Паклиолл

Паклиолл

Паклитаксел

Дәрілік түрі, дозасы

Инфузия үшін суспензия дайындауға арналған лиофилизат, 100 мг

Антинеопластикалық және иммуномодуляциялайтын препараттар. Антинеопластикалық препараттар. Өсімдік алкалоидтары және табиғи тектес басқа да препараттар. Таксандар. Паклитаксел.

АТХ коды L01CD01

Паклиолл препараты метастаздық ауру кезінде бірінші желілік емнен өтпеген және құрамында антрациклин бар стандартты ем көрсетілмеген ересек пациенттерде сүт безінің метастаздық обыры кезінде монотерапия ретінде көрсетілген.

Паклиолл препараты ұйқы безінің метастаздық аденокарциномасы бар ересек пациенттерде бірінші желілік ем ретінде гемцитабинмен біріктірілімде көрсетілген.

Паклиолл препараты ықтимал емдік хирургияға және/немесе сәулелік емге үміткер болып табылмайтын ересек пациенттерде өкпенің ұсақ емес жасушалы обыры кезінде бірінші желілік ем ретінде карбоплатинмен біріктірілімде көрсетілген.

Қолданудың басталуына дейінгі қажетті мәліметтер тізбесі

- белсенді затқа немесе «құрамы» бөлімінде аталған қосымша компоненттердің кез келгеніне аса жоғары сезімталдық

- лактация кезеңі

- нейтрофилдердің бастапқы саны <1500 жасуша/мм3 құрайтын пациенттерге

Басқа дәрілік препараттармен өзара әрекеттесуі

Паклитаксел метаболизмі P450 CYP2C8 және CYP3A4 цитохромының изоферменттерімен ішінара жанамаласады. Препараттардың фармакокинетикалық өзара әрекеттесуі зерттеулерінің болмауына байланысты паклитакселді CYP2C8 немесе CYP3A4 тежегіштерімен (мысалы, кетоконазолмен және құрамында имидазол бар зеңге қарсы дәрілермен, эритромицинмен, флуоксетинмен, гемфиброзилмен, клопидогрелмен, циметидинмен, ритонавирмен, саквинавирмен, индинавирмен және нелфинавирмен) сақтықпен қолдану керек, өйткені паклитакселдің уыттылығы оның неғұрлым қарқынды әсеріне байланысты артуы мүмкін. Паклитакселді CYP2C8 немесе CYP3A4 изоферменттерінің индукторларымен (мысалы, рифампицин, карбамазепин, фенитоин, эфавиренц, невирапин) бір мезгілде қабылдау ұсынылмайды, өйткені паклитаксел экспозициясының төмендеуіне байланысты тиімділігі төмендеуі мүмкін.

Паклитаксел мен гемцитабиннің әртүрлі метаболизм жолдары бар. Паклитаксел клиренсі, негізінен, CYP2C8 және CYP3A4 арқылы метаболизммен анықталады, содан кейін өтпен бірге шығарылады, ал гемцитабин цитидиндезаминаза арқылы белсенділігі жойылады, содан кейін несеппен бірге шығарылады. Паклитаксел мен гемцитабин арасындағы фармакокинетикалық өзара әрекеттесулер адамда бағаланбаған.

Фармакокинетикалық зерттеу өкпенің ұсақ емес жасушалы обыры бар пациенттерде паклитаксел және карбоплатинмен жүргізілді. Паклитаксел мен карбоплатин арасындағы клиникалық маңызды фармакокинетикалық өзара әрекеттесулер байқалған жоқ.

Паклиолл препараты сүт безі обыры кезінде монотерапия ретінде, ұйқы безі аденокарциномасы (обыры) кезінде гемцитабинмен біріктірілімде немесе өкпенің ұсақ емес жасушалы обыры кезінде карбоплатинмен біріктірілімде көрсетілген. Паклиолл препаратын ісікке қарсы басқа дәрілермен біріктіріп қолдануға болмайды.

Балалар

Басқа дәрілік препараттармен өзара әрекеттесуін зерттеу ересек пациенттердің қатысуымен ғана жүргізілді.

