Сультасин
Инструкция
-
русский
-
қазақша
Саудалық атауы
СУЛЬТАСИН
Халықаралық патенттелмеген атауы
Жоқ
Дәрілік түрі
Инъекция үшін ерітінді дайындауға арналған 1,5 г ұнтақ
Құрамы
Бір құтының ішінде
активные белсенді заттар: ампициллиннің натрий тұзы (ампициллинге шаққанда) – 1,0 г,
сульбактамның натрий тұзы (сульбактамға шаққанда) – 0,5 г
Сипаттамасы
Ақ немесе сарғыш реңді ақ түсті ұнтақ. Гигроскопиялы
Фармакотерапиялық тобы
Жүйелі пайдалануға арналған бактерияға қарсы препараттар.
Бета-лактамазалар тежегіштерімен біріктірілген пенициллиндер
АТЖ коды J01СR04
Фармакологиялық қасиеттері
Фармакокинетикасы
Сультасин ағза тіндері мен сұйықтықтарының көпшілігіне өтеді; қабыну кезінде жұлын сұйықтығына өткізгіштігі күрт артады.
Көктамыр ішіне және бұлшықет ішіне енгізгеннен кейін қандағы сульбактам мен ампициллиннің жоғары концентрацияларына жетеді. Жартылай шығарылу кезеңі – 1 сағат (ампициллин мен сульбактам үшін).
Бүйрекпен, көбінесе өзгеріссіз күйде (70 – 80 %), сондай-ақ, өтпен және емшек сүтімен шығарылады. Сультасин метаболикалық өзгерістерге ұшырамайды деуге болады (метаболиттер түрінде препараттың 25 %-ға жуығы шығарылады).
Фармакодинамикасы
Сультасин – әсер ету ауқымы кең бактерицидті антибиотик, қышқылға төзімді. Микроорганизмдердің жасуша жақтауларының пептидогликаны синтезін бөгейді, әсер етуінің басы ампициллин - әсер ету ауқымы кең жартылай синтетикалық антибиотик болып табылады, ол бактериялардың жасуша жақтауларының синтезін бәсеңдете отырып, бактерицидті әсер береді, бета-лактамазалардың әсерімен ыдырайды, қышқылға төзімді. Грамоң және грамтеріс микроорганизмдердің көпшілігіне (стафилококктар, стрептококктар, Haemophilus influenzae et parainfluenzae, Nesseri meningitidis, N.gonorrhoeae, E.coli, Klebsiella spp., Clostridium spp., спора түзбейтін анаэробтарға Pictococcus және Peptostreptococcus spp., Bacteroides, соның ішінде Bacteroides, ffagilis қатысты белсенді.
Екінші құрамдас бөлігі (сульбактам), бактерияға қарсы белсенділігі болмаса да, бета-лактамазаны тежейді және осыған байланысты, ампициллин төзімді (бета-лактамаза өндіруші) штаммдарға қарсы әрекет ету қабілетіне ие болады. Бета-лактамаза өндірмейтін қоздырғыштарға қатысты белсенділігі бір ғана ампициллиннің белсенділігінен аспайды.
Стафилококктардың пенициллиназа өндіруші штаммдарына, көкіріңді таяқшаның барлық штаммдарына, клебсиеллалар мен энтеробактериялар штаммдарының көпшілігіне қатысты тиімсіз.
Қолданылуы
- пневмонияда, өкпе абсцесінде, созылмалы бронхитте, плевра эмпиемасында
- синуситте, тонзиллитте, ортаңғы отитте
- пиелонефрит, пиелит, цистит, уретрит, простатит, эндометритте
- холециститте, холангитте
- тілмеде, импетигода, салдарлы жұқпаланған дерматиттерде
- дизентерияда, сальмонеллезде, сальмонеллалар тасымалдауда
- сүйектер мен буындардың жұқпаларында
- септикалық эндокардитте, менингитте, сепсисте, перитонитте, скарлатинада, гонококкты жұқпада
- іш қуысы мен кіші жамбас мүшелеріне жасалған операциялар кезіндегі операциядан кейінгі асқынулардың алдын алуда
Қолдану тәсілі мен дозалары
Бұлшықет ішіне (б/і), көктамыр ішіне (к/і) (тамшылатып, минутына 60-80 тамшы жылдамдықпен, сорғалатып - баяу, 3-5 минут бойы). К/і 5-7 күн енгізеді, сосын, емдеуді жалғастыру қажет болған жағдайда, б/і қолдануға көшеді.
Әрі қарай ампициллин мен сульбактамның жиынтық дозалары көрсетілген (2:1арақатынаспен).
Жұқпаның жеңіл ағымында – тәулігіне 1.5-3 г 2 енгізеді; орташа ауыр ағымында – тәулігіне 3-6 г 3-4 енгізеді; ауыр ағымында – тәулігіне 12 г 3-4 енгізеді.
Асқынбаған гонореяда -1.5 г, бір рет.
Хирургиялық жұқпалардың алдын алу үшін -1.5-3 г, жансыздандыру кезінде; сосын операциядан кейін 24 сағат бойы - әр 6-8 сағат сайын сол дозада.
Балаларға - 150 мг/кг есебінен тәуліктік дозада (100 мг/кг ампициллин және 50 мг/кг сульбактам); жиілігі – тәулігіне 3-4 рет.
1 аптаға дейінгі жаңа туған сәбилерге және шала туған балаларға - әр 12 сағат сайын.
Емдеу курсы- 5-14 күн (қажет болса – ұзартылуы мүмкін). Температура қалпына келгеннен және басқа патологиялық симптомдары жоғалғаннан кейін, емдеуді тағы 48 сағат бойы жалғастырады.
