РИБОЛЬ (20 мг)

Халықаралық патенттелмегене атауы

Ибупрофен

Ішуге арналған суспензия 100 мг/5 мл, 100 мл, 200 мл

5 мл суспензия құрамында

белсенді зат –100 мг ибупрофен,

қосымша заттар: сұйық сорбитол 70 % (Е420), глицерол (Е422), полисорбат 20 (Е432), микрокристалды целлюлоза және натрий карбоксиметилцеллюлозасы, метилпарагидроксибензоат (Е218), пропилпарагидроксибензоат (Е216), натрий сахаринаты (Е954), неогесперидин (Е959), кремнийқышқылды магний, лимон қышқылы моногидраты, апельсин хош иістендіргіші 33108, тазартылған су.

Апельсин иісі бар крем-сары түсті суспензия.

Қабынуға қарсы және ревматизмге қарсы препараттар. Қабынуға қарсы стероидты емес препараттар. Пропион қышқылы туындылары. Ибупрофен.

ATХ коды М01АЕ01

Фармакокинетикасы

Сіңірілуі

Ішу арқылы қабылдағанда 80%-дан астам ибупрофен асқазан-ішек жолынан сіңіріліп, қан плазмасындағы ең жоғарғы концентрациясына 1 сағаттан соң жетеді.

Ас ішу ибупрофеннің сіңірілуін баяулатады, бірақ оның биологиялық жетімділігін азайтпайды. Суспензия түріндегі ибупрофенді балалар 10 мг/кг дозада қабылдағанда, оның қандағы ең жоғарғы концентрациясы 55 мкг/мл құрайды. Ибупрофен тамақпен бірге қабылдағанда баяуырақ: (t max) сонымен қатар, аш қарында қабылдағанға қарағанда 30-60 минут ұзағырақ, сіңіріледі және 1,5-3 сағатты құрайды.

Таралуы

Ибупрофен қан плазмасы ақуыздарымен 99%-дан астамға байланысады. Дәрілік затты байланыстыратын негізгі ақуыздар альбуминдер болып табылады. Ақуыздармен байланысу дәрежесінің жоғарылығы ибупрофеннің синовиальді және жұлын-ми сұйықтығына өту жылдамдығын шектейді. Сондықтан, ибупрофен синовиальді сұйықтыққа баяу өтіп, ондағы емдік концентрациясы ұзақ уақыт сақталады.

Метаболизмі

Жартылай шығарылу кезеңі 2 сағатқа жуық.

Бүйрек арқылы (өзгеріссіз күйінде 1%-дан артық емес) және азғантай дәрежеде, өтпен шығарылады.

Фармакодинамикасы

Риболь – бұл қабынуға қарсы стероидты емес дәрі (ҚҚСД). Қабынуға қарсы, ауыруды басатын және ыстықты түсіретін әсер береді. Әсер ету механизмі арахидон қышқылының циклооксигеназа белсенділігін тежеуге негізделеді, бұл простагландин синтезінің бәсеңдеуіне алып келеді және қабыну медиаторларының босап шығуына бөгет болады. Ибупрофен қабынудан болған ауыруды, ісінуді және температура жоғарылауын азайтады. 

- ювенильді ревматоидтық артриттің симптоматикалық емі үшін

Ыстықты түсіретін және ауыруды басатын дәрі ретінде:

• қызбаны, соның ішінде, иммунизациядан кейінгі гипертермияны жылдам және тиімді төмендету үшін

• суық тию мен тұмау симптомдарын жылдам және тиімді басу үшін

• тамақтың ауыруы, тіс жару, тіс ауыруы, құлақ ауыруы, бас ауыруы сияқты жеңілден орташа дейінгі ауыру симптомдарын басу үшін

- аздаған ауырулар мен байламдардың созылуында.

Ішу арқылы қолдануға арналған.

5 мл суспензияның құрамында 100 мг ибупрофен бар.

Пайдаланар алдында біртекті суспензия алынғанша шайқау керек.

Дәрілік препаратты тамақтан кейін, сұйықтықтың көп мөлшерімен қабылдайды.

