Ондансетрон (раствор для в/в и в/м введения, 2 мг/мл, Новосибхимфарм ОАО)

Ондансетрон

Ондансетрон

Вена ішіне және бұлшықет ішіне енгізуге арналған ерітінді, 2 мг/мл, 2 мл, 4 мл

1 мл ерітіндінің құрамында

белсенді зат – ондансетрон гидрохлориді дигидраты ондансетронға шаққанда 2.0 мг

қосымша заттар - натрий хлориді, хлорсутек қышқылы 1 М ерітіндісі рН 3,0-4,0 дейін, инъекцияға арналған су.

Мөлдір, түссіз немесе сәл ғана боялған сұйықтық

Құсуға қарсы препараттар. Серотонин антагонистері. Ондансетрон.

АТХ коды А04АА01

Фармакокинетикасы

Бұлшықет ішіне енгізгенде қан плазмасындағы ең жоғары концентрациясына 10 минут ішінде жетеді. Ондансетронның фармакокинетикалық параметрлері оны бірнеше мәрте енгізу кезінде өзгермейді. Тепе-теңдік концентрациясына жеткен кезде таралу көлемі 140 л жуықты құрайды.

Препарат бірнеше ферменттік жүйелер қатысуымен бауырда метаболизмге ұшырайды, сондықтан CYP2D6 изоферментінің тапшылығы ондансетрон фармакокинетикасына әсер етпейді. Плазма ақуыздарымен байланысуы орташа және 70-76% құрайды. Ондансетронның 5% аздауы өзгеріссіз күйде несеппен бөлініп шығады.

Жүйелік қан ағымынан негізінен бауырдағы метаболизм нәтижесінде сыртқа шығарылады. Жартылай шығарылу кезеңі 3 сағатты құрайды, егде пациенттерде 5 сағатқа жетуі мүмкін.

Бауыр функциясының ауыр бұзылуымен пациенттерде ондансетронның жүйелік клиренсі күрт төмендейді, жартылай шығарылу кезеңі ұзарады (15-32 сағ дейін), ішке қабылдағанда биожетімділігі жүйе алдылық метаболизм төмендеуіне байланысты 100% жетеді. Бүйрек зақымдануы кезінде (бүйрек клиренсі 15 мл/мин аз) жартылай шығарылу кезеңі 4-5 сағатқа ұзарады, бірақ бұл ұзарудың клиникалық мәні жоқ.

Фармакодинамикасы

Ондансетрон 5НТ3- рецепторларының (серотонин) селективті антагонисі болып табылады. Цитостатикалық химиятерапия ге және радиотерапияға арналған дәрілік заттар жіңішке ішекте серотонин деңгейінің артуын туындатады, ол құрамында 5НТ3 рецепторлары бар кезбе жүйке вагустық афферентті талшықтарды белсендіру арқылы құсу рефлексін туындатудың шеткері механизміне түрткі болады. Ондансетрон орталық және шеткері жүйке жүйесінің нейрондары деңгейінде 5НТ3- рецепторларын бөгеу жолымен құсу рефлексінің пайда болуын тежейді.

Шамасы, бұл әсер ету механизмі операциядан кейінгі және цитостатикалық химия- және радиотерапия туындатқан жүрек айну мен құсудың алдын алу мен емдеуге негізделген. Операциядан кейінгі жүрек айну мен құсуды басу кезінде ондансетронның әсер ету механизмі цитостатикалық химия- және радиоиндукцияланған жүрек айну мен құсуды басудағы тәрізді ұқсас болуы ықтимал.

- цитостатикалық химиятерапия және радиотерапиямен байланысты жүрек айнуы мен құсудың, сондай-ақ операциядан кейінгі жүрек айнуы мен құсудың алдын алу және тоқтату үшін.

Препаратты вена ішіне немесе бұлшықет ішіне енгізеді.

Цитостатикалық ем

Дозалау режимін таңдау ісікке қарсы жүргізілген емнің эметогендігімен анықталады.

Ересектер үшін тәуліктік дозасы әдетте 8-32 мг құрайды, мынадай режимдер ұсынылады.

Орташа эметогендік химиятерапия немесе радиотерапия кезінде:

- тікелей емдеуді бастар алдында вена ішіне баяу сорғалатып немесе бұлшықет ішіне 8 мг;

Жоғары эметогенді химиятерапия кезінде:

- тікелей химиятерапия ді бастар алдында вена ішіне баяу сорғалатып 8 мг, ал сосын тағы да екі инъекция вена ішіне 8 мг-ден, олардың әрқайсысы 2-4 сағат өткен соң жасалады;

- 1 мг/сағат жылдамдықпен 24 мг дозада препараттың 24 сағаттық үздіксіз инфузиясы;

- тікелей химиятерапия ді бастар алдында 15 минуттық инфузия түрінде 50-100 мл тиісті инфузиялық ерітіндіде сұйылтылған 16-32 мг

Препараттың тиімділігін химиотерапия басталғанға дейін глюкокортикоидты вена ішіне бір реттік енгізу (мысалы, 20 мг дексаметазон) арқылы ұзартуға болады.

