Синтомицина линимент 5%

• русский
• қазақша

• Скачать инструкцию медикамента

Саудалық атауы

Синтомицин линименті

Халықаралық патенттелмеген атауы

Хлорамфеникол

Дәрілік түрі

5 % Линимент

Құрамы

100 г препараттың құрамында

белсенді зат - 5г хлорамфеникол (синтомицин),

қосымша заттар: майсана майы, эмульгатор №1, сорбин қышқылы, натрий карбоксиметилцеллюлоза, тазартылған су.

Сипаттамасы

Әлсіз өзіне тән иісі бар ақ немесе аздап сарғыш реңді ақ түсті линимент

Фармакотерапиялық тобы

Тері аураларын емдеуге арналған бактерияларға қарсы және микробтарға қарсы препараттар. Жергілікті қолдануға арналған бактерияларға қарсы препараттар. Жергілікті қолдануға арналған бактерияларға қарсы басқа да препараттар. Хлорамфеникол.

АТХ коды D06AX02

Фармакологиялық қасиеттері

Фармакокинетикасы

Теріге қолданғаннан кейінгі жүйелі әсер ету дәрежесі белгісіз.

Фармакодинамикасы

Синтомициннің ең бастапқы әсер етушісі микробтарға қарсы белсенділікке ие левомицетин (хлорамфеникол) болып табылады.

Микробтарға қарсы әсер ету механизмі микроорганизмдер ақуыздары синтезінің бұзылуымен байланысты.

Көптеген грамоң және грамтеріс бактериялар, риккетсиялар, спирохет, трахома, пситтакоз, шаптық лимфогранулематоз қоздырғыштарына қатысты тиімді. Пенициллинге, стрептомицинге, сульфаниламидке төзімді бактериялар штаммдарына әсер етеді. Қышқылға-төзімді бактерияларға, көкіріңді таяқшаларға, клостридияларға және қарапайымдыларға белсенділігі әлсіздеу.

Қолданылуы

- сезімтал микроорганизмдерден туындаған терінің іріңді-қабынбалы зақымдануларында, жара үдерісінің II фазасында (ірің, некроздалған тіндер болмаған кезде)

- трофикалық ойық жараларда

- II-III дәрежелі күйіктерде

Қолдану тәсілі мен дозалары

Линиментті алдын ала асептикалық дайындықтан өткен зақымданған аймаққа жағады.

Препаратпен өңделген бетке дәке таңғышты немесе препарат сіңірілген дәке тампонын қояды.

Қайта таңу әдетте 1-3 күннен соң, кейде 4-5 күннен кейін жүргізіледі.

Таңу жиілігін емдеуші дәрігер тағайындайды.

Жағымсыз әсерлері

- тері бөртпесі, есекжем, ангионевротикалық ісіну

- тромбоцитопения, эритропения, гранулоцитоз, апластикалық анемия, лейкопения, агранулоцитоз.

Қолдануға болмайтын жағдайлар

- препарат компоненттеріне жекелей жоғары сезімталдық

- сүйек кеміктік қан түзілудің бәсеңдеуі

- жедел алма-кезекті порфирия

- глюкозо-6-фосфатдегидрогеназа тапшылығы

- бауыр және/немесе бүйрек жеткіліксіздігі

- тері аурулары (псориаз, экзема, зеңдік зақымданулар)

- жүктілік және лактация кезеңі

- жаңа туылған кезең (4 аптаға дейін)

Дәрілермен өзара әрекеттесуі

Препаратты эритромицинмен, олеандомицинмен, нистатинмен және леворинмен бір мезгілде қолдану – линименттің бактерияларға қарсы белсенділігін жоғарылатады, ал бензилпенициллин тұзымен – төмендетеді.

Препарат цитостатиктермен, сульфаниламидтермен, дифенилмен, барбитураттармен, пиразолон туындыларымен және алкогольмен үйлесімсіз.

Айрықша нұсқаулар

Емдеу үдерісінде шеткергі қан көрінісін жүйелі бақылау керек.

Ертеректе цитостатикалық препараттармен емделген және сәулелендіру терапиясын қабылдаған емделушілерге абайлап тағайындайды.

Этанолды бір мезгілде қабылдаумен үлкен беткейге жаққан кезде дисульфирамға ұқсас реакциялар дамуы мүмкін (тері жабындыларының гиперемиясы, тахикардия, жүрек айнуы, құсу, рефлекторлы жөтел, құрысулар).

Балалар

3 жасқа дейінгі балаларға абайлап қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және қауіптілігі зор механизмдерді басқару кезінде әсер етпейді.

Артық дозалану

Симптомдары: жергілікті аллергиялық реакциялар.

Емі: препаратпен емдеуді тоқтату, дәрігердің бақылауымен белгісіне қарай емдеу.

Шығарылу түрі және қаптамасы

Алюминий сықпада препарат 25 г-ден.

Сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картоннан жасалған пәшкеге салынған.

Сақтау шарттары

Құрғақ, жарықтан қорғалған жерде, 8°С-ден 15°С-ге дейінгі температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Лубныфарм» ААҚ.

37500, Украина, Лубны қ-сы, Полтава облысы, Петровский көшесі, 16.

Тіркеу куәлігінің иесі

«Лубныфарм» ААҚ, Украина.

Тұтынушылардан өнім (тауар) сапасы жөнінде түскен шағымдарды Қазақстан Республикасы аумағында қабылдайтын ұйымның мекенжайы:

Фарм-Евро ЖШС

050039, Алматы қ-сы, Майлин к-сі, 72 үй, 34 пәтер

Факс: +7(272) 71-84-97

E-mail: farmevro@mail.ru