Невирапин (Невирапин)

Невирапин

Невирапин

Дәрілік түрі, дозасы

Ішуге арналған суспензия, 50 мг/5 мл

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Нуклеозид еместер – кері транскриптаза тежегіштері. Невирапин.

АТХ коды J05AG01

- невирапин АИТВ-1 инфекциясын жұқтырған ересектерді, жасөспірімдер мен кез келген жастағы балаларды емдеу кезінде басқа антиретровирустық дәрілермен үйлесімде емдеуге көрсетілген

- көп жағдайда невирапин кері транскриптаза нуклеозидті тежегіштерімен (КТНТ) біріктірілімде қолданылады. Невирапиннен кейінгі емді таңдау клиникалық тәжірибеге және резистенттілікке тесттерге негізделуі тиіс.

Қолданудың басталуына дейін қажетті мәліметтер тізбесі

• препараттың белсенді және/немесе қосымша компоненттерінің кез келгеніне аса жоғары сезімталдық («құрамын» қараңыз)

• анамнезінде невирапинмен емдеу айқын бөртпемен немесе жалпы симптомдармен, аса жоғары сезімталдық реакциясымен немесе клиникалық көріністегі гепатит дамуымен қатар жүрген және препаратты тоқтату қажет болған пациенттерге қайта тағайындау

• бауыр функциясының ауыр бұзылуы (Чайлд-Пью жіктеуі бойынша С санаты) немесе қалыптың жоғары шегінен (ҚЖШ) 5 еседен көп асып кететін АСТ немесе АЛТ деңгейінің бастапқы жоғарылау жағдайында (ол ҚЖШ 5 еседен кем асып кететін деңгейге дейін тұрақты төмендегенше)

• бұрын невирапинмен ем барысында ҚЖШ 5 еседен көп асып кететін АСТ немесе АЛТ деңгейінің жоғарылауы білінген пациенттерге немесе невирапинді қайта қолданудан кейін бауыр функциясының бұзылуы жаңғырған пациенттерге қайта тағайындау

• невирапиннің клиникалық әсерінің азаюы мен плазмадағы концентрацияларының төмендеу қаупіне орай, құрамында шілтер жапырақты шайқурай (Hypericum perforatum) бар өсімдік тектес препараттармен бірге қолдану.

Басқа дәрілік препараттармен өзара әрекеттесуі

Невирапин CYP3A және шамамен CYP2B6 индукторы болып табылады, бұл ретте ең жоғары индукция бірнеше дозамен емді бастағаннан кейін 2-4 апта ішінде жүреді.

Осы метаболизмдік жол арқылы өтетін қосылыстар невирапинмен бірге қолданғанда плазмадағы концентрацияның төмендеуіне ықпал етуі мүмкін. Невирапинмен біріктіріп қабылдаған кезде P450 метаболизденетін дәрілік заттардың емдік тиімділігіне мұқият мониторинг жүргізу қажет.

Құрамында сілтілі буферлік агент бар тамақ өнімдері, антацидтер немесе дәрілік заттар невирапиннің сіңуіне әсер етпейді.

Өзара әрекеттесу бойынша деректер 90% сенімділік аралығымен (90% СА) орташа геометриялық мән түрінде ұсынылған. ↑ = жоғарылау, ↓ = төмендеу,  = әсерсіз.

Қосымша ақпарат:

Невирапин метаболиттері: адам бауырының микросомалары пайдаланылған зерттеулер дапсон, рифабутин, рифампицин және триметоприм/сульфаметоксазол қатысуының невирапин гидроксилденген метаболиттерінің түзілуіне ықпал етпейтінін анықтады. Кетоконазол мен эритромицин невирапиннің гидроксилденген метаболиттерінің түзілуін едәуір бәсеңдетті.

Арнайы сақтандырулар

Невирапинді кем дегенде басқа екі антиретровирустық дәрімен біріктіру керек.

Невирапинді өз бетінше қолдануға болмайды, өйткені кез-келген антиретровирустық препараттармен монотерапия вирустық төзімділікке әкеледі.

