Отривин® Комплекс
Инструкция
-
русский
-
қазақша
Саудалық атауы
Отривин® Комплекс
Халықаралық патенттелмеген атауы
Жоқ
Дәрілік түрі
Дозаланған мұрын спрейі
Құрамы
1 мл ерітіндінің құрамында:
белсенді заттар: 0,6 мг ипратропий бромиді моногидраты
0,5 мг ксилометазолин гидрохлориді,
қосымша заттар: глицерин (85%), динатрий эдетат дигидраты, концентрацияланған хлорсутек қышқылы, натрий гидроксиді, тазартылған су.
Сипаттамасы
Мөлдір, түссіз немесе сәл боялған ерітінді.
Фармакотерапиялық тобы
Респираторлық жүйе ауруларын емдеуге арналған препараттар. Mұрынға арналған препараттар. Жергілікті қолданылатын антиконгестанттар және мұрынға арналған басқа препараттар. Басқа препараттармен біріктірілген (глюкокортикостероидтарды қоспағанда) симпатомиметиктер. Басқа препараттармен біріктірілген ксилометазолин.
АТХ коды R01AB06
Фармакологиялық қасиеттері
Фармакокинетикасы
Ұсынылған дозада жергілікті қолданған кезде іс-жүзінде сіңірілмейді. Плазмадағы ең жоғары концентрациясы төмен және 1 сағатта (ипратропий бромиді үшін) және 2 сағатта (ксилометазолин үшін) жетеді.
Фармакодинамикасы
Ксилометазолин α-адреномиметикалық әсер ететін жергілікті тамыр тарылтатын дәрілер (деконгенсанттар) тобына жатады, ол шырышты қабықтың қан тамырларының тарылуымен байқалады және мұрын мен жұтқыншақтың шырышты қабығының ісінуі мен гиперемиясының жойылуына әкеледі және риниттер кезінде мұрынмен тыныс алуды жеңілдетеді. Әсер етуі 5-10 минут өткенде басталады және 6 -8 сағат бойы жалғасады.
Ипратропий бромиді – жергілікті парасимпатикалық тежеуші белсенділігі бар антихолинергиялық препарат. Мұрынның шырышты қуысы бездерінің холинергиялық рецепторларын тежейді, бұл мұрын сөлінісінің мөлшерінің азаюына әкеледі. Әсер етуі 5-10 минут өткенде басталады және орташа 6 сағат бойы жалғасады.
Қолданылуы
Жедел респираторлық аурулар кезінде мұрынның бітелуімен және артық мұрын секрециясымен бірге жүретін ринитті (тұмау) симптоматикалық емдеу.
Қолдану тәсілі және дозалары
Мұрын ішіне.
Ересектер: Әр мұрын жолына 1 бүркуден күніне 3 рет. Қайта қолдану арасындағы аралық 6 сағаттан кем болмауы тиіс. Тәуліктік дозасы әр мұрын жолына 3 бүркуден аспауы тиіс.
Препаратты бірінші рет қолданар алдында қорғаныс қақпақшасын шешу керек және оны іске қосу үшін помпалық дозалаушы құрылғыны 4 рет басу керек. Әрі қарай пайдаланған кезде дозалаушы құрылғыны қосымша іске қосудың қажеті жоқ. Егер спрейдің біркелкі емес дозалануы байқалса немесе препаратты пайдаланудағы үзіліс 6 күннен асса, оны іске қосу үшін дозалаушы құрылғыға 4 рет қайта басу керек.
Дозалаушы құрылғының ұштығын кеспеңіз.
7 күннен астам қолдануға болмайды, себебі ксилометазолинді ұзақ уақыт бойы тұрақты қолдану мұрынның шырышты қабығының ісінуін және сөліністің артуын туындатуы мүмкін, бұл «кері әсер» (дәрі-дәрмектік ринит) деп аталатын препараттың әсер ететін затына жасушалардың жоғары сезімталдығының дамуымен шартталған. Мұрынның бітелуі мен тұмаудың симптомдары азайған жағдайда, тіптен препаратты қолдануды бастағаннан бастап 7 күннен кем уақыт өтсе де препаратты пайдалануды тоқтату ұсынылады. Бұл жағымсыз әсердің пайда болу қаупін төмендетеді.
Бір бүркудің құрамында (140 мкл) шамамен 70 мкг ксилометазолин гидрохлориді және 84 мкг ипратропий бромиді бар.
