Парол Плюс (Парацетамол)

Парол Плюс

Парацетамол

Дәрілік түрі, дозалануы

Ішуге арналған суспензия, 250 мг/5 мл

Жүйке жүйесі. Анальгетиктер. Басқа анальгетиктер және антипиретиктер. Анилидтер. Парацетамол.

АТХ коды N02BE01

Парол Плюс қарқындылығы әлсіз немесе орташа ауыруды симптоматикалық емдеу және қызбаны басу үшін қолданылады.

Қолдануды бастағанға дейін қажетті мәліметтер тізбесі

- парацетамолға немесе препараттың қосымша заттарының кез келгеніне аса жоғары сезімталдық

- бауырдың ауыр жеткіліксіздігі (Чайлд-Пью шкаласы бойынша > 9) және бүйрек жеткіліксіздігі

Қолдану кезінде қажетті сақтық шаралары

Парол Плюс құрамында белсенді зат ретінде парацетамол бар. Құрамында парацетамол бар басқа препараттармен бір мезгілде қолданудан аулақ болу керек. Құрамында парацетамол бар басқа препараттармен бір мезгілде қабылдау артық дозалануға әкелуі мүмкін.

Парацетамолдың артық дозалануы фатальді бауыр жеткіліксіздігіне немесе бауыр трансплантациясына әкелуі мүмкін.

Глутатион деңгейі төмен пациенттерде (мысалы, тамақтанудың ауыр бұзылулары, анорексия, дене салмағы индексінің төмендеуі, алкогольді созылмалы шамадан тыс тұтыну немесе сепсисі бар пациенттерде) бауыр дисфункциясы/жеткіліксіздігі жағдайлары туралы хабарланды.

Глутатион деңгейі төмен пациенттерде парацетамолды қолдану метаболизмдік ацидоздың даму қаупін арттыруы мүмкін.

Парацетамолды анемия, өкпе аурулары, бауыр және бүйрек дисфункциясы бар пациенттерде дәрігердің бақылауымен сақтықпен қолдану керек. Бұрыннан бар бауыр аурулары бар пациенттер үшін жоғары дозаларды қабылдау немесе ұзақ емдеу кезінде бауыр сынамаларын кезеңдік бақылау қажет болуы мүмкін. Артриттің ауыр емес түрлері бар пациенттерге, сондай-ақ ауыруды басатын дәрілерді қабылдайтын пациенттерге дәрігердің кеңесі ұсынылады.

Бірінші немесе қайтадан қабылдағанда теріде қызару мен бөртпе пайда болуы немесе тері реакциясы болуы мүмкін. Бұл жағдайда препаратты қабылдауды тоқтатып, баламалы емдеуді бастау керек. Парацетамолға тері реакциясы бар пациентке осы препаратты немесе құрамында парацетамол бар басқа препаратты қолданбаған жөн. Бұл ауыр, кейде өліммен аяқталатын тері реакцияларына, Стивенс Джонсон синдромы (SJS), уытты эпидермальді некролиз (TEN) және жедел жайылған экзантематозды пустулезге (AGEP) әкелуі мүмкін.

Емдеу барысында дозаны түзету және пациентті үнемі бақылау қажет. Ұсынылғаннан жоғары дозаларда ауыр гепатоуыттылық қаупі бар.

Созылмалы күнделікті қабылдау кезінде парацетамол ересектерде бауырдың зақымдануын туындатуы мүмкін.

Гепатоуыттылық қаупі салдарынан парацетамолды жоғары дозада немесе ұзақ уақыт қабылдамаған жөн. Бауырдың жеңіл немесе орташа жеткіліксіздігі бар пациенттерге (Чайлд-Пью < 9 шкаласы бойынша) парацетамолды сақтықпен қолдану керек.

Парацетамолды емдік дозаларда қабылдаған кезде қан сарысуындағы аланин-аминотрансфераза (АЛТ) деңгейінің жоғарылауы мүмкін.

Бауырдың тотығу үдерісін жоғарылататын және бауырдағы глутатион мен парацетамолды емдік дозада төмендететін препараттарды бір мезгілде қолдану, алкоголизм, сепсис немесе қант диабеті сияқты кейбір жай-күйлер гепатоуыттылық қаупінің жоғарылауына әкелуі мүмкін.

Глюкоза-6-фосфатдегидрогеназа тапшылығы болған жағдайда парацетамолды сақтықпен қолдану керек. Сирек жағдайларда гемолиз дамуы мүмкін.

