Миропристон

• русский
• қазақша

• Скачать инструкцию медикамента

Саудалық атауы

Миропристон

Халықаралық патенттелмеген атауы

Мифепристон

Дәрілік түрі

200 мг таблеткалар

Құрамы

Бір таблетка құрамында

белсенді зат: мифепристон - 200 мг,

қосымша заттар: микрокристалды целлюлоза, натрий карбоксиметилкрахмалы, тальк, кальций стеараты.

Сипаттамасы

Ашық-сары немесе жасыл реңді ашық-сары түсті, жалпақ цилиндр пішінді, сызығы мен ойығы бар таблеткалар

Фармакотерапиялық тобы

Басқа да жыныстық гормондар. Антипрогестагендер

АТХ коды G03ХВ01

Фармакологиялық қасиеттері

Фармакокинетикасы

600 мг дозада ішке бір рет қабылдағаннан кейін 1,98 мг/л ең жоғары концентрациясына 1,3 сағаттан кейін жетеді. Абсолюттік биожетімділігі 69 % құрайды.

Мифепристон қан плазмасында ақуыздармен 98 % байланысады: альбуминмен және қышқыл α1-гликопротеинмен. Таралу фазасынан кейін шығарылуы басында баяу жүреді, 12-72 сағат арасында концентрация 2 есеге азаяды, содан соң жылдамырақ болады. Жартылай шығарылу кезеңі 18 сағатты құрайды. Ішекпен (83 %) және бүйрекпен (9 %) шығарылады.

Фармакодинамикасы

Миропристонның белсенді заты - мифепристон - прогестеронның бөгегіш әсері рецепторлар деңгейінде болатын синтетикалық стероидты емес ангигестагендік дәрі. Гестагендік белсенділігі жоқ. Рецепторлармен байланысу деңгейінде бәсекелестік есебінен глюкокортикостероидтармен антагонизмі белгіленген.

Интерлейкин-8 хориодецидуальді жасушаларда босап шығуын көтермелей және миометрийдің простагландиндерге сезімталдығын жоғарылата отырып, миометрийдің жиырылғыштық қабілетін жоғарылатады.

Препарат әсерінің нәтижесінде децидуальді қабық десквамацияланып, ұрық жұмыртқасы шығарылады.

Қолданылуы

• мизопростолмен үйлестіре отырып (аменореяның 42 күніне дейін) жатырлық жүктілікті ерте кезеңінде үзуде

• тууға дайындау мен оны индукциялауда

Қолдану тәсілі және дозалары

Жүктілікті ерте кезеңінде дәрі-дәрмекпен үзу үшін

600 мг Миропристонды (200 мг-ден 3 таблетка) ішке тамақтан кейін (жеңіл таңғы ас) 1-1,5 сағаттан соң, 100 мл қайнаған сумен іше отырып, дәрігердің қатысуымен бір рет қабылдайды.

Миропристонды қабылдағаннан кейін 36-48 сағат өткен соң емделуші 600 мкг мизопростолды бір рет алу үшін емдеу мекемесіне келуі тиіс. Мизопростолды қабылдаған соң 4-6 сағат бойы дәрігердің динамикалық бақылауы керек. 10-14 күнннен кейін клиникалық зерттеу және УДЗ-бақылау қайта жасалады. Қажет болған жағдайда, түсік болғанына көз жеткізу үшін хориондық гонадотропин деңгейін анықтайды.

Тууға дайындау және индукциялау үшін

200 мг Миропристонды (1 таблетка) дәрігер қатысуымен ішке бір рет қабылдайды. 24 сағаттан кейін ішке 200 мг Миропристонды (1 таблетка) қайтадан қабылдайды. 48-72 сағаттан кейін туу жолының жағдайы бағаланады, қажеттігіне қарай простагландиндер немесе окситоцин тағайындалады.

Жағымсыз әсерлері

• іштің төменгі жағындағы ауырулар мен жайсыздық сезімдері, жыныс жолдарының қанды бөліністері, жатыр мен қосалқыларының қабыну үдерістерінің асқынуы

• бас айналуы, бас ауыруы

• жүрек айнуы, құсу, метеоризм, диарея

• жалпы әлсіздік, есекжем, гипертермия

• мизопростолмен біріктірілген ем аясында (қосымша): вагинит, диспепсия, ұйқысыздық, астения, мазасыздық, анемия, гемоглобин төмендеуі (2 г/дл артыққа), естен тану жағдайы, ақ бөлінділер.

