Сикора (Циклоспорин)

Сикора

Циклоспорин

Дәрілік түрі, дозасы

Жұмсақ капсулалар 100 мг

Антинеопластикалық және иммуномодуляциялайтын препараттар. Иммуносупрессанттар. Кальциневрин тежегіштері. Циклоспорин.

АТХ коды: L04AD01

Трансплантацияға байланысты көрсетілімдер

Тығыз ағзалардың трансплантациясы

- тығыз ағзаларды ауыстырып қондырғаннан кейін трансплантаттың қабылданбай ажырауын алдын алу;

- бұрын басқа иммуносупрессанттарды қабылдаған пациенттерде трансплантаттың қабылданбай ажырауын емдеу.

Сүйек кемігінің трансплантациясы

- сүйек кемігі мен дің жасушалардың аллогенді трансплантациясынан кейін трансплантаттың қабылданбай ажырауын алдын алу;

- «қожайынға қарсы трансплантант» ауруының алдын алу және емдеу.

Трансплантацияға қатысы жоқ көрсетілімдер

Эндогенді увеит

- стандартты ем тиімсіз немесе төзімсіз жағымсыз реакциялардың дамуымен байланысты болған пациенттерде көрмей қалуға әкеп соғуы мүмкін, этиологиясы инфекциялық емес ортаңғы немесе артқы увеитті емдеу;

- неврологиялық симптоматикасыз Бехчет ауруына шалдыққан пациенттерде торқабықтың да қайталанатын қабыну ұстамаларымен сипатталатын увеитті емдеу.

Нефроздық синдром

- ең төменгі өзгерістер нефропатиясы, ошақтық және сегменттік гломерулонефрит, жарғақшалық гломерулонефрит сияқты шумақтардың бастапқы патологиясымен байланысты стероидке тәуелді және стероидке резистентті нефроздық синдром;

- ремиссияға қол жеткізу және демеу;

- ГКС тоқтату мүмкіндігімен глюкокортикостероидтардан (ГКС) туындаған ремиссияны демеу.

Ревматоидты артрит

- белсенді ревматоидты артриттің ауыр түрлерін емдеу.

Псориаз

- стандартты ем тиімсіз немесе орынсыз деп саналатын пациенттерде ауыр псориазды емдеу.

Атопиялық дерматит

- жүйелі ем қажет болған жағдайда атопиялық дерматиттің ауыр түрлері.

Қолдануды бастағанға дейін қажетті мәліметтер тізбесі

• белсенді затқа немесе препараттың қосымша заттарының кез келгеніне аса жоғары сезімталдық;

• құрамында шайқурай (Hypericum perforatum) бар препараттарды бір мезгілде қолдану;

• P-гликопротеиннің (P-гп) эффлюксті тасымалдаушысының немесе органикалық аниондарды тасымалдайтын полипептидтердің (OATP) субстраты болып табылатын және қан плазмасындағы концентрациясының жоғарылауы ауыр және/немесе өмірге қауіп төндіретін жағымсыз реакциялармен байланысты дәрілік заттарды (мысалы, бозентан, дабигатран этексилаты және алискирен) бір мезгілде қолдану;

• трансплантациялық емес көрсетілімдер бойынша (нефроздық синдромды қоспағанда) 18 жасқа дейінгі балалар мен жасөспірімдер

Қолданған кездегі қажетті сақтық шаралары

Емдеуді бастамас бұрын бүйректің функционалдық жағдайының бастапқы деңгейін тиісті түрде бағалау қажет (кем дегенде 2 рет еШСЖ анықтау керек).

Басқа дәрілік препараттармен өзара әрекеттесуі

Циклоспориннің дәрілік заттардың көп түрлерімен өзара әрекеттесетіні анықталды, төменде циклоспоринмен өзара әрекеттесу тиісті түрде негізделген болып табылатындар келтірілген.

Әртүрлі препараттар циклоспориннің плазмадағы немесе жаңа алынған қандағы концентрациясын, әдетте, циклоспорин метаболизміне қатысатын ферменттердің, атап айтқанда CYP3A4 тежелуі немесе индукциясы есебінен арттыруы немесе төмендетуі мүмкін.

Циклоспорин CYP3A4, Р-гп және ОАТР тежегіші болып табылады, сондықтан жоғарыда аталған ферменттің және/немесе тасымалдаушылардың субстраттары болып табылатын дәрілік заттардың қан плазмасындағы концентрациясы циклоспоринмен бір мезгілде қолданғанда жоғарылауы мүмкін.

Басқа дәрілік заттармен бір мезгілде қолданғанда циклоспориннің биожетімділігі төмендеуі немесе ұлғаюы мүмкін. Трансплантация жасалған пациенттерде қандағы циклоспорин концентрациясын жиі бақылау керек және қажет болған жағдайда оның дозасын, әсіресе бірге қолданудың басында немесе басқа препараттарды тоқтатқан кезде түзету керек. Трансплантацияға қатысы жоқ көрсетілімдер бойынша циклоспоринмен ем алатын пациенттерде дәрілік заттың қандағы концентрациясы мен клиникалық әсері арасындағы өзара байланыс аз айқындалған. Сикора препаратын қандағы циклоспорин деңгейін арттыратын дәрілік заттармен бір мезгілде пайдаланған кезде қандағы циклоспорин концентрациясын өлшеуге қарағанда, бүйрек функциясына және циклоспоринді қолданумен байланысты жағымсыз реакцияларға жиі мониторинг жүргізген жөн.

Қандағы циклоспорин концентрациясын төмендететін дәрілер

Қандағы циклоспорин концентрациясының төмендеуін туындататын CYP3A4 және/немесе Р-гп индукторлары: барбитураттар, карбамазепин, окскарбазепин, фенитоин, нафциллин, сульфадимидин (вена ішіне енгізу), пробукол, орлистат, құрамында шайқурай, тиклопидин, сульфинпиразон, тербинафин, бозентан бар препараттар.

Құрамында шайқурай бар препараттарды қанда циклоспорин концентрациясының төмендеуі және дәрілік зат тиімділігінің төмендеуі қаупіне байланысты Сикора препаратымен бір мезгілде қолдануға болмайды.

Рифампицинмен бірге қолданғанда ішекте және бауырда циклоспориннің метаболизмі күшейеді, сондықтан циклоспориннің дозасын 3-5 есе арттыру қажет болуы мүмкін.

Октреотидпен біріктірілген пайдалану кезінде ішке қабылдау үшін циклоспориннің асқазан-ішек жолында сіңуі төмендейді, сондықтан циклоспориннің дозасын 50% - ға арттыру немесе циклоспоринмен вена ішіне емдеуге көшу қажет болуы мүмкін.

Қандағы циклоспорин концентрациясын арттыратын препараттар

Қандағы циклоспорин концентрациясының жоғарылауын туындатын CYP3A4 және/немесе Р-гп тежегіштері: никардипин, метоклопрамид, пероральді контрацептивтер, метилпреднизолон (жоғары дозалар), аллопуринол, холий қышқылы және оның туындылары, протеаза тежегіштері, иматиниб, колхицин, нефазодон.

Макролидтер тобындағы антибиотиктер: эритромицин қандағы циклоспорин концентрациясын 4-7 есе арттыруы мүмкін, соның нәтижесінде кейбір жағдайларда циклоспориннің нефроуытты әсері байқалуы мүмкін; кларитромицинмен бір мезгілде қолданғанда қандағы циклоспорин концентрациясы 2 есе артты; азитромицин қандағы циклоспорин деңгейін шамамен 20% - ға арттырады.

Азол тобындағы антибиотиктер: кетоконазол, флуконазол, итраконазол және вориконазол қандағы циклоспорин концентрациясын 2 есе артық арттыруы мүмкін.

Верапамилмен бірге қолданғанда қандағы циклоспориннің деңгейі 2-3 есе артады.

Телапревирмен бірге қолданғанда қандағы циклоспорин концентрациясы артады.

Амиодарон қан плазмасындағы циклоспорин концентрациясын едәуір арттырады, ал қан сарысуындағы креатинин деңгейінің бір мезгілде жоғарылауы тіркеледі. Амиодаронның жартылай шығарылу кезеңі өте ұзақ болғандықтан, жоғарыда аталған өзара әрекеттесу оны қабылдауды тоқтатқаннан кейін ұзақ уақыт аралығында (шамамен 50 күн) байқалуы мүмкін.

Даназол қандағы циклоспорин концентрациясын шамамен 50%-ға арттырады деген хабарламалар бар.

Дилтиаземмен (тәулігіне 90 мг) бір мезгілде пайдаланған кезде қан плазмасындағы циклоспориннің концентрациясы 50% - ға артуы мүмкін.

Иматинибпен бірге қолданғанда қан плазмасындағы циклоспориннің ең жоғары концентрациясы (Cmax) 20% - ға артуы мүмкін.

