Спазмолизин
Инструкция
-
русский
-
қазақша
Саудалық атауы
Спазмолизин
Халықаралық патенттелмеген атауы
Дротаверин
Дәрілік түрі
Ректальді суппозиторийлер, 40 мг
Құрамы
Бір суппозиторийдің құрамында
белсенді зат - 40 мг дротаверин гидрохлориді
қосымша заттар: суппозиторийге арналған негіз: - суппоцир АМ (қатты май).
Сипаттамасы
Цилиндроконус пішінді, сарғыштау реңді ақ түсті суппозиторийлер. Қимасында ауалы, кеуекті өзегі мен шұңғыма тәрізді ойығы болуына жол беріледі.
Фармакотерапиялық тобы
Асқазан-ішек жолы тарапынан болатын функционалдық бұзылуларды емдеуге арналған препараттар. Папаверин және оның туындылары.
АТХ коды A03A D02
Фармакологиялық қасиеттері
Фармакокинетикасы
Дротаверин жылдам сіңіріледі. Ең жоғарғы концентрациясына 40-50 минуттан кейін жетеді. Плазма ақуыздарымен байланысы – 95-98%. Тіндерге біркелкі таралады. Дротаверин ГЭБ арқылы өтпейді.
Бауырда метаболизденеді. 72 сағаттан кейін ағзадан толығымен дерлік шығарылады. Бүйрекпен 50%-ға жуығы және нәжіспен (30%)-ға жуығы шығарылады.
Фармакодинамикасы
Дротаверин - түйілуді басатын дәрі, изохинолиннің туындысы. Әсер ету ауқымы тар препарат. Әсер ету механизмі фосфодиэстераза IV белсенділігін бәсеңдетуінен тұрады, бұл жасуша ішінде цАМФ жиналуына және соның салдары ретінде миозин киназасының жеңіл тізбегі белсенділігінің жойылуына алып келеді, соның нәтижесінде тегіс бұлшықеттердің босаңсуы жүреді.
Тамырлардың мен ішкі ағзалардың (асқазан-ішек жолдарының, билиарлық, урогенитальді жолдар мен жүрек-қантамыр жүйесінің) тегіс бұлшықеттері тонусын төмендетіп, олардың қимыл-қозғалыс белсенділігін төмендеді, қантамырларды сәл кеңітеді (вазодилатациялаушы әсері), артериялық қысымды төмендетеді. Вегетативтік жүйке жүйесіне және орталық жүйке жүйесіне әсер етпейді.
Қолданылуы
- бүйрек, бауыр және ішек шаншуларында
- өт қабы мен өт шығару жолдарының гипермоторлы дискинезиясында
- пилороспазмда
- асқазан және он екі елі ішектің өршу сатысындағы ойық жарасы
- спастикалық колитте
- спастикалық іш қатуларда
- проктитте
- газдардың іркілуі салдарынан операциядан кейінгі шаншуларда
- шеткергі және ми тамырларының тарылуында
- альгодисменореяда
- қауіпті аборт және мерзімінен бұрын босану қаупінде
Қолдану тәсілі мен дозалары
Ректальді. Ересектер мен 12 жастан асқан балаларға 1-2 суппозиторийден тәулігіне 2-3 рет. Ең жоғары бір реттік дозасы – 80 мг, ең жоғары тәуліктік дозасы – 240 мг.
Жағымсыз әсерлері
Бас ауыруы, бас айналуы, жүректің соғуы, ысыну сезімі, қатты тершеңдік, артериялық қысымның төмендеуі, AV блокадалары, аритмиялар, аллергиялық реакциялар (ангионевроткалық ісіну, есекжем, бөртпе, қышу), жүрек айнуы, іштің қатуы, ұйқысыздық.
Қолдануға болмайтын жағдайлар
- препаратқа жоғары сезімталдық
- бауырдың ауыр жеткіліксіздігі
- бүйректің ауыр жеткіліксіздігі
- жүректің ауыр жеткіліксіздігі
- II және III дәрежелі AV блокадасы
- глаукома
- aртериялық гипотензия
- кардиогендік шок
- 12 жасқа дейінгі балалар
Дәрілермен өзара әрекеттестігі
Холинолитиктермен бірге, сондай-ақ, гипертониялық кризді басу үшін біріктірілген еммен үйлестіріп қолдануға болады.
Леводопаның паркинсон ауруына қарсы тиімділігін нашарлатады.
Үшциклдық антидепрессанттармен, хинидинмен, новокаинамидпен, фенобарбиталмен, морфинмен бір мезгілде қолданғанда туындайтын гипотензияны күшейтеді.
Айрықша нұсқаулар
Қуықасты безінің аденомасында, коронарлық артериялардың атеросклерозында сақтықпен тағайындайды.
бар ауруларға препаратты тағайындаған кезде сақ болған дұрыс.
Жүктілік және лактация кезеңі
Препаратты жүктілік кезінде тек, егер анасы үшін ықтимал пайдасы ұрық үшін болуы мүмкін қауіптен асатын болса ғана қолдануға болады. Қажетті клиникалық мәліметтері жоқ болғандықтан, лактация кезінде тағайындау ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат артериялық қысымды төмендете және АV өткізгіштігін бөгей отырып, вазодилататор болып табылады, дротаверинннің кардиоуыттылық әсері бар және автокөлік немесе қауіптілігі зор басқа механизмдерді басқару қабілетіне әсер етуі мүмкін.
Бас айналуы немесе басқа жағымсыз құбылыстар пайда болған жағдайда, емделушілер көлік жүргізу мен қауіптілігі зор механизмдермен жұмыс жасаудан аулақ болуы тиіс.
Артық дозалануы
AV блокадасы, жүрек бұлшықеті қозғыштығының төмендеуі, аритмиялар, тыныс алу орталығының бәсеңдеуі мүмкін. Емі: препаратты тоқтату, симптоматикалық ем.
Шығарылу түрі және қаптамасы
5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада.
2 пішінді ұяшықты қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.
Сақтау шарттары
Құрғақ, жарықтан қорғалған жерде, 250С-ден аспайтын тепературада сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
«ФАРМАПРИМ» ЖШҚ
Кринилор к-сі, 5, Порумбень ауылы, Криулень ауд.,
Молдова Республикасы, MD-4829
тел.: (+373-22)-28-18-45, тел/факс: (+373-22)-28-18-46,
www.farmaprim.md
Тіркеу куәлігінің иесі
«ФАРМАПРИМ» ЖШҚ
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Қазақстан Республикасындағы «FARMAPRIM SRL» фирмасының өкілдігі, Алматы қ., Гоголь к-сі, 86, 528 кеңсе,
Телефон/факс. 8-727-2796518,
Email: farmaprim.kz@farmaprim.md