Милрикор (Милринон)

Милрикор

Милринон

Дәрілік түрі, дозасы

Вена ішіне инъекция және инфузия үшін ерітінді, 10 мг/10 мл

Жүрек-қантамыр жүйесі. Кардиологиялық препараттар. Шығу тегі гликозидтік емес кардиотонустық препараттар. Фосфодиэстераза тежегіштері. Милринон.

АТХ коды C01CE02

Милрикор стандартты демеуші емге төзімді декомпенсация сатысындағы созылмалы жүрек жеткіліксіздігін қысқа мерзімді емдеу үшін, сондай-ақ кардиохирургиялық операциялардан кейін жүректің аз лықсыту күйін қоса, жедел жүрек жеткіліксіздігін емдеу үшін көрсетілген.

Балаларда Милрикор стандартты демеуші емге (жүрек гликозидтері, диуретиктер, вазодилататорлар және/немесе ангиотензин өзгертуші фермент (АӨФ) тежегіштері) төзімді декомпенсация сатысындағы созылмалы жүрек жеткіліксіздігін қысқа мерзімді емдеу үшін (35 сағатқа дейін), сондай-ақ кардиохирургиялық операциялардан кейін жүректің аз лықсыту күйін қоса, жедел жүрек жеткіліксіздігін қысқа мерзімді емдеу үшін көрсетілген.

Қолданудың басталуына дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- ауыр гиповолемия

Қолдану кезіндегі қажетті сақтандыру шаралары

Миокард инфарктісінің жедел фазасында милринон сияқты инотропты препараттарды қолдану миокардтың оттегі тұтынуының қолайсыз артуына әкелуі мүмкін. Осы жағдайда препаратты енгізу қауіпсіздігі мен тиімділігінің анықталуына дейін Милрикор жедел миокард инфарктісі кезінде қолдануға ұсынылмайды.

Милрикормен емдеу кезеңінде артериялық қысымға, жүректің жиырылу жиілігіне, клиникалық жағдайға, электрокардиограмма көрсеткіштеріне, су-электролит теңгеріміне және бүйрек функциясына (мысалы, сарысу креатинині) мониторинг өткізу қажет.

Айқын қолқа стенозы немесе өкпе артериясы клапанының стенозы немесе гипертрофиялық субаорталық стенозы бар пациенттерде Милрикорды обструкцияны жою үшін хирургиялық әдістер орнына қолдануға болмайды. Ондай жағдайларда Милрикор сияқты инотропты препарат/вазодилятатор өкпе қан ағымының обструкциясын күшейтуі мүмкін.

Милринон алған жоғары қауіп бар пациенттер қауымында суправентрикулярлық және қарыншалық аритмиялар дамуы болды. Кейбір пациенттерде, тұрақсыз қарыншалық тахикардияны қоса, қарыншалық эктопия күшеюі байқалды, бұл пациенттің қауіпсіздігіне немесе емдеу нәтижесіне ықпал етпеді.

Милринон атриовентрикулярлық түйін өткізгіштігінің мардымсыз жоғарылауын тудыратындықтан, бақыланбайтын жүрекшелер жыпылықтауы/фибрилляциясы бар пациенттерде қарыншалық жауап жиілігінің арту ықтималдығы бар. Сол себепті, атриовентрикулярлық түйіннің өткізгіштік уақытын арттыру үшін Милрикормен емдеуді бастар алдында дигитализация немесе басқа препараттарды қолдану мүмкіндігін қарастыру керек, аритмия дамығанда емдеуді тоқтату керек.

Жүрек жеткіліксіздігінде аритмияның даму ықтималдығы басқа дәрілік препараттарды немесе олардың біріктірілімдерін қолдану кезінде артуы мүмкін. Милрикор алатын пациенттер инфузия кезінде мұқият қадағалауда болуы тиіс, ал аритмия дамығанда препаратты енгізуді тоқтату керек.

Милринон тамыр кеңейткіш әсеріне байланысты артериялық гипотензия дамуын туындатуы мүмкін; осылайша, Милрикормен ем көрсетілген гипотония бар пациенттер емдеу басталуына дейін мұқият бақылауда болуы тиіс. Артериялық қысымның елеулі төмендеуі бар пациенттерде инфузия жылдамдығын азайту немесе препаратты енгізуді тоқтату керек.

