Одестон® форте (Гимекромон)

Одестон®форте

Гимекромон

Дәрілік түрі, дозалануы

Таблеткалар, 400 мг

Ас қорыту жолы және зат алмасу. Бауырдың және өт шығару жолдарының ауруларын емдеуге арналған препараттар. Өт шығару жолдарының ауруларын емдеуге арналған басқа да препараттар. Гимекромон.

АТХ коды А05АХ02

• өт шығару жолдарының түйілуін, дискинезияны, диспепсиялық бұзылуларды симптоматикалық емдеуде қосымша дәрі

• өт қабының асқынбаған тас ауруы бар пациенттерде өт шығару жолдарының функционалдық бұзылыстары,

• өт қабы мен өт жолдарына операция жасағаннан кейінгі, сондай-ақ өт секрециясының төмендеуімен байланысты анорексия, жүрек айну және іш қату кезіндегі жағдай.

Қолдануды бастағанға дейінгі қажетті мәліметтер тізімі

• гимекромонға немесе қосымша заттардың кез келгеніне жоғары сезімталдық

• өт шығару жолдарының бітелісі

• бауыр және/немесе бүйрек функцияларының жедел жеткіліксіздігі,

• ойық жаралы колиті және Крон ауруы бар пациенттерге,

• гемофилия

• 18 жасқа дейінгі балаларға және жасөспірімдерге (осы дозалар үшін).

Қолдану кезіндегі қажетті сақтық шаралары

Бауыр және/немесе бүйрек функциясы жеткіліксіздігінің симптомдары пайда болған жағдайда препарат қабылдауды тоқтату керек.

Одестон форте препаратының құрамында, препараттың тәуліктік ең жоғары дозасында 1 ммольден (23 мг) аз натрий бар, яғни «натрий жоқ» жоқ деп саналады.

Басқа дәрілік препараттармен өзара әрекеттесуі

Одестон форте препараты әсері тікелей емес антикоагулянтардың әсерін күшейтеді. Морфин гимекромонның әсерін бәсеңдетеді.

Гимекромонды және метоклопрамидті бірге қабылдағанда екі препараттың да әсері бәсеңдейді.

Арнайы ескертулер

Жүктілік

Жүктілік және емшек емізу кезеңінде препаратты қолданудың қауіпсіздігі туралы деректер жоқ. Жүкті әйелдерге және емшек емізетін аналарға препаратты тағайындау ұсынылмайды.

Фертильділік

Клиникаға дейінгі зерттеулерде фертильділікке ықпалы байқалған жоқ.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

Одестон форте препараты көлік құралдарын басқару және машинамен қызмет көрсету қабілетіне ықпалын тигізбейді.

Қолдану жөніндегі нұсқаулар

Дозалау режимі

Дозалануы

Ересектер: тамақтанудан жарты сағат бұрын 400 мг (1 таблетка), күніне үш рет.

Препаратты 2-3 апта бойы қабылдау керек.

Енгізу әдісі және жолы

Ішке қабылдауға арналған. Таблеткаларды ішке қабылдайды, оларды тұтастай, жеткілікті мөлшердегі сұйықтықпен ішіп жұту керек.

Артық дозалану жағдайында қабылдау қажет болатын шаралар

Гимекромонмен артық дозалану туралы деректер жоқ.

Дәрілік препаратты қабылдамас бұрын дәрігердің немесе фармацевттің кеңесіне жүгініңіз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдануы керек шаралар

Көрініс беру жиілігін анықтау былайша жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректер негізінде баға беру мүмкін емес).

Келесі жағымсыз әсерлер болуы мүмкін:

Асқазан және ішек тарапынан бұзылулар

Сирек: диарея, құрсақ қуысының толып кету немесе қысылу сезімі.

Иммундық жүйе тарапынан бұзылулар

Сирек: аса жоғары сезімталдық реакциялары.

Тері және теріасты шелі тарапынан бұзылулар

Сирек: бөртпе немесе терінің басқа да аллергиялық реакциялары.

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметттер

Дәрілік препараттың құрамы

Бір таблетканың құрамында

белсенді зат – 400 мг гимекромон

қосымша заттар: картоп крахмалы, натрий лаурилсульфаты, магний стеараты, желатин

Сыртқы түрінің, иісінің, дәмінің сипаттамасы

Ақ немесе ақшыл түсті, өрнектерсіз, екі жақ беті дөңес, ұзынша пішінді таблеткалар.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

Пішінді ұяшықты 3 немесе 5 қаптамадан қолданылуы жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Adamed Pharma S.A.

Марш. Ю.Пилсудский к-cі 5, 95-200 Пабянице, Польша

тел.,факс: +48 42 225 05 55-59, +48 42 215 53 96, электронды поштасы:office@adamed.com.pl

Тіркеу куәлігінің ұстаушысы

Adamed Pharma S.A.

Пенькув, М.Адамкевич к-сі 6А, 05-152 Чоснув, Польша

тел.,факс: +48 42 225 05 55-59, +48 42 215 53 96, электронды поштасы: office@adamed.com.pl

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Адамед Фарма» АҚ ҚР өкілдігі,

050009, Алматы қ., Бөгенбай батыр к-сы, 150 үй, «Қадам Инвест» бизнес орталығы, 9-қабат. Тел.: +7(727) 2676054, е-mail: info.kz@adamed.com