Парацетамолды жоғары дозада ұзақ уақыт қолдану бүйрек функциясының бұзылуын туындатуы мүмкін.

Жалпы, парацетамолды ұзақ уақыт қолдану, әсіресе басқа анальгетиктермен бірге, бүйректің қайтымсыз зақымдануына және бүйрек жеткіліксіздігінің даму қаупіне (анальгетикалық нефропатия) әкелуі мүмкін.

Жильбер синдромы бар пациенттерде парацетамолды қолдану склераның иктеризмі және айқын гипербилирубинемия сияқты клиникалық симптомдарды туындатуы мүмкін. Демек, бұл пациенттерде парацетамолды сақтықпен қолдану керек.

Парацетамолды алкогольді қалыпты тұтынумен бір мезгілде қолдану гепатоуыттылық қаупінің жоғарылауына әкелуі мүмкін. Бауырдың алкогольді ауруы бар пациенттерде препаратты сақтықпен қолдану керек.

Алкогольді тұтынатын адамдарда бауырдың зақымдану қаупіне байланысты парацетамолдың тәуліктік дозасы 2000 мг-ден аспауы тиіс.

Егер жаңа симптомдар немесе ауыру пайда болса және/немесе температура 3-5 күн ішінде төмендемесе, пациенттерге парацетамолды қабылдауды тоқтату және дәрігерге жүгіну ұсынылады.

Басқа дәрілік препараттармен өзара әрекеттесуі

Пропантелин сияқты асқазан перистальтикасын бәсеңдететін препараттар парацетамолдың сіңуін төмендеуі және, демек, оның әсерінің едәуір кеш басталуын туындатуы мүмкін.

Метоклопрамид сияқты асқазан перистальтикасын жеделдететін препараттар парацетамолдың сіңуінің жоғарылауына әкелуі мүмкін, сондықтан оның әсері тезірек басталуы мүмкін.

Бауыр микросомальді ферменттерін индукциялайтын құрысуға қарсы препараттар немесе пероральді контрацептивтер сияқты дәрілік заттарды қолдану метаболизденген парацетамол мөлшерінің ұлғаюы есебінен препараттың қан плазмасындағы концентрациясының төмендеуіне және тез элиминацияға әкелуі мүмкін.

Парацетамолдың уытты емес дозаларын кейбір тыныштандыратын және эпилепсияға қарсы препараттармен (глутетимид, фенобарбитал, фенитоин, карбамазепин және т.б.) немесе бауырдағы микросомальді ферменттердің индукциясын тудыратын рифампицин сияқты препараттармен бір мезгілде қолдану бауыр функциясының бұзылуына әкелуі мүмкін. Алкогольді шамадан тыс пайдаланған жағдайда парацетамолды емдік дозаларда қабылдау сондай-ақ бауырдың зақымдануына әкелуі мүмкін.

Алкогольді созылмалы тұтыну парацетамолдың артық дозалануы кезінде пациентте тіркелген жедел панкреатиттің дамуына ықпал етуі мүмкін. Алкогольді көп мөлшерде тұтыну парацетамолдың, әсіресе жоғары дозаларды қабылдаған кезде метаболизмін бұзады, бұл парацетамолдың жартылай шығарылу кезеңінің ұзаруына әкеледі.

Парацетамолды хлорамфениколмен бірге қолдану хлорамфениколдың жартылай шығарылу кезеңін ұзартуы мүмкін, демек, бұл препараттың уыттылық қаупін арттыруы мүмкін.

Парацетамол (немесе оның метаболиттері) К дәруменіне тәуелді қанның ұю факторын синтездеуде маңызды рөл атқаратын ферменттермен өзара әрекеттеседі. Парацетамол мен варфарин немесе кумарин туындылары арасындағы өзара әрекеттесу халықаралық қалыптасқан қатынас (ХҚҚ) мәндерінің жоғарылауына және қан кету қаупінің жоғарылауына әкелуі мүмкін. Осылайша, пероральді антикоагулянттарды қабылдайтын пациенттерге медициналық тексерусіз және бақылаусыз парацетамолды ұзақ уақыт қолданбаған жөн.

3-типті 5-гидрокситриптамин (серотонин) рецепторларының антагонистері болып табылатын трописетрон және гранисетрон фармакодинамикалық өзара әрекеттесу жолымен парацетамолдың ауыруды басатын әсерін толық бәсеңдетуі мүмкін.

