Пеметрексед

Пеметрексед

Инфузия үшін ерітінді дайындауға арналған лиофилизацияланған ұнтақ, 500 мг

Антинеопластикалық және иммуномодуляциялайтын препараттар. Антинеопластикалық препараттар. Антиметаболиттер. Фолий қышқылының аналогтары. Пеметрексед.

АТХ коды: L01BA04.

Пеметрексед цисплатинмен біріктірілімде бұрын химиялық ем алмаған плевраның резекция жасалмайтын қатерлі мезотелиомасы бар ересек пациенттерде қолдануға көрсетілген.

Қолданудың басталуына дейінгі қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• сары қызбаға қарсы вакцинаны қатарлас қолдану

• жүктілік және бала емізу кезеңі

• балалар мен 18 жасқа дейінгі жасөспірімдерге

Қолдану кезіндегі қажетті сақтандыру шаралары

Уыттылығы зор ісікке қарсы басқа препараттар сияқты, пеметрекседті қолданғанда, сондай-ақ инфузияға арналған ерітінділерді дайындау кезінде сақ болу керек. Қолғап пайдалануға кеңес беріледі. Пеметрексед ерітіндісі теріге тиіп кеткенде оны шұғыл әрі мұқият сабынды сумен жуып-шаю керек. Пеметрексед ерітіндісі шырышты қабықтарға түсіп кеткен жағдайда оларды сумен мұқият жуып-шаю қажет.

Пеметрекседтің теріден іріңдік шығару әсері жоқ. Пеметрексед ерітіндісінің экстравазациясында арнайы антидоты болмайды. Экстравазация жағдайында, іріңдіктердің түзілуін тудырмайтын басқа дәрілер жағдайындағы сияқты, экстравазация емі бойынша жергілікті емшаралар қадағалану қажет.

Инфузия үшін ерітінді дайындау туралы ұсынымдар

1. Препаратты қалыпқа келтіру және әріқарай венаішілік инфузияға арналған ерітіндіні сұйылту асептика ережелерін сақтаумен жүзеге асады.

2. Препараттың дозасы және құтысының қажетті саны есептеледі. Әр құтының ішінде қажетті дозаны оңай енгізу үшін артық мөлшердегі пеметрексед бар.

3. Құтының ішіндегісі инъекцияға арналған натрий хлоридінің 20 мл 0.9% (9 мг/мл) ерітіндісінде (консерванттарсыз) пеметрекседтің 25 мг/мл концентрациясына дейін ерітіледі. Әр құтыны лиофилизацияланған ұнтақ толық ерігенше мұқият шайқайды. Алынған ерітінді мөлдір болуы тиіс. Ерітіндінің түсін түссізден сарғыштау немесе жасылдау-сары түске дейін өзгертуге болады. Қалпына келтірілген ерітіндідегі рН 6.6-дан 7.8 дейін құрайды. Қосымша сұйылту қажет болады.

4. Қалыпқа келтірілген пеметрексед ерітіндісінің тиісті көлемін инъекцияға арналған натрий хлоридінің 100 мл 0.9% (9 мг/мл) ерітіндісіне дейін (консерванттарсыз) қосымша сұйылту керек, одан кейін оны 10 минутқа созылатын венаішілік инфузия түрінде енгізуге болады.

5. Осы ұсынымдарға сай әзірленген пеметрексед ерітінділері инфузияға арналған жүйелермен және поливинилхлорид пен полиолефиннен жасалған инфузиялық пакеттермен үйлесімді.

6. Дайындалған ерітіндіні енгізер алдында механикалық қосылыстарының және түс өзгерісінің бар-жоғын қарап тексеру қажет. Механикалық қосылыстары болса, дайындалған ерітіндіні пайдалануға тыйым салынады.

7. Ерітінді бір рет қолдануға арналған. Препараттың пайдаланылмаған ерітіндісін және қалдықтарын ұлттық заңнамада белгіленген талаптарға сәйкес жойып жіберген жөн.

