РАНВЭК

РАНВЭК

Упадацитиниб

Дәрілік түрі, дозасы

Босап шығуы ұзаққа созылатын, үлбірлі қабықпен қапталған таблеткалар, 15 мг.

Антинеопластикалық және иммуномодуляциялайтын препараттар. Иммуносупрессанттар. Селективті иммуносупрессанттар. Упадацитиниб.

Код АТХ L04AA44

Ересек пациенттерде орташа және жоғары белсенділіктегі ревматоидты артритті емдеу үшін.

Қолданудың басталуына дейінгі қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• белсенді туберкулез (ТБ) немесе белсенді күрделі инфекциялар

• бауырдың ауыр жеткіліксіздігі

• жүктілік кезеңі

Басқа дәрілік препараттармен өзара әрекеттесуі

CYP3A4 қуатты тежегіштері

РАНВЭК препаратын CYP3A4 қуатты тежегіштерімен (мысалы, кетоконазолмен) бірге қолданғанда, ұзақ уақыт бойы CYP3A4 қуатты тежегіштерімен ем алатын пациенттерде РАНВЭК препаратын сақтықпен қолданған жөн.

CYP3A4 қуатты индукторлары

РАНВЭК препаратын CYP3A4 қуатты индукторларымен (мысалы, рифампицин) бірге қолданғанда қан плазмасындағы упадацитиниб концентрациясының төмендеуі байқалады. Бірлесіп қолдану РАНВЭК препаратының емдік әсерін төмендетуге әкелуі мүмкін. РАНВЭК препаратын CYP3A4 қуатты индукторларымен бірге қолданған кезде пациенттерді денсаулық жағдайының өзгеруіне бақылау қажет.

Арнайы ескертулер

Маңызды инфекциялар

РАНВЭК препаратын алған пациенттерде ауыр және кейде өлімге әкелетін инфекциялардың дамуы туралы деректер бар. РАНВЭК препаратын қабылдауға байланысты хабарланған ең жиі ауыр инфекциялар пневмония мен целлюлит болды. Сондай-ақ, оппортунистік инфекциялардың дамуы туралы да хабарланған болатын: туберкулез, бірнеше дерматомдарды зақымдайтын белдемелі герпес, ауыз қуысы/өңеш кандидозы және криптококкоз.

Жергілікті инфекцияларды қоса алғанда, белсенді түрдегі ауыр инфекциялары бар пациенттерді емдеу үшін РАНВЭК препаратын қолдануға болмайды. РАНВЭК препаратын қолдану басталғанға дейін ем жүргізудің қаупі мен пайдасын ескеру қажет:

• созылмалы немесе қайталанатын инфекциялары бар пациенттерде,

• туберкулез белгілері бар пациенттерде,

• анамнезінде ауыр немесе оппортунистік инфекцияға көрсетілімі бар пациенттерде,

• эндемиялық туберкулезі немесе эндемиялық микозы бар аудандарда тұратын немесе саяхаттаған пациенттерде,

• инфекцияның дамуына әкелуі мүмкін қосарласқан аурулары бар пациенттерде.

Пациенттерді РАНВЭК препаратымен ем кезінде және одан кейін инфекция белгілері немесе симптомдарының дамуына мұқият бақылау жасау қажет. Пациентте ауыр немесе оппортунистік инфекция дамыған жағдайда препаратты қабылдауды тоқтату керек. Пациентте жаңа инфекциялық ауру дамыған жағдайда РАНВЭК препаратымен емдеу кезінде иммунитеті әлсіреген пациентке толық диагностикалық тексеру жүргізу және тиісті емді бастау қажет. Егер пациент инфекцияға қарсы терапияға жауап бермесе, пациентті мұқият бақылауды жүзеге асыру және РАНВЭК препаратын қабылдауды тоқтату керек. РАНВЭК препаратын қабылдауды қайта жалғастыру инфекциялық ауруды толық бақылау қамтамасыз етілгеннен кейін мүмкін болады.

