*с/мл-ден 3,064 (30%) мкг*с/мл, 6,009 (42%) мкг*с/мл және 15,985 (45%) мкг*с/мл дейін жоғарылаған.

Бүйрек жеткіліксіздігімен науқастардағы ұсынылған дозасы бүйректің қалыпты функциясымен емделушілермен салыстырғанда дозалау интервалын ұзартқанда, күтілгендей плазмадағы концентрациясы шыңының жоғарылауына және ең төмен концентрациясының (Сmin) төмен деңгейіне әкеледі. Бұның клиникалық салдары белгісіз. Бүйрек жеткіліксіздігінің терминальді сатысымен (БЖТС), гемодиализді қажет ететін емделушілерде, диализ сеанстарының арасында эмтрицитабин препаратының концентрациясы 72 сағат ішінде 53(18%) мкг*с/мл дейін және тенофовирдің концентрациясы 48 сағат ішінде 42,857(29%) мкг*с/мл дейін айтарлықтай жоғарылаған. Креатинин клиренсі 30 және 49 мл/мин аралығындағы емделушілерде Тенофовир дизопроксил фумараты/Эфавиренз/Эмтрицитабиннің бекітілген біріктірілімін қабылдау аралығын түзету керек. КК <30 мл/мин немесе гемодиализ қажет етілетін емделушілерде Тенофовир дизопроксил фумараты/Эфавиренз/Эмтрицитабиннің бекітілген біріктірілімі ұсынылмайды.

Бауыр жеткіліксіздігі

Бауырдың зақымдануымен АИВ жұқтырған емделушілерде бекітілген біріктірілімінің (Тенофовир дизопроксил фумараты/Эфавиренз/Эмтрицитабин) фармакокинетикасы зерттелген жоқ.

Бірнеше реттік дозаны қабылдаумен жүргізілген зерттеулер көрсеткендей жеңіл дәрежедегі ауырлықтағы бауыр функциясының бұзылуымен (Чайлд-Пью бойынша А класы) емделушілерде бақылау тобымен салыстырғанда, эфавиренздің фармакокинетикасына айтарлықтай әсер еткен жоқ.

Бауыр функциясының орташа және ауыр түрдегі бұзылуының (Чайлд-Пью бойынша В немесе С класы) эфавиренздің фармакокинетикасына әсерін анықтау үшін деректер жеткіліксіз.

Бауыр жеткіліксіздігінің әртүрлі дәрежесімен емделушілерде эмтрицитабиннің фармакокинетикасы зерттелген жоқ. Бауыр жеткіліксіздігінің әртүрлі дәрежесімен АИВ жұқтырмаған емделушілерде тенофовир дизопроксил фумаратының фармакокинетикасы айтарлықтай өзгерген жоқ және дозаны түзету қажет болмады. Әйтсе де жеңіл дәрежедегі ауырлықтағы бауыр функциясының бұзылуымен емделушілерде бекітілген біріктірілімді (Тенофовир дизопроксил фумараты/Эфавиренз/

Эмтрицитабин) қабылдағанда сақтық шараларын сақтау керек.

Бекітілген біріктірілімді (Тенофовир дизопроксил фумараты/Эфавиренз/

Эмтрицитабин) бауырдың ауыр ауруларымен емделушілерге тағайындауға болмайды.

Фармакодинамикасы

Әсер ету механизмі

Тенофовир дизопроксил фумараты – циклдік емес нуклеозидтің фосфонатты күрделі диэфирі, аденозин монофосфаттың аналогы.

Тенофовир дизопроксил фумараты тенофовирге айналу үшін алдымен диэфирлік гидролизге және кейіннен тенофовир дифосфаты түзілгенге дейін жасушалық ферменттермен фосфорлануға ұшырайды.Тенофовир дифосфаты табиғи субстрат дезоксиаденозин 5′-трифосфатпен бәсекелесіп және ДНҚ тіркелгеннен кейін ДНҚ тізбегін үзіп HIV-1 кері транскриптазаның (КТ) белсенділігін басады.

Эмтрицитабин – бұл синтетикалық нуклеозид, цитидиннің аналогы, дезокситидин 5′-трифосфаттың табиғи субстратымен және түзілген вирустық ДНҚ тіркелу арқылы эмтрицитабин 5′-трифосфатқа дейін жасушалық ферменттермен фосфорланады, ол тізбектің үзілуіне әкеледі.

Эмтрицитабин трифосфаты және тенофовир дифосфаты адамның жасушалық ДНҚ-полимеразаларының әлсіз тежегіші болып табылады, митохондрийлердің in vitro және in vivo уытты әсер етуінің анықталу жағдайлары болған жоқ.

Эфавиренз - 1типті адам иммунтапшылығы вирусының (АИВ-1) кері транскриптазасының нуклеозидті емес тежегіші (КТНЕТ). Эфавиренздің белсенділігі негізінен адам иммунтапшылығы вирусының (АИВ-1) кері транскриптазасы ферментін тікелей бөгеу арқылы жүреді. Эфавиренз 2 типтегі адам иммунтапшылығы вирусының (АИВ-2) кері транскриптазасына (КТ) және адам ДНҚ-полимеразасына (α, β, γ немесе δ) айтарлықтай тежегіш әсер етпейді.

Вирусқа қарсы белсенділігі

Эфавиренз және эмтрицитабиннің бірге, эфавиренз және тенофовир дизопроксил фумаратының бірге және эмтрицитабин және тенофовир дизопроксил фумаратының бірге біріктірілімдерінің вирусқа қарсы белсенділігін бағалау үшін in vitro зерттеулерде қосымша синергиялық вирусқа қарсы белсенділігі байқалды.

Тенофовир дизопроксил фумараты - АИВ-1-дің A, B, C, D, E, F, G және О (50-пайыздық тежейтін концентрациясы (ЕК50 0,5-2,2 мкмоль шегінде) подтиптері жасушаларының өсірінділеріне қатысты вирусқа қарсы белсенділік білдірді және АИВ-2-нің (ЕК50 1,6-4,9 мкмоль шегінде) кейбір штамдарына қатысты таңдап белсенділік білдіреді.

Эмтрицитабин - А, В, С, D, E, F және G (ЕК50 0,007-0,075 мкмоль шегінде) қосалқы типтері жасушаларының өсірінділеріне қатысты вирусқа қарсы белсенділік білдірді және АИВ-2-нің (ЕК50 0,007-1,5 мкмоль шегінде) кейбір штамдарына қатысты таңдап белсенділік білдіреді.

Эмтрицитабин және тенофовир АИВ-2 қарсы ұзақ спецификалық белсенділік және В гепатиті вирусына (ВГВ) қарсы вирусқа қарсы белсенділік көрсетеді.

Эфавиренз В қосалқы типтері емес (қосалқы типтері A, AE, AG, C, D, F, G, J және N) изоляттардың көбіне қарсы вирусқа қарсы белсенділік білдіреді, бірақ О қосалқы типтері вирустарына қарсы төмен вирусқа қарсы белсенділік білдіреді.

Эфавиренздің АИВ-1 жабайы типті немесе зидовудин-резистентті зертханалық және клиникалық штамдарын in vitro 90-95 % басуға қажетті бос концентрациясы, лимфобластты жасушалық жүйелерде, шеткергі қанның мононуклеарлы жасушаларында (ШҚМЖ) және макрофагальді/моноцитарлық өсірінділерде 0,46-дан 6,8 нМ дейінгі диапазонда ауытқиды.

in vitro төзімділік

Бұрын ем алмаған емделушілер жасушалары өсірінділерінен тенофовир, эмтрицитабин және эфавиренз біріктіріліміне резистенттілікпен АИВ-1 штамдары бөліп алынды. Осы штамдардың генотиптік талдауын M184V/I (эмтрицитабинмен байланысты мутация) және/немесе K65R (тенофовирмен байланысты мутация) вирустық кері транскриптазадағы аминқышқылды орын басу анықтады.