Үйлесімсіздік

Пеметрексед құрамында кальций бар ерітінділермен, оның ішінде инъекцияға арналған Рингер лактат ерітіндісімен және инъекцияға арналған Рингер ерітіндісімен физикалық тұрғыда үйлесімсіз, демек, олар пайдаланылмауы тиіс. Үйлесімділігіне жүргізілген зерттеудің болмауына байланысты, дәрілік препаратты басқа дәрілік препараттармен араластыруға болмайды.

Барлық дәрілік препараттармен өзара әрекеттесуі

Пеметрекседті нефроуытты препараттармен (мысалы, аминогликозидтер, ілмектік диуретиктер, платина препараттары, циклоспорин) және өзекшелік секреция арқылы экскрецияланатын препараттармен (мысалы, пробенецид, пенициллин) бір мезгілде сақтықпен қолдану керек. Пеметрекседті аталған препараттармен бір мезгілде пайдалану пеметрекседтің организмнен шығарылуын баяулатуы мүмкін. Осындай препараттарды бір мезгілде қолдану қажет болған жағдайда креатинин клиренсін мұқият бақылап отыру керек.

Бүйрек функциясы қалыпты пациенттерге (креатинин клиренсі ≥ 80 мл/мин) қабынуға қарсы стероидты емес препараттардың (ҚҚСП) немесе ацетилсалицил қышқылының жоғары дозаларын пеметрекседпен бір мезгілде қолданғанда сақ болу керек. Пеметрекседті аталған препараттармен бір мезгілде пайдалану пеметрекседтің организмнен шығарылуын баяулатуы, соның салдарынан, жағымсыз құбылыстардың даму жиілігінің артуын туғызуы мүмкін.

Бүйрек жеткіліксіздігі жеңіл немесе орташа (креатинин клиренсі 45-79 мл/мин) пациенттерге пеметрексед қолдану алдында, инфузия күні және одан кейін 2 күн бойы жоғары дозаларда ҚҚСП және ацетилсалицил қышқылын (>1,3 г/тәулік) қолданбау керек.

Жартылай шығарылу кезеңі ұзаққа созылатын ҚҚСП (мысалы, пироксикам немесе рофекоксиб) қабылдайтын бүйректің жеңіл және орташа жеткіліксіздігі бар пациенттер пеметрексед қолдануға дейін кемінде 5 күн бұрын ҚҚСП қабылдауды тоқтату, сондай-ақ осындай препараттарды инфузия күні және одан кейін 2 күн бойы қабылдаудан бас тарту керек. Егер жартылай шығарылу кезеңі ұзаққа созылатын ҚҚСП қолдану аса қажеттілік себебінен болса, уыттылық белгілерін, әсіресе, миелосупрессия және гастроинтестинальді уыттылық көріністерін дер мезгілінде анықтау үшін пациенттердің жай-күйін мұқият бақылау қажет.

CYP3A, CYP2D6, CYP2C9 және CYP1A2 изоферменттерінің қатысуымен метаболизденетін препараттар мен пеметрекседті бір мезгілде қолданғанда осы препараттардың метаболизмдік клиренсінің клиникалық мәнді тежелу ықтималдығы аз.

Пеметрекседпен емделу кезеңінде пероральді антикоагулянттарды тағайындау шешімі қабылданғанда халықаралық қалыптасқан қатынас (ХҚҚ) мониторингін жиірек өткізу көрсетілді.

Өліммен аяқталуы мүмкін жайылған вакциналық аурудың даму қаупіне байланысты, пеметрексед пен сары қызбаға қарсы вакцинаны бір мезгілде қолдану қарсы көрсетілімді.

Өліммен аяқталуы мүмкін жүйелі аурудың даму қаупіне байланысты, пеметрексед пен тірі аттенуирленген вакциналарды бір мезгілде қолдану ұсынылмайды (пеметрекседпен бірге қолдануға болмайтын сары қызбаға қарсы вакцинаны қоспағанда). Қауіптің артуы негізгі ауру салдарынан иммуносупрессиясы бұрыннан бар пациенттерде білінеді. Егер осылар болса (полиомиелит), белсенділігі жойылған вакциналарды қолдану керек.

