Старфлю-75 (Осельтамивир)

Старфлю-75

Осельтамивир

Дәрілік түрі, дозасы

Капсулалар 75 мг

Жүйелі пайдалануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Нейраминидаза тежегіштері. Осельтамивир.

АТХ коды J05AH02

Тұмауды емдеу

Старфлю-75 ересек пен балаларда, оның ішінде 48 сағаттан аспайтын симптомдар байқалған мерзімі жетіп туған нәрестелерді қоса алғанда, тұмаудың А және В инфекцияларынан туындаған жедел асқынбаған ауруларды емдеу үшін көрсетілген.

Тұмаудың профилактикасы

Старфлю-75 1 жастан асқан пациенттерде А және В тұмаудың профилактикасы үшін көрсетілген.

Қолданылуына шектеулер

Старфлю-75 мемлекеттік/ресми иммунизациялау практикасы жөніндегі денсаулық сақтау органы ұсынған жыл сайынғы тұмауға қарсы вакцинацияны алмастырмайды.

Тұмау вирустары уақыт өте келе өзгереді. Тұрақтылықты тудыратын мутациялардың пайда болуы препараттың тиімділігін төмендетуі мүмкін. Басқа факторлар (мысалы, вирус вируленттілігінің өзгеруі) вирусқа қарсы препараттардың клиникалық пайдасын төмендетуі мүмкін. Старфлю-75 қолдану туралы шешім қабылдау кезінде осы препаратты тағайындайтын адамдар тұмауға сезімталдық модельдері және емдеу әсері туралы қолда бар ақпаратты ескеруі тиіс.

Старфлю-75 диализ емшарасын өтпейтін терминальді сатылы бүйрек жеткіліксіздігіне шалдыққан пациенттерге қабылдауға ұсынылмайды.

Қолдануды бастағанға дейін қажетті мәліметтер тізбесі

Старфлю-75 осельтамивирге немесе өнімнің кез келген компонентіне белгілі елеулі аса жоғары сезімталдығы бар пациенттерге қарсы көрсетілімді. Ауыр аллергиялық реакцияларға анафилаксия және терінің ауыр реакциялары, соның ішінде уытты эпидермальді некролиз, Стивенс-Джонсон синдромы және мультиформалы эритема жатады.

Қолдану кезіндегі қажетті сақтық шаралары

Қатысы жоқ.

Басқа дәрілік препараттармен өзара әрекеттесуі

Тұмауға қарсы вакциналар

Тірі аттенуирленген тұмау вакцинасы

Тірі аттенуирленген тұмау вакцинасымен (ТАТВ) Старфлю-75 қатарлас интраназальді қолдану бағаланбады. Алайда, Старфлю-75 тірі вакцина вирусының репликациясын басу және, мүмкін, ТАТВ тиімділігін төмендету қабілетіне байланысты, егер медициналық себептермен тағайындалмаса, Старфлю-75 енгізілгенге дейін немесе 48 сағаттан кейін 2 апта ішінде ТАТВ енгізуден аулақ болыңыз.

Белсенділігі жойылған тұмау вакцинасы

Белсенділігі жойылған тұмау вакцинасын Старфлю-75 қолдануға қатысты кез келген уақытта енгізуге болады.

Старфлю-75 қабылдау кезінде клиникалық маңызды дәрілік өзара әрекеттесуін көрсетпейтін препараттар

Осельтамивирді амоксициллинмен, ацетаминофенмен, аспиринмен, циметидинмен, антацидтермен (магний және алюминий гидроксидтерімен және кальций карбонаттарымен), римантадинмен, амантадинмен немесе варфаринмен бір мезгілде тағайындаған кезде не осельтамивир үшін, не қатарлас препарат үшін дозаны ешқандай түзету талап етілмейді.

Арнайы ескертулер

Ауыр тері реакциялары / аса жоғары сезімталдық реакциялары

Анафилаксия және уытты эпидермальді некролизді, Стивенс-Джонсон синдромын және мультиформалы эритеманы қоса алғанда, ауыр тері реакциялары жағдайлары Старфлю-75 нарыққа шыққаннан кейін тіркелді. Старфлю-75 қабылдауды тоқтатыңыз және аллергиялық реакция туындауына күмән туындағанда немесе аллергиялық реакциялар туындағанда тиісті ем тағайындаңыз. Старфлю-75 қолдану осельтамивир фосфатына белгілі ауыр жоғары сезімталдығы бар пациенттерге қарсы көрсетілімді [Қолдануға болмайтын жағдайлар және жағымсыз реакциялар қараңыз].