Туберкулез

РАНВЭК препаратымен ем басталар алдында пациенттерді туберкулездің бар-жоғына тексеру жүргізу керек. Туберкулездің белсенді түрі бар пациенттерге РАНВЭК препаратымен ем тағайындамаған жөн. Пациенттерде бұрын емделмеген туберкулездің латенттік түрі болған жағдайда РАНВЭК препаратымен ем басталар алдында туберкулезге қарсы ем қолдануды қарастыру керек.

Нақты пациент үшін туберкулезге қарсы терапияны бастаудың орындылығы туралы дұрыс шешім қабылдау үшін туберкулезді емдеу тәжірибесі бар дәрігермен кеңесу ұсынылады.

Туберкулездің белгілері мен симптомдарын анықтау мақсатында пациенттерді, ем басталғанға дейін туберкулездің латенттік түрінің болуына тестінің теріс нәтижесі бар пациенттерді қоса мұқият қадағалау қажет.

Вирустық инфекцияның реактивациялануы

Клиникалық зерттеулерде вирустық инфекциялардың (мысалы, белдемелі герпес) реактивация жағдайлары байқалды. Егер пациентте белдемелі герпес дамыса, аурудың эпизодын шешкенге дейін РАНВЭК препаратымен емдеуді уақытша тоқтату мүмкіндігін қарастыру керек.

РАНВЭК препаратымен емнің алдында және уақытында пациенттерді вирустық гепатиттің болуы тұрғысынан тексеру керек, сондай-ақ пациенттерді клиникалық ұсынымдарға сәйкес вирустық инфекцияның реактивациялану мәніне бақылау қажет. С гепатиті вирусының антигеніне немесе С гепатиті вирусының РНҚ құрамына антиденелердің болуына талдаудың оң нәтижесі бар пациенттер клиникалық зерттеулерден шығарылды. В гепатиті вирусының беткейлік антигеніне немесе В гепатиті вирусының ДНҚ құрамына қарсы антиденелердің болуына талдаудың оң нәтижесі бар пациенттер клиникалық зерттеулерден алынып тасталды. В гепатиті вирусының беткейлік антигеніне немесе В гепатиті вирусының ДНҚ құрамына қарсы антиденелердің болуына талдаудың оң нәтижесі бар пациенттер клиникалық зерттеулерден шығарылды. РАНВЭК препаратын қабылдау кезінде В гепатитінің ДНҚ анықталған кезде бауыр функциясы ауруларын емдеу жөніндегі маманмен кеңесу керек.

Вакцинация

Препаратты қабылдайтын пациенттердің тірі немесе белсендірілген вакциналармен вакцинациялауға реакциясы туралы деректер жоқ. Тірі аттенуирленген вакциналарды РАНВЭК препаратымен емдеу кезінде немесе тікелей басталар алдында қолдануға болмайды. Препаратты қолданар алдында барлық пациенттерге иммундау бойынша қолданыстағы ұсынымдарға сәйкес толық вакцинациядан өту, соның ішінде белдемелі герпеске қарсы профилактикалық вакцинациядан өту ұсынылады.

Қатерлі ісіктер

Ревматоидты артриті бар пациенттерде лимфоманы қоса алғанда, қатерлі ісіктердің даму қаупі артады. Иммунодепрессанттарды қолдану лимфомаларды қоса алғанда, қатерлі ісіктердің даму қаупін арттыруы мүмкін. Қатерлі ісіктердің дамуына РАНВЭК препаратымен емнің әсері анықталмаған.

РАНВЭК препаратын қолдану кезінде қатерлі ісіктердің дамуы байқалды. Терінің сәтті емделген меланоцитарлық емес обырын (ТМЕО) қоспағанда, қатерлі ісігі диагнозы қойылған пациенттерде ем басталар алдында және емдеу барысында қатерлі ісік дамыған пациенттерде РАНВЭК препаратымен емді жалғастырар алдында препаратты қолданудың пайдасы мен қаупін бағалау керек.