Тері реакциялары

Невирапин алған пациенттерде Стивенс-Джонсон синдромы, уытты эпидермальді некролиз және бөртпемен, ағзалардың конституциональді өзгерістерімен және зақымдануымен сипатталатын аса жоғары сезімталдық реакцияларын қоса, ауыр және өмірге қауіп төндіретін тері реакциялары, өліммен аяқталуы да болған, негізінен емнің алғашқы 6 аптасы ішінде пайда болды. Пациенттерді емнің алғашқы 18 аптасында мұқият бақылау керек. Оқшауланған бөртпе пайда болған кезде пациенттерді мұқият тексру керек. Стивенс-Джонсон синдромын немесе уытты эпидермальді некролизді қоса, конституциональді өзгерістермен (қызба, күлдіреуік, ауыз қуысының зақымдануы, конъюнктивит, беттің ісінуі, бұлшық еттердің немесе буындардың ауыруы немесе жалпы дімкәстік сияқты) қатар жүретін қатты бөртпесі немесе бөртпесі бар пациенттерде невирапин қабылдауды дереу тоқтату керек. Аса жоғары сезімталдық реакциялары (конституциональді симптомдары бар бөртпемен, сондай-ақ мысалы, гепатит, эозинофилия, гранулоцитопения және бүйрек функциясының бұзылуы сияқты ішкі ағзалардың зақымдалуымен сипатталатын) бар пациенттерде невирапинді біржола тоқтату керек. Невирапинді ұсынылған дозадан көп енгізу Стивенс-Джонсон синдромы және уытты эпидермальді некролиз сияқты тері реакцияларының жиілеуі мен асқынуын туындатуы мүмкін. Рабдомиолиз невирапинді қолдануға байланысты тері және/немесе бауыр реакциялары бар пациенттерде бақыланды. Преднизонды бір мезгілде қолдану (невирапинді қабылдаудың алғашқы 14 күні ішінде тәулігіне 40 мг) невирапинмен астасқан бөртпенің пайда болу жиілігін төмендетпейтіні және невирапинмен емдеудің алғашқы 6 аптасы ішінде бөртпенің жиілігі мен асқынуының ұлғаюымен себеп-салдарлық байланысы болуы мүмкін екені анықталды. Сондай-ақ препаратты енгізу кезеңі ішінде күніне 200 мг бастапқы дозаны (балаларда 4 мг/кг немесе 150 мг/ м2) сақтамаумен және бастапқы симптомдар мен дәрігердің кеңесі арасындағы ұзақ іркіліс аралығымен байланысты күрделі тері реакцияларының даму қаупінің кейбір факторлары анықталды. Невирапинді қабылдауға немесе невирапині бар емге қарамастан, әйелдерде ерлерге қарағанда бөртпе даму қаупі жоғары болуы ықтимал.

Пациенттер невирапиннің бөртпемен бірге жүретін негізгі уыттылығы туралы хабардар болуы керек. Кез келген генездегі бөртпе пайда болған жағдайда, пациент емдеуші дәрігерге дереу хабарлап, алғашқы симптомдардың пайда болуы мен кеңес беру арасындағы кідірісті болдырмауы тиіс. Невирапинмен байланысты бөртпелердің көпшілігі ем басталғаннан кейінгі алғашқы 6 апта ішінде пайда болады.

Демек, пациенттер осы уақыт аралығында осындай реакциялардың пайда болуын ерекше мұқият қадағалап отыруы керек. Бөртпе пайда болған кезде реакция толық жойылғанша невирапинді белгіленген дозасынан асырмау керек. Күніне бір рет 200 мг дозалаудың белгіленген режимін 28 күннен артық жалғастырмау керек, одан кейін экспозицияның және резистенттіліктің төмендеуі ықтималдығы қаупіне байланысты баламалы емді таңдау керек. Емделудің алғашқы 18 аптасында пациенттердің жасына қарай терінің жағымсыз реакциялары өршуін болдырмау үшін немесе олар пайда болған жағдайда алдын алуда бала жасындағы пациенттерге ерекше назар аудару керек.

Бауыр тарапынан реакциялар

Өлімге әкелетін фульминантты гепатитті қоса, ауыр және өмірге қауіпті гепатоуыттылық невирапин қабылдаған пациенттерде байқалды. Емдеудің алғашқы 18 аптасы-мұқият бақылауды қажет ететін қатер шегіндегі кезең. Бауыр реакцияларының даму қаупі емнің алғашқы 6 аптасында болады. Алайда, қауіп осы кезеңнен кейін де сақталады және мониторинг бүкіл емдеу барысында жиі аралықпен жалғасуы тиіс.

Рабдомиолиз невирапинді қолданумен байланысты тері және/немесе бауыр реакциялары бар пациенттерде бақыланды. Антиретровирустық емнің басында АСТ және АЛТ көрсеткіштерінің, B және/немесе C гепатиті коинфекциясының қалыптың жоғарғы шегінен 2,5 есе артуы және/немесе құрамында невирапині бар сызбаларды қоса, антиретровирустық ем кезінде бауыр тарапынан жағымсыз реакциялар қаупінің артуын айғақтайды.

