Симеспасмил

Симеспасмил

Жоқ

Дәрілік түрі, дозасы

Капсулалар

Ас қорыту жолы және зат алмасу. Асқазан-ішек қызметінің бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Ішектің функционалдық бұзылыстарын емдеуге арналған басқа препараттар. Басқа препараттармен біріктірілген алверин.

Код A03AX58

Метеоризммен және флатуленциямен (атап айтқанда, ішектің тітіркену синдромы) қатар жүретін ішектің функционалдық бұзылыстарын симптоматикалық емдеуде.

Ересек пациенттерді емдеу үшін ғана қолданылады.

Қолдануды бастағанға дейін қажетті мәліметтер тізбесі

• әсер етуші затқа (заттарға) немесе қосымша заттардың кез келгеніне аса жоғары сезімталдық

• мықын ішек аурулары

• 18 жасқа дейінгі балалар және жасөспірімдер

Қолданған кездегі қажетті сақтық шаралары

Мықын ішектің ауруы (жүрек айну, құсу, іштің ауыруы, газ жиналуы және іш қатуы) алдында пайда болатын симптомдар туындағанда сақтық таныту керек.

Басқа дәрілік препараттармен өзара әрекеттесуі

Қолда бар деректер клиникалық маңызды өзара әрекеттесулердің бар болуын көрсетпейді. Олар клиникалық бақылауларда немесе қол жетімді ғылыми әдебиеттерде белгісіз. Алайда, симетиконның беткейлік-белсенді әлеуетіне байланысты кейбір дәрілердің сіңуі бұзылуы мүмкін деп күтуге болады.

Арнайы ескертулер

Бауыр функциясы

Аланинаминотрансфераза (АЛТ) және аспартатаминотрансфераза (АСТ) деңгейінің жоғарылауы алверин цитраты/симетикон біріктірілімін алған пациенттерде қалыптың жоғарғы шегінен екі еседен жоғары деңгейде тіркелді. Бұл жоғарылау сарысудағы жалпы билирубиннің қатарлас жоғарылауымен байланысты болуы мүмкін. Бауыр аминотрансферазаларының деңгейі қалыптың жоғарғы шегімен салыстырғанда үш еседен артық жоғарылаған жағдайда, әсіресе сарғаю жағдайында, алверин цитраты/симетикон біріктірілімімен емдеуді тоқтату ұсынылады.

Мықын ішек ауруы (жүрек айну, құсу, іштің ауыруы, газ жиналуы және іш қатуы) алдында пайда болатын симптомдар туындағанда сақ болу керек.

Жүктілік немесе лактация кезінде

Симетикон: симетиконды жүктілік кезінде қолданған кезде, жүйелік әсердің болмауына байланысты жағымсыз әсерлер күтілмейді.

Мальформативті немесе фетоуытты әсерлер туралы клиникада хабарланған жоқ. Алайда, алверин цитратын қабылдаған жүкті әйелдерді кейінгі бақылау кез-келген қауіптерді жоққа шығару үшін жеткіліксіз болып табылады.

Сақтанудыру шарасы ретінде жүктілік кезінде Симеспасмил препаратын қолданудан аулақ болған жөн.

Симетиконды лактация кезеңінде қолданған кезде жүйелік әсерінің елеусіз болуына байланысты жағымсыз әсерлер күтілмейді.

Алверин цитратының емшек сүтіне бөлінуі туралы деректер жоқ, сондықтан Симеспасмил препаратын бала емізу кезінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Симеспасмил көлік жүргізу және механизмдермен жұмыс істеу қабілетіне елеусіз әсер етуі мүмкін. Кейбір пациенттерде бас айналу сияқты жағымсыз реакциялар тіркелген. Аурудың бұл түрі көлік жүргізу және механизмдермен жұмыс істеу қабілетін бұзуы мүмкін.

Қолдану бойынша ұсынымдар

Дозалау режимі

Ересектер

Әдетте препаратты 3-4 апта бойы тамақтанар алдында тәулігіне 2-3 рет 1 капсуладан қабылдайды.

Енгізу әдісі мен жолы

Ішке қабылдауға арналған. Капсулаларды шайнамай, жеткілікті мөлшерде сумен ішіп, бүтіндей жұтады.

Артық дозалану жағдайында қабылдануы қажет шаралар

Препаратпен артық дозалану жағдайлары туралы хабарланған жоқ. Алверин цитратының жағымсыз әсерлеріне байланысты артық дозалану артериялық қысымның төмендеуі ретінде көрінуі мүмкін. Емі - симптоматикалық.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Препаратты қолдану жөнінде сұрақтарыңыз болса, емдеуші дәрігерге жүгініңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек

• анафилаксиялық реакциялар, анафилаксиялық шок

• цитолиздік гепатит

Белгісіз

• цефалгия

• бас айналу

• жүрек айнуы

• ангионевроздық ісіну, бөртпе, есекжем, терінің қышуы

• аминотрансферазалардың, сілтілі фосфатазалардың, билирубиннің жоғары деңгейі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді заттар: симетикон 300 мг, алверин цитраты 60 мг,

қосымша заттар: желатин, глицерин, титанның қостотығы (Е171).

Сыртқы түрінің, иісінің, дәмінің сипаттамасы

Ұзынша пішінді, өлшемі-6, беткей жағы күңгірт, ашық сары түсті жұмсақ желатинді капсулалар.

Капсулалардың ішіндегісі - ақтан ақ дерлік түске дейінгі біртекті тұтқыр суспензия.

Шығарылу түрі және қаптамасы

10 капсуладан поливинилхлоридтен және алюминий фольгадан жасалған пішінді ұяшықты қаптамада.

4 пішінді ұяшықты қаптамадан қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. № 50, Гюнешли, Багджылар, Стамбул, Түркия

Тел: +90 (212) 474 70 50, факс: +90 (212) 474 09 01,

Электронды пошта:info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД.»

Бербути к-сі, 10/Алмасиани к-сі, 19-21, 26 кеңсе (II корп.), Тбилиси қ-сы, Грузия

Тел: + 995 32 2 21 28 12, факс: + 995 32 2 21 28 13

Электронды пошта: worldmedicine.llc.geo@gmail.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222 б

Тел/факс: 8 (7272) 529090

Электронды пошта: rin_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222-б

Ұялы телефон: +7 701 786 33 98,

Электронды пошта: pvpharma@worldmedicine.kz