Арнайы сақтандырулар

Паклиолл препараты құрамында нанобөлшектері бар паклитаксел бар препарат болып табылады, ол альбуминмен байланысады және құрамында паклитаксел бар басқа препараттармен салыстырғанда айтарлықтай өзгеше фармакологиялық қасиеттері болуы мүмкін. Оны паклитакселдің басқа дәрілік түрлерімен алмастыруға немесе оларды өзара араластыруға болмайды

Аса жоғары сезімталдық

Аса жоғары сезімталдықтың ауыр реакцияларының сирек жағдайлары, соның ішінде өліммен аяқталатын анафилаксияық реакциялардың өте сирек жағдайлары туралы хабарланды. Пациентте аса жоғары сезімталдық реакциялары туындаған кезде препаратты қабылдауды дереу тоқтату, симптоматикалық емді бастау және паклитакселді қайта тағайындамау керек.

Қан түзілуі

Паклитакселді қолдану көбінесе сүйек кемігінің тежелуіне әкеледі (ең алдымен нейтропенияға). Нейтропенияның дозаға тәуелді және дозаны шектейтін уыттылығы бар. Паклиолл препаратымен емдеу кезінде қанның гематологиялық көрсеткіштеріне (жасушалар санына) жиі мониторинг жүргізген жөн. Пациенттерге нейтрофилдер саны> 1500 жасуша/мм3, ал тромбоциттер > 100000 жасуша/мм3 көрсеткіштеріне дейін анықталғанға дейін Паклиолл препаратының кейінгі циклдерін қайта тағайындауға болмайды.

Нейропатия

Паклитакселді қолданған кезде сенсорлық нейропатия жиі кездеседі, дегенмен ауыр симптомдардың дамитыны сирек кездеседі. 1 немесе 2 дәрежелі сенсорлық нейропатияның пайда болуы, әдетте, дозаны төмендетуді қажет етпейді. Паклиолл препаратын монотерапия ретінде қолданған кезде, егер 3-дәрежелі сенсорлық нейропатия дамитын болса, емдеуді Паклиолл препаратымен кейінгі барлық циклдер үшін дозаны төмендете отырып, 1 немесе 2 дәрежеге дейін төмендемегенше тоқтата тұру керек. Паклиолл препаратын және гемцитабинді біріктіріп қолданған кезде, егер 3-дәрежелі немесе одан жоғары шеткері нейропатия дамитын болса, Паклиолл препаратымен емдеуді тоқтату қажет; гемцитабинмен емдеуді сол дозада жалғастыру керек. Паклиолл препаратын қабылдауды шеткері нейропатия 0 немесе 1 дәрежеге дейін төмендемеген кезде төмен дозада қайта бастау қажет. Паклиолл препаратымен және карбоплатинмен біріктірілген емдеу кезінде, егер 3-дәрежелі немесе одан жоғары шеткері нейропатия дамитын болса, емдеуді Паклиолл препаратымен және карбоплатинмен емдеудің барлық кейінгі циклдері үшін дозаны төмендете отырып, ол 0 немесе 1 дәрежеге дейін төмендемегенше тоқтату керек.

Сепсис

Сепсис жиілігі паклитакселді гемцитабинмен біріктіріп қабылдаған нейтропениясы бар немесе онсыз пациенттерде 5% - ды құрады. Ұйқы безі аденокарциномасынан туындаған асқынулар, әсіресе өт шығару жолдарының бітелуі немесе билиарлық стенттің болуы сепсистің дамуына әсер ететін негізгі факторлар болды. Егер пациентте қызба дамыса, (нейтрофилдердің санына қарамастан), әсері кеңспектрлі антибиотиктермен емдеуді бастау керек. Фебрильдік нейтропения кезінде қызба басылмайынша және НАС ≥ 1500 жасуша/мм3 деңгейіне дейін анықталғанға дейін Паклиолл препаратын және гемцитабинді қабылдаудан бас тартқан жөн, одан кейін емді төмендетілген дозаларда қайта бастау керек.

Пневмонит

Пневмонит паклитакселмен монотерапия кезінде пациенттердің 1% - ында және паклитакселмен және гемцитабинмен біріктірілген ем кезінде пациенттердің 4% - ында пайда болды. Инфекциялық этиологиясын және пневмонит расталған диагнозын жоққа шығарғаннан кейін Паклиолл препаратымен және гемцитабинмен емдеуді толығымен тоқтатып, тиісті емдік және демеуші іс-шараларды дереу бастау қажет.