Невирапинмен емнің басында бұрын ем алмаған әйелдерде CD4 жасушаларының мөлшері көп болуы бауыр тарапынан жағымсыз реакциялардың даму қаупінің жоғары болуымен байланысты. Әйелдер симптоматикалық, көбінесе бауыр бөртпесімен байланысты реакциялардың даму қаупіне үш есе көбірек ұшырайды (2,2%-ға қарсы 5,8%), невирапинмен емдеудің басында CD4 жасушаларының саны анағұрлым жоғары қан плазмасында АИТВ-1 РНҚ анықталатын жынысына қарамастан бұрын ем алмаған пациенттер невирапинмен симптоматикалық бауыр оқиғалары даму қаупіне көбірек ұшырайды.

Ретроспективті шолуда қан плазмасында АИТВ-1 вирустық жүктемесі 50 көшірме /мл және одан жоғары субъектілерде CD4 >250 жасуша/мм3 саны бар әйелдер CD4 <250 жасуша/ мм3 саны бар әйелдерге қарағанда (0,9% қарсы 11,0%) бауыр тарапынан симптоматикалық жағымсыз реакциялар қаупіне 12 есе көп ұшыраған. Осындай жағдай плазмада АИТВ-1 РНҚ анықталатын және CD4 > 400 жасуша/ мм3 саны бар еркектерде (CD4 <400 жасуша/мм3 саны бар еркектерде 1,2% қарсы 6,3%) байқалды. CD4 санының шекті мәндерінің негізінде уыттылықтың осы жоғары қаупі плазмадағы анықталмаған (яғни <50 көшірме /мл) вирустық жүктемесі бар пациенттерде табылған жоқ.

Пациенттерді бауыр тарапынан болатын реакциялар алғашқы 18 апта ішінде мұқият бақылауды талап ететін невирапин уыттылығының негізгі белгісі болып табылатыны туралы хабардар ету, сондай-ақ гепатитті білдіретін симптомдар пайда болған кезде невирапин қабылдауды тоқтату және бауыр талдауларын қамтитын медициналық көмекке дереу жүгіну керек екенін ескерту керек.

Бауыр мониторингі

Невирапинмен емдеуді бастамас бұрын және емдеу процесінде белгілі бір уақыт аралығында биохимиялық тесттерді, соның ішінде бауырдың функционалды сынамаларын жүргізу қажет. Невирапинді қолдану кезінде бауыр функциясының бұзылуы туралы хабарланған, олардың кейбір жағдайлары емдеудің алғашқы бірнеше аптасында байқалған.

Бауыр ферменттерінің симптомсыз жоғарылауы жиі сипатталған, бұл міндетті түрде невирапинді қолдануға қарсы көрсетілім болмауы мүмкін. ГГТ деңгейінің симптомсыз жоғарылауы емді жалғастыруға қарсы көрсетілім емес.

Бауыр көрсеткіштерінің мониторингі емдеудің алғашқы 2 айында әр екі апта сайын, 3-ші айда, содан кейін үнемі жүргізілуі керек. Егер пациентте гепатитке және/немесе аса жоғары сезімталдықты көрсететін белгілер немесе симптомдар байқалса, бауыр көрсеткіштерінің мониторингін жүргізген жөн.

АЛТ және АСТ көрсеткіштері емге дейін немесе ем кезінде қалыптың жоғарғы шегінен 2,5 есе жоғары болған кезде клиникаға тұрақты бару жағдайында бауыр сынамаларына жиі мониторинг жүргізу қажет. Бастапқы деңгей осы шектен төмен түскенге дейін қалыптың жоғарғы шегінен 5 есе асатын АЛТ немесе АСТ деңгейімен емдеуді бастар алдында пациенттерге невирапинді емге қосуға болмайды.

Бауыр аурулары

Бауырдың елеулі қатар жүретін аурулары бар пациенттерде невирапиннің қауіпсіздігі мен тиімділігі анықталмаған. Невирапин бауырдың ауыр жеткіліксіздігі (Чайлд-Пью шкаласы бойынша С класы) бар пациенттерге қарсы көрсетілімде. Фармакокинетикалық нәтижелер бауырдың жеткіліксіздігі орташа (Чайлд-Пью шкаласы бойынша В класы) пациенттерге невирапинді тағайындағанда сақ болу керек екенін көрсетеді. Біріктірілген антиретровирустық ем қабылдайтын созылмалы В немесе С гепатиті бар пациенттер бауыр тарапынан ауыр және өлімге әкелетін жағымсыз реакциялардың жоғары қаупіне ұшырайды. В немесе С гепатитінің вирусқа қарсы қатар жүретін емі жағдайында осы дәрілік заттардың деректеріне арналған өнімдер туралы тиісті ақпаратты қараңыз.

