Протионамид

• русский
• қазақша

• Скачать инструкцию медикамента

Саудалық атауы

Протионамид Халықаралық патенттелмеген атауы

Протионамид

Дәрілік түрі

Үлбірлі қабықпен қапталған 250 мг таблеткалар

Құрамы

Бір таблетканың құрамында

белсенді зат - 250 мг протионамид,

қосымша заттар: екінегізді кальций фосфаты, повидон К-90, натрий крахмалының гликоляты, жүгері крахмалы, пропиленгликоль, натрий бензоаты, микрокристалды целлюлоза (Авицел РН 102), тальк, коллоидты кремнийдің қостотығы, магний стеараты,

үлбірлі қабықтың құрамы: гипермеллоза, полиэтиленгликоль 400, талк, титанның қостотығы (Е-171), хинолинді сары (Е-104).

Сипаттамасы

Сары түсті үлбірлі қабықпен қапталған, екі беті дөңес, шеттері қиғашталған, дөңгелек пішінді таблеткалар.

Фармакотерапиялық тобы

Туберкулезге қарсы препараттар. Тиокарбамид туындылары. Протионамид

АТХ коды J04AD01

Фармакологиялық қасиеттері

Фармакокинетикасы

Протионамид асқазан-ішек жолдарынан тез сіңеді. Ішке қабылдағаннан соң әдетте шамамен 2-3 сағаттан кейін қан плазмасындағы ең жоғары концентрациясына жетеді. Протионамид тіндерге және организмнің биологиялық орталарына, жұлын сұйықтығын қоса алғанда, өте жақсы таралады. Протионамид белсенді сульфоксид-метоболитін, сонымен қатар басқа да белсенді емес метаболиттерді түзумен, экстенсивті биотрансформацияға ұшырайды, Препараттың 1%-дан аз мөлшері өзгермеген түрде несеппен бірге шығады. Препараттың жартылай шығарылу кезеңі шамамен 1.8 сағатқа жуық.

Фармакодинамикасы

Протионамид этионамидтің (2-этил тиоизоникотинамид) n-пропил туындысы болып келетін тионамидтің туындысы болып табылады, ал ол өз кезегінде изоникотин қышқылының туындысы болып табылады. Туберкулез микобактерияларының жасуша қабырғасының құрамындағы миколь қышқылдарының синтезін тежеу арқылы бактериостатикалық әсер көрсетеді. Жоғары концентрацияда микроб жасушасының ақуызы синтезін бұзып бактерицидті әсер көрсетеді. Протионамид изониазидпен немесе рафампицинмен емдеуге төзімді емделушілерде немесе басқадай препараттарды көтере алмаған кезде туберкулезді емдеуге қолданылады.

Протионамид, оларға емделушілер сезімтал және бұл сезімталдық тесттер нәтижесімен дәлелденген, басқа туберкулезге қарсы препараттармен біріктірілімде қолданылады.

Қолданылуы

- изониазидпен, рифампицинмен немесе 1-қатардағы басқа препараттармен емдеу тиімсіз болған жағдайда тек басқа тиімді препараттармен біріктірілмде ғана, 2-қатардағы химиотерапия режимінде мультирезистентті туберкулезде

Қолдану тәсілі және дозалары

Тамақтан кейін шайнамай, сумен бірге ішу арқылы ішке қабылдайды.

Ересектерге көптеген дәрілерге төзімді туберкулезді емдеуде протионамидтің 33-49 кг салмаққа ұсынылатын дозасы 500 мг, 50-70 кг салмаққа 750 мг, >70 кг салмаққа 1000 мг.

Емдеу ұзақтығы клиникалық көріністердің айқындығына тәуелді және дәрігермен анықталады.

Жағымсыз әсерлері

Жиі

- гиперсаливация

- қан сарысуындағы трансаминазалар деңгейінің жоғарылауы

- постуральді гипотензия, тахикардия

Кейде

- қант диабетімен науқастарда гипогликемия

Сирек

• тәбеттің болмауы, жүрек айнуы, құсу, диарея, ауыздың құрғауы және темір татуы

- бауыр қызметінің айқын бұзылулары

- акнетәрізді тері бөртпесі, терінің қышынуы

- бас айналуы, бас ауыруы, зейінді жұмылдырудың бұзылуы, астения, ұйқышылдық, ұйқының бұзылуы, психиканың бұзылуы, қозу жағдайы, депрессия, үрейлену