Гепатоуыттылық

Паклитакселдің уыттылығы бауыр функциясының жеткіліксіздігі кезінде артуы мүмкін болғандықтан, препаратты бауыр функциясының жеткіліксіздігі бар пациенттерге сақтықпен енгізу керек. Бауыр функциясының жеткіліксіздігі бар пациенттер, әсіресе миелосупрессия нәтижесінде уыттылықтың жоғары қаупіне ұшырауы мүмкін; ондай пациенттер ауыр миелосупрессияның дамуы тұрғысынан жіті бақылауда болуы тиіс.

Паклиолл препаратын жалпы билирубині ҚЖШ-дан (қалыптың жоғарғы шегі) 5 есе асатын немесе АСТ ҚЖШ-дан 10 есе асатын пациенттерге қолдану ұсынылмайды. Паклиолл препаратын ұйқы безінің метастаздық аденокарциномасы бар бауыр функциясының орташа немесе ауыр жеткіліксіздігі бар пациенттерге қолдану ұсынылмайды (жалпы билирубин ҚЖШ-дан 5 есе асады және АСТ ≤ 10 х ҚЖШ.

Кардиоуыттылық

Паклитаксел қабылдаған адамдарда сирек жағдайларда жүрек функциясының іркілістік жеткіліксіздігі және солжақ қарыншаның дисфункциясы байқалған. Пациенттердің көпшілігі антрациклиндер сияқты кардиоуытты дәрілік препараттардың әсеріне бұрын ұшыраған немесе анамнезінде жүрек ұстамасы жағдайлары болған. Осылайша, Паклиолл препаратымен емдеу кезінде пациенттер жүрек ұстамасының көріну тұрғысынан дәрігерлердің ерекше бақылауында болуы тиіс.

ОЖЖ-дағы метастаздар

Метастаздары бар пациенттерде паклитакселдің тиімділігі мен қауіпсіздігі орталық жүйке жүйесіне (ОЖЖ) анықталмаған. ОЖЖ-дағы метастаздар, әдетте, жүйелі химиотерапиямен жеткілікті бақыланбайды.

Асқазан-ішек симптомдары

Егер пациенттерде Паклиолл препаратын қабылдағаннан кейін жүрек айну, құсу және диарея байқалса, құсуға қарсы және диареяға қарсы дәрілермен ем жүргізуге болады.

Көз аурулары

Паклитаксел қабылдаған пациенттерде кистоидты макулярлық ісіну (КМІ) жағдайлары байқалған. Көру бұзылуы бар пациенттерге толық офтальмологиялық тексеруден өтуі керек. КМІ диагнозы расталған жағдайда Паклиолл препаратымен емдеуді тоқтатып, тиісті емдеуді бастау керек.

75 жас және одан үлкен жастағы пациенттер

75 жас және одан үлкен жастағы пациенттерде гемцитабинмен жүргізілетін монотерапиямен салыстырғанд апаклитакселмен және гемцитабинмен біріктірілген емдеудің артықшылықтары байқалған жоқ. Паклиолл препаратын және гемцитабин қабылдаған егде жастағы (≥ 75 жас) пациенттерде гематологиялық уыттылықты, шеткері нейропатияны, тәбеттің төмендеуін және сусыздануды қоса алғанда, емдеуді тоқтатуға алып келген елеулі жағымсыз реакциялар мен жағымсыз реакциялардың анағұрлым жоғары жиілігі байқалды. Ұйқы безі аденокарциномасы бар 75 жас және одан үлкен жастағы пациенттер жұмысқа қабілеттілігін, қатарлас аурулардың бар-жоғын және инфекциялар қаупінің жоғарылауын ескере отырып, гемцитабинмен біріктіріп Паклиолл препаратымен емдеуді көтеру қабілеті тұрғысынан бағалануы тиіс.

Басқа мәліметтер

Қолда бар шектеулі деректерді назарға ала отырып, деңгейі қалыпты СА 19-9 ұйқы безі аденокарциномасы бар пациенттерде паклитакселмен және гемцитабинмен емдеу басталғанға дейін ұзақ жалпы өмір сүру түрінде ерекше артықшылықтар анықталған жоқ.

Эрлотинибті Паклиолл препаратымен және гемцитабинмен бір мезгілде тағайындауға болмайды.

Ерлер мен әйелдердегі контрацепция

Бала туу әлеуеті бар әйелдерге емдеу кезінде және Паклиолл препаратымен емдеу аяқталғаннан кейін кемінде 1 ай контрацепцияның тиімді құралдарын пайдалану керек. Паклиолл препаратымен ем алатын еркек жынысты пациенттерге контрацепцияның тиімді құралдарын пайдалану және ем кезінде және ем аяқталғаннан кейін алты айға дейін жұбының бала көтеруін болдырмау ұсынылады.