Созылмалы белсенді гепатитті қоса, бауыр дисфункциясы бар пациенттер біріктірілген антиретровирустық ем кезінде бауыр функциясының бұзылу жиілігі жоғары және стандартты практикаға сәйкес бақылауда болуы тиіс. Бауыр жай-күйінің бәсеңдеуі белгілері болған кезде емді үзе тұру немесе тоқтату туралы мәселені қарастыру қажет.

Басқа да ескертулер

Жанасудан кейінгі профилактика: жанасудан кейінгі профилактика (ЖКП), дұрыс пайдаланбау жағдайларында невирапиннің көп реттік дозаларын алған, АИТВ-инфекциясын жұқтырмаған адамдарда транспланттауды талап ететін бауыр жеткіліксіздігін қоса, асқынған гепатоуыттылық жағдайлары туралы хабарланды. Невирапинді қолдану ЖКП арнайы зерттеуі аясында, әсіресе емдеу ұзақтығы тұрғысынан бағаланбады, сондықтан оны қолдану ұсынылмайды. Невирапинмен біріктірілген ем АИТВ-1 инфекциясын жұқтырғандар үшін емдеу болып табылмайды; пациенттерде АИТВ-1 инфекциясының, оның ішінде оппортунистік өршуімен байланысты аурулардың асқынуы байқалуы мүмкін.

Антиретровирустық емнің көмегімен вирусты тиімді басу жыныстық жолмен берілу қаупін едәуір төмендететіні дәлелденгенімен, қалдық қауіпті жоққа шығаруға болмайды. Белгіленген ұсыныстарға сәйкес берілудің алдын алу үшін шаралар қабылдау қажет.

Депо-медроксипрогестерон ацетатын (ДМПА) қоспағанда, гормондық контрацептивтер невирапинді қабылдайтын әйелдерде сақтанудың жалғыз әдісі ретінде қолданылмауы тиіс, өйткені ол олардың плазмалық концентрациясын төмендетуге ықпал етеді. Осы себепті және АИТВ-ның берілу қаупін азайту үшін бөгеттік контрацепция ұсынылады (мысалы, мүшеқаптар). Сонымен қатар, менопаузадан кейінгі кезеңде гормондық емді қолданғанда, невирапинді қабылдау кезінде оның емдік әсерін бақылау керек.

Салмақ және метаболизм параметрлері: антиретровирустық ем кезінде салмақ, липидтер және қандағы глюкоза деңгейі жоғарылауы мүмкін. Бұл өзгерістер ішінара аурулар мен өмір салты бақыланумен себеп-салдарлық байланысты болуы мүмкін. Липидтерге қатысты, кейбір жағдайларда емдік әсердің дәлелі бар, ал салмақтың артуына қатысты нақты емдеумен қандай да бір байланысы бар айғақты дәлелдер жоқ. Қандағы липидтер мен глюкозаны мониторингтеу үшін АИТВ инфекциясын емдеу жөніндегі белгіленген ұсынымдарды басшылыққа алған жөн. Липидті бұзылулар кезіндегі емді клиникалық практикаға сәйкес жүргізген жөн.

Клиникалық зерттеулерде невирапин ТЖЛП холестеринінің деңгейі жоғарылауына және жалпы холестериннің ТЖЛП холестериніне арақатынасын жалпы жақсартуға ықпал етті. Алайда, нақты зерттеулердің болмауына байланысты бұл нәтижелердің клиникалық әсері белгісіз. Сонымен қатар, невирапиннің глюкоза деңгейіне әсер етпейтіні анықталды.

Остеонекроз: этиология көп факторлы болып саналғанымен (кортикостероидтарды қолдануды, алкогольді ішуді, ауыр иммуносупрессияны, дене салмағының жоғары индексін қоса), остеонекроз жағдайлары негізінен үдемелі АИТВ-инфекциясы бар пациенттерде және/немесе біріктірілген антиретровирустық емнің (БАРЕ) ұзақ әсер етуі нәтижесінде тіркелді. Пациенттер буындарда ауырсыну және олардың қаттылығы болған кезде немесе қозғалыс кезінде жайсыздық болған кезде дәрігерге қаралуы керек.