Осының алдында диуретиктер қолданудың артериялық қысымның елеулі төмендеуіне әкелуіне күмән болса, Милрикорды енгізу кезінде артериялық қысымды, жүректің жиырылу жиілігін және клиникалық симптоматиканы тұрақты бақылау қажет.

Диуретиктермен ем кезінде жүрек лықсыту көрсеткіштері жақсарса, диуретик дозасын төмендету ұсынылады. Диуретиктермен күшейтілген ем нәтижесінде калий мөлшерінің төмендеуі диуретик дозасын төмендетуді талап етуі мүмкін. Диуретиктердің жоғары дозаларын қолданумен байланысты туындаған гипокалиемия дигиталис препараттарын қабылдайтын пациенттерде аритмия дамуын туындатуы мүмкін. Осылайша, гипокалиемияны Милрикорды қолдануға дейін немесе қолдану кезінде калий препараттарын қосумен түзету керек.

Милринон инфузиясын енгізген жерде реакцияның пайда болу жағдайлары хабарланды. Осыған байланысты, ықтимал экстравазацияны болдырмау үшін инфузияның дұрыс жасалуын мұқият қадағалау керек.

Гемоглобин төмендеуі, оның ішінде анемия дамуы жүрек жеткіліксіздігі аясында жиі болады. Тромбоциттер немесе гемоглобин мөлшері төмендеген пациенттерде тромбоцитопения немесе анемия даму қаупіне байланысты осы зертханалық көрсеткіштерге мұқият мониторинг талап етіледі.

Милринонды инфузия түрінде 48 сағаттан астам кезең ішінде қолдану зерттелмеген.

Басқа дәрілік препараттармен өзара әрекеттесуі

Преципитацияны болдырмау үшін Милрикорды енгізген бір ғана тамшылатқышпен фуросемид немесе буметанидті енгізуге болмайды.

Милринонды натрий бикарбонаты ерітіндісімен қолдануға болмайды.

Кальций өзекшелерінің блокаторларымен теориялық ықтималды өзара әрекеттесуі болса да, клиникалық мәнді өзара әрекеттесу дәлелдері жоқ.

Милринон гликозидтердің уыттылық белгілерін тудырмай, жүрек гликозидтерін қабылдайтын пациенттерге инотропты әсерін көрсетеді.

Басқа дәрілік, оның ішінде үйлесімді препараттарды Милрикормен бір мезгілде енгізуге болмайды.

Милринонмен емдеу кезеңінде су-электролит теңгерімін, сондай-ақ қан сарысуында креатинин деңгейін мұқият бақылап отыру керек. Жүрек лықсытуының және, сол себепті, диурез артуы диурездік дәрі дозасын төмендетуді талап етуі мүмкін. Диурездің артуына байланысты калий жойылуы дигитализацияланған пациенттерде аритмия дамуына ықпал етуі мүмкін. Осылайша, Милрикорды қолдануға дейін немесе қолдану кезінде гипокалиемияны калий препараттарын қосумен түзету керек.

Арнайы сақтандырулар

Педиатрияда қолдану

Ересектер үшін сипатталған сақтандырулардан және сақтық шараларынан тыс мыналар ескерілу керек:

Жаңа туған нәрестелерде ашық жүрекке операция жасаудан кейін Милрикормен емдеу кезіндегі мониторингте жүректің жиырылу жиілігі және ырғақ, кіндік артериясының катетері немесе шеткері катетер арқылы тіркелетін жүйелік артериялық қысым, орталық вена қысымы, жүрек индексі, жүрек лықсытуы, жүйелік тамыр кедергісі, өкпе артериясының қысымы және жүрекшелік қысым қамтылуы тиіс. Тромбоциттер саны, сарысудағы калий деңгейі, сондай-ақ бауыр және бүйрек функциясының көрсеткіштері сияқты зертханалық көрсеткіштерді бақылау ұсынылады. Атап көрсетілген көрсеткіштерге өлшеулер жүргізу бастапқы мәндерге сәйкес жаңа туған нәрестелерді емдеуді өзгертуге реакция мен жиілігін бағалау үшін қажет.

Бүйрек функциясының бұзылуы бар балаларда милринон клиренсінің айқын бұзылуы және клиникалық мәнді жағымсыз әсерлер байқалғаны хабарланды. Балаларда дозаны түзету қажет болатын креатинин клиренсінің көрсеткіші әлі де түсініксіз екенін ескеріп, милринон пациенттердің осы тобында қолдануға ұсынылмайды.