Арнайы сақтандырулар

Пеметрексед сүйек кемігінің функциясын бәсеңдетуі мүмкін, бұл нейтропениямен, тромбоцитопениямен және анемиямен (немесе панцитопениямен) көрініс береді. Миелосупрессия, әдетте, пеметрексед қолдану кезінде дозаны шектейтін уыттылық болып табылады. Пеметрекседпен ем кезінде пациенттерге миелосупрессия белгілерін анықтау үшін мониторинг көрсетілді. Пеметрекседті пациенттерге ≥1500 жасуша/мм3 нейтрофилдердің абсолютті санына (НАС) жеткенше енгізуге болмайды, ал тромбоциттердің саны ≥100 000 жасуша/мм3 құрамайтын болады. Препарат дозасы әр келесі цикл алдында ең төмен НАС, тромбоциттер санын есепке ала отырып, алдыңғы цикл кезінде дамыған барынша айқын гематологиялық емес уыттылық туралы деректер негізінде түзетіледі.

Пеметрекседпен ем қабылдайтын барлық пациенттер емдеумен байланысты уыттылықты азайту үшін профилактикалық шара ретінде фолий қышқылы мен B12 дәруменін қабылдау керек.

Тері реакциялары кортикостероидтармен премедикация алмаған пациенттерде тіркелді. Дексаметазонмен (немесе аналогымен) премедикация тері реакцияларының жиілігін және ауырлық дәрежесін төмендетуге мүмкіндік береді.

Пеметрекседпен монотерапия немесе басқа химиялық препараттармен біріктіріп қолдану кезінде, бүйректің жедел жеткіліксіздігін қоса, бүйрек функциясының күрделі бұзылулары хабарланды. Осындай көріністері бар көптеген пациенттерде бастапқыда қауіп факторлары (сусыздану, гипертензия немесе диабет) болды. Пеметрекседпен монотерапияда немесе пеметрекседті полихимиялық ем режимдерінің құрамында пайдаланғанда нефрогенді қантсыз диабет және бүйрек өзекшелері некрозының жағдайлары тіркелді. Осындай құбылыстардың көпшілігі пеметрекседті тоқтатудан кейін рұқсат етілді. Жедел тубулярлы некроз, бүйрек функциясының төмендеу белгілерін, сондай-ақ нефрогенді қантсыз диабет симптомдарын (мысалы, гипернатриемия) анықтау үшін пациенттердің жай-күйін жүйелі бақылау қажет.

Плевралық жалқық немесе асцит нәтижесінде жиналған интерстициальді сұйықтығы бар пациенттерде пеметрекседпен емдеуді бастар алдында, бұл емшара міндетті емес болса да, жиналған сұйықтықты дренаждау мәселесін қарастыру керек.

Пеметрекседті цисплатинмен бір мезгілде қолданғанда осы біріктірілімнің асқазан-ішек жолына уытты әсерімен байланысты қатты сусыздану байқалды. Пациенттер пеметрекседтің цисплатинмен біріктірілімін қолдануға дейін және/немесе одан кейін антиэметикалық ем жүргізіп, гидратацияның талапқа сай деңгейін қамтамасыз ету керек.

Миокард инфарктісін және инсультті қоса, жүрек-қантамыр жүйесінің тарапынан болатын күрделі бұзылулардың клиникалық сынақтарда (әдетте, пеметрекседті басқа цитоуытты препараттармен біріктірілімде қолданғанда) байқалуы жиі емес. Осындай жай-күйлер көбінесе бастапқыда жүрек-қантамыр ауруларын дамытатын қауіп факторлары болған пациенттерде білінді.

Онкологиялық пациенттерде иммуносупрессияның жоғары даму қаупіне байланысты тірі аттенуирленген вакциналар мен пеметрекседті бір мезгілде қолдану ұсынылмайды.

Пеметрекседті қолдану алдында, пеметрекседпен емделу кезінде немесе емдеу аяқталған соң сәулемен емдеуден өткен пациенттерде сәулелі пневмонит жағдайлары туралы хабарламалар алынды. Осындай пациенттердің жай-күйін мұқият бақылап отыру және радиосенсибилизациялау қасиеттері бар басқа препараттарды қолданған жағдайда сақтану шараларын қабылдау керек.

