НИМЕС (Нимесулид)

НИМЕС

Нимесулид

100 мг таблеткалар

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Қабынуға қарсы және ревматизмге қарсы стероидты емес басқа препараттар. Нимесулид.

АТХ коды: М01АХ17

- жедел ауруды және алғашқы дисменореяны симптоматикалық емдеуде

Қолдануды бастағанға дейін қажетті мәліметтер тізбесі

- әсер ететін затқа немесе қосымша заттардың кез келгеніне аса жоғары сезімталдық

- ацетилсалицил қышқылын немесе қабынуға қарсы стероидты емес басқа препараттарды (ҚҚСП) қабылдауға байланысты анамнездегі аса жоғары сезімталдық реакциялары (мысалы, бронх түйілуі, ринит, есекжем, мұрын полиптері)

- бұрын нимесулидке гепатоуытты реакциялар болса

- потенциалды гепатоуыттылығы бар басқа заттарды қатарлас қабылдау

- алкогольді немесе есірткілік тәуелділік

- асқыну фазасындағы асқазан немесе он екі елі ішек ойық жарасы, анамнезінде асқазан-ішек жолының ойық жаралары, тесілуі немесе қан кетуінің болуы

- цереброваскулярлық қан кетулер немесе басқа да жедел қан құйылулар, сондай-ақ қан кетумен қатар жүретін аурулар

- қан ұюының ауыр бұзылулары

- жүректің ауыр жеткіліксіздігі

- бүйректің ауыр жеткіліксіздігі

- бауырдың ауыр жеткіліксіздігі

- қызба және / немесе тұмау симптомдары бар пациенттер.

- 12 жасқа дейінгі балалар

- жүктіліктің үшінші триместрінде және емшек емізу.

- аорто-коронарлық шунттау кезіндегі операция алдындағы ауыруды басу (CABG)

- тұқым қуалайтын галактоза жақпаушылығы, Лапп лактаза ферментінің тапшылығы, глюкоза-галактоза мальабсорбциясы

Қолдануға қатысты сақтық шаралары

- препаратты дәрігердің нұсқауымен қолданыңыз

- препаратты қолданар алдында қосымша-парақшаны мұқият оқып шығыңыз

- түпнұсқалық қаптамада балалардың қолы жетпейтін жерде сақтау керек.

Басқа дәрілік препараттармен өзара әрекеттесуі

Фармакодинамикалық өзара әрекеттесу

ҚҚСП варфарин сияқты антикоагулянттардың әсерін күшейтуі мүмкін. Варфарин, ұқсас антикоагулянттар немесе ацетилсалицил қышқылын қабылдайтын пациенттерде нимесулидпен емдегенде қан кету сияқты асқыну қаупі жоғары.

Осы себепті бұл біріктірілім ұсынылмайды, ал коагуляцияның ауыр бұзылулары бар пациенттерге ол қарсы көрсетілген. Егер біріктірілген емді жүргізбеуге болмайтын болса, қан ұюының көрсеткіштеріне мұқият бақылау жүргізу қажет.

Диуретиктермен фармакодинамикалық өзара әрекеттесу

Нимесулид пен фуросемидті бірге қабылдау «Концентрация – уақыт» қисығы (AUC) астындағы ауданның азаюына (шамамен 20%) және фуросемидтің бүйрек клиренсін өзгертпестен фуросемидтің жинақталатын экскрециясының төмендеуіне әкеледі.

Фуросемид пен құрамында нимесулид бар дәрілік препараттарды бірге тағайындау айрықша нұсқаулар бөлімінде сипатталғандай, бүйрек немесе жүрек функциясының бұзылуына ұшыраған пациенттерде сақтықты талап етеді.

Басқа дәрілік заттармен фармакокинетикалық өзара әрекеттесуі

ҚҚСП литий клиренсін төмендететіні туралы деректер бар, бұл плазмадағы литий деңгейінің жоғарылауына және литий уыттылығына әкеледі. Нимесулидті литий препараттарымен ем алатын пациенттерге тағайындағанда плазмадағы литий деңгейін жиі бақылауды жүзеге асыру керек.