Суспензияны дәл дозалау үшін құтыға дозатор (қасық немесе шприц) қоса беріледі.

Дозасы баланың жас шамасы мен дене салмағына байланысты белгіленеді.

Риболь суспензия препаратының тәуліктік дозасы дене салмағына 20-30 мг/кг құрайды. Препаратты бір реттік дозаларда төменде келтірілген кесте бойынша тағайындайды:

Келесі жастағы балаларға:

6-12 айда (баланың орташа салмағы 6-10 кг): 24 сағат ішінде 3-4 рет 2,5 мл-ден, тәулігіне 200 мг асырмай.

1-3 жастағыларға (баланың орташа салмағы 10-15 кг): 24 сағат ішінде 3 рет 5,0 мл-ден, тәулігіне 300 мг асырмай.

4-6 жастағыларға (баланың орташа салмағы 15-20 кг): 24 сағат ішінде 3 рет 7,5 мл-ден, тәулігіне 450 мг асырмай.

7-9 жастағыларға (баланың орташа салмағы 21-29 кг): 24 сағат ішінде 3 рет 10 мл-ден, тәулігіне 600 мг асырмай.

10-12 жастағыларға (баланың орташа салмағы 30-40 кг): 24 сағат ішінде 3 рет 15 мл-ден, бірақ тәулігіне 900 мг асырмай.

Көрсетілген дозасын арттырмаңыз!

Иммунизациядан кейінгі қызба

1 жасқа дейінгі балаларға 2,5 мл. 1 жастан асқан балаларға, қажет болса, 6 сағаттан кейін тағы 2,5 мл.

24 сағат ішінде 5 мл артық қолданбаңыз!

Емдеудің ұзақтығы:

• Ыстықты түсіретін дәрі ретінде 3 күннен асырмай

• Ауыруды басатын дәрі ретінде 5 күннен асырмай

Егер қызба (температура) басылмаса, дәрігермен кеңесіңіз.

Ересектер

Ұсынылатын, бірнеше қабылдауға бөлінген дозасы, тәулігіне 1200-1800 мг құрайды. Кейбір пациенттерге тәулігіне 600–1200 мг жеткілікті болуы мүмкін. Ауыр және жедел жағдайларда дозасын жедел фазасы аяқталғанша арттыруға болады. Тәуліктік дозасы 2400 мг аспауы тиіс.

Ұсынылған дозасын арттырмау керек.

Өте жиі (≥ 1/10)

- жүрек айнуы, құсу, диарея, метеоризм, іш қатуы, диспепсия, іш ауыруы, мелена, қан құсу, ойық жаралы стоматит, асқазан-ішектен қан кету, колит пен Крон ауруының өршуі

- спецификалық емес аллергиялық реакциялар мен анафилаксия түріндегі аса жоғары сезімталдық реакциялары

- демікпені қоса, тыныс жолдарының реактивтілігі, демікпенің өршуі, бронх түйілуі, диспноэ

- бөртпені, қышынуды, есекжемді, пурпураны, ангионевроздық ісінуді қоса, терідегі түрлі көріністер

Жиі ( 1/100 -  1/10 дейін)

- бас ауыруы, бас айналуы, ұйқысыздық, қозу, ашушаңдық немесе шаршау

- асқазан-ішектің ойық жаралары, қыжыл, іш ауыруы, жүрек айнуы, құсу, метеоризм, іш өтуі, іш қатуы және асқазан мен ішектен болар-болмас қан жоғалту

Кейде (  1/1000 -  1/100 дейін)

- ринит

- ұйқысыздық, мазасыздық

- парестезия, ұйқышылдық

- көрудің нашарлауы

- естудің нашарлауы, құлақтағы шуыл немесе шыңыл, вертиго

- демікпе, бронх түйілуі, ентігу

- гастрит, он екі елі ішектің ойы жарасы, асқазанның ойық жарасы, ойық жаралы стоматит, асқазан-ішек перфорациясы