Жекелеген жағдайларда

- шеткергі невропатия, парестезиялар

- көру жүйкесінің невриті, жарықтан қорқу

Қолдануға болмайтын жағдайлар

• препаратқа жоғары сезімталдық

• жедел гастрит, асқазанның және он екі елі ішектің ойық жаралы ауруы, ойық жаралы-эрозиялы колит

• жедел гепатит, бауыр циррозы, бауыр қызметінің бұзылулары, бауыр жеткіліксіздігі

• қант диабеті

• эпилепсия

• жүктілік және лактация кезеңі

• 18 жасқа дейінгі балаларға

Дәрілермен өзара әрекеттесуі

Туберкулезге қарсы басқадай препараттармен бір мезгілде қолданғанда жекелеген препараттардың аддитивтік гепатоуытты әсері болатынын ескеру керек. Изониазидпен бір мезгілде қабылдағанда психиканың бұзылуы ықтимал. Кей жағдайларда протионамидті қабылдаған кезде инсулиннің немесе диабетке қарсы ішетін препараттардың дозасын төмендеткен жөн. Басқа туберкулезге қарсы препараттардың жағымсыз әсерлері протионамидті қолданғанда күшеюі мүмкін. Протионамидті циклосеринмен бір мезгілде қабылдау құрысудың туындауына әкелуі ықтимал.

Айрықша нұсқаулар

Препаратты қабылдауда бауыр қызметін айына кемінде 1 рет бақылау керек. Диабетпен, бауырдың зақымдануымен, маскүнемдікпен, депрессиямен немесе орталық жүйке жүйесінің ауруларымен, сондай-ақ бүйректің ауыр ауруларымен емделушілерге сақтықпен тағайындайды. Протионамидпен емделу кезінде орталық жүйке жүйесінің тежелу қаупіне байланысты алкоголь ішуге болмайды.

Қант диабетімен зардап шегетін емделушілерде қандағы қант деңгейіне мониторинг жүргізу керек. Әсіресе шырышты қабат жағынан тері реакциясының дамуы, никотин қышқылы амидінің және В тобының витаминдерінің жетіспеушілігімен туындаған пеллаграға ұқсас жағдайларға көрсетуі мүмкін. Препаратты қабылдауды тоқтату керек. Протионамид пен этионамид арасында толық айқаспалы төзімділік бар. Сондықтан протионамидті ауру қоздырғышының этионамидке төзімділігі анықталған науқастарда қолдануға болмайды. Егер емделуші қателесіп, препаратты қабылдауды ұмытып кетсе, екі еселенген доза қабылдауға болмайды.

Препарат жүйелі қолданбаған және/немесе оны қабылдауды уақытынан бұрын тоқтатқан жағдайда қоздырғыштар оған төзімді болуы мүмкін.

Препаратты галактозаны көтере алмайтын, лактаза тапшылығы немесе глюкоза және галактоза малабсорбциясы бар емделушілерде қолдануға болмайды.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Препаратты қабылдау кезінде жағымсыз әсерлерін ескеріп, көлік құралдарын немесе әлеуетті қауіпті механизмдерді басқаруда сақтық шараларын сақтау керек.

Артық дозалануы

Симптомдары: бауыр қызметінің бұзылуы, энцефалопатия, пеллагра тәріздес тері реакциялары.

Емі: препаратты тоқтату, симптоматикалық ем.

Шығарылу түрі және қаптамасы

50 таблеткадан тығыздығы төмен полиэтиленнен жасалған пакеттерде.

1 пакеттен медицинада қолданылуы жөніндегі мемлекеттік және орыс тілдеріндегі нұсқаулықпен бірге алюминий фольгадан жасалған үлбірмен жабылған тығыздығы жоғары полиэтиленнен жасалған және бұралатын пластмасса қақпағы бар банкілерге салынады.

Сақтау шарттары

Құрғақ, жарықтан қорғалған жерде, 30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Люпин ЛТД, ҮНДІСТАН

159, Си Эс Ти Роуд, Калина, Сантакруз (Ист), Мумбай 400098

Тіркеу куәлігінің иесі

Люпин ЛТД, Мумбай 400 098, ҮНДІСТАН

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы Люпин ЛТД компаниясының өкілділігі, 050000, Алматы қ.,

Жангелдин к-сі 31, «Жар - Су» БО, 419 кеңсе

Тел. + 7-727-2785973, факс: +7 (727) 3 86 28 38

E.mail: lupinkz@yandex.ru