Милринон балаларды емдеуде пациенттің гемодинамикалық тұрақтылығы жағдайында ғана қолданылу керек. Милринон тромбоцитопенияны туындатуға қабілетті екендіктен, қарыншаішілік қан кетудің қауіп факторлары бар жаңа туған нәрестелерде (мысалы, туу кезінде дене салмағы төмен шала туған балалар) қолдану кезінде сақтық таныту керек. Балаларда инфузия ұзақтығын арттырумен тромбоцитопения қаупінің едәуір артуы мәлімделді. Клиникалық деректер милринонмен байланысты тромбоцитопенияның балаларда ересектердегіден жиірек кездесетінін көрсетеді.

Милринонның балаларда артериялық түтік жабылуын баяулататыны анықталды. Демек, егер милринонды қолдану қауіпті/ашық артериялық түтікпен шала туған немесе мерзімі жетіп туған балаларда қарастырылса, емдік қажеттілік ықтималды емдеу қауіптерімен салыстырылуы тиіс.

Жүктілік немесе лактация кезінде

Ұрпақ өрбіту жасындағы әйелдер/Контрацепция

Милрикорды ұрпақ өрбіту жасындағы әйелдерде қолдану жөнінде зерттеулер жүргізілмеді. Милрикордың бала туу жасындағы әйелдерге немесе контрацепцияға әсері белгісіз.

Жүктілік

Жүктілік кезеңінде Милрикорды қолдану жөнінде клиникалық деректер жоқ.

Жануарларда буаздық/эмбриондық/құрсақішілік даму/тууға немесе туудан кейінгі дамуға тікелей немесе жанама қолайсыз әсері анықталмады.

Препаратты жүктілік кезінде ықтималды пайдасы шарана үшін зор қауіптен артық болған жағдайда ғана қолдану керек.

Бала емізу

Милринонның емшек сүтімен бөлінуі туралы ақпарат жеткіліксіз.

Бала емізуді тоқтату немесе милринонмен емді тоқтату шешімін сәби үшін емшекпен қоректенудің артықшылығы мен ана үшін емнің пайдасын ескере отырып, қабылдау керек.

Қосымша заттар туралы ерекше ақпарат

Милрикор құрамында әр дозада (10 мл) 0,5 г декстроза (глюкоза) бар. Препаратта глюкозаның болуына байланысты әсерлері күтілмейді.

Препараттың бір реттік дозасында 1 ммоль (23 мг) мөлшерінен аз натрий бар, яғни натрий мүлде жоқ деуге болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлікті басқару және механизмдермен жұмыс істеу қабілетіне әсер етуіне зерттеулер жүргізілмеген.

Қолдану жөніндегі нұсқаулар

Дозалау режимі

Ересектер: милринонмен ем 50 мкг/кг екпінді дозасын 10 минут ішінде енгізуден басталады, әдетте, әріқарай гемодинамикалық көрсеткіштерге және клиникалық жауапқа байланысты демеуші дозаны 0,375 мкг/кг/минуттан бастап 0,75 мкг/кг/минутқа дейінгі дозада келесі үздіксіз инфузия түрінде енгізуге көшеді. Жиынтық доза 1,13 мг/кг/тәуліктен аспауы тиіс.

Төменде 10 мл препаратқа 40 мл еріткіш (100 мл препаратқа 400 мл еріткіш) қосу жолымен дайындалған құрамында 200 мкг/мл Милрикор бар ерітіндінің негізінде демеуші дозаны енгізу кезінде инфузия жылдамдығын таңдауға арналған кесте келтірілген. Еріткіш ретінде 0,45% натрий хлориді ерітіндісін, 0,9% натрий хлориді ерітіндісін (физиологиялық ерітінді) немесе 5% глюкоза ерітіндісін қолдану керек.

Пациенттің қажеттілігіне қарай сұйықтық ретінде ерітінділерді әртүрлі концентрацияда қолдануға болады. Ем ұзақтығы пациент реакциясына байланысты болуы тиіс. Декомпенсацияланған жүрек жеткіліксіздігінде пациенттерге препарат инфузия түрінде, қалыпты кезең 48-ден 72 сағатқа дейін созылса да, 5 күнге дейін енгізілді. Кардиохирургиялық операциядан кейінгі жедел жай-күйлерде 12 сағаттан ұзаққа созылатын емдеудің қажет болу ықтималдығы аз.