Каннабидиол (P-пг тежегіші): каннабидиолмен бір мезгілде қолданғанда қандағы басқа кальцинеурин тежегішінің концентрациясы жоғарылайтыны туралы мәліметтер бар. Бұл өзара әрекеттесу ас қорыту жолында кальциневрин тежегішінің P-пг арқылы шығарылуының тежелуіне байланысты болуы мүмкін, бұл оның биожетімділігінің жоғарылауына әкеледі. Сондықтан циклоспорин мен каннабидиолды бір мезгілде қолданғанда сақ болу керек және жағымсыз реакциялар мониторингін мұқият жүргізу керек. Трансплантация жүргізілетін пациенттерде қандағы циклоспориннің ең төменгі концентрациясын бақылап, қажет болған жағдайда препараттың дозасын түзету керек. Трансплантациямен байланысты емес көрсетілімдер бойынша циклоспоринмен ем алатын пациенттерде қандағы циклоспорин деңгейін бақылауды және қажет болған жағдайда препараттың дозасын түзетуді қарастырған жөн.

Тамақпен өзара әрекеттесу

Грейпфрут және грейпфрут шырынымен бір мезгілде қабылдағанда циклоспориннің биожетімділігі артады.

Пайдалану кезінде нефроуытты әсер ету қаупі жоғарылайтын біріктірілімдер

Циклоспоринді циклоспориннің нефроуыттылығын арттыратын басқа дәрілік заттармен біріктіріп пайдаланған кезде сақ болу керек: аминогликозидтер (гентамицинді, тобрамицинді қоса алғанда), амфотерицин B, ципрофлоксацин, ванкомицин, триметоприм (+сульфаметоксазол), фиброй қышқылының туындылары (мысалы, безафибрат, фенофибрат), ҚҚСД (диклофенакты, напроксенді, сулиндакты қоса алғанда), мелфалан, Н2-гистаминді рецепторлардың антагонистері (мысалы, циметидин, ранитидин), метотрексат.

Циклоспоринді оның нефроуытты әсерін арттыруы мүмкін дәрілік заттармен біріктіріп қолданған кезде бүйрек функциясын мұқият бақылау қажет. Бүйрек функциясының елеулі бұзылуы пайда болған кезде бір мезгілде пайдаланылатын дәрілік заттардың дозасын төмендету немесе баламалы препараттарды пайдалану туралы мәселені қарау керек.

CYP3A4 және/немесе Р-гп деңгейінде нефроуытты әсер ету және фармакокинетикалық өзара әрекеттесу қаупіне байланысты циклоспорин мен такролимусты бір мезгілде қолданудан аулақ болу керек.

Тікелей әсер ететін вирусқа қарсы дәрілермен (ТӘВД) емдеу

ТӘВД емдеу кезінде циклоспорин фармакокинетикасы С гепатиті вирусының элиминациясымен байланысты бауыр функциясының өзгеруі нәтижесінде өзгеруі мүмкін. Мұндай жағдайларда мұқият мониторинг жүргізу және қажет болған жағдайда, емдеу тиімділігін тұрақты ұстап тұру үшін циклоспорин дозасын түзету керек.

Циклоспориннің басқа дәрілік заттарға әсері

Циклоспорин CYP3A4, Р-гп және ОАТР тежегіші болып табылады. CYP3A4, Р-гп және ОАТР субстраттары болып табылатын дәрілік заттарды қан плазмасындағы циклоспоринмен біріктірілген қолдану кезінде жоғарылауы мүмкін.

Циклоспоринмен бір мезгілде қолданғанда дигоксин, колхицин, ГМГ-КоА-редуктаза тежегіштері (статиндер) мен этопозидтің клиренсі төмендеуі мүмкін. Циклоспоринді осы дәрілік заттармен бірге пайдаланған кезде уытты әсер ету көріністерін ерте анықтау және кейіннен дозаны төмендету немесе жоғарыда көрсетілген дәрілік заттарды қабылдауды тоқтату мақсатында пациентті мұқият клиникалық бақылауды қамтамасыз ету керек. Циклоспоринмен біріктіріп қолдану кезінде статиндердің дозаларын төмендету қажет, сондай-ақ циклоспоринді медициналық қолдану жөніндегі тиісті нұсқаулықтарда көрсетілген ұсынымдарға сәйкес кейбір статиндермен бірге пайдаланудан аулақ болу керек. Циклоспоринмен бір мезгілде қолданғанда қанда жиі қолданылатын статиндер концентрациясының өзгеруі туралы мәліметтер кестеде көрсетілген. Миопатия белгілері мен симптомдары бар немесе бүйректің ауыр зақымдануына бейім қауіп факторлары бар, оның ішінде рабдомиолиз аясында пайда болған бүйрек жеткіліксіздігі бар пациенттерде статиндерді қабылдауды уақытша тоқтату немесе тоқтату керек.

Кесте. Циклоспоринмен бір мезгілде қолданған кезде жиі қолданылатын статиндердің қандағы концентрациясының өзгеруі туралы мәліметтер.

Циклоспоринді лерканидипинмен бір мезгілде қолданғанда сақ болу ұсынылады.

Циклоспоринмен бірге пайдаланған кезде алискирен, Р-гп субстраты үшін Cmax және AUC мәндері шамамен 2,5 есе және тиісінше 5 есе өсті, бұл ретте циклоспориннің фармакокинетикалық бейіні айтарлықтай өзгерген жоқ. Циклоспорин мен алискиренді біріктіріп қолдану ұсынылмайды.

Циклоспорин Р-гп-ны тежейтіндіктен, оны дабигатран этексилатымен бір мезгілде қолдану ұсынылмайды.

Нифедипин мен циклоспоринді бірге қолданған кезде циклоспоринмен монотерапия кезіндегі қызыл иек гиперплазиясының пайда болу жиілігі жоғарылауы мүмкін.

Диклофенактың биожетімділігі циклоспоринмен бір мезгілде қолданылған кезде едәуір артады, нәтижесінде бүйрек функциясының қайтымды бұзылыстары пайда болуы мүмкін. Диклофенактың биожетімділігінің жоғарылауы оның метаболизмінің жүйелік элиминация процесінде төмендеуімен байланысты болуы мүмкін (алғашқы өту әсері). Циклоспоринмен біріктірілген қолдану кезінде ҚҚСД биожетімділігінің артуы күтілмейді, өйткені ҚҚСД (мысалы, ацетилсалицил қышқылы) жүйе алдындағы элиминация процесінде метаболизмнің төмен деңгейімен сипатталады.

Микроэмульсия түріндегі циклоспоринді толық дозада және эверолимусті немесе сиролимусті бірге пайдаланған кезде қан сарысуындағы креатинин деңгейінің жоғарылауы байқалған, бұл өзгерістер циклоспорин дозасын төмендету кезінде жиі қайтымды сипатта болған. Эверолимус пен сиролимус циклоспориннің фармакокинетикалық параметрлеріне аз әсер етті. Циклоспоринмен бірге қолданғанда қандағы эверолимус пен сиролимустың концентрациясы едәуір артты.

Құрамында калий бар немесе калий сақтайтын препараттары бар циклоспоринді (мысалы, калий сақтайтын диуретиктер, АӨФ тежегіштері, БРА) пайдаланған кезде сақ болу керек, өйткені мұндай препараттарды қолданған кезде қан сарысуындағы калий концентрациясы едәуір артуы мүмкін.

Циклоспорин қан плазмасындағы репаглинид концентрациясын арттыруы мүмкін, нәтижесінде гипогликемияның даму қаупі артады.

Бозентан мен циклоспоринді бір мезгілде қолданғанда қанда бозентан концентрациясы бірнеше есе артты, бұл ретте циклоспорин концентрациясы 35% - ға төмендеді. Бозентан мен циклоспоринді бірге қолдану ұсынылмайды.

Амбризентан мен циклоспоринді бірнеше рет қолданған кезде қандағы амбризентанның концентрациясы 2 есе артты, қандағы циклоспориннің концентрациясы шамалы өсті (шамамен 10%).

Жоғары дозаларда циклоспоринді және антрациклиндер тобындағы антибиотиктерді (вена ішіне енгізу) (мысалы, доксорубицин, митоксантрон, даунорубицин) біріктіріп пайдалану кезінде онкологиялық аурулары бар пациенттерде соңғысының қандағы концентрациясының едәуір жоғарылауы байқалды.

Циклоспоринмен емдеу аясында вакцинацияның тиімділігі төмендеуі мүмкін; циклоспоринмен емдеу кезінде тірі аттенуирленген вакциналарды қолданудан аулақ болу керек.

Балалар

Өзара әрекеттесуді зерттеу тек ересектерде жүргізілді.

Арнайы ескертулер

Медициналық бақылау

Сикора препаратын иммуносупрессивті ем жүргізу тәжірибесі бар және тұрақты толық физикалық тексеруді, артериялық қысымды өлшеуді және қажетті зертханалық көрсеткіштердің мониторингін қоса алғанда, пациентті тиісті бақылауды қамтамасыз ете алатын дәрігер тағайындауы тиіс. Трансплантация жасалған пациенттерді препаратпен емдеуді тиісті зертханалық және көмекші медициналық ресурстармен қамтамасыз етілген мекемелерде жүргізген жөн. Демеуші ем жүргізуге жауапты дәрігер пациентті бақылау кезінде толық ақпарат алуы тиіс.