Терінің меланоцитарлы емес обыры

РАНВЭК препаратымен ем алған пациенттерде ТМЕО даму жағдайлары байқалды. Тері обыры дамуының жоғары қаупі бар пациенттердің терісіне үнемі тексеру жүргізу ұсынылады.

Вена тромбоэмболиясы

РАНВЭК қоса алғанда, Янус-киназа (JAK) тежегіштерін алатын пациенттерде терең вена тромбозы (ТВТ) және өкпе артериясының тромбоэмболиясы (ТЭ) жағдайлары тіркелді. Егер ТВТ/ТЭ дамуының клиникалық белгілері пайда болса, кейінгі тиісті емдеуді тағайындай отырып, пациенттерді дереу бағалау керек.

Зертханалық көрсеткіштер

Нейтропения: РАНВЭК препаратымен емдеу нейтропенияның даму жиілігінің (НАС 1000 жасушадан/мм3 кем) ұлғаюымен бірге жүреді. Нейтрофилдер саны мен ауыр инфекциялардың пайда болуы арасында тікелей байланыс анықталмаған.

Лимфопения: РАНВЭК препаратының клиникалық зерттеулерінде НАС 500 жасушадан / мм3 кем мәндерге дейін төмендету жағдайлары байқалды. Ауыр инфекцияның дамуымен лимфоциттер санының норманың төменгі шегіне дейін төмендеуі арасында байланыс орнаған жоқ.

Анемия: РАНВЭК препаратының клиникалық зерттеулерінде гемоглобин деңгейінің 8 г/дл дейін және одан төмен төмендеуі байқалды.

Зертханалық көрсеткіштердің жоғарыда аталған өзгерістерінің көпшілігі өтпелі болды және терапияны уақытша тоқтату кезінде нормаларға жетті.

Бастапқы кезеңде, содан кейін пациенттерді жүргізу процесінде үнемі РАНВЭК препаратын қолданудың орындылығын бағалау қажет. Емдеуді 1-кестеде көрсетілген өлшем шарттарға сәйкес келетін пациенттерде бастауға болмайды немесе уақытша тоқтату керек.

Липидтер: РАНВЭК препаратымен емдеу жалпы холестерин деңгейін, тығыздығы төмен липопротеиндерді (ТТЛП) және тығыздығы жоғары липопротеиндерді (ТЖЛП) қоса алғанда, липидтер концентрациясының ұлғаюымен қоса жүреді. Статиндермен емді қолданған кезде ТТЛП жоғары деңгейі емдеу басталғанға дейін байқалған мәндерге дейін төмендеді. Липидтер концентрациясының байқалған ұлғаюының жүрек-қан тамырлары ауруларының даму жиілігіне және жүрек-қан тамырлары ауруларынан болатын өлімге әкелу әсері анықталған жоқ.

Пациенттерді ем басталғаннан кейін 12 аптадан кейін және одан әрі гиперлипидемия бойынша клиникалық ұсынымдарға сәйкес бақылау керек.

Бауыр ферменттері белсенділігінің жоғарылауы: РАНВЭК препаратымен емдеу плацебо қабылдаумен салыстырғанда бауыр ферменттері деңгейінің жоғарылау жиілігінің ұлғаюымен қоса жүреді.

Бастапқы кезеңде, содан кейін пациенттерді қадағалап қарау барысында РАНВЭК препаратын қолданудың орындылығын бағалау қажет. Бауырдың дәрі-дәрмектік зақымдануының ықтимал жағдайларын анықтау үшін бауыр ферменттері деңгейінің жоғарылау себебін дереу зерттеу ұсынылады.

