Нотусс

Нотусс

Бутамират

Шәрбат

100 мл ерітіндінің құрамында

белсенді зат - бутамират цитраты 0.15 г

қосымша заттар: лимон қышқылы моногидраты, натрий цитрат дигидраты, сорбитол 70% (кристалды емес), глицерин, натрий сахарині, натрий цикламаты, натрий бензоаты, құлпынай хош иістендіргіші, «Тутти Фрутти» хош иістендіргіші, пропиленгликоль, тазартылған су.

Мөлдір түссіз ерітінді.

Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретіндермен біріктірілімдерін қоспағанда. Жөтелге қарсы басқа да препараттар. Бутамират.

АТХ коды R05DB13

Бутамират – 2-(2-диэтиламиноэтокси) этил-2-фенил бутират ішке қабылдағанда тез және толық сіңеді. Шәрбат түрінде 15.0 мг қабылдағаннан кейін негізгі метаболиттің (2-фенилмай қышқылы) плазмадағы ең жоғары концентрациясына шамамен 1.5 сағаттан кейін жетеді және 6.4 мкг/мл құрайды. Жартылай шығарылу кезеңі 6 сағатты құрайды. Препаратты қайталап тағайындаған кезде оның қандағы концентрациясы дозаға тәуелді болып қалады және жиналуы байқалмайды.

Бутамират гидролизі бастапқыда 2-фенилмай қышқылына және диэтиламиноэтоксиэтанолға дейін қанда басталады. Бұл метаболиттердің де жөтелге қарсы белсенділігі бар. Бутамират сияқты, метаболиттердің де плазма ақуыздарымен байланысуы ең жоғары дәрежеде (95-ға жуық), бұдан басқа олардың плазмадан жартылай шығарылу кезеңінің ұзаққа созылуына себепші болады. 2-фенилмай қышқылы қосарлана орналасып гидроксилдену жолымен ішінара метаболизденеді. Барлық үш метаболиті негізінен несеппен шығарылады, әсіресе қышқыл реакциялы метаболиттер едәуір дәрежеде глюкурон қышқылымен байланысқан.

Фармакодинамикасы

Нотусс химиялық жағынан да, фармакологиялық жағынан да апиын алкалоидтарына жатпайтын орталықтық әсері бар жөтелге қарсы дәрі болып табылады.

Нотусс жөтелу орталығының қозғыштығын (орталықтық әсері), төмендетеді.

• этиологиясы әртүрлі құрғақ жөтелді симптоматикалық емдеуде

Шәрбатты тамақтанудың алдында қабылдаған жөн.

Балаларға:

• 3- 6 жасқа дейін 5 мл-ден күніне 3 рет

• 6-12 жасқа дейін 10 мл-ден күніне 3 рет

• 12 жастан және одан асқандарға 15 мл-ден күніне 3 рет

Ересектерге:

• 15 мл-ден күніне 4 рет.

Өлшейтін қалпақшаны пайдаланыңыз.

Өлшегіш қалпақшаны әрбір қолданғаннан кейін жуу және құрғату керек.

Орталық жүйке жүйесі тарапынан

Сирек: бас айналуы, ұйқышылдық

Асқазан-ішек жолы тарапынан

Сирек: жүрек айнуы, диарея

Тері жабыны тарапынан

Сирек: тері бөртпесі, қышыну

Иммундық жүйе тарапынан

Жиілігі белгісіз: аллергиялық реакциялар

- препараттың кез келген компонентіне жоғары сезімталдық

- 3 жасқа дейінгі балаларға

- тұқым қуалайтын фруктоза жақпаушылығы

- жүктіліктің 1 триместрі

- лактация кезеңі

Қақырық түсіретін дәрілермен бір мезгілде қолдануға болмайды.

Бутамираттың жөтел рефлексін бәсеңдетуіне байланысты Нотусс бір мезгілде қақырық түсіретін дәрілермен қолданылмайды, өйткені тыныс алу жолдарында қақырықтың жиналуы және бронх түйілуі немесе тыныс алу жолдары инфекциясы қаупінің жоғарылауы мүмкін.

Препаратты 6 жасқа дейінгі балаларға қолдануға болмайды.

Егер жөтел 7 күннен астам сақталатын болса, дәрігерге қаралу керек.

Қосымша заттар. Нотусс шәрбатының құрамында тәттілегіш ретінде сахарин мен сорбитол бар, сондықтан препаратты тұқым қуалайтын фруктоза жақпаушылығының сирек кездесетін ауруларымен пациенттерге қабылдауға болмайды.

Жүктілік және лактация кезеңі

Нотусс препаратын жүктіліктің I триместрінде қолдануға болмайды.

ІІ және ІІІ триместрде тікелей көрсетілімдер бар болған кезде Нотусс қолданылуы мүмкін.

Емшекпен қоректендіруді тоқтату немесе Нотусс препаратымен емдеу туралы шешім қабылдағанда бала мен ана үшін емшекпен қоректендірудің артықшылығын ескеру керек.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Нотусс сирек жағдайларда ұйқышылдық немесе бас айналуын туындатады. Мұндай симптомдар туындағанда көлік құралын немесе қауіптілігі зор механизмдерді басқарудан тартына тұрған жөн.

Симптомдары: ұйқышылдық, жүрек айнуы, құсу, диарея, бас айналуы және гипотензия.

Емі: шұғыл жәрдем көрсеткен жөн – асқазанды шаю, белсендірілген көмір, тұзды іш жүргізгіштер қабылдау, сондай-ақ организмнің өмірлік-маңызы бар функцияларын демеуге қатысты емшаралар жүргізу. Арнайы антидоты жоқ.

Шығарылу түрі және қаптамасы

100 немесе 200 мл препараттан балалардың ашып алуынан қорғайтын полиэтилен қақпағымен күңгірт шынылардан жасалған құтыларға құйылған.

1 құтыдан өлшегіш қасығы мен медициналық қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынады.

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін пайдалануға болмайды

Рецептісіз

Өндіруші

«ABDI IBRAHIM»

Заңды мекенжайы: Orhan Gazi Mahallesi, Tunç Caddesi No:3, Esenyurt/İstanbul, Turkey (Түркия)

Бас кеңсесі: Reşitpaşa Mahallesi Eski Büyükdere Caddesi No:4, Maslak-Sarıyer – 34467 İstanbul, Turkey (Түркия)

Тіркеу куәлігінің ұстаушысы

«ABDI IBRAHIM», Стамбул, Түркия

Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282, тел.: +7 (727) 356-11-00, 8-800-070-1100, электронды пошта: info@aigp.kz