- гепатит, сарғаю, бауыр функциясының бұзылуы

- түрлі формалардағы уытты нефропатия, соның ішінде интерстициальді нефрит, нефроздық синдром, бүйрек жеткіліксіздігі

- есекжем, қышыну, пурпура, ангионевроздық ісіну, фотосезімталдық

Сирек ( 1/10000 -  1/1000 дейін)

- құсу, метеоризм, диарея, іш қатуы

- бас ауыруы, бас айналуы, қозу, ұйқысыздық, ұйқышылдық

депрессия, сананың шатасуы, елестеулер, құлақтағы шуыл

Өте сирек:< 1/10.000

- қан көрінісінің өзгерістері (анемия, тромбоцитопениялық пурпура, лейкопения, тромбоцитопения, панцитопения, агранулоцитоз)

- ұйқышылдық, депрессия, сананың шатасуы, елестеулер

- жүрек жеткіліксіздігі, гипертензия, тахикардия

- бауыр функциясының бұзылулары

- спецификалық емес ойық жаралы колит пен Крон ауруының өршуі

- асептикалық менингит (көбінесе, аутоиммундық аурулары бар пациенттерде)

- эзофагит, панкреатит, гепатит

- бүйректің жедел жеткіліксіздігі, папиллонекроз, әсіресе, ұзақ уақыт қолданғанда, қандағы мочевина деңгейінің жоғарылауымен және ісінулердің пайда болуымен бірге жүреді

- терінің буллездік реакциялары, анафилактоидтық реакциялар, анафилаксиялық шок, Стивенс-Джонсон синдромы, және уытты эпидермальді некроз (Лайел синдромы) сияқты қызба, алопеция, аллергиялық ринит

- асқазан-ішек жолының эрозиялы-ойық жаралы зақымданулары (бірқатар жағдайларда перфорациямен және қан кетумен асқынады), тітіркену, ауыздың шырышты қабығының құрғауы немесе ауыздың ауыруы, қызыл иектің шырышты қабығының ойық жаралануы, афтоздық стоматит, анорексия.

ҚҚСД емдеумен байланысты, ісінулердің, артериялық гипертензия мен жүрек жеткіліксіздігінің дамыған туралы хабарланған.

Эпидемиологиялық мәліметтер мен клиникалық зерттеулердің мәліметтері, ибупрофенді (әсіресе жоғары: тәулігіне 2400 мг дозаларында) қолдану және оны ұзақ уақыт қабылдаудың артериялық тромбоз көріністері (мысалы, миокард инфарктісі немесе инсульт) қаупінің аздап жоғарылауымен астасуы мүмкін деген болжам жасауға мүмкіндік береді.

Жағымсыз әсерлері пайда болған жағдайда препаратты қолдануды тоқтату керек.

- әсер етуші заты ибупрофенге немесе қосымша заттарының біреуіне аса жоғары сезімталдықта;

- анамнезде ацетилсалицил қышқылын немесе қабынуға қарсы стероидты емес басқа дәрлерді қабылдағаннан кейінгі бронх түйілуі реакциялары, демікпе, ринит немесе есекжем болса;

- қан түзілуінің шығу тегі түсініксіз бұзылуларында (соның ішінде, гемофилияда, гипокоагляцияда, геморрагиялық диатезде);

- қазіргі кезде немесе бұрын қайталанатын пептидтік ойық жара/геморрагиялар болса (расталған ойық жара ауруының немесе қан кетулердің екі немесе одан көп көрінісі);

- анамнезде бұрын тағайындалған қабынуға қарсы стероидты емес препараттармен емдеумен байланысты асқазан-ішектен қан кетудің немесе ойық жара перфорациясы болса;

- бүйрек және/немесе бауыр жеткіліксіздігі;

- жүректің ауыр жеткіліксіздігі;

- глюкозо-6-фосфатдегидрогеназа тапшылығы;

- 6 айға дейінгі балаларға

- жүктіліктің үшінші триместрі

- лактация кезеңі

- естудің нашарлауы, вестибулярлық аппараттың патологиясы

Салыстырмалы қарсы көрсетілімдер:

- жас егделігі

- асқазан мен 12-елі ішектің ойық жара ауруы (анамнездегі), гастрит, энтерит, колит

- этиологиясы түсініксіз қан аурулары (лейкопения және анемия)

Ибупрофен (басқа ҚҚСП сияқты) келесі дәрілік заттармен қабылданғанда ерекше сақтықты қажет етеді:

Аспирин: дәрігер тағайындаған төмен (тәулігіне 75 мг аспайтын) дозаларын қоспағанда, аспиринмен өйткені, бірге қолдану жағымсыз әсерлерінің даму қаупін арттыруы мүмкін.

