НЕЙРОДАР® (500мг/4мл)

• русский
• қазақша

• Скачать инструкцию медикамента

Саудалық атауы

НЕЙРОДАР®

Халықаралық патенттелмеген атауы

Цитиколин

Дәрілік түрі

Инъекцияға арналған ерітінді 500 мг/4 мл және 1000 мг/4 мл

Құрамы

4 мл-ден 1 ампуланың ішінде:

белсенді зат: цитиколинге шаққанда 522.5 мг1 немесе 1045.0 мг2 натрий цитиколині,

қосымша заттар: инъекцияға арналған су, pH түзетуге арналған фосфор қышқылы концентрацияланған.

1 - 500 мг цитиколин негізіне баламалы

2 - 1000 мг цитиколин негізіне баламалы

Сипаттамасы

Көрінетін қоспалары жоқ мөлдір түссіз ерітінді.

Фармакотерапиялық тобы

Жүйке жүйесі. Психоаналептиктер. Психостимуляторлар, зейін тапшылығы және аса жоғары белсенділік (ADHD - Attention deficit hyperactivity disorder) кезінде қолданылатын және ноотропты дәрілер. Цитиколин.

АТХ коды N06BX06.

Фармакологиялық қасиеттері

Фармакодинамикасы

Цитиколин нейрондар жарғақшасының құрылымды фосфолипидтерінің биосинтезін ынталандырады, ол магнитті-резонанстық спектроскопия деректерімен расталған. Осындай әсер ету механизміне орай, цитиколин модуляциясы жүйке импульстерінің қалыпты берілісі үшін қажетті ионалмасу насостары және рецепторларының жұмысы сияқты жарғақшалы механизмдердің жұмыс істеуін жақсартады.

Цитиколиннің нейрондар жарғақшасына тұрақтандырғыш әсеріне байланысты, ол ми ісінуінің азаюына ықпал ететін ісінуге қарсы қасиет танытады.

Зерттеулер цитиколин кейбір фосфолипаздардың (А1, А2, С және D) белсенденуін тежейтінін, бос радикалдардың пайда болуын азайтанынын, жарғақшалы жүйелердің бұзылуына жол бермейтінін және глутатион сияқты антиоксидантты қорғаныс жүйелерін сақтайтынын көрсетті.

Цитиколин нейрондар қуатының қорын сақтайды, апоптозды тежейді және ацетилхолин синтезін ынталандырады.

Сонымен қатар, цитиколин мидың фокальді ишемиясында профилактикалық нейропротекторлы әсер ететіні дәлелденген.

Клиникалық зерттеулер, цитиколин нейровизуализация деректері бойынша мидың ишемиялық зақымдануының көлемі өсуінің баяулауымен қатар келетін ми қан айналымының жедел ишемиялық бұзылуы бар пациенттерде функционалды қалпына келуді арттыратынын көрсетті.

Бассүйек-ми жарақаты бар пациенттерде цитиколин қалпына келуді жеделдетеді және жарақаттан кейінгі синдромның ұзақтығын және қарқындылығын азайтады.

Цитиколин зейін қоюды және сана деңгейін, ми ишемиясымен байланысты, когнитивті және неврологиялық бұзылыстарды жақсартады, амнезия байқалуының азаюына ықпал етеді.

Фармакокинетикасы

Цитиколин ішкенде, бұлшықет ішіне және вена ішіне енгізгенде жақсы сіңіріледі. Препаратты енгізгеннен кейін қан плазмасындағы холиндер деңгейінің едәуір артуы байқалады. Ішу арқылы қабылдағанда препарат толық дерлік сіңеді. Зерттеулер ішу арқылы және парентеральді қабылдағанда биожетімділігі шамамен бірдей екендігін көрсетті. Препарат холин мен цитидин түзумен ішекте және бауырда метаболизденеді.

Цитиколинді едәуір дәрежеде енгізгеннен кейін құрылымды фосфолипидтерге холин фракцияларын және цитидин фракцияларын – цитидинді нуклеотидтерге және нуклеинді қышқылдарға жылдам енгізумен ми құрылымдарында таралады. Мида цитиколин фосфолипидті фракциялар құрылымына интегрциялана отырып, жасушалы, цитоплазмалық және митохондрийлі жарғақшаларға орналасады.

Дозаның аздаған мөлшері ғана несеп пен нәжістен анықталады (3 %-дан кемі). Дозаның шамамен 12 %-ы деммен шығарылған СО2 бірге шығарылады. Препарат несеппен шығарылуының екі фазасы: бірінші фаза – 36 сағат ішінде, онда шығарылу жылдамдығы тез азаяды, және екінші фаза – мұнда шығарылу жылдамдығы баяуырақ азаяды. Мұндай фазалылығы тыныс алу жолдары арқылы шығарылуында байқалады. СО2 шығарылу жылдамдығы жылдам азаяды, шамамен 15 сағат ішінде, содан соң – баяуырақ төмендейді.

Қолданылуы

- инсульт, жедел фазасы және оның неврологиялық асқынулары.

- мидың жарақаттық зақымдануы және оның неврологиялық асқынуларында.