Пеметрекседпен емдеудің басталуына дейін бірнеше апта немесе жыл бұрын сәулемен емделген пациенттерде сәулелі емнің жағымсыз әсерлері қайта туындаған жағдайлар тіркелді.

Қосымша заттар

Пеметрекседтің 1 құтысы ішінде шамамен 54 мг натрий бар. Натрий тұзын тұтыну шектелетін диета ұстанатын пациенттер оны ескеруі тиіс.

Педиатрияда қолдану

Пеметрексед педиатриялық қауымда қолдануға қарсы көрсетілімді.

Егде жастағы пациенттерде қолдану

Егде жастағы пациенттерді емдеу кезінде пациенттерде (65 жастан бастап және одан үлкен) 65 жасқа толмаған пациенттерге қолданылған дозаны түзету ұсынымдары қадағалану қажет.

Бүйрек функциясының бұзылуы бар пациенттерде қолдану

Пеметрексед креатинин клиренсі < 45 мл/минут пациенттерде қолдануға ұсынылмайды. Бүйрек функциясының жеңіл және орташа бұзылулары бар пациенттерде пеметрекседті ҚҚСП-мен (оның ішінде жартылай шығарылу кезеңі ұзаққа созылатын) және ацетилсалицил қышқылымен жоғары дозаларда қолдану ұсынымдары «Басқа дәрілік препараттармен өзара әрекеттесуі» бөлімінде берілген.

Бауыр функциясының бұзылуы бар пациенттерде қолдану

Аспартатаминотрансфераза (АСТ), аланинаминотрансфераза (АЛТ) белсенділігінің немесе жалпы билирубин мөлшерінің және пеметрексед фармакокинетикасының арасында өзара байланыс анықталмады. Билирубиннің қалыптың жоғары шегінен (ҚЖШ) 1.5 еседен көп жоғары концентрациясымен және/немесе аминотрансферазалардың ҚЖШ-дан 3 еседен көп (бауырда метастаздар болмаса) немесе 5 еседен көп (бауырда метастаздар болса) жоғары белсенділігімен бауыр функциясының бұзылуы бар пациенттерде пеметрексед қолдану деректері жеткіліксіз.

Жүктілік немесе лактация кезінде

Пеметрекседті жүктілік кезінде қолдану қарсы көрсетілімді. Жануарларға жүргізілген зерттеулерде пеметрекседтің тұқым өрбіту қабілетіне уыттылығы көрсетілген. Жүктілік уақытында қолданғанда пеметрексед күрделі туа біткен ақаулардың дамуын туғызуы мүмкін.

Пеметрексед препаратымен емделу кезеңінде, емшекпен қоректенетін жаңа туған нәрестелерде жағымсыз реакциялардың даму қаупі бар болғандықтан, әйелдер бала емізуден бас тарту керек.

Ерлер мен әйелдерге арналған контрацепция

Пеметрексед генетикалық бұзылуларды туғызуы мүмкін болғандықтан, жыныстық жетілген ерлерге пеметрекседпен ем кезінде және ол аяқталған соң 6 ай ішінде әке болуға әрекеттенбеу керек. Контрацепцияның сенімді әдістерін пайдалануға немесе жыныстық қатынастан бас тартуға кеңес беріледі.

Бала туу жасындағы әйелдер пеметрекседпен ем кезінде контрацепцияның тиімді шараларын қолдануы тиіс.

Фертильділік

Пеметрекседтің қайтымсыз бедеулікті туғызу мүмкіндігінің зор екенін ескеріп, емдеуді бастау алдында ерлерге отбасын жоспарлау мәселелері жөнінде кеңес алуды ұсыну керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пеметрекседтің көлік құралдарын немесе қауіптілігі зор механизмдерді басқару қабілетіне көрсететін әсері зерттелмеді. Сонымен бірге, пеметрексед шаршау туғызуы мүмкін, сондықтан осындай реакция туындағанда пациенттерге көлік құралдарын немесе аса қауіпті механизмдерді басқарудан бас тарту керек.