Балалар 2 жастан асқан балаларға препарат тікелей химиятерапия ді бастар алдында дене беткейіне 5 мг/м2 дозада вена ішіне тағайындалады.

Операциядан кейінгі жүрек айну мен құсуды болдырмау

Ересектерге наркоздың басында баяу, бұлшықет ішіне немесе вена ішіне сорғалатып бір реттік 4 мг доза енгізіледі.

Пайда болған жүрек айну мен құсуды басу үшін 4 мг препаратты бұлшықет ішіне немесе баяу вена ішіне енгізу ұсынылады.

Ондансетрон бұлшықет ішіне дененің бір ғана жеріне 4 мг аспайтын дозада енгізілуі мүмкін!

Балаларға операциядан кейінгі жүрек айну мен құсуды болдырмау үшін ондансетрон парентеральді бір реттік 0,1 мг/кг (ең жоғарысы 4 мг дейін) дозада жансыздандыруға дейін немесе одан кейін баяу венаішілік инъекция түрінде қолданылады.

Балалардағы операциядан кейін дамыған жүрек айнуы мен құсуды емдеу үшін препараттың 0,1 мг/кг бір реттік дозасын (ең жоғарысы 4 мг дейін) вена ішіне баяу енгізу ұсынылады. 2 жасқа дейінгі балаларда операциядан кейінгі жүректің айнуы мен құсуды болдырмау мен емдеуге қатысты жеткілікті тәжірибе жоқ.

Егде жастағы науқастар

Дозаны өзгерту қажет етілмейді.

Бүйрек және бауыр зақымданулары бар науқастар

Бүйрек зақымдануы кезінде әдеттегі тәуліктік дозаны және препаратты енгізу жиілігін өзгерту қажет етілмейді.

Бауыр зақымдануында ондансетронның клиренсі едәуір дәрежеде азаяды, мұндайда оның плазмадан жартылай шығарылу уақыты ұзарады, сондықтан бауыр зақымданулары бар пациенттерге тәуліктік доза 8 мг аспауы тиіс.

Инъекциялық ерітіндіні сұйылту үшін мынадай ерітінділерді қолдануға болады:

натрий хлоридінің 0,9% ерітіндісі,

декстрозаның 5% ерітіндісі,

Рингер ерітіндісі,

калий хлоридінің 0,3 % ерітіндісі және натрий хлоридінің 0,9 % ерітіндісі

калий хлоридінің 0,3 % ерітіндісі және декстрозаның 5 % ерітіндісі.

Жағымсыз әсерлері мынадай градацияға сәйкес көрсетілген: өте жиі (˃ 10%), жиі (˃ 1%, < 10%), жиі емес (˃ 0,1%, < 1%), сирек (˃ 0,01%, < 0,1%), өте сирек (< 0,01%).

Ондансетронның стандартты ұсынылған дозаларын қабылдауда кездесуінің төменде берілген жиілігі белгіленген. Балалар мен жасөспірімдерде жағымсыз реакциялар бейіні байқап-бақыланған ересектер бейінімен салыстырмалы болған.

Иммун жүйесі тарапынан бұзылулар

Сирек: шұғыл типті аса жоғары сезімталдық реакциялары (есекжем, бронхоспазм, ларингоспазм, ангионевроздық ісіну, бірқатар жағдайларда ауыр, анафилаксияны қоса).

Ас қорыту жүйесі тарапынан

Жиі: іш қату

Жиі емес: ықылықтау

Жүрек-қантамыр жүйесі тарапынан бұзылулар

Жиі: ысыну сезімі немесе бетке «қан тебу»

Жиі емес: ST сегментінің депрессиясы бар бірқатар жағдайларда кеуденің ауыруы, брадикардия, артериялық қысымның төмендеуі.

Сирек: QT аралығының ұзаруы («пируэт»типті қарыншалық тахикардияны қоса).

Бауыр және өт шығару жолдары тарапынан бұзылулар: аланинаминотрансфераза (АЛТ), аспартатаминотрансфераза (АСТ) «бауыр» ферменттері белсенділігінің симптомсыз жоғарылауы негізінен цисплатинмен химиятерапия алатын пациенттерде байқалған.