Созылмалы бүйрек жеткіліксіздігінде (креатинин клиренсі минутына 30 мл кем болса) енгізулер аралығын ұлғайту қажет.
Парентеральді қолдануға арналған ерітінді extempore дайындалады. Құтының ішіндегіге 2 немесе 4 мл инъекцияға арналған су немесе 0,5 % новокаин ерітіндісін немесе натрий хлоридінің изотоникалық ерітіндісін қосады. Б/і енгізу үшін 0,5 % лидокаин ерітіндісімен сұйылтуға жол беріледі. К/і енгізу үшін бір реттік дозасын натрий хлоридінің изотоникалық ерітіндісінде немесе 5 % глюкоза ерітіндісінде 10 мл-ден 200 мл-ге дейінгі көлемде ерітеді.
Жағымсыз әсерлері
- жүрек айнуы, құсу, анорексия, диарея, трансаминазалар белсенділігінің жоғарылауы
- ұйқышылдық, дімкәстану, бас ауыруы
- аллергиялық реакциялар: есекжем, тері гиперемиясы, ангионевротикалық ісіну, ринит, конъюнктивит, қызба, артралгия, сирек – анафилактикалық шок
- жалған жарғақшалы энтероколит
- анемия, лейкопения, тромбоцитопения, эозинофилия
- азотемия, қан мочевинасы мен креатининінің жоғарылауы
- жергілікті реакциялар: б/і енгізгенде – енгізген жердің ауыруы; к/і енгізгенде – флебит
- басқа да: ұзақ емдегенде – препаратқа төзімді микроорганизмдер туғызған супержұқпа (кандидоз)
Қолдануға болмайтын жағдайлар
- асқын сезімталдықта
- жұқпалы мононуклеозда
- лактация кезеңінде
Дәрілермен өзара әрекеттесуі
Сультасин қан өнімдерімен немесе ақуыз гидролизаттарымен, аминогликозидтермен фармацевтикалық үйлесімсіз.
Антацидтер, глюкозамин, іш жүргізетін дәрілер, ас, аминогликозидтер – сіңірілуін баяулатады және төмендетеді; аскорбин қышқылы сіңірілуін арттырады.
Бактерицидті антибиотиктер (соның ішінде, аминогликозидтер, цефалоспориндер, циклосерин, ванкомицин, рифампицин) синергидті; бактериостатикалық препараттар (макролидтер, хлорамфеникол, линкозамидтер, тетрациклиндер, сульфаниламидтер) - антагонистік әсер береді.
Тікелей емес антикоагулянттардың тиімділігін арттырады (ішек микрофлорасын бәсеңдете отырып, К витаминінің синтезін және протромбинтік индексті төмендетеді); пероральді контрацептивтердің тиімділігін азайтады, ПАБҚ және этинилэстрадиол түзілетін метаболизм үдерісіндегі дәрілік заттардың ("лақылдап" қан кетудің даму қаупі).
Диуретиктер, аллопуринол, фенилбутазон, ҚҚСП және өзекшелік сөліністі төмендететін басқа дәрілік заттар концентрациясын жоғарылатады.
Аллопуринол тері бөртпесінің даму қаупін арттырады.
Айрықша нұсқаулар
Дәрігердің тағайындауымен қолдану керек.
Сақтықпен: бауыр және/немесе бүйрек жеткіліксіздігінде, жүктілікте.
Пенициллиндерге сезімталдығы жоғары емделушілерде цефалоспориндік антибиотиктерге айқаспалы аллергиялық реакциялар болуы мүмкін.
Курстық емдеуде қан түзілу мүшелерінің, бауыр мен бүйректің жай-күйіне бақылау жасау қажет.
Оған сезімтал емес микрофлораның өсуі есебінен супержұқпа дамуы мүмкін, ол бактерияға қарсы емді сәйкесінше өзгертуді талап етеді.
Сепсисі бар науқастарды емдеуде бактериолиз реакциялары дамуы мүмкін (Яриш-Герксгеймер реакциясы).
Жүктілік және лактация
Сультасинді жүктілік кезінде сақтықпен тағайындаған жөн. Лактация кезеңінде тағайындау қажет болған жағдайда, бала емізуді тоқтату керек.
- Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері
- Анықталмаған. Артық дозаланғанда
Өте жоғары дозаларда пенициллиндер церебральді (эпилепсиялық) құрысулар тудыруы мүмкін.
Емі: дәрілік препаратты енгізуді тоқтату, су-электролиттік теңгерімді ұстап тұруға арналған тұзды іш жүргізгіш препараттар және симптоматикалық ем.
Шығарылу түрі мен қаптамасы
Сыйымдылығы 10 мл құтыларда инъекция үшін ерітінді дайындауға арналған 1,5 г ұнтақ.
1 құты мемлекеттік және орыс тілдеріндегі медицинада қолданылуы жөніндегі нұсқаулықпен бірге картон пәшкеге салынған.
50 құтыны мемлекеттік және орыс тілдеріндегі медицинада қолданылуы жөніндегі 1-5 нұсқаулықпен бірге стационарларға жеткізуге арналған картон қораптарға салады.
Сақтау шарттары
Құрғақ, жарықтан қорғалған жерде, 20 С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Синтез» ААҚ.
Ресей Федерациясы, 640008, Қорған қ-сы, Конституция даңғылы, 7.
тел./факс (3522) 48-16-89
Тіркеу куәлігінің иесі
«Синтез» ААҚ, Ресей Федерациясы
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«СТОФАРМ» ЖШС, 000100, Қазақстан Республикасы,
Қостанай обл. Қостанай қ-сы, Орал к-сі, 14
тел. 714 228 01 79