Глибенкламидпен, теофилинмен, варфаринмен, дигоксинмен, циметидинмен және антацидтік препараттармен (мысалы, алюминий мен магний гидроксиді біріктірілімі) ықтимал фармакокинетикалық өзара әрекеттесуін анықтау мақсатында in vivo зерттеулері жүргізілді. Клиникалық өзара әрекеттесуі байқалмаған.

Нимесулид CYP2C9 бәсеңдетеді. Осы ферменттің субстраттары болып табылатын дәрілік заттарды нимесулидпен бір мезгілде қабылдағанда олардың плазмадағы концентрациясы артуы мүмкін.

Нимесулид метотрексатты қабылдағаннан кейін 24 сағатқа дейін немесе 24 сағаттан кем уақытта тағайындалғанда сақ болу қажет, өйткені мұндай жағдайларда плазмадағы метотрексат деңгейі және тиісінше осы препараттың уытты әсерлері жоғарылауы мүмкін.

Бүйрек простагландиндеріне әсеріне байланысты, нимесулид жататын простагландиндер синтетазаларының тежегіштері циклоспориндердің нефроуыттылығын арттыруы мүмкін.

АӨФ тежегіштері

ҚҚСП АӨФ тежегіштерінің гипертензияға қарсы әсерін төмендетуі мүмкін деген деректер бар. Бұл өзара әрекеттесулерді АӨФ тежегіштерімен бір мезгілде ҚҚСП қабылдайтын пациенттерде ескеру керек.

Басқа препараттардың нимесулидке әсері

In vitro зерттеулері нимесулидтің толбутамидпен, салицил қышқылымен және вальпрой қышқылымен байланысатын жерлерден ығысатынын көрсетті. Алайда, плазмадағы деңгейлерге ықтимал әсеріне қарамастан, осы өзара әрекеттесулер үшін клиникалық маңыздылығы көрсетілмеген.

Бауыр бұзылуы бар пациенттерде нимесулидті басқа потенциалды гепатоуытты дәрілік заттармен бірге тағайындағанда сақ болу керек.

Арнайы ескертулер

Жүрек-қантамыр (CV) тромбозлық әсерлер:

Ұзақтығы үш жылға дейінгі селективті ЦОГ-2 және селективті емес ҚҚСП бірнеше клиникалық зерттеулерде өлімге әкелуі мүмкін күрделі жүрек-қантамырлық (ЖҚ) тромбоздық оқиғалардың, миокард инфарктісінің және инсульттің жоғары қаупі анықталды. Анамнезінде жүрек-қантамыр аурулары бар пациенттерге үлкен қауіп төнуі мүмкін. Жүрек-қантамыр жүйесі тарапынан қолайсыз жағымсыз әсерлердің туындауының ықтимал қаупін азайту үшін ең аз тиімді дозаны ең аз ұзақтықта пайдалану керек. Дәрігерлер мен пациенттер бұрын жүрек-қантамыр ауруларының симптомдары болмаған кезде де осындай оқиғалардың дамуына қатысты сақтық танытуы қажет. Пациенттер күрделі жүрек-қантамыр жағымсыз құбылыстарының белгілері және/немесе симптомдары және олар туындаған жағдайда қабылдануы қажет шаралар туралы хабардар болуы тиіс.

Аспиринді бір мезгілде қабылдау ҚҚСП пайдаланумен байланысты күрделі жүрек-қантамырлық тромбоздық оқиғалардың қаупін төмендететіні туралы сенімді деректер жоқ. Аспирин мен ҚҚСП бір мезгілде қабылдау күрделі асқазан - ішек асқынуларының даму қаупін арттырады.

ЦОГ-2 қабылдаған селективті ҚҚСД бақыланатын екі ірі клиникалық сынақтарда CABG операциясынан кейінгі алғашқы 10-14 күнде ауыруды емдеу үшін миокард инфарктісі мен инсульт жиілігінің жоғарылауы анықталды.