Резистенттіліктің 18- 33 есе жоғарылауын туындататын , ОТ K103N-де жиі аминқышқылды орын басу, эфавиренз қабылдаған вирусологиялық тиімсіздікпен 90 % емделушілерде, сондай-ақ индинавирмен немесе зидовудинмен + ламивудинмен біріктіріп қабылдаған емделушілерде байқалған.

Жасушалық өсіріндідегі эфавиренз, невирапин және делавирдин үшін айқаспалы төзімділіктің бейіні көрсеткендей, K103N АИВ-1 мутациясы барлық үш КТНЕТ-ге сезімталдықты жоғалтумен жүреді. Делавирдинге төзімді клиникалық зерттелген штамдардың үшеуінің екеуі эфавирензге айқаспалы төзімділік танытты және құрамында K103N мутация болды.

ОТ 236 позициясында алмасуымен үшінші штамм эфавирензге айқаспалы төзімділік танытқан жоқ.

Кері транскриптазаның белгілі нуклеозидті тежегіштеріне айқаспалы төзімділік анықталды. M184V/I және/немесе K65R орын басу жуық арада ламивудинмен немесе эмтрицитабинмен, сондай-ақ абакавирмен немесе диданозинмен біріктірілімде тенофовирмен емдеген емделушілерден алынған АИВ-1 штамдарында байқалды. Осылайша, осы препараттар арасында айқаспалы төзімділік, бір немесе екі аталған аминқышқылды орын басу бар вирус жұқтырған емделушілерде байқалуы мүмкін. Тенофовир дизопроксил фумараты K65R АИВ-1 мутациясымен емделушілерде қарсы көрсетілімде. Мутацияның екі типі K65R және M184V/I эфавирензге сезімтал болып қалады.

in vivo төзімділік

Қазіргі уақытта Тенофовир дизопроксил фумараты/ Эфавиренз / Эмтрицитабиннің бекітілген біріктірілімін қабылдаған емделушілерде АИВ төзімділікке қатысты деректер жоқ. Әйтсе де эфавиренз, эмтрицитабин және тенофовир дизопроксил фумаратының жеке препараттарын қабылдаудың 144 аптасында расталған АИВ РНҚ> 400 копий/ мл емделушілерде АИВ-1 штамдары алынған.

Эфавирензге генотиптік төзімділік жиірек анықталған, негізінен K103N мутация (1 кесте). M184V / I мутация эфавиренз / эмтрицитабин / тенофовир дизопроксил фумараты тобындағы 2/19 (10,5%) бақыланатын емделушілерде және эфавиренз бен ламивудин және зидовудиннің (Комбивир) (р-значение = 0,021) бекітілген біріктірілімін қабылдаған топтағы 10/29 (34,5%) бақыланатын емделушілерде байқалды. Әрбір емделу тобындағы бір де бір емделушіде K65R мутациясы дамыған жоқ және эфавиренз / эмтрицитабин / тенофовир дизопроксил фумараты тобындағы бір де бір емделушіде эмтрицитабинге немесе тенофовирге фенотиптік төзімділікпен байланысты жаңа мутация дамыған жоқ

1 кесте: GS-01-934 зерттеуде 144 апта ішінде төзімділіктің дамуы

*р <0,05 мәні, барлық емделушілер арасында эфавиренз + эмтрицитабин + тенофовир дизопроксил фумараты тобын Комбивир тобымен салыстырудың нақты Фишер критерийі.1 Эфавирензге төзімді басқа мутациялар A98G (n = 1), K103E (n = 1), V179D (n=1), и M230L (n = 1) қамтиды.

2 Тимидин-аналогты мутациялар D67N (n = 1) және K70R (n = 1) қамтиды. Осы дәрілік заттардың in vivo төзімділігіне қатысты қосымша ақпарат үшін медицинада қолданылуы жөніндегі нұсқаулыққа жүгініңіз.

Қолданылуы

- үш айдан астам уақыт біріктірілген антиретровирусты ем (БАРТ) қабылдаған РНҚ АИВ <50 копий/мл вирусологиялық супрессиямен ересектерде АИВ-1 жұқпаны емдеуде,

Препаратты тағайындар алдында, емделушілерде бұрын қабылдаған кез келген БАРТ жағымсыз вирусологиялық жауаптың байқалмағанына, Тенофовир дизопроксил фумараты/Эфавиренз/Эмтрицитабиннің бекітілген біріктірілімінің құрамындағы үш компоненттің біреуіне айқын төзімділікпен қатар жүретін мутацияның болмағанына көз жеткізу керек

Қолдану тәсілі және дозалары

Емді АИВ жұқпаны емдеуде тәжірибесі бар дәрігер жүргізуі керек.

Ересектер

Тенофовир дизопроксил фумараты/Эфавиренз/Эмтрицитабиннің бекітілген біріктірілімінің ұсынылған дозасы – судың жеткілікті мөлшерімен ішке қабылдауға күніне 1 рет 1 таблеткадан. Тенофовир дизопроксил фумараты/Эфавиренз/Эмтрицитабиннің бекітілген біріктірілімін аш қарынға қабылдау ұсынылады, өйткені тағам Эфавиренздің экспозициясын жоғарылатуы және жағымсыз әсерлер жиілігінің жоғарылауына әкелуі мүмкін. Эфавирензді қабылдау нәтижесі ретінде жүйке жүйесі тарапынан жағымсыз әсерлердің дамуына төзімділікті жоғарылату үшін, препаратты ұйықтар алдында қабылдау ұсынылады. Тенофовир дизопроксил фумаратының жеке компонентін тағаммен бірге қабылдаумен салыстырғанда аш қарынға Тенофовир дизопроксил фумараты/Эфавиренз/Эмтрицитабиннің бекітілген біріктірілімін енгізгеннен кейін Тенофовирдің экспозициясы (AUC) шамамен 30%-ға төмен болады деп болжамданады. Вирустың супрессиясымен емделушілерде осы төмендеудің клиникалық мәні белгісіз.

Балалар мен жасөспірімдер

Бекітілген біріктірілім (Тенофовир дизопроксил фумараты/Эфавиренз/Эмтрицитабин) балалар мен 18 жасқа дейінгі жасөспірімдерге қауіпсіздігі мен тиімділігіне қатысты деректердің жеткіліксіздігіне байланысты ұсынылмайды.Егде жастағылар

Жас емделушілермен салыстырғанда емге жауапты анықтау үшін клиникалық зерттеулерде егде емделушілердің жеткіліксіз саны қатысты, Тенофовир дизопроксил фумараты/Эфавиренз/Эмтрицитабиннің бекітілген біріктірілімін егде жастағыларға тағайындағанда осы емделушілерде бүйрек және бауыр жеткіліксіздігінің кездесуінің жоғары жиілігін ескеріп сақтық шараларын сақтау керек.

Бүйрек жеткіліксіздігі

Тенофовир дизопроксил фумараты/ Эфавиренз/Эмтрицитабиннің бекітілген біріктірілімін орташа немесе ауыр бүйрек жеткіліксіздігімен (креатинин клиренсі (КК) < 50 мл/мин) емделушілерге ұсынылмайды. Орташа немесе ауыр бүйрек жеткіліксіздігімен емделушілерде эмтрицитабин және тенофовир дизопроксил фумаратының дозасын түзету керек, оған бекітілген біріктірілімін қабылдауда қол жеткізу мүмкін емес. Креатинин клиренсі 50-80 мл/мин деңгейдегі емделушілерде дозаны түзету қажет емес. Осы емделушілерде креатинин клиренсі деңгейін және қансарысуындағы фосфаттар деңгейін үнемі бақылау керек.

Бауыр жеткіліксіздігі

Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің фармакокинетикасы бауыр жеткіліксіздігімен емделушілерде зерттелген жоқ. Жеңіл дәрежедегі бауыр жеткіліксіздігімен емделушілерге (Чайлд-Пью-Туркотт (ЧПТ) бойынша А класты) Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің әдеттегі ұсынылған дозасын тағайындауға болады.

