Пантенол (Декспантенол)

Пантенол

Декспантенол

Сыртқа қолдануға арналған көбік, 50 мг/г

Дерматология. Жарақаттар мен ойық жараларды емдеуге арналған препараттар. Жарақаттарды жазатын препараттар. Жарақаттарды жазатын басқа препараттар. Декспантенол.

Код АТХ D03A Х03.

• терінің және шырышты қабықтардың әртүрлі зақымданулары, оның ішінде сыдырулар, күйіктер, операциядан кейінгі асептикалық жаралар, тері трансплантаттары, буллезді және сулы бөртпелі дерматиттер кезінде.

Қолданудың басталуына дейінгі қажетті мәліметтер тізбесі

Қолдануға болмайиын жағдайлар

• әсер етуші затқа немесе қосымша заттардың кез келгеніне аса жоғары сезімталдық.

Қолдану кезіндегі қажетті сақтандыру шаралары

Аэрозольді баллон қысыммен толтырылған, сондықтан құлаудан, соққылардан, тікелей күн сәулесінің әсерінен және 50 °С-ден жоғары температураға дейін қызудан қорғау қажет.

Препаратты қолдану аяқталғаннан кейін баллонды ашуға және өртеуге болмайды. Препаратты ашық оттың жанында немесе ыстық заттарға шашыратпаңыз.

Басқа дәрілік препараттармен өзара әрекеттесуі

Препаратты көрсетілімдер бойынша қолданғанда басқа дәрілік заттармен өзара әрекеттесуі белгісіз.

Арнайы сақтандырулар

Көзге тиюге жол бермеу керек. Препарат көзге кездейсоқ тиген жағдайда оларды сумен мұқият жуу қажет.

Цетостеарил спирті жергілікті тері реакцияларын тудыруы мүмкін (мысалы, жанаспалы дерматит).

Фертильдік, жүктілік және лактация

Декспантенол белсенді тасымалдау процесі арқылы плацентарлық бөгет арқылы және емшек сүтіне оның сіңуіне пропорционалды түрде өтеді.

Жергілікті қолданғаннан кейін декспантенолдың жүйелік қолжетімділігі белгісіз болғандықтан, препаратты жүктілік немесе бала емізу кезеңінде терінің үлкен бөліктеріне қолдану қажет болған кезде препаратты ана үшін қолданудың пайдасын және ұрық/бала үшін ықтимал қаупін мұқият өлшеу керек.Жүктілік кезінде препаратты дәрігердің нұсқауы бойынша қолдануға болады. Бала емізу кезінде емізік жарықтарын емдеу үшін қолданғанда, тамақтандырар алдында препаратты жуып шайып тастау керек.

Көлік құралын және қауіптілігі зор механизмдерді басқару қабілетіне әсер ету ерекшеліктері

Арнайы ескертулер жоқ.

Қолдану жөніндегі нұсқаулар

Дозалану режимі

Препарат зақымдалған аймаққа тәулігіне бір немесе бірнеше рет біркелкі шашыратылады.

Емдеу ұзақтығы аурудың түрі мен ағымына байланысты және дәрігермен кеңескеннен кейін анықталады.

Енгізу жолы және әдісі

Препаратты бүркіген кезде, баллонды тігінен, клапанын жоғары қаратып ұстау керек. Жеткілікті мөлшерде көбік алу үшін, әсіресе егер оны ұзақ уақыт қолданбасаңыз, әр қолданар алдында баллонды қатты шайқау керек. Егер препарат алғаш рет қолданылса, көбік пайда болғанға дейін алдымен тек газ шашырауы мүмкін.

Егер препарат бет аймағына қолданылса, оны тікелей бетке шашыратпау керек. Препаратты қолыңызға шашыратып, оны беттің тиісті бөлігіне жағу керек. Препаратты тікелей көзге, ауызға немесе мұрынға шашыратпаңыз.

Қабылдау уақыты көрсетілген қолдану жиілігі

Препаратты бүрку жиілігі пациенттің көрсетілімдері мен жағдайына байланысты жеке белгіленеді.

Емдеу ұзақтығы

Емдеу ұзақтығы пациенттің көрсетілімдері мен жағдайына байланысты жеке белгіленеді.