Гипертензия:

Басқа ҚҚСП сияқты, нимесулид гипертензияның дамуына немесе бар гипертензияның күшеюіне әкелуі мүмкін, бұл жүрек-қантамыр асқынулары жиілігінің артуына ықпал етуі мүмкін. Нимесулидті қоса, ҚҚСП гипертензиясы бар пациенттерде сақтықпен қолдану керек. Нимесулидпен емдеудің басында және барысында артериялық қысым (АҚ) деңгейін мұқият бақылау керек.

Іркілісті жүрек жеткіліксіздігі және ісіну:

ҚҚСП қабылдайтын кейбір пациенттерде сұйықтықтың іркілуі және ісіну байқалған. Сұйықтық іркілісі, гипертензиясы немесе жүрек жеткіліксіздігі бар пациенттерге НИМЕСТІ сақтықпен қабылдау керек.

Асқазан-ішек жолына әсері – ойық жаралану, қан кету және тесілу қаупі:

Барлық ҚҚСД-ға қатысты емдеудің кез келген сәтінде орын алуы және пациенттің өміріне қауіп төндіруі мүмкін асқазан – ішек жолындағы қан кету, ойық жара және тесілу туралы хабарланды-ізашар-симптомдармен немесе оларсыз, анамнезінде асқазан-ішек жолы тарапынан елеулі бұзылулар бар немесе оларсыз.

ҚҚСП қабылдаған кезде асқазан-ішек жолының жоғарғы бөлігінде күрделі қолайсыз жағымсыз әсері дамыған бес пациенттің тек біреуінде клиникалық симптомдар болды. АІЖ жоғарғы бөлімдерінің ойық жаралары, ҚҚСП туындаған қатты қан кету немесе тесілу препаратты 3 айдан 6 айға дейін қабылдаған пациенттердің шамамен 1% - ында және бір жыл бойы қабылдаған пациенттердің шамамен 2-4% - ында кездеседі. Бұл үрдістер қабылдау ұзақтығының артуымен сақталады, бұл АІЖ тарапынан емдеу курсы кезінде күрделі асқынулардың даму ықтималдығын арттырады. Алайда, тіпті қысқа мерзімді ем де қауіпті.

ҚҚСП анамнезінде ойық жара ауруы немесе асқазан-ішектен қан кетулері бар пациенттерге аса сақтықпен тағайындау керек.

Зерттеулер анамнезінде ойық жаралы ауруы және / немесе асқазан-ішектен қан кету бар ҚҚСП қабылдайтын пациенттерде асқазан-ішектен қан кетудің даму қаупі қауіп факторлары жоқ пациенттермен салыстырғанда 10 еседен астам жоғары екенін көрсетті. ҚҚСП қабылдайтын пациенттерде асқазан-ішектен қан кету және қатарлас патология қаупін арттыратын факторларға пероральді кортикостероидтарды немесе антикоагулянттарды бір мезгілде қабылдау, ҚҚСП-мен неғұрлым ұзақ емдеу, темекі шегу, алкоголь тұтыну, егде жас және денсаулығының жалпы жағдайының әлсіреуі жатады.

Егде жастағы немесе әлсіреген пациенттерді емдегенде аса сақ болу керек, өйткені асқазан-ішек жолы тарапынан болатын асқынулардан болатын өлім жағдайлары туралы кенет хабарламалардың көпшілігі осы топтағы пациенттер арасында. Жағымсыз әсерлерді барынша азайту үшін ең аз тиімді дозаны ең аз ұзақтықта пайдалану қажет. Қаупі жоғары пациенттер үшін ҚҚСП-ны қамтымайтын баламалы емдеу әдістерін қарастырған жөн.

Бүйрекке әсері

ҚҚСП ұзақ уақыт қолдану бүйректің папиллярлық некрозына және бүйректің басқа да зақымдануына әкелді. Нефроуыттылық бүйрек простагландиндері бүйрек перфузиясын қолдауда компенсаторлық рөл атқаратын пациенттерде де байқалады. Бұл пациенттерде ҚҚСП қабылдау простагландиндер түзілуінің дозаға тәуелді төмендеуін және бүйректік қан ағымының қайталама төмендеуін туындатуы мүмкін, бұл айқын бүйрек декомпенсациясын туындатуы мүмкін. Бүйрек функциясының бұзылуы, жүрек жеткіліксіздігі, бауыр дисфункциясы бар, диуретиктер мен АӨФ тежегіштерін қабылдайтын пациенттерде егде жастағы адамдарда бұл реакцияның ең үлкен қаупі бар. ҚҚСП қабылдауды тоқтату әдетте бүйрек функциясын емделгенге дейінгі қалпына келтірумен қатар жүреді.