Егер Тенофовир дизопроксил фумараты/ Эфавиренз/Эмтрицитабиннің бекітілген біріктірілімін қабылдау АИВ және В гепатиті вирусының (ВГВ) ко-жұқпасымен емделушілерде тоқтатылса, оларды гепатиттің асқыну симптомдарын анықтау үшін мұқият бақылау керек.

Әсіресе Эфавиренз дозасына байланысты жүйке жүйесі тарапынан жағымсыз әсерлерді анықтау үшін емделушілерді мұқият бақылау керек.

Емдеуді үзу немесе тоқтату, дозаны өткізіп алғандағы ұсынымдар

Тенофовир дизопроксил фумараты/ Эфавиренз/Эмтрицитабиннің бекітілген біріктірілімін үздіксіз, қабылдауды жіберіп алмай, дозаны қабылдау режимін сақтай отырып қабылдаудың маңызы зор. Емделушілерді егер Тенофовир дизопроксил фумараты/ Эфавиренз/Эмтрицитабиннің бекітілген біріктірілімін қабылдауды ұмытып кеткен жағдайда, келесі күннің дозасын қабылдауға дейін аралық 12 сағаттан кем болмаған жағдайда өткізіп алған дозаны дереу қабылдау керектігі жөнінде ескерту керек. Емделушілерді 12 сағаттан кем болған жағдайда өткізіп алған дозаны қабылдамай, келесі дозаны өзінің уақытында қолдану керектігін ескерту керек. Егер Тенофовир дизопроксил фумараты/Эфавиренз/Эмтрицитабиннің бекітілген біріктірілімімен емді тоқтату қажет болған жағдайда, немесе дозаны түзету қажет болған жағдайда, эфавиренз, эмтрицитабин және тенофовир дизопроксил фумаратын жеке қабылдауға болады. Осы препараттардың медицинада қолданылуы жөніндегі нұсқаулығына жүгіну керек.

Егер Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің компоненттерінің біреуімен емдеуді тоқтату қажет болса эфавиренздің жартылай шығарылу кезеңінің ұзақ екенін, сондай-ақ тенофовир мен эмтрицитабиннің ұзақ жасушаішілік жартылай шығарылу кезеңін ескеру керек.

Осы фармакокинетикалық параметрлердің жекелей өзгергіштігіне және вирустың төзімділігінің даму мүмкіндігіне байланысты, емді тоқтатуға барлық себептерді ескеріп, антиретровирусты терапияға (АРТ) қатысты ұсыныстар алу үшін дәрігердің кеңесі керек.

Егер емделуші Тенофовир дизопроксил фумараты/Эфавиренз/Эмтрицитабин таблеткаларын қабылдағаннан кейін 1 сағаттың ішінде құсса, екінші таблетканы қабылдау керек. Егер емделуші Тенофовир дизопроксил фумараты/Эфавиренз/Эмтрицитабин таблеткаларын қабылдағаннан кейін бір сағаттан аса уақыттан кейін құсса, екінші таблетканы қабылдаудың қажеті жоқ.

Жағымсыз әсерлері

Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің қауіпсіздігі емнің 48 аптасы бойы 460 емделушіде зерттелді. Зерттеу барысында психикалық сфераның (16 %) бұзылуы, жүйке жүйесі тарапынан бұзылыстар (13 %) және асқазан-ішектік бұзылыстар (7 %) байқалды. Стивенс - Джонсон синдромы және мультиформалы эритема секілді тері тарапынан елеулі жағымсыз реакциялар; ауыр депрессияны, суицидальдік өлім, психоұқсас жағдайлар, құрысу ұстамаларын қоса, психоневрологиялық жағымсыз реакциялар туралы; ауыр гепатоуыттылық, панкреатит және лактацидоз (кейде фатальді) туралы хабарлар тіркелді.

Фанкони синдромын қоса, бүйрек жеткіліксіздігі және бүйректің прокисмальді тубулопатиясы түріндегі бүйрек тарапынан жағымсыз әсерлер туралы сирек хабарланды, кейде сынуларға әкелетін сүйек патологиясы туралы хабарланды. Тенофовир дизопроксил фумараты/Эфавиренз/Эмтрицитабинді қабылдаған емделушілерде бүйрек функциясын бақылау ұсынылады.

АИВ және ВГВ ко-жұқпаланған емделушілерде, Тенофовир дизопроксил фумаратымен/ Эфавирензбен/Эмтрицитабинмен емді тоқтату, гепатиттің ауыр асқынуына түрткі болуы мүмкін.

Тенофовир дизопроксил фумараты/Эфавиренз/Эмтрицитабиннің біріктірілімін тағаммен бірге қабылдау эфавиренздің экспозициясын жоғарылатады және жағымсыз реакциялар жиілігінің жоғарылауын туындатуы мүмкін.

Тенофовир дизопроксил фумараты/Эфавиренз/Эмтрицитабиннің біріктірілімін немесе жеке компоненттерін қабылдаумен байланысты клиникалық зерттеулер барысында постмаркетингтік кезеңде анықталған жағымсыз реакциялар күрделілігінің төмендеуі ретімен берілген. Жиілігі өте жиі (> 1/10), жиі (> 1/100 <1/10-ға), жиі емес (> 1/1,000 <1/100-ге) немесе сирек (> 1/10,000 <1/1,000-ге) деп анықталған.

Тенофовир дизопроксил фумараты/ Эфавиренз/Эмтрицитабиннің бекітілген біріктірілімін қолданумен байланысты (мүмкін немесе болжанған), бірақ жеке компоненттерінің біреуімен байланысты емес жағымсыз әсерлер:

Жиі

- анорексия

Жиі емес

- ауыздың құрғауы

- сөйлеудің түсініксіздігі

- тәбеттің жоғарылауы

- либидоның төмендеуі

- миалгия

Тенофовир дизопроксил фумаратымен астасқан жағымсыз әсерлері

Өте жиі

- гипофосфатемия, гипокалиемия

- бас айналуы

- диарея, жүрек айнуы, құсу

- бөртпе

- астения

Жиі

- бас ауыруы

- абдоминальді ауыру, іштің кебуі, метеоризм

-аспартатаминотрансфераза (АСТ), аланинаминотрансферазаның жоғарылауы (АЛТ)

Жиі емес

- панкреатит

- рабдомиолиз, бұлшықет әлсіздігі

- қандағы креатининнің жоғарылауы, протеинурия

Сирек

-лактацидоз

- гепатит, бауыр стеатозы

- остеомаляция (сүйектердің ауыруымен білінеді және сынықтарға түрткі болуы мүмкін), миопатия

- жедел және созылмалы бүйрек жеткіліксіздігі, жедел тубулярлық некроз, Фанкони синдромын қоса, проксимальді бүйрек тубулопатиясы, жедел интерстициальді нефритті қоса, нефрит, нефрогенді қанттық емес диабет

Эмтрицитабинмен астасқан жағымсыз әсерлер

Өте жиі

- бас ауыруы

- диарея, жүрек айнуы

- креатинкиназаның жоғарылауы

Жиі

- нейтропения

- аллергиялық реакциялар

-гипертриглицеридемия, гипергликемия

- әдеттегіден тыс ұйқы, ұйқысыздық

- бас айналуы

- панкреатикалық амилазаның жоғарылауын қоса, қандағы амилазаның жоғарылауы, сарысулық липазаның жоғарылауы, құсу, абдоминальді ауыру, диспепсия

- аспартатаминотрансферазаның (АСТ), аланинаминотрансферазаның (АЛТ) жоғарылауы, гипербилирубинемия

- бөрту, қышыну, везикулобуллезді бөртпе, пустуллезді бөртпе, макулопапуллезді бөрту, есекжем, терінің түсінің бұзылуы ( пигментацияның жоғарылауы)

- ауыру, астения

Жиі емес

- анемия

- ангионевротикалық ісіну

Эфавирензбен астасқан жағымсыз әсерлер

Өте жиі

- бөртпе ( орташа және ауыр - 11.6%, ауырлықтың барлық дәрежесі - 18%)

