Ориванс

Ориванс

Орнидазол

Инфузияға алған ерітінді, 500 мг/100 мл

100 мл ерітіндінің ішінде

белсенді зат – орнидазол 500 мг,

қосымша заттар: натрий хлориді, хлорсутек қышқылы, инъекцияға арналған су

Түссізден бозғылт-сары түсті мөлдір ерітінді.

Жүйелі қолдануға арналған микробқа қарсы препараттар. Жүйелі пқолдануға арналған бактерияға қарсы препараттар. Бактерияға қарсы басқа препараттар. Имидазол туындылары. Орнидазол.

АТХ коды J01XD03

Фармакокинетикасы

Орнидазол гематоэнцефалдық және плацентарлық бөгет арқылы жақсы өтеді, жұлынми сұйықтығына, өтке, ана сүтіне өтеді. Вена ішіне енгізгенде таралу көлемі 1 л/кг құрайды. 15 мг/кг дозада және бұдан кейін дене салмағының әр кг 7,5 мг дозада әрбір 6 сағат сайын енгізгенде біркелкі концентрациясы 18-26 мкг/мл болады. Плазма ақуыздарымен байланысуы 13%. Жартылай шығарылу кезеңі 13 сағатты құрайды.

Препараттың шамамен 30-60%-ы гидроксилдену, тотығу және глюкуронирлену арқылы организмде метаболизденеді.

Орнидазол бүйректен (60-80%) метаболиттер түрінде және нәжіс массаларымен (20-25%), шамамен 5% доза өзгермеген түрде шығарылады.

Фармакодинамикасы

Орнидазолдың әсер ету механизмі анаэробты микроорганизмдер және қарапайымдылардың жасушаішілік көлік протеиндермен 5-нитротобының биохимиялық қалпына келтірілуіне негізделген. ДНҚ құрылымын бұза отырып олардың нуклеинді қышқылдардың синтезін тежейді, ол оған сезімтал микроорганизмдердің бактериялары өлуіне әкеп соғады.

Орнидазол Trichomonas vaginalis, Entamoeba histolytica, Giardia lamblia (Giardia intestinalis), сондай-ақ кейбір анаэробты бактериялар, Bacteroides, Fusobacterium spp., Clostridium spp., Eubacterium spp. сезімтал штамдарына; анаэробтық грамоң кокктар Peptococcus spp., Peptostreptococcus spp. қатысты белсенді.

Орнидазолға аэробтық микроорганизмдер сезімтал емес.

- трихомониаз (Trichomonas vaginalis туғызған әйелдер және еркектердің несеп жыныс жолдарының инфекциялары)

- амебиаз (Entamoeba histolytica туғызған барлық ішек инфекциялары, оның ішінде амебалы дизентерия, және амебиаздың ішектен тыс барлық түрлері, әсіресе бауырдың амебалы абсцесі)

- лямблиоз

- анаэробты бактериялық инфекциялар (бактериялар анықталған немесе болжалды сезімтал инфекцияларды емдеу, мысалы, сепсис, менингит, перитонит, операциядан кейінгі хирургиялық жара инфекциясы, босанудан кейінгі сепсис, сепсистік аборт және эндометрит)

Препаратты вена ішіне 15-30 минут бойы енгізеді.

Анаэробты инфекцияда балалар мен 12 жастан асқан балаларға 500-1000 мг бастапқы дозада қолданады, содан соң – 500 мг-ден әрбір 12 сағат сайын немесе 1000 мг-ден әрбір 24 сағат сайын 5-10 күн бойы. Препаратты орнидазолдың ішке қабылдайтын түрлерімен бірге қолданғанда 1000 мг тәуліктік дозадан асырмау керек. Пациенттің жағдайы тұрақтандырылғаннан кейін орнидазолды ішке қабылдайды (мысалы, әрбір 12 сағат сайын 500 мг 1 таблеткадан).

Дене салмағы 6 кг артық 12 жасқа дейінгі балаларға тәуліктік дозаны дене салмағының әрбір килограмына 20 мг есебінен, 2 енгізуге бөліп, 5-10 тәулік қабылдауға тағайындайды.

Анаэробтық инфекциялардың профилактика мақсатында ересектер мен 12 лет жастан асқан балаларға орнидазолды операция жасаудан жарты сағат бұрын 500-1000 мг дозада тағайындайды.

Аралас инфекциялардың профилактика үшін орнидазолды аминогликозидтермен, пенициллинмен немесе цефалоспориндермен бірге қабылдау керек. Препараттарды жеке енгізу керек.

Ауыр түрде жүретін амёбалы дизентерия жағдайында, ішектен тыс барлық түрлерінде ересектер мен 12 жастан асқан балаларға препарат вена ішіне бірінші күні 500-1000 мг, содан соң - әрбір 12 сағат сайын 500 мг-ден 3-6 тәулік бойы.

12 жасқа дейінгі балаларға тәуліктік дозаны дене салмағына 20-30 мг/мл есебінен, 2 енгізуге бөліп енгізуге тағайындайды.

Бүйрек функциясы бұзылғанда енгізу аралығын арттырады немесе препараттың бір реттік және тәуліктік дозасын төмендетеді.