Қолдану жөніндегі нұсқаулар

Дозалау режимі

Пеметрексед препаратымен емдеу ісікке қарсы препараттарды қолдану тәжірибесі бар дәрігердің қадағалауымен жүргізілуі тиіс.

Пеметрекседтің ұсынылған дозасы дене беткейі ауданына (ДБА) 500 мг/м2, цисплатиннің ұсынылған дозасы 75 мг/м2 құрайды. Пациенттер құсуға қарсы талапқа сай ем алуы тиіс, олар цисплатинді енгізуге дейін және/немесе одан кейін гидратацияның талапқа сай деңгейімен қамтамасыз етілуі тиіс.

Енгізу әдісі және жолы

Қабылдау уақытының көрсетілуімен қолдану жиілігі

Пеметрексед әр 21 күндік циклдың алғашқы күні енгізіледі. Пеметрексед препаратын әр 21 күндік циклдың алғашқы күні енгізуден кейін шамамен 30 минут өткен соң цисплатин енгізіледі.

Пеметрексед қолдануды бастау алдындағы ұсынымдар

Пеметрексед енгізуге дейін бір күн бұрын, инфузия күні және препарат енгізуден кейінгі келесі күні тері реакцияларының туындау жиілігі мен ауырлық дәрежесін төмендету мақсатында 4 мг дексаметазонға баламалы дозада кортикостероидты препараттарды тәулігіне 2 рет пероральді қабылдау қажет.

Пеметрекседпен ем алатын пациенттер препарат уыттылығын азайту үшін фолий қышқылы препараттарын немесе құрамында фолий қышқылы бар мультидәрумендік кешендерді (350-ден 1000 мкг дейін) күнделікті қабылдауы тиіс. Фолий қышқылы препараттарын қабылдау пеметрекседпен емнің бүкіл курсы бойына және пеметрекседтің соңғы инфузиясынан кейін 21 күн бойы жалғасуы тиіс. Пеметрекседті алғаш енгізу алдындағы жеті күндік кезеңде B12 дәруменінің (1000 мкг) бір бұлшықетішілік инъекциясын, одан әрі – әр 3 цикл сайын бір инъекциядан енгізу қажет. B12 дәруменінің келесі инъекцияларын пеметрексед енгізілген күні жасауға болады.

Қадағалау

Пеметрекседті әр енгізу алдында лейкоцитарлық формуланы және тромбоциттер санын есептеумен жалпы қан талдауын жасау қажет. Химиялық емнің әр циклын бастар алдында бүйрек пен бауыр функциясын бағалау үшін биохимиялық қан талдауын жасау қажет. Химиялық емнің әр циклын бастау алдында пациенттерде нейтрофилдердің абсолютті саны (НАС) ≥ 1500 жасуша/мм3 құрауы тиіс, ал тромбоциттер деңгейі ≥100000 жасуша/мм3 болуы тиіс, креатинин клиренсі ≥ 45 мл/минутқа сәйкес келуі тиіс. Жалпы билирубин деңгейі ҚЖШ шегінен 1,5 еседен көп, бауырда метастаздар болғанда сілтілік фосфатаза (СФ), аспартатаминтрансфераза (АСТ) және аланинаминтрансфераза (АЛТ) белсенділігі 3 еседен көп немесе 5 еседен көп аспауы тиіс.

Дозаны түзету

Қайталанатын циклдар алдында дозаны түзету алдыңғы емдеу циклы кезіндегі гематологиялық көрсеткіштердің ең көп төмен мәніне немесе барынша айқын гематологиялық емес уыттануға негізделіп жүргізілу керек. Емдеуді уыттылық көріністерін қалыпқа келтіру мақсатында кейінге қалдыруға болады. Емді қалпына келтіруден кейін пеметрекседті монотерапия түрінде немесе цисплатинмен біріктірілімде қолдануға қатысты 1-3 кестелердегі ұсынымдарға сәйкес жалғастырған жөн.

1 кесте. Гематологиялық уыттылық дамуы кезінде пеметрексед пен цисплатинді дозалау режимі (монотерапияда немесе біріктіріп емдеу кезінде)

а АҚШ Ұлттық обыр институтының Жалпыға ортақ уыттылық кpитеpийлеріне сәйкес (NCI-CTC) ≥ 2 дәрежедегі қан кету анықтамасына сай.