Бүйректің үдемелі аурулары

Бүйректің үдемелі ауруы бар пациенттерде НИМЕС препаратымен ем ұсынылмайды. Нимесулидпен емдеуді бастау қажет болса, пациенттердің бүйрек функциясына мұқият мониторинг жүргізу ұсынылады.

Анафилактоидты реакциялар

Басқа ҚҚСП жағдайындағыдай, анафилактоидты реакциялар нимесулид бұрын әсер етпеген пациенттерде пайда болуы мүмкін. Нимесулидті аспиринді триадасы бар пациенттерге тағайындамаған жөн. Бұл симптом кешені, әдетте, мұрын полиптері бар немесе онсыз риниттен зардап шегетін немесе аспирин немесе басқа ҚҚСП қабылдағаннан кейін ауыр, потенциалды өлімге әкелетін бронх түйілуі бар демікпесі бар пациенттерде пайда болады. Анафилактоидты реакциялар пайда болғанда шұғыл көмек көрсету керек.

Тері жабындылары тарапынан реакциялар:

ҚҚСП–ға күрделі тері реакциялары дамуының өте сирек жағдайлары туралы деректер бар, эксфолиативті дерматитті, Стивенс-Джонсон синдромын, сондай-ақ уытты эпидермальді некролизді қоса, олардың кейбіреулері өліммен аяқталған. Шамасы, осы реакциялардың пайда болуының жоғары қаупіне пациенттер емдеудің басында бейім және көбінесе бұл реакциялар емдеудің бірінші айында орын алады. Тері бөртпесі, шырышты қабықтардың зақымдану белгілері немесе аса жоғары сезімталдықтың басқа симптомдары пайда болғанда нимесулидті тоқтату керек.

Нимесулидті қолданғанда тіркелген дәрілік бөртпе (ТДБ) жағдайлары туралы хабарланды. Анамнезінде нимесулидпен байланысты ТДБ бар пациенттерге нимесулидті қайта тағайындауға болмайды.

Қан тарапынан реакция

Нимесулидті қоса, ҚҚСП алатын пациенттерде кейде анемия байқалады. Бұл сұйықтықтың іркілуіне, АІЖ қан жоғалтуға немесе эритропоэзге толық сипатталмаған әсерге байланысты болуы мүмкін. Нимесулидті қоса, қабынуға қарсы стероидты емес препараттармен ұзақ уақыт емделіп жүрген пациенттерге, тіпті анемияның қандай да бір белгілері немесе симптомдары болмаса да, гемоглобин деңгейін немесе гематокритті мезгіл-мезгіл тексеріп отыру керек.

Қабынуға қарсы стероидты емес препараттар тромбоциттер агрегациясын тежейді және кейбір пациенттерде қан кету уақытын арттырады. Аспириннен айырмашылығы, олардың тромбоциттер функциясына әсері сандық жағынан аз, қысқа және қайтымды. Нимесулид әдетте тромбоциттер санына, протромбин уақытына (PT) немесе ішінара тромбопластин уақытына (PTT) әсер етпейді. Қан ұюының бұзылуы бар пациенттер немесе антикоагулянттар алатын, НИМЕС қабылдайтын пациенттер тромбоциттер функциясына ықтимал теріс әсер ететіндіктен мұқият бақылауда болуы тиіс.

