МУКЕКС® (30 мг/5 мл)

Мукекс® 

Амброксол

Дәрілік түрі, дозалануы

Шәрбат, 30 мг / 5 мл

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Муколитиктер. Амброксол.

АТХ коды R05CB06

Бронх секрециясының бұзылуымен және шырыштың жылжуының нашарлауымен байланысты жедел және созылмалы бронх-өкпе аурулары кезіндегі секретолитикалық емде.

Дәрілік препаратты қолданудың басталуына дейінгі қажетті мәліметтер тізбесі

- Амброксол гидрохлоридіне немесе препараттың басқа компоненттеріне жоғары сезімталдық;

- сирек тұқым қуалайтын фруктоза жақпаушылығы;

- 1 жасқа дейінгі балаларға;

- жүктіліктің І триместрі және лактация кезеңі.

Қолдану кезіндегі қажетті сақтандыру шаралары

- Егер Сізде мыналар бар болса, Мукекс® препаратын қолданар алдында емдеуші дәрігерден кеңес алу керек:

• кейбір дәрілік препараттарға немесе тамақ өнімдеріне аллергия;

• асқазанның және 12 елі ішектің ойық жаралы ауруы;

• бүйрек функциясының бұзылуы немесе бауыр функциясының ауыр бұзылуы.

- Егер емдеу барысында терінің және шырыштардың күрделі зақымдануы басталса, Мукекс® препаратын қабылдауды тоқтату және дереу дәрігерден кеңес алу керек.

- Егер Мукекс® препаратымен 5 күндік емдеуден кейін жөтелдің азаюы және жай-күйді жақсаруы басталмаса, дәрігерге көріну керек

Басқа дәрілік препараттармен өзара әрекеттесуі

Мукекс® препаратын және жөтелді басатын дәрілерді бір мезгілде қолдану жөтел рефлексінің бәсеңдеуі салдарынан шырыштың шамадан тыс жинақталуына әкелуі мүмкін. Сондықтан мұндай біріктірілімді қолданудың күтілетін пайдасы мен қаупінің арақатынасына дәрігер мұқият баға бергеннен кейін ғана қолдануға болады.

Амброксолды және антибиотиктерді (амоксициллин, цефуроксим, эритромицин) қабылдау соңғыларының көбірек енуіне және бронх-өкпе секретінде және қақырықта концентрациялануына әкелуі мүмкін.

Арнайы сақтандырулар

Амброксол гидрохлориді сияқты қақырық түсіретін дәрілерді қолданумен байланысты терінің ауыр зақымданулары туралы бірнеше хабарламалар келіп түсті: Стивенс-Джонсон синдромы, уытты эпидермалық некролиз (Лайелл синдромы) және жедел жайылған экзантематозды пустулез. Негізінен оларды пациенттерде негізгі ауру ағымының ауырлығымен және/немесе бір мезгілде басқа препаратты қабылдаумен түсіндіруге болады. Сондай-ақ Стивенс-Джонсон синдромының немесе Лайелл синдромының бастапқы сатысында пациенттерде қызба, сырқырау, ринит, жөтел және тамақтың ауыруы сияқты спецификалық емес, тұмаудың басталу белгілеріне ұқсайтын симптомдар болуы мүмкін. Мұндай спецификалық емес, тұмаудың басталу белгілеріне ұқсайтын симптомдарда қателесіп жөтелге және суық тиюге қарсы препараттармен симптоматикалық ем қолданылуы мүмкін. Сондықтан терінің және шырышты қабықтардың жаңа зақымданулары пайда болған кезде дереу медициналық көмекке жүгіну және амброксол гидрохлоридімен емдеуді тоқтату керек.

Бронх моторикасының бұзылуында және шырыштың секрециясы күшейгенде (мысалы, бастапқы цилиарлы дискинезия сияқты сирек ауруда) Мукекс® препаратын сақтықпен қолдану керек, өйткені амброксол шырыштың секрециясын күшейтуі мүмкін.