Жиі

-гипертриглицеридемия

- депрессия (1,6% жағдайда ауыр), үрейлену, әдеттегіден тыс ұйқы, ұйқысыздық, ұйқышылдық (2%), бас ауыруы (5,7%), зейіннің бұзылуы (3,6%)

- мишықтық қимыл үйлесімділіктің және тепе теңдік сезімінің бұзылуы, бас айналуы (8,5%)

- диарея, құсу, абдоминальді ауыру, жүрек айнуы

- аспартатаминотрансферазаның (АСТ), аланинаминотрансферазаның (АЛТ), гамма-глутамилтрансферазаның (ГГТ) жоғарылауы

- қышыну

- шаршағыштық

Нечасто

- жоғары сезімталдық реакциялары

- суицидальді әрекеттер, суицидальді ойлар, психоздар, мания, паранойя, галлюцинациялар, эйфория, аффективті лабильділік, мәңгіру, озбырлық

- құрысулар, амнезия, патологиялық ойлар, атаксия, қимыл үйлесімінің бұзылуы, ажитация, діріл

- көрудің бұлыңғырлануы, құлақтағы шуыл, вертиго, құлақ қалқандарының қызаруы

- панкреатит

- жедел гепатит

- Стивенс-Джонсон синдромы, мультиформалы эритема, бөртудің ауыр дәрежесі (< 1%)

- гинекомастия

Сирек

- аяқталған суицид, сандырақ, невроз

- бауыр жеткіліксіздігі

Қолдануға болмайтын жағдайлар

- белсенді компоненттеріне немесе қандай-да болмасын қосымша заттарына аса жоғары сезімталдық

- орташа және ауыр дәрежедегі бауыр жеткіліксіздігі (Чайлд-Пью бойынша В немесе С класы)

- бүйрек жеткіліксіздігі КК 50мл/мин төмен

- терфенадинмен, астемизолмен, цизапридпен, мидазоламмен, тиазоламмен, пимозидпен, бепридилмен немесе қастауыш алкалоидтарымен (мысалы, эрготамин, дигидроэрготамин, эргоновин және метилэргоновин) бір мезгілде қолдану, өйткені осы препараттардың Р450 (CYP) 3А4 цитохромы үшін эфавирензбен бәсекелесуі осы препараттардың метаболизмінің іркілуіне және күрделі және/немесе өмірге қауіп төндіретін жағымсыз әсерлеріне (мысалы, жүрек аритмиясы, ұзақ седативті әсер немесе тыныстың бәсеңдеуі) әкелуі мүмкін

- құрамында шайқурай (Hypericum perforatum) бар препараттармен бір мезгілде қолдану, эфавиренздің плазмалық концентрациясы мен клиникалық тиімділігінің төмендеуінің жоғары қаупіне байланысты

- вориконазолмен бір мезгілде қолдану, өйткені эфавиренз вориконазолдың плазмадағы концентрациясын айтарлықтай төмендетеді, ал вориконазол эфавиренздің плазмадағы концентрациясын айтарлықтай жоғарылатады және Тенофовир дизопроксил фумараты/Эфавиренз/Эмтрицитабин біріктірілген препаратындағы бекітілген дозасына байланысты эфавиренздің дозасын түзету мүмкін емес

- жүктілік және лактация кезеңі

- 18 жасқа дейінгі балалар мен жасөспірімдерге

- туа біткен галактоза/лактозаны көтере алмаушылық, лактаза тапшылығы, глюкоза/галактоза мальабсорбциясы синдромы

Дәрілермен өзара әрекеттесуі

Тенофовир дизопроксил фумараты/ Эфавиренз/Эмтрицитабиннің бекітілген біріктірілімімен препараттың дәрілік өзара әрекеттесуіне зерттеулер жүргізілген жоқ. Өйткені Тенофовир дизопроксил фумараты/ Эфавиренз/Эмтрицитабиннің бекітілген біріктірілімі құрамында эфавиренз, эмтрицитабин және тенофовир дизопроксил фумараты болғандықтан, белсенді заттарының жекелей бір бірімен кез келген өзара әрекеттесуі байқалуы мүмкін.

Тенофовир дизопроксил фумараты/ Эфавиренз/Эмтрицитабиннің бекітілген біріктірілімін осы біріктірілімнің белсенді затының кез келген біреуі құрамында бар басқа препараттармен қолдануға болмайды.

Тенофовир дизопроксил фумараты/ Эфавиренз/Эмтрицитабиннің бекітілген біріктірілімін эмтрицитабинмен ұқсастығына байланысты цитидиннің, ламивудин секілді басқа аналогтарымен бір мезгілде қолдануға болмайды. Эфавиренз CYP3A4, CYP2B6 және UGT1A1 тежегіші болып табылады. Осы феременттердің субстраты болып табылатын белсенді заттар эфавирензбен бір мезгілде қолданғанда плазмадағы концентрациясын төмендетуі мүмкін.

Эфавиренз CYP2C19 және CYP2C9 тежегіші болуы мүмкін; әйтсе де in vitro байқалған ингибиция және осы феременттердің субстраттарымен бір мезгілде тағайындауға байланысты әсерлері белгісіз. Эфавиренздің әсері CYP3A4 белсенділігіне әсер ететін дәрілік заттармен немесе тағаммен (мысалы, грейпфрут шырыны), бір мезгілде қабылдағанда өзгеруі мүмкін.

Дәрілік өзара әрекеттесудің in vitro және in vivo жүргізілген, фармакокинетикалық зерттеулері көрсеткендей, басқа препараттармен эмтрицитабин мен тенофовир дизопроксил фумаратын қоса, CYP450 –аралық өзара әрекеттесу үшін төмен потенциалды көрсетті.

Антиретровирусты дәрілік заттарды бір мезгілде қолдануТенофовир дизопроксил фумараты/ Эфавиренз/Эмтрицитабиннің бекітілген біріктірілімін терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен және қастауыш алкалоидтарымен (мысалы, эрготаминмен дигидроэрготаминмен, эргоновинмен және метилэргоновинмен) бір мезгілде тағайындауға болмайды, өйткені олардың метаболизмін бәсеңдету күрделі, өмірге қауіп төндіретін салдарларға әкелуі мүмкін.

Вориконазол. Эфавиренз бен вориконазолдың стандартты дозасын қабылдауға болмайды. Тенофовир дизопроксил фумараты/ Эфавиренз/Эмтрицитабиннің бекітілген біріктірілімінде эфавиренздің дозасын өзгертуге болмайтын болғандықтан, вориконазол және Тенофовир дизопроксил фумараты/ Эфавиренз/Эмтрицитабиннің бекітілген біріктірілімі бір мезгілде қолданылмауы керек.

Рифампицин. Тенофовир дизопроксил фумараты/ Эфавиренз/Эмтрицитабиннің бекітілген біріктірілімін рифампицинмен бір мезгілде қолданғанда, күніне 200 мг эфавирензді (барлығы 800 мг) қосымша қабылдау ұсынылады.

Шайқурай (Hypericum perforatum). Тенофовир дизопроксил фумараты/ Эфавиренз/Эмтрицитабиннің бекітілген біріктірілімін және құрамында

Шайқурай бар препараттарды бір мезгілде қолдануға болмайды.

Бір мезгілде қолдану ұсынылмайды

Атазанавир/ритонавир. атазанавир/ритонавир біріктірілімін Тенофовир дизопроксил фумараты/ Эфавиренз/Эмтрицитабиннің бекітілген біріктірілімімен дозалауға қатысты ұсыныстар үшін жеткілікті деректер жоқ.

Сондықтан атазанавир/ритонавирді Тенофовир дизопроксил фумараты/ Эфавиренз/Эмтрицитабиннің бекітілген біріктірілімімен бір мезгілде қолдануға болмайды.

Диданозин. Тенофовир дизопроксил фумараты/ Эфавиренз/Эмтрицитабиннің бекітілген біріктірілімін және диданозинді қолдануға болмайды.