Иммундық реактивация синдромы: ауыр иммун тапшылығы бар АИТВ инфекциясын жұқтырған пациенттерде біріктірілген антиретровирустық ем (БАРЕ) басталған сәтте елеулі клиникалық жай-күйді немесе симптомдардың күшеюін тудыруы мүмкін симптомсыз немесе қалдық шартты-патогенді микроорганизмдерге қабыну реакциясы туындауы мүмкін. Әдетте мұндай реакциялар БАРЕ басталғаннан кейінгі алғашқы бірнеше аптада немесе айларда байқалды. Цитомегаловирустық ретинит, жайылған және/немесе ошақтық микобактериялық инфекциялар және Pneumocystis jirovecii туындаған пневмония осының мысалы болып табылады. Кез-келген қабыну симптомдарын бағалау керек және қажет болған жағдайда ем тағайындау керек. Сондай-ақ, аутоиммундық бұзылулар (мысалы, Грейвс ауруы және аутоиммунды гепатит) иммундық реактивация жағдайында пайда болатындығы туралы хабарланды; дегенмен, емдеуді бастамас бұрын хабарланған уақыт анағұрлым өзгергіш және бұл оқиғалар ем басталған соң біраз уақыттан кейін орын алуы мүмкін.

Қолда бар фармакокинетикалық деректер рифампицин мен невирапинді бір мезгілде қабылдау ұсынылмайды деп болжауға мүмкіндік береді. Сонымен қатар, невирапинмен келесі препараттарды біріктіру ұсынылмайды: эфавиренз, кетоконазол, делавирдин, этравирин, рилпивирин, элвитегравир (кобицистатпен бірге), атазанавир (ритонавирмен бірге), боцепревир; фосампренавир (егер ол ритонавирмен бір мезгілде аз дозада қолданылмаса).

Гранулоцитопения зидовудинді қабылдау салдарынан туындауы мүмкін. Осылайша, невирапин мен зидовудинді бір мезгілде қабылдайтын пациенттерде, әсіресе балалар жасындағы пациенттер мен зидовудиннің неғұрлым жоғары дозаларын алатын пациенттерде немесе сүйек кемігі жеткіліксіздігі бар пациенттерде, атап айтқанда АИТВ инфекциясының асқынған сатысы бар пациенттерде гранулоцитопения қаупі жоғары. Мұндай пациенттерде гематологиялық параметрлерді мұқият бақылау керек.

Аса жоғары сезімталдық

Сахароза: невирапин пероральді суспензиясы құрамында 1 мл препаратқа 150 мг сахароза бар. Фруктоза жағымсыздығының, глюкоза-галактоза мальабсорбциясының немесе сахараза-изомальтаза жеткіліксіздігінің сирек тұқым қуалайтын проблемалары бар пациенттерге препаратты қабылдаудан бас тарту керек.

Сорбитол: невирапин пероральді суспензиясы құрамында 1 мл препаратқа 231,3 мг бар. Тұқым қуалайтын фруктоза жақпаушылығы (ТҚФЖ) бар пациенттерге осы дәрілік препаратты қабылдауға/тағайындауға болмайды.

Метил және пропилпарагидроксибензоаттар: невирапин пероральді суспензиясы құрамында аллергиялық реакцияның (баяу болуы мүмкін) дамуына ықпал ететін метилпарабен және пропилпарабен бар.

Невирапин препаратының құрамында рН 5,2 - 5,4 дейінге жететін мөлшерде натрий бар.

Бала туу мүмкіндігі бар әйелдер / ерлер мен әйелдердегі контрацепция

Бала туу әлеуеті бар әйелдерге жалғыз қорғаныс құралы ретінде ішілетін контрацептивтерді қолдануға болмайды, өйткені невирапин осы дәрілік заттардың қан плазмасындағы концентрациясын төмендетуге ықпал етеді.

