Овумикс®

Овумикс®

Жоқ

Дәрілік түрі, дозасы

Қынаптық суппозиторийлер

Несеп-жыныс жүйесі және жыныс гормондары. Гинекологиялық ауруларды емдеуге арналған антисептиктер мен микробқа қарсы препараттар. Кортикостероидтармен біріктірілімдерді қоспағанда, антисептиктер және микробқа қарсы препараттар. Басқа антисептиктер және микробқа қарсы препараттар.

ATХ коды G01AX

- спецификалық және спецификалық емес, әсіресе қынаптың қабыну үдерістерімен байланысты вульвовагиниттерді; вульвит, вагинит, бактериялық цервиковагинит, тітіркендіретін дәрілерді қолданудан туындаған цервиковагинит, кандидоз, трихомониаз, лейкореяны жергілікті емдеу үшін

Қолданудың басталуына дейін қажетті мәліметтер тізбесі

- әсер етуші заттарға, имидазол туындыларына немесе кез келген қосымша заттарға аса жоғары сезімталдық

- жүктіліктің бірінші триместрі және лактация кезеңі

- гематологиялық аурулары бар пациенттер

- орталық жүйке жүйесінің өршу сатысындағы аурулары

Қолдану кезіндегі қажетті сақтандыру шаралары

Бауырдың ауыр аурулары бар пациенттерде қолданғанда сақ болу керек.

Жыныстық қатынас алдында қолдануға болмайды, препаратты қолдану ұрықтанудың қиындығын тудыруы мүмкін.

Бұл препаратты қолдану жыныстық жолмен берілетін венериялық аурулардың берілуіне кедергі бола алмайды.

Суппозиторийдің құрамына кіретін ингредиенттер мүшеқаптардың латексін және қынаптық диафрагманы зақымдауы мүмкін.

Басқа дәрілік препараттармен өзара әрекеттесуі

Бүркумен жуынып-шайынуға сілтілік ерітінділерді қолдануға болмайды.

Жергілікті қолдану жағдайында препараттың аз сіңетіндігіне қарамастан, жүйелік өзара әрекеттесулер болуы ықтимал.

Емдеу кезеңінде мыналармен: алкогольмен (антубустық әсердің дамуына байланысты), варфаринмен, кумаринмен (антикоагулянттық әсердің күшеюі) және дисульфираммен бір мезгілде қолдану ұсынылмайды.

Арнайы ескертулер

Педиатрияда қолдану

Препарат 18 жасқа дейінгі балалар мен жасөспірімдерде қолдануға арналмаған.

Жүктілік немесе лактация кезінде

Жүкті және бала емізетін әйелдерде препаратты қолдану туралы деректер жоқ.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі нұсқаулар

Дозалау режимі

Емдеуді тәулігіне 1-2 қынаптық суппозиторийлерді енгізуден бастау керек. Симптомдар азайған кезде, толық емделгенге дейін күн сайын, ұйықтар алдында 1 суппозиторийді енгізуді жалғастыру керек.

Енгізу әдісі және жолы

Препарат интравагинальді қолдануға арналған.

Суппозиторийлерді қынапқа мұқият және терең енгізу керек.

Емдеу ұзақтығы

Емдеу ұзақтығы кемінде 5-10 күн.

Артық дозаланған жағдайда қолданылуы қажет шаралар

Препаратты емдік дозаларда қолданғанда артық дозалану қаупі болмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты қолдану бойынша қосымша сұрақтар туындаған жағдайда кеңес алу үшін дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек (≥ 1/10000-нан < 1/1000 дейін)

- күйдіру, қышыну және жергілікті тітіркену.

Препаратты жергілікті қолданған кезде жүйелік сіңірілуінің төмендігіне қарамастан, жүйелік әсері болуы мүмкін.

Бүйрек жеткіліксіздігі бар пациенттерде жағымсыз реакциялардың даму қаупі артады.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозиторийдің құрамында

белсенді заттар: 300.00 мг микрондалған метронидазол, 100.00 мг микрондалған миконазол нитраты, 48.80 мг неомицин сульфаты*, 4.40 мг полимиксин В сульфаты, 15.00 мг азиялық центелла,

қосымша зат - witepsol H15.

* Ішінде өндіріс процесінде жоғалған 15% артық мөлшері бар

Сыртқы түрінің, иісінің, дәмінің сипаттамасы

Ашық сарыдан сәл қоңыр түске дейінгі, цилиндр пішінді, бөгде бөлшектерден бос суппозиторийлер.

Шығарылу түрі және қаптамасы

6 суппозиторийден ПВХ/ПЭ үлбірінен жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2 жыл

Жарамдылық мерзімі өткеннен кейін қолдануға болмайды!

15 °С-ден 30 °С-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Laboratorio Elea Phoenix S.A.

Av Gral Lemos 2809 B1613AUE Los Polvorines, Аргентина

Тел.: (+5411) 4489-8300

Email: info@elea.com

Тіркеу куәлігінің ұстаушысы

Laboratorio Elea Phoenix S.A.

Av Gral Lemos 2809 B1613AUE Los Polvorines, Аргентина

Тел.: (+5411) 4489-8300

Email: info@elea.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AVITA (АВИТА)» ЖШС

Қазақстан, Алматы қ., Алмалы ауданы, БӨГЕНБАЙ БАТЫР көшесі, 150 үй, 13 т.е. пошта индексі 050000;

тел. +7 (727) 279 47 32; +7 701 745 50 02;

электронды пошта: elchin805@yahoo.com