Пациенттердің ерекше топтары

Бүйрек жеткіліксіздігі бар пациенттер

Бүйрек жеткіліксіздігі бар пациенттерде қолдану кезінде дозаны түзету қажет.

Бүйрек жеткіліксіздігі ауыр, бірақ жүрек жеткіліксіздігі жоқ пациенттерден алынған деректер бүйрек жеткіліксіздігінің болуы милринонның соңғы жартылай шығарылу кезеңін едәуір ұзартатынын көрсетті. Бүйрек жеткіліксіздігінің клиникалық белгілері бар пациенттерде екпінді дозаны өзгертуге болмайды, бірақ инфузия жылдамдығын төмендегі кестеге сәйкес түзету ұсынылады.

Инфузия жылдамдығын пациенттің гемодинамикалық реакциясына сәйкес түзету керек.

Балалар

Клиникалық қолдану тәжірибесіне сәйкес, сәбилер мен балаларға арналған дозалар:

• Венаішілік екпінді доза: 30-60 минут ішінде 50-75 мкг/кг.

• Венаішілік үздіксіз инфузия: гемодинамикалық реакцияға және жағымсыз реакциялардың басталу болжамына байланысты 35 сағатқа дейінгі кезең ішінде 0,25-тен 0,75 мкг/кг/мин дейін құрайды.

Туа біткен жүрек ақауы себебімен түзету операциясынан кейін сәбилер мен 6 жасқа дейінгі балаларда аз жүрек лықсыту синдромын зерттеу кезінде 35 сағат ішіндегі 0,75 мкг/кг/мин инфузияға ұласатын 60 минут ішінде 75 мкг/кг екпінді дозаның аз жүрек лықсытуы синдромының даму қаупін едәуір төмендетуі мәлімделді.

Бүйрек функциясының бұзылуы бар пациенттер

Деректердің болмауына байланысты, милринон бүйрек жеткіліксіздігі бар балаларда қолдануға ұсынылмайды.

Ашық артериялық түтік

Артериялық түтік қаупі/ашық болатын шала туған немесе мерзіміне жетіп туған балаларда милринонды қолдану қажеттілігі туындаған жағдайда емдік қажеттілік пен осы емдеудің ықтималды қауіптерін мұқият саралау керек.

Егде жастағы пациенттер

Препарат дозасын түзету қажет емес.

Енгізу әдісі және жолы

Вена ішіне енгізу үшін.

Еріткіш ретінде 0,45% натрий хлориді ерітіндісін, 0,9% натрий хлориді ерітіндісін (физиологиялық ерітінді) немесе 5% глюкоза ерітіндісін қолдану керек.

Парентеральді енгізуге арналған дәрілік препараттарды қолданар алдында қарап тексеру керек. Қатты бөлшектері немесе түс өзгерісі болса, ерітінділерді қолдануға болмайды.

Преципитацияны болдырмау үшін фуросемид немесе буметанидті Милрикор енгізген бір ғана тамшылатқышпен енгізуге болмайды.

Милринонды натрий бикарбонаты ерітіндісімен қолдануға болмайды.

Басқа дәрілік, оның ішінде үйлесімді препараттарды Милрикормен бір мезгілде енгізуге болмайды.

Артық дозалану жағдайында қабылдау қажет болатын шаралар

Милрикордың венаішілік артық дозалануы гипотензия (вазодилатация әсеріне байланысты) мен жүрек аритмиясын тудыруы мүмкін. Осындай жағдайларда препарат дозасын азайту немесе пациенттің жай-күйі тұрақтанғанша Милрикор енгізілуін уақытша тоқтату керек. Спецификалық антидоты белгісіз, қан айналымын демеу үшін жалпы шараларды қабылдау керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препарат медициналық қызметкерлер құрамының қолдануына арналған және дозаны өткізіп алу ықтималдығы аз.