Жүйке жүйесі тарапынан бұзылулар

Өте жиі: бас ауыру,

Жиі емес: тұрақты клиникалық салдары болмаған кезде құрысулар, қозғалыс бұзылыстары (дистония, окулогирлік криз (көріністердің дірілдеуі) және дискинезия сияқты экстрапирамидтік реакцияларды қоса).

Сирек: бас айналу, көбіне вена ішіне жылдам енгізгенде.

Көру мүшесі тарапынан бұзылулар

Сирек: көрудің өтпелі бұзылыстары (мысалы, бұлыңғыр көру), вена ішіне енгізгенде

Өте сирек:

транзиторлы соқырлық, негізінен вена ішіне енгізгенде. Соқырлықтың көптеген жағдайлары 20 минут ішінде аяқталған. Пациенттердің көпшілігі цисплатинді қоса, бар препараттармен химиятерапия препараттарын қабылдаған. Кейбір жағдайларда өтпелі соқырлықтың генезі кортикальді болды.

Тері және тері асты тіндері тарапынан бұзылулар

Өте сирек:

уытты эпидермалық некролизді қоса, уытты тері бөртпесі.

Жалпы бұзылыстар және енгізген орындағы бұзылулар

Жиі:

вена ішіне енгізгенде жергілікті реакциялар – енгізген орынды күйдіру.

- ондансетронға немесе препараттың кез келген басқа компонентіне жоғары сезімталдық

- QT аралығының туа біткен ұзаруы бар пациенттерге

- апоморфинмен бір мезгілде қолдану

- жүктілік және бала емізу кезеңі

- 2 жасқа дейінгі балалар (қолдану қауіпсіздігі мен тиімділігі зерттелмеген)

Ондансетронның онымен біріктірілімде жиі тағайындалатын басқа препараттардың метаболизмін индукциялайтыны немесе тежейтіні туралы деректер жоқ. Ондансетрон этанолмен, темазепаммен, фуросемидпен, трамадолмен немесе пропофолмен өзара фармакокинетикалық әрекеттеспейтінін көрсетті. Ондансетрон бауырда P450 цитохром жүйесінің бірнеше изоферменттерімен (CYP3A4, CYP2D6 және CYP1A2 метаболизденеді. Изоферменттерді тежеу немесе изоферменттердің бірінің белсенділігін азайтудың орнын басқалармен толтыруға болады, соның нәтижесінде ондансетронның жалпы клиренсі төмендемейді, дегенмен бірге қолданғанда сақ болуды қажет етеді:

- Р450 ферментативтік индукторларымен (CYP2D6 және CYP3A) (барбитураттар, карбамазепин, каризопродол, глютетимид, гризеофульвин, динитроген тотығы, папаверин, фенилбутазон, фенитоин (басқа да гидантоиндер болуы ықтимал), рифампицин, толбутамид);

- Р450 изоферменттері тежегіштерімен (CYP2D6 және CYP3A) (аллопуринол, макролидті антибиотиктер, антидепрессанттар – МАО тежегіштері, хлорамфеникол, циметидин, құрамында эстрогендер бар ішуге арналған контрацептивтер, дилтиазем, дисульфирам, вальпрой қышқылы, натрий вальпроаты, эритромицин, флуконазол, фторхинолондар, изониазид, кетоконазол, ловастатин, метронидазол, омепразол, пропранолол, хинидин, хинин, верапамил).

- аритмияға қарсы препараттармен, мысалы, бета-адреноблокаторлармен бір мезгілде қолданғанда сақ болу талап етіледі. QT аралығының ұзаруын, брадикардия немесе электролиттік теңгерімнің бұзылуын туындатуы мүмкін басқа препараттармен бір мезгілде қолданғанда.

- терең гипотензия және ондансетронды апоморфинмен қолдану кезінде естен тану туралы алынған деректер негізінде, ондансетронды апоморфинмен бір мезгілде қолдануға қатаң түрде тыйым салынады.

- ондансетрон мен серотонинді кері қармау селективті тежегіштерін (СКҚСТ) және норадреналин және серотонинді кері қармау селективті тежегіштерін (НСКҚСТ) қоса, басқа да серотонинергиялық препараттарды бірге қолданғанда серотониндік синдромның даму қаупі артады.

Трамадол: ондансетрон трамадолдың ауырғанды басатын әсерін азайтуы мүмкін екенін көрсетті.

Бұрын 5НТ3-рецепторлардың басқа селективті антагонистерін қолданғанда аса жоғары сезімталдық реакциясы байқалған пациенттерде ондансетрон қолданған кезде осыған ұқсас реакциялардың да дамуы мүмкін.