Егер пациентті дағдылы жүргізу кезінде АЛТ немесе АСТ белсенділігінің жоғарылауы байқалса және бауырдың дәрі-дәрмектік зақымдануына күдік болса, бұл диагноз жойылғанға дейін РАНВЭК препаратымен емдеуді тоқтату керек.

Иммунодепрессанттар

РАНВЭК препаратын азатиоприн, циклоспорин, такролимус, ревматизмге қарсы биологиялық дәрілік заттар немесе басқа да JAK тежегіштері сияқты басқа иммунодепрессанттармен біріктіріп қолдану клиникалық зерттеулерде зерттелмеген, сондықтан аддитивті иммуносупрессивті әсерге байланысты қауіпті болдыруға болмайды.

Жүктілік кезінде және лактация кезінде

Жүктілік

Жүкті әйелдерде упадацитинибті қолдану туралы деректер шектеулі. Алынған деректер осы дәрілік препаратты қолдануға байланысты туа біткен ақаулар мен түсіктің даму қаупі туралы хабардар ету үшін жеткіліксіз.

Жануарларға жүргізген зерттеу нәтижелеріне сәйкес упадацитиниб ұрықтың дамуына әсер етуі мүмкін.

Препараттың егеуқұйрықтар мен қояндардағы уытты әсерін эмбриофеталдық зерттеулерде упадацитиниб, егер жануарлар органогенез кезеңінде, сәйкесінше, егеуқұйрықтар мен қояндар үшін клиникалық дозадан (15 мг) 1,6 және 15 есе жоғары дозада упадацитиниб алған жағдайда, тератогендік әсер көрсетті. Бұдан әрі, егеуқұйрықтардағы пре - және постнаталдық дамуды зерттеу нәтижелеріне сәйкес, упадацитинибті қолдану аналықтар мен төлдеріне уытты әсер етеді.

Упадацитиниб жүктілік кезінде қолдануға болмайды.

Ұрпақ өрбіту жасындағы әйелдер

Жануарлардың эмбрионы мен ұрығының дамуына уытты әсер етуіне зерттеулер жүргізу кезінде упадацитинибтің егеуқұйрықтар мен қояндарда тератогенді әсері бар екенін анықтады.

Ұрпақ өрбіту жасындағы әйелдерге емдеу кезінде және РАНВЭК препаратының соңғы дозасын қабылдағаннан кейін 4 апта ішінде контрацепцияның тиімді дәрілерін қолдану ұсынылады.

Фертильділік

Егеуқұйрықтарға жүргізген зерттеулер нәтижелері негізінде, упадацитинибпен емдеу репродуктивті потенциалы бар аталықтарының немесе аналықтарының фертильділігін төмендетпейтіні анықталды.

Лактация

Упадацитиниб/метаболиттер емшек сүтіне енуі, енбеуі белгісіз. Қолда бар жануарларға жүргізілген зерттеулерден алынған фармакодинамикалық/токсикологиялық мәліметтер упадацитинибтің лактация кезінде сүтке енетінін көрсетті.

Нәрестелерге/сәбилерге уытты әсер ету қаупін жоққа шығаруға болмайды.

Бала емізу кезінде РАНВЭК қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

РАНВЭК препараты көлік құралдарын басқару және механизмдермен жұмыс істеу қабілетіне әсер етпейді немесе шамалы әсер етеді.

Қолдану бойынша ұсынымдар

Дозалау режимі

РАНВЭК препаратының ұсынылатын дозасы тамақ ішу кезінде немесе тамақ ішпестен бұрын күніне бір рет ішу арқылы қабылданатын 15 мг құрайды.

РАНВЭК препараты монотерапия ретінде немесе метотрексатпен немесе аурудың ағымын өзгертетін басқа да стандартты синтетикалық қабынуға қарсы препараттармен біріктіріп қолданылуы мүмкін.

РАНВЭК таблеткаларын толығымен жұтып, оларды сындыруға, жаншуға немесе шайнауға болмайды.