Қолдану тәсілі және дозалары

Ересектерге ұсынылатын доза симптомдардың ауырлығына байланысты тәулігіне 500 мг-ден 2000 мг-ге дейін.

Препарат бұлшықет ішіне және вена ішіне қолдану үшін тағайындалады.

Препаратты вена ішіне инъекция түрінде баяу (енгізілетін дозаға байланысты 3-5 минут ішінде) немесе тамшылатып (жылдамдығы: минутына 40-60 тамшы) енгізуге болады.

Ең жоғары тәуліктік доза – 2000 мг.

Емдеу мерзімі аурудың жүруіне байланысты және оны дәрігер анықтайды.

Егде жастағы пациенттерге дозаны түзетудің қажеті жоқ.

Инъекция үшін ерітінді бір рет қолдануға арналған. Препаратты ампуланы ашқаннан кейін бірден қолдану қажет. Препараттың қалдығын жою қажет. Препаратты вена ішіне енгізуге арналған барлық изотониялық ерітінділермен, сондай-ақ глюкозаның гипертониялық ерітіндісімен араластыруға болады.

Қажет болғанда емді препараттың ішуге арналған ерітінді түрімен жалғастыру қажет.

Жағымсыз реакциялар

Бірлі-жарым жағдайларды қоса, жағымсыз реакциялар өте сирек (<1/10 000) туындайды.

Орталық және шеткері жүйке жүйесі тарапынан: қатты бас ауыруы, вертиго, елестеулер, қозу, ұйқысыздық.

Жүрек-тамыр жүйесі тарапынан: артериялық гипертензия, артериялық гипотензия, тахикардия.

Тыныс алу жүйесі тарапынан: ентігу.

Ас қортыу жолдары тарапынан: жүрек айнуы, құсу, диарея.

Иммун жүйесі тарапынан: аллергиялық реакциялар, оның ішінде: бөртпе, гиперемия, экзантема, есекжем, қызыл күрең, қышыну, ангионевроздық ісіну, анафилаксиялық шок.

Жалпы реакциялар: қалтырау, дене температурасының артуы, қатты тершеңдік, енгізу орнындағы өзгерістер, тремор.

Қолдануға болмайтын жағдайлар

Препарататың компоненттеріне жоғары сезімталдықта, парасимпатикалық жүйке жүйесінің жоғары тонусында.

Дәрілермен өзара әрекеттестігі

Цитиколин леводопаның әсерін күшейтеді. Препаратты құрамында меклофеноксат бар дәрілік заттармен бір мезгілде тағайындауға болмайды.

Айрықша нұсқаулар

Вена ішіне қолданған жағдайда препаратты баяу енгізу қажет (енгізілетін дозаға байланысты 3-5 минут ішінде).

Вена ішіне тамшылатып қолданған жағдайда, енгізу жылдамдығы минутына 40-60 тамшы болуы тиіс.

Бассүйекішілік тұрақты қан құйылуы жағдайында дозаны тәулігіне 1000 мг-ден және вена ішіне құю жылдамдығынан (минутына 30 тамшы) асырмау керек.

Препараттың жүктілік немесе бала емізу кезінде қолданылуы.

Цитиколинді жүкті әйелдердің қолдануы туралы жеткілікті деректер жоқ. Цитиколиннің ана сүтіне бөлінуіне қатысты деректер және оның шаранаға әсері туралы белгісіз. Жүктілік немесе бала емізу кезінде анаға деген емнің пайдасы шаранаға зор қауіптен жоғары болған жағдайда ғана препаратты тағайындауға болады.

Балалар.

Препаратты балаларға қолдану тәжірибесі шектеулі.

Дәрілік заттың автокөлікті немесе қауіптілігі зор механизмдерді басқару қабілетіне ықпал ету ерекшеліктері

Жекелеген жағдайларда жүйке жүйесі тарапынан болған кейбір жағымсыз реакциялар автокөлік басқару немесе күрделі механизмдермен жұмыс істеу қабілетіне әсер етуі мүмкін.

Артық дозалануы

Артық дозалануы жөнінде хабарланған жоқ.

Шығарылу түрі және қаптамасы

Препарат 4 мл-лік ампулада, пішінді ұяшықты қаптамада 5 ампуладан, 1 пішінді ұяшықты қаптама мемлекеттік және орыс тіліндегі дәрілік затты медициналық қолдану жөніндегі нұсқаулықпен бірге картон қорапшаға салынған.

Сақтау мерзімі

Түпнұсқалық қаптамасында, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Дәріханалардан босатылу тәртібі

Дәрігердің рецептісі арқылы.

Өндіруші

Лабораторио Фармацеутико С.Т. С.р.л.,

Виа Данте Алигьери, 71 – 18038 Сан Ремо

(Империя провинциясы), Италия

Тіркеу куәлігінің ұстаушысы

Амакса Фарма ЛТД,

72 Хаммерсмит Роад, Лондон, W14 8TH, Ұлыбритания

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AEM Services» ЖШС,

050040, Қазақстан Республикасы, Алматы қ.,

Әл-Фараби даңғ., 75А-үй, кеңсе 102-103

Тел.: +7 707 798 83 99; е-mail: aemservices@mail.ru