Бүйрек функциясы бұзылған немесе бауыр жеткіліксіздігінің ауыр дәрежесіндегі пациенттер Мукекс® препаратын дәрігермен кеңескеннен кейін ғана қолдануы керек. Бауырда метаболизденетін, содан соң бүйрекпен шығарылатын кез келген зат сияқты, амброксолды қолданған кезде бүйректің ауыр жеткіліксіздігі бар пациенттерде бауырда түзілетін метаболиттердің жинақталуы жүреді.

Мукекс® құрамында 5 мл-де 1,225 г сорбит бар (ең жоғарғы тәуліктік дозаны қолданған кезде 4,9 г баламалы). Егер Сізде кейбір қанттардың жақпаушылығы анықталған болса, бұл препаратты қабылдар алдында дәрігерден кеңес алыңыз.

Педиатрияда қолданылуы

Препаратты педиатриялық тәжірибеде қолдануға болады. 2 жасқа толмаған балаларға дәрігердің тағайындауымен қолданады.

Жүктілік немесе лактация кезінде

Амброксол гидрохлориді плаценталық бөгет арқылы өтеді.

Препаратты жүктіліктің 28-ші аптасынан кейін қолданған кезде шаранаға зиянды әсері байқалған жоқ. Алайда дәрілерді жүктілік кезеңінде қабылдаған кезде әдеттегі сақтық шараларын қадағалау керек. Әсіресе жүктіліктің I триместрінде Мукекс® қолдану ұсынылмайды.

Амброксол гидрохлориді емшек сүтіне өтеді. Мукекс® емшек емізу кезеңінде қолдану ұсынылмайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері.

Автокөлікті немесе басқа механизмдерді басқару қабілетіне әсер етуіне қатысты деректер жоқ. Зерттеулер жүргізілмеген.

Қолдану жөніндегі нұсқаулар

Дозалану режимі

Дәрігердің басқа тағайындаулары болмаған кезде Мукекс® мынадай дозасы ұсынылады:

• ересектер және 12 жастан асқан балалар: әдеттегі доза 5 мл тәулігіне 3 рет алғашқы 2–3 күн бойы және содан кейін 5 мл тәулігіне 2 рет.

Қажет болса дәрігер ересектерге және 12 жастан асқан балаларға препараттың ұлғайтылған дозасын ұсынуы мүмкін: тәулігіне 2 рет 10 мл дейін.

• 6-дан 12 жасқа дейінгі балалар: 2,5 мл тәулігіне 2-3 рет;

• 2-ден 5 жасқа дейінгі балалар: 1,25 мл тәулігіне 3 рет.

• 1-ден 2 жасқа дейінгі балалар: 1,25 мл тәулігіне 2 рет.

Енгізу әдісі және жолы

Мукекс® ішке қабылдауға арналған.

Препараттың мөлшерін қоса берілетін өлшегіш стақанның көмегімен өлшеуге болады.

Өлшегіш стақан 1,25 мл шәрбат дозасын (2-ден 5 жасқа дейінгі балалар үшін) өлшеуге арналмағанына назар аудару керек. 1,25 мл дозаны өлшеп алу үшін сыйымдылығы 2 мл инесіз бір реттік пластик шприцті қолдануға болады.

Қабылдау уақыты көрсетілген қолдану жиілігі

Мукекс® препаратын тәулігіне 2-3 рет, тамақ ішуге байланыссыз қолдану керек

Емдеу ұзақтығы

Мукекс® препаратын қажет болған кезде ғана қабылдау және ауру симптомдары басылған кезде препаратты қабылдауды тоқтату керек.

Жалпы алғанда, қолдану ұзақтығына шектеулер жоқ, бірақ ұзақ емді (4-5 күннен астам) медициналық бақылау аясында жүргізген жөн.

Артық дозалану жағдайында қабылдау қажет болатын шаралар

Мукекс® препаратының көп мөлшерін абайсызда қабылдаған жағдайда дәрігерге көріну қажет.

Кездейсоқ артық дозаланғанда және/немесе қате ақпаратқа сүйеніп емдегенде Мукекстің® ұсынылған дозаларын қабылдаған кездегі белгілі жағымсыз әсерлеріне ұқсайтын симптомдар байқалған, олар симптоматикалық емдеуді қажет етуі мүмкін.