Парацетамол мен азидо-тимидинді (AZT-зидовудин) бір мезгілде қолдану нейтропенияға бейімділікті арттырады. Осыған байланысты парацетамолды дәрігердің кеңесінсіз AZT бірге қабылдамаған жөн.

Бірнеше ауыруды басатын дәрімен біріктірілген емнен аулақ болу ұсынылады. Бұл пациентке қосымша пайданы қамтамасыз ететіні және әдетте жағымсыз әсерлердің көбеюіне әкелетіні туралы дәлелдер аз.

Метоклопрамид немесе домперидон қабылдау кезінде парацетамолдың сіңу жылдамдығының артуы және холестираминді қабылдау кезінде төмендеуі мүмкін.

Метоклопрамид немесе домперидон қабылдаған кезде парацетамолдың сіңу жылдамдығы артуы және холестираминді қабылдаған кезде төмендеуі мүмкін.

Шайқурай (Hypericum perforatum) қандағы парацетамол деңгейінің төмендеуін туындатуы мүмкін. Парацетамолдың сіңу жылдамдығы тамақпен бірге қабылданған кезде төмендеуі мүмкін.

Арнайы сақтандырулар

Педиатрияда қолдану

Парол Плюс суспензиясы препараты 6 жастан асқан балаларда қолдануға арналған.

5 жасқа дейінгі балаларда қолдану үшін 120 мг/5 мл дозада ішуге арналған Парол Плюс суспензиясын қолдану ұсынылады.

Жүктілік немесе лактация кезінде

Бала туатын жастағы әйелдер/Контрацепция

Препаратты бала туатын жастағы әйелдерде қолданғанда сақ болу керек.

Жүктілік

Парацетамолды жүкті әйелдерде қолданудың клиникалық тәжірибесі шектеулі. Жануарларға жүргізілген зерттеулер жүктілікке/эмбриондық/құрсақішілік дамуға/босануға немесе босанғаннан кейінгі дамуға қандай да бір тікелей немесе жанама зиянды әсерін анықтаған жоқ.

Жүктілік кезінде қабылдау кезінде Парол Плюс препаратының қауіпсіздігі анықталмаған. Парацетамол плацента арқылы өтіп, анадағы концентрацияға ұқсас концентрацияда шаранаға жетеді. Алайда, ананың парацетамолдың емдік дозаларын қысқа мерзімді қабылдауы адамның тератогендік әсерімен байланысты емес.

Емшек емізу

Парацетамол емшек сүтіне өтеді, бірақ бұл мөлшер ұсынылған дозаларды қабылдаған кезде клиникалық тұрғыдан маңызды емес. Жарияланған әдебиеттерде емшек емізуге қарсы көрсетілімдер туралы хабарланған жоқ.

Фертильділік

Жануарларға жүргізілген созылмалы уыттылық зерттеулерінде парацетамол атабездің атрофиясын тудыратыны және сперматогенезді басатыны анықталды. Парацетамолдың адамның фертильділігіне әсерін зерттеу жүргізілген жоқ.

Қосымша заттар туралы ерекше ақпарат

Препарат құрамындағы метилпарагидроксибензоаттың болуына байланысты аллергиялық реакциялардың дамуы мүмкін (баяу түрі болуы мүмкін).

Сирек тұқым қуалайтын фруктоза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі бар пациенттер бұл препаратты құрамында сахарозаның болуына байланысты қолданбауы тиіс.

5 мл Парол Плюс препаратында 1,5 мг натрий бар. Мұны бақыланатын натрий диетасындағы пациенттер ескеруі керек.

Понсо 4R (Е 124) аллергиялық реакциялар тудыруы мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Кейбір пациенттерде парацетамолды қолданумен байланысты бас айналу немесе ұйқышылдық дамуы мүмкін. Пациенттер парацетамолды қабылдаған кезде зейін қоюды және реакция жылдамдығын қажет ететін қызмет кезінде сақ болу керек.

Қолдану жөніндегі нұсқаулар

Дозалау режимі

Ұсынылған дозадан асырмау керек.

Препаратты емдеудің ең қысқа ұзақтығын пайдалана отырып, ең аз тиімді дозада қолдану ұсынылады.

Ұсынылатын доза әрбір 6 сағат сайын 10-ден 15 мг/кг/доза құрайды (салмағы 30 кг-ден асатын балаларда бір қабылдау үшін ең көбі 500 мг), ең жоғары тәуліктік доза 60 мг/кг құрайды (салмағы 30 кг-ден асатын балаларда тәулігіне ең көбі 2 грамм).