Нейропсихиатриялық құбылыстар

Препарат нарыққа шыққаннан кейін, делирий және жарақатқа әкеп соғатын, ал кейбір жағдайларда өліммен аяқталатын Старфлю-75 қабылдаған тұмаумен ауыратын пациенттерде әденттен тыс мінез-құлық туралы хабарламалар тіркелді [«Жағымсыз реакциялар» қараңыз]. Бұл құбылыстар клиникалық практика кезінде ерікті түрде хабарланғандықтан, жиілікті бағалау мүмкін емес, бірақ олар Старфлю-75 қолдану деректері негізінде ерекше болып көрінеді. Бұл құбылыстар негізінен балалар арасында тіркелді және көбінесе кенеттен басталып, пациенттердің жағдайы тез қалпына келді. Старфлю-75-тің бұл құбылыстарға қосқан үлесі анықталған жоқ. Тұмау әртүрлі неврологиялық және мінез-құлық симптомдармен байланысты болуы мүмкін, олар елестеулер, делирий және әдеттен тыс мінез-құлық сияқты құбылыстарды қамтуы мүмкін, кейбір жағдайларда өлімге әкеледі. Бұл құбылыстар энцефалит немесе энцефалопатия аясында пайда болуы мүмкін, бірақ айқын білінбейтін ауыр аурусыз пайда болуы мүмкін. Старфлю-75 қабылдайтын тұмаумен ауыратын пациенттердің жағдайын әдеттен тыс мінез-құлық белгілерінің болуына мұқият бақылаңыз. Психоневрологиялық симптомдар пайда болған жағдайда, әрбір пациент үшін Старфлю-75 қабылдауды жалғастырудың қауіптері мен пайдасын бағалаңыз.

Бактериялық инфекцияны жұқтыру қаупі

Тұмау вирустарынан басқа, өзге патогенді микроорганизмдер туындатқан кез-келген ауру кезінде Старфлю-75 тиімділігіне қатысты ешқандай дәлел жоқ. Ауыр бактериялық инфекциялар тұмауға ұқсас симптомдардан басталуы мүмкін немесе бірге өмір сүруі немесе тұмау кезінде асқынулар түрінде пайда болуы мүмкін. Мұндай асқынулардың алдын алу үшін Старфлю-75 көрсетілмейді. Осы препаратты тағайындаған адамдар салдарлы бактериялық инфекциялардың пайда болу мүмкіндігін түсініп, оларды тиісті түрде емдеуі керек.

Жүктілік немесе лактация кезінде

Жүктілік және бала емізу

Препаратпен байланысты қолайсыз даму нәтижелерінің қаупі туралы хабарлау үшін жүкті әйелдердің арасында Старфлю-75 тиісті және қатаң бақыланатын зерттеулер жоқ. Жарияланған эпидемиологиялық деректер кез-келген триместрде қабылданған Старфлю-75 туа біткен ақаулардың жоғарлау қаупімен байланысты емес екенін көрсетеді. Алайда, бұл зерттеулер жеке-жеке салыстырудың әртүрлі топтарын қолдана отырып, үлгінің шағын мөлшерімен шектеледі, ал кейбіреулерінде қауіп-қатерді дәл бағалауға кедергі келтіретін доза туралы ақпарат жетіспейді.

Халықтың көрсетілген топтары үшін негізгі туа біткен даму кемістіктері мен түсіктердің фондық қаупі белгісіз. Барлық жүктілік туа біткен ақаулардың, жоғалудың немесе басқа қолайсыз нәтижелердің фондық қаупіне ие.

