Мотоприд (Итоприд)

Мотоприд

Итоприд

Дәрілік түрі, дозасы

Үлбірлі қабықпен қапталған таблеткалар, 50 мг

Ас қорыту жүйесі және зат алмасу. Асқазан-ішек қызметінің бұзылыстарын емдеуге арналған препараттар. Асқазан-ішек жолы моторикасының стимуляторлары. Итоприд.

АТХ коды А03FA07

Ойық жаралы емес функциялық диспепсияның (созылмалы гастрит) асқазан-ішек симптомдарын тоқтату, атап айтқанда:

• іштің кебуі;

• тез тойып қалу сезімі;

• іштің жоғарғы бөлігіндегі ауыру немесе жайсыздық;

• анорексия;

• қыжыл;

• жүрек айнуы;

• құсу.

Қолдануды бастағанға дейін қажетті мәліметтер тізбесі

- итоприд гидрохлоридіне немесе дәрілік заттың кез келген қосымша заттарына жоғары сезімталдық

- асқазан-ішек жолдарының жиырылу белсенділігінің жоғарылауы зиянды болуы мүмкін жағдайлар, мысалы, асқазан-ішектен қан кету, механикалық тарылу немесе тесілу.

Қолданған кездегі қажетті сақтандыру шаралары

Итоприд гидрохлориді ацетилхолиннің әсерін күшейтеді және холинергиялық жағымсыз әсерлерге әкелуі мүмкін. Ұзақ қолдану туралы деректер жоқ. Жалпы, егде жастағы пациенттерге итоприд гидрохлоридін бүйрек, бауыр функциясының нашарлауының, қатар жүретін аурулардың жоғары жиілігін немесе осындай пациенттерде басқа дәрілік заттармен қатар емдеуді ескере отырып, орынды сақтықпен және кейіннен бақылаумен тағайындау керек.

Басқа дәрілік препараттармен өзара әрекеттесуі

Итоприд гидрохлориді Р450 цитохромы жүйесінің изоферменттерімен емес, флавинмоноксигеназамен алғаш метаболизденетіндіктен метаболизмдік өзара әрекеттесудің орын алу мүмкіндігі белгісіз. Варфаринмен, диазепаммен, диклофенак натрийімен, тиклопидин гидрохлоридімен, нифедипинмен және никардипин гидрохлоридімен бір мезгілде қолданғанда ақуыздармен байланысу өзгерістері байқалған жоқ. Итоприд гидрохлоридінің гастрокинетикалық әсері болғандықтан, ол бір мезгілде пероральді қолданылатын басқа дәрілік заттардың сіңуіне әсер етуі мүмкін.

Емдік индексі тар препараттарды, босатылып шығуы баяу түрлерді немесе ішекте еритін қабығы бар препараттарды қолданғанда ерекше сақтық шараларын қадағалау керек.

Циметидин, ранитидин, тепренон және цетраксат сияқты ойық жараға қарсы дәрілік заттар итоприд гидрохлоридінің прокинетикалық әсеріне ықпалын тигізбейді.

Холинергияға қарсы дәрілік заттар итоприд гидрохлоридінің әсерін әлсіретуі мүмкін.

Арнайы ескертулер

Мотоприд құрамында лактоза бар, сондықтан тұқым қуалайтын галактозаға төзбеушілік, Лапп лактаза тапшылығы немесе глюкоза-галактоза мальабсорбциясының бұзылуы бар пациенттерге осы дәрілік затты қолдануға болмайды.

Педиатрияда қолдану

16 жасқа дейінгі балаларға итоприд гидрохлоридін қолдану қауіпсіздігі анықталған жоқ.

Жүктілік немесе лактация кезінде

Итопридті жүкті әйелдерге қолдану туралы деректер жоқ немесе шектеулі (жүктілік нәтижелерінің 300-ден аз жағдайы). Алдын алу шарасы ретінде жүктілік кезінде итопридті қолданудан бас тартқан жөн.

Итопридтің емшек сүтіне енуі туралы деректер жеткіліксіз. Емшектегі бала үшін қауіп бар. Емшек емізуді тоқтату немесе итоприд қабылдауды тоқтату/тоқтата тұру туралы шешімді бала үшін емшек емізудің пайдасын және әйел үшін емдеудің пайдасын ескере отырып қабылдау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Реакция жылдамдығына әсер етуі мүмкіндігі туралы ақпарат жоқ, бірақ көлікті басқару немесе механизмдермен жұмыс істеу туралы мәселені шешкен кезде бас айналу мүмкіндігін ескеру қажет.