Жүктілік немесе лактация кезінде

Адамда жүктілік кезінде паклитакселді қолдану туралы шектеулі деректер бар. Паклитаксел жүктілік кезінде елеулі туа біткен ақаулар тудырады деп болжанады. Жануарларға жүргізілген зерттеулер репродукциялық уыттылықты анықтады. Бала туу әлеуеті бар әйелдер Паклиолл препаратымен емдеу басталғанға дейін жүктілікті анықтау тестіден өтуі тиіс. Паклиолл препаратын жүктілік кезінде және клиникалық қажеттіліксіз тиімді контрацепция құралдарын пайдаланбайтын бала туу әлеуеті бар әйелдерге қолдануға болмайды.

Паклитаксел және/немесе оның метаболиттері емізетін егеуқұйрықтардың сүтімен бірге секрецияланған. Паклитакселдің адам сүтімен секрециялануы белгісіз. Емшектегі балалардағы ықтимал күрделі жағымсыз реакцияларға байланысты Паклиолл препараты лактация кезеңінде қарсы көрсетілімді. Паклиолл препаратымен емдеу кезінде бала емізуді тоқтату керек.

Фертильділік

Зерттеу нәтижелеріне сүйене отырып, ерлер мен әйелдердің фертильділігіне қауіп төнуі мүмкін. Еркек жынысты пациенттер паклитакселмен емдеу салдарынан қайтымсыз бедеуліктің ықтимал қаупіне байланысты ем басталғанға дейін шәуетті криоконсервациялауға жүгінуі тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Паклиолл препараты автомобильді және қауіптілігі зор механизмдерді басқару қабілетіне елеусіз немесе орташа әсер етеді. Паклиолл препараты шаршауды (өте жиі) және бас айналуды (жиі) тудыруы мүмкін. Пациенттер осы реакциялар туындаған кезде көлік құралын басқарудан бас тартуы керек.

Қолдану жөніндегі нұсқаулар

Дозалау режимі

Паклиолл препаратын цитоуытты дәрілерді қолдануға мамандандырылған бөлімшелерде білікті онколог-маманның бақылауымен ғана енгізу керек. Препаратты паклитакселдің басқа дәрілік түрлерімен алмастыруға немесе олармен бірге қолдануға болмайды.

Сүт безі обыры

Паклитакселдің ұсынылатын дозасы әр 3 апта сайын 30 минут ішінде вена ішіне 260 мг/м2 құрайды.

Сүт безі обырын емдеу кезінде дозаны түзету

Ауыр нейтропения (7 күн немесе одан көп уақыт ішінде нейтрофилдер саны <500 жасуша/мм3) немесе паклитакселмен емдеу кезінде ауыр сенсорлық нейропатия дамыған кезде кейінгі ем курстары үшін Паклиолл препаратының дозасын 220 мг/м2 дейін төмендету керек.

Ауыр түрдегі нейтропения немесе ауыр сенсорлық нейропатия қайталанған жағдайда дозаны 180 мг/м2 дейін қосымша төмендету қажет.

Паклиолл препаратын нейтрофилдер саны > 1500 жасуша/мм3 жеткенше енгізуге болмайды. 3-дәрежелі сенсорлық нейропатия кезінде емнің барлық кейінгі курстары үшін дозаны төмендете отырып, 1 немесе 2-дәрежеге жеткенге дейін емді кейінге қалдыру қажет.

Ұйқы безі обыры (аденокарцинома)

Паклитакселдің гемцитабинмен біріктірілімдегі ұсынылатын дозасы әрбір 28 күндік циклдің 1, 8 және 15-күндерінде 30 минут ішінде вена ішіне 125 мг/м2 құрайды. Гемцитабиннің ұсынылатын дозасы оны бір мезгілде енгізген кезде Паклиолл препаратын әрбір 28 күндік циклдің 1, 8 және 15- күндерінде енгізу аяқталғаннан кейін бірден 30 минут ішінде вена ішіне 1000 мг/м2 құрайды.