Препаратты 70 жастан асқан пациенттерде қолдану тәжірибесі шектеулі. Ұсынылған дозаларды асырмаған жөн.
Жағымсыз әсерлері
Өте жиі: ( 1/10)
- мұрыннан қан кету
- мұрынның шырышты қабығының құрғауы
Жиі: ( 1/100-ден 1/10 дейін)
- бас ауруы
- дәм сезудің бұзылуы
- мұрындағы жайсыздық/ауруы, мұрынның бітелуі, тамақтың құрғауы/жыбырлауы, ауыздың құрғауы
Жиі емес: ( 1/1000-нан 1/100 дейін)
- ұйқысыздық
- паросмия (иіс сезудің бұзылуы)
- бас айналуы
- тремор
- көздің шырышты қабығының тітіркенуі/құрғауы
- жүректің қағуы, тахикардия
- мұрынның шырышты қуысының ойық-жаралары, түшкіру
- тамақтың ауыруы, жөтелу, дисфония
- жүрек айнуы, асқорытудың бұзылыстары
- шаршау, жайсыздық сезімі
Сирек: ( 1/10000-нан 1/1000 дейін)
- тұмау
Жиілігі белгіленбеген немесе жекелеген жағдайлар
- аса жоғары сезімталдықтың жүйелі реакциялары (қышыну, есекжем, бөртпе)
- аккомодацияның бұзылуы, жабық бұрышты глаукома кезіндегі жағдайдың нашарлауы, көздің ауыруы, фотопсия, көзішілік қысымның жоғарылауы, мидриаз, көрудің нашарлауы, көздің алдындағы «шеңберлер» (гало-әсер)
- жыпылықтаушы аритмия
- мұрынның қосалқы қуыстарындағы жайсыздық, ларингоспазм, жұтқыншақтың ісінуі
- жұтудың қиындауы
- несептің іркілуі
- кеуде қуысындағы жайсыздық, шөлдеу.
Кез келген жағымсыз әсердің пайда болуы туралы дәрігерге хабарлау керек.
Қолдануға болмайтын жағдайлар
- ксилометазолинге, ипратропий бромидіне немесе препараттың кез келген басқа компонентіне жоғары сезімталдық
- атропинге немесе атропин тәріздес препараттарға (мысалы, гиосциаминге немесе скополаминге) аса жоғары сезімталдықтың бар болуы
- глаукома
- құрғақ немесе атрофиялық ринит
- қатты ми қабығын ашумен хирургиялық араласулардан кейінгі жағдайлар, мысалы транссфеноидальді гипофизэктомиядан немесе басқа трансназальді операциялардан кейінгі жағдай
- 18 жасқа дейінгі балалар және жасөспірімдер
Дәрілермен өзара әрекеттесуі
Моноаминооксидаза тежегіштері (МАО тежегіштері) және три- және тетрациклды антидепресанттар: МАО тежегіштерін бір мезгілде қабылдау немесе алдыңғы 2 апта ішінде қабылдау жоғары артериялық қысымның күшею ықтималдығына байланысты ұсынылмайды. Симпатомиметикалық препараттар катехоламиндердің, оның ішінде тамырды тарылтатын әсерге иеленген норадреналиннің босатылуын туындатады, соның салдары ретінде артериялық қысым жоғарылайды. Артериялық қысым елеулі жоғарылаған кезде Отривин® Комплекс препаратымен емдеуді тоқтатып, симптоматикалық ем жүргізу керек.
Холиноблокаторлар: бір уақытта қабылдау ипратропий бромидінің антихолинергиялық әсерін күшейтуі мүмкін.
Жоғарыда көрсетілген өзара әрекеттесулер Отривин® Комплекс препаратының құрамына кіретін екі белсенді зат үшін жеке зерттелді. Екі белсенді зат үшін біріктірілімде жоғарыда көрсетілген өзара әрекеттесу зерттелген жоқ..
Айрықша нұсқаулар
- Артериялық гипертониясы
- жүрек-қантамыр аурулары
- гипертиреозы
- қант диабеті
- феохромоцитомасы
- қуықасты безінің гиперплазиясы
- қуық мойнының обструкциясы бар пациенттерге сақтықпен қолдану керек.