Жарияланған шектеулі мәліметтерге сүйене отырып, осельтамивир мен осельтамивир карбоксилаты ана сүтінде табиғи тамақтандырылған нәрестеде уыттылыққа әкелуі екіталай деп саналатын АЗ концентрацияда болатындығы көрсетілген. Препарат нарыққа шыққаннан кейін, нәрестелердегі емшек сүті арқылы осельтамивир әсерінің елеулі жағымсыз әсерлерін болжау үшін ешқандай ақпарат берілмеді. Осельтамивирдің сүттің өндірілуіне әсер ететіні белгісіз. Бала емізудің дамуы мен денсаулығына тигізетін пайдасын, сондай-ақ ананың Старфлю-75-ке клиникалық қажеттілігін және препаратқа немесе ананың негізгі ауруына байланысты емшек сүтімен қоректенетін нәрестеге кез-келген жағымсыз әсерлерді ескеру қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Осельтамивир фосфатының капсулалары көлік құралын басқару және механизмдермен жұмыс істеу қабілетіне әсер етпейді.

Қолдану бойынша ұсынымдар

Дозалау режимі

Тұмауды емдеу

Тұмау симптомдары пайда болғаннан кейін 48 сағат ішінде Старфлю-75 қолданып, емді бастау

жасөспірімдер (13 жастағы және одан асқан):

Ересектер мен 13 жастағы және одан асқан жасөспірімдерде тұмауды емдеу үшін ішке қабылдау үшін ұсынылатын Старфлю-75 дозасы 5 күн ішінде тәулігіне екі рет 75 мг бір капсуланы құрайды.

Балалар (1 жас пен 12 жас аралығында):

Тұмауды емдеу үшін дене салмағына қарай түзетілген, ішке қабылдау үшін ұсынылатын Старфлю-75 дозасы

1-кесте: Балалардағы тұмауды емдеу үшін ұсынылатын Старфлю-75 дозасы

Тұмаудың профилактикасы

Инфекция жұқтырған адаммен жақын қарым-қатынастан кейін 48 сағат ішінде Старфлю-75 көмегімен жанасудан кейінгі профилактиканы бастаңыз. Қоғамда ауру өршіген кезінде Старфлю-75 көмегімен маусымдық профилактиканы бастаңыз.

Ересектер мен жасөспірімдер (13 жастағы және одан асқан):

Ересектер мен 13 жастағы және одан асқан жасөспірімдерде тұмаудың алдын алу үшін ұсынылатын Старфлю-75 дозасы инфекция жұқтырған адаммен тығыз байланыста болғаннан кейін кемінде 10 күн ішінде және қоғамда ауру өршіген кезінде 6 аптаға дейін тәулігіне бір рет 75 мг (тәулігіне бір рет 75 мг капсула) құрайды.

Иммунитеті әлсіреген пациенттерде Старфлю-75 қабылдау 12 аптаға дейін жалғасуы мүмкін. Қорғау ұзақтығы Старфлю-75 дозасын қабылдау жалғасқанға дейін созылады.

Тұмау эпидемиясы кезіндегі профилактика: 12 жасқа дейінгі балаларда тұмау эпидемиясы кезінде препаратты профилактикалық қолдану бойынша зерттеулер жүргізілген жоқ.

Балалар (0-ден 12 жасқа дейін):

Емі: 0-12 айлық сәбилерді емдеу үшін ұсынылатын доза: тәулігіне екі рет 3 мг/кг. Дозалау жөніндегі ұсынымдар осельтамивир фармакокинетикасы мен қауіпсіздігін зерттеу нәтижелеріне негізделген, оған сәйкес көрсетілген жастағы балаларда 3 мг/кг доза болжамды клиникалық тиімді болып табылатын және балалар мен егде жастағы жасөспірімдерде байқалатын бейінмен салыстырылатын қауіпсіздік бейінін қамтамасыз ететін ізашар дәрі мен плазмадағы белсенді метаболиттің осындай концентрацияларын алуға мүмкіндік береді (5.2-бөлімді қараңыз). 0-12 айлық сәбилерді емдеу үшін келесі дозалау режимін қолдану ұсынылады:

2-кесте: Балалардағы тұмауды емдеу үшін ұсынылатын Старфлю-75 дозасы

* Бұл кестеде көрсетілген популяция үшін дене салмағының барлық ықтимал нұсқалары болмауы мүмкін. 1 жасқа дейінгі барлық пациенттер үшін доза дене салмағының 3 мг/кг арақатынасына сүйене отырып, анықталуы тиіс.