Препаратты қабылдау арасындағы ең қысқа аралық 4 сағатты құрауы және енгізу реттілігі тәулігіне 4 реттен аспауы тиіс.

Алкогольді шамадан тыс тұтынатын пациенттерде парацетамолдың тәуліктік дозасы гепатоуыттылық қаупі салдарынан 2000 мг аспауы тиіс.

Дәрігердің кеңесінсіз препаратты қатарынан 3 күннен артық қолданбаған жөн.

Пациенттердің ерекше топтары

Балалар

Парол Плюс суспензиясы препараты 6 жастан асқан балаларда қолдануға арналған.

5 жасқа дейінгі балаларда қолдану үшін 120 мг/5 мл дозада ішуге арналған Парол Плюс суспензиясын қолдану ұсынылады.

Егде жастағы пациенттер

Егде жастағы пациенттерде дозаны түзетудің қажеті жоқ, бірақ әлсіреген және аз қимылдайтын пациенттерде дозаны төмендету және препаратты қабылдау реттілігін азайту ұсынылады.

Бүйрек жеткіліксіздігі бар пациенттер

Жеңіл және орташа бүйрек жеткіліксіздігі бар пациенттерге препаратты сақтықпен қолдану керек.

Ауыр бүйрек жеткіліксіздігі бар пациенттерде препаратты қолдануға болмайды.

Бауыр жеткіліксіздігі бар пациенттер

Препарат бауырдың ауыр жеткіліксіздігі бар пациенттерге қарсы көрсетілген (Чайлд-Пью шкаласы бойынша > 9).

Бауырдың жеңіл және орташа жеткіліксіздігі бар пациенттерде препаратты сақтықпен қолдану керек.

Енгізу әдісі және жолы

Ішке қабылдауға арналған.

Парол Плюс тұтқыр консистенциясы препараттың қасықтан төгілуіне жол бермейді және оны қолдануды жеңілдетеді. Қолданар алдында құтыны мұқият сілку керек.

Парол Плюс суспензиясы сұйылтусыз қолданылады.

Препараттың неғұрлым төмен концентрациясын қабылдау қажет болған жағдайда 120 мг/5 мл дозада Парол Плюс препаратын қолдану ұсынылады.

Артық дозалану жағдайында қабылдануы қажеті шаралар

Бозару, анорексия, жүрек айну және құсу - парацетамолдың артық дозалануының әдеттегі ерте симптомдары. Бауыр некрозы дозамен байланысты парацетамолдың артық дозалануының асқынуы болып табылады. Бауыр ферменттері мөлшерінің артуы, ал протромбин уақыты 12-48 сағат ішінде ұлғаюы мүмкін, бірақ клиникалық симптомдар препаратты қабылдағаннан кейін 1-6 күн ішінде байқалмауы мүмкін. Бұл жағдайда гепатомегалия, сарғаю, бауырдың жедел жеткіліксіздігі және бауыр некрозы байқалуы мүмкін. Глюкоза алмасуының бұзылуы және метаболизмдік ацидоз байқалуы мүмкін. Қандағы билирубин, бауыр ферменттері, ХҚҚ, протромбин уақыты, қандағы фосфаттар мен лактат деңгейінің жоғарылауы мүмкін. Ауыр уыттану бауыр жеткіліксіздігіне, энцефалопатияға, қан құйылуға, гипогликемияға, мидың ісінуіне және өлімге әкелуі мүмкін. Шап аймағындағы ауырумен, гематуриямен және протеинуриямен сипатталатын жедел тубулярлы некрозы бар жедел бүйрек жеткіліксіздігі бауырдың зақымдалуынсыз дамуы мүмкін. Жүрек аритмиясы және панкреатит туралы хабарланды.

Емі

Парацетамолдың артық дозалануын емдеуді пациентті кешіктірілген гепатоуыттылықтан қорғау үшін, тіпті артық дозалану симптомдары болмаған жағдайда да дереу бастау керек. Бұл үшін N-ацетилцистеинді вена ішіне енгізу немесе метионинді пероральді қабылдау қажет болуы мүмкін.