Отривин® Комплекс препараты мынандай аурулар/жағдайлар дамуына бейімділігі бар пациенттерге сақтықпен қолданылуы керек:
- жабық бұрышты глаукома
- мұрыннан қан кету (мысалы, егде жастағы пациенттер)
- салданған ішек түйнегі
- муковисцидоз
Басқа симпатомиметикалық дәрігер сияқты адренергиялық препараттарды қолдану кезінде ұйқысыздық, бас айналуы, тремор жүрек ырғағының бұзылуы немесе артериялық қысымның жоғарылуы байқалатын пациенттерге сақтықпен тағайындау керек.
Жергілікті қолдануға арналған басқа да тамырды тарылтатын дәрілер сияқты дәрі-дәрмектік риниттің (ребаунд-әсер) пайда болу қаупіне байланысты Отривин® препаратын 7 күннен астам қатарынан қабылдамаған жөн.
Көзге немесе көздің айналасына тигізуге болмайды. Отривин® Комплекс көзге тиген жағдайда көрудің уақытша бұзылуы, тітіркенуі, ауыруы, көздің қызаруы пайда болуы мүмкін. Жабық бұрышты глаукоманың дамуы ықтимал. Отривин® Комплекс көзге тиген жағдайда көзді дереу суық сумен жуып және көз ауруы және көрудің бұлыңғырлауы болса дәрігерге бару керек.
Жүктілік және лактация кезеңі
Отривин® Комплексті жүктілік және емшек емізу кезінде ана үшін пайда шарана/бала үшін ықтимал қауіптен жоғары болған жағдайда ғана қолданған жөн.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Отривин® Комплекс көлік құралын немесе қауіптілігі зор механизмдерді басқару қабілетіне әсер етпейді. Дегенмен, көрудің бұзылуы, мидриаз, бас айналуы, әлсіздік сияқты жағымсыз әсерлер дамыған жағдайда көлік құралын немесе қауіптілігі зор механизмдерді басқарудан аулақ болған жөн.
Артық дозалануы
Ксилометазолин гидрохлориді.
Артық дозалануы ішке қабылдаған немесе жергілікті қолдану кезінде ұсынылған дозаны елеулі арттырған кезде мүмкін.
Симптомдары: бас айналуы, тершеңдік, дене температурасының елеулі төмендеуі, бас ауруы, брадикардия, артериялық гипертензия, тыныс алу жеткіліксіздігі, кома. Артериялық гипертензия гипотензияға ауысуы мүмкін. Кішкентай балалар ересектерге қарағанда уытты әсерге сезімтал.
Емі – симптоматикалық.
Ипратропий бромиді.
Интраназальді немесе пероральді енгізу кезінде төмен сіңірілу деңгейіне байланысты артық дозалану ықтималдығы төмен.
Симптомдары: ауыздың құрғауы, тахикардия, аккомодация бұзылуы.
Емі: симптоматикалық.
Елеулі артық дозалану елестеулерді қоса орталық жүйке жүйесінің тарапынан препараттың холинолитикалық әсеріне байланысты симптомдарды туындатуы мүмкін, оларды жою үшін холинэстераза тежегіштерін тағайындайды.
Тиісті демеуші іс-шаралар артық дозалануға кез келген күдік болғанда қолданылуы тиіс, қажет болған жағдайда дәрігердің бақылауымен дереу симптоматикалық емдеу көрсетілген. Бұл іс-шараларға пациентті алты сағат бойы бақылау кіреді. Жүректің тоқтауымен ауыр улану болған жағдайда реанимациялық әрекеттер 1 сағаттан кем емес уақыт бойы жалғасуы тиіс.
Шығарылу түрі және қаптамасы
10 мл препараттан дозалағыш құрылғымен, пропиленнен жасалған ұштықпен және қорғағыш қалпақшамен жабдықталған полимерлі құтыға салады.
Құтыға өзі жабысатын заттаңбаны жабыстырады.
1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
25 С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Дәріханалардан босатылу шарттары
Рецептісіз
Өндіруші ұйымның атауы және елі
Новартис Консьюмер Хелс СА, Швейцария
Тіркеу куәлігі иесінің атауы және елі
Novartis Sverige AB, Täby, Швеция
Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«ГСК КХ КАЗАХСТАН» ЖШС Алматы қ-сы, Манас к-сі, 32А.
тел. +7 (727) 2446999
факс +7 (727) 2446997
kz.safety@gsk.com