** Иммунитеті әлсіреген нәрестелер (0-12 ай) үшін ұсынылатын ұзақтығы 10 күнді құрайды. Қосымша ақпарат алу үшін «Халықтың арнайы топтары, иммунитеті әлсіреген пациенттер» бөлімін қараңыз»

Пациенттердің ерекше топтары

Бауыр функциясы бұзылған пациенттер

Жеңіл және орташа бауыр жеткіліксіздігі бар пациенттерде дозаны түзету талап етілмейді. Бауырдың ауыр жеткіліксіздігі бар пациенттердегі қауіпсіздік пен фармакокинетикасы бағаланбады.

Бүйрек функциясының бұзылуы

Бүйрек функциясы қалыпты пациенттермен салыстырғанда бүйрек жеткіліксіздігі бар пациенттерде қанда осельтамивир карбоксилат деңгейі анағұрлым жоғары болды, бұл Старфлю-75-пен байланысты жағымсыз реакциялардың даму қаупін арттыруы мүмкін. Сондықтан жоспарлы гемодиализ емшарасынан өтетін немесе перитонеальді диализбен үздіксіз емделген сарысудағы креатинин клиренсі 10-нан 60 мл/мин дейінгі пациенттер үшін және бүйрек жеткіліксіздігінің терминальді сатысына (БЖТС) шалдыққан пациенттер үшін дозаны түзету ұсынылады.

Старфлю-75 диализден өтпейтін БЖТС бар пациенттерге қабылдауға ұсынылмайды.

Бүйрек жеткіліксіздігінің әртүрлі сатылары бар ересектердегі тұмауды емдеуге және алдын алуға арналған доза бойынша ұсынымдар (креатинин клиренсі минутына ≤90 мл).

3-кесте: Диализ емшарасынан өтетін бүйрек жеткіліксіздігі немесе бүйрек жеткіліксіздігінің терминальді сатысы (ЖСЖ) бар ересектерде тұмауды емдеу және алдын алу үшін ұсынылатын доза өзгерістері

† ББайланыстан кейінгі профилактиканың ұсынылатын ұзақтығы кемінде 10 күнді, ал қоғамда ауру өршіген кезде профилактиканың ұсынылатын ұзақтығы (маусымдық/әсер еткенге дейін) - 6 аптаға дейін (немесе иммунитеті әлсіреген пациенттерде 12 аптаға дейін) құрайды.

‡ Деректер тұрақты амбулаторлық перитонеальді диализде (ТАПД) жүрген пациенттердің қатысуымен жүргізілген зерттеулерден алынған.

Егде жастағы пациенттер

Егер ауыр бүйрек жеткіліксіздігінің белгілері болмаса, дозаны түзету қажет емес.

Старфлю-75 капсуласынан ішке қабылдауға арналған суспензияны шұғыл дайындау

Төмендегі нұсқаулар тек төтенше жағдайлар кезінде және денсаулық сақтау органы мақұлдаған жағдайда, коммерциялық мақсатта дайындалған, ішке қабылдау үшін суспензияны дайындауға арналған осельтамивир көтерме саудагерлерде немесе өндірушіде болмағанда ғана қолдануға арналған.

Шұғыл дайындық бойынша келесі нұсқаулықтарды сақтай отырып, пациент тұмауды емдеудің 5-күндік курсы немесе тұмаудың профилактикасы 10-күндік курсы үшін жеткілікті Старфлю-75 алады:

№ 1 қадам: Дайындау үшін қажетті ішке қабылдау үшін суспензияның жалпы көлемін анықтау кезінде пациент үшін осельтамивир фосфаты капсуласының дозасын анықтау, АҚШ Фарм. [3.2 «Қолдану тәсілі және дозалары» қараңыз] (4-кестені қараңыз).

4-кесте Шұғыл дайындау: осельтамивир фосфаты капсуласының дозасына есептегенде ішке қабылдау үшін дайындалған суспензия көлемі (мл-ге 6 мг)

* Егер осельтамивир фосфаты капсуласының дозасының мәні көрсетілген мәндердің арасында болса, онда ішке қабылдау үшін дайындалған суспензияның жалпы көлемін анықтау үшін дозаның көрсетілген үлкен мәнін пайдаланыңыз.