Ұйқы безі обырын (аденокарциномасын) емдеу кезінде дозаны түзету

1-кесте: Ұйқы безі аденокарциномасы бар пациенттерде дозаны төмендету

2-кесте: Ұйқы безі аденокарциномасы бар пациенттерде циклдің басында немесе барысында нейтропения және/немесе тромбоцитопения кезінде дозаны өзгерту

3-кесте: Ұйқы безі обырын (аденокарциномасы) бар пациенттерде басқа жағымсыз дәрілік реакциялар дамығанда дозаны түзету

а- доза деңгейін төмендету үшін 1-кестені қараңыз.

Өкпенің ұсақ емес жасушалы обыры

Паклитакселдің ұсынылатын дозасы әрбір 21 күндік циклдің 1, 8 және 15- күндерінде 30 минут ішінде вена ішіне инфузия түрінде 100 мг/м2 құрайды. Карбоплатиннің ұсынылатын дозасы паклитакселді енгізгеннен кейін бірден әрбір 21 күндік циклдің 1-күнінде ғана AUC = 6 мг•мин/мл құрайды.

Өкпенің ұсақ емес жасушалы обырын емдеу кезінде дозаны түзету

Паклитакселді циклдің 1- күнінде нейтрофилдердің абсолютті саны (НАС) ≥1500 жасуша/мм3, ал тромбоциттер саны ≥100000 жасуша/мм3жеткенге дейін енгізбеген жөн. Паклитакселдің әрбір келесі апталық дозасы үшін пациенттерде НАС ≥500 жасуша/мм3 және тромбоциттер> 50000 жасуша/мм3 құрауы тиіс, өзге жағдайда емді көрсеткіштер қалпына келгенше тоқтату керек. Оларды қалпына келтіргеннен кейін 4-кестеде көрсетілген критерийлерге сәйкес қабылдауды келесі аптадан бастап жалғастыру қажет. 4-кестеде көрсетілген критерийлерді сақтаған кезде келесі дозаны азайту талап етіледі.

4-кесте: Өкпенің ұсақ емес жасушалық обыры бар пациенттерде гематологиялық уыттылық кезінде дозаны төмендету

121 күндік циклдің 1- күнінде Паклитаксел мен карбоплатиннің дозасын бір мезгілде азайту керек. 21 күндік циклдің 8 немесе 15 күндерінде Паклитаксел дозасын азайту; келесі циклде карбоплатин дозасын азайту.

2Келесі циклдің 1-күнінің жоспарланған дозасынан кейін ең көбі 7 күн.

2 немесе 3 дәрежелі тері уыттылығы, 3-дәрежелі диарея немесе 3-дәрежелі мукозит кезінде уыттылық ≤ 1 дәрежеге дейін төмендегенше емді тоқтату, содан кейін оны 5-кестеде келтірілген нұсқауларға сәйкес қайта бастау керек. ≥ 3 дәрежелі шеткері нейропатия кезінде емді ол ≤ 1 дәрежеге дейін төмендегенше тоқтату керек. Емдеуді 5-кестеде келтірілген белгіленген критерийлерге сәйкес кейінгі циклдерде дозаның неғұрлым төмен деңгейінде қайта бастауға болады. 3 немесе 4 дәрежедегі кез келген басқа гематологиялық емес уыттылық кезінде уыттылық ≤ 2 дәрежеге дейін төмендегенше емдеуді тоқтату қажет, содан кейін 5-кестеде келтірілген белгіленген критерийлерге сәйкес емдеуді қайта бастау керек.

5-кесте: Өкпенің ұсақ жасушалық обыры бар пациенттерде гематологиялық емес уыттылық кезінде дозаларды азайту

121 күндік циклдің 1- күнінде Паклиолл мен карбоплатин препаратының дозасын бір мезгілде азайту керек. 21 күндік циклдің 8 немесе 15-күндерінде Паклиолл препаратының дозасын төмендету; келесі циклде карбоплатин дозасын төмендету.

Пациенттердің ерекше топтары

Бауыр функциясының жеткіліксіздігі бар пациенттер

Бауыр функциясының жеңіл жеткіліксіздігі (жалпы билирубин > 1-ден ≤ 1,5-ке дейін х қалыптың жоғарғы шегі (ҚЖШ) және аспартатаминотрансфераза [АСТ] ≤ 10 х ҚЖШ) бар пациенттер үшін көрсетілімдерге қарамастан дозаны түзету талап етілмейді. Бауыр функциясы қалыпты пациенттердегідей дозаны қабылдаған жөн.

