Префемин

Префемин

Жоқ

Дәрілік түрі, дозалануы

Үлбірлі қабықпен қапталғантаблеткалар, 20 мг

Несеп-жыныс жүйесі және жыныс гормондары. Гинекологиялық ауруларды емдеуге арналған басқа препараттар.

АТХ коды G02CX

- етеккіралды синдромын емдеуге арналған өсімдік тектес дәрілік зат

- етеккір оралымының бұзылуында

Қолдануды бастағанға дейін қажетті мәліметтер тізбесі

- кәдімгі изен жемістеріне немесе қосымша заттардың кез келгеніне жоғары сезімталдық

- жыныстық жетілудегі балалар және 18 жасқа дейінгі жасөспірімдер

Қолдануға қатысты сақтық шаралары

Сүт бездерінің қатаюы және ісінуі сезілгенде, сондай-ақ етеккір оралымы бұзылғанда дәрігермен кеңесу керек.

Бұл дәрілік заттың құрамында бір дозаға шамамен 40 мг сіңірілетін көмірсу бар.

Басқа дәрілік заттармен өзара әрекеттесуі

Кәдімгі изен жемістерінің допаминергиялық және эстрогенді әсер көрсете алу қабілетіне байланысты Префемин мендопамин агонистері (аллергиялық тері реакциялары (бөртпе, есекжем), акне), антагонистері, эстрогендер мен антиэстрогендер арасында өзара әрекеттесу болуы мүмкін.

Арнайы ескертулер

Жүктілік, лактация кезеңі

Жүктілік және лактация кезеңінде препаратты қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тиісті зерттеулер жүргізілген жоқ.

Қолдануға арналған ұсыныстар

Дозалау режимі

Префемин препаратының ұсынылатын дозасы тәулігіне 1 таблетканы құрайды. Таблетка ішке қабылдауға арналған, оны шайнауға немесе соруға болмайды, бір стақан сумен іше отырып, бүтіндей жұту керек. Тиімді емдеу әсеріне қол жеткізу үшін кемінде 3 ай бойы үзіліссіз қабылдау ұсынылады. Қабылдауды кез келген уақытта бастауға болады.

Күтілетін емдік әсері болмаған жағдайда осы дәрімен әрі қарай емдеу қажеттігі туралы емдеуші дәрігермен кеңесу қажет.

Артық дозалану жағдайында қабылдау қажет болатын шаралар

Артық дозаланған жағдайлар туралы хабарланған жоқ.

Дәрілік препараттың бір немесе бірнеше дозасын өткізіп алған кездегі қажетті шаралар

Егер препараттың келесі дозасын жіберіп алған болса, оны келесі қолдану әдеттегідей, осы нұсқаулықта көрсетілген немесе дәрігердің ұсынысы бойынша жүзеге асырылуы керек. Жіберілген дозалардың орнын толтыру үшін пациент екі реттік дозаны енгізбеуі керек.

Егер сізде дәрілік препаратты қалай қолдану туралы сұрақтарыңыз болса, дәрігерден сұраңыз.

Тоқтату симптомдарының пайда болу қаупі көрсетілімдері

Егер препарат терапиясын тоқтату қажет болса, дәрігермен кеңесу ұсынылады.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Емдеуді бастамас бұрын дәрігермен кеңесіп, қабылдаған барлық дәрілік препараттар туралы дәрігерге хабарлау ұсынылады.

Оңтайлы нәтижеге қол жеткізу үшін сіз нұсқаулықта көрсетілген және дәрігер берген барлық ұсыныстарды қатаң сақтауыңыз керек.

Дәрігеріңізден кеңес алмай, көрсетілген дозалардан және емдеу ұзақтығынан асырмаңыз. Егер емдеуден кейін жақсару болмаса немесе симптомдар нашарласа немесе жаңа белгілер пайда болса, дәрігермен кеңесу керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз әсерлердің жиілігін анықтау келесі критерийлерге сәйкес жүзеге асырылады: өте жиі (≥ 1/10), жиі (≥ 1/100 - <1/10), сирек (≥ 1/1000 - <1/100), сирек ( ≥ 1/10000 - <1/1000), өте сирек (<1/10000), белгісіз (қолда бар мәліметтердің негізінде баға беру мүмкін емес).

Иммундық жүйесі тарапынан болатын бұзылулар: тұлғаның ісінуі, ентігу және жұтылу проблемаларымен ауыр аллергиялық реакциялар (пайда болу жиілігі белгісіз).

Жүйке жүйесі тарапынан болатын бұзылулар: бас ауруы, айналуы (пайда болу жиілігі белгісіз).

Асқазан-ішек жолы тарапынан болатын бұзылулар: асқазан-ішек жолдарының бұзылуы (мысалы, жүрек айнуы, іштің ауыруы) (пайда болу жиілігі белгісіз).

Тері тіні жағынан болатын бұзылулар: тері (аллергиялық) реакциялар (бөртпе, есекжем), акне (пайда болу жиілігі белгісіз).

Репродуктивті жүйе мен сүт бездері тарапынан болатын бұзылулар: етеккір циклінің бұзылуы (пайда болу жиілігі белгісіз).

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат: 20 мг кәдімгі изен жемістерінің нативті құрғақ экстрактісі (Agnus castus fruit) (6-12:1), экстрагент - этанол 60 % (м/м),

қосымша заттар: микрокристалды целлюлоза, лактоза моногидраты, магний стеараты, сусыз коллоидты кремнийдің қостотығы,

қабығы:гипромеллоза, титанның қостотығы (Е 171), макрогол 400, макрогол 20000, пропиленгликоль.

Сыртқы түрінің, иісінің, дәмінің сипаттамасы

Дөңгелек пішінді, екі беті дөңес, хош иісті, ақ түсті үлбірлі қабықпен қапталған таблеткалар.

Шығарылу түрі және қаптамасы

30 таблеткадан ПВХ/ПВДХ және баспалы лакталған алюминий фольгадан жасалған пішінді ұяшықты қаптамаға салынған.

1 немесе 3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

3 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

Макс Целлер Зьоне АГ,

Зеебликштрассе 4, 8590 Романсхорн, Швейцария

(Max Zeller Söhne AG,

Seeblickstrasse 4, 8590 Romanshorn, Switzerland)

Tel: +41 71 466 05 00

email: presse@zellerag.ch

Тіркеу куәлігінің ұстаушысы

Амакса Фарма ЛТД,

Портленд Хаус, БрессенденПлейс, Лондон SW1E 5RS, Ұлыбритания

(AmaxaPharma LTD,

Portland House, Bressenden Place, London SW1E 5RS, United Kingdom)

Tel.:+ 44 203 318 5770

e-mail: office@amaxa-pharma.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

"Registrarius" ЖШС,

050000, Қазақстан Республикасы, Алматы қ.,

Байзакова 280 к-сы, БЦ AlmatyTowers,

Коворкинг-центрSmArt. Point-2, 11 кеңсе

Тел.: +7 727 3131207; е-mail: info@registrarius.org