Гематологиялық емес уыттылықтың  3 дәрежесінің (нейроуыттылықты қоспағанда) дамуында Пеметрексед препаратын енгізуді көрсеткіштері бастапқы деңгейден (емдеудің басталуына дейінгі) аз немесе оған тең деңгейге дейін қалпына келгенше кейінге қалдыру қажет. Одан әрі емді 2 кестеде берілген ұсынымдарға сәйкес жаңғырту қажет.

2 кесте. Гематологиялық емес уыттылық дамуында пеметрексед пен цисплатинді дозалау режимі (монотерапияда немесе біріктіріп емдеу кезінде) а, б

Нейроуыттылық дамыған жағдайда пеметрексед пен цисплатин дозасын түзету ұсынымдары 3 кестеде берілген. Нейроуыттылықтың 3 немесе 4 дәрежесінде емді тоқтату керек.

3 кесте. Нейроуыттылық дамуында пеметрексед (монотерапияда немесе біріктіріп емдеу кезінде) пен цисплатинді дозалау режимі

а АҚШ Ұлттық обыр институтының Жалпыға ортақ уыттылық кpитеpийлеріне сай (CTC-NCI).

Егер пациентте 3 немесе 4 дәрежедегі гематологиялық және гематологиялық емес уыттылық байқалса, Пеметрексед препаратымен емдеуді дозаларын екі рет азайтудан кейін тоқтату қажет. Емді, 3 немесе 4 дәрежедегі нейроуыттылық болса, шұғыл тоқтату керек.

Артық дозалану жағдайында қабылдау қажет болатын шаралар

Симптомдары: Артық дозалану кезінде анықталған симптомдары нейтропения, анемия, тромбоцитопения, мукозит, сенсорлық полинейропатия және бөртпе болып табылады. Артық дозаланудың күтілетін асқынуы нейтропениямен, тромбоцитопениямен және анемиямен көрініс беретін миелосупрессия болып табылады. Қосымша дене температурасының көтерілуімен немесе онсыз инфекцияларды, диарея және/немесе мукозитті байқауға болады.

Шұғыл емшаралар: Препараттың артық дозалануына күдік туындағанда гематологиялық көрсеткіштерді бақылап отыру және, қажет болса, демеуші ем жүргізу керек. Пеметрекседпен артық дозаланғанда кальций фолинатын немесе фолин қышқылын қолдану мүмкіндігін қарастыру керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Деректер жоқ.

Тоқтату симптомдары қаупінің болуына көрсетілім

Тоқтату симптомдарының қаупі туралы деректер жоқ.

Пеметрексед препаратын қолдану алдында дәрілік препаратты қолдану тәсілін түсіндіру үшін медициналық қызметкер кеңесіне жүгіну ұсынылды.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болса)

Плевраның қатерлі мезотелиомасы бар пациенттерде цисплатинмен біріктірілімде (фолий қышқылы мен В12 дәруменін қосумен)

Өте жиі

• нейтропения/гранулоцитопения, лейкопения, анемия,

тромбоцитопения

• гиперкреатининемия, креатинин клиренсінің төмендеуі*

• диарея, құсу, стоматит/фарингит, жүрек айну, анорексия, іш қату

• шаршау

• сенсорлы нейропатия

• бөртпе, алопеция

Жиі

• фебрильді нейтропения, инфекция, пирексия

• кеуде қуысының ауыруы

• конъюнктивит

• диспепсия

• дәм сезудің бұзылуы

• сусыздану

• есекжем

• АСТ, АЛТ, гамма-глутамилтранспептидаза (-ГГТ) деңгейінің жоғарылауы

• бүйрек жеткіліксіздігі

Жиі емес

• аритмия

• моторлы нейропатия

*«Басқа рубрикаларда жіктелуі болмаған (БРЖБ) несеп-жыныс жүйесі тарапынан бұзылулар» терминіне сәйкес келеді

Бұрын химиялық ем алған өкпенің жергілікті таралған немесе метастаздық ұсақ жасушалы емес обыры бар пациенттерде Пеметрекседпен монотеpапия (фолий қышқылын және В12 дәруменін қосумен)