Лимфомалар және басқа қатерлі жаңа түзілімдер

Басқа иммуносупрессанттарды қолданғандағыдай, циклоспоринді қолданғанда лимфомалар мен басқа да қатерлі жаңа түзілімдердің, әсіресе терінің, даму қаупі артады. Бұл қауіп, белгілі бір дәрілік препаратты қолданумен салыстырғанда, иммуносупрессияның қарқындылығымен және ұзақтығымен көп дәрежеде байланысты.

Иммуносупрессанттардың біріктірілімдерін (соның ішінде циклоспориннің) қамтитын емдеу схемаларын пайдаланған кезде сақтық таныту керек, себебі бұл ретте лимфопролиферативті аурулар мен тығыз ісіктер (өліммен аяқталған жағдайлар туралы хабарланған) туындауы мүмкін.

Терінің қатерлі жаңа түзілімдерінің дамуының ықтимал қаупіне байланысты Сикора препаратымен ем алатын пациенттер, әсіресе псориазды немесе атопиялық дерматитті емдеу үшін, теріге тікелей күн сәулесінің ұзақ әсер етуінен аулақ болу қажеттілігі жөнінде хабардар болуы керек. Мұндай пациенттерге бір мезгілде В ультракүлгін сәулеленумен немесе ПУВА-мен (құрамында псорален бар препарат + А ультракүлгін сәулелену) фотохимиялық ем жүргізуге болмайды.

Инфекциялар

Басқа иммуносупрессанттарды қолданғандағыдай, циклоспоринді пациенттерде қолданған кезде әртүрлі бактериялық, зеңдік, паразиттік және вирустық инфекцияларға бейімділік байқалады, олардың пайда болуы көбінесе шартты патогенді қоздырғыштармен байланысты. Циклоспоринмен ем алатын пациенттерде латентті полиомавирустық инфекциялардың белсенділенуі орын алады, соның нәтижесінде полиомавирусқа байланысты нефропатия, әсіресе ВК полиомавирусынан туындаған нефропатия немесе JC полиомавирусынан туындаған үдемелі мультифокальді лейкоэнцефалопатия туындауы мүмкін деп хабарланды. Бұл жағдайлар жоғары жалпы иммуносупрессивті жүктемеге байланысты. Мұндай жағдайлардың даму қаупін иммуносупрессивті ем қабылдайтын пациенттерде бүйрек және жүйке жүйесі функциясының бұзылу себептерін сараланған диагностикалау кезінде назарға алған жөн. Мұндай инфекциялардың ауыр жағдайлары, соның ішінде өлім жағдайлары да болды. Осы инфекциялардың пациенттің өміріне ықтимал қауіптілігін ескере отырып, әсіресе біріктірілген иммуносупрессивті емді ұзақ уақыт қолданған жағдайда профилактикалық және емдік шаралардың тиімді жүйесін қолдану керек.

Нефроуытылығы

Циклоспоринмен емдеу кезінде қан сарысуындағы креатинин мен мочевина деңгейі жоғарылауы мүмкін (жиі және әлеуетті ауыр жағымсыз реакциялар). Жоғарыда көрсетілген функционалдық өзгерістер дозаға байланысты және бастапқыда, әдетте, доза төмендеген кезде қайтымды сипатта болады. Дәрілік затты ұзақ уақыт қолданғанда кейбір пациенттерде бүйректе құрылымдық өзгерістер пайда болуы мүмкін (мысалы, интерстициальді фиброз); бүйрек трансплантациясынан кейінгі пациенттердегі ұқсас өзгерістерді трансплантаттың қабылданбай ажырауының созылмалы процесіне байланысты өзгерістермен саралау керек. Сондықтан мұндай пациенттерде бекітілген ұлттық клиникалық хаттамаларға сәйкес бүйрек функциясын жиі бақылау қажет.

Гепатоуыттылығы

Циклоспоринмен емдеу кезінде қан сарысуындағы билирубин мен бауыр ферменттері деңгейінің дозаға тәуелді қайтымды жоғарылауы байқалуы мүмкін. Циклоспоринмен ем қабылдаған пациенттерде холестазды, сарғаюды, гепатитті және бауыр жеткіліксіздігін қоса, гепатоуытты әсері және бауырдың зақымдануы туралы өздігінен келіп түстетін хабарламалар тіркелген. Мұндай жағдайлардың көпшілігінде пациенттерде елеулі қатарлас аурулар немесе жай-күйлер және басқа да алдын ала болжайтын факторлар болды (оның ішінде инфекциялық асқынулар және әлеуетті гепатоуытты әсері бар дәрілік заттарды бір мезгілде қабылдау). Кейбір жағдайларда, негізінен трансплантация жасалған пациенттер арасында өліммен аяқталған жағдайлар байқалды. Бауыр функциясының көрсеткіштерін мұқият бақылау қажет, жоғарыда көрсетілген көрсеткіштер тарапынан бұзылулар кезінде препарат дозасын төмендету қажеттілігі туындауы мүмкін.

Егде жастағы пациенттер (65 жастағы және одан асқан)

Егде жастағы пациенттерде бүйрек функциясын мұқият бақылау керек.

Қандағы циклоспорин концентрациясының мониторингі

Трансплантация жасалған және Сикора препаратымен ем қабылдайтын пациенттерде қандағы циклоспорин концентрациясының күнделікті мониторингі қауіпсіздіктің маңызды шарасы болып табылады. Қандағы циклоспориннің концентрациясын анықтау үшін ерекше моноклональді антиденелерді (өзгермеген дәрілік заттың мөлшерін өлшеу) қолданған жөн; қандағы өзгермеген препараттың концентрациясын өлшеуге мүмкіндік беретін жоғары тиімді сұйық хроматография әдісін қолдануға болады. Плазмадағы немесе қан сарысуындағы циклоспориннің деңгейін анықтау кезінде стандартты (уақыты мен температурасы) бөлу әдістемесін пайдалану керек. Дәрілік заттың таңдалған дозасы тиісті иммуносупрессияны қамтамасыз ететіндігін растау мақсатында бауыр трансплантациясы жасалған пациенттерде қандағы циклоспорин деңгейі мониторингтің бастапқы кезеңінде ерекше моноклональді антиденелердің санын анықтай отырып, әдісті пайдалану не спецификалық және спецификалық емес моноклональді антиденелердің санын өлшеу әдістерін қатар пайдалану керек.

Трансплантацияға қатысы жоқ көрсетілімдер бойынша Сикора препаратымен ем алатын пациенттерде кейбір жағдайларда қандағы циклоспорин деңгейін, оның ішінде препараттың фармакокинетикасына әсер етуі мүмкін дәрілік заттармен біріктіріп пайдалану кезінде немесе емдеуге ерекше клиникалық жауап кезінде (мысалы, бүйрек функциясының бұзылуын қоса алғанда, жеткіліксіз тиімділік немесе Сикора препаратына жоғары төзімсіздік) бақылау ұсынылады.

Қандағы, плазмадағы немесе қан сарысуындағы циклоспорин концентрациясы пациенттің клиникалық жағдайын анықтайтын көптеген факторлардың бірі ғана екенін ескеру керек. Сондықтан дәрілік затты дозалау режимін таңдау кезінде жоғарыда көрсетілген өлшеулердің нәтижелері басқа клиникалық және зертханалық көрсеткіштермен жиынтықта ескерілуге тиіс.

Артериялық гипертензия

Циклоспоринді қолданған кезде артериялық қысымды үнемі бақылау керек. Артериялық гипертензия дамығанда гипертензияға қарсы тиісті ем жүргізген жөн, циклоспорин фармакокинетикасына әсер етпейтін гипотензивті дәрілерді, мысалы, исрадипинді қолдану қажет.

Қандағы липидтер деңгейінің жоғарылауы

Циклоспоринмен емдеу кезінде қандағы липидтер деңгейінің шамалы қайтымды жоғарылауы білінгендіктен, емдеуді бастар алдында және дәрілік затты пайдаланғаннан кейін бір айдан соң қандағы липидтер деңгейін анықтау ұсынылады. Қандағы липидтер деңгейінің жоғарылауы кезінде тағаммен бірге май тұтынуды шектеу туралы және қажет болған жағдайда препараттың дозасын төмендету туралы мәселені қарау керек.

Гиперкалиемия

Циклоспоринді пайдаланған кезде, әсіресе бүйрек функциясы бұзылған пациенттерде гиперкалиемияның пайда болу қаупі артады. Құрамында калий бар немесе калий сақтайтын дәрілік заттарды (калий сақтайтын диуретиктер, ангиотензин өзгертетін фермент (АӨФ) тежегіштері, ангиотензин II рецепторларының блокаторлары (БРА)) бір мезгілде алатын немесе тағаммен көп мөлшерде калий тұтынатын пациенттерде Сикора препаратын қолданғанда да сақ болу керек. Мұндай жағдайларда қандағы калий деңгейін бақылау керек.