Дәрілік препараттың бір немесе бірнеше дозаларын өткізіп алғанда қажет болатын шаралар

Егер сіз Мукекс® қабылдауды өткізіп алсаңыз, есіңізге түсе салысымен әдеттегі дозасын дереу қабылдаңыз. Мұның алдында препаратты қабылдау өткізіп алынбаған болса, екі есе дозасын қабылдамаңыз.

Дәрілік препаратты қолдану тәсілін түсіну үшін медицина қызметкерінен кеңес алу туралы ұсынымдар

Әрқашанда Мукекс® препаратын өзіңізге дәрігер немесе дәріхана қызметкері қалай түсіндірсе дәл солай қабылдаңыз. Егер Сіз күмәндансаңыз, емдеуші дәрігерге немесе дәріхана қызметкері жүгініңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Жиі:

• дисгевзия (дәм сезінудің бұзылуы).

• жүрек айнуы, ауыз қуысы сезімталдығының төмендеуі

• жұтқыншақта сезімталдықтың төмендеуі (фарингеальді гипестезия)

Жиі емес:

• құсу, диарея, диспепсия, іштің ауыруы, ауыздың құрғауы

• қызба, шырышты қабықтың жергілікті реакциялары

Сирек:

• аса жоғары сезімталдық реакциялары

• ринорея

• тері бөртпесі, есекжем

• тамақтың құрғауы

Өте сирек:

• іш қату

• сілекей бөлінудің артуы

• дизурия

Жиілігі белгісіз:

• анафилаксиялық шокты, ангионевроздық ісінуді және қышынуды қоса, анафилаксиялық реакциялар

• терінің ауыр реакциялары (эритеманы, Стивенс-Джонсон синдромын, уытты эпидермалық некролизді (Лайелл синдромы) және жедел жайылған экзантематозды пустулезді қоса).

ентігу (аса жоғары сезімталдық реакциясының симптомы ретінде)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

5 мл шәрбаттың құрамында

белсенді зат – 30.0 мг амброксол гидрохлориді;

қосымша заттар: гидроксиэтилцеллюлоза, 70 % сорбит ерітіндісі (Е420), глицерин, натрий сахарині, бензой қышқылы (Е210), пропиленгликоль, өрік дәмдік қоспасы 505 644 Т, бақша жалбызы дәмдік қоспасы 508 685 Т, тазартылған су.

Сыртқы түрінің, иісінің, дәмінің сипаттамасы

Түссізден аздап сарғыш түске дейінгі мөлдір шәрбат.

Шығарылу түрі және қаптамасы

Препарат 100 мл-ден полимерлі банкіге немесе алғашқы ашылуы бақыланатын бұрандалы ақ пластик қалпақшамен тығындалған янтарь түстес шыны құтыларға құйылады. Банкіге немесе құтыға көлемі белгіленген пластмассадан жасалған өлшегіш стақан қоса беріледі. 1 банкіден немесе құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл.

Құтыны немесе банкіні алғаш ашқаннан кейін препаратты 6 айдан асырмай сақтау керек.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«КУСУМ ФАРМ» ЖШҚ, 40020, Украина, Сумы облысы, Сумы қ-сы, Скрябин к-сі, 54

Тел: +38 (0542) 774610

факс: +38 (0542) 774611

Электронды поштасы: info@kusumpharm.com

Тіркеу куәлігінің ұстаушысы

«КУСУМ ФАРМ» ЖШҚ, 40020, Украина, Сумы облысы, Сумы қ-сы, Скрябин к-сі, 54

Тел: +38 (0542) 774610

факс: +38 (0542) 774611

Электронды поштасы: info@kusumpharm.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Дәрі-Фарм (Қазақстан)» ЖШС, Алматы қ., Достық д-лы, 117/6, «Хан Тәңірі» БО.  

Телефон/факс: 8(727) 295-26-50 

Электронды поштасы: phv@kusum.kz