Строфантин - Г

• русский
• қазақша

• Скачать инструкцию медикамента

Саудалық атауы

Строфантин-Г

Халықаралық патенттелмеген атауы

Жоқ

Дәрілік түрі

Көктамыр ішіне енгізуге арналған 0,25 мг/мл, 1 мл ерітінді

Құрамы

1 мл ерітінді құрамында:

белсенді зат - уабаин (строфантин Г) - 0,25 мг,

қосымша заттар: лимон қышқылы моногидраты, натрий гидроксиді, инъекцияға арналған су.

Сипаттамасы

Түссіз мөлдір сұйықтық

Фармакотерапиялық тобы

Жүрек ауруларын емдеуге арналған препараттар. Жүрек гликозидтері. Строфант гликозидтері. Строфантин.

АТХ коды С01А С01.

Фармакологиялық қасиеттері

Фармакокинетикасы

Көктамыр ішіне енгізгеннен кейін әсері 2 - 10 минуттан соң байқалады, 30 - 60 - 120 минуттан кейін ең жоғарғы шегіне жетеді және 2 - 3 сағаттан кейін төмендей бастайды. Строфантин-Г әсерінің ұзақтығы 1-ден 3 күнге дейінді құрайды. Препарат қан плазмасы ақуыздарымен строфантин-К-ден күштірек байланысады (40 %), биоөзгеріске түспейді, көбінесе бүйрекпен өзгеріссіз күйде шығарылады. Препарат елеусіз дәрежеде жинақталады. Қан плазмасынан жартылай шығарылу кезеңі орташа алғанда 23 сағатты құрайды; бүйрек функциясы бұзылғанда және егде жастағы науқастарда ұлғаяды.

Фармакодинамикасы

Строфантин-Г (уабаин) – строфант гратус тұқымдарынан алынатын жүрек гликозиді. Строфантин-Г жоғары кардиотонустық белсенділік көрсетеді (1 г препараттың құрамында 4 3000 - 5 4000 ЛЕД (бақаның әсер ету бірлігі), 5 800 - 7 100 КОД (мысықтың әсер ету бірлігі) бар), айқын оң инотропты әсері бар, теріс хронотропты, дромотропты әсерлер береді, солардың нәтижесінде елеулі систолалық әсер береді (экспериментте строфантин К-нің әсеріне жол береді), жүрек ырғағын болар-болмас баяулатады. Гликозидтің кардиотонустық әсері механизмінің негізінде кардиомиоциттердің калий-натрий сорғысына, кальций иондарының алмасуына, катехоламиндердің лабильді деполардан босап шығуына, циклдық аденозинмонофосфат деңгейіне, миокард жиырылуының энергетикалық қамтылуына әсер етуі бар. Жедел жүрек жеткіліксіздігі бар науқастарда Строфантин-Г көктамырлық қан қысымын төмендетеді, диурезді жоғарылатады, ісінуді, ентігуді азайтады.

Қолданылуы

• жедел жүрек жеткіліксіздігінде

• декомпенсацияланған созылмалы жүрек жеткіліксіздігінде (NYHA классификациясы бойынша III – IV дәрежелі), әсіресе дигитоксин препараттарының тиімсіздігінде

• суправентрикулярлық тахикардияда

• жүрекшелердің дірілдеуі мен жыпылықтауында

Қолдану тәсілі мен дозалары

Ересектер мен 15 жастан асқан балаларға баяу көктамырішілік инъекция түрінде қолданады. Препараттың бір реттік дозасын 10 - 20 мл 0,9 % натрий хлориді ерітіндісінде ерітеді және 5 - 6 минут бойы енгізеді.

Дозасы нозологияға және науқастың емдеуге реакциясына байланысты жекелей таңдалады. Қанығу кезеңіндегі дигитализацияның орташа қарқынында тәулігіне 2 рет 1 мл (0,25 мг) (12 сағат аралықпен) енгізеді. Қанығу кезеңінің ұзақтығы орташа алғанда 2 күнді құрайды. Қажет болған жағдайда қосымша – 0,1 - 0,15 мг дозасын 0,5-тен 2 сағатқа дейінгі аралықпен енгізуге болады. Тәуліктік дозасы 1 мг (4 мл) аспауы тиіс. Строфантин-Г демеуші дозасы тәулігіне 0,25 мг аспауы тиіс.

Қанығу кезеңінің ұзақтығы мен дозасының талапқа сайлығы препараттың клиникалық әсерлері бойынша және гликозидтік уыттану белгілерінің пайда болуымен бағаланады.