Сүт безінің метастаздық обыры және бауыр функциясының орташа немесе ауыр дәрежелі жеткіліксіздігімен байқалатын өкпенің ұсақ жасушалы емес обыры (жалпы билирубин >1,5 ≤ ҚЖШ-дан х 5-ке дейін және АСТ ≤ х ҚЖШ-дан 10) бар пациенттерге дозаны 20% - ға төмендету ұсынылады. Егер пациент алғашқы екі циклде емді жақсы көтерген болса, бұл төмендетілген дозаны бауыр функциясы қалыпты пациенттердегідей қалыпты емдік дозаға дейін арттыруға болады.

Ұйқы безінің метастаздық обыры (аденокарциномасы) бар, бауыр функциясының орташа және ауыр дәрежелі жеткіліксіздігі бар пациенттер үшін дозалау жөнінде нұсқаулар беру үшін деректер жеткіліксіз.

Жалпы билирубині ҚЖШ-дан > 5 құрайтын немесе АСТ> ҚЖШ> 10 құрайтын пациенттер үшін көрсетілімдерге қарамастан дозалау жөнінде нұсқаулар беру үшін деректер жеткіліксіз.

Бүйрек функциясының жеткіліксіздігі бар пациенттер

Бүйрек функциясының жеңілден орташа дәрежеге дейін жеткіліксіздігі бар пациенттер үшін (креатининнің есептік клиренсі ≥30-дан <90 мл/мин дейін) Паклиолл препаратының бастапқы дозасын түзету талап етілмейді. Бүйрек функциясының ауыр жеткіліксіздігі немесе бүйрек функциясының терминалдық сатылы жеткіліксіздігі (креатининнің есептік клиренсі <30 мл/мин) бар пациенттер үшін Паклиолл препаратының дозасын түзету бойынша нұсқаулар беру үшін деректер жеткіліксіз.

Егде жастағы пациенттер

65 және одан үлкен жастағы пациенттерге, барлық пациенттерге қолданылатындардан басқа, дозаларды ешқандай қосымша түзетулер талап етілмейді.

Сүт безі обырын емдегенде паклитакселмен монотерапия алған 229 пациенттен тұратын рандомизацияланған зерттеуде 13%-ды 65 жастан кіші пациенттер және 2%-ды 75 жастағы және одан үлкен пациенттер құрады. Паклитаксел қабылдаған 65 жастан асқан пациенттер арасында уыттылық көп дәрежеде байқалмады. Алайда, сүт безінің метастаздық обыры кезінде паклитакселмен монотерапия алған 981 пациентті кейінгі талдау, оның ішінде 15%-ды ≥ 65 жастағы және 2%-ды ≥ 75 жастағы пациенттер құрады, 65 жастан асқан пациенттерде мұрыннан қан кетудің, диареяның, сусызданудың, шаршаудың және шеткері ісінудің жоғары жиілігін анықтады.

Ұйқы безі обыры (аденокарциномасы) бар 421 пациенттің рандомизацияланған зерттеуінде паклитакселді гемцитабинмен біріктіріп қабылдаған пациенттердің 41% - ы 65 жастан үлкен және 10% - ы 75 жастан үлкен болды. Паклитаксел мен гемцитабин қабылдаған 75 және одан үлкен жастағы пациенттерде емнің үзілуіне әкеп соққан күрделі жағымсыз реакциялар мен жағымсыз реакциялардың анағұрлым жоғары жиілігі байқалды. Емді бастамас бұрын ұйқы безі обыры (аденокарциномасы) бар 75 және одан үлкен жастағы пациенттерді мұқият тексеру керек.

Паклитакселді карбоплатинмен біріктіріп қабылдаған, өкпенің ұсақ емес жасушалы обыры бар 514 пациенттен тұратын рандомизацияланған зерттеуде пациенттердің 31% - ы 65 жастан үлкен және 3,5% - ы 75 жастан үлкен болды. Миелосупрессия, шеткері нейропатия және артралгия жағдайлары 65 жастан кіші пациенттермен салыстырғанда 65 жастан асқан пациенттерде жиірек кездеседі. 75 және одан үлкен жастағы пациенттерде паклитакселді/карбоплатинді қолданудың шектеулі тәжірибесі бар.

Обырдың асқынған сатысы бар 125 пациенттің деректерін пайдалана отырып фармакокинетикалық/фармакодинамикалық модельдеу ≥ 65 жастағы пациенттер емдеудің бірінші циклі ішінде нейтропенияның дамуына неғұрлым бейім болуы мүмкін екенін көрсетеді.

