Оптифлокс
Инструкция
-
русский
-
қазақша
Саудалық атауы
Оптифлокс
Халықаралық патенттелмеген атауы
Офлоксацин
Дәрілік түрі
Көзге тамызатын дәрі, 3 мг/мл, 5 мл
Құрамы
1 мл препараттың құрамында
белсенді зат: офлоксацин 3,0 мг,
қосымша заттар: бензалконий хлориді, натрий хлориді, гидроксипропилметиллцеллюлоза, 1 М хлорсутек қышқылы немесе 1 М натрий гидроксиді, инъекцияға арналған су
Сипаттамасы
Жасыл реңді ашық-сары түсті мөлдір сұйықтық.
Фармакотерапиялық тобы
Сезім мүшелерінің ауруларын емдеуге арналған препараттар. Көз ауруларын емдеуге арналған препараттар. Басқа микробқа қарсы препараттар. Офлоксацин.
АТХ коды S01AX11
Фармакологиялық қасиеттері
Фармакокинетикасы
Жергілікті қолданғанда препараттың емдік концентрациясы көз тіндеріне 30-60 минуттан соң жетеді. Шығарылу кезеңі – 6-7 сағат. Жүйелі сіңірілуі төмен.
Фармакодинамикасы
Фторхинолондар тобының кең ауқымды әсер ететін микробқа қарсы дәрісі, ДНҚ бактерияларының жоғары спиралдануын және осылайша тұрақтылығын қамтамасыз ететін ДНҚ-гираза бактериялық ферментіне әсер етеді (ДНҚ тізбектерін тұрақсыздандыру олардың қырылуына алып келеді). Бактерицидті әсер етеді.
Грамтеріс микроорганизмдердің көпшілігіне: Esherichia coli, Salmonella spp., Proteus spp., Morganella morganii, Shigella spp., Klebsiella spp., Enterobacter spp., Serratia spp., Citrobacter spp., Yersinia spp., Providencia spp., Legionella pneumophilla, Acinetobacter spp., Chlamydia spp. қатысты белсенділігі жоғары.
Кейбір грамоң микроорганизмдерге, атап айтқанда Staphylococcus spp., Streptococcus spp. қатысты белсенді.
Офлоксацинге Enterococcus faecalis, Streptococcus pheumoniae, Pseudomonas spp. орташа сезімтал.
Офлоксацин бета-лактамазаны өндіретін микроорганизмдерге сезімтал. Анаэробты бактериялар (B. Urealiticus басқа) препаратқа сезімтал емес.
Қолданылуы
- көздің алдыңғы бөлігінің инфекциялық-қабыну аурулары (блефарит, теріскен, конъюнктивит, дакриоцистит, кератит, мөлдір қабық ойық жарасы, көздің хламидийлі инфекциясы)
- көздің жарақаттарынан және хирургиялық араласулардан кейін бактериялық инфекцияның профилактикасында және емдеуде.
Қолдану тәсілі және дозалары
Оптифлокс, көзге тамызатын дәрісін конъюнктивальді қапқа алғашқы 2 күн бойы әр сағат сайын, одан кейінгі 2-3 күндері – 7 күн бойы тәулігіне 6-7 рет (іріңді бөлініс тоқтағаннан кейін 3 тәулік бойы) 1-2 тамшыдан тамызады. Емдеу курсы – 2 аптадан көп емес. Науқас тамызғаннан кейін 5 минут бойы «қырынан жатқан» күйде болуы және қалуы тиіс.
Жағымсыз әсерлері
- препаратқа аса жоғары сезімталдықта
- көздің ашуы және жайсыздығы, гиперемия, конъюнктиваның қышынуы және құрғауы, көз қарығу, көзден жас ағуы.
Қолдануға болмайтын жағдайлар
- препараттың компоненттеріне жоғары сезімталдық (сонымен бірге хинолонның басқа туындыларына)
- созылмалы бактериялық емес конъюнктивитте
- 18 жасқа дейінгі балаларға
- жүктілік және лактация кезеңінде.
Дәрілермен өзара әрекеттесуі
Белгіленбеген
Айрықша нұсқаулар
Көзге тамызатын дәріні жергілікті ғана қолдануға болады, препаратты субконъюнктивальді немесе көздің алдыңғы камерасына қолдануға болмайды.
Оптифлокс көзге тамызатын дәрісін қолдану кезінде гиперемия туындаса немесе конъюнктиваның тітіркенуі басылмаса, препаратты қолдануды тоқтатып, дәрігерге қаралған жөн.
Оптифлокстың құрамында бензалконий хлориді болғандықтан, жұмсақ жанаспалы (гидрофильді) линзаларды тақпаған жөн не тамызу кезінде оларды алып тастау қажет. Линзаларды препаратты қолданудың арасындағы үзілістерде тағуға болады және дәріні тамызғаннан кейін 15 минуттан соң ғана тағу қажет. Бұл ретте препаратты қолдану кезеңділігіне байланысты нұсқауларды бұзуға болмайды.
Көзді күннен қорғайтын көзілдірік тағып (көз қарығудың даму ықтималдығына байланысты) және жарықтың ұзақ әсеріне жол бермеу керек.
Дәрілік заттың автокөлікті немесе қауіптілігі зор механизмдерді басқару қабілетіне ықпал ету ерекшеліктері
Көзге тамызатын дәріні қолданғаннан кейін уақытша көрудің бұлдырлауы немесе өзге де көзбен көріп шолудағы мазасыздықтар туғызады, ол автомобилді немесе қауіптілігі зор механизмдерді басқару қабілетіне теріс әсер етуі мүмкін. Бұл кезде көздің көруі қалпына келгенге дейін біршама уақыт күту қажет.
Артық дозалануы
Анықталмаған
Шығарылу түрі және қаптамасы
5 мл-ден алғашқы ашылуы бақыланатын бұралып жабылатын қақпағы бар полиэтиленді құтыларға құйылған. Картоннан жасалған қорапшаға мемлекеттік және орыс тіліндегі медициналық қолдану жөніндегі нұсқаулықпен бірге 1 құтыдан салынған.
Сақтау шарттары
Жарықтан қорғалған жерде 25о С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құтыны ашқаннан кейінгі сақтау мерзімі 28 күн.
Дәріханалардан босатылу шарттары
Рецепт арқылы
Өндіруші
«Jamjoom Pharmaceuticals Co. Ltd», Сауд Аравия
Сауд Арабиясы, Жедах қ., Индустриялық алаң 5-фаза,
тел./факс +966 2 6081111 / +966 2 6081222
e-mail: ahmed@jamjoompharma.com, jpharma@ jamjoompharma.com
Тіркеу куәлігінің ұстаушысы
«Jamjoom Pharmaceuticals Co. Ltd», Сауд Аравия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«Жамжум Фармацеутикалс Компани» Қазақстан Республикасындағы өкілдігі, 050059, Алматы қ., Әл-Фараби даңғылы, 15, "Нұрлы Тау" ПФО, 4"В" блогы, №18 кеңсе.
e-mail: gulnur.abdyzhappar @jamjoompharma.com
тел: +7 727 3111308,+7 727 3111309