Синуфорте® спрей интраназальный
Инструкция
-
русский
-
қазақша
Саудалық атауы
Синуфорте® интраназальді спрей
Халықаралық патенттелмеген атауы
Жоқ
Дәрілік түрі
Интраназальді енгізу үшін ерітінді дайындауға арналған 0,05 г лиофилизат еріткішімен (инъекцияға арналған су) жиынтықта
Құрамы
Бір құтының ішінде
белсенді зат – еуропалық цикламеннің (Cyclamen europaeum) жаңа түйінінен алынған шырынының және сулы сығындының 0,05 г лиофилизаты.
Еріткіш – инъекцияға арналған су.
Дайын ерітінді құрамында препараттың 38 дозасы бар.
Сипаттамасы
Лиофилизат: ақ түсті немесе ашық сары-қоңыр реңді ақ түсті кеуекті масса, гигроскопиялы.
Еріткіш: мөлдір, түссіз сұйықтық.
Дайын ерітінді: ашық-сарыдан сары түске дейінгі мөлдір ерітінді.
Фармакотерапиялық тобы
Мұрынға арналған препараттар. Антиконгестанттар және мұрынға жергілікті қолдануға арналған басқа да препараттар. Мұрын ауруларында жергілікті қолдануға арналған басқа препараттар.
АТX коды R01AX
Фармакологиялық қасиеттері
Фармакокинетикасы
Синуфорте® препаратының әсері цикламен компоненттерінің жиынтық әсері болып табылады; кинетикалық зерттеулер жүргізу мүмкін емес, өйткені компоненттердің барлығын бірдей маркерлердің және биозерттеулердің жәрдемімен қадағалауға келмейді. Осы себепті препараттың метаболиттерін де анықтау мүмкін емес.
Фармакодинамикасы
Препарат мұрынның шырышты қабығына жергілікті әсер етеді.
Әсер ету механизмі: препарат жергілікті тітіркендіретін әсер бере отырып, мұрын маңы қойнаулары мен мұрын қуысының өзіне төселе жатқан шырышты қабықтарда рефлекторлық секрецияны күшейтеді. Мұрын қуыстарынан серозды-мукозды бөлінділер түріндегі күшті рефлекторлы секреция бірнеше минуттан кейін байқалады және ол 2 сағатқа жуыққа созылуы мүмкін. Стимуляцияланған осындай секреция мұрынның қосалқы қуыстарының қарқынды түрде табиғи дренаждалуына (шайылуына) себепші болады, бұл қабыну үдерістері айқындылығын төмендетеді. Препарат мұрын қуыстарында іркілмейді, сіңбейді және жалпы жүйелік әсер бермейді.
Қолданылуы
- катаральді немесе іріңді жедел риносинуситтерде (гайморит, этмоидит)
- созылмалы риносинуситтер өршігенде
Қолдану тәсілі және дозалары
1. Ішінде препараты бар құтының қалпақшасын бұрап ашып, тығынын шығарып алады.
2. Еріткіші бар құтыны, жоғарғы бөлігін сындырып, ашады.
3. Ішінде препараты бар құтыға еріткіштің барлығын түгел құяды.
4. Бүріккіш-дозаторды құтыға бұрап кигізіп, препарат толық ерігенше шайқап араластырады.
5. Бүріккіш-дозатордан қорғаныш қалпақшасын шығарып алады.
6. Сынау үшін ауаға 2-3 рет бүркіп көреді (көзге тигізіп алмау керек!).
7. Басты тік ұстап, әрбір мұрын жолына бүріккіш-дозаторды енгізіп, бір рет басу арқылы бүрку керек (бүркумен бір мезгілде демді ішке тартуға болмайды!).
Бүріккіш-дозаторды әр басқан сайын 0,13 мл (2-3 тамшы) препаратты бүркиді, ол бір реттік дозаны құрайды. Жоғарыда көрсетілген тәсілмен дайындалған препарат тәулігіне бір рет, әр мұрын жолына бір рет бүрку арқылы енгізіледі (ең жоғары тәуліктік доза – 0,26 мл).
Препаратты күнара пай далану керек, қажет болған жағдайда күн сайын қолдануға болады.
Бір емдеу курсының ұзақтығы препараттың күнара енгізгенде 12-16 күнді немесе күн сайын енгізгенде 6-8 күнді құрайды.
Емдік әсерге қол жеткізу үшін препаратты 6-8 енгізу жеткілікті, алайда бас ауырудың азаюы немесе оның толық тоқтауы препаратты 3-5 енгізгеннен кейін-ақ байқалуы мүмкін.