Бауырға әсері

Нимесулидті қоса, қабынуға қарсы стероидты емес препараттарды қабылдайтын пациенттердің 15%-ында бауыр функциясының зертханалық талдауларының бір немесе бірнеше деректері деңгейінің жоғарылауы байқалуы мүмкін. Бұл зертханалық ауытқулар өршуі, өзгеріссіз қалуы немесе емді жалғастырған кезде өтпелі болуы мүмкін. Клиникалық сынақтарда қабынуға қарсы стероидты емес препараттарды қабылдаған кезде пациенттердің шамамен 1%-ында ALT немесе AST елеулі жоғарылауы (норманың жоғарғы шегінен шамамен үш және одан да көп есе жоғары) тіркелді. Бұдан басқа, сарғаюды, шұғыл гепатитті, бауыр некрозын және бауыр жеткіліксіздігін қоса, ауыр бауыр реакцияларының сирек жағдайлары, өліммен аяқталатын өте сирек жағдайлар туралы хабарланды.

Препаратпен емдеу кезінде бауыр дисфункциясын көрсететін симптомдарды және/немесе белгілерді сезінетін пациенттерге немесе бауыр функциясының зертханалық талдауларының деректері қалыпты мәндерден ауытқитын пациенттерге неғұрлым бауырдың ауыр реакциясының даму белгілерінің бар-жоғын тексеру қажет. Препаратпен емдеу кезінде бауырдың зақымдану симптомдарына ұқсас симптомдар (мысалы, анорексия, жүрек айну, құсу, іштің ауыруы, шаршау, қара түсті несеп) сезінетін немесе жүйелі көріністер (мысалы, эозинофилия, бөртпе және т.б.) пайда болатын пациенттерге препаратпен емдеуді тоқтату қажет.

Алдыңғы демікпе

Демікпесі бар пациентерде аспиринге сезімтал демікпе болуы мүмкін. Аспирин сезімтал демікпесі бар пациенттерде аспирин қабылдау өліммен аяқталуы мүмкін ауыр бронх түйілуімен астасқан. Аспиринге сезімтал пациенттерде бронх түйілуін қоса, аспирин мен басқа да қабынуға қарсы стероидты емес препараттар арасындағы айқаспалы реактивтілік туралы хабарланғандықтан, НИМЕС аспиринге сезімталдықтың осы түрі бар пациенттерге тағайындамаған жөн және оны демікпесі бар пациенттерде сақтықпен қолдану керек.

Басқасы

Нимесулидті басқа ҚҚСД-мен, оның ішінде циклооксигеназа-2 селективті тежегіштерімен бірге қолданудан аулақ болу керек. НИМЕС препаратымен емдеу кезінде пациент басқа анальгетиктерді қабылдаудан тартынуы тиіс.

Нимесулид қабылдаған және тұмауға немесе суық тиюге ұқсас симптомдар дамыған пациенттер препаратпен емдеуді тоқтатуы тиіс.

Нимесулидті қолдану әйелдің фертильділігін төмендетуі мүмкін және жүктілікті жоспарлаған әйелдерге ұсынылмайды. Жүкті болу қиындықтары бар немесе бедеулікке байланысты тексеруден өткен әйелдерде нимесулидті тоқтату мүмкіндігін қарастыру керек.

Жағымсыз әсерлерді аурудың симптомдарын бақылау үшін қажетті ең аз ұзақтықта ең аз тиімді дозаны пайдалана отырып, барынша азайтуға болады. Симптоматиканың жақсаруы болмаған кезде препаратпен емді тоқтату керек. Емдеудің ең жоғары ұзақтығы 5 күн.

НИМЕС таблеткаларының құрамында лактоза бар. Бұл препарат тұқым қуалайтын галактоза жақпаушылығы, ЛАПП - лактаза ферментінің тапшылығы, глюкоза-галактоза мальабсорбциясы бар пациенттерге қарсы көрсетілген.

Бұл дәрілік препараттың құрамында 1 ммольден аз натрий (23 мг) бар; құрамында натрийдің аз мөлшері болғандықтан ешқандай жағымсыз әсерлер күтілмейді.

Педиатрияда қолданылуы

12 жасқа дейінгі балаларға қолдануға болмайды.

Жүктілік

Жүктіліктің үшінші триместрінде қарсы көрсетілген.