Жүктілік немесе лактация кезінде

Қазіргі уақытта жүкті әйелдерден алынған қолда бар деректер шаранада туа біткен ақаулардың/даму ақауларының немесе фето/неонаталдық уыттылық құбылыстарының жоқ екендігін көрсетеді. Қазіргі уақытта ұқсас эпидемиологиялық деректер жоқ. Клиникаға дейінгі зерттеулерде елеулі тератогендік әсер табылған жоқ. Препаратты жүкті әйелдерге сақтықпен тағайындау керек. Гепатоуыттылық CD4-лимфоциттерінің концентрациясы 250 жасуша/мм3 –ден жоғары және плазмадағы АИТВ-1 РНҚ концентрациясы анықталатын (50 және одан да көп көшірме /мл) әйелдерде жиі байқалатындықтан, бұл жағдайларды емдеу туралы шешім қабылдау кезінде ескеру керек. Бұрын емделген, невирапинмен емдеуді бастаған, вирустық жүктемесі анықталмаған (плазмадағы АИТВ-1 50 көшірме/мл аз) және CD4 сандық көрсеткіштері 250 жасуша/мм3 –ден жоғары әйелдерде байқалатын уыттылықтың жоғары қаупінің болмауы жүкті әйелдерге де қолданылатынын растайтын деректер мөлшері жеткіліксіз.

Невирапин плацентарлық бөгет арқылы тез өтеді және емшек сүтімен шығарылады.

АИТВ инфекциясын жұқтырған әйелдерге босанғаннан кейінгі АИТВ-ның берілуін болдырмау мақсатында сәбиді емізуден бас тарту ұсынылады. Невирапин қабылдаған әйелдер емшек емізуден бас тартуы керек.

Фертильділік

Репродуктивті уыттылықтың клиникаға дейінгі зерттеулерінде фертильділіктің бұзылу белгілері анықталды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Невирапиннің көлік құралдарын және қауіптілігі зор механизмдерді басқару қабілетіне әсері бойынша зерттеулер жүргізілген жоқ. Дегенмен, пациенттер невирапинмен емдеу кезінде шаршаудың мүмкіндігі туралы хабардар болуы тиіс. Ол туындаған жағдайда автокөлікті және қауіптілігі зор механизмдерді басқарудан бас тарту керек.

Қолдану жөніндегі нұсқаулар

Дозалау режимі

Невирапинді АИТВ-инфекциясын емдеу тәжірибесі бар мамандар тағайындауы тиіс.

16 және одан үлкен жастағы пациенттер

Невирапин үшін ұсынылатын доза алғашқы 2 апта ішінде күніне бір рет 20 мл (200 мг) пероральді суспензияны құрайды (бұл енгізу кезеңі бөртпенің туындау жиілігін азайтатындықтан қажет), кейіннен күніне екі рет пероральді суспензияны 20 мл (200 мг) кемінде екі қосымша антиретровирустық дәрімен біріктіріп қабылдау.

Тағайындалған сәттен бастап 8 сағат ішінде өткізіп алған доза кезінде пациент оны мүмкіндігінше тезірек қабылдауы тиіс. 8 сағаттан астам уақыт өткеннен кейін пациент келесі дозаны белгіленген уақытта ғана қабылдап, әдеттегі кестені жүргізуі керек.

Дозалау бойынша ұсыныстар

14 күндік бастау кезеңі ішінде 200 мг/күн (педиатриялық пациенттер үшін күніне 4 мг/кг немесе күніне 150 мг/ м2) дозада бөртпе байқалған пациенттерге бөртпе жойылғанға дейін дозаны арттыруға болмайды. Оқшауланған бөртпені мұқият бақылау қажет. Тәулігіне 1 рет жиілікпен 200 мг дозалау режимін 28 күннен артық жалғастырмау керек, осы уақыт өткеннен кейін экспозициялану және төзімділіктің жеткіліксіздігінің ықтималдығы қаупі салдарынан баламалы емді таңдау керек. Невирапин режимі 7 күннен астам үзілген пациенттерге екі апталық кіріспе кезеңді пайдалана отырып, дозалаудың ұсынылатын режимін жаңарту керек.

Невирапинмен емдеу кезінде емдеуді тоқтатуды талап ететін уытты құбылыстар туындауы мүмкін.

Пациенттердің ерекше топтары

Егде жастағы пациенттер

65 жастан асқан адамдарда арнайы зерттеулер жүргізілген жоқ.

Бүйрек жеткіліксіздігі бар пациенттер

Диализді қажет ететін бүйрек жеткіліксіздігі бар пациенттерге диализдің әрбір сеансынан кейін невирапиннің 200 мг қосымша дозасы ұсынылады. Креатинин клиренсі ≥ 20 мл/мин пациенттерге дозаны түзету талап етілмейді.

Бауыр жеткіліксіздігі бар пациенттер

Невирапинді бауырдың ауыр жеткіліксіздігі (Чайлд-Пью шкаласы бойынша С класы) бар пациенттерге қолдануға болмайды. Жеңіл және ауырлығы орташа дәрежедегі бауыр жеткіліксіздігі бар пациенттерде дозаны түзету талап етілмейді.