Өте жиі

• нейтропения/гранулоцитопения, лейкопения, анемия

• шаршау

• диарея, құсу, стоматит/фарингит, жүрек айну, анорексия

• бөртпе/десквамация

Жиі

• тромбоцитопения

• инфекция (нейтропениясыз), фебрильді нейтропения

• аллергиялық реакция/аса жоғары сезімталдық

• қышыну, алопеция

• АЛТ және АСТ деңгейінің жоғарылауы

• креатинин деңгейінің жоғарылауы

• моторлы нейропатия, сенсорлы нейропатия

• көп пішінді эритема

• іштің ауыруы, іш қату

• дене температурасының көтерілуі

Жиі емес

• суправентрикулярлы аритмия

Өкпенің жергілікті таралған немесе метастаздық ұсақ жасушалы емес обыры бар пациенттерде бірінші желідегі ем ретінде цисплатинмен біріктірілімде (фолий қышқылын және B12 дәруменін қосумен)

Өте жиі

• анемия, нейтропения/гранулоцитопения, лейкопения, тромбоцитопения

• гиперкреатининемия

• шаршау

• жүрек айну, құсу, анорексия, іш қату, стоматит/фарингит, диарея (колостомиясыз)

• алопеция

Жиі

• диспепсия/қыжыл

• сенсорлы нейропатия, дәм сезудің бұзылуы

• бөртпе/десквамация

• фебрильді нейтропения, инфекция, пирексия

• сусыздану

• АЛТ және АСТ деңгейінің жоғарылауы

• бүйрек жеткіліксіздігі, креатинин клиренсінің төмендеуі

• конъюнктивит

Жиі емес

• аритмия

• кеуде қуысының ауыруы

• -ГГТ деңгейінің жоғарылауы

• моторлы нейропатия

IIIB және IV сатыдағы өкпенің ұсақ жасушалы емес обыры бар пациенттерде Пеметрекседпен демеуші монотерапия (фолий қышқылын және B12 дәруменін қосумен)

Өте жиі

• анемия

• шаршау

• жүрек айну, анорексия

Жиі

• лейкопения, нейтропения, тромбоцитопения

• АСТ, АЛТ деңгейінің жоғарылауы

• құсу, диарея, іш қату, мукозит/стоматит

• сенсорлы нейропатия, моторлы нейропатия, бас айналу

• алопеция, қышыну

• ауыру, ісіну, дене температурасының көтерілуі (нейтропения болмаса)

• бүйрек функциясының бұзылуы (қан сарысуында креатинин деңгейінің жоғарылауын, шумақтық сүзіліс жылдамдығының төмендеуін, бүйрек жеткіліксіздігін және бүйрек пен несеп шығару жолдары тарапынан басқа да бұзылуларды қоса)

• көз беткейінің аурулары (оның ішінде конъюнктивит), гиперсекреторлық көз жасының бөлінуі

• бөртпе/десквамация

• фебрильді нейтропения, инфекция

Жиі емес

• суправентрикулярлы аритмия

• өкпе эмболиясы

• көп пішінді эритема

• аллергиялық реакция/аса жоғары сезімталдық

Клиникалық және маркетингтен кейінгі зерттеулер деректері бойынша жағымсыз реакциялар

Жиі

• сепсис (өліммен аяқталатын кейбір жағдайларда)

• гиперпигментация

Жиі емес

• күрделі жүрек-қантамырлық және цереброваскулярлы құбылыстар, миокард инфарктісін, стенокардияны, ми қан айналымының жедел бұзылуы мен транзиторлы ишемиялық атаканы қоса (басқа цитоуытты дәрімен біріктірілімде). Бұзылулары анықталған пациенттердің көпшілігінде жүрек-қантамырлық аурулардың қауіп факторлары бар екені білінді.