Бүйрекпен шығарылатын дәрілік заттар. Эмтрицитабин мен тенофовир негізінен бүйректермен шығарылатын болғандықтан, Тенофовир дизопроксил фумараты/ Эфавиренз/Эмтрицитабиннің бекітілген біріктірілімін бүйрек функциясын төмендететін немесе белсенді өзекшелік сөлініс үшін бәсекелесетін (например, цидофовир) препараттармен қабылдау, қансарысуында эмтрицитабиннің, тенофовирдің және/немесе бір мезгілде қабылданған препараттың концентрациясын жоғарылатуы мүмкін.

Тенофовир дизопроксил фумараты/ Эфавиренз/Эмтрицитабиннің бекітілген біріктірілімін нефроуытты препараттармен мысалы, аминогликозидтермен, В амфотерицинмен, фоскарнетпен, ганцикловирмен, валацикловирмен, валганцикловирмен, пентамидинмен, ванкомицинмен, цидофовирмен немесе интерлейкин-2-мен, ацикловирмен, адефовир дипивоксилмен бір мезгілде немесе оларды жуық арада қабылдағаннан кейін қабылдаудан аулақ болу керек.

Басқа да өзара әрекеттесулер Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің белсенді заттары мен протеаза тежегіштері, протеаза тежегіштерінен өзгеше антиретровирусты препараттар және басқа антиретровирусты емес дәрілік заттар арасындағы өзара әрекеттесу төмендегі кестеде көрсетілген.

2 кесте. Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің жеке компоненттері мен басқа препараттар арасындағы өзара әрекеттесулер

Басқа препараттармен байланысты зерттеулер

Эфавирензді азитромиинмен, цетиризинмен, лоразепаммен, нелфинавирмен, зидовудинмен, алюминиі/магний гидроксиді антацидтерімен, фамотидинмен немесе флуконазолмен бір мезгілде қабылдағанда клиникалық мәні бар фармакокинетикалық өзара әрекеттесуі жоқ. Эфавиренздің кетоконазол секілді, басқа зеңге қарсы имидазолдармен өзара әрекеттесуінің потенциалы зерттелген жоқ.

Эмтрицитабинді ставудинмен, зидовудинмен немесе фамцикловирмен бір мезгілде қабылдағанда клиникалық мәні бар фармакокинетикалық өзара әрекеттесуі байқалған жоқ. Тенофовир дизопроксил фумаратын адефовир дизопроксилімен, эмтрицитабинмен, нелфинавирмен немесе рибавиринмен бір мезгілде қабылдағанда клиникалық мәні бар фармакокинетикалық өзара әрекеттесуі байқалған жоқ.

Айрықша нұсқаулар

Басқа препараттармен бір мезгілде қолдану

Тенофовир дизопроксил фумараты/ Эфавиренз/Эмтрицитабин препараты бекітілген біріктірілім болып табылатындықтан, құрамында оның кез келген белсенді ингредиенттерінің бірі бар басқа дәрілік заттармен бір мезгілде тағайындалмайды, атап айтсақ: эфавиренз (Стокрин, Сустива және б.), эмтрицитабин (Эмтрива, Трувада (эмтрицитабин/тенофовир дизопроксил фумараты) және б.) немесе тенофовир дизопроксил фумараты (Виреад және б.). Қасиеттерінің бірдей болуына байланысты эмтрицитабинді кез келген цитидинді аналогтардың біреуімен, мысалы, ламивудинмен және құрамында ламивудин, оның ішінде Комбивир (ламивудин/зидовудин), Эпивир немесе Зеффикс (ламивудин), Эпзик (абакавир сульфаты/ламивудин), Тризивир (абакавир сульфаты/ламивудин/зидовудин) бар препараттармен бір мезгілде тағайындауға болмайды.

Басқа дәрілік заттармен өзара әрекеттесуі

Эфавиренздің плазмалық концентрациялары субстраттарды, CYP3A тежегіштерін және индукторларын өзгертуі мүмкін. Эфавиренз CYP3A метаболизденетін дәрілік заттардың плазмалық концентрациясын өзгертуі мүмкін («Дәрілік заттармен өзара әрекеттесуі» бөлімін қара).

Лактацидоз

Өлім жағдайларын қоса, Лактацидоз және стеатозбен ауыр гепатомегалия, нуклеозидті аналогтарды монотерапияда немесе басқа антиретровирусты дәрілермен біріктірілімде қолданғанда байқалған. Көп жағдайларда аталған құбылыстар әйелдерде байқалған. Қауіп факторлары: артық салмақ және ұзақ уақыт нуклеозидті аналогтарды қабылдау. Ерте симптомдары (симптоматикалық гиперлактатемия): ас қорыту ағзалары тарапынан симптомдар (жүрек айнуы, құсу, іштің ауыруы), себепсіз әлсіздік, тәбеттің болмауы, салмақты жоғалту, тыныс алу жүйесі тарапынан симптомдар (ентігу) немесе неврологиялық симптомдар (оның ішінде қимыл әлсіздігі).

Лактацидоз өлім жағдайының жоғарылауына алып келді және панкреатит, бауыр немесе бүйрек функциясының жеткіліксіздігімен байланысты болуы мүмкін. Лактацидоз әдетте емді бастағаннан кейін бірнеше айдан соң пайда болған. Симптоматикалық гиперлактатемия және метаболикалық лактацидоз, үдемелі гепатомегалия немесе аминотрансферазалардың деңгейі тез артуы тіркелгенде , нуклеозидтер аналогтарымен емді тоқтату керек.

Гепатомегалиямен, гепатитпен немесе бауыр ауруы мен майлы гепатозға байланысты басқа қауіп факторлары бар (оның ішінде белгілі дәрілік препараттарды қабылдау мен алкогольді қабылдау нәтижесінде) кез келген емделушіге (әсіресе артық салмақпен әйел емделушілерге), нуклеозидтер аналогын қабылдау сақтықпен тағайындалуы керек.

Әйтсе де аталған құбылыстар туралы белгілі қауіп факторынсыз емделушілерде де хабарланған. С гепатитін бір мезгілде жұқтыру және альфа-интерферонмен және рибавиринмен қатар емдеу ерекше қауіп төндіреді.

Қауіптің жоғары дәрежесімен емделушілер ерекше бақылауда болуы керек.

Оппортунистік жұқпалар

Тенофовир дизопроксил фумараты/Эфавиренз/ Эмтрицитабин препаратын немесе кез келген басқа антиретровирусты препаратты қабылдау оппортунистік жұқпамен және АИВ жұқпасының басқа асқынуларының дамуымен қатар жүруі мүмкін. Сондықтан АИВ астасқан жұқпалармен емделушілерді емдеуде тәжірибесі бар дәрігердің ұдайы клиникалық бақылауы қажет.

АИВ берілуі

Емделушілерді антиретровирусты ем, оның ішінде Тенофовир дизопроксил фумараты/Эфавиренз/ Эмтрицитабин препаратымен емдеу АИВ-ның басқа адамдарға жыныстық қатынас немесе қан арқылы берілу қаупін жоққа шығарылмайтыны туралы ескерту керек. Емді бастағанға дейінгі сақтық шараларын қолдануды жалғастыру керек.

Бауыр аурулары

Бауырдың елеулі ауруларымен зардап шегетін емделушілерде, Тенофовир дизопроксил фумараты/Эфавиренз/ Эмтрицитабин препаратының фармакокинетикасы қауіпсіздігі және тиімсіздігі зерттелген жоқ. Тенофовир дизопроксил фумараты/Эфавиренз/ Эмтрицитабин орташа және ауыр дәрежедегі ауырлықтағы бауыр функциясының бұзылуымен емделушілерге қарсы көрсетілімде.

Эфавиренз негізінен, Р450 цитохромы (СYР 450) жүйесінде метаболизденетін болғандықтан препаратты бауыр ауруымен емделушілерге тағайындағанда сақтық шараларын сақтау керек.

Осы емделушілерде эфавирензге жағымсыз реакциялар мониторингін, әсіресе жүйке жүйесі тарапынан симптомдарды мониторингілеуді мұқият жүргізу керек. Бауыр ауруларының ауырлық дәрежесін бағалау үшін, кезеңдік аралықпен зертханалық зерттеулер жүргізу керек.