Гипомагнемия

Циклоспоринді қолданған кезде магний клиренсі жоғарылайды, соның нәтижесінде симптоматикалық гипомагниемия, әсіресе перитрансплантация кезеңінде дамуы мүмкін. Перитрансплантация кезеңінде қандағы магний деңгейін, әсіресе пациентте неврологиялық белгілер/симптомдар болған кезде бақылау ұсынылады; қажет болған жағдайда құрамында магний бар препараттарды қолдану керек.

Гиперурикемия

Гиперурикемиясы бар пациенттерде Сикора препаратын пайдаланған кезде сақ болу керек.

Тірі аттенуирленген вакциналарды қолдану

Циклоспоринмен емдеу кезінде вакцинацияның тиімділігі төмендеуі мүмкін. Сикора препаратын пайдаланған кезде тірі аттенуирленген вакциналарды қолданудан аулақ болу керек.

Дәрілермен өзара әрекеттесуі

Сикора препаратын CYP3A4 және/немесе Р-гп белсенділігінің төмендеуі немесе жоғарылауы есебінен қан плазмасындағы циклоспорин концентрациясын едәуір дәрежеде жоғарылататын немесе төмендететін дәрілік заттармен біріктіріп қолданған кезде сақ болу керек.

Нефроуытты әсер белгілерін анықтау мақсатында бір мезгілде Сикора препаратымен және қандағы циклоспорин концентрациясын арттыратын немесе циклоспориннің нефроуытты әсерін арттыратын дәрілік заттармен ем алатын пациенттерге мониторинг жүргізу қажет.

Циклоспорин мен такролимусты бір мезгілде қолданудан аулақ болу керек.

Циклоспорин CYP3A4, Р-гп және ОАТР-ны тежейді, сондықтан оны жоғарыда аталған ферменттің және/немесе тасымалдаушылардың субстраттары болып табылатын дәрілік заттармен бірге пайдаланған кезде қан плазмасындағы соңғысының концентрациясы жоғарылауы мүмкін. Мұндай біріктірілімдерді пайдаланудан аулақ болу керек немесе оларды қолданған кезде сақ болу керек. Циклоспоринмен бірге қолданғанда қандағы 3-гидрокси-3-метилглютарил-кофермент А редуктазалары (ГМГ-КоА-редуктаза тежегіштері (статиндер)) жоғарылайды. Статиндердің дозаларын циклоспоринмен бір мезгілде қолданғанда төмендету қажет. Сондай-ақ, Сикора препаратын медициналық қолдану жөніндегі тиісті нұсқаулықтарда көрсетілген ұсынымдарға сәйкес кейбір статиндермен бірге пайдаланудан аулақ болу керек. Миопатия белгілері мен симптомдары бар немесе бүйректің ауыр зақымдануына бейім қауіп факторлары бар, оның ішінде рабдомиолиз аясында пайда болған бүйрек жеткіліксіздігі бар пациенттерде статиндерді қабылдауды уақытша тоқтату немесе тоқтату керек.

Лерканидипинді циклоспоринмен бірге қолдану қан плазмасында лерканидипин концентрациясының 3 есе ұлғаюына және жүйелік қан ағымындағы (фармакокинетикалық қисық астындағы ауданның ұлғаюы) циклоспориннің жалпы мөлшерінің 21% - ға артуына себеп болды. Жоғарыда көрсетілген дәрілік заттарды бір мезгілде қабылдаудан аулақ болу керек. Циклоспоринді лерканидипинді қабылдағаннан кейін 3 сағаттан соң қолданған кезде лерканидипиннің плазмалық концентрациясы өзгерген жоқ, ал жүйелік қан ағымындағы циклоспориннің жалпы саны (фармакокинетикалық қисық астындағы аудан) 27% - ға артты. Жоғарыда көрсетілген дәрілік заттарды біріктіріп қолданған кезде сақ болу керек, оларды қабылдау арасындағы аралық кемінде 3 сағатты құрауы тиіс.

Трансплантацияға қатысы жоқ көрсетілімдер бойынша препаратты пайдалану кезіндегі қосымша сақтық шаралары

Бүйрек функциясы бұзылған (жол берілетін дәрежеде бүйрек функциясы бұзылған нефроздық синдромы бар пациенттерді қоспағанда), бақыланбайтын артериялық гипертензиясы, бақыланбайтын инфекциялық аурулары және қатерлі жаңа түзілімдерінің кез келген түрлеріне шалдыққан пациенттерде циклоспоринді пайдалануға болмайды.

Емдеуді бастамас бұрын бүйректің функционалдық жағдайының бастапқы деңгейін тиісті түрде бағалау қажет (кем дегенде 2 рет еШСЖ анықтау керек). Циклоспоринмен емдеу кезінде қажет болған жағдайда дәрілік заттың дозасын тиісті түрде түзету үшін бүйрек функциясын жиі бақылау керек.

Препаратты эндогенді увеитте қолдану кезіндегі қосымша сақтық шаралары

Сикора препаратын неврологиялық синдромы бар Бехчет ауруына шалдыққан пациенттерде сақтықпен қолдану керек; мұндай пациенттерде неврологиялық жағдайды мұқият бақылау қажет.

Балалардағы эндогенді увеитті емдеуде препаратты қолдану тәжірибесі шектеулі.

Препаратты нефроздық синдромда қолдану кезіндегі қосымша сақтық шаралары

Емдеудің бастапқы кезеңінде бүйрек функциясы бұзылған пациенттерде Сикора препаратын тәулігіне 2,5 мг/кг дозада пайдалану керек; осындай пациенттерді мұқият бақылауды қамтамасыз ету қажет.

Бүйрек функциясының өзгеруі нефроздық синдромның өзіне тән болғандықтан, кейбір жағдайларда дәрі қабылдауға байланысты пациенттерде бүйрек функциясының бұзылуын анықтауда қиындықтар туындауы мүмкін. Бұл жайт сирек жағдайларда препаратты қабылдаумен байланысты бүйректің құрылымдық өзгерістері қан сарысуындағы креатинин деңгейінің жоғарылауы болмаған кезде байқалғанын түсіндіреді. Сикора препаратымен 1 жылдан астам демеуші ем алатын ең аз өзгерістердің стероидке тәуелді нефропатиясы бар пациенттерде бүйрек биопсиясын жүргізу туралы мәселені қарау керек.

Нефроздық синдромы бар, циклоспоринді қоса алғанда, иммуносупрессанттарды қабылдаған пациенттерде қатерлі жаңа түзілімдердің, оның ішінде Ходжкин лимфомасының пайда болу жағдайлары сирек байқалды.

Ревматоидты артритте препаратты қолдану кезіндегі қосымша сақтық шаралары

Сикора препаратымен емнің 6 айынан кейін негізгі ауру ағымының тұрақтылығын, басқа дәрілік заттарды және қатар жүретін ауруларды бір мезгілде қолдануды ескере отырып, бүйрек функциясын әрбір 4-8 апта сайын бақылау керек. Бүйрек функциясының анағұрлым жиі мониторингін препарат дозасын арттырған кезде немесе ҚҚСД қатар емдеуді тағайындаған жағдайларда, оның ішінде олардың дозасын арттырған кезде жүргізу қажет.

Егер Сикора препаратымен емдеу кезінде тиісті гипертензияға қарсы еммен бақыланбайтын артериялық гипертензия дамитын болса, препаратты қабылдауды тоқтату қажеттілігі туындауы мүмкін.

Басқа иммуносупрессивті дәрілік заттарды ұзақ уақыт қолданғандағыдай, Сикора препаратын пайдалану кезінде лимфопролиферативті аурулардың пайда болу қаупінің жоғарылауын назарға алу керек. Препаратты синергиялық нефроуытты әсерге байланысты метотрексатпен біріктірілімде қолданғанда ерекше сақ болу керек.

Псориазда препаратты қолдану кезіндегі қосымша сақтық шаралары

Егер Сикора препаратымен емдеу кезінде тиісті гипертензияға қарсы еммен бақыланбайтын артериялық гипертензия пайда болса, препаратты қабылдауды тоқтату ұсынылады.

Дәрілік затты егде жастағы пациенттерде тек псориаздың мүгедектікке ұшырататын түрлерінде ғана қолданған жөн, бұл ретте бүйрек функциясын мұқият бақылау қажет.

Балалардағы псориазды емдеуде препаратты қолдану тәжірибесі шектеулі.

Циклоспоринмен ем қабылдаған псориазбен ауыратын пациенттерде, стандартты иммуносупрессивті емді пайдалану жағдайындағыдай, қатерлі жаңа түзілімдердің, әсіресе терінің, пайда болу жағдайлары байқалды. Сикора препаратымен емдеуді бастамас бұрын псориазға арналған әдеттен тыс тері зақымдануларының биопсиясын жүргізу қажет, олар қатерлі жаңа түзілімдерге немесе обыр алды жағдайларына жатуы мүмкін. Қатерлі жаңа түзілімдері немесе терінің обыр алды аурулары бар пациенттердегі дәрілік затты оларды тиісті емдеуден кейін және баламалы тиімді ем болмаған кезде ғана пайдалану керек.