№ 2 қадам: Дайындалуы келесі толтырғыштардың біреуін қолдану арқылы жүзеге асырылуы керек (басқа толтырғыштар зерттелуде): Cherry Syrup (Humco®), Ora-Sweet® SF (қантсыз) (Paddock Laboratories) немесе қант шәрбаты. Толық емдеу немесе профилактикалық курсы үшін ішке қабылдауға арналған дайындалған суспензияның (мл-ге 4 мг) жалпы көлемін дайындау үшін (жоғарыдағы 4-кестені қараңыз) қажетті капсулалардың санын және су мен толтырғыштың мөлшерін анықтаңыз (5-кестені қараңыз).

5-кесте Шұғыл дайындық: 75 мг осельтамивир фосфаты капсуласының саны және ішке қабылдау үшін дайындалған суспензияның жалпы көлемін дайындау үшін қажетті су мен тасымалдағыштың мөлшері (мл-ге 6 мг)

* Барлық дозалардың жеткізілуін қамтамасыз ету үшін артық мөлшерді қамтиды

№ 3 қадам: 75 мг (6 мг/мл) осельтамивир фосфаты капсуласын қолданып, ішке қабылдауға арналған суспензияны дайындау үшін төмендегі нұсқауларды орындаңыз:

Басқа материалдардан жасалған құтыда сұйылту ұсынылмайды, себебі басқа материалдардан жасалған құтыларды қолданған кезде тұрақтылық туралы деректер жоқ.

• Тоңазытқышта: [2° - 8 °C (36° - 46 °F)]: Тоңазытқышта сақталған кезде 5 апта бойы тұрақты.

• Бөлме температурасында [25°C (77 ° F)]: Бөлме температурасында сақтау кезінде 5 күн бойы тұрақты.

Енгізу әдісі мен жолы

Пероральді қабылдау әдісі

Қабылдау уақыты көрсетілген қолдану жиілігі

Емдеу үшін тәулігіне 2 рет, алдын алу үшін тәулігіне 2 рет, дәл ақпарат дозалау режимі тармағында көрсетілген.

Емдеу ұзақтығы

Емдеу ұзақтығы қабылдау мақсатына, алдын алу немесе емдеуге, пациенттердің жасына және санатына байланысты, толығырақ ақпаратты дозалау режимінде қараңыз.

Артық дозалану жағдайында қабылдануы қажет шаралар

Осельтамивирдің артық дозалануы туралы хабарламалар клиникалық сынақтар барысында және тіркеуден кейінгі қолдану тәжірибесі барысында алынды.

Артық дозалануы туралы хабарлайтын көп жағдайларда жағымсыз реакциялар болған жоқ. Артық

дозаланғаннан кейін хабарланған жағымсыз реакциялар табиғаты бойынша осельтамивирдің емдік дозаларын қабылдау кезінде байқалған жағымсыз реакцияларға ұқсас болды.

Дәрілік препараттың бір немесе бірнеше дозасын өткізіп алған кезде қажетті шаралар

Қатысы жоқ.

Тоқтату симптомдары қаупінің болуын көрсету

Қатысы жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар

Осы нұсқаулықта қажетті ақпарат болмаған жағдайда медицина қызметкеріне жүгіну қажет.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз реакциялардың жиілігін сипаттау үшін келесі жіктеу қолданылады:

өте жиі (≥1/10), жиі (≥1/100 және <1/10), жиі емес (≥1/1000 және <1/100), сирек (≥1/10000 және <1/1000) және өте сирек (<1/10000). Тиісті санат клиникалық зерттеулерді біріктірілген талдау негізінде жағымсыз реакцияларға беріледі.

≥1% ересектер мен жасөспірімдерде пайда болатын жағымсыз реакциялар (13 жастан жоғары)

Инфекциялар мен инвазиялар

Жиі: бронхит, Herpes simplex, назофарингит, жоғарғы тыныс алу жолдарының инфекциялары, синусит