Бұрын бауырдың дисфункциясы, оның ішінде созылмалы белсенді гепатиттер байқалған емделушілерде, біріктірілген антиретровирусты ем кезінде бауыр функциясының бұзылуы жиілігінің жоғарылауы байқалды, сондықтан оларға стандартты тәжірибеге сәйкес мониторинг өту керек.

Егер бауыр ауруы ағымының нашарлауының белгілері немесе қан сарысуында трансаминазалар белсенділігінің қалыптағымен салыстырғанда 5 еседен аса, үнемі жоғарылауы болса, Тенофовир дизопроксил фумараты/Эфавиренз/ Эмтрицитабин препаратымен емдеудің пайдасы мен айқын гепатоуыттылықтың әлеуетті қаупін салыстыру керек. Осындай емделушілер үшін емді тоқтату және үзу туралы шешім қабылданады.

Сондай-ақ бауырдың уыттануын туындататын басқа дәрілік препараттармен емделетін емделушілерге бауыр ферменттерін мониторингілеу ұсынылады.

В немесе С гепатиті вирусы жұқпасының белгілі немесе болжамданған сыртартқысымен емделушілерге және бауырға уытты әсер білдіретін басқа препараттармен ем алған емделушілерге, бауыр ферменттері деңгейін мониторингілеу ұсынылады. Трансаминазалар белсенділігінің қансарысуында қалыптың жоғары шегінен 5 еседен артық тұрақты жоғарылауымен науқастарда Тенофовир дизопроксил фумараты/Эфавиренз/ Эмтрицитабин препаратымен емді жалғастыру пайдасын айқын бауыр уыттылығының белгісіз қаупімен салыстыру керек.

АИВ және ВГВ немесе СВГ ко-жұқпаланған емделушілер

Антиретровирусты емді бастар алдында АИВ-1 жұқтырған барлық емделушілерге, В гепатиті вирусынан (ВГВ) және С гепатиті вирусынан (СВГ) туындаған созылмалы жұқпаның барына тексерілу ұсынылады.

В немесе С созылмалы гепатитімен ем алудағы және біріктірілген антиретровирусты ем алған емделушілерде бауыр тарапынан ауыр және потенциальді өліммен аяқталатын жағымсыз реакциялардың пайда болуының жоғары қаупі бар.

Дәрігерлер бір мезгілде ВГВ жұқтырған емделушілерде ауруды оңтайлы емдеу үшін АИВ жұқпаны емдеуге қатысты қолданыстағы нормативтік құжатқа жүгіну керек. В және С гепатиттерін вирусқа қарсы қатар емдегенде препараттарды қолдануға қатысты нұсқаулықтарға жүгіну ұсынылады.

В созылмалы гепатитін емдеу үшін, Тенофовир дизопроксил фумараты/Эфавиренз/Эмтрицитабин препаратының қауіпсіздігі мен тиімділігі зерттелмеген.

Эмтрицитабин мен тенофовир фармакодинамикалық зерттеулер кезінде жекелей және біріктірілімде ВГВ қарсы белсенді қасиеттер көрсетті.

Шектелген клиникалық тәжірибе эмтрицитабин және тенофовир дизопроксил фумараты АИВ жұқпаны емдеу үшін антиретровирусты препарат ретінде ВГВ қарсы белсенді деп болжамдауға мүмкіндік береді.

Гепатиттердің асқынуы тенофовир дизопроксил фумаратымен емдеуді үзу нәтижесінде АИВ жұқтырған емделушілерде байқалуы мүмкін.

Осындай асқынулар қатарлас АИВ жұқтырмаған ВГВ жұқтырған емделушілерде байқалды, алдымен ол ВГВ ДНҚ қайта пайда болуымен бірге қан сарысуында АЛТ белсенділігінің жоғарылауымен анықталды.

Кейбір емделушілерде ВГВ реактивациясы ауыр дәрежедегі бауыр ауруларымен, оның ішінде бауыр функциясының жеткіліксіздігі немесе декомпенсациясымен байланысты болды

АИВ жұқтырған, сондай-ақ ВГВ жұқтырған емделушілер, Тенофовир дизопроксил фумараты/Эфавиренз/ Эмтрицитабин препаратымен емді тоқтатқаннан кейін кемінде төрт ай ішінде мұқият клиникалық және зертханалық бақылауда болуы керек. Тенофовир дизопроксил фумаратын немесе эмтрицитабинді қабылдауды жаңғыртудың емдеу курсынан кейін гепатиттің асқынуына әсер ететіні жөнінде жеткілікті деректер жоқ.

Қажет болғанда В гепатиті вирусына қарсы емдеу туралы мәселені қарастыру керек

Психикалық симптомдар

Эфавирензбен ем алып жүрген емделушілерде психоневрологиялық жағымсыз әсерлері болды. Бұдан бұрында психоневрологиялық бұзылыстар байқалған емделушілерде мұндай жағымсыз реакциялар қаупі жоғары. Психиатриялық симптомдар жиілігінің ұлғаюымен астасатын басқа факторларға сыртартқысында инъекциялық есірткілерді қолдану, зерттеуге қатысар кезінде психикалық ауруларды емдеу үшін препараттар қабылдау жатады.

Атап айтқанда осының алдындағы психоневрологиялық сыртартқысымен адамдарда ауыр депрессия жиі туындады. Сондай-ақ, мәліметтер бойынша эфавиренз қабылдаумен себептік байланысы анықталмағанмен, суицид нәтижесінде болған өлім жағдайы, маниакальді жағдайлар және психоз жөніндегі постмаркетингтік хабарламалар түскен. Емделушілерді ауыр депрессия симптомдары, психоз немесе суицидтік ойлар пайда болған жағдайда, бұл симптомдардың эфавиренз қабылдаумен байланысын анықтау және бұл расталған жағдайда емді жалғастырудың пайдасы келетін қауіптен асып түсетінін анықтау үшін жедел түрде дәрігерге қаралуын керектігі жөнінде хабардар ету керек.

Жүйке жүйесі тарапынан симптомдар

Эфавирензбен байланысты жүйке жүйесі тарапынан болатын симптомдар әдетте емдеудің бірінші немесе екінші күндері басталып, екі-төрт аптадан кейін қайтады.

Егер мұндай симптомдар пайда болса, олар көбіне емді жалғастырғаннан кейін қайтып кететінін және әлсіз түрде болса да қайталанбайтынынан емделушілерді хабардар ету қажет. Эфавиренздің жағымдылығы жақсы болу үшін және жүйке жүйесі тарапынан болатын жағымсыз құбылыстарды болдырмау үшін препаратты ұйықтар алдында қабылдау ұсынылады. Этенем мен алкогольді немесе психобелсенді дәрілерді бір мезгілде қабылдаған кезде емделушілерге жүйке жүйесі тарапынан қосымша жағымсыз әсерлердің туындауы мүмкіндігі жөнінде хабарлау қажет. средств.

Құрысулар

Құрысулар әдетте сыртартқысында құрысулар және конвульсия болған,

эфавиренз қабылдайтын емделушілерде байқалған. Фенитоин, карбамазепин және фенобарбитал сияқты негізінен бауыр арқылы метаболизденетін антиконвульсанттар қабылдайтын емделушілер, олардың плазмадағы деңгейіне мезгіл-мезгіл мониторинг жүргізуді қажет етуі мүмкін. Дәрілік препараттардың өзара әрекеттесуін зерттеу кезінде карбамазепиннің плазмалық концентрациясы карбамазепинді эфавирензбен бір уақытта қабылдағанда ұлғайған. Сыртартқысында құрысу ұстамалары болған барлық емделушілер үшін сақтық шаралары қолданылуы тиіс.