Циклоспоринмен ем қабылдаған псориазбен ауыратын кейбір пациенттерде лимфопролиферативті аурулардың пайда болу жағдайлары тіркелді, осындай жағдайларда дәрілік затты қабылдауды тез тоқтатқан кезде олар регрессияға ұшырады.

Сикора препаратымен ем қабылдап жүрген пациенттерде бір мезгілде В ультракүлгін сәулесімен немесе ПУВА-мен фотохимиотерапияны жүргізуге болмайды.

Атопиялық дерматитте препаратты қолдану кезіндегі қосымша сақтық шаралары

Егер Сикора препаратымен емдеу кезінде тиісті гипертензияға қарсы еммен бақыланбайтын артериялық гипертензия пайда болса, препаратты қабылдауды тоқтату ұсынылады.

Балалардағы атопиялық дерматитті емдеуде циклоспоринді қолдану тәжірибесі шектеулі.

Дәрілік затты егде жастағы пациенттерде тек атопиялық дерматиттің мүгедектікке ұшырататын түрлерінде ғана қолданған жөн, бұл ретте бүйрек функциясын мұқият бақылау қажет.

Атопиялық дерматиттің өршуімен байланысты қатерсіз лимфоаденопатия өздігінен немесе ауру ағымының жалпы жақсаруы аясында жоғалады.

Циклоспоринмен емдеу аясында пайда болған лимфоаденопатиясы бар пациенттерге үнемі мониторинг жүргізу керек.

Ауру ағымының жақсаруы аясында сақталатын лимфоаденопатияда сақтық шарасы ретінде лимфоманы жоққа шығару үшін биопсия жүргізу қажет.

Сикора препаратын қолдануды бастағанға дейін герпестік инфекцияның (Herpes simplex) белсенді түрлерінің болуын жоққа шығару керек, егер герпестік инфекцияның белсенділенуі дәрілік затпен емді бастағаннан кейін байқалса, онда бұл жағдай ауыр жағдайларды қоспағанда, емдеуді тоқтатудың міндетті себебі болып табылмайды.

Staphylococcus aureus туындатқан тері инфекциялары Сикора препаратын қолдану үшін абсолютті қарсы көрсетілім болып табылмайды, алайда оларды тиісті бактерияға қарсы заттарды пайдалана отырып, бақылау қажет. Препаратты пероральді қолдануға арналған эритромицинмен бір мезгілде қолдану жағдайларын болдырмау керек, себебі соңғысы қандағы циклоспорин концентрациясын арттырады; дегенмен, баламалы ем болмаған жағдайда, қандағы циклоспорин концентрациясын және бүйрек функциясын мұқият бақылау, сондай-ақ дәрілік заттың жағымсыз реакцияларын анықтау мақсатында пациенттерге мониторинг жүргізу ұсынылады.

Сикора препаратымен ем қабылдап жүрген пациенттерде бір мезгілде В ультракүлгін сәулесімен немесе ПУВА-мен фотохимиотерапияны жүргізуге болмайды.

Балаларда препаратты трансплантацияға қатысы жоқ көрсетілімдер бойынша қолдану

Нефроздық синдромды қоспағанда, трансплантацияға қатысы жоқ көрсетілімдер бойынша балаларда дәрілік затты қолданудың тиісті тәжірибесі жоқ. Нефроздық синдромды қоспағанда, препаратты 16 жастан кіші балаларда трансплантацияға қатысы жоқ көрсетілімдер бойынша пайдалану ұсынылмайды.

Қауіпсіздік бейінінің қысқаша сипаттамасы

Бүйрек функциясының бұзылуы, тремор, гирсутизм, артериялық гипертензия, диарея, анорексия, жүрек айнуы және құсу клиникалық зерттеулерде байқалған және циклоспоринді қолданумен байланысты негізгі жағымсыз реакциялар болып табылады.

Циклоспоринді қолданумен байланысты көптеген жағымсыз реакциялар дозаға тәуелді сипатқа ие және дәрілік заттың дозасы азайған кезде қайтымды болып табылады. Қолдануға берілген әртүрлі көрсетілімдер кезінде циклоспориннің жағымсыз реакцияларының спектрлері тұтастай бір-біріне ұқсас, алайда жағымсыз реакциялардың жиілігі мен ауырлығы әртүрлі болуы мүмкін. Трансплантация жасалған пациенттерде анағұрлым жоғары бастапқы дозаларды пайдалану және емдеу ұзақтығының ұзаруы салдарынан жағымсыз реакциялар жиі байқалады және әдетте, олар басқа көрсетілімдер бойынша дәрілік затпен ем алатын пациенттерге қарағанда анағұрлым ауыр сипатқа ие болады.

Қосымша заттар

100 мг Сикора құрамында 7,19 көл.% этанол бар, яғни бір дозаға 100 мг дейін (1 капсула), бұл 1,438 мл сыраға немесе 0,599 мл қызыл шарапқа сәйкес келеді, сондықтан препарат алкоголизммен ауыратын пациенттерге теріс әсер етуі мүмкін. Сондай-ақ, бұл препаратты жүктілік немесе лактация кезеңіндегі әйелдерде, балаларда және бауыр аурулары немесе эпилепсия сияқты жоғары қауіпті топтағы пациенттерде қолданған кезде ескеру керек.

Сикора препаратының құрамында фруктозаның көзі болып табылатын сорбитол бар, сондықтан оны тұқым қуалайтын фруктозаға жақпаушылығы бар пациенттерде қолдануға болмайды.

Құрамында сорбитол (немесе фруктоза) бар препараттарды бір мезгілде қолданғанда немесе өнімдерді тамаққа қолданғанда аддитивті әсерді назарға алған жөн. Бірге қолданған кезде құрамында сорбитол бар пероральді препараттар пероральді қабылдауға арналған басқа дәрілік заттардың биожетімділігіне әсер етуі мүмкін.

Сикора препаратының құрамында макроглицерин гидроксистеараты бар, ол асқазан бұзылысы мен диареяны тудыруы мүмкін.

Жүктілік немесе лактация кезінде

Жүкті әйелдерде препаратты қолдану тәжірибесі шектеулі. Трансплантациядан кейін иммуносупрессивті ем алатын жүкті әйелдерде (циклоспоринді және циклоспоринді қамтитын емдеу сызбасын қоса) мерзімінен бұрын босану (37 аптадан аз) қаупі бар.

Құрсақ ішінде циклоспориннің әсеріне ұшыраған 7 жасқа дейінгі балалар туралы мәліметтер шектеулі, олардың бүйрек функциясы және артериялық қысымы қалыпты мәндер шегінде болды. Дегенмен, жүкті әйелдерде тиісті түрде жақсы бақыланатын зерттеулер жүргізілмеген, сондықтан ана үшін күтілетін пайда шарана үшін ықтимал қауіптен асатын жағдайларды қоспағанда, жүктілік кезінде әйелдерге Сикора препаратын қолдануға болмайды.

Сикора препаратын жүкті әйелдерде қолданған кезде оның құрамына этанол кіретінін де ескеру керек.

Циклоспорин емшек сүтіне енеді. Сикора препаратын бала емізу кезеңінде әйелдерде қолданғанда оның құрамына этанол кіретінін де ескеру керек. Циклоспоринмен ем алатын әйелдерге емшек еметін балада (оның ішінде жаңа туған нәрестеде) ауыр жағымсыз реакциялардың пайда болуының ықтимал қаупі салдарынан бала емізуді тоқтату қажет. Бала емізуді тоқтату немесе дәрілік затты қолдануды тоқтату туралы мәселе бойынша шешім қабылдаған кезде дәрілік затты ана үшін пайдаланудың артықшылықтарын назарға алған жөн.

Көлік құралдарын басқару және механизмдермен жұмыс істеу қабілетіне әсері

Дәрілік заттың автокөлікті жүргізу және механизмдерді басқару қабілетіне әсері туралы деректер жоқ.

Қолдану бойынша ұсынымдар

Дозалау режимі

Циклоспоринның ішке қабылдауға арналған төменде келтірілген дозалардың ауқымын тек ұсынымдар ретінде қарастыру керек.

Сикора препаратын дәрігер немесе иммуносупрессивті ем және/немесе ағзалардың трансплантациясын жүргізуде тәжірибесі бар дәрігермен тығыз ынтымақтастықта тағайындауы тиіс.