Жағымсыз әсерлері
Жиі
- мұрынжұтқыншақта қысқа мерзімдік әлсіз немесе орташа ашып ауыру сезімі
- сілекейдің ағуы түріндегі рефлекторлы құбылыстар
Сирек
- қысқа мерзімдік жастың ағуы және беттің қызаруы
Бірлі-жарым жағдайларда
- маңдай тұсында ұзаққа созылмайтын бас ауыру немесе қылтамырлық диапедез нәтижесінде мұрыннан бөлініп шығатын бозғылт-қызғылт түсті боялған бөліндінің пайда болуы.
Осы көрсетілген жағдайлардың ешқайсысында емдеуді тоқтатудың қажеті жоқ.
Препарат көзге тиіп кеткен жағдайда қатты тітіркену, сондай-ақ жедел конъюнктивит құбылыстарын туындатуы мүмкін.
Қолдануға болмайтын жағдайлар
- белсенді затқа немесе препарат компоненттеріне жоғары сезімталдық
- аллергиялық ринит
- кистозды-полипозды риносинуситтер
- II-III дәрежелі артериялық гипертензия
- мұрын шырышты қабығы аймағындағы және бет аймағындағы көріністерімен жедел аллергиялық реакциялар
- жүктілік және лактация кезеңі
- 12 жасқа дейінгі балалар
Дәрілермен өзара әрекеттесуі
- мұрын қуысына Синуфортені® және жергілікті жансыздандыратын препараттарды, антигистаминдік дәрілерді бір мезгілде енгізуге немесе осындай препараттарды алдын ала енгізуге болмайды
- қажет болғанда мұрынның шырышты қабығының ісінуін азайтатын дәрілерді, мысалы, адреналин және эфедрин ерітінділерін тамызуға болмайды
- асқынған іріңді жұқпаларда антибиотиктер бір мезгілде қолданылуы мүмкін
Айрықша нұсқаулар
Пайдалану кезінде препаратты көзге тигізіп алмау керек!
Препаратты бүрку кезінде ауаны жұтпау керек!
Балалар тәжірибесінде қолданылуы
12 жастағы және одан үлкен балаларға препаратты қолдану ересектердегі сызба бойынша жүргізіледі. Препаратты 12 жасқа толмаған балаларға қолданудың тиімділігі және қауіпсіздігі жөнінде клиникалық деректер жеткіліксіз.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолдану 2 сағат ішінде күшті рефлекторлық секрецияны, кейбір жағдайларда көзден қысқа мерзімді жас ағу және түшкіруді туғызуы мүмкін, уақыттың осы кезеңінде көлік құралын немесе қауіптілігі зор механизмдерді басқарудан тартына тұрған жөн.
Артық дозалануы
Симптомдары: ұсынылатын дозадан асыру мұрынжұтқыншақта қатты ашыту және ауыру сезімін тудыруы мүмкін (препарат дозасын арттыру емдік әсердің артуына әкелмейді).
Емі: препаратты тоқтату, симптоматикалық ем.
Шығарылу түрі және қаптамасы
Резеңке тығынмен және пластмасса қалпақшамен тығындалған, сыйымдылығы 8 мл шыны құтыда 0,05 г лиофилизаттан.
Тығыздығы төмен полиэтиленнен жасалған ампулаларда 5 мл еріткіштен.
Лиофилизаты бар 1 құты, еріткіші бар 1 құты (инъекцияға арналған 5 мл су) және бүріккіш-дозатор (бір бүрку көлемі 0,13 мл) полистиролдан жасалған пішінді ұяшықты қаптамаға салынған.
Пішінді бір қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сұйылтқаннан кейін препарат 80С-ден 100С-ге дейінгі температурада кем дегенде 15 күн, жарықтан қорғалған жерде сақталады.
Сақтау мерзімі
3 жыл
Жарамдылық мерзімі өткен дәрілік зат қолданылмауы тиіс.
Дәріханалардан босатылу шарттары
Рецептісіз
Өндіруші
Фарма Медитерраниа С.Л.
Мекенжайы: Сант Себастиа б/н, Сант Джуст Десверн, 08960 Барселона, Испания.
Тіркеу куәлігі иесінің атауы және елі:
«Алияр» ЖШС
050026, Қазақстан Республикасы, Алматы қ., Қазыбек би к-сі, 177
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
«Алияр» ЖШС
050026, Қазақстан Республикасы, Алматы қ., Қазыбек би к-сі, 177
тел: 3797618, email-info@aliyar.kz