Бүйрек жеткіліксіздігі

Эмтрицитабин және тенофовир негізінен бүйрекпен шығарылады. Эфавиренз организмнен бүйрек арқылы шығарылмайды. Тенофовир дизопроксил фумараты/Эфавиренз/ Эмтрицитабин бүйрек жеткіліксіздігі орташа немесе ауыр емделушілерге ұсынылмайды. Бүйрек жеткіліксіздігі орташа немесе ауыр емделушілер эмтрицитабин мен тенофовир дизопроксилі фумаратының дозалануын реттеуді қажет етеді, бұған бекітілген біріктірілімдерді тағайындаған кезде қол жеткізу мүмкін емес. Тенофовир дизопроксил фумараты/Эфавиренз/ Эмтрицитабин препаратын нефроуытты дәрілік препараттармен бір мезгілде тағайындаған кезде қабылдамаған жөн. Егер Тенофовир дизопроксил фумараты/Эфавиренза/ Эмтрицитабин және нефроуытты препараттарды бір мезгілде тағайындамасқа болмайтындай болса (аминогликозидтер, амфотерицин, фоскарнет, ганцикловир, пентамидин, ванкомицин, цидофовир, интерлейкин-2), бүйрек функциясына апта сайын мониторинг жүргізу қажет.

Бүйрек жеткіліксіздігі, бүйрек функциясының бұзылуы, креатинин деңгейінің жоғарылауы, гипофосфатемия және проксимальді тубулопатия (Фанкони синдромын қоса) тенфовир дизопроксилі фумаратын клиникалық тәжірибеде қолданған кезде туындаған.

Барлық емделушілерде Тенофовир дизопроксил фумараты/Эфавиренз/ Эмтрицитабин препаратымен емді бастардан бұрын креатинин клиренсін есептеу ұсынылады, сондай-ақ, бүйрек функциясын (креатинин клиренсі және сарысудағы фосфаттардың деңгейі) емдеудің алғашқы жылы бойы апта сайын, содан кейін – әр үш ай сайын тексеріп тұру қажет. Сыртартқысында бүйрек функциясының бұзылуы бар емделушілерде немесе бүйрек функциясының бұзылу қаупі бар емделушілерде бүйрек функциясын жиірек мониторингтеу туралы шешім қабылдау керек.

Жағымсыз әсерлері

Тері реакциялары

Орташадан біркелкі орташа дәрежеге дейінгі бөртпе Тенофовир дизопроксил фумараты/Эфавиренз/ Эмтрицитабиннің жеке компоненттеріне реакция түрінде байқалған. Эфавирензден туындаған бөртпе, әдетте емдеуді жалғастырған кезде қайтып кетеді. Тиісті антигистаминдік және/немесе кортикостероидты препараттар көтерімділігін жақсартуы және бөртпенің емделуін жылдамдатуы мүмкін. Сулы бөртпе, ылғалды қабыршақтану, ойық жара түріндегі ауыр дәрежедегі бөртпе эфавиренз қабылдаған емделушілердің 1% азында пайда болған. Мультиформды эритема немесе Стивенс-Джонсон синдромының пайда болу жиілігі шамамен 1 % құрайды. Тенофовир дизопроксил фумараты/Эфавиренз/ Эмтрицитабин препаратымен емдеу сулы бөртпе, ылғалды қабыршақтану, ойық жара немесе қызба жағдайы түріндегі ауыр дәрежедегі бөртпе дамыған емделушілерде тоқтатылуы тиіс. Бөртпенің пайда болуы себепті транскриптазаның нуклеозидті емес басқа тежегіштерімен емдеуді тоқтатқан емделушілерде, Тенофовир дизопроксил фумараты/Эфавиренз/ Эмтрицитабин препаратымен емдеу кезінде бөртпенің даму қаупі жоғары.

Липодистрофия және метаболизм бұзылуы

Біріктірілген антиретровирусты ем АИВ жұқтырған емделушілерде денедегі май тіндерінің висцеральді семіруді, майдың дорсоцервикальді жиналуын («буйвол өркеші»), аяқ-қолда май тіндерінің жоғалуы, сүт бездерінің үлкеюі және кушингоид типтес семіру) қоса алғанда, қайта таралуымен/ жинақталуымен (липодистрофия) байланысты. Бұл жағдайлардың кейіннен болатын салдарлары қазіргі кезде белгісіз.

Висцеральді липоматоз бен протеаза тежегіштері және липодистрофия мен кері транскриптазаның нуклеозидті тежегіштері арасындағы байланыс ғылыми болжам болып табылады. Липодистрофияның жоғары қаупін жекелей факторлармен байланыстырады: егде жас, дәрілік препараттар қабылдаумен байланысты факторлар, мысалы, антиретровирусты емнің ұзаққа созылуы және онымен байланысты метаболикалық бұзылулар. Клиникалық бақылауға майдың қайта таралуының физикалық белгілерін бағалау қамтылуы тиіс. Глюкоза мен липидтердің сарысудағы деңгейін ашқарында бақылау туралы шешім қабылдау керек. Май алмасуының бұзылуын клиникалық ұсынымдарға сәйкес емдеу қажет.

Ас қабылдаудың әсері

Тенофовир дизопроксил фумараты/Эфавиренз/ Эмтрицитабинді тамақпен бір мезгілде қабылдау эфавиренз концентрациясының жоғарылауына және жағымсыз реакциялар жиілігінің артуына алып келуї мүмкін. Эфавиренздің көтерімділігін жақсарту үшін және жүйке жүйесі тарапынан жағымсыз құбылыстарды болдырмау үшін препаратты ұйықтар алдында қабылдау ұсынылады.

Митохондриальді дисфункция

Нуклеозидтер және нуклеотидтер аналогтары өздерін әр түрлі митохондриальді зақымданулардың факторлары ретінде in vitro, сондай-ақ іn vіvo көрсетті. АИВ-теріс балаларда митохондрия функциясының бұзылуы жөнінде хабарламалар түскен, оларға нуклеозидті аналогтар іn utero және постнатальді кезеңде әсер еткен. Гематологиялық бұзылулар (анемия, нейтропения) және метаболизмнің бұзылуы (гиперлактатемия, гиперлипаземия) сияқты негізгі жағымсыз реакциялар туралы хабарлар болған. Бұл құбылыстар көбіне өтпелі сипатқа ие. Кейбір кешеуілдеген неврологиялық бұзылулар (артериялық гипертензия, құрысулар, талапқа сай емес мінез-құлық) жөнінде хабарланған. Бүгінге дейін неврологиялық бұзылулар өтпелі ме немесе тұрақты ма, анық белгісіз. Нуклеотидті және нуклеозидті аналогтар in utero әсер еткен әр бала, зерханалық және клиникалық түрде тексерілуі тиіс және тиісті белгілері және/немесе симптомдары пайда болған жағдайда болуы мүмкін митохондриальді бұзылуларды анықтау үшін медициналық тексеруден өтуі қажет. Бұл нәтижелердің АИВ вертикальді түрде берілуін болдырмау үшін жүкті әйелдерде антиретровирусты препараттарды пайдалану жөніндегі қолданыстағы ұлттық ұсынымдарға қатысы жоқ.

Иммундық реактивация синдромы

АИВ - жұқтырған ауыр иммунитет тапшылығымен емделушілерде біріктірілген антиретровирусты терапия (БАРТ) тағайындалған кезде, симптомсыз және қалдық оппортунистік патогендерге қабыну реакциялары жиілеуі мүмкін және күрделі клиникалық жағдайлардың немесе симптомдар аггравациясының туындау себебі болуы мүмкін. Негізінен мұндай реакциялар БАРТ тағайындаған кезде емнің алғашқы бірнеше аптасы немесе айы ішінде байқалуы мүмкін. Pneumocystis carinii – ден туындаған цитомегаловирусты ретинит, жайылған және/немесе оқшауланған микобактериялық жұқпалар және пневмония көңіл аударарлық үлгісі болып табылады. Біріктірілген антиретровирусты емнің бастапқы фазасы кезінде емделушілердің иммундық жүйесі белсенді немесе шартты - патогенді (оппортунистік) жұқпаларға (Mycobacterium avium, цитомегаловирус, Pneumocystis jirovecii pneumonia, туберкулез) қабыну реакцияларының дамуымен жауап беруі мүмкін. Қабынудың кез келген симптомдары қажет болса бағалануы тиіс, және тиісті ем тағайындалуы керек.