Экспериментальді мәліметтер, аталған препараттарды бір мезгілде тағайындағанда ибупрофен аспириннің дезагрегациялық әсерін төмендетуі мүмкін екендігін көрсетеді. Алайда, аталған мәліметтердің шектеулілігі және клиникалық жағдайды ex vivo зерттеулер нәтижелерінің экстраполяциясы туралы ақпараттың жоқтығы ибупрофенді жүйелі түрде қолданғанда аталған әсердің туындауының нақты еместігін көрсетеді, ал препаратты ара-тұра қолданғанда аспириннің дезагрегациялық қабілетіне клиникалық релевантты әсері байқалмайды.

Басқа ҚҚСП, атап айтқанда, циклооксигеназа-2 селективті тежегіштері: жағымсыз әсерлерінің даму қаупінің артуы мүмкіндігіне байланысты, ҚҚСП тобының екі және одан көп препараттарының бір мезгілде қолданылуын болдырмау керек.

Антикоагулянттар: ҚҚСП антикоагулянттардың, атап айтқанда, варфариннің әсерін күшейтуі мүмкін.

Гипотензиялық препараттар және диуретиктер: ҚҚСП аталған топ препараттарының тиімділігін төмендетуі мүмкін. Диуретиктермен бір мезгілде қолдану ҚҚСП нефроуыттылығының жоғарылауына алып келуі мүмкін.

Кортикостероидтар:

Асқазан-ішек жолының ойық жараларының немесе қан кетулердің даму қаупі жоғарылайды.

Антиагреганттар және серотонинді кері қармаудың селективті тежегіштері (СКҚСТ): асқазан-ішектен қан кетудің туындау қаупі жоғары.

Жүрек гликозидтері: ҚҚСП мен жүрек гликозидтерін бір мезгілде тағайындау жүрек жеткіліксіздігінің ушығуына, шумақтық сүзіліс жылдамдығының төмендеуіне және жүрек гликозидтерінің қан плазмасындағы концентрациясының артуына алып келуі мүмкін.

Литий препараттары: ҚҚСП қолдану аясында қан плазмасындағы литий концентрациясының артуы ықтималдығы жөнінде мәліметтер бар.

Метотрексат: ҚҚСП қолдану аясында метотрексаттың қан плазмасындағы концентрациясының артуы ықтималдығы жөнінде мәліметтер бар.

Циклоспорин: ҚҚСП мен циклоспоринді бір мезгілде тағайындағанда нефроуыттылығының қаупі артады.

Мифепристон: ҚҚСП қабылдауды мифепристонды қабылдағаннан кейін кемінде 8-12 күннен ерте бастамау керек, өйткені ҚҚСП мифепристонның тиімділігін төмендетуі мүмкін.

Такролимус: ҚҚСП мен такролимусты бір мезгілде тағайындағанда нефроуыттылығының қаупі артуы мүмкін.

Зидовудин: ҚҚСП мен зидовудинді бір мезгілде қолдану гематологиялық уыттылығының артуына алып келуі мүмкін. Гемофилиясы бар, зидовудинмен және ибупрофенмен бірге ем қабылдаған АИТВ-оң пациенттерде гемартроз бен гематомалардың туындау қаупінің жоғарылағаны жөнінде мәліметтер бар.

Хинолондық қатардың антибиотиктері: ҚҚСП мен хинолондық қатардың антибиотиктерін бір мезгілде қабылдап жүрген пациенттерде құрысулардың даму қаупі жоғарылауы мүмкін.