Жүктілікті жоспарлайтын әйелдерге немесе жүктіліктің бірінші немесе екінші триместрінде НИМЕСті емнің қысқа мерзімінде ең төмен тиімді дозасын тағайындау керек.

Емшек емізу

Қазіргі уақытта нимесулидтің ана сүтіне өтетіні белгісіз. Нимесулид бала емізетін аналарға қолдануға қарсы көрсетілген.

Фертильділік

Басқа да ҚҚСД сияқты нимесулид препараттарын жүктілікті жоспарлап жүрген әйелдерге тағайындау ұсынылмайды.

Дәрілік заттың автокөлікті және механизмдерді басқару қабілетіне әсер ету ерекшеліктері.

Препаратты қабылдағаннан кейін естен тану, бас айналу немесе ұйқышылдық сезімін бастан кешірген пациенттерге көлік құралдарын басқармаған немесе механизмдермен қызмет көрсетпеген жөн.

Қолдану бойынша ұсынымдар

Дозалау режимі

Егер дәрігер басқасын ұсынбаса, ересектер үшін ұсынылатын доза күніне екі рет 100 мг құрайды. Емдеудің ең жоғары дозасы 200 мг құрайды. Емдеудің ең жоғары ұзақтығы 5 күн.

Қолдану тәсілі:

Таблеткаларды тамақтан кейін сұйықтықтың аздаған мөлшерімен іше отырып, ішке қабылдау керек.

Жағымсыз әсерлерді барынша азайту үшін пациенттерге емдеудің ең аз ұзақтығында ең төмен тиімді дозаны тағайындау керек.

Пациенттердің ерекше топтарына арналған қосымша ақпарат:

Егде жастағы пациенттер

Егде жастағы пациенттерде тәуліктік дозаны төмендетудің қажеті жоқ.

Балаларда:

Нимесулидті 12 жасқа дейінгі балаларға қолдануға болмайды.

Жасөспірімдер (12-ден 18 жасқа дейінгі)

Пациенттердің осы тобындағы дозаны түзету қажет емес.

Бүйрек жеткіліксіздігі

Бүйрек жеткіліксіздігінің жеңіл және орташа түрлері (креатинин клиренсі 30-80 мл/мин) бар пациенттерде дозаны түзету қажеттілігі жоқ, ал ауыр бүйрек жеткіліксіздігі (креатинин клиренсі <30 мл/мин) бар пациенттерге нимесулидті тағайындауға болмайды.

Бауыр жеткіліксіздігі:

Бауыр функциясы бұзылған пациенттерге қолдануға бомайды.

Артық дозалану жағдайында қабылдау қажет шаралар

ҚҚСД жедел артық дозалану симптомдары әдетте төмендегімен шектеледі: апатия, ұйқышылдық, жүрек айну, құсу және эпигастральді аймағындағы ауыру, бұлар әдетте демеуші емде қайтымды болады. Асқазан-ішектен қан кетуі мүмкін. Сирек жағдайларда артериялық қысымның жоғарылауы, жедел бүйрек жеткіліксіздігі, тыныс алудың бәсеңдеуі және кома болуы мүмкін. ҚҚСП емдік дозаларын қабылдағанда және осындай препараттардың артық дозалануында анафилактоидты реакциялардың пайда болуы туралы хабарланады.

Емі: ҚҚСП артық дозаланған жағдайда емдеу симптоматикалық және демеуші болып табылады. Арнайы антидоты жоқ. Нимесулидтің гемодиализ жолымен шығарылуына қатысты деректер жоқ, алайда плазма ақуыздарымен байланысудың жоғары деңгейі негізінде (97,5% дейін) диализ препараттың артық дозалануында тиімсіз деген қорытынды жасауға болады. Артық дозалану симптомдары болған кезде немесе қабылдағаннан кейін 4 сағат ішінде препараттың үлкен дозасын қабылдағаннан кейін пациенттерге мыналар тағайындалуы мүмкін: құстыру және/немесе белсендірілген көмір қабылдау (ересектер үшін 60-100 грамм) және/немесе осмостық іш жүргізетін дәріні қабылдау. Мәжбүрлі диурез, несепті сілтілеу, гемодиализ немесе гемоперфузия препараттың қан ақуыздарымен жоғары байланысуы салдарынан тиімсіз болуы мүмкін. Бүйрек және бауыр функцияларын бақылау керек.