Қолдануға болмайтын жағдайлар

• препарат компоненттеріне асқын сезімталдық

• бүйрек үсті безінің жеткіліксіздігі және ұзақ глюкокортикостероидты ем

• жедел немесе созылмалы бүйрек және/немесе бауыр жеткіліксіздігі

• порфирия

• жатыр миомасы

• анемия (гемоглобин деңгейі 100 г/л төмен)

• гемостаз бұзылуы (оның ішінде алдында антикоагулянттармен ем алған)

• әйел жыныс органдары жедел қабыну аурулары

• ауыр экстрагенитальді патология болуы

• шамадан тыс шылым шегуге әуес әйелдерде, 35 жастан асқан, алдын ала терапевттің кеңесінсіз

• Жүктілікті дәрі-дәрмекпен үзу үшін

• жатырдан тыс жүктілікке күмән болғанда

• аменорея мерзімі 42 күннен асқан, клиникалық зерттеулермен расталмаған жүктілік

• жатырішілік контрацепция қолдану аясында немесе гормональді контрацепцияны тоқтатқаннан кейінгі жүктілік

• Тууға дайындау мен оны индукциялауға

• ауыр дәрежедегі гестоз

• преэклампсияда, эклампсия

• мезгіліне жетпеген немесе мезгілінен асып кеткен жүктілік

• анасының жамбас астауы мен нәресте басы өлшемінің сай келмеуі

• баланың аномальді орналасуы

• жүктілік кезіндегі этиологиясы анықталмаған жыныс жолдарынан келетін қанды бөліністер

• іштегі ұрық айналасындағы судың уақытынан бұрын кетуі

• іштегі ұрықтың гемолитикалық ауыр түрдегі аурулары

Дәрілермен өзара әрекеттесуі

Қабынуға қарсы стероидты емес дәрілерді бір уақытта қабылдауға болмайды.

Миропристон мен глюкокортикостероидты препараттарды бір уақытта қабылдағанда соңғысының дозасын ұлғайту керек.

Айрықша нұсқаулар

Препаратты қолданудан 10-14 күндері арасында әсер болмаған жағдайда (толық емес түсік немесе жүктілік жалғасуында) ұрық дамуында туа біткен ақау қалыптасу мүмкіндігіне байланысты, жүктіліктің басқа тәсілмен үзілуі тиістігінен жүктілікті ерте кезеңінде үзу үшін Миропристон пайдаланатын емделушілер хабардар болуы керек. Миропристонды қабылдаған соң 10-14 күндері арасында толық емес түсік болып немесе жүктілік жалғасқан жағдайда міндетті түрде вакуумаспирация жасалады, препараттың ұрықтың дамуында туа біткен ақау қалыптасуына әсерін бағалау қажет болғандықтан соңынан аспират гистологиялық зерттеледі.

Препаратты қолдану резус аллоиммунизациясы мен түсік жасатумен қоса жүретін басқа да жалпы іс-шараларды алдын ала ескертуді талап етеді.

Сақтықпен өкпенің созылмалы обструктивті ауруларында, бронх демікпесінде, артериялық гипертензияда, жүрек ырғағы бұзылуында, жүрек жеткіліксіздігінде қолданады.

Лактация

Миропристонды жүктілікті үзу үшін пайдаланғанда бала емізуді препарат қабылдағаннан кейін 3 күнге тоқтату керек.

Жатыр мойнын тууға дайындау үшін Миропристонды пайдалану содан кейінгі лактацияға әсер етпейді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың мүмкін болатын жағымсыз әсерін (бас айналуы) ескере отырып, оны қолдану кезінде жоғары зейін шоғырландыруды және психомоторлы реакциялардың шапшаңдығын қажет ететін автокөлік жүргізгенде және басқа да қауіптілігі зор қызмет түрлерімен айналысқанда сақтық жасау керек.

Артық дозалануы

Миропристонды 2 г дейінгі дозада қабылдау жағымсыз реакциялар туындатпайды. Препаратпен артық дозаланған жағдайда бүйрек үсті безі жеткіліксіздігі байқалуы мүмкін.

Емі симптоматикалық.

Шығарылу түрі және қаптамасы

Поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада 1, 3 таблеткадан.

1 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Препаратты жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Обнинск химиялық-фармацевтикалық компаниясы» ЖАҚ, Ресей Федерациясы

249036, Калуга облысы,

Обнинск қ., Королёв к., 4

тел./факс: (48439) 6-47-41

Тіркеу куәлігінің иесі

«Нижфарм» ААҚ, Ресей Федерациясы

603950, Нижний Новгород қ.,

ҚҚП-459, Салганская к., 7

тел.: (831) 278-80-88

факс: (831) 430-72-28

веб сайт: http://www.nizhpharm.ru

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Нижфарм» ААҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e–mail: almaty@stada.kz