Ототон

Ототон

Жоқ

Дәрілік түрі, дозасы

Құлаққа тамызатын дәрі, 16 г

Сезім мүшелері. Отологиялық ауруларды емдеуге арналған препараттар. Отологиялық ауруларды емдеуге арналған басқа да препараттар. Анальгетиктер және анестетиктер. Біріктірілген препараттар.

ATX коды S02DA30

Ересектер мен 1 айдан асқан балаларда дабыл жарғағының бұзылмаған ортаңғы құлақтың белгілі бір ауырсыну жағдайларын жергілікті симптоматикалық емдеу:

• жедел кезеңдегі ортаңғы отитте

• отитте, тұмаудан кейінгі асқыну ретінде, фликтенулярлы отит д.а.

• барожарақаттық отитте (дабыл жарғағының бүтіндігін бұзбай)

Қолдануды бастағанға дейін қажетті мәліметтер тізбесі

• әсер етуші заттарға, препараттың кез келген компоненттеріне немесе амидті жергілікті анестезиялық дәрілік заттарға аса жоғары сезімталдық

• дабыл жарғағының инфекциялық немесе жарақаттық зақымдануы

• 1 айға дейінгі балалар жасы

Қолдану кезіндегі қажетті сақтандыру шаралары

Тағайындау алдында дәрігер дабыл жарғағының бүтіндігін тексеруі керек. Егер препарат тесілген дабыл жарғақта қолданылса, препарат ортаңғы құлақ мүшелерімен байланысқа түсіп, асқынуларға әкелуі мүмкін.

Сақтық мақсатында кез-келген қолданар алдында дабыл жарғағының бүтіндігін тексеру керек.

Басқа дәрілік препараттармен өзара әрекеттесуі

Егер сіз тағы басқа дәрілік препараттарды қабылдап жүрсеңіз, міндетті түрде дәрігерге хабарлаңыз.

Препаратты жергілікті қолдану кезінде қандай да бір дәрілік заттармен өзара әрекеттесуі байқалмады.

Арнайы ескертулер

Препараттың құрамында допингке қарсы тестте оң нәтиже көрсете алатын белсенді компонент бар екенін ескеру қажет.

Педиатрияда қолдану

1 айға дейінгі балаларда Ототон препаратын қолданудың қауіпсіздігі мен тиімділігі туралы деректер жоқ. 1 айға толмаған балаларға Ототон, тамшылары препаратын қолдану қарсы көрсетілген.

Жүктілік немесе лактация кезінде

Бүтін дабыл жарғағында организмге енуі екіталай. Қазіргі уақытта жүктілік және лактация кезінде препаратты қолдануға болмайтын жағдайларға қатысты деректер жоқ, жүкті және бала емізетін әйелдерге дәрігермен кеңескеннен кейін ықтимал қауіп пен пайданы салыстырғаннан кейін тағайындалуы мүмкін.

Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Препарат көлік басқару немесе қауіптілігі зор механизмдер қызметін атқару қабілетіне әсер етпейді.

Қолдану жөніндегі нұсқаулар

Дозалау режимі

Ересектерге: сыртқы есту жолына тәулігіне 2-3 рет 4 тамшыдан тамызу керек.

1 айдан асқан балаларға: сыртқы есту жолына тәулігіне 2 рет 1-2 тамшыдан тамызу керек.

Емдеу курсы 10 күннен аспауы керек.

Пациенттердің ерекше топтары

Балалар

1 айға дейінгі балаларда Ототон препаратын қолданудың қауіпсіздігі мен тиімділігі туралы деректер жоқ. 1 айдан асқан балаларға дәрігердің кеңесінен кейін және ұсынысы бойынша қолданыңыз.

Енгізу әдісі және жолы

Есту жолы терісінің суық ерітіндімен жанасуы нәтижесінде жағымсыз сезімдердің алдын алу үшін дәрілік затты қолданар алдында қолыңыздағы құтыны жылыту керек.

Содан кейін қақпақты құтыдан бұрап алып, тамшылатқышты құтыға бұрау керек. Құтыны төңкеріп, тамшылатқыштың орталық бөлігіне басып Ототон, тамшыларын тамызу керек.

Қолданғаннан кейін тамшылатқыштағы ақ қақпақшаны тығыз бұрап, құтыны қаптамаға салу керек.

Емдеу ұзақтығы

Емдеу ұзақтығы 10 күннен аспауы тиіс. Симптомдар сақталған кезде дәрігерге жүгініңіз.

Артық дозалау жағдайында қабылдау қажет болатын шаралар

Препаратты ұсынылған дозада қолданған кезде артық дозалану екіталай.

Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Дәрілік препаратты қолданар алдында дәрігердін немесе дәріхана қызметкерінің кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Келесі жағымсыз реакциялар болуы мүмкін:

Өте сирек:

• жергілікті аллергиялық реакциялар, соның ішінде тітіркену, қызару, қышыну

Егер осы немесе басқа жағымсыз реакциялар пайда болса, препаратты қолдануды тоқтатып, дереу дәрігерге хабарлау керек!

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір грамм тамшылардың құрамында

белсенді заттар: 100 % құрғақ затқа шаққанда феназон - 0,04 г, 100 % сусыз затқа шаққанда лидокаин гидрохлориді - 0,01 г,

қосымша заттар: натрий тиосульфаты, 96 % этанол, глицерин, тазартылған су.

Сыртқы түрінің, иісінің, дәмінің сипаттамасы

Спирт иісі бар мөлдір, түссіз немесе сәл сарғыш сұйықтық.

Шығарылу түрі және қаптамасы

Сыйымдылығы 15 мл қоңыр түсті бұрандалы мойны бар шыны құтыда 16 г, бірінші ашылуын бақылай отырып, тығындау-бұрандалы пластик қақпақпен тығындалған.

Құтыға өздігінен желімденетін заттаңба жапсырылады.

Әрбір құтыға жиынтығына қақпақ пен бушон кіретін тамшылатқышпен бірге, және қазақ және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салынады.

Немесе сыйымдылығы 15 мл қоңыр түсті бұрандалы мойны бар шыны құтыларда 16 г, қақпақ пен бушон бар тамшылатқышпен тығындалған.

Құтыға өздігінен желімденетін заттаңба жапсырылады.

Әрбір құты қазақ және орыс тілдеріндегі медициналық қолдану жөніндегі нұсқаулықпен бірге картоннан жасалған қорапшаға салынады.

Құтыны ашқаннан кейінгі жарамдылық мерзімі - 1 ай.

Жарамдылық мерзімі өткеннен кейін қолдануға болмайды.

Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Фармак» АҚ, Украина, 04080, Киев қ., Кирилловская көш., 74.

Тел.: +38 (044) 496 87 87, электронды пошта: info@farmak.ua

Тіркеу куәлігінің ұстаушысы

«Фармак» АҚ, Украина, 04080, Киев қ., Кирилловская көш., 63.

Тел.: +38 (044) 496 87 87, факс: +38 (044) 239 19 40

электронды пошта: info@farmak.ua

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

Тұтынушылар шағымдарын мына мекенжайға жолдау керек:

«Фармак» АҚ Қазақстан Республикасындағы өкілдігі

Қазақстан Республикасы, Алматы қ., индексі 050051, Фонвизин көш., 22.

Тел.: +7 (771) 765 43 94, электронды пошта: phv@farmak.kz