Трансплантацияға байланысты көрсетілімдер

Тығыз ағзалардың трансплантациясы

Сикора препаратымен емдеуді трансплантацияға дейін 12 сағат бұрын 2 қабылдауға бөлінген 10-15 мг/кг дозада бастаған жөн. Трансплантациядан кейін жоғарыда көрсетілген дозаны тәуліктік доза ретінде 1-2 апта бойы пайдалану керек, содан кейін оны қандағы циклоспорин концентрациясы бақылау арқылы (бекітілген ұлттық клиникалық хаттамаларға сәйкес) тәулігіне 2-6 мг/кг (2 қабылдауда) демеуші дозаға жеткенге дейін біртіндеп төмендетеді.

Басқа иммуносупрессанттармен, мысалы ГКС-пен немесе біріктірілген үшкомпонентті немесе төрткомпонентті ем схемаларының құрамында бір мезгілде қолданған жағдайда, Сикора препараты анағұрлым төмен дозада (мысалы, емдеудің бастапқы кезеңінде тәулігіне 2 қабылдауда тәулігіне 3-6 мг/кг) пайдаланылуы мүмкін.

Сүйек кемігінің трансплантациясы

Циклоспориннің бастапқы дозасын трансплантацияға дейін бір күн бұрын енгізу керек. Көп жағдайда циклоспоринның вена ішіне енгізген жақсырақ, бұл ретте ұсынылатын доза тәулігіне 3-5 мг/кг құрайды, осы дозада циклоспоринмен инфузиялық емді трансплантациядан кейін 2 аптаға дейін жалғастырады (дәрілік препаратты көрсетілген дозалау режимін сақтауға мүмкіндік беретін, тиісті дозада және дәрілік түрінде қолданған жөн); кейіннен 2 қабылдауға бөлінген тәулігіне 12,5 мг/кг-ға жуық дозада Сикора препаратымен пероральді демеуші емге ауысады. Демеуші емнің ұзақтығы кемінде 3 айды (мүмкіндігінше 6 айды) құрауы тиіс, кейіннен трансплантациядан соң 1 жыл ішінде препарат дозасын оны толық тоқтатқанға дейін біртіндеп төмендетеді.

Егер Сикора препараты бастапқы ем ретінде пайдаланылса, ұсынылған тәуліктік доза трансплантацияға дейін бір тәулік бұрын енгізілуі қажет 12,5-15 мг/кг (2 қабылдау) құрайды.

Пациентте циклоспорин сіңірілуінің төмендеуіне себеп болатын асқазан-ішек бұзылулары болған кезде, қажет болған жағдайда Сикора препаратының анағұрлым жоғары дозаларын қолдану немесе циклоспоринмен вена ішіне емдеуді тағайындау мүмкін.

Кейбір пациенттерде циклоспоринмен емдеуді тоқтатқаннан кейін «қожайынға қарсы трансплантат» ауруы дамуы мүмкін, ол әдетте циклоспоринмен емді қайта бастағаннан кейін регрессияға ұшырайды. Мұндай жағдайларда ішке қабылдаған кезде препараттың бастапқы жүктемелік дозасы 10-12,5 мг/кг құрауы тиіс, содан кейін бұрын емдеуге қанағаттанарлық жауап берген күнделікті демеуші дозаны пайдаланады. Ауырлығы жеңіл дәрежедегі «қожайынға қарсы трансплантант» созылмалы ауруын емдеу үшін Сикора препаратын төмен дозаларда пайдалану керек.

Трансплантацияға қатысы жоқ көрсетілімдер

Сикора препаратын трансплантацияға қатысы жоқ, кез келген көрсетілім бойынша қолданған кезде төменде атап көрсетілген жалпы ұсынымдарды орындау керек.

Емдеуді бастамас бұрын бүйректің функционалдық жағдайының бастапқы деңгейін анықтау қажет (кем дегенде екі өлшеу жүргізу керек). Бүйрек функциясын шумақтық сүзілудің есептік жылдамдығы (еШСЖ) негізінде бағалауға болады, ол үшін ересектердегі MDRD (Modification of Diet in Renal Disease Study equation) формуласын және балалардағы ШСЖ бағалау үшін тиісті формуланы қолдану керек. Бүйрек функциясын жиі бақылау қажет, себебі циклоспоринді қолданған кезде ол бұзылуы мүмкін. Егер еШСЖ бір өлшемнен артық бастапқы деңгейге қатысты 25% - дан артық төмендесе, циклоспорин дозасын 25-50% - ға азайту керек. еШСЖ бастапқы деңгейден 35% - дан астам төмендеген кезде дәрілік заттың дозасын одан әрі азайту туралы мәселені қарастырған жөн. еШСЖ мәндері қалыпты мәндер ауқымы шегінде болса да, бұл ұсыныстарды ұстану керек. Егер циклоспорин дозасын бір ай ішінде азайтқан жағдайда еШСЖ көрсеткіштерінің ұлғаюы байқалмаса, Сикора препаратымен емдеуді тоқтату қажет.

Артериялық қысымды үнемі қадағалап отыру керек.

Емдеу басталғанға дейін қандағы билирубин деңгейін және бауыр функциясының көрсеткіштерін бағалау қажет, емдеу кезінде жоғарыда көрсетілген параметрлерді мұқият бақылау ұсынылады. Емдеу басталғанға дейін және емдеу кезінде қан сарысуындағы липидтердің, калийдің, магнийдің және несеп қышқылының деңгейін ұдайы бағалау ұсынылады.

Кейбір жағдайларда трансплантацияға қатысы жоқ көрсетілімдер бойынша Сикора препаратын пайдаланған кезде, мысалы, циклоспорин фармакокинетикасына әсер етуі мүмкін дәрілік заттармен бір мезгілде қолданғанда немесе емдеуге ерекше клиникалық жауап болғанда (мысалы, препараттың жеткіліксіз тиімділігін немесе бүйрек функциясының бұзылуын қоса алғанда, препаратқа жоғары жағымсыздық) қандағы циклоспорин концентрациясын бақылаған жөн.

Құрамында циклоспорин белсенді заты бар Сикора препараты ішке қабылданады. Инфузия үшін ерітінді дайындауға арналған концентрат түріндегі циклоспоринді пайдаланған жағдайда, пероральді дозаға сәйкес келетін вена ішіне енгізуге арналған дәрілік заттың дозасын мұқият таңдау керек; бұл ретте циклоспоринді қолдануда тәжірибесі бар дәрігермен кеңесу ұсынылады.

Жалпы тәуліктік доза 5 мг/кг-дан (көрмей қалуға әкелуі мүмкін эндогенді увеитке шалдыққан пациенттерді және нефроздық синдромы бар балаларды қоспағанда) аспауы тиіс.

Демеуші ем үшін Сикора препаратының анағұрлым аз және жағымдылығы жақсы тиімді дозасы жекелей таңдалуы тиіс.

Егер белгілі бір уақыт кезеңі ішінде (төмендегі нақты ақпаратты қараңыз) емге тиісті жауапқа қол жеткізу мүмкін болмаса немесе тиімді доза қауіпсіз пайдалану жөніндегі ұсынымдарда көрсетілген дозаға сәйкес келмесе, препаратпен емдеуді тоқтату керек.

Эндогенді увеит

Ремиссияға қол жеткізу үшін Сикора препаратын тәулігіне 5 мг/кг (2 қабылдау) бастапқы дозада увеальді жолдың белсенді қабыну белгілері жойылғанға және көру жітілігі жоғарылағанға дейін пайдалану ұсынылады. Ем қонбайтын жағдайларда доза шектеулі уақыт кезеңі ішінде тәулігіне 7 мг/кг дейін ұлғайтылуы мүмкін.

Сикора препаратымен монотерапия жеткілікті тиімді болмаған жағдайларда ремиссияға қол жеткізу немесе өршуді басу үшін жүйелі ГКС-ті, мысалы, тәулігіне 0,2-0,6 мг/кг дозадағы преднизолонды немесе баламалы дозадағы басқа ГКС-ті қосымша пайдалануға болады. 3 ай жүргізілген емнен кейін ГКС дозасын ең төменгі тиімді дозаға дейін төмендетуге болады.

Демеуші ем кезінде Сикора препаратының дозасын ең төменгі тиімді дозаға дейін баяу төмендету керек; ремиссия кезеңінде ол тәулігіне 5 мг/кг-дан аспауы тиіс.

Иммуносупрессанттарды қолданар алдында увеиттің инфекциялық себептерін жоққа шығару керек.

Нефроздық синдром

Бүйректің қалыпты функциясы кезінде ремиссияға қол жеткізу үшін (протеинурияны қоспағанда) Сикора препаратын ересектерде тәулігіне 5 мг/кг (2 рет) дозада және балаларда тәулігіне 6 мг/кг дозада (2 рет) пайдалану ұсынылады. Бүйрек функциясы бұзылған пациенттерде бастапқы доза тәулігіне 2,5 мг/кг-дан (2 қабылдау) аспауы тиіс.

Сикора препаратымен монотерапия жеткіліксіз тиімді болған кезде, әсіресе стероидке резистентті нефроздық синдромы бар пациенттерде төмен дозаларда пероральді ГКС-ті қосымша пайдалану ұсынылады.