• эзофагит/сәулелі эзофагит

• ісіну

• тыныс алу жеткіліксіздігімен болатын интерстициальді пневмонит (кейде өліммен аяқталатын)

• колит (кейбір жағдайларда өліммен аяқталатын ішектен қан кетуді және тік ішектен қан кетуді, ішек тесілуін, ішек некрозын және тифлитті қоса)

• панцитопения

• бүйректің жедел жеткіліксіздігі (пеметрекседпен монотерапияда немесе басқа химиялық ем дәрілерімен біріктірілімде)

• сәулелі пневмонит (пеметрексед қолдану алдына, онымен бір мезгілде немесе емдеу курсы аяқталған соң сәулемен емдеуден өткен пациенттерде)

• шеткері ишемия, кейде аяқ некрозының дамуымен

Сирек

• гепатиттің аса күрделі жағдайлары

• бұрын сәулелі ем алған пациенттерде сәулемен емдеудің жағымсыз әсерлерінің («радиациялық жады») қайта туындауы

• иммунитетке байланысты гемолиздік анемия

• буллезді жай-күйлер, Стивенс-Джонсон синдромын және уытты эпидермалық некролизді қоса (кейбір жағдайларда өліммен аяқталатын)

• анафилаксиялық шок

Айрықша сирек (бірлі-жарым жағдайларда)

• эритематозды ісіну (негізінен аяқтарда)

• нефрогенді қантсыз диабет, бүйрек өзекшелерінің некрозы

• терінің, гиподерманың және тері асты тіндерінің инфекциялық және инфекциялық емес аурулары (мысалы, жедел бактериялық дермогиподермит, жалған целлюлит, дерматит)

Күмәнді жағымсыз реакциялар туралы хабарламалар

Дәрілік затты тіркеуден кейінгі күмән тудырған жағымсыз реакциялар туралы хабарлау маңызды. Бұл дәрілік затты қолданудың пайда/қауіп арақатынасына мониторинг жасау мүмкіндігін береді. Денсаулық сақтау саласы мәселелерімен айналысатын тұлғалар реттеу органдарының ұлттық хабарландыру жүйелері арқылы барлық күмәнді дәрілік реакциялар туралы хабарлауы тиіс.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде

белсенді зат – пеметрексед (пеметрексед динатрий гептагидраты түрінде), 500 мг

қосымша заттар: 500 мг маннитол, 2,5 М натрий гидроксиді ерітіндісі немесе 2,74 М хлорсутек қышқылы q.s. рН түзету үшін.

Сыртқы түрінің, иісінің, дәмінің сипаттамасы

Ақтан сарғыш немесе сарғыш-жасыл түске дейінгі лиофилизацияланған масса.

Шығарылу түрі және қаптамасы

Резеңке тығынмен тығындалған және алюминий қалпақшамен қаусырылған сыйымдылығы 50 мл түссіз шыны құтыларда 500 мг препараттан. Әр құтыға заттаңбалық қағаздан жасалған өздігінен желімденетін заттаңба жапсырылады.

Медициналық қолдану жөніндегі мемлекеттік және орыс тілдеріндегі нұсқаулықпен бірге 1 құтыдан картон қорапшаға салынады.

25°С-ден аспайтын температурада сақтау керек.

Дайындалған ерітіндіні 20С-ден 80С-ге дейінгі температурада 24 сағаттан асырмай сақтау керек. Құты бір рет қолдануға арналған.

Пайдаланылмаған ерітінді жоюға жатады.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Беларусь ұлттық ғылым академиясының биоорганикалық химия институты» мемлекеттік ғылыми мекемесі

Беларусь Республикасы, 220141, Минск қ., Академик В.Ф. Купревич көш., 5 үй, 2 корпус, тел./факс: +375 (17) 267 87 61, е-mail: info@iboch.by

Тіркеу куәлігінің ұстаушысы

«Беларусь ұлттық ғылым академиясының биоорганикалық химия институты» мемлекеттік ғылыми мекемесі

Беларусь Республикасы, 220141, Минск қ., Академик В.Ф. Купревич к-сі, 5 үй, 2 корпус, тел./факс: +375 (17) 267 87 61, е-mail: info@iboch.by

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Селмур-Фармация» ЖШС

Қазақстан, 050000, Алматы қ., Жібек жолы к-сі, 135/10А

тел.: +7 (701) 782 80 31 е-mail: olgamshelp@mail.ru.