Балалар

Жалпы тәуліктік доза кез келген пациент үшін 400 мг аспауы тиіс. Невирапин педиатриялық пациенттерге дене беткейінің ауданы (ДБА) бойынша немесе дене салмағы бойынша есептеумен мынадай түрде енгізілуі мүмкін: Мостеллер формуласын пайдалана отырып, ДБА көмегімен кез келген жастағы педиатриялық пациенттер үшін ұсынылатын пероральді доза екі апта ішінде күніне бір рет 150 мг/ м2 құрайды, одан кейін күніне екі рет 150 мг/ м2 ауысады. Дене беткейінің ауданына (ДБА) 150 мг/м2 балаларда қабылдауға қажетті невирапиннің (50 мг/5 мл) пероральді суспензиясының көлемін есептеу:

Мостеллер формуласы:

ДБА (м2) =

8 жастан бастап педиатриялық пациенттерге ұсынылатын пероральді доза екі апта бойы күніне бір рет 4 мг/кг құрайды, кейіннен күніне екі рет 7 мг/кг қабылдауы керек. 8 жастағы және одан үлкен пациенттер үшін ұсынылатын доза тәулігіне бір рет екі апта бойы 4 мг/кг, содан кейін тәулігіне екі рет 4 мг/кг құрайды.

Екі апталық кіріспе кезеңнен кейін балаларға дозалау үшін қажетті невирапин суспензиясының (50 мг/5 мл) көлемін есептеу төмендегі кестеде келтірілген.

2 кесте. Екі апта енгізілетін емдеу кезеңінен кейін балалардың қабылдауы үшін ішуге арналған невирапин суспензиясының көлемі

Невирапин қабылдайтын 16 жасқа толмаған барлық пациенттерде дозаны түзету қажеттілігін бағалау үшін дене салмағын және ДБА жиі өлшеп отыру қажет.

Енгізу әдісі және жолы

Невирапиннің толық есептелген дозасын қабылдау маңызды. Бұл дозалағыш шприцтің немесе өлшеуіш ыдыс көмегімен мүмкін болады. Баламалы дозалағыш құрылғыны (мысалы, градуирленген ыдыс немесе үлкен дозаларды қабылдауға арналған шай қасық) пайдалану кезінде пероральді қабылдайтын суспензияның қалдықтарын толық кетіру үшін құрылғыны жуу қажет. Невирапин препаратын тамақтану кезінде немесе басқа уақытта да қабылдауға болады.

Артық дозалану жағдайында қабылдау қажет болатын шаралар

Невирапинмен артық дозаланғанда арнайы антидоты жоқ. Невирапинмен тәулігіне 800-ден 6000 мг-ға дейінгі дозаларда 15 күнге дейінгі мерзімге артық дозалану жағдайлары туралы хабарланды. Пациенттерде: ісіну, түйінді эритема, шаршағыштық, қызба, бас ауыруы, ұйқысыздық, жүрек айну, өкпе инфильтраттары, бөртпе, бас айналу, құсу, трансаминазалар деңгейінің жоғарылауы және салмақтың төмендеуі байқалды. Бұл оқиғалар препаратты тоқтатқаннан кейін жойылды.

Балалар

Жаңа туған пациентте күтпеген ауқымды артық дозаланудың бір жағдайы туралы хабарланды. Қабылданатын доза ұсынылғаннан 40 есе артық - тәулігіне 2 мг/кг болды. Жеңіл оқшауланған нейтропения мен гиперлактатемия байқалды, олар бір апта ішінде қандай да бір клиникалық асқынуларсыз өздігінен жойылды. Бір жылдан өткеннен кейін баланың дамуы сол қалпында өзгеріссіз қалды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Қауіпсіздік бейінінің қысқаша сипаттамасы

Клиникалық зерттеулерде невирапинмен емдеу кезінде жағымсыз әсерлер келесі түрде білінді: бөртпе, аллергиялық реакциялар, гепатит, бауыр функциясының бұзылуы, жүрек айну, құсу, диарея, іштің ауыруы, шаршау, қызба, бас ауыруы және миалгия.