Шөптердің экстрактілері: Гинкго билоба ҚҚСП-мен байланысты қан кетулердің қаупін күшейтуі мүмкін.

Егер препарат қысқа уақыт аралығында, симптомдарды басу үшін қажетті ең төменгі тиімді дозасында қабылданса, жағымсыз әсерлерін азайтуға болады.

Егде жастағы адамдарда ҚҚСП қолдану аясындағы жағымсыз реакциялардың, әсіресе асқазан-ішектен қан кетулер мен перфорациялардың жиілігі жоғарылағаны, кей жағдайларда өлімге соқтырғаны байқалады.

Тыныс мүшелеріне әсері: бронх демікпесі немесе өршу сатысындағы аллергиялық ауруы бар пациенттерде, сондай-ақ, анамнезінде бронх демікпесі /аллергиялық ауруы болған пациенттерде препарат бронх түйілуіне түрткі болуы мүмкін.

Басқа ҚҚСП бірге пайдалану: ибупрофеннің басқа ҚҚСП, атап айтқанда, циклооксигеназа-2 селективті тежегіштерімен бір мезгілде қолданылуын болдырмау керек.

Жүйелі қызыл жегі және дәнекер тіннің аралас ауруы: препаратты жүйелі қызыл жегісі немесе дәнекер тіннің аралас ауруы бар пациенттерде қолдану асептикалық менингиттің даму қаупінің жоғарылауымен байланысты болып келеді.

Бүйрекке әсері: препарат бүйрек жеткіліксіздігінің дамуымен жүретін бүйрек функциясының нашарлауын туғызуы мүмкін.

Бауырға әсері: препарат бауыр функциясының бұзылуын туғызуы мүмкін.

Жүрек-қантамыр жүйесі мен ми қанайналымына әсері: ҚҚСП қолдану аясында сұйықтықтың іркілуі, артериялық қысымның жоғарылағаны және ісінулердің пайда болғаны жөнінде хабардамалар болғандықтан, препаратты артериялық гипертензиясы және/немесе жүрек жеткіліксіздігі бар пациенттерде сақтықпен қолдану ұсынылады (қолданар алдында дәрігермен кеңесу керек).

Клиникалық және эпидемиологиялық зерттеулердің мәліметтеріне және эпидемиологиялық мәліметтерге сәйкес, ибупрофенді ұзақ уақыт бойы, әсіресе жоғары дозаларында (тәулігіне 2400 мг) қолдану тромбоздық асқынулардың (мысалы, миокард инфарктісінің немесе инсульттің) даму қаупінің аздап жоғарылауымен байланысты болуы мүмкін. Тұтас алғанда, эпидемиологиялық зерттеулер, ибупрофеннің төмен дозаларын (яғни, тәулігіне 1200 мг және одан аз) қабылдау мен миокард инфарктісінің даму қаупі арасында тәуелділік барын көрсетпейді.

Асқазан-ішек жолына әсері: препаратты анамнезінде асқазан-ішек жолының аурулары (спецификалық емес ойық жаралы колит, Крон ауруы) бар пациенттерде сақтықпен қолдану қажет, өйткені аталған топ препараттарын пайдаланғанда бұл аурулар өршуі мүмкін.

ҚҚСП тобының кез келген препаратын қолданғанда, ескертпе симптомдары немесе алдыңғы анамнезде мұндай асқынулар болған немесе болмаған кезде де, кез келген сәтте асқазан-ішектен қан кетудің, ойық жаралар мен перфорация туындаған жағдайлар туралы хабарламалар бар.

Асқазан-ішектен қан кетудің немесе ойық жара /перфорация қаупінің жоғарылығы ҚҚСП жоғары дозаларын пайдаланумен, пациенттің анамнезінде ойық жара ауруының, әсіресе, қан кетумен немесе перфорациясымен асқынған түрінің болуымен, сондай-ақ, препаратты егде жастағы адамдарда қолданумен байланысты. Пациенттердің атап келтірілген санаттарында емдеуді препараттың анағұрлым аз тиімді дозасынан бастау керек.