Жақсаруға қол жеткізуге дейінгі уақыт гломерулопатия түріне байланысты 3-6 айды құрайды. Егер осы уақыт кезеңі өткеннен кейін жақсару байқалмаса, Сикора препаратымен емдеуді тоқтату керек.

Дәрілік заттың дозасын емнің тиімділігі (протеинурия) мен қауіпсіздігін ескере отырып, жеке түзету керек, алайда ол ересектерде тәулігіне 5 мг/кг және балаларда тәулігіне 6 мг/кг аспауы тиіс.

Демеуші ем кезінде Сикора препаратының дозасын ең төменгі тиімді дозаға дейін баяу төмендету керек.

Ревматоидты артрит

Емдеудің алғашқы 6 аптасы ішінде Сикора препаратының ұсынылған дозасы 2 қабылдауда тәулігіне 3 мг/кг құрайды. Егер ем жеткілікті түрде тиімді болмаса, тәуліктік дозаны дәрілік заттың жағымдылығын ескере отырып, біртіндеп арттыруға болады, бірақ ол тәулігіне 5 мг/кг-нан аспауы тиіс. Толық клиникалық жауапқа қол жеткізу үшін 12 аптаға дейін ем қажет болуы мүмкін.

Демеуші ем кезінде Сикора препаратының ең төменгі тиімді дозасын пайдалану керек, оны дәрілік заттың жағымдылығын ескере отырып, жеке таңдау қажет.

Сикора препаратын ГКС-пен біріктірілімде төмен дозаларда және/немесе қабынуға қарсы стероидты емес дәрілермен (ҚҚСД) қолдануға болады. Сикора препаратын метотрексатпен монотерапия жеткіліксіз тиімді пациенттерде метотрексатпен (апталық төмен доза) біріктірілімде де қолдануға болады; бұл ретте препараттың бастапқы дозасы 2 қабылдауда тәулігіне 2,5 мг/кг құрайды, дозаны емдеуге жағымдылығын ескере отырып, арттыруға болады.

Псориаз

Псориазды диагностикалау мен емдеуде тәжірибесі бар дәрігер Сикора препаратымен емді тағайындауы керек. Ауру ағымының әртүрлі нұсқаларына байланысты емді жеке таңдау керек. Ремиссияға қол жеткізу үшін дәрілік затты 2 қабылдауда тәулігіне 2,5 мг/кг бастапқы дозада пайдалану ұсынылады. Ем жүргізілген 1 ай ішінде жақсару болмаған жағдайда дозаны біртіндеп арттыруға болады, алайда ол тәулігіне 5 мг/кг-дан аспауы тиіс. Егер пациенттерде тәулігіне 5 мг/кг дозада дәрілік затты пайдаланған кезде 6 аптадан кейін емдеуге тиісті жауап байқалмаса немесе тиімді доза қауіпсіз пайдалану жөніндегі ұсынымдарда көрсетілген дозаға сәйкес келмесе, Сикора препаратын қолдануды тоқтату керек.

Сикора препаратын тәулігіне 5 мг/кг бастапқы дозада қолдану жағдайы жылдам жақсаруды талап ететін пациенттерде ақталған.

Тиісті жауапқа қол жеткізілген кезде дәрілік затты қабылдауды тоқтатуға болады. Ауру қайталанған жағдайда алдыңғы тиімді дозаны қолдана отырып, Сикора препаратымен емді жалғастыруға болады. Кейбір пациенттерде үздіксіз демеуші ем жүргізу қажеттілігі туындауы мүмкін.

Демеуші ем кезінде Сикора препаратының ең төменгі тиімді дозасын пайдалану керек, оны жеке таңдау қажет және ол тәулігіне 5 мг/кг-дан аспауы тиіс.

Атопиялық дерматит

Атопиялық дерматитті диагностикалау мен емдеуде тәжірибесі бар дәрігер Сикора препаратымен емді тағайындауы керек. Ауру ағымының әртүрлі нұсқаларына байланысты емді жеке таңдау керек. Ұсынылған доза 2 дозада тәулігіне 2,5-5 мг/кг құрайды. Егер тәулігіне 2,5 мг/кг бастапқы дозасында жүргізілген емнің 2 аптасынан кейін тиісті жауап байқалмаса, дәрілік заттың дозасы тәулігіне 5 мг/кг ең жоғары дозасына дейін тез ұлғайтылуы мүмкін. Өте ауыр жағдайларда ауруды тез және тиісті бақылауға Сикора препаратын тәулігіне 5 мг/кг бастапқы дозада қолданғанда қол жеткізілетін болады. Тиісті жауапқа қол жеткізілгеннен кейін дәрілік заттың дозасын біртіндеп төмендету қажет; мүмкін болса, Сикора препаратымен емдеуді тоқтату керек. Ауру кейіннен қайталанған жағдайда емдеуді жалғастыруға болады.

8 аптаға созылатын емдеу курсы ремиссияға жету үшін жеткілікті болуы мүмкін (тері симптомдарының жоғалуы); препаратпен 1 жылға дейін созылған емдеу тиімді және барлық қажетті көрсеткіштерді міндетті түрде бақылау жағдайында жағымдылығы жақсы болып табылатыны анықталды.

Циклоспориннің бір пероральді дәрілік түрімен емдеуден екіншісіне ауысу

Циклоспориннің бір пероральді дәрілік түрімен жүргізілген емнен екіншісіне ауысу дәрігердің бақылауымен жүзеге асырылуы тиіс, бұл ретте трансплантация жасалған пациенттерде қандағы циклоспорин деңгейін бақылау керек.

Пациенттердің ерекше топтары

Бүйрек функциясы бұзылған пациенттер

Барлық көрсетілімдер

Циклоспорин шамалы дәрежеде бүйрекпен шығарылады, бүйрек функциясының бұзылуында оның фармакокинетикасы айтарлықтай өзгермейді. Дегенмен, дәрілік заттың нефроуытты әсер ету қаупіне байланысты бүйрек функциясына мұқият мониторинг жүргізу ұсынылады.

Трансплантацияға қатысы жоқ көрсетілімдер

Нефроздық синдромды қоспағанда, бүйрек функциясы бұзылған пациенттерде трансплантацияға қатысы жоқ көрсетілімдер бойынша циклоспоринді пайдалануға болмайды. Бүйрек функциясы бұзылған нефроздық синдромға шалдыққан пациенттерде дәрілік заттың бастапқы дозасы тәулігіне 2,5 мг/кг-дан аспауы тиіс.

Бауыр функциясы бұзылған пациенттер

Циклоспорин бауырда қарқынды түрде метаболизденеді. Бауыр функциясы бұзылған пациенттерде қандағы циклоспорин концентрациясы шамамен 2-3 есе артуы мүмкін. Бауыр функциясының ауыр бұзылулары бар пациенттерде ұсынылған нысаналы ауқымда қандағы дәрілік заттың концентрациясын ұстап тұру үшін оның дозасын төмендету қажеттілігі туындауы мүмкін; қандағы циклоспорин концентрациясын ол тұрақты деңгейге жеткенге дейін бақылау ұсынылады.

Балалар

Кейбір зерттеулерде 1 жастан бастап балаларда циклоспоринді ересектерге қарағанда анағұрлым жоғары дозаларда (кг дене салмағына шаққанда есептеу) пайдалану қажеттілігі туындады, сондай-ақ балалар ересектерге қарағанда дәрілік заттың неғұрлым жоғары дозаларына (кг дене салмағына шаққанда есептеу) шыдады.

Сикора препаратын трансплантацияға қатысы жоқ көрсетілімдер бойынша (нефроздық синдромды қоспағанда) балаларда қолдану ұсынылмайды.

Егде жастағы пациенттер (65 жастағы және одан асқан)

Егде жастағы пациенттерде циклоспоринді қолдану тәжірибесі шектеулі.

65 жастағы және одан асқан циклоспоринмен пероральді ем қабылдаған ревматоидты артриті бар пациенттерде систолалық артериялық гипертензия дамуы және қан сарысуындағы креатинин концентрациясы 3-4 ай емдеуден кейін бастапқы деңгейге қарағанда 50% және одан жоғары жоғарылауы ықтимал екені анықталды.

Егде жастағы пациенттерде циклоспорин дозасын сақтықпен таңдау қажет; әдетте, бауыр, бүйрек немесе жүрек функциясы бұзылыстарының анағұрлым жоғары жиілігіне байланысты, сондай-ақ қатар жүретін ауруларды, басқа дәрілік заттарды бір мезгілде қолдануды және осындай пациенттерде инфекцияларға жоғары сезімталдықты ескере отырып, ұсынылған дозалық ауқымда аз дозадан емді бастау керек.

Енгізу әдісі мен жолы

Ішке қабылдауға арналған.

Капсулаларды ішке қабылдайды, оларды тұтастай жұтқан жөн.

Дәрілік заттың тәуліктік дозасын 2 қабылдауға бөлу керек, оларды күн бойына біркелкі бөлу қажет. Препаратты тәулік уақыты мен тамақтану уақытын ескере отырып, тұрақты кестеге сәйкес қабылдау ұсынылады.