Балалар

18 жасқа дейінгі балаларда паклитакселдің қауіпсіздігі мен тиімділігі анықталмаған. Қазіргі уақытта қолжетімді деректер 4.8, 5.1 және 5.2 бөлімдерінде сипатталған, бірақ дозалау жөнінде нұсқаулар берілмейді. Паклитаксел балаларда сүт безінің метастаздық обыры, ұйқы безінің аденокарциномасы немесе өкпенің ұсақ емес жасушалы обыры кезінде қолданылмайды.

Енгізу әдісі мен жолы

Паклиолл препаратының қалпына келтірілген суспензиясын саңылау диаметрі 15 мкм кіріктірілген сүзгісі бар инфузиялық жүйенің көмегімен вена ішіне енгізеді.

Дайындау және енгізу кезіндегі сақтық шаралары

Паклиолл препараты – цитоуытты, ісікке қарсы препарат, басқа да ықтимал уытты агенттер жағдайындағыдай, оны қолданған кезде сақ болу керек. Қолғап, қорғаныш көзілдірігін және қорғаныс киімін пайдалану ұсынылады. Препарат теріге тигенде, тиген жерді дереу және сабын сумен мұқият жуу керек. Препарат шырышты қабықтарға тиген жағдайда, сол жерлерді сумен мұқият жуу керек. Препаратты тек тәжірибелі қызметкерлер дайындап, енгізуі керек. Жүкті қызметкер әйелдер препаратпен өзара әрекеттесуден аулақ болу керек.

Препараттың қантамыр маңындағы тіндерге түсіп кету мүмкіндігін ескере отырып, вена ішіне инфузия орнында инфильтрацияның ықтимал симптомдарын уақтылы анықтай отырып, препаратты енгізу процесін мұқият бақылау қажет. Инфузия уақытын 30 минутқа дейін шектеу енгізген жерде жағымсыз реакциялардың туындау ықтималдығын азайтады.

Препаратты қалпына келтіру және енгізу

Паклиолл препараты қолданар алдында инфузия үшін суспензия дайындауға арналған лиофилизацияланған ұнтақ болып табылады. Қалпына келтірілгеннен кейін алынған суспензияның әрбір мл құрамында 5 мг альбумин-тұрақтандырылған нанодисперсиялы паклитаксел бар.

Стерильді шприцтің көмегімен инъекцияға арналған 20 мл NaCl 9 мг/мл (0,9%) ерітіндісін құтыға баяу (кем дегенде 1 минут ішінде) енгізіңіз.

Шприцтің инесін ерітінді құтының ішкі қабырғасы бойымен ағатындай етіп бағыттау керек. Көбік пайда болмас үшін ерітіндіні тікелей лиофилизатқа жіберуге болмайды.

Ерітіндіні енгізгеннен кейін лиофилизаттың біркелкі сулануын қамтамасыз ету үшін құтыны 5 минутқа (кем емес) тұндыру керек. Содан кейін құтыны абайлап және баяу айналдыру және/немесе біртекті суспензия түзе отырып, толық ерігенге дейін кемінде 2 минут аудару керек. Көбіктің түзілуінен аулақ болу керек. Көбік немесе кесектер пайда болған кезде құты көбік толық шөккенге дейін 15 минутқа (кем емес) тұну қажет.

Дайын препарат ақ түсті және көрінетін механикалық қоспаларсыз біртекті құрылым болуы керек. Қалпына келтірілген суспензияның кейбір шөгуі байқалуы мүмкін. Егер шөгінді болса, қолданар алдында суспензияның біркелкілігіне қол жеткізу үшін құтыны тағы бір рет абайлап аудару керек.

Құтыдағы суспензияны қатты бөлшектердің бар-жоғына тексеру қажет. Олар анықталған кезде суспензияны енгізуге жол берілмейді.

Паклиолл препаратының дайындалған суспензиясын препараттың есептелген дозасына сәйкес қажетті көлемде ПВХ-дан жасалған немесе құрамында ПВХ жоқ бос стерильді инфузиялық пакетке көшіру қажет.

Құрамында силикон майы бар медициналық бұйымдарды майлам ретінде пайдалану (атап айтқанда, шприцтер мен инфузиялық пакеттер) ақуыздық «жіптердің» пайда болуына әкелуі мүмкін. Паклиолл препаратын осы ақуыздық «жіптердің» қанағымға енуіне жол бермеу үшін саңылау өлшемі 15 мкм құрайтын кіріктірілген сүзгіні қолдана отырып енгізу керек. Ондай сүзгі аталған бөлшектерді қалпына келтірілген суспензияның физикалық немесе химиялық қасиеттеріне әсер етпестен жояды.