Жағымсыз әсерлері

Жүрек-қантамыр жүйесі тарапынан: жүрек қағуын сезіну, жүрек ырғағының бұзылуы (тахикардия, брадикардия) автоматизм мен өткізгіштікке әсерінің салдары (қарыншаүстілік тахикардия, экстрасистолия, атриовентрикулярлық блокада және т.б.), төс артының қысылу сезімі, ентігу, миокард инфарктісі

Орталық жүйке жүйесі және шеткергі жүйке жүйесі тарапынан: әлсіздік, ұйқысыздық, бас ауыруы, бас айналуы, депрессия, үрей, елестеулер, психоздар

АІЖ тарапынан: жүрек айнуы, құсу, іш өтуі, шажырқай инфарктісі

Көру мүшелері тарапынан: түс ажырату бұзылыстары

Эндокриндік жүйе тарапынан: гинекомастия

Қан жүйесі тарапынан: тромбоцитопения

Иммунитет жүйесі, тері және теріасты шелмайы тарапынан: аллергиялық реакциялар (тері қышынуы, терінің қызаруы, экзантема)

Жүйелі жағымсыз әсерлер: қатты терлеу

Бүйрек және несеп бөлу жүйесі тарапынан: протеинурия, нефропатия, нефротикалық синдром, приапизм

Қолдануға болмайтын жағдайлар

• препаратқа аса жоғары сезімталдық

• жүрек пен қантамырлардың органикалық зақымданулары, жедел миокардит, эндокардит, айқын кардиосклероз

• жедел миокард инфарктісі

• II - III дәрежелі атриовентрикулярлық блокада

• айқын брадикардия

• гипертрофиялық обструктивті кардиомиопатия және констриктивті перикардит

• гиперкальциемия, гипокалиемия

• каротидтік синус синдромы

• қолқаның кеуде бөлігінің аневризмасы

• синустық түйін әлсіздігі синдромы

• гликозидтік уыттану

• WPW-синдромы

• өкпе гипертензиясы

• жүктілік және бала емізу кезеңі

• 15 жасқа дейінгі балалар

•  

Дәрілермен өзара әрекеттесуі

Кальций антагонистері (әсіресе верапамил), хинидин, эритромицин, тетрациклин, амиодарон, метилдопа, клонидин, спиронолактон, каптоприл шығарылуын баяулатады (бүйректің проксимальді өзекшелерінің сөліністі бәсекелесе төмендетуі салдары) және плазмадағы строфантин концентрациясын арттырады (бірге қолдану қажет болған жағдайда Строфантин-Г дозасын 2 есе төмендетеді).

Симпатомиметиктер, кальций тұздары, метилксантин (теофиллин және басқалар), аритмияға қарсы дәрілер ырғақ бұзылу қаупін арттырады.

Магний сульфатын қолданғанда жүректің өткізгіштігі мен атриовентрикуярлық бөгелісінің төмендеу мүмкіндігі артады.

Адреномиметиктер, метилксантиндер, резерпин, үш циклдік антидепрессанттар жүрек ырғағының бұзылу мүмкіндігін арттырады.

Бета-блокаторлар мен IA кластық аритмияға қарсы дәрілік заттар, верапамил мен магний сульфаты AV өткізгіштіктің айқын төмендеуін күшейтеді.

Глюкокортикоидтар мен диуретиктер гипокалиемия мен гипомагниемияның даму қаупін арттырады, ангиотензин өзгертуші ферменттің тежегіштері мен II ангиотензин рецепторларының антагонистері – төмендетеді.

Са2+ тұздары, катехоламиндер, диуретиктер (көбінесе тиазидтік және карбоангидраза тежегіштері), глюкокортикоидтар, инсулин, инозин гликозидтік уыттанудың даму қаупін жоғарылатады.

Айрықша нұсқаулар

Емдік әсерінің ауқымы аздығын ескере отырып, емдеу кезінде мұқият медициналық қадағалау және дозасын жекелей таңдау қажет.

Гипокалиемия, гипомагниемия, гиперкальциемия, гипернатриемияда, жүрек қуысының айқын дилятациясында, «өкпе» жүрегінде, алкалозда, егде науқастарда артық дозалану ықтималдығы артады. І дәрежелі атриовентрикулярлық бөгелісте, жүрек қуысының айқын дилатациясында, «өкпе» жүрегінде, алкалозда, егде науқастарда, тиреотоксикозбен және жүрекшелік экстрасистолиямен науқастарда, бүйрек функциясы бұзылғанда аса сақ болу және ЭКГ бақылауы қажет.

Строфантин-Г препаратын көктамыр ішіне енгізген кезде және енгізгеннен кейін 1 сағат бойы ЭКГ бақылауын жүргізу қажет. Жиі, топтасқан немесе политопты қарыншалық экстрасистолия туындаса, енгізуді тоқтату қажет, ал келесі дозасын 2 есеге азайту керек.