Артық дозалану жағдайында қабылдау қажет болатын шаралар

Препаратты жергілікті қолданғанда артық дозалану жағдайлары белгісіз.

Декспантенол, тіпті жоғары дозада да, жағымдылы жақсы және улы емес болып саналады. Гипервитаминоз туралы мәлімет жоқ.

Дәрілік препараттың бір немесе бірнеше дозасын өткізіп алған жағдайдағы қажетті шаралар

Егер сіз препараттың дозасын қолдануды өткізіп алсаңыз, дәрігер немесе фармацевт ұсынған емдеу режиміне сәйкес келесі дозаны қолдану керек. Болашақта препаратты дәрігердің немесе фармацевттің ұсыныстарына сәйкес қолдануды жалғастырыңыз.

Тоқтату симптомдары қаупінің болуын көрсету

Деректер жоқ.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Дәрілік препаратты қабылдамас бұрын дәрігерден немесе фармацевттен кеңес алыңыз.

ДЗ стандартты қолдану кезінде көрінетін жағымсыз реакциялардың сипаттамасы және бұл жағдайда қабылдануы тиіс шаралар (қажет болған жағдайда)

Аллергиялық реакциялар

Өте сирек:

• қышыну, эритема, экзема, бөртпелер, есекжем және күлбіреуіктер сияқты симптомдармен көрінетін аллергиялық жанаспалы дерматит және терінің тітіркенуі.

Кез келген жағымсыз реакциялар туындаған жағдайда дәрілік затты қолдануды тоқтату және дәрігермен кеңесу керек.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Жағымсыз реакциялар туралы хабарлау арқылы сіз ДП қауіпсіздігі туралы көбірек ақпарат алуға көмектесесіз.

Қосымша мәліметтер

Дәрілік препараттың құрамы

1 г препараттың (хладон 134а ескермей) құрамында

белсенді зат - декспантенол, 50.0 мг,

қосымша заттар: euxyl® PE 9010 (Эуксил)*, DL-пантолактон, цетостеарил спирті, калий цетилфосфаты**, глицерин, диметикон ДМ 100, тазартылған су, хладон 134а.

* Euxyl® PE 9010 (Эуксил) құрамында феноксиэтанол және этилгексиглицерин бар

** Amphisol K.

Сыртқы түрінің, иісінің, дәмінің сипаттамасы

Препарат баллоннан шыққан кезде ақ түсті көбік түзіледі.

Шығарылу түрі және қаптамасы

58.5-тен немесе 117.0 г препараттан клапандары, қондырма және қорғаныш қалпақшасы бар аэрозольді алюминий баллондарда.

Баллонға бояумен таңбалану мәтіні жазылады.

Баллонға немесе баллонның түбіне серия нөмірі мен жарамдылық мерзімінің аяқталу күні көрсетілген өздігінен жабысатын заттаңба жапсырылады, немесе серия нөмірі мен жарамдылық мерзімінің аяқталу күні баллонның түбіне тамшылатып-сиялы әдіспен салынады.

Баллонға таңбалану мәтінін, серия нөмірі мен жарамдылық мерзімінің аяқталу күні көрсетілген заттаңбаны жапсыруға жол беріледі.

Қорғаныш қалпақшасы бар қондырмамен жинақталған әрбір баллон медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25°С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«Здоровье» Фармацевтикалық компаниясы» ЖШҚ, Украина,

61013, Харьков қаласы, Шевченко көшесі, 22.

Тел: +38 (057) 757-07-77

факс: +38 (057) 714-96-20

Электрондық поштасы (E-mail): office@zt.com.ua

Тіркеу куәлігінің ұстаушысы

«Здоровье» Фармацевтикалық компаниясы» ЖШҚ, Украина,

61013, Харьков қаласы, Шевченко көшесі, 22.

Тел: +38 (057) 757-07-77

факс: +38 (057) 714-96-20

Электрондық поштасы (E-mail): office@zt.com.ua

Қазақстан Республикасы аумағында тұтынушылардан дәрілік заттар сапасына қатысты шағымдар(ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Фарм-Евро» ЖШС, Қазақстан Республикасы,

050039, Алматы қаласы, Майлин көшесі, 72 үй, 34 пәтер

Тел.: +7(727)2711017

Факс: +7(727)2718497

Электрондық поштасы (E-mail): farmevro@mail.ru