Офлоксацин (0,3 %)
Инструкция
-
русский
-
қазақша
Саудалық атауы
Офлоксацин
Халықаралық патенттелмеген атауы
Офлоксацин
Дәрілік түрі
0,3 % көз жақпамайы
Құрамы
100 г жақпамайдың құрамында
белсенді зат – 0,3 г офлоксацин,
қосымша заттар: нипагин, нипазол, вазелин – 100 г дейін
Сипаттамасы
Ақ, сарғыш реңді ақ немесе сары түсті жақпамай
Фармакотерапиялық тобы
Микробқа қарсы дәрі, фторхинолон.
АТЖ коды S01AX11
Фармакологиялық қасиеттері
Фармакокинетикасы
Зерттеулерде жергілікті қолданғаннан кейін офлоксациннің мөлдір қабықта, конъюнктивада, көз бұлшықеттерінде, склерада, нұрлы қабықта, цилиарлы дене мен көздің алдыңғы камерасында білінетіні анықталған. Бірнеше мәрте қолдану офлоксациннің шыны тәріздес денеде емдік концентрацияға қол жеткізуіне алып келеді. Көз тіндерінде көздің сулы ылғалына қарағанда дәрілік заттың анағұрлым жоғары концентрациясы қалыптасады. Офлоксациннің конъюнктивадағы және склерадағы ең жоғары концентрациясына жақпамайдың шамамен ұзындығы 1 см жолағын бір мәрте қолданғаннан кейін (шамамен 0. 12 мг офлоксацинге сәйкес) 5 минуттан кейін жетеді, осыдан соң офлоксациннің концентрациясы ақырындап төмендейді. Көздің сулы ылғалы мен мөлдір қабықта офлоксациннің концентрациясы ең жоғары мәніне 1 сағаттан кейін жетеді.
Фармакодинамикасы
Офлоксацин - фторхинолондар тобына жататын әсер ету ауқымы кең микробқа қарсы дәрі, жоғары спиралдануды және осылай бактериялар ДНҚ-сының тұрақтылығын қамтамасыз ететін бактериялық ДНҚ-гираза ферментіне әсер етеді (ДНҚ тізбегі тұрақсыздануы бактериялардың өлуіне әкеп соғады). Бактерицидті әсер етеді.
Грамтеріс микроорганизмдерге: Escherichia coli, Salmonella spp., Proteus spp., Morganella morganii, Shigella spp., Klebsiella cloacae, Klebsiella spp., Enterobacter spp., Proteus mirabilis, Pseudomonas aeruginosa, Serratia spp., Citrobacter spp., Yersinia spp., Providencia spp., Haemophilus infuenzae, Neisseria gonorrhoeae, Neisseria meningitides, Acinetobacter spp.;
грамоң микроорганизмдерге: Staphylococcus aureus, Staphylococcus pneumoniae, Streptococcus pneumoniae, Streptococcus spp.;
жасушаішіліктерге: Chlamydia trachomatis, Chlamydia spp., Legionella spp., Mycoplasma spp.;
анаэробтарға: Propionibacterium acnes қатысты алғанда тиімділігі жоғары.
Қолданылуы
- бактериялық кератиттер мен мөлдір қабықтың ойық жарасында
- блефаритте, конъюнктивиттер, блефароконъюнктивитте
- теріскен
- дакриоциститте
- көздің хламидиялық жұқпаларында
Қолдану тәсілдері және дозасы
Жергілікті. 1 см жақпамай жолағын (0.12 мг офлоксацин) зақымданған көздің төменгі қабағына тәулігіне 2-3 рет, хламидиялық жұқпаларда – тәулігіне 5-6 рет салады.
Жақпамайды салу үшін астыңғы қабақты төмен қарай тартып ұстап, сықпаны жеңіл қысып, ұзындығы 1 см жақпамай жолағын, конъюнктивальді қапқа енгізген жөн. Мұнан соң жақпамай біркелкі бөліну үшін көз алмасын айналдыра қозғалту керек. Емдеу курсы – көп дегенде 2 апта.
Жағымсыз әсерлері
Сирек
-
көздің ашуы және жайсыздануы
-
конъюнктивалардың қышуы және құрғауы
-
жарықтан қорқу
-
көзден жас ағу
Кейде
-
конъюнктива гиперемиясы
Аллергиялық реакциялар: кейде - тері бөртпесі, қышу, есекжем, аллергиялық нефрит, сирек - анафилактикалық шок
Көп жағдайларда бұл симптомдар ұзаққа созылмайды.
Қолдануға болмайтын жағдайлар
-
препаратқа асқын сезімталдықта (оның ішінде басқа да хинолон туындыларына)
-
созылмалы бактериялық емес конъюнктивитте
-
жүктілік және лактация кезеңі
-
18 жасқа дейінгі балаларға
Дәрілермен өзара әрекеттесуі
Препаратты басқа көз тамшыларымен/жақпамайларымен бірге пайдаланған кезде кем дегенде 15 мин аралықпен қолданған дұрыс. Препаратты кез келген жағдайда соңғы кезекте қолданған жөн.
Айрықша нұсқаулар
Дәрігердің тағайындауымен қолданылады.
Препаратпен емдеу кезеңінде жұмсақ жанаспалы линза тақпау керек.
Субконъюктивальді немесе көздің алдыңғы камерасына енгізуге болмайды. Күннен қорғайтын көзілдіріктер тағып (жарықтан қорқудың дамуы ықтималдығынан), жарқыраған жарықтың ұзақ әсер етуінен аулақ болған дұрыс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Офлоксацинді пайдаланғаннан кейін бірден көру өткірлігі уақытша жоғалуы мүмкін, бұл автомобиль басқару мен механизмдермен жұмыс істегенде қиындық тудырады; препаратты қолданғаннан кейінгі 15 минуттан соң ғана жұмысқа кірісу ұсынылады.
Артық дозаланғанда
Препараттың артық дозалануы жайлы деректер жоқ.
Шығарылу түрі және қаптамасы
Көз жақпамайы. 5 г-ден алюминий сықпада.
Әр құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
15оС-ден 25оС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Ашқаннан кейінгі сақтау мерзімі – 30 күн.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Синтез» ААҚ
Ресей, 640008, Қорған қ., Конституция даңғ., 7.
тел./факс (3522) 48-16-89
Тіркеу куәлігінің иесі
«Синтез» ААҚ, Ресей
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«СТОФАРМ» ЖШС, 000100, Қазақстан Республикасы,
Қостанай облысы, Қостанай қ., Уральская к-сі, 14
тел. 714 228 01 79
E-mail: real@kurgansintez.ru