Жағымсыз реакциялардың жиынтық кестесі

Невирапинді қабылдаумен себеп-салдарлық байланысы болуы мүмкін мынадай жағымсыз реакциялар туралы хабарланды. Бағаланған жиіліктер невирапинмен емдеуге байланысты жағымсыз реакциялардың клиникалық зерттеулерінің біріктірілген деректеріне негізделген.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Қан және лимфа жүйесі тарапынан бұзылулар

Жиі: гранулоцитопения

Жиі емес: анемия

Иммундық жүйе бұзылуы

Жиі: аса жоғары сезімталдық (соның ішінде анафилаксиялық реакция, ангионевроздық ісіну, есекжем)

Жиі емес: анафилаксиялық реакция

Сирек: эозинофилиямен және жүйелі симптомдармен дәрілік тері реакциясы

Жүйке жүйесі бұзылуы

Жиі: бас ауыруы

Асқазан-ішек жолы бұзылыстары

Жиі: жүрек айну, құсу, іштің ауыруы, диарея

Бауыр тарапынан бұзылулар

Жиі: гепатит (ауыр және өмірге қатерлі гепатоуыттылықты қоса) (1,9%)

Жиі емес: сарғаю

Сирек: фульминантты гепатит (өлімге ұшыратуы мүмкін)

Тері жабыны және тері асты шелі тарапынан бұзылулар

Өте жиі: бөртпе (12,5 %)

Жиі емес: Стивенс-Джонсон синдромы / уытты эпидермалық некролиз (өлімге ұшыратуы мүмкін) (0,2 %), ангионевроздық ісіну, есекжем

Тірек-қозғалыс аппараты және дәнекер тін тарапынан бұзылулар

Жиі емес: артралгия, миалгия

Жалпы бұзылыстар және енгізген жердегі жай-күй

Жиі: қызба, қажығыштық

Зерттеу

Жиі: бауыр функциясының бұзылуы (аланинаминотрансфераза деңгейінің жоғарылауы; трансаминазалар деңгейінің жоғарылауы; аспартатаминотрансфераза деңгейінің жоғарылауы; гамма-глутамилтрансфераза деңгейінің жоғарылауы; бауыр ферменттері деңгейінің жоғарылауы; гипертрансаминаземия)

Жиі емес: қандағы фосфор деңгейінің төмендеуі, қан қысымының жоғарылауы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

5 мл препараттың құрамында:

белсенді зат - 51.690 мг невирапин гемигидраты;

қосымша заттар: карбопол 974P, полисорбат 80, кристалданбаған сорбитол ерітіндісі (Неосорб 70/70 B), сахароза (PG Қант 60/200), пропиленгликоль, метилпарабен, пропилпарабен, натрий гидроксиді, тазартылған су.

Сыртқы түрінің, иісінің, дәмінің сипаттамасы

Ақ немесе ақ дерлік біртекті суспензия.

Шығарылу түрі және қаптамасы

100 мл немесе 240 мл препараттан балалардан қорғайтын қақпағы бар тығыздығы жоғары полиэтиленнен жасалған құтыда. 1 құтыдан медициналық қолдану жөніндегі қазақ және орыс тілдеріндегі нұсқаулықпен, пластмасса өлшеуіш шприцпен немесе өлшеуіш ыдыспен бірге картон қорапшаға салынады.

3 жыл

Жарамдылық мерзімі өткеннен кейін препаратты қолдануға болмайды!

Құрғақ, жарықтан қорғалған жерде, 30 ºС-ден аспайтын температурада

сақтау керек. Құтыны алғаш рет ашқаннан кейін 3 айдан асырмай (көлемі 100 мл үшін) және 7 айдан асырмай (көлемі 240 мл үшін) 30°С аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Aurobindo Pharma Limited,

Unit III, Sy. No. 313 & 314,

Bachupally, Bachupally Mandal,

Medchal-Malkajgiri District,

Telangana State, Үндістан.

Тел. 91-40-23044060/61/62/63/64/65

E-mail: info@aurobindo.com

Тіркеу куәлігінің ұстаушысы

Aurobindo Pharma Limited,

Unit III, Sy. No. 313 & 314,

Bachupally, Bachupally Mandal,

Medchal-Malkajgiri District,

Telangana State, Үндістан.

Тел. 91-40-23044060/61/62/63/64/65

E-mail: info@aurobindo.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан, 050043,

Алматы қ., Мирас ы/а, 157 үй, 819 т.е.

Тел. (727) 311-81-96/97, e-mail: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Канумуру И. Г., Қазақстан, 050043, Алматы қ., Мирас ы/а, 157 үй, 819 т.е.

Тел. (727) 311-81-96/97, +77479911904, e-mail: irina.volovnikova@gmail.com