Препаратты қабылдауға кіріспес бұрын, препаратты қолдану бойынша ұсынымдар туралы түсіндірме алу үшін медицина қызметкерімен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

Жиі:

- диарея, жүрек айнуы, құсу

- бауыр ферменттері деңгейінің жоғарылауы

Жиі емес:

- бас айналуы

- гипертензия

- ентігу

- іш қату, метеоризм, гастрит

- қышыну, бөртпе, тершеңдік;

- ісіну

Сирек:

- анемия, эозинофилия

-аса жоғары сезімталдық

- гиперкалиемия

- мазасыздық, ашушаңдық, қорқынышты түстер

– көрудің көмескіленуі

- тахикардия

– қан кету, артериялық қысымның ауытқуы, ысынулар

- эритема, дерматит

- дизурия, гематурия, несептің іркілуі

- дімкәстік, астения

Өте сирек:

- тромбоцитопения, панцитопения, пурпура

- анафилаксия

- бас ауыруы, ұйқышылдық, энцефалопатия (Рейе синдромы)

- көрудің бұзылуы

- вертиго

- демікпе, бронх түйілуі

- іштің ауыруы, диспепсия, стоматит, мелена, асқазан-ішектен қан кету, он екі елі ішектің ойық жаралы ауруы және тесілуі, асқазанның ойық жаралы ауруы және тесілуі

- гепатит, шұғыл гепатит (өліммен аяқталатын жағдайларды қоса), сарғаю, холестаз

- есекжем, ангионевроздық ісіну, беттің ісінуі, мультиформалы эритема, Стивенс-Джонсон синдромы, уытты эпидермальді некролиз

– бүйрек жеткіліксіздігі, олигурия, интерстициальді нефрит

- гипотермия

Белгісіз

- бекітілген дәрілік бөртпе

Жағымсыз дәрілік реакциялар туындаса, дәрілік препараттардың тиімсіздігі туралы хабарламаны қоса, медицина қызметкеріне, фармацевтика қызметкеріне немесе тікелей дәрілік препараттардың жағымсыз реакциялар (әсерлер) бойынша ақпараттық деректер базасына хабарласыңыз:

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық отралығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат: 100 мг нимесулид

қосымша заттар: лактоза моногидраты, гидроксипропилцеллюлоза, натрий крахмалы гликолаты, микрокристалды целлюлоза РН101, магний стеараты.

Сыртқы түрінің, иісінің, дәмінің сипаттамасы

Дөңгелек пішінді, сындыру сызығы бар ашық-сабан-сары түсті таблеткалар

Шығарылу түрі және қаптамасы

15 таблеткадан поливинилхлоридті үлбірден және алюминий фольгадан (ПВХ/Ал) жасалған пішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

5 жыл

Жарамдылық мерзімі өткеннен кейін қолдануға болмайды!

25 °С -ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Сановель Фармако-индустриалды сауда компаниясы, Түркия

34580 Силиври/Стамбул/Түркия

Телефон : 212-362-1800

Факс: 212-362-1484

arge@sanovel.com.tr.

Тіркеу куәлігінің ұстаушысы

Сановель Фармако-индустриалды сауда компаниясы, Түркия

34460 Истиние-Стамбул/Түркия

Телефон : 212-362-1800

Факс: 212-362-1738

arge@sanovel.com.tr.

Қазақстан Республикасы аумағында тұтынушылардан дәрілік заттың сапасы жөніндегі шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факс, электронды пошта):

«САНОВЕЛЬ ИЛАЧ САНАИЙ ВЕ ТИДЖАРЕТ АНОНИМ ШИРКЕТИ» АҚ филиалы

Қазақстан Республикасы, 050059

Алматы қ. Қажымұқан к-сі, 26А

Телефон: 8 (727) 264 73 05, 8 701 014 1182

Факс: 8 (727) 262 00 12

эл.поштасы: sanovel@mail.ru