ПАЛОРА® Форте (200 мг)

ПАЛОРА® Форте

Жоқ

Дәрілік түрі, дозасы

Үлбірлі қабықпен қапталған таблеткалар, 200 мг

Жүйке жүйесі. Психолептиктер. Ұйықтататын және тыныштандыратын дәрілер. Ұйықтататын және тыныштандыратын басқа препараттар.

АТХ коды N05CM

- неврастения

- климактериялық және преклимактериялық кезеңдер

- күйгелектіктің артуы

- ұйқының бұзылуы

Қолдануды бастағанға дейін қажетті мәліметтер тізбесі

• әсер етуші затқа немесе 6.1 бөліміндегі қосымша заттардың кез келгеніне аса жоғары сезімталдық

• миокард инфарктісі

• ми және жүрек қантамырларының атеросклерозы

• 18 жасқа дейінгі балалар

• жүктілік және лактация кезеңі

Қолдану кезінде қажетті сақтық шаралары

Асқазан-ішек жолының ауыр органикалық ауруларында абайлап тағайындайды.

Препаратты моноаминоксидаза тежегіштерімен бір мезгілде қабылдамаған жөн.

Басқа дәрілік препараттармен өзара әрекеттесуі

ПАЛОРА® Форте препаратын біріктіріп қолдану:

• орталық жүйке жүйесін тежейтін заттармен (алкоголь, барбитураттар, транквилизаторлар) бірге қабылдау тыныштандыратын және ұйықтататын әсерін күшейтуі мүмкін. Спазмолитиктер әсерін күшейтеді.

Педиатрияда қолдану

Балаларға және 18 жасқа дейінгі жасөспірімдерге қолдануға болмайды

Жүктілік және лактация кезеңі

Жүктілік және лактация кезеңінде қолдануға болмайды

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Пациенттерге көлік құралдарын басқарумен байланысты механикалық құралдарды және басқа да қауіптілігі зор қызмет түрлеріне қызмет көрсеткенде қауіптіліктің бар екендігі жөнінде хабардар ету керек.

Қолдану жөніндегі нұсқаулар

Дозалау режимі

Ересектер

Тыныштандыратын әсерге қол жеткізу үшін күні бойы – тамақтанар алдында 200 мг күніне 2 рет.

Ұйқы бұзылғанда – ұйқыдан бір сағат бұрын 1 немесе 2 таблеткадан. Емдеу курсының ұзақтығы аурудың клиникалық көрінісіне байланысты.

Артық дозаланған жағдайда қолданылуы қажет шаралар

Артық дозалану жағдайлары туралы деректер жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Бірлі-жарым жағдайларға қарағанда жиі кездесетін жағымсыз реакциялар келесі градацияға сәйкес санамаланған: өте жиі (≥1/10); жиі ( ≥1/100-ден <1/10 дейін); жиі емес (≥1/1000-нан <1/100 дейін); сирек (≥1 /10000-нан <1/1000 дейін); өте сирек (<1/10000), жиілігі белгісіз (қолда бар деректер бойынша реакциялардың пайда болу жиілігін бағалау мүмкін емес).

Сирек

• ұйқышылдық

• шаршау сезімі

• бас айналуы

• бұлшықет әлсіздігі

• аллергиялық реакциялар

• экзантема

• асқазан-ішек жолының бұзылыстары (жүрек айнуы, құсу, түйілулер, қыжыл, диарея, іш қатуы)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 200.00 мг құрамында 3,5% витексин флавоноиды бар пассифлора құрғақ экстрактісі,

қосымша заттар: поливинилполипиролидон, поливинилпиролидон, натрий кроскармеллозасы, сусыз коллоидты кремнийдің қостотығы (Аэросил 200), микрокристаллды целлюлоза, магний стеараты,

үлбірлі қабық: қабыққа арналған материал №12 Sepifilm LP007, бояғыш (Wine red Candurin® Red Lustre), метиленхлорид, метанол

Sepifilm LP007 үлбірлі қабықтың құрамы: гидроксипропилметилцеллюлоза, микрокристалды целлюлоза, стеарин қышқылы,

бояғыштың құрамы (Wine red Candurin® Red Lustre): калий алюминий силикаты, темірдің (ІІІ) қызыл тотығы (Е 172).

Сыртқы түрінің, иісінің, дәмінің сипаттамасы

Біртекті екі жақ беті дөңес, дөңгелек пішінді, үлбірлі қабықпен қапталған қызыл түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және баспалы алюминий фольгадан жасалған пішінді ұяшықты қаптамаға салынған.

1 немесе 3 пішінді қаптамадан медициналық қолдану жөніндегі қазақ және орыс тіліндегі нұсқаулықпен бірге өндіруші фирманың голограммасы бар картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ-сы, Шевченко к-сі 162 Е

Тіркеу куәлігінің ұстаушысы

«Нобел Алматы Фармацевтикалық Фабрикасы» АҚ

Қазақстан Республикасы,

Алматы қ-сы, Шевченко к-сі 162 Е

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ-сы, Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электрондық поштасы nobel@nobel.kz