Анамнезінде асқазан-ішек жолы тарапынан уыттылық көрінісі болған пациенттер, әсіресе, егде жастағы науқастар асқазан-ішек жолы тарапынан, әсіресе емдеудің басында болған кез келген әдеттен тыс симптомдар туралы (атап айтқанда, асқазан-ішектен қан кету жағдайында) хабарлап отыруы тиіс.

Препаратты ойық жаралардың немесе қан кетудің туындау қаупін арттыруы мүмкін дәрілік заттармен, атап айтқанда, пероральді глюкокортикостероидтар, антикоагулянттар (варфарин), серотонинді кері қармаудың селективті тежегіштері немесе антиагреганттармен (аспирин) бір мезгілде ем қабылдап жүрген пациенттерде сақтықпен қолдану ұсынылады.

Ибупрофенмен ем қабылдап жүрген пациенттерде асқазан-ішектен қан кету немесе ойық жара туындаған жағдайда, препаратты қабылдауды тоқтату керек.

Теріге әсері: ҚҚСП қолданғанда сирек жағдайларда терінің ауыр, соның ішінде, өлімге соқтырған реакциялары (эксфолиативтік дерматит, Стивенс-Джонсон синдромы және уытты эпидермальді некролиз) дамыған туралы хабарланған. Мұндай реакциялардың туындау қаупінің жоғарылауы емдеудің басында байқалады: көпшілік жағдайларда реакция препаратты қабылдаудың алғашқы айы ішінде дамиды. Терідегі бөрпелердің, шырышты қабықтың зақымдануларының алғашқы белгілері немесе аса жоғары сезімталдықтың басқа көріністері жағдайларында препаратты қабылдауды тоқтату керек.

Циклооксигеназа/простагландиндер синтезін тежейтін дәрілік препараттар овуляция үдерісіне әсер етуінің салдарынан, әйелдерде ұрпақ өрбіту функциясының бұзылуының туығзуы мүмкіндігі жөнінде мәліметтер шектеулі. Бұл әсері препаратты қабылдау тоқтатылған жағдайда қайтымды.

Тұқым қуалайтын фруктозаны көтере алмаушылығы бар адамдарда ерекше сақтық таныту керек.

Жүктілік және лактация кезеңі

Простагландиндер синтезінің бәсеңдеуі жүктіліктің ағымына және/немесе эмбрион/шарананың дамуына жағымсыз әсер етуі мүмкін. Эпидемиологиялық зерттеулердің мәліметтері, простагландин синтезінің тежегіштерін жүктіліктің бастапқы мерзімдерінде қолданғаннан кейін аяғына дейін көтеріп жүре алмау қаупінің және жүрек ақаулары мен гастрошизистің дамуының артатындығына болжам жасауға мүмкіндік береді. Қауіп дозасы мен емдеу ұзақтығы артқан сайын жоғарылай түседі деп шамалауға болады. Риболь препаратын аса қажеттілігі болмаса, жүктіліктің бірінші және екінші триместрлерінде тағайындамаған дұрыс. Риболь жүктілікті жоспарлап жүрген әйелдерге, немесе жүктіліктің бірінші немесе екінші триместрінде тағайындалған жағдайда, мүмкіндігінше аз дозасын барынша қысқа уақыт мерзімінде қолдану керек. Простагландиннің кез келген тежегіштерін жүктіліктің үшінші триместрінде қолдану шаранаға әсер етіп, жүрек-өкпе уыттылығының (артериялық қан ағымының мерзімінен бұрын жабылуымен және өкпе гипертензиясымен); олигогидрамнионмен жүретін бүйрек жеткіліксіздігіне дейін үдеуі мүмкін бүйрек дисфункциясының дамуын туғызуы мүмкін. Жүктіліктің соңғы мерзімдерінде простагландин синтезінің тежегіштері ана мен жаңа туған нәрестенің жағдайына қан кету уақытын ұзарту мүмкіндігімен, жатырдың жиырылғыштығын бәсеңдетуімен әсер етуі мүмкін, бұл босанулардың кідіруімен және ұзаққа созылуымен қатар жүруі мүмкін, сондықтан Риболды жүктіліктің үшінші триместрінде қолдануға болмайды.