Остеонекроз

Этиологиясы көпфакторлы болып табылғанмен (кортикостероидтар қабылдауды, шамадан тыс алкоголь пайдалану, ауыр иммуносупрессия, жоғары дене салмағы индексін қоса), остеонекроз жағдайы АИВ-жұқпасы айқын білінетін емделушілерде және/ немесе ұзақ уақыт БАРТ жағдайында байқалды. Емделушілер буынның ауыруы, буында сіресу сезімі пайда болғанда немесе қимыл-қозғалыс қиындағанда дәрігерге қаралуы қажеттігі туралы ескертілуі тиіс.

Сүйек жүйесі. Сүйек тінінің минералды тығыздығын (СТМТ) АИВ –1 жұқтырған, сыртартқысында патологиялық сынулары немесе остеопения қаупі бар емделушілерде мониторингтеу қажет. Кальций препараттарының D витаминімен біріктірілімінің тиімділігі зерттелмесе де, бұл препараттарды қолдану барлық емделушілер үшін пайдалы болуы мүмкін. Егер сүйек тарапынан жағымсыз реакцияларға күдік болса, тиісті кеңес алу керек. Тенофовир дизопроксилі фумаратын қолданған кезде омыртқаның бел және жамбас аумағында СТМТ төмендегені, клиникалық маңызды сынулар (аяқ пен қол саусақтарынан басқа), сүйек метаболизмінің биохимиялық маркерлері деңгейінің айқын жоғарылауы (сарысулық сүйектік-спецификалық сілтілік фосфатаза, сарысулық остеокальцин, сарысулық С-телопептид, несептегі N-телопептид), сарысудағы паратиреоидты гормон және D витамині 1,25- дигидрокси деңгейінің артуы жөнінде хабарланған. Тенофовир дизопроксилі фумаратын қолданғанда остеомаляция жағдайы (проксимальді бүйректік тубулопатиямен астасқан) туралы хабарламалар болды.

Каннабиноидтармен өзара әрекеттесуін зерттеу

Эфавиренз каннабиноидтар рецепторларына әсер етпейді.

АИВ-1 мутациясы бар емделушілер

Тенофовир дизопроксилі фумараты/Эфавиренз/ Эмтрицитабин препаратын K65R, M184V/І немесе K103N мутациясымен АИВ-1 штаммдарын жұқтырған емделушілерге тағайындауға болмайды.

Егде жастағы емделушілер.

Тенофовир дизопроксилі фумараты/Эфавиренз/Эмтрицитабин препаратын егде жастағы емделушілерге, бұл емделушілерде болатын бауыр, бүйрек немесе жүрек функцияларының бұзылу жиілігінің артуын, қатарлас жүретін ауруларды және басқа да дәрі-дәрмектік емді ескере отырып сақтықпен тағайындау керек.

Балалар және жасөспірімдер

Емделушілердің бұл санатында препаратты қолданудың тиімділігі және қауіпсіздігі жөнінде мәліметтердің жоқ болуына байланысты, Тенофовир дизопроксил фумараты/ Эфавиренз/Эмтрицитабин препаратын 18 жасқа дейінгі балалар мен жасөспірімдерге қолдану ұсынылмайды.

Контрацепция

Тенофовир дизопроксил фумараты/ Эфавиренз/Эмтрицитабин препаратын қабылдайтын бала туу жасындағы әйелдер жүктіліктен сақтану керек. Тенофовир дизопроксил фумараты/ Эфавиренз/Эмтрицитабин препаратын қабылдау кезінде бөгеттік контрацепция тәсілі әрқашанда контрацепцияның басқа әдістерімен біріктіріліп қолданылуы тиіс (мысалы, гормональді контрацепциялық дәрілер). Эфавиренздің жартылай шығарылу кезеңі ұзақ болғандықтан, препаратты қабылдауды тоқтатқаннан кейін кемінде 12 апта ішінде контрацепцияның тиісті шараларын қолдану қажет. Бала туу жасындағы әйелдер Тенофовир дизопроксил фумараты/ Эфавиренз/Эмтрицитабин препаратын қолданар алдында жүктілікке тест өтуі тиіс.

Жүктілік және лактация кезеңі

Жүкті әйелдерде Тенофовир дизопроксил фумараты/ Эфавиренз/Эмтрицитабиннің бекітілген біріктірілімінің және оның компоненттерін қолданудың тиімділігі және қауіпсіздігі жөнінде талапқа сай және жақсы бақыланатын зерттеудің жоқтығына байланысты Тенофовир дизопроксил фумараты/ Эфавиренз/Эмтрицитабиннің бекітілген біріктірілімін жүктілік кезінде қабылдау ұсынылмайды. АИВ берілуінің қосарланған қаупі бар болғандықтан және препараттың белсенді компоненттерінің сәбиге күрделі негативті жағымсыз әсері болуы мүмкіндігіне байланысты, аналарды бекітілген біріктірілімдер қолдану кезінде емшекпен қоректендіруге жол берілмейтіндігі туралы хабардар еткен жөн.

Дәрілік заттың көлік құралдарын және әлеуетті қауіпті механизмдерді басқару қабілетіне әсер ету ерекшеліктері

Автомобильдерді басқару және механизмдермен жұмыс істеу қабілетіне әсері жөнінде ешқандай зерттеулер жүргізілмеген. Дегенмен, емделушілер тенофовир дизопроксилі фумаратымен емдеу кезінде бас айналуы байқалғаны жөнінде хабардар болуы тиіс. Эфавиренз бас айналуын, зейін шоғырландырудың бұзылуын және/ немесе ұйқышылдықты туындатуы мүмкін. Осы симптомдарды бастан кешірген емделушілерге машиналарды жүргізу немесе пайдалану сияқты қауіптілігі зор жұмыстардан аулақ болуы керектігі жөнінде түсіндіру қажет.

Артық дозалануы

Жүйке жүйесі тарапынан симптомдардың асқынуы, бұлшықеттердің еріктен тыс тартылуы байқалды. Сіңбеген (эфавиренздің артық дозалануында арнайы у қайтарғысы жоқ) эфавирензді шығару үшін белсендірілген көмір қабылдау керек. Эфавирензбен артық дозалану кезінде арнайы у қайтарғысы жоқ. Эфавиренз ақуыздармен тығыз байланысатын болғандықтан, оның қаннан диализдің көмегімен айтарлықтай дәрежеде шығарылу ықтималдығы аз. Гемодиализ көмегімен эмтрицитабиннің 30%-дан астам дозасы және шамамен тенофовирдің 10% дозасы шығарылуы мүмкін. Эмтрицитабин немесе тенофовирдің перитонеальді диализ көмегімен шығарылу-шығарылмауы белгісіз. Артық дозалануда емделушіні уыттануға тексеру керек, стандартты демеуші ем қажетіне қарай қолданылады.

Шығарылу түрі және қаптамасы

Ақ мөлдір емес бұралатын қақапағы бар, жоғары тығыздықтағы полиэтиленнен жасалған ақ мөлдір емес құтыларға 30 таблеткадан салынған. 1 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған пәшкеге салынған.

Сақтау шарттары

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

36 ай

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Mylan Laboratories Limited

F-4& F-12, MIDC, Malegaon, Sinnar,

Nashik – 422 113, Маharashtra, Үндістан

Тіркеу куәлігінің иесі

Mylan Laboratories Limited, Үндістан

Қазақстан Республикасы аумағында тұтынушылардан өнімнің (тауар) сапасы туралы түскен шағымдарды қабылдайтын ұйымның мекенжайы:

«APC Healthcare Limited» Қазақстандағы өкілдігі

050040, Алматы қаласы, Попов көшесі 19, 301 кеңсе

Тел: (8727) 260-84-33, факс: (8727) 386-82-25

Е-mail:rahulsingh@apchealthcare.com