Артық дозалану жағдайында қабылдануы қажет шаралар

Симптомдары

Циклоспориннің жедел артық дозалануы туралы деректер шектеулі. Циклоспоринді 10 г-ға дейін (шамамен 150 мг/кг) дозада пероральді қабылдаған кезде құсу, бас айналу, бас ауыру, тахикардия сияқты шамалы айқындалған клиникалық симптомдар дамыды; жекелеген жағдайларда бүйрек функциясының қайтымды орташа айқындалған бұзылулары байқалды. Циклоспориннің кездейсоқ артық дозалануы кезінде (вена ішіне енгізу) шала туған нәрестелерде неонатальді кезеңде ауыр уыттану симптомдары тіркелді.

Емі

Артық дозаланудың барлық жағдайларында симптоматикалық және демеуші ем жүргізу керек. Препаратты пероральді қабылдағаннан кейінгі алғашқы бірнеше сағат ішінде құстырту немесе асқазанды шаю орынды болуы мүмкін. Циклоспорин іс жүзінде организмнен диализ және көмір гемоперфузиясы арқылы шығарылмайды.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Инфекциялар және паразиттік аурулар

Иммуносупрессивті ем қабылдайтын пациенттерде (циклоспоринді және циклоспоринді қамтитын емдеу схемаларын қоса алғанда) жергілікті және жайылған инфекциялардың (вирустық, бактериялық, зеңдік, паразиттік) даму қаупі артады. Сондай-ақ бұрыннан бар инфекциялық аурулар да өршуі мүмкін; полиомавирустық инфекциялардың реактивациясы нәтижесінде JC полиомавирусынан туындаған полиомавирус-астасқан нефропатия немесе үдемелі мультифокальді лейкоэнцефалопатия дамуы мүмкін. Ауыр жағдайлар, оның ішінде өліммен аяқталғандар туралы хабарламалар бар.

Қатерсіз, қатерлі және анықталмаған жаңа түзілімдер (кисталар мен полиптерді қоса алғанда)

Иммуносупрессивті ем қабылдайтын пациенттерде (циклоспоринді және циклоспоринді қамтитын емдеу схемаларын қоса алғанда) лимфомалардың, лимфопролиферативті аурулардың және басқа да қатерлі жаңа түзілімдердің, әсіресе терінің, даму қаупі артады. Қатерлі жаңа түзілімдердің пайда болу жиілігі жүргізілетін емнің қарқындылығы мен ұзақтығы артқан сайын ұлғаяды. Кейбір қатерлі жаңа түзілімдер өлімге әкелуі мүмкін.

Өте жиі

• гиперлипидемия

• тремор, бас ауыру

• артериялық гипертензия

• гирсутизм

бүйрек функциясының бұзылуы

Жиі

• лейкопения

• акне, гипертрихоз

• гипергликемия, анорексия, гиперурикемия, гиперкалиемия, гипомагниемия

• құрысулар, парестезия

• ысыну

• жүрек айнуы, құсу, жайсыздық/іштің ауыруы, диарея, қызыл иек гиперплазиясы, пептидтік ойықжара

• бауырдың функционалдық көрсеткіштері тарапынан бұзылулар

• миалгия, бұлшықет түйілулері

• дене температурасының жоғарылауы, шаршау

Жиі емес

• ісіну, дене салмағының артуы

• тромбоцитопения, анемия

• энцефалопатия, құрысулар, сананың шатасуы, бағдардан адасу, жауап реакция жылдамдығының төмендеуі, ажитация, ұйқысыздық, көрудің бұзылуы, қыртысты соқырлық, кома, парездер және мишықтық атаксия сияқты белгілері мен симптомдары бар артқы қайтымды энцефалопатия синдромын қоса алғанда

• аллергиялық реакциялар

Сирек

• гемолиздік-уремиялық синдром, микроангиопатиялық гемолиздік анемия

• моторлы полинейропатия

• панкреатит

• бұлшықет әлсіздігі, миопатия

• етеккір оралымының бұзылуы, гинекомастия

Өте сирек

• көру жүйкесі дискісінің ісінуі, папиллоэдеманы қоса алғанда, қатерсіз бассүйекішілік гипертензиямен байланысты көрудің ықтимал бұзылуы

Жиілігі белгісіз

• тромбоздық микроангиопатия, тромбоздық тромбоцитопениялық пурпура

• бас сақинасы

• холестазды, сарғаюды, гепатитті және бауыр жеткіліксіздігін қоса алғанда, бауырдың гепатоуыттылығы мен зақымдануы, кейбір жағдайларда өліммен аяқталуы мүмкін

• аяқ-қолдың ауыруы

• есту қабілетінің бұзылуы#.

# Маркетингтен кейінгі кезеңде қандағы циклоспорин деңгейі жоғары пациенттерде есту қабілетінің бұзылысы болғаны жайында хабарланды.

Маркетингтен кейінгі кезеңде байқалған басқа да жағымсыз реакциялар

Циклоспоринмен ем қабылдаған пациенттерде холестазды, сарғаюды, гепатитті және бауыр жеткіліксіздігін қоса, гепатоуытты әсері және бауырдың зақымдануы туралы өздігінен келіп түстетін хабарламалар тіркелген. Мұндай жағдайлардың көпшілігінде пациенттерде елеулі қатарлас аурулар немесе жай-күйлер және басқа да алдын ала болжайтын факторлар болды (оның ішінде инфекциялық асқынулар және әлеуетті гепатоуытты әсері бар дәрілік заттарды бір мезгілде қабылдау). Кейбір жағдайларда, негізінен трансплантация жасалған пациенттер арасында өліммен аяқталған жағдайлар байқалды.

Жедел және созылмалы нефроуыттылығы

Кальциневрин тежегіштерімен ем қабылдайтын пациенттерде (циклоспоринді және циклоспоринді қамтитын емдеу схемаларын қоса алғанда) жедел немесе созылмалы нефроуытты әсер ету қаупі артады; осындай әсер циклоспоринді клиникалық зерттеулерде және постмаркетингтік кезеңде пайдаланған кезде байқалды. Жедел нефроуытты әсер ету жағдайларында электролиттік теңгерімнің гиперкалиемия, гипомагниемия және гиперурикемия сияқты бұзылулары тіркелді. Бүйректе созылмалы морфологиялық өзгерістер, соның ішінде артериолярлы гиалиноз, өзекшелер атрофиясы және интерстициальды фиброз туралы мәліметтер бар.

Аяқтың ауыруы

Циклоспоринді қолданумен байланысты аяқтың ауыру жағдайлары тіркелді. Аяқтың ауыруы кальциневрин тежегіштерін қолданумен байланысты ауырсыну синдромының құрамдас бөліктерінің бірі болды.

Балалар

1 жастан асқан балалардағы зерттеулерде стандартты дозаларда пайдалану кезінде циклоспориннің қауіпсіздік бейіні ересектердегі бейінге сәйкес келді.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір капсуланың құрамында

белсенді зат - циклоспорин 100.0 мг,

қосымша заттар: макроголглицерин гидроксистеараты (Коллифор RH 40), моно-және диглицеридтер (Капмул MCM NF), сусыз этанол 100.000 мг, орта тізбекті триглицеридтер (Каптекс 300 EP/NF), DL-α-токоферил ацетаты,

капсуланың құрамы: желатин, сұйық сорбитол ішінара дегидратацияланған (Полисорб 85/70/00) 90.071 мг, титанның қостотығы (Е 171), темірдің қара тотығы (Е 172).

Сыртқы түрінің, иісінің, дәмінің сипаттамасы

Ұзынша пішінді сұр түсті жұмсақ желатинді капсулалар.

Капсулалардың ішіндегісі - мөлдір, түссіз ерітінді.

Шығарылу түрі және қаптамасы

10 капсуладан пішінді ұяшықты қаптамаға салады.

3 немесе 5 пішінді ұяшықты қаптамадан қазақ және орыс тілдеріндегі қолдану жөніндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Уорлд Медицин Илач Сан. ве Тидж. А.Ш.»

15 Теммуз Мах., Джами Йолу Джад. №50, Гюнешли, Багджылар, Стамбул, Түркия

Тел: +90 (212) 474 70 50

Факс: +90 (212) 474 09 01

Эл.пошта: info@worldmedicine.com.tr

Тіркеу куәлігінің ұстаушысы

«УОРЛД МЕДИЦИН ЛТД.»

Бербути к-сі, 10/Алмасиани к-сі, 19-21, 26 кеңсе (II корп.), Тбилиси қ-сы, Грузия

Тел: + 995 32 2 21 28 12

Факс: + 995 32 2 21 28 13

Эл.пошта: worldmedicine.llc.geo@gmail.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Тел/факс: 8 (7272) 529090

Эл.пошта: rin_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, Қазақстан Республикасы, Алматы қ., Сүйінбай д-лы, 222Б

Ұялы телефон: +7 701 786 33 98

Эл.пошта: pvpharma@worldmedicine.kz