Егер артық дозалану бір сағат ішінде болса, белсендірілген көмірмен емдеуді қарастырған жөн. Пероральді қабылдағаннан кейін қан плазмасындағы парацетамол концентрациясын 4 сағаттан кейін немесе кешірек өлшеу керек (алдыңғы концентрациялар нақты болып табылмайды). N-ацетилцистеинмен емдеуді парацетамолды пероральді қабылдағаннан кейін 24 сағат ішінде қолдануға болады; алайда ең жоғары қорғаныс әсеріне пероральді қабылдаудан кейін 8 сағат ішінде қол жеткізіледі. Осы сәттен кейін антидоттың тиімділігі біртіндеп төмендейді. Қажет болған жағдайда пациентке жалпы қабылданған дозаға сәйкес N-ацетилцистеинді вена ішіне енгізу қажет. Құсу болмаған кезде метионинді пероральді қабылдау ауруханадан тыс шалғай аймақтарда қолайлы балама бола алады. Ауыр бауыр дисфункциясы бар пациенттерді пероральді қабылдағаннан кейін 24 сағат бойы бақылау қажет.

Дәрілік препараттың бір немесе бірнеше дозасын жіберіп алғанда қажетті шаралар

Өткізіп алған дозаның орнын толтыру үшін қосарлы дозаны қолданбаған жөн.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Осы дәрілік препаратты қолдану бойынша қосымша сұрақтар пайда болған жағдайда дәрігердің немесе фармацевттің кеңесіне жүгіну керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі (≥1/10)

- АЛТ деңгейінің жоғарылауы

Жиі (≥ 1/100 - < 1/10 дейін)

- инфекциялар

- бас ауруы, бас айналуы, ұйқышылдық, парестезия

- жоғарғы тыныс алу жолдарының инфекциясы

- жүрек айнуы, диарея, диспепсия, метеоризм, іштің ауыруы, іш қату, құсу

- АЛТ жоғарғы шектен 1,5 есе жоғары артуы

- беттің ісінуі

- экстракциядан кейінгі қан кету

Жиі емес (≥ 1/1000 - < 1/100 дейін)

- тепе теңдіктің бұзылуы

- асқазан-ішектен қан кету

- шеткері ісінулер

- тонзиллэктомиядан кейінгі қан кету

Сирек (≥ 1/10000 - < 1/1000 дейін)

- бөртпе, есекжем, ангионевроздық ісіну

- пурпура

- бауыр трансаминаза деңгейінің жоғарылауы

- тері бөртпесі, қышыну, есекжем, аллергиялық ісіну және ангионевроздық ісіну, жедел жайылған экзантематозды пустулез, мультиформалы эритема, Стивенс-Джонсон синдромы және уытты эпидермальді некролиз (өліммен аяқталатынды қоса)

Өте сирек (< 1/10000)

- агранулоцитоз, тромбоцитопения

- анафилаксиялық шок, аллергияға оң тест**, иммундық тромбоцитопения ***

- бронх түйілуі*

- бауыр дисфункциясы

- қызба, астения

Белгісіз (қолда бар деректер негізінде бағалау мүмкін емес)

- парацетамолдың емдік дозаларын қабылдағаннан кейін нефроуытты әсерлер жиі кездеспейді. Ұзақ уақыт қолданғанда папиллярлық некроз туралы хабарланған.

* Бронх түйілуі: ацетилсалицил қышқылына сезімтал бронх демікпесі бар пациенттердің 20% байқалады.

** Парацетамолмен пероральді провокациялық тест: парацетамолды қабылдаумен байланысты аллергия симптомдары бар пациенттердің 15,5% оң нәтиже байқалады (бөртпелер, есекжем, анафилаксия).