Өткізіп алған дозаны өтеу үшін препараттың екі есе дозасын енгізуге болмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты қолдану бойынша қосымша сұрақтар туындаған жағдайда емдеуші дәрігерден немесе фармацевттен кеңес алу керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- әдетте, ауырлығы жеңілден орташа дәрежеге дейінгі бас ауырулар

- қарыншалардың эктопиялық белсенділігі, тұрақсыз немесе ұзаққа созылатын қарыншалық тахикардия, қарыншаүстілік аритмия, гипотония

Жиі емес

- гипокалиемия

- тремор

- қарыншалар фибрилляциясы, стенокардия/кеуденің ауыруы

- бауырдың функционалдық сынамаларының қалып шегінен ауытқулары

- тромбоцитопения*

Өте сирек

- анафилаксиялық шок

- Torsades de pointes (TdP) (полиморфты қарыншалық немесе қарыншалар фибрилляциясына ұласатын тахикардия). Аритмиялар жиілігі милринон дозасымен немесе оның плазмадағы мөлшерімен байланысты емес. Аталған аритмиялардың өмірге қауіпті болуы сирек. Егер аритмия пайда болса, олар бұрыннан болған аритмия, метаболизмдік бұзылулар (мысалы, гипокалиемия), қанда дигоксин мөлшерінің өзгеруі және катетер енгізу сияқты белгілі бір негізгі факторлармен жиі байланысты. Клиникалық деректер милринон енгізумен байланысты аритмияның балаларда ересектердегіден сирек кездесетінін айғақтайды.

- бронх түйілуі

- бөртпе сияқты тері реакциялары

Белгісіз (қолда бар деректер негізінде бағалау мүмкін емес)

- эритроциттер саны мен гемоглобин концентрациясының төмендеуі

- қатарлас гипотензияға қатысты салдарлы бүйрек жеткіліксіздігі

- инфузия орнындағы реакциялар

Балалар

Жүйке жүйесі тарапынан бұзылулар

Белгісіз: қарыншаішілік қан құйылу

Туа біткен, отбасылық және генетикалық бұзылулар

Белгісіз: ашық артериялық түтік**

*Сәбилер мен балаларда тромбоцитопения қаупі инфузия ұзақтығының арттырылумен едәуір артады. Клиникалық деректер милринонмен байланысты тромбоцитопенияның балаларда ересектердегіден жиірек кездесетінін айғақтайды.

** Ашық артериялық түтіктің қатер шегіндегі зардаптары, әдеби деректерге сәйкес, өкпеде қан айналымы күшеюінің жүйелі өкпе ісінуімен, қан құйылумен және жүйелі қарыншаішілік қан кетумен ағзалар перфузиясының төмендеуімен және өліммен аяқталуы мүмкін некроздық энтероколитпен бірігуіне байланысты.

Балаларда препаратты қолдану қауіпсіздігі бойынша ұзақ мерзімді деректер жоқ.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір ампуланың ішінде

белсенді зат - 10.00 мг милринон,

қосымша заттар: сусыз декстроза, 1сүт қышқылы, 2натрий гидроксиді, инъекцияға арналған су.

1Сүт қышқылының 90 % ерітіндісі пайдаланылады

2Натрий гидроксидінің 10 % ерітіндісі пайдаланылады

Сыртқы түрінің, иісінің, дәмінің сипаттамасы

Механикалық қосылыстардан бос түссізден бозғылт-сары түске дейінгі мөлдір ерітінді.

Шығарылу түрі және қаптамасы

10 мл препараттан түссіз бейтарап шыныдан (I типі) жасалған ампулаларда.

1 ампула медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

4 жыл

Ұсынымдарға сәйкес 0,45% натрий хлориді ерітіндісімен, 0,9% физиологиялық немесе 5% декстроза ерітіндісімен дайындалған инфузияға арналған ерітіндіні 24 сағат ішінде пайдалану керек.

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Вем Илач Сан. ве Тидж. А.Ш.

Черкезкёй ұйымдастырылған өнеркәсіп аймағы, Караагач Ауданы, Фатих Булвари №:38, Капаклы/Текирдаг/Түркия

тел.: +90 (282) 758 13 80

e-mail: info@vemilac.com

Тіркеу куәлігінің ұстаушысы

Вем Илач Сан. ве Тидж. А.Ш.

Маслак AOS 55 ауданы, 42 Маслак көшесі A Блок Sit. №: 2/134 Сарыер/Стамбул, Түркия

тел.: +90 (212) 347 75 12/13

e-mail: info@vemilac.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ИНТЕРФАРМСЕРВИС» ЖШС

Қазақстан, Алматы облысы, Іле ауданы, Ынтымақ ауылы, Төле би к-сі, 18 үй

тел.: 8 701 787 29 35

email: aibek_babashov@mail.ru