Енгізу әдісі және жолы

Ішке қабылдауға арналған. РАНВЭК препараты күніне бір рет тамақтану кезінде немесе тамақтануға қарамастан пероральді тағайындалады.

Емді уақытша тоқтату

РАНВЭК препаратын 500 жасуша/мм3-тен кем лимфоциттердің абсолюттік саны, 1000 жасуша/мм3-тен кем нейтрофилдердің абсолюттік саны немесе 8 г/дл-ден кем гемоглобин деңгейі бар пациенттерге қабылдауды бастау ұсынылмайды.

Егер пациентте ауыр инфекция дамитын болса, РАНВЭК препаратымен емдеуді уақытша тоқтату және инфекцияны бақылауды орнатқанға дейін препаратты қабылдауды қайта жаңғыртуға болмайды.

1-кесте. Зертханалық көрсеткіштердің ауытқуына байланысты препаратты қабылдауды ұсынылатын тоқтату

Пациенттердің ерекше топтары

Балаларда қолдану

18 жасқа дейінгі балалар мен жасөспірімдерде РАНВЭК препаратын қолданудың қауіпсіздігі мен тиімділігі бойынша деректер жоқ.

Егде жастағы пациенттерде қолдану

3 фазадағы 5 клиникалық зерттеулерде ем алған 4381 пациенттің ревматоидты артриті бар 906 пациент 65 және одан жоғары жаста болды. Егде жастағы және жас пациенттер арасындағы тиімділіктің айырмашылығы байқалмады. Алайда, жағымсыз әсерлер егде жастағы адамдарда жиі байқалды.

Бүйрек функциясының бұзылуы

Бүйрек функциясы жеңіл, орташа немесе ауыр дәрежедегі бұзылған пациенттерге препарат дозасын түзету қажет емес. Бүйрек ауруының терминалды сатысы бар пациенттерде РАНВЭК препаратын қолдануды зерттеу жүргізілген жоқ. Гемодиализ бүйректен тыс клиренстің упадацитинибті шығаруға әсеріне байланысты қан плазмасындағы упадацитиниб концентрациясына клиникалық маңызды әсер етпейді деп болжанады.

Бауыр функциясының бұзылуы

Бауыр функциясы жеңіл (Чайлд-Пью шкаласы бойынша А класы) және орташа (Чайлд-Пью шкаласы бойынша В класы) бұзылған пациенттерге дозаны түзету талап етілмейді.

РАНВЭК препаратын қолдану бауыр функциясының ауыр бұзылуы (Чайлд-Пью шкаласы бойынша С класы) бар пациенттерде ұсынылмайды.

Артық дозаланған жағдайда қабылдануы қажет шаралар

Упадацитинибтің ең жоғары дозасы тәулігіне 1 рет ұзақ әсер ететін препаратты қабылдаған кездегі тәуліктік AUC көрсеткіші бойынша 60 мг баламалы болды. Байқалған жағымсыз құбылыстар неғұрлым төмен дозаларды енгізу кезінде байқалған осындай құбылыстармен салыстырымды болады. Спецификалық уыттылық болған жоқ. Енгізілген упадацитиниб дозасының 90% - ға жуығы (клиникалық зерттеулерде бағаланатын дозалар диапазонында) 24 сағат ішінде шығарылады деп күтілуде. Артық дозаланғанда пациентті жағымсыз құбылыстардың даму белгілері мен симптомдарының дамуы тұрғысынан бақылау ұсынылады. Жағымсыз реакциялары дамыған пациенттерге тиісті ем тағайындау керек.

Дәрілік препараттың бір немесе бірнеше дозасын өткізіп алған кезде қажетті шаралар

РАНВЭК препаратының дозасын өткізіп алған жағдайда оны мүмкіндігінше тезірек қабылдау керек. Кезекті жоспарланған дозаны жоспарланған кестеге сәйкес қабылдау керек.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

ДП стандартты қолданғанда пайда болатын жағымсыз реакциялардың сипаттамасы және бұл жағдайда қабылданатын шаралар

Өте жиі: жоғарғы тыныс жолдарының инфекциясы (ЖТЖИ)*.