*** Иммундық тромбоцитопения: парацетамол мен парацетамол сульфатының қатысуымен антиденелер тромбоциттер рецепторларымен байланысады GPIIb/IIIa және GPIb/IX/V. Әдеби мәліметтерге сәйкес, 2000 пациентті қамтитын клиникалық зерттеуде парацетамол плацебо және қабынуға қарсы стероидты емес препараттармен салыстырғанда жағымсыз әсерлердің жиілігінде және парацетамол мен плацебо арасында қабылдауды тоқтатуда ешқандай айырмашылық анықталған жоқ. Парацетамолы бар 2100 пациенттің қатысуымен клиникалық зерттеу қабынуға қарсы стероидты емес препараттармен салыстырғанда емдеуді тоқтату парацетамол тобындағы препараттың тиімділігінің жеткіліксіздігіне байланысты жиі кездесетіні атап өтілді. Парацетамол қабылдаған әрбір 10 пациенттің біреуі емдеуді тоқтатты, алайда әрбір 15 пациенттің біреуі препарат тиімділігінің төмендігіне байланысты емдеуді тоқтатты. ҚҚСП салыстырғанда жағымсыз әсерлерге байланысты емдеуді тоқтату коэффициенті төмен. Клиникалық зертханалық зерттеулер емдік дозалардағы парацетамол үшін зертханалық көрсеткіштердің жағымсыз әсерлері мен өзгерістері клиникалық зерттеулердегі плацебоға қарағанда өзгеше емес екенін көрсетті. Бауыр функциясын сипаттайтын биохимиялық көрсеткіштердің өзгеруі препараттың уытты дозаларда қабылданғанын көрсетеді. Егер препарат уытты дозаларда қабылданса, аспартатаминотрансфераза (АСТ) және аланинаминотрансфераза (АЛТ) 24 сағат ішінде көтеріле бастайды және 72 сағаттан кейін шегіне жетеді. Осы көрсеткіштердің кез-келгенін 1000 бірліктен жоғары көтеру гепатоуыттылық үшін көрсеткіш болып табылады. Сонымен қатар, билирубин мен креатинин деңгейі жоғарылайды, глюкоза деңгейі төмендейді. Артериялық рН 7,30 - дан төмен төмендеуі, креатининнің 3,4 мг/дл-ден жоғары жоғарылауы, протромбин уақытының 100 секундтан астам ұлғаюы және қан сарысуындағы лактат деңгейінің 3,5 миллимоль/л жоғары жоғарылауы-қолайсыз болжамды куәландыратын симптомдар. Парацетамолдың жағымсыз және уытты әсерлеріне жыныстық, нәсілдік, бой, салмақ, дене құрылымы, өмір салты және тұрғылықты жеріне байланысты сезімталдықтың айырмашылығы туралы хабарланбаған. Сонымен қатар, парацетамолдың уытты әсеріне сезімталдықты арттыратын қауіп факторлары дәрілік өзара әрекеттесу бөліміне енгізілген.

6 жасқа дейінгі балалар парацетамолдың уытты әсеріне аз сезімтал. Бұл жерде глутатион қорлары және детоксикацияның жоғары жылдамдығы маңызды рөл атқарады деп айтылады.

Парацетамолдың күнделікті емдік дозаларын шамамен бір жыл бойы қабылдаған пациентте бауырдың созылмалы некрозы, сондай-ақ жоғары дозаларды күнделікті қабылдау кезінде қысқа уақыт ішінде бауырдың зақымдануы туралы хабарланды. Созылмалы белсенді гепатиті бар пациенттер тобында жүргізілген бағалау парацетамолды ұзақ уақыт қабылдаған пациенттерде бауыр функциясының бұзылуында айырмашылықтар анықталған жоқ, алайда парацетамолды қабылдауды тоқтатқаннан кейін ауруды бақылаудың жақсаруы байқалмады.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 доза (5 мл) препараттың құрамында:

белсенді зат - парацетамол 250,0 мг

қосымша заттар: метилпарабен натрий сахарині сахароза натрий карбоксиметилцеллюлозасы авицел RC 581 глицерин твин 80 құлпынай эссенциясы понсо 4R Е124 тазартылған су

Сыртқы түрінің, иісінің, дәмінің сипаттамасы

Құлпынай иісі бар қызғылт түсті біртекті суспензия.

Шығарылу түрі және қаптамасы

150 мл препараттан янтарь шыныдан жасалған, пластик қақпағы бар құтыларға салынады.

1 құтыдан өлшеуіш қасықпен және медициналық қолдану жөніндегі қазақ және орыс тілдеріндегі нұсқаулықпен бірге УК-лакпен қапталған картон қорапшаға салады.

2 жыл.

Жарамдылық мерзімі өткеннен кейін қолдануға болмайды!

25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

АТАБАЙ КИМЬЯ САН. ВЕ ТИДЖ. А.СDilovası Organize Sanayi Bölgesi 4.Kısım Sakarya Caddesi No:28Гебзе, Коджаэли, Түркиятел: + 90 262 724 85 41факс: + 90 262 724 85 43info@atabay.com

Тіркеу куәлігінің ұстаушысы

АТАБАЙ КИМЬЯ САН. ВЕ ТИДЖ. А.С

Acibadem, Koftuncu sok. No:1

34718 Kadıkoy, Стамбул, Түркия

тел: +90 (216) 326 69 65

факс: +90 (216) 340 13 77

info@atabay.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«WHITE SAIL басқарушы компаниясы» ЖШС

Алматы қ., 1 ш. а., 61/1 үй, Қазақстан Республикасы

тел: +7 777 727 27 07

Электронды пошта: whitesail20@mail.ru