Ондансетронды жүрек ырғағының және/немесе өткізгіштігінің бұзылуы бар пациенттерде, су-электролиттік теңгерімнің елеулі бұзылуы бар пациенттерде сақтықпен қолдану қажет.

Ондансетрон дозаға байланысты QT аралығы ұзаруын арттыруы мүмкін болғандықтан, электролитті теңгерімнің бұзылуы, іркілісті жүрек жеткіліксіздігі, брадиаритмиясы бар пациенттерді қоса, QTc ұзаруы немесе ұзару қаупі бар пациенттерде ЭКГ бақылау қажет.

Ондансетрон QT аралығының дозаға байланысты ұзаруын туындатады. Ондансетрон қабылдаған пациенттерде «пируэт» типті қарыншалық тахикардия жағдайлары туралы хабарлар бар .

Ондансетрон іш қатуын туғызуы мүмкін болғандықтан, ішек бітелісінің белгілері бар науқастар препаратты қолданудан кейін жүйелі бақылануы қажет.

Ондансетрон енгізудің алдында электролиттік бұзылуларды (гипокалиемия мен гипомагниемияны) түзету қажет.

Ондансетронды және басқа да серотонинергиялы препараттарды бірге қолданғанда (оның ішінде серотонинді кері қармау тежегіштері және норадреналин) серотонинді синдром (психикалық жай-күйдің өзгерулерін, вегетативті жүйке жүйесі тарапынан бұзылулар және жүйке-бұлшықет бұзылуларын қоса) дамуы туралы хабарланған. Ондансетронды және бұл препараттарды бірге қолданғанда пациентнің жай-күйін мұқият бағалау керек.

Аденотонзилярлық аумақтағы операциялық араласуларда жүрек айнуы мен құсуды болдырмау үшін Ондансетрон қолдану жасырын қан кетуді бүркемелуі мүмкін. Осыған байланысты ондансетрон қолданудан кейін осындай пациентнің жай-күйін мұқият бақылау керек.

Инфузиялық ерітінді тікелей пайдаланар алдында дайындалуы тиіс.

Инфузия жасау кезінде жарықтан қорғану қажет емес; сұйылтылған инъекциялық ерітінді табиғи жарықта немесе қалыпты жарықтандыруда өзінің тұрақтылығын кем дегенде 24 сағат бойы сақтайды.

Потенциалды гепатоуытты препараттармен химиятерапия қабылдайтын балаларға ондансетронды қолданған кезде бауыр функциясын бақылау қажет.

Жүктілік және лактация кезеңі

Жүктілік кезінде ондансетрон қолдануға болмайды.

Лактация кезінде тағайындау қажет болғанда ондансетрон тағайындаған кезеңде бала емізуді тоқтата тұрған жөн.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдеу кезеңінде көлік құралын немесе жоғары зейінділікті және психомоторлық реакциялар жылдамдығын талап ететін қауіптілігі зор қызмет түрлерін басқарғанда сақ болу қажет.

Болжамды артық дозалану жағдайында симптоматикалық ем қолданылады. Арнайы антидоты белгісіз. Ондансетрон артық дозаланған жағдайда ЭКГ мониторингін жүргізу ұсынылады.

Шығарылу түрі және қаптамасы

2 мл және 4 мл-ден бейтарап шыны ампулада.

10 ампуладан медициналық қолдану жөніндегі мемлекеттік және орыс тіліндегі нұсқаулықпен және ампула ашуға арналған пышақпен немесе ампулалық скарификатормен картон қорапқа салынады.

5 ампуладан поливинилхлоридті үлбірден немесе полиэтилентерефталатты жолақ пен алюминий фольгадан немесе полиэтилен жабыны бар қағаздан немесе фольгасыз, немесе қағазсыз жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен және ампула ашуға арналған пышақпен немесе ампулалық скарификатормен картон қорапқа салынады.

Сындыру сақинасы немесе нүктесі бар ампулаларды қаптағанда ампула ашуға арналған пышақ немесе ампулалық скарификатор салынбайды.

Жарықтан қорғалған жерде, 15°С-ден 25 °С-ге дейінгі температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Новосибхимфарм» ААҚ

630028, Ресей, Новосібір қ., Декабристер к-сі, 275

тел. (383) 363-32-44,

факс (383) 363-32-55

Тіркеу куәлігінің ұстаушысы

«Новосибхимфарм» ААҚ

630028, Ресей, Новосібір қ., Декабристер к-сі, 275

тел. (383) 363-32-44;

факс (383) 363-32-55

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Валента Азия» ЖШС, Алматы қ., Абай д-лы, Радостовец көш. қиылысы, 151/115, «Алатау» бизнес орталығы №1102 кеңсе

Тел./факс 8727 334-15-52, Е-mail: asia@valentapharm.com