Қолдану бойынша ұсыныстар

Дозалау режимі

Ересектер үшін ұсынылатын доза тәулігіне 150 мг құрайды. Көрсетілген дозаны пациенттің жасын және симптомдарын ескере отырып төмендетуге болады («Қолданған кездегі қажетті сақтандыру шаралары» бөлімін қараңыз).

Енгізу әдісі мен жолы

Тамақтану алдында қолданыңыз.

Қабылдау уақыты көрсетілген қолдану жиілігі

Тәулігіне 1 таблеткадан (50 мг) 3 рет қолданыңыз

Емдеу ұзақтығы

Клиникалық зерттеулер кезінде итоприд гидрохлоридін қолдану ұзақтығы 8 аптаға дейін болғаны белгілі.

Артық дозаланған жағдайда қабылдануы тиіс шаралар

Артық дозалану жағдайында асқазанды шаю және симптоматикалық емдеу үшін әдеттегі шараларды қабылдау қажет.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Препаратты қолданар алдында емдеуші дәрігермен кеңесіңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес).

Жиі

- іштің ауыруы, диарея.

Жиі емес

- бас айналу, бас ауыруы, сілекей бөлінісінің артуы, бөртпе, аминотрансфераза деңгейінің жоғарылауы, ақ қан жасушалары санының төмендеуі.

Белгісіз (қолда бар деректер негізінде бағалау мүмкін емес)

- анафилаксия реакцияны, эритеманы, қышынуды, треморды, сарғаюды, іш қатуды, жүрек айнуды, гинекомастияны, лейкопенияны, тромбоцитопенияны, қандағы пролактин деңгейінің жоғарылауын, АСТ (аспартатаминотрансфераза), АЛТ (аланинаминотрансфераза), ГГТ (гамма-глутамилтранфераза), сілтілік фосфатазаны, қандағы билирубин деңгейінің жоғарылауын қоса алғанда, аса жоғары сезімталдық.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - итоприд гидрохлориді, 50 мг,

қосымша заттар: лактоза моногидраты, жүгері крахмалы, кальций кармеллозасы (кальций карбоксиметилцеллюлозасы), сусыз коллоидты кремнийдің қостотығы, магний стеараты;

үлбірлі қабыққа арналған қоспа: Opadry II White: лактоза моногидраты, гипромеллоза (гидроксипропилметилцеллюлоза), полиэтиленгликоль, титанның қостотығы (Е 171), триацетин.

Сыртқы түрінің, иісінің, дәмінің сипаттамасы

Дөңгелек пішінді, екі жақ беті дөңес, ақ түсті үлбірлі қабықпен қапталған таблеткалар.

Шығарылу түрі және қаптамасы

10 таблеткадан түссіз мөлдір ПВдХ қабатпен поливинилхлоридті үлбірден және баспа лакталған алюминий фольгадан жасалған пішінді ұяшықты қаптамада.

1, 2 немесе 4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2 жыл.

Жарамдылық мерзімі өткеннен кейін қолдануға болмайды!

Түпнұсқалық қаптамасында 25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«КИЕВ ДӘРУМЕНДЕР ЗАУЫТЫ» АҚ, Украина

04073, Киев қ., Копыловская к-сі, 38

Тел.: (044) 461-03-08, факс: (044) 461-03-01

Web-сайт: www.vitamin.com.ua

Тіркеу куәлігінің ұстаушысы

«КИЕВ ДӘРУМЕНДЕР ЗАУЫТЫ» АҚ, Украина

04073, Киев қ., Копыловская к-сі, 38

Тел.: (044) 461-03-08, факс: (044) 461-03-01

Web-сайт: www.vitamin.com.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КИЕВ ДӘРУМЕНДЕР ЗАУЫТЫ» АҚ өкілдігі

050008, Қазақстан Республикасы, Алматы қаласы,

Абай даңғылы 109, 16А кеңсе

Тел.: +7 (727) 356 88 50; е-mail: vitamin_kz@vitamin.com.ua