Лактация кезеңінде қолданылуы

Саны шектеулі зерттеулері барысында ибупрофен емшек сүтінде өте төмен концентрацияда анықталған, сондықтан оны бала емізетін әйелдерге тағайындау ұсынылмайды.

Дәрілік заттың көлік және қауіптілігі зор басқа механизмдерді басқару қабілетіне әсер ету ерекшеліктері

Болуы мүмкін жағымсыз әсерлерін ескере отырып, көлік құралын және қауіптілігі зор механизмдерді басқарғанда сақтық таныту қажет.

Ибупрофеннің, әсіресе, дене салмағына 400 мг/кг аз дозасында, артық дозалану симптомдарын туғызуы үшін уыттылығы аз.

Артық дозалануы кезінде препараттың жартылай шығарылу кезеңі 1,5 — 3 сағатты құрайды.

Симптомдары: ҚҚСП клиникалық маңызы бар дозаларын қабылдаған пациенттердің көпшілігінде артық дозалану симптомдары жүрек айнуымен, құсумен, эпигастрийдің ауыруымен және сирегірек, диареямен шектелуі мүмкін. Құлақтағы шуыл, бас ауыруы және асқазан-ішектен қан кету сияқты симптомдар туындауы мүмкін. Ауырырақ жағдайларда, орталық жүйке жүйесі тарапынан уыттылық көріністері, атап айтқанда, ұйқышылдық, ара-арасында – қозу, сондай-ақ, бағдарсыздық немесе кома байқалады, сирек жағдайларда құрысулар туындайды. Ауыр улану жағдайларында метаболизмдік ацидоз және протромбиндік уақыттың ұзаруы дамуы мүмкін, бұл препараттың өзара әрекеттесулерімен және қан ұюының айналымдағы факторларымен байланысты болуы мүмкін. Бүйректің жедел жеткіліксіздігі және бауыр зақымдануы туындауы мүмкін. Бронх демікпесі бар пациенттерде бұл ауру өршуі мүмкін.

Емі: асқазанды шаю, белсендіріліген көмірді ішу арқылы қабылдау, қажет болған жағдайда, міндетті түрде тыныс жолдарының еркін өткізгіштігін қамтамасыз етумен, жүрек қызметіне және пациенттің жағдайы қалыпқа түскенге дейін негізгі тіршілік көрсеткіштеріне мониторинг жүргізумен симптоматикалық және демеуші ем. Жиі немесе ұзаққа созылатын құрысуларды диазепам немесе лоразепамды вена ішіне енгізу арқылы басу керек. Бронх демікпесі кезінде бронходилататорларды қолдану ұсынылады.

Шығарылу түрі және қаптамасы

Дозалағыш қасығымен және шприц-дозаторымен бұралатын қақпағы бар III типті шыны құтыларда100 мл, 200 мл-ден.

Әр құты медициналық қолдану жөніндегі мемлекеттік және орыс тілдеріндегі нұсқаулықпен бірге жеке картон қораптарға салынған.

25оС-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Рецептісіз

Фармалабор-Продутос Фармасьютикос С.А.,

Кондексия-а Нова Индустриялық аймақ,

Кондекция-а Нова 3150-194, Португалия

Брюфармэкспорт с.п.р.л., 14 Рю де ля Гротт 14,

В-1020 Брюссель, Бельгия

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын ұйымның мекенжайы

Қазақстан Республикасы, 050034 Алматы қ., Қабдолов к-сі 22 б, 2 кеңсе

Тел/факс: 7 (727) 356-47-01/7 (727) 356-47-01

Электронды поштасы: bruphbe@brupharm.skynet.be

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Қазфарпромоушн» ЖШС, Алматы қ., Қабдолов к-сі 22 б, 2 кеңсе

E-mail: oralgulka@mail.ru

Телефон: 7 (727) 356-47-01/7 (727) 356-47-01