Бүйректің бөліп шығару функциясы бұзылғанда (гликозидтік уыттанудың алдын алу үшін) және егде және қарттық жастағы науқастарға препаратты төменірек дозалардан, 0,125 - 0,15 - 0,2 мг бастап енгізу ұсынылады, ал әрі қарай дозасын тәулігіне 0,25 мг асырмау керек (ургенттік жағдайларды қоспағанда). Көктамыр ішіне жылдам енгізгенде брадиаритмия, қарыншалық тахикардия, атриовентрикулярлық блокада дамуы, жүрек тоқтауы мүмкін. Бұл әсердің алдын алу үшін тәуліктік дозаны 2 - 3 енгізуге бөледі немесе олардың біреуін бұлшықет ішіне енгізеді. Егер науқасқа бұрын басқа жүрек гликозидтерін қолданған болса, кумуляциялық қасиеттерінің айқындығына байланысты, Строфантин-Г препаратын көктамыр ішіне енгізгенге дейін 5 - 24 күн үзіліс жасау керек. Емдеуді үнемі ЭКГ бақылауымен жүргізеді.

Дәрілік заттың көлік құралдарын және қауіптілігі зорі механизмдерді басқару қабілетіне ықпал ету ерекшеліктері

Емдеу кезінде автокөлік басқаруды және жоғары зейін шоғырландыру мен психомоторлық реакциялар жылдамдығын қажет ететін қауіптілігі зор басқа қызмет түрлерімен шұғылдануды тоқтата тұру керек.

Артық дозалануы

Артық дозалану белгілері әр түрлі:

Жүрек-қантамыр жүйесі тарапынан: жүрек ырғағының бұзылуы (қарыншалық пароксизмальді тахикардия, қарыншалық экстрасистолия, соның ішінде, бигеминия, политопты қарыншалық экстрасистолия, түйінді тахикардия, SA блокада, жүрекшелердің дірілдеуі мен фибрилляциясы, AV блокада)

Ас қорыту жолы тарапынан: тәбеттің төмендеуі, жүрек айнуы, құсу, диарея, іштің ауыруы, ішек некрозы

Орталық жүйке жүйесі мен сезім мүшелері тарапынан: бас ауыруы, қатты шаршау, сирек – түс айырудың бұзылуы (көзге көрінетін заттардың сары-жасыл болып көрінуі), көз алдының бұлыңғырлануы, көру жітілігінің төмендеуі, скотома, макро- және микропсия, өте сирек – сананың шатасуы, синкопальді жағдайлар, маниакальді-депрессивті синдром, парестезиялар.

Басқалар: неврит, радикулит.

Емі: жүрек гликозидтерін тоқтату немесе кезекті дозаларын азайту және енгізу арасындағы уақыт аралықтар ұлғайту қажет. У қайтарғыларын тағайындайды (натрий димеркаптопропансульфонаты, натрий кальций эдетаты), симптоматикалық ем жүргізеді. Аритмияға қарсы дәрілік заттар ретінде I класты препараттарды (лидокаин, фенитоин) қолданады. Гипокалемия жағдайында көктамыр ішіне KCl енгізу көрсетілген (0,5 л 5% декстроза ерітіндісіне және 6-8 ХБ қысқа әсерлі инсулинге 1-1,5 г есебінен тәулігіне 6-8 г : 3 сағат бойы тамшылатып енгізеді). Айқын брадикардияда, AV блокадада м-холиноблокаторларын тағайындайды. Жүрек гликозидтерінің проаритмогенді әсерінің күшеюі мүмкін болғандықтан, бета-адреномиметиктерді енгізу қауіпті. Морганьи-Адамс-Стокс ұстамаларымен толық көлденең бөгелісте уақытша электрокардиостимуляцияны қолданады.

Шығарылу түрі және қаптамасы

1 мл препараттан СПЦ-04-014 бойынша УСП-1 және НС-3 маркалы шыныдан жасалған ампулаларда.

10 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен және скарификатормен немесе керамикалық кескіш дискімен бірге картон қорапшаға салынған.

Ампулада сындыру сақиналары немесе нүктелері болса, скарификатор немесе керамикалық кескіш дискі қорапшаға салынбайды.

Сақтау шарттары

Жарықтан қорғалған жерде, 15 °С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

„ДЗМҒО” тәжірибе зауыты” ЖШҚ.

Украина, Харьков қ., Воробьев к-сі, 8.

Тіркеу куәлігінің иесі

„ДЗМҒО” тәжірибе зауыты” ЖШҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Мекенжайы: „ДЗМҒО” тәжірибе зауыты” ЖШҚ

Украина, Харьков қ., Воробьев к-сі, 8

Телефон: 752-30-17

Факс: 752-30-17

Электронды поштасы: office@gncls.com

Қазақстан Республикасы аумағындағы сенімді тұлға

Мекенжайы: «КФК Медсервис Плюс» ЖШҚ

050004, Қазақстан Республикасы, Алматы қ., Мәметова к-сі, 54

Телефон/факс: (727) 279 98 21

Электронды поштасы: pharmanadzor@medservice.kz