Ас қорыту жолдарының және бауыр тарапынан:

- ауыздағы жағымсыз дәм, ауыздың құрғауы

- тілдің өңезденуі

- бауыр сынамалары көрсеткіштерінің өзгеруі

- диспепсия симптомдары: жүрек айнуы, эпигастралді тұстың ауырлығы және ауыруы, ас қорытудың бұзылуы, тәбеттің болмауы

Орталық және шеткері жүйке жүйесі тарапынан:

- ұйқышылдық

- бас ауыруы

- шаршағыштық

- бас айналуы

- атаксия

- сананың шатасуы

- нейропатия

- діріл

- құрысулар

- бұлшықеттердің төзімділігі

- координацияның бұзылуы

- уақытша естен тану

Аллергиялық реакциялар:

- ангионевроздық ісіну

- терідегі бөртпе

- қышыну

Басқалар:

- орташа лейкопения

- несеп түсінің қараюы

- жүрек-қантамыр бұзылулары

Егер нұсқаулықта көрсетілген кез келген жағымсыз әсерлер күшейген жағдайда немесе нұсқаулықта көрсетілмеген басқа жағымсыз әсерлер байқалса, бұл туралы тез арада дследует дәрігерге хабарлау керек.

• препараттың компоненттеріне жоғары сезімталдық

• орталық жүйке жүйесінің органикалық аурулары: эпилепсия, жайылған склероз

• қан айналымының бұзылуы

• созылмалы маскүнемдік

• жүктілік (I триместр) және лактация кезеңі

• 2 жасқа дейінгі балалар

Тікелей емес антикоагулянттармен бір мезгілде енгізгенде орнидазол варфариннің әсерін күшейтеді. Векуроний бромидінің әсерін ұзартады.

Препараттың концентрациясы микросомальді ферменттердің индукторларымен (фенобарбитал, рифампицин) бір мезгілде қолданғанда төмендейді және бауырдың микросомальді жүйелері тежегіштерімен, атап айтқанда Н2-рецепторларының блокаторларымен (циметидин) бір мезгілде қолданғанда артады.

5 - нитромидазолдың басқа туындыларымен бірге қолданғанда, шеткері неврит, психикалық депрессия, эпилепсия тәрізді құрысулардың жекелеген жағдайлары туралы хабарланған.

Басқа препараттармен бір құтыда араластыруға болмайды!

Препаратты орталық жүйке жйесінің (ОЖЖ) ауруларынан зардап шегетін пациенттерге (оның ішінде эпилепсия, жайылған склероз), бауыр функциясының бұзылуы және қан түзілуінің бұзылуы, жүктілік және лактация кезеңінде сақтықпен тағайындау керек. Сондай-ақ балаларға, егде жастағы пациенттерге және алкогольді шамадан тыс қабылдайтын пациенттерге сақтықпен тағайындау керек.

Препаратты ішке қабылдай алмайтын науқастарға инфузяға арналған ерітіндіні венаға енгізу көрсетілген. Аралас инфекцияларда орнидазолдың инфузиялық ерітіндісін ішке қабылданатын антибиотиктермен бірлестіре қолдануға болады. Вена ішіне тамшылатып енгізгенде басқа препараттармен араластыруға болмайды.

Трихомониазды емдегенде қос серіктеске бір мезгілде жүргізген жөн.

Жүктілік және лактация кезеңі

Орнидазолды жүктіліктің I триместрінде қабылдауға болмайды. II және III триместрлерде препаратты тек абсолютті көрсеткіштер бойынша және оны қолданудың ықтимал артықшылығы шаранаға потенциалды қауіптен жоғары болғанда тағайындайды. Орнидазолды лактация кезінде қолдану қажет болғанда, бала емізуді тоқтату қажет. Препараттың дозасын соңғы қабылдаған соң 48 сағаттан кейін ғана бала емізуді жалғастыруға болады.

Дәрілік заттың автокөлікті немесе қауіптілігі зор механизмдерді басқару қабілетіне ықпал ету ерекшеліктері

Препарат зейін қоюды және психомоторлы реакциялардың жылдамдығын төмендетеді.

Симптомдары: жүрек айнуы, құсу, анорексия, шеткері неврит, бас айналуы, құрысулар, депрессия, санадан айрылу, бас ауыруы.

Емдеу: симптоматикалық ем.

Арнайы антидоты жоқ.

Шығарылу түрі және қаптамасы

100 мл препарат тығыздығы төмен полиэтиленнен жасалған құтыға FFS (қалыптастыру - толықтыру - герметизация) салынған.

1 құты мемлекеттік және орыс тіліндегі медициналық қолдану жөніндегі нұсқаулықпен бірге картон пәшкеге салынған.

Жарықтан қорғалған жерде 30 °C-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Рецепт бойынша

Өндіруші

ЕВРОЛАЙФ ХЕЛТКЕР ПВТ. ЛТД.

Хасра №520, Бхагванпер, Рурки, Харидвар ауданы (Уттараханд), Үндістан

Тіркеу куәлігі иесі

КРОТОН ФАРМАСЬЮТИКАЛЗ ПТЕ. ЛТД.

Ривер Вэлли Роуд қ., Сингапур

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ConsultAsia ЖШС

050001, ҚР, Алматы, Шевченко к-сі, 165Б, 307 кеңсе

тел.: +7 777 805 11 16

+7 705 170 88 25

+7 705 170 88 76 (24 сағаттық қолжетімділік)

факс: +7 727 379 42 58

e-mail: pv@consultingasia.kz

info@consultingasia.kz