Қан және лимфа жүйесі тарапынан бұзылулар

Сирек: Тромбоцитопения

Иммундық жүйе тарапынан бұзылулар

Жиі емес: аса жоғары сезімталдық реакциялары

Сирек: анафилаксиялық реакциялар, анафилактоидты реакциялар

Жүйке жүйесі тарапынан бұзылулар

Өте жиі: бас ауыруы

Жиі: ұйқысыздық

Жиі емес: сананың өзгеруі, құрысулар

Көру мүшесі тарапынан бұзылулар

Сирек: көрудің бұзылуы

Тыныс алу жолдары, кеуде ағзалары жүйесі және көкірек ортасы тарапынан бұзылулар

Жиі: Жөтел, тамақтың ауыруы, ринорея

Жалпы бұзылулар және енгізу орнындағы бұзылулар 

Жиі: ауыру, бас айналу (вертигоны қоса алғанда), қажу, қызба, аяқ-қолдың ауыруы

Тері және тері асты тіндері тарапынан бұзылулар

Жиі емес: - бөртпе, дерматит, есекжем, экзема

Сирек: ангионевроздық ісіну, уытты эпидермальді некролиз, Стивенс-Джонсон синдромы, мультиформалы эритема

Асқазан-ішек жолы тарапынан бұзылулар

Өте жиі: жүрек айнуы

Жиі: құсу, іштің ауыруы (іштің жоғарғы бөлігінің ауыруын қоса), диспепсия

Сирек: асқазан-ішектен қан кету, геморрагиялық колит

Жүректің тарапынан бұзылулар

- аритмия

Бауыр мен өт шығару жолдары тарапынан бұзылулар:

Жиі емес: «бауыр» ферменттері белсенділігінің артуы

Сирек: фульминантты гепатит, бауыр жеткіліксіздігі, гепатит

Жүйке жүйесі тарапынан бұзылулар 

- құрысулар

Зат алмасу және тамақтану тарапынан бұзылулар

- диабеттің өршуі

Психикалық бұзылулар

- патологиялық мінез-құлық, делирий, оның ішінде елестеулер, қозу, мазасыздық, сана деңгейінің өзгеруі, сананың шатасуы, қорқынышты түстер, сандырақ сияқты симптомдар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат - осельтамивир фосфаты 98.500 мг (75.000 мг осельтамивирге баламалы)

қосымша заттар: Жүгері крахмалы

желатинделген, натрий кроскармеллозасы, повидон, изопропил спирті, тальк, натрий стеарилфумараты,

капсуланың қабығы: титанның қостотығы (Е171), темірдің қызыл тотығы (Е172), темірдің сары тотығы (Е172), желатин, натрий лаурилсульфаты, тазартылған су.

Таңбалау үшін қолданылатын қара сия: шеллак, абсолютті спирт, изопропил спирті, бутил спирті, пропиленгликоль, концентрацияланған аммиак ерітіндісі, темірдің қара тотығы (Е172), калий гидроксиді.

Сыртқы түрінің, иісінің, дәмінің сипаттамасы

Қоңыр түсті корпусы және крем түсті қақпағы бар, корпусында қара түсті баспа сиямен орындалған «75» таңбасы мен капсула қақпағында «ОР» таңбасы бар және өлшемі №2 қатты желатинді капсулалар.

Капсуланың ішіндегісі - ақтан ақ дерлік түске дейінгі ұнтақ.

Шығарылу түрі және қаптамасы

10 капсуладан поливинилхлоридті/ поливинилдихлоридті үлбірден және алюминий фольгадан жасалған пішінді ұяшықты қаптамаға салады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

4 жыл.

Жарамдылық мерзімі өткеннен кейін қолдануға болмайды!

25 °С-ден аспайтын температурада.

Балалардың қолы жетпейтін жерде сақтау керек!

рецепт арқылы.

Өндіруші туралы мәліметтер

Strides Pharma Science Limited

36/7, Suragajakkanahalli, Indlavadi Cross, Anekal Taluk,

Бангалор – 562 106, ҮНДІСТАН

тел.: 91-80-67840738/290, факс,91-80-67840700/800

Тіркеу куәлігінің ұстаушысы

Strides Pharma Science Limited

«Strides House» Bilekahalli, Bannerghatta Road,

Бангалор – 560 076, ҮНДІСТАН

тел.: 91-80-67840738/290, факс,91-80-67840700/800

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Попова Татьяна Александровна» ЖК, 050057, Қазақстан Республикасы, Алматы қ., Бұқар Жырау 65, 8 пәтер,

Тел.: +7 7713009907, e-mail: popovakz@gmail.com