Жиі: нейтропения, гиперхолестеринемия, жөтел, жүрек айну, дене температурасының жоғарылауы, плазмадағы креатинфосфокиназа деңгейінің жоғарылауы, АЛТ жоғарылауы, АСТ жоғарылауы, дене салмағының жоғарылауы.

Жиі емес: пневмония, белдемелі теміреткі, герпестік қызба**, пероральді кандидоз, гипертриглицеридемия.

* Жоғарғы тыныс жолдарының инфекцияларына: жедел синусит, ларингит, ринофарингит, ауызжұтқыншақтағы ауыру, фарингит, фаринготонзиллит, ринит, синусит, тонзиллит, жоғарғы тыныс жолдарының вирустық инфекциясы жатады.

** Герпестік қызба ауыз қуысының герпесін қамтиды.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша ақпараттық дерекқорға тікелей жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

немесе

AbbVie Biopharmaceuticals GmbH компаниясының Қазақстан Республикасындағы өкілдігі: Алматы қ., 050040, Тимирязев к-сі, 28в, «Алатау Гранд» БО , тел. +7 727 222 14 18,

факс. +7 727 398 94 88, эл. поштасы: kz_ppd_pv@abbvie.com

Қосымша мәліметтер

Дәрілік препараттың құрамы

Босап шығуы ұзаққа созылатын, үлбірлі қабықпен қапталған әрбір таблеткада

белсенді зат: упадацитиниб гемигидраты (сусыз упадацитинибке шаққанда) – 15,4 (15,0) мг,

қосымша заттар: микрокристалды целлюлоза, гипромеллоза 2208, 3550 мПа•с, маннитол, шарап қышқылы, сусыз коллоидты кремнийдің қостотығы, магний стеараты;

таблетканың қабығы: Опадрай® II күлгін қабық жабыны (Opadry® II, 85F100091): поливинил спирті, полиэтиленгликоль 3350 / макрогол 3350, тальк, титанның қостотығы (Е171), темірдің қара тотығы (Е172), темірдің қызыл тотығы (Е172).

Сыртқы түрінің, иісінің, дәмінің сипаттамасы

Сопақша пішінді, екі жағы дөңес, бір жағында «а15» жазуы бар күлгін түсті үлбірлі қабықпен қапталған таблеткалар.

Шығарылу түрі және қаптамасы

Поливинилхлорид / полиэтилен / политрифторхлорэтиленнен және алюминий фольгадан жасалған пішінді ұяшықты қаптамада үлбірлі қабықпен қапталған 7 таблеткадан.

4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

2 жыл

Жарамдылық мерзімі өткеннен кейін қолдануға болмайды.

25С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

ЭббВи Айрлэнд НЛ Б.В., Ирландия

AbbVie Ireland NL B.V., Ireland

Manorhamilton Road Sligo, Ireland

Тел./факс: +49 621-589-18-56

https://www.abbvie.com

Тіркеу куәлігінің ұстаушысы

Эббви Биофармасьютикалс ГмбХ, Швейцария

Alte Steinhauserstrasse 14, 6330 Cham, Switzerland

Тел: (41 41) 399 1500;

факс: (41 41) 399 1501

E-mail: https://www.abbvie.ch

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Эббви Биофармасьютикалс ГмбХ» компаниясының Қазақстан Республикасындағы өкілдігі: Алматы қ., 050040, Тимирязев к-сі, 28в, «Алатау Гранд» БО , тел. +7 727 222 14 18,

тел.: +7 (727) 222-1481;

факс: +7 (727) 222 1420;

E-mail: kz_ppd_pv@abbvie.com.