Саңылаулар өлшемі 15 мкм-ден кішкентай сүзгіні пайдалану оны бітеуі мүмкін.

Паклиолл препаратын дайындау немесе енгізу үшін құрамында ди(2-этилгексил)фталат (ДЭГФ) жоқ ерітінділерге арналған арнайы контейнерлерді немесе енгізуге арналған жиынтықтарды қолдану талап етілмейді.

Суспензияны енгізгеннен кейін препараттың дозасын толық көлемде енгізуді қамтамасыз ету үшін инъекцияға арналған тамшылатқышты және венаішілік катетерді 9 мг/мл (0,9%) натрий хлоридінің ерітіндісімен шаю ұсынылады.

Артық дозалану жағдайында қабылдау қажет болатын шаралар

Паклитакселмен артық дозаланғанда спецификалы антидоты жоқ. Артық дозаланған жағдайда пациенттің жағдайын мұқият бақылау керек. Емдеу сүйек кемігінің тежелуі, мукозит және шеткері нейропатия сияқты болжамды асқынуларды жоюға бағытталуы керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгінуге кеңес беріледі.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау  керек шаралар

Жағымсыз реакциялар жиілігінің сандық критерийлері және жүйелік-ағзалық жіктемеге сәйкес және олардың туындау жиілігіне сәйкес жағымсыз реакциялардың жіктелуі (Жағымсыз құбылыстардың жиілігін айқындау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Қауіпсіздік бейінінің қысқаша сипаттамасы

Паклитакселді қолданумен байланысты неғұрлым жиі клиникалық маңызды жағымсыз реакциялар нейтропения, шеткері нейропатия, артралгия/миалгия және асқазан-ішек бұзылыстары болды.

6-кесте. Паклитакселді қабылдау кезінде хабарланған жағымсыз реакциялар

1 Паклитакселді қабылдау кезінде тіркеуден кейінгі кезеңде хабарламалар келіп түсті

2 Пневмониттің жиілігі сүт безі обыры кезінде паклитакселмен монотерапия алған, клиникалық сынақтардағы 1310 пациентте және басқа көрсетілімдер бойынша біріктірілген деректер негізінде есептелген

3 Зертханалық бағалау негізінде: миелосупрессияның ең жоғары дәрежесі (ем алған популяция)

4 Бұрын капецитабин қабылдаған кейбір пациенттерде байқалды

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - 100.00 мг паклитаксел.

қосымша заттар: адам альбумині, азот.

Сыртқы түрінің, иісінің, дәмінің сипаттамасы

Ақ немесе ақ дерлік түсті ұнтақ немесе лиофилизацияланған таблетка.

Қалпына келтірілген ерітінді – көзге көрінетін бөлшектері жоқ біртекті ақ түсті суспензия.

Шығарылу түрі және қаптамасы

Препарат бромбутил тығынмен тығындалған (ине типі), ашылмалы қақпағы бар алюминий қалпақшамен қаусырылған, сыйымдылығы 50 мл І типті шыныдан жасалған, түссіз мөлдір құтыға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25 ºС-ден аспайтын температурада сақтау керек.

Рецепт арқылы

Өндіруші туралы мәліметтер

Panacea Biotec Pharma Ltd.,

Malpur, Baddi, Distt. Solan (H.P.) – 173205, Үндістан.

Тел.+91-1795-304000

Факс. +91-1795-246834

Электронды пошта: pharma@panaceabiotec.com

Тіркеу куәлігінің ұстаушысы

Panacea Biotec Pharma Ltd.,

Malpur, Baddi, Distt. Solan (H.P.) – 173205, Үндістан.

Тел.+91-1795-304000

Факс. +91-1795-246834

Электронды пошта: pharma@panaceabiotec.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан, 050043, Алматы қ., Мирас ш.а., 157-үй, 2-блок, т. е. 819,

Тел. (727) 311-81-96/97, e-mail: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Канумуру И.Г. ЖК, Қазақстан, 050043, Алматы қ., Мирас ш.а., 157-үй, т.е. 819.

Тел. (727) 311-81-96/97